DC MKUDE AKAGUA MIRADI YA MAJI BUBIKI, BUPIGI...AIPONGEZA RUWASA, WANANCHI WACHEKELEA ...."MATESO YETU YA MAJI YAMEFIKA KIKOMO"

Mkuu wa wilaya ya Kishapu Mhe. Joseph Modest Mkude akifungua maji kwenye moja ya vituo vya kuchotea maji katika Mradi wa maji ya bomba Mwamishoni - Nyasamba katika kata ya Bubiki unaotekelezwa na Mkandarasi Jonta Investment kwa usimamizi wa RUWASA Kishapu.

Na Kadama Malunde  - Malunde 1 blog

Mkuu wa Wilaya ya Kishapu mkoani Shinyanga Mhe. Joseph Modest Mkude amefanya ziara ya kutembelea miradi ya maji katika kata ya Bupigi na Bubiki inayotekelezwa na Wakala wa Maji na Usafi wa Mazingira Vijijini (RUWASA) kwa ajili ya kutoa huduma ya maji safi na salama kwa wananchi ili kuboresha hali ya maisha.

Mkude amefanya ziara hiyo leo Jumatano Septemba 14,2022 akiwa ameambatana na maafisa wa RUWASA wakiongozwa na Meneja wa RUWASA wilaya ya Kishapu Mhandisi Dickson Kamazima.

Miradi aliyotembelea ni pamoja na mradi wa Maji ya Bomba ambacho chanzo chake ni Kisima kirefu wa Mwamishoni - Nyasamba katika kata ya Bubiki uliojengwa kwa gharama ya shilingi milioni 967 (Tsh. 967,811,515/=) pamoja na Mradi wa maji ya bomba ambao chanzo chake ni Ziwa Victoria wa Bupigi - Butungwa katika kata ya Bupigi unaojengwa kwa gharama ya shilingi milioni 499 (Tsh. 499,514,650/=.

Akizungumza katika ziara hiyo, Mkude amesema lengo la serikali ni kuhakikisha wananchi wanapata huduma ya maji safi na salamba pamoja na kumtua mama ndoo kichwani na kumpunguzia umbali wa kwenda kutafuta maji na badala yake kumuongezea muda wa kufanya shughuli zingine za maendeleo ili kujiimarisha kiuchumi na kijamii.

Mkude ameipongeza RUWASA Kishapu kwa kusimamia vizuri mradi wa maji wa Mwamishoni - Nyasamba na kuhakikisha wanatumia vizuri fedha zilizotolewa na Serikali ya awamu ya sita inayoongozwa na Mhe. Rais Samia Suluhu Hassan kwa ajili kutoa huduma ya maji safi na salama kwa wananchi sambamba na kumtua mama ndoo kichwani.

"Nawapongeza Mkandarasi anayetekeleza mradi huu pamoja na RUWASA kwa usimamizi mzuri, mradi umekuwa na matokeo mazuri. Lengo la Mhe. Rais Samia Suluhu Hassan kuleta fedha nyingi ni kutaka kuona fedha zinaleta matokeo makubwa na kuondokana na tatizo la maji...

Licha ya kwamba mradi huu wa maji umeshaanza kuwanufaisha wananchi,wanapata huduma ya maji, Tunachohitaji kuona sasa ni mradi unakamilika mapema, kamilisheni sehemu zilizobaki ikiwemo ujenzi wa fensi ", amesema Mkude.

Mkuu huyo wa wilaya amewataka viongozi wa vijiji pamoja na wananchi kushirikiana kulinda miundombinu ya maji huku akiziagiza Jumuiya za watumiaji maji kukusanya fedha na kutumia fedha kwa ajili ya uendelevu wa mradi wa maji.

"Hongereni kwa kupata maji safi na salama, Jukumu lililobaki sasa ni kutunza miundombinu ya maji. Hiki ni kitu chenu, mmepunguza adha ya kutafuta maji kwa umbali mrefu, tunzeni mradi huu..

Wilaya ya Kishapu bado inakabiliwa na changamoto ya upatikanaji wa maji kwani tupo chini ya asilimia 60. Serikali inaendelea kutekeleza miradi mbalimbali ili kuhakikisha wananchi wanapata maji safi na salama ndani ya mita 400", ameongeza Mkude.

Akiwa katika mradi wa maji Bupigi - Butungwa, Mkuu huyo wa wilaya ya Kishapu licha ya kushuhudia huduma ya maji ikitolewa, amemtaka Mkandarasi anayetekeleza mradi huo, uliofikia 85%, Bent Company Ltd kukamilisha mradi huo haraka kwa kujenga fensi, chemba na kupaka rangi.

"Nafurahi kuona huduma ya maji imeanza kutolewa lakini Mradi huu unasuasua. Mkandarasi hakikisha unakamilisha mradi huu ndani ya wiki mbili kama ulivyoahidi. Wewe ni ndugu yangu tusiharibiane. Meneja RUWASA nakupongeza kwa kazi nzuri wananchi wanapata maji lakini nataka mradi ukamilike kwa wakati", amesema Mkude.

Naye Meneja wa RUWASA wilaya ya Kishapu,Mhandisi Dickson Kamazima amesema mradi wa maji Bupigi - Butungwa unaojengwa kwa fedha za UVIKO - 19 unatakiwa kukamilika kabla ya Septemba 30,2022 ujenzi wake umefikia 85% ukitarajiwa kuwanufaisha wananchi zaidi ya 2000 ukiwa na vituo vinne vya kuchotea maji huku mradi wa maji Mwamishoni - Nyasamba uliokamilika kwa 90% ukinufaisha wananchi zaidi ya 6500 ukiwa na vituo 13 vya kuchotea maji (DP 6 Nyasamba na Mwamishoni 7).

“Mradi wa maji wa Bupigi – Butungwa ulianza kujengwa Januari 2022 unatarajiwa kukamilika Septemba 2022. Fedha hizi ni ufadhili wa Mpango wa Maendeleo kwa ustawi wa Taifa na Mapambano dhidi ya UVIKO - 19 kutoka serikali kuu”,amesema Mhandisi Kamazima.

Aidha ametumia fursa hiyo kuwaomba wananchi wote kushirikiana kulinda miundombinu ya maji ili kuiwezesha huduma ya maji kuwa endelevu kwa manufaa ya kizazi cha leo na kijacho.

Kwa upande wao wananchi akiwemo Magdalena Stephano na Japhet Joseph na Daudi Ndaki wameishukuru serikali kuwapatia huduma ya maji safi na salama wakieleza kuwa ilikuwa changamoto ya muda mrefu walikuwa wanatumia muda mwingi kufuata maji na asilimia kubwa maji machafu kwenye mabwawa, mashimo na mito.

"Changamoto hii ya maji sasa imekwisha..Tumemaliza changamoto ya maji, Mateso yetu ya maji yamefikia kikomo", wamesema.

Mkuu wa wilaya ya Kishapu Mhe. Joseph Modest Mkude (katikati) akiangalia Tanki la maji katika Mradi wa maji ya bomba Mwamishoni - Nyasamba katika kata ya Bubiki unaotekelezwa na Mkandarasi Jonta Investment kwa usimamizi wa RUWASA Kishapu leo Jumatano Septemba 14,2022. Picha na Kadama Malunde - Malunde 1 blog

Mkuu wa wilaya ya Kishapu Mhe. Joseph Modest Mkude (katikati) akiwa amepanda kwenye ngazi za Tanki la maji katika Mradi wa maji ya bomba Mwamishoni - Nyasamba katika kata ya Bubiki unaotekelezwa na Mkandarasi Jonta Investment kwa usimamizi wa RUWASA Kishapu

Meneja wa RUWASA wilaya ya Kishapu, Mhandisi Dickson Kamazima (kulia) akimwelezea Mkuu wa wilaya ya Kishapu Mhe. Joseph Modest Mkude kuhusu ujenzi wa Mradi wa maji ya bomba Mwamishoni - Nyasamba katika kata ya Bubiki unaotekelezwa na Mkandarasi Jonta Investment kwa usimamizi wa RUWASA Kishapu.

Meneja wa RUWASA wilaya ya Kishapu, Mhandisi Dickson Kamazima akimwelezea Mkuu wa wilaya ya Kishapu Mhe. Joseph Modest Mkude kuhusu mahali panapotishwa bomba la maji katika Mradi wa maji ya bomba Mwamishoni - Nyasamba katika kata ya Bubiki unaotekelezwa na Mkandarasi Jonta Investment kwa usimamizi wa RUWASA Kishapu.

Mkuu wa wilaya ya Kishapu Mhe. Joseph Modest Mkude akizungumza jambo katika eneo la Mradi wa maji ya bomba Mwamishoni - Nyasamba katika kata ya Bubiki unaotekelezwa na Mkandarasi Jonta Investment kwa usimamizi wa RUWASA Kishapu.

Muonekano eneo la Mradi wa maji ya bomba Mwamishoni - Nyasamba katika kata ya Bubiki unaotekelezwa na Mkandarasi Jonta Investment kwa usimamizi wa RUWASA Kishapu.

Mkuu wa wilaya ya Kishapu Mhe. Joseph Modest Mkude akiendelea kukagua Mradi wa maji ya bomba Mwamishoni - Nyasamba katika kata ya Bubiki unaotekelezwa na Mkandarasi Jonta Investment kwa usimamizi wa RUWASA Kishapu.

Mkuu wa wilaya ya Kishapu Mhe. Joseph Modest Mkude akifungua maji kwenye moja ya vituo vya kuchotea maji katika Mradi wa maji ya bomba Mwamishoni - Nyasamba katika kata ya Bubiki unaotekelezwa na Mkandarasi Jonta Investment kwa usimamizi wa RUWASA Kishapu.

Mkuu wa wilaya ya Kishapu Mhe. Joseph Modest Mkude akimtwisha ndoo ya maji mmoja wa wananchi kwenye moja ya vituo vya kuchotea maji katika Mradi wa maji ya bomba Mwamishoni - Nyasamba katika kata ya Bubiki unaotekelezwa na Mkandarasi Jonta Investment kwa usimamizi wa RUWASA Kishapu.

Mkuu wa wilaya ya Kishapu Mhe. Joseph Modest Mkude akimtwisha ndoo ya maji mmoja wa wananchi kwenye moja ya vituo vya kuchotea maji katika Mradi wa maji ya bomba Mwamishoni - Nyasamba katika kata ya Bubiki unaotekelezwa na Mkandarasi Jonta Investment kwa usimamizi wa RUWASA Kishapu.

Mkuu wa wilaya ya Kishapu Mhe. Joseph Modest Mkude akizungumza kwenye kituo cha kuchotea maji katika Mradi wa maji ya bomba Mwamishoni - Nyasamba katika kata ya Bubiki unaotekelezwa na Mkandarasi Jonta Investment kwa usimamizi wa RUWASA Kishapu.

Mkazi wa Bubiki Magdalena Stephano akizungumza wakati Mkuu wa wilaya ya Kishapu Mhe. Joseph Modest Mkude akitembelea Mradi wa maji ya bomba Mwamishoni - Nyasamba katika kata ya Bubiki.

Mkazi wa Bubiki Daudi Ndaki akizungumza wakati Mkuu wa wilaya ya Kishapu Mhe. Joseph Modest Mkude akitembelea Mradi wa maji ya bomba Mwamishoni - Nyasamba katika kata ya Bubiki.

Mkazi wa Bubiki Japhet Joseph akizungumza wakati Mkuu wa wilaya ya Kishapu Mhe. Joseph Modest Mkude akitembelea Mradi wa maji ya bomba Mwamishoni - Nyasamba katika kata ya Bubiki.

Muonekano eneo la mradi wa maji Bupigi - Butungwa unaotekelezwa na Mkandarasi Bent Company Ltd kwa usimamizi wa RUWASA Kishapu ambao ujenzi wake umefikia asilimia 85 na wananchi wameanza kupata huduma ya maji safi na salama.

Muonekano sehemu ya tanki la maji la mradi wa maji Bupigi - Butungwa unaotekelezwa na Mkandarasi Bent Company Ltd kwa usimamizi wa RUWASA Kishapu ambao ujenzi wake umefikia asilimia 85 na wananchi wameanza kupata huduma ya maji safi na salama.

Meneja wa RUWASA wilaya ya Kishapu, Mhandisi Dickson Kamazima (katikati) akimwelezea Mkuu wa wilaya ya Kishapu Mhe. Joseph Modest Mkude (kushoto) kuhusu mradi wa maji Bupigi - Butungwa unaotekelezwa na Mkandarasi Bent Company Ltd kwa usimamizi wa RUWASA Kishapu ambao ujenzi wake umefikia asilimia 85 na wananchi wameanza kupata huduma ya maji safi na salama.

Mkuu wa wilaya ya Kishapu Mhe. Joseph Modest Mkude (kushoto) akihoji kwanini mradi wa maji Bupigi - Butungwa unaotekelezwa na Mkandarasi Bent Company Ltd unasua sua huku akimwagiza mkandarasi huyo kukamilisha ujenzi haraka.

Mwakilishi wa Mkandarasi Bent Company Ltd, Riziki Masoud (kulia) akimuahidi Mkuu wa wilaya ya Kishapu Mhe. Joseph Modest Mkude (kushoto) kukamilisha ujenzi mradi wa maji Bupigi - Butungwa ndani ya wiki mbili.

Mkuu wa wilaya ya Kishapu Mhe. Joseph Modest Mkude (kulia) akizungumza katika mradi wa maji Bupigi - Butungwa kata ya Bupigi.

Mkuu wa wilaya ya Kishapu Mhe. Joseph Modest Mkude (kulia) akizungumza katika mradi wa maji Bupigi - Butungwa kata ya Bupigi.

Mkuu wa wilaya ya Kishapu Mhe. Joseph Modest Mkude (kulia) akikagua chemba katika kituo cha kuchotea maji cha kijiji cha Butungwa kwenye mradi wa maji Bupigi - Butungwa kata ya Bupigi.

Mkuu wa wilaya ya Kishapu Mhe. Joseph Modest Mkude (kushoto) akikagua kituo cha kuchotea maji cha kijiji cha Butungwa kwenye mradi wa maji Bupigi - Butungwa kata ya Bupigi.

Mkuu wa wilaya ya Kishapu Mhe. Joseph Modest Mkude (katikati) akifungua maji katika kituo cha kuchotea maji cha kijiji cha Butungwa kwenye mradi wa maji Bupigi - Butungwa kata ya Bupigi.

Mkuu wa wilaya ya Kishapu Mhe. Joseph Modest Mkude (katikati) akimtwisha ndoo ya maji mwanachi katika kituo cha kuchotea maji cha kijiji cha Butungwa kwenye mradi wa maji Bupigi - Butungwa kata ya Bupigi.

Mkuu wa wilaya ya Kishapu Mhe. Joseph Modest Mkude (kushoto) akizungumza katika kituo cha kuchotea maji cha kijiji cha Butungwa kwenye mradi wa maji Bupigi - Butungwa kata ya Bupigi.

Picha na Kadama Malunde - Malunde 1 blog

Read More →

VIJANA 28 WAKAMATWA WAKISAFIRI KWENDA KUJIUNGA MAGAIDI

Polisi nchini Msumbuji imewakamata vijana 29 wanaosadikiwa kusafiri ili kujiunga na vikosi vya kijihadi katika jimbo lenye utajiri wa gesi la Cabo Delgado.

Vijana hao ambao wengi ni wadogo kiumri wakitokea katika wilaya za Memba na Nacala-Porto karibu na jimbo la Nampula , wamesema kwamba walikua wakielekea Cabo Delgado kwa ajili ya shuguli za uvuvi.

Msemaji wa polisi wa Nampula , Zacarias Nacute amesema kwamba vijana hao waliahidiwa ajira na makundi hayo ya kijihad.

Wanatarajiwa kuchukuliwa hatua za kisheria ambapo wameshakabidhiwa kwa mwendesha mashatka mkuu wa serikali. Msumbuji imekua kwenye mapambano dhii ya vikosi vya kijihadi tangu mwaka 2017.

Read More →

TANI 44 ZA VIFUNGASHIO VISIVYOKIDHI VIWANGO VYATEKETEZWA DSM.

Mkurugenzi Mkuu wa Baraza la Taifa la Hifadhi na Usimamizi wa Mazingira (NEMC), Dkt. Samuel Gwamaka akiendesha zoezi la uteketezaji wa mifuko ya plastiki ambayo imepigwa marufuku, uteketezaji huo umefanyika katika kiwanda cha Twiga Cement Jijini Dar es Salaam.Mkuu wa Wilaya ya Kinondoni Mhe.Godwin Gondwe akizungumza na waandishi wa habari leo Septemba 14,2022 wakati wa zoezi la uteketezaji wa mifuko ya plastiki ambayo imekamatwa hivi karibuni. Mkurugenzi Mkuu wa Baraza la Taifa la Hifadhi na Usimamizi wa Mazingira (NEMC), Dkt. Samuel Gwamaka akisisitiza jambo huku akionesha baadhi ya mifuko ya plastiki ambayo leo Septemba 14,2022 wamefanikiwa kuiteketeza katika kiwanda cha Twiga Cement. Gari likishusha mzigo wa mifuko ya plastiki ambayo leo Septemba 14,2022 imeteketezwa katika kiwanda cha Twiga Cement Jijini Dar es Salaam.

Mkurugenzi Mkuu wa Baraza la Taifa la Hifadhi na Usimamizi wa Mazingira (NEMC), Dkt. Samuel Gwamaka akikagua mifuko ya plastiki ambayo leo Septemba 14,2022 wameteketeza mifuko ya plastiki tani 44.4. Baadhi ya mifuko ya plastiki ikishushwa kwenye magari kwaajili ya kuteketezwa katika kiwanda cha Twiga Cement zoezi ambalo limefanyika leo Septemba 14,2022 Jijini Dar es Salaam.

(PICHA ZOTE NA EMMANUEL MBATILO)

*********************

NA EMMANUEL MBATILO, DAR ES SALAAM

BARAZA la Taifa la Hifadhi na Usimamizi wa Mazingira (NEMC) limeteketeza vifungashio tani 44.4 ambavyo vimepigwa marufuku kwa matumizi, ambapo uteketezaji huo umefanyika katika kiwanda cha Saruji cha Twiga Cement Jijini Dar es Salaam.

Akizungumza katika zoezi hilo ambalo limefanyika leo Septemba 14,2022 Mkuu wa Wilaya ya Kinondoni Mhe.Godwin Gondwe amesema katika tani 44.4 za mifuko ambayo imekamatwa na kuteketezwa, mifuko tani 41 zimekamatwa katika Wilaya ya Kinondoni.

Amesema wataendelea kuhakikisha zoezi hilo linakuwa endelevu kuhakikisha mifuko ya plastiki inaondoka katika mazingira ili kuokoa viumbe hai ambavyo vingeweza kuathirika na mifuko hiyo.

Kwa upande wake Mkurugenzi Mkuu wa Baraza la Taifa la Hifadhi na Usimamizi wa Mazingira (NEMC), Dkt. Samuel Gwamaka amesema uwepo wa vifungashio hivyo vinaathiri afya za binadamu na wanyama kwani kumekuwa na matumizi ambayo si sahihi hasa kufungashia chakula cha moto na kusababisha kumleta madhara ya kiafya kama saratani na magonjwa ya damu.

"Hivi vifungashio havitakiwi kuwa sokoni ndo maana tunachukua jukumu la kuteketeza ili kuwaonyesha wengine kwamba hivi vifungashio havipaswi kuwa kwenye mazingira kwasababu vikiingia kwenye mazingira vitaathiri ustawi wa jamii". Amesema Dkt.Gwamaka.

Aidha Dkt.Gwamaka amesema zoezi hilo linaendelea kwa mikoa mingine kukamata vifungashio hivyo, na amewataka wananchi kuacha mara moja kutumia mifuko ya plastiki ili kulinda afya zao na wanyama.

Read More →

TRA YATOA ELIMU YA KODI KWA WACHIMBAJI WA MADINI MWAKITOLYO SHINYANGA

Afisa Elimu na Huduma kwa walipa kodi TRA mkoa wa Shinyanga, Semeni Mbeshi akitoa elimu ya kodi,Matumizi ya mashine za kielektroniki za kutolea risiti (EFD Mashine) na mfumo wa kodi ya ongozeko la thamani (VAT) kwa wachimbaji na wafanyabiashara wakata ya mwaktolyo halmashauri ya Shinyanga.

Afisa Elimu na Huduma kwa walipa kodi TRA mkoa wa Shinyanga, Semeni Mbeshi akitoa elimu ya kodi,Matumizi ya mashine za kielektroniki za kutolea risiti (EFD Mashine) na mfumo wa kodi ya ongozeko la thamani (VAT) kwa wachimbaji na wafanyabiashara wakata ya mwaktolyo halmashauri ya Shinyanga.

****

 Mamlaka ya Mapato Tanzania (TRA) imeendesha semina ya Elimu ya Kodi,matumizi ya mashine za EFD na mfumo wa kodi ya ongezeko la thamani (VAT) kwa Wachimbaji wamadini waliopo katika kata ya Mwaktolyo namba 5 halmashauri ya wilaya ya Shinyanga mkoani humo kwalengo la kuwajengea uelewa wafanyabiashara na wachimbaji juu ya umuhimu wa kulipa kodi kwa hiari.

Semina hiyo ya siku moja imefanyika Jumanne 13,2022 katika eneo la stendi kata ya Mwakitolyo na kuhudhuriwa na wachimbaji wamadini pamoja na wafanya biashara mbalimbali wakiwemo wafanyabishara wa madini.

Afisa Elimu na Huduma kwa walipa kodi TRA mkoa wa Shinyanga, Semeni Mbeshi amesema lengo la semina hiyo ni kuwajengea uelewa wachimbaji na wafanyabisahara kuhusu masuala a Kodi,Matumizi ya mashine za kielektroniki za kutolea risiti (EFD Mashine) na mfumo wa kodi ya ongozeko la thamani (VAT).

"Tumekutana na wachimbaji pamoja na wafanyabiashara  kwani tunaamini kuwa wachimbaji na wafanyabiashara  ni wadau muhimu wakielewa vizuri kuhusu masuala ya kodi watasaidia pia kuielimisha jamii inayowazunguka ",amesema Semeni

Read More →

RAIS SAMIA AKUTANA NA RAIS WILLIAM RUTO

Rais wa Jamhuri ya Muungano wa Tanzania Mhe. Samia Suluhu Hassan akisalimiana na Rais wa Jamhuri ya Kenya Dkt. William Samoei Ruto mara baada ya kuwasili Jijini Nairobi nchini Kenya tarehe 13 Septemba, 2022.

Rais wa Jamhuri ya Muungano wa Tanzania Mhe. Samia Suluhu Hassan akihutubia viongozi mbalimbali pamoja na wananchi wa Kenya katika Sherehe za Uapisho wa Rais wa Jamhuri ya Kenya Dkt. William Samoei Ruto zilizofanyika kwenye uwanja wa Kasarani, Nairobi nchini Kenya tarehe 13 Septemba, 2022.Rais wa Jamhuri ya Muungano wa Tanzania Mhe. Samia Suluhu Hassan akiagana na Naibu Rais wa Jamhuri ya Kenya Mhe. Rigathi Gachagua mara baada ya Sherehe za Uapisho zilizofanyika katika uwanja wa Kasarani Jijini Nairobi, nchini Kenya tarehe 13 Septemba, 2022.

Tanzania Mhe. Samia Suluhu Hassan akiwa kwenye mazungumzo na Rais wa Jamhuri ya Kenya Dkt. William Samoei Ruto kabla ya uapisho Jijini Nairobi nchini Kenya tarehe 13 Septemba, 2022.

Rais wa Jamhuri ya Muungano wa Tanzania Mhe. Samia Suluhu Hassan akiwa pamoja na baadhi ya Marais wa nchi mbalimbali katika Sherehe za Uapisho zilizofanyika katika uwanja wa Kasarani Jijini Nairobi, nchini Kenya tarehe 13 Septemba, 2022

Rais wa Jamhuri ya Muungano wa Tanzania Mhe. Samia Suluhu Hassan akizungumza na Baadhi ya Viongozi wa Serikali ya Kenya mara baada ya kumalizika Sherehe za Uapisho zilizofanyika katika uwanja wa Kasarani Jijini Nairobi, nchini Kenya tarehe 13 Septemba, 2022.

Read More →

HAYA HAPA MAGAZETI YA LEO JUMATANO SEPTEMBA 14,2022

Tags MAGAZETI#

Read More →

ASASI ZA KIRAIA ZAPATIWA MAFUNZO MKOANI MTWARA

KATIBU Tawala wa Mkoa wa Mtwara Abdalah Malela,akizungumza wakati akifungua mafunzo ya siku mbili ya kuzijengea uwezo Asasi za kiraia juu ya uelewa wa sheria na taratibu za uendeshaji wake leo Septemba 12,2022.

MWAKILISHI wa Mtandao wa Mashirika yasiyo ya kiserekali Mkoa wa Mtwara (MRENGO) Bw.Musfafa Kwiyunga,akizungumza wakati wa mafunzo ya siku mbili ya kuzijengea uwezo Asasi za kiraia juu ya uelewa wa sheria na taratibu za uendeshaji wake leo Septemba 12,2022.

KATIBU Tawala wa Mkoa wa Mtwara Abdalah Malela,akiwa katika picha za pamoja mara baada ya kufungua mafunzo ya siku mbili ya kuzijengea uwezo Asasi za kiraia juu ya uelewa wa sheria na taratibu za uendeshaji wake leo Septemba 12,2022.

.....................................

SERIKALI Mkoani Mtwara imesema kuwa inathamini mchango wa asasi za kiraia kutokana na umuhimu wa sekta hiyo katika kuchangia na kukuza maendeleo na ustawi wa wananchi na Taifa kwa ujumla.

Kauli hiyo imetolewa Septemba 12, 2022 na Katibu Tawala wa mkoa wa Mtwara Abdalah Malela, wakati akifungua mafunzo ya siku mbili ya kuzijengea uwezo Asasi za kiraia juu ya uelewa wa sheria na taratibu za uendeshaji wake.

Mafunzo hayo yamefanyika katika ukumbi wa Boma Mjini Mtwara, kwa usimamizi wa Taasisi ya Foundation For Civil Society yenye makao yake makuu Jijini Dar es salaam yakiwa yanalenga kujenga uwezo na kuhakikisha kuwa asasi za kiraia zinaelewa mahitaji ya kisheria katika kufanya kazi.

Vile vile yana lengo la kukumbushana wajibu wa serikali katika kusimamia na kuratibu taasisi hizo, na wajibu wa Taasisi hizo katika kutimiza matakwa ya kisheria ikiwemo ulipaji wa kodi.

“Upo umuhimu mkubwa wa kukutana na kujadili masuala yanayohusu Asasi za Kiraia katika Mkoa wetu, kwa kuwa sekta hii ni muhimu katika kuchagiza maendeleo na ustawi wa wananchi, Serikali inathamini mchango na kazi zinazofanywa na Asasi hizi kwa ajili ya manufaa ya jamii na Taifa kwa ujumla”

“Tunapoikuza jamii yetu ya kitanzania tunamsaidia Mhe. Rais wa Jamhuri ya Muungano wa Tanzania Samia Suluhu Hassan kutekeleza maono yake kwenye Taifa hili na nipende kumshukuru kwani amekuwa akihamasisha tuzidi kuimarisha ushirikiano na asasi za kiraia” amesisitiza Malela

Kwa upande wake Mwakilishi wa Uratibu wa Mafunzo kutoka Taasisi ya foundation For Civil Society Rehema Malongo, amesema mafunzo hayo yalianza kutolewa mwaka 2020 baada ya sheria zinazoendesha mashirika nchini kubadilika.

Ameeleza kuwa lengo ni kuzidi kujenga uelewa juu ya sheria za nchi zinavyoelekeza, ili kuhakikisha kuwa utekelezaji wa kazi za asasi zisizo za kiserikali zinafanyika kwa mujibu wa taratibu za kisheria.

“Tunatarajia kuwa baada ya mafunzo hayo tutakuwa tumejenga uwezo na uelewa juu ya masuala muhimu, na mategemeo ni kuwa kila asasi itaenda kufanya shughuli zake kwa kuzingatia miongozo mbalimbali ya nchi” amesema Rehema Malongo.

Akiwasilisha mada kuhusu “utaratibu wa utendaji wa mashirika yasiyokuwa ya kiserikali” katibu tawala msaidizi Mkoa wa Mtwara anayeshughulikia mipango na uratibu Edna Katalaiya amesema utaratibu wa uwepo wa mafunzo ya aina hii ni muhimu kwa ajili ya kukumbushana masharti, sheria na taratibu za nchi.

Ameeleza kwamba taarifa za Mashirika yasiyo ya Kiserikali zinapatikana kwa Serikali na umma kwa ajili ya matumizi, pia kuhimiza ushirikiano wa kisekta kati ya Wizara mbalimbali katika maswala yanayohusiana na NGOs (Kifungu cha 4 (1) (a) (c) na (d).

Mada nyingine iliyowasilishwa wakati wa mafunzo hayo ilihusu “Uratibu wa Mashirika yasiyo ya Kiserikali” iliyowasilishwa na Denis Bashaka ambaye ni wakili wa Serikali kutoka Ofisi ya Msajili wa Mashirika yasiyo ya kiserikali makao makuu Dodoma.

Katika uwasilishaji wake Bashaka amewasisitiza viongozi wa mashirika yasiyo ya kiserikali kuweka wazi vyanzo vya rasilimali zinazoendesha miradi yao, matumizi yake na shughuli zinazotekelezwa.

Pia amewakumbusha kuwasilisha mikataba ya ufadhili unaozidi milioni ishirini kwa Msajili wa NGO na Hazina, pamoja na kuzingatia misingi ya uwazi na uwajibikaji wa kifedha ikiwa ni pamoja na kuepuka matumizi mabaya ya fedha za ufadhili zinazotolewa.

Kwa upande wa mshiriki Balthazar Komba ambaye ni Mjumbe wa Baraza la Taifa la Mashirika yasiyo ya kiserikali ameeleza kuwa utaratibu wa mshirika kukumbushwa juu ya kufuata kanuni na sheria za nchi ni mzuri na utasaidia kukumbushana juu ya masuala muhimu.

Naye Mullowellah Mtenda kutoka Mtwara Paralegal Center ametoa wito wa kuzidisha uhusioano baina ya serikali na mashirika yasiyo ya kiserikali na kuweke mazingira rafiki wezeshi ya kufanya kazi kwa pamoja.

“Sisi tunafanya kazi na Serikali hivyo ni wadau ambao tunatakiwa kuwa kitu kimoja ikiwa ni pamoja na kuweka mazingira rafiki ya kuwezeshana kwa namna mbalimbali pale inapohitajika” Amesema Mtenda.

Washiriki wengine waliohusika katika mafunzo hayo ni Vyama vya kidini, Vyama vya wavuvi, Vyama vya wafanyabiashara, madini na kilimo, Vyama vya wafanyakazi, Vyamam vya wafanyabiashara wanawake, vyama vya wajane, na vyama vya watu waoanishi na Virusi vya Ukimwi.

Taasisi ya Foundation for Civil Society ilianzishwa mwaka 2002 na kusajiliwa rasmi 2003, ikiwa imejikita kwenye Kutoa ruzuku na mafunzo kwa mashirika yasiyo ya kiserikali Tanzania na Zanazibar.

Read More →

RAIS SAMIA : TUNAWASHUKURU WAKENYA KWA ZAWADI YA AMANI...SASA NI MUDA WA KUIJENGA KENYA

Rais wa Jamhuri ya Muungano wa Tanzania Mhe. Samia Suluhu Hassan amewapongeza Wakenya kufanya uchaguzi mkuu kwa amani.

Rais Samia ameyasema hayo leo Jumanne Septemba 13,2022 wakati William Ruto akiapishwa kuwa Rais wa tano wa Kenya.

“Tunawapongeza sana Ndugu yetu William Ruto na Naibu Rais wake, tunampongeza ndugu zetu Wakenya tunawapongeza kwa ukomavu wa Kidemokrasia .Kama kuna zawadi mmeitoa kwa Jumuiya ya Afrika Mashariki ni zawadi ya amani wakati wa uchaguzi Mkuu. Tunawashukuru sana kwa zawadi ya amani. Sasa ni muda kujenga Kenya”,amesema Rais Samia.

William Ruto ameapishwa rasmi kuwa rais wa tano wa Jamhuri ya Kenya leo Jumanne Septemba 13,2022 katika uwanja wa Moi Kasarani katika sherehe iliyosimamiwa na msajili Mkuu wa mahakama Anne Amadi mbele ya jaji mkuu Martha Koome.

“Mimi, William Samoei Ruto, kwa kutambua kikamilifu wito wa juu ninaochukua kama Rais wa Jamhuri ya Kenya, naapa kwamba nitakuwa mwaminifu wa kweli kwa Jamhuri ya Kenya", ameapa rais mpya William Ruto akiapishwa na Msajili Mkuu wa Mahakama Anne Amadi, mbele ya Jaji Mkuu Martha Koome.

Mkewe Mama Rachel Ruto alikuwa amesimama kando yake wakati akila kiapo hicho akishuhudiwa na zaidi ya wakuu 20 wa nchi mbalimbali.

Ruto mwenye umri wa miaka 55 amekula kiapo kwa kutumia nakala ya katiba ya Kenya, wiki tano baada ya uchaguzi wa Agosti 9, akichukua hatamu za nchi iliyokumbwa na ukame na mzozo wa gharama ya maisha.

Alitangazwa mshindi mnamo Agosti 15,2022 baada ya kumshinda kiongozi wa Upinzani wa muda mrefu Raila Odinga ambaye baadaye aliomba ushindi huo katika Mahakama ya Juu ambapo kesi hiyo ilitupiliwa mbali kwa kukosa ushahidi.

Read More →

TAASISI YA WANAWAKE LAKI MOJA YAANDAA KONGAMANO LA WANAWAKE NA UTALII

Mwenyekiti Msaidizi wa Taasisi ya Wanawake laki moja, Bi.Nangasu Warema akizungumza na waandishi wa habari jana Septemba 12,2022 Jijini Dar es Salaam kuelekea Kongamano la Wanawake na Utalii linalotarajia kufanyika Oktoba 15,2022 Serena Hoteli Jijini Dar es Salaam. Mwenyekiti Msaidizi wa Taasisi ya Wanawake laki moja, Bi.Nangasu Warema akizungumza na waandishi wa habari jana Septemba 12,2022 Jijini Dar es Salaam kuelekea Kongamano la Wanawake na Utalii linalotarajia kufanyika Oktoba 15,2022 Serena Hoteli Jijini Dar es Salaam.

akizungumza na waandishi wa habari jana Septemba 12,2022 Jijini Dar es Salaam kuelekea Kongamano la Wanawake na Utalii linalotarajia kufanyika Oktoba 15,2022 Serena Hoteli Jijini Dar es Salaam.

****************

NA EMMANUEL MBATILO, DAR ES SALAAM

TAASISI ya Wanawake Laki moja wameandaa kongamano kubwa la Wanawake na Utalii kwaajili ya kuhamasisha wanawake kuhusu fursa zilizopo kwenye sekta ya Utalii ambapo kwa asilimia kubwa waliopo kwenye sekta ya Utalii ni wanawake.

Akizungumza na waandishi wa habari Jana Septemba 12,2022, Mwenyekiti Msaidizi wa Taasisi ya Wanawake laki moja, Bi. Nangasu Warema amesema kongamano hilo litafanyika Oktoba 15,2022 katika ukumbi wa Serena Hoteli Jijini Dar es Salaam na kuhudhuriwa na wadau mbalimbali wa Utalii.

"Tumeona hivi karibuni utalii umekuwa sana na Idalii ya takwimu ya Serikali imetueleza kwamba Utalii umekuwa kuanzia mwezi January mpaka julai kwa 62.7%. Sisi tumekuja kuwaeleza wanawake mbalimbali fursa zilizopo kwenye Sekta ya Utalii". Amesema Bi.Warema.

Amesema Utalii ni Sekta mtambuka ambayo imebeba mambo mbalimbali Kama watu wa Afya, Marubani, Mama Ntilie, Wasafirishaji wote kwa pamoja wanaguswa na Sekta ya Utalii.

Nae Mshauri wa Utalii na Uchumi katika Taasisi ya Wanawake laki moja Bi.Theresa Mgobi amesema Siku hiyo kutauwa na Mafunzo ambayo Mwanamke yataweza kumsaidia kiuchumi kutokana na utalii na kuepukana na Umasikini.

Aidha amesema fursa zilizopo kwenye sekta ya Utalii ni pamoja na Tehema na Utalii, ambapo watalii wanaokuja Tanzania wanapata taarifa kwa kutumia simu/ Mtandao akishafika anatumia mtandao kufika aendako ikiwa 3.1% tu ya Watalii wanaofaidika na mtandao Tanzania.

Amesema fursa nyingine ni pamoja na Utalii wa kitamaduni ambapo Tanzania kuna Makabila mbalimbali ambayo wanaweza anzisha Utalii wa Kitamaduni. Mabenki wanaweza kusaidia katika kusaidia wakina Mama wenye maono ya Utalii.

Read More →

WILLIAM RUTO AAPISHWA KUWA RAIS WA KENYA

William Ruto ameapishwa rasmi kuwa rais wa tano wa Jamhuri ya Kenya leo Jumanne Septemba 13,2022 katika uwanja wa Moi Kasarani katika sherehe iliyosimamiwa na msajili Mkuu wa mahakama Anne Amadi mbele ya jaji mkuu Martha Koome.

“Mimi, William Samoei Ruto, kwa kutambua kikamilifu wito wa juu ninaochukua kama Rais wa Jamhuri ya Kenya, naapa kwamba nitakuwa mwaminifu wa kweli kwa Jamhuri ya Kenya", ameapa rais mpya William Ruto akiapishwa na Msajili Mkuu wa Mahakama Anne Amadi, mbele ya Jaji Mkuu Martha Koome.

Mkewe Mama Rachel Ruto alikuwa amesimama kando yake wakati akila kiapo hicho akishuhudiwa na zaidi ya wakuu 20 wa nchi mbalimbali.

Ruto mwenye umri wa miaka 55 amekula kiapo kwa kutumia nakala ya katiba ya Kenya, wiki tano baada ya uchaguzi wa Agosti 9, akichukua hatamu za nchi iliyokumbwa na ukame na mzozo wa gharama ya maisha.

Alitangazwa mshindi mnamo Agosti 15,2022 baada ya kumshinda kiongozi wa Upinzani wa muda mrefu Raila Odinga ambaye baadaye aliomba ushindi huo katika Mahakama ya Juu ambapo kesi hiyo ilitupiliwa mbali kwa kukosa ushahidi.

Read More →