Habari Zilizopo Katika Magazeti ya Leo Jumapili January 3

Read More →

KATAMBI ARIDHISHWA KASI UJENZI VYUMBA VYA MADARASA, AMWAGA MAMILIONI YA FEDHA

 

 Naibu Waziri wa Nchi ofisi ya Waziri Mkuu, Kazi, Vijana na Ajira, Patrobas Katambi, (katikati) ambaye pia ni Mbunge wa Jimbo la Shinyanga Mjini, akishiriki kwenye ujenzi wa vyumba vya Madarasa katika shule ya Msingi Mlimani Old Shinyanga.

Na Marco Maduhu, Shinyanga. 

Naibu Waziri Wa nchi Ofisi ya Waziri Mkuu, Kazi, Vijana na Ajira Patrobas Katambi, ambaye pia ni Mbunge wa Jimbo la Shinyanga Mjini, ameshiriki ujenzi wa vyumba vya madarasa katika shule za msingi na sekondari manispaa ya Shinyanga, na kuridhishwa na kasi ya ujenzi wa vyumba hivyo.

Katambi alianza ziara yake Desemba 31 mwaka 2020, na leo Januari 2, 2021 amehitimisha ziara hiyo ya kushiriki na kuhamasisha ujenzi wa vyumba vya madarasa katika shule za msingi na sekondari halmashauri ya manispaa ya Shinyanga na kutoa kiasi cha fedha Shilingi Milioni 34, ili kuunga mkono ujenzi wa vyumba hivyo. 

Amesema katika ziara hiyo ameridhishwa na ujenzi wa maboma ya vyumba hivyo vya madarasa ambayo yanajengwa kwa kiwango kinachotakiwa, pamoja na kasi ya kumalizia haraka wa jenzi hizo, ili wanafunzi watakapofungua shule waanze kuyatumia kusoma na kufanya vizuri kwenye masomo yao. 

“Nashukuru sana wananchi kwa kujitoa nguvu kazi na michango yenu kushiriki kuchangia shughuli za maendeleo kwenye ujenzi huu wa vyumba vya madarasa, na mimi kama mbunge wenu nimeamua kushiriki na ninyi kwenye ujenzi huu wa vyumba vya madarasa, pamoja na kutoa fedha ili tukamilishe zoezi hili haraka na wanafunzi wasome katika mazingira mazuri,” amesema Katambi. 

“Natoa wito pia kwa wadau wa elimu, zikiwemo taasisi za kifedha, makampuni, wajitokeze kuchangia ujenzi wa miundombinu ya shule ikiwamo vifaa vya maabara na madawati, ili majengo haya yatakapokamilika na vifaa hivyo viwepo na siyo wanafunzi kuanza kukaa chini sababu ya upungufu wa madawati,” ameongeza. 

Pia ameiomba halmashauri iwe inagawa idadi sawa ya walimu hasa katika shule za pembezoni mwa mji ambazo zinakabiliwa na upungufu wa walimu ikilinganishwa na idadi ya wanafunzi. 

“Mfano katika shule ya msingi Twendepamoja iliyopo Mwamalili, ina jumla ya Wanafunzi 984, lakini kuna walimu Watano tu, na mmoja nimepewa taarifa anataka kuondoka hivyo itabakiwa na walimu Wanne kwa shule nzima, hili si sawa naomba uwiano uwepo kwa shule za mjini na pembezoni mwa mji, ili watoto wetu wafundishike na kufaulu,”ameeleza Katambi. 

Katika hatua nyingine ameipongeza halmashauri ya manispaa ya Shinyanga kwa kuanzisha kiwanda chao cha ufyatuaji wa matofali, ambayo wanayatumia kwenye ujenzi wa miradi mbalimbali ya Serikali na kuokoa gharama pamoja na kujenga majengo kwa kiwango kinachotakiwa sababu ya uimara wa matofari hayo. 

Naye Mstahiki Meya wa manispaa ya Shinyanga David Nkulila, amesema kasi ambayo imeonekana kwenye ujenzi huo wa vyumba vya madarasa, ndiyo kasi ambayo wataendelea nayo kwenye utekelezaji wa miradi mbalimbali ya maendeleo kwa wananchi, ili kuendana na kasi ya Rais John Magufuli. 

Kwa upande wake Mkurugenzi wa Manispaa ya Shinyanga Geofrey Mwangulumbi amesema Serikali inashirikiana kikamilifu na wananchi kwenye ujenzi huo wa vyumba vya madarasa, na kubainisha katika Halmshauri hiyo inaupungufu wa vyumba 100, kwa shule za Msingi upungufu wa vyumba 64 na Sekondari vyumba 34. 

Nao baadhi ya wanafunzi David Sharif anayesoma darasa la nne katika shule ya Msingi Ng’wihando, amemshukuru Mbunge Katambi kwa kushiriki kujenga vyumba hivyo vya madarasa, pamoja na Rais John Magufuli kwa kutoa elimu bila malipo ambayo imewafanya wasome ili kutumiza ndoto zao, huku akisema ndoto zake ni kuja kuwa Mbunge. 

TAZAMA PICHA HAPA CHINI 

 

Naibu Waziri wa nchi Ofisi ya Waziri Mkuu, Kazi, Vijana, na Ajira, Patrobas Katambi ambaye pia ni Mbunge wa Jimbo la Shinyanga Mjini, akielezea hitimisho la ziara yake ya ushiriki na uhamasishaji ujenzi wa vyumba vya madarasa, kushoto ni Mstahiki Meya wa manispaa ya Shinyanga David Nkulila na kushoto ni Mkurugenzi wa manispaa ya Shinyanga Geofrey Mwangulumbi.

Mstahiki Meya wa Manispaa ya Shinyanga David Nkulila, akizungumza kwenye hitimisho la ziara ya Naibu Waziri wa nchi Ofisi ya Waziri Mkuu, Kazi, Vijana, na Ajira, Patrobas Katambi, wa kwanza kulia ambaye pia ni Mbunge wa Jimbo la Shinyanga Mjini, kushoto ni Afisa elimu wa Shule za msingi manispaa ya Shinyanga Neema Mkanga.

Mkurugenzi wa manispaa ya Shinyanga Geofrey Mwangulumbi, akizungumza kwenye hitimisho la ziara ya Naibu Waziri Ofisi ya Waziri Mkuu, Kazi, Vijana na Ajira, Patrobas Katambi ambaye pia ni Mbunge wa Jimbo la Shinyanga Mjini.

 Naibu Waziri Ofisi ya Waziri Mkuu, Kazi, Vijana na Ajira, Patrobas Katambi ambaye pia ni Mbunge wa Jimbo la Shinyanga Mjini (katikati), akishiriki ujenzi wa vyumba vya madarasa katika shule ya Masingi Mlimani iliyopo Kata ya Old Shinyanga.

Naibu Waziri Ofisi ya Waziri Mkuu, Kazi, Vijana na Ajira, Patrobas Katambi ambaye pia ni Mbunge wa Jimbo la Shinyanga Mjini akikagua ukuta wa Jengo la Shule ya Sekondari Kolandoto na kubaini kuwa umejengwa kwa kiwango kinachotakiwa.

Ukaguzi wa ujenzi wa vyumba vya madarasa katika shule ya Sekondari Kolandoto ukiendelea.

Muonekano wa Jengo la vyumba vya madarasa katika Shule ya Sekondari Kolandoto.

Naibu Waziri Ofisi ya Waziri Mkuu, Kazi, Vijana na Ajira, Patrobas Katambi ambaye pia ni Mbunge wa Jimbo la Shinyanga Mjini, katikati, akiangalia Ramani ya ujenzi wa Shule mpya ya Msingi Ibadakuli, Kushoto ni Mwenyekiti wa CCM Wilaya ya Shinyanga Abubakari Gulam, na kulia ni Mkurugenzi wa Manispaa ya Shinyanga Geofrey Mwangulumbi.

Muonekano wa Jengo la Shule mpya ya msingi Ibadakuli manispaa ya Shinyanga.

Naibu Waziri Ofisi ya Waziri Mkuu, Kazi, Vijana na Ajira, Patrobas Katambi ambaye pia ni Mbunge wa Jimbo la Shinyanga Mjini, mwenye tisheti ya Njano, akiangalia ujenzi chumba cha darasa Katika shule ya Msingi Twendepamoja iliyopo Mwamalili manispaa ya Shinyanga.

Naibu Waziri Ofisi ya Waziri Mkuu, Kazi, Vijana na Ajira, Patrobas Katambi ambaye pia ni Mbunge wa Jimbo la Shinyanga Mjini, mwenye tisheti ya njano, akiangalia ujenzi wa Shule mpya ya Sekondari Mwangulumbi, iliyopo Kata ya Chibe manispaa ya Shinyanga.

Muonekano wa baadhi ya majengo ya madarasa katika Shule mpya ya Sekondari Mwangulumbi iliyopo Chibe Manispaa ya Shinyanga.

Naibu Waziri Ofisi ya Waziri Mkuu, Kazi, Vijana na Ajira, Patrobas Katambi ambaye pia ni Mbunge wa Jimbo la Shinyanga Mjini, akishiriki kwenye usafishaji wa eneo la Shule Mpya ya Sekondari Mwangulumbi iliyopo Chibe Manispaa ya Shinyanga.

 

Awali Naibu Waziri Ofisi ya Waziri Mkuu, Kazi, Vijana na Ajira, Patrobas Katambi ambaye pia ni Mbunge wa Jimbo la Shinyanga Mjini, katikati mwenye mavazi ya njano, akiwa kwenye ziara ya kukagua ujenzi wa shule mpya ya Sekondari Mwangulumbi iliyopo Chibe Manispaa ya Shinyanga.

Awali Naibu Waziri Ofisi ya Waziri Mkuu, Kazi, Vijana na Ajira, Patrobas Katambi ambaye pia ni Mbunge wa Jimbo la Shinyanga Mjini, katikati mwenye mavazi ya njano, akisikiliza taarifa ya ujenzi wa vyumba vya Madarasa katika shule ya Msingi Mlimani Old Shinyanga, akisoma taarifa hiyo ni Mwalimu wa Shule hiyo Judith Julius.

Awali Naibu Waziri Ofisi ya Waziri Mkuu, Kazi, Vijana na Ajira, Patrobas Katambi ambaye pia ni Mbunge wa Jimbo la Shinyanga Mjini, katikati mwenye mavazi ya njano, akisikiliza taarifa ya ujenzi wa vyumba vya Madarasa katika shule ya Msingi Mwalugoye, iliyosomwa na Mwalimu wa Shule hiyo Peter Bangili. 

Awali Naibu Waziri Ofisi ya Waziri Mkuu, Kazi, Vijana na Ajira, Patrobas Katambi ambaye pia ni Mbunge wa Jimbo la Shinyanga Mjini, katikati mwenye mavazi ya njano, akiwasisitiza baadhi ya wanafunzi wa Shule ya Msingi Ng'wihando wasome kwa bidii na kutimiza ndoto zao ambapo Serikali inawajengea miundombinu imara ya shule pamoja na kusoma bure.

Naibu Waziri Ofisi ya Waziri Mkuu, Kazi, Vijana na Ajira, Patrobas Katambi ambaye pia ni Mbunge wa Jimbo la Shinyanga Mjini, mwenye kofia nyeusi, akiwa katika kiwanda cha Halmashauri ya Manispaa ya Shinyanga cha kufyatua Matofali.

Naibu Waziri Ofisi ya Waziri Mkuu, Kazi, Vijana na Ajira, Patrobas Katambi ambaye pia ni Mbunge wa Jimbo la Shinyanga Mjini, mwenye nguo ya njano, akimpongeza Mkurugenzi wa Halmashauri ya manispaa ya Shinyanga Geofrey Mwangulumbi kwa kazi nzuri aliyoifanya ya kusimamia vizuri ujenzi wa vyumba vya madarasa, kushoto ni Mstahiki Meya wa manispaa ya Shinyanga David Nkulila.

Naibu Waziri Ofisi ya Waziri Mkuu, Kazi, Vijana na Ajira, Patrobas Katambi ambaye pia ni Mbunge wa Jimbo la Shinyanga Mjini, mwenye nguo ya njano, akihitimisha ziara yake kushiriki ujenzi wa vyumba vya madarasa, na kwenda kula chakula kwa Mama lishe kwenye eneo la Soko la Nguzo Nane.

Viongozi wakiendelea kula chakula kwa Mama lishe kwenye eneo la Soko la Nguzo Nane manispaa ya Shinyanga mara baada ya kuhitimisha ziara ya Naibu Waziri wa Nchi Ofisi ya Waziri Mkuu, Kazi, Vijana, na Ajiram Patrobas Katambi ambaye pia ni Mbunge wa Jimbo la Shinyanga Mjini, ya kushiriki ujenzi wa vyumba vya Madarasa.

Na Marco Maduhu- Shinyanga.

Read More →

JESHI LA POLISI SHINYANGA LAKANUSHA TAARIFA ZA DEREVA WA LORI ALIYEPIGWA NA ABIRIA WA BASI LA FRESTER KUFARIKI DUNIA

 

Kamanda wa Jeshi la Polisi Mkoa wa Shinyanga ACP Debora Magiligimba

***

Jeshi la Polisi Mkoa wa Shinyanga limekanusha taarifa zinazoenea mtandaoni kuwa dereva wa lori aliyeshambuliwa kwa kupigwa ngumi na mateke na abiria wa Basi la Frester kwa madai ya kutaka kusababisha ajali, amefariki dunia baada ya kuwa chini ya uangalizi wa madaktari hospitali alikokuwa amelazwa kwamba aliumia kwa ndani.

Akizungumza na Malunde 1 blog, Kamanda wa Polisi Mkoa wa Shinyanga ACP Debora Magiligimba amesema taarifa za kwamba dereva huyo amefariki dunia ni za uongo na kuwataka wananchi kutumia vizuri mitandao ya kijamii kwani ni kosa kisheria kueneza taarifa za uongo.

"Baada ya Jeshi la polisi kuona taarifa hizo mtandaoni tumefuatilia na kubaini ni uzushi tu. Ni taarifa ya uongo, nimempigia mimi huyo dereva Emmanuel Norbert Musuya aliyeshambuliwa, yupo salama anaendelea na majukumu yake ya kila siku",amesema Kamanda Magiligimba.

Dereva wa Lori Emmanuel Nobert Msuya (30) mwenye shati la bluu akishambuliwa kwa ngumi na mateke na abiria wa basi la Frester wakimtuhumu kutaka kusababisha ajali eneo la Samuye barabara ya Shinyanga - Mwanza Desemba 21,2020 majira ya saa 11 jioni katika kijiji cha Samuye,kata ya Samuye wilaya ya Shinyanga.

 Soma pia:

POLISI SHINYANGA WAMKAMATA DEREVA, ABIRIA BASI LA FRESTER WALIOMPA 'KICHAPO' DEREVA WA LORI

Read More →

KAMATI YA FEDHA,UONGOZI NA MIPANGO YAANZA KUCHUNGUZA MAGARI YA HALMASHAURI

Waliovaa majoho,kulia ni Mkurugenzi wa Halmashauri ya wilaya ya Tarime Apoo Tindwa,kushoto ni Mwenyekiti wa halmashauri ya wilaya ya Tarime ambaye pia ni Diwani wa kata ya Nyakonga.

Madiwani wa halmashauri ya wilaya Tarime

****

Na Dinna Maningo,TARIME

KAMATI ya Fedha,Uongozi na Mipango imeanza kuchunguza magari ya halmashauri ya wilaya ya Tarime ambayo baadhi hayakuorodheshwa kwenye taarifa ya mali za halmashauri na hivyo madiwani kuagiza ufanyike uchunguzi wa utambuzi wa magari.

Kamati hiyo yenye wajumbe 12 akiwemo mbunge Mwita Waitara imeanza uchunguzi Desemba 31,2020 na itakabidhi ripoti yake Januari 11,2021 katika kikao cha baraza la Madiwani kama iliyoagizwa na Baraza la Madiwani katika kikao cha Desemba 21,2020.

Katika kikao cha Madiwani ilibainika kutokuwepo kwa baadhi ya mali za halmashauri wakati wa uwasilishwaji wa taarifa ya Mkurugenzi wa Halmashauri ya wilaya ya Tarime Apoo Tindwa  juu ya mali za halmashauri iliyowasilishwa mbele ya Baraza la Madiwani.

Mwenyekiti wa halmashauri ya wilaya ya Tarime ambaye pia ni Diwani wa kata ya Nyakonga Simion Samwel alisema kuwa kamati hiyo itafanya uchunguzi wa mali zote za halamsahuri ambapo wameanza na uchunguzi wa magari.

Samwel alisema kuwa taarifa ya mali iliyowasilishwa ilibainika kutokuwepo kwa baadhi ya mali yakiwemo magari,nyumba za watumishi,Jenereta huku gari lingine likiwa limeandikwa kwa namba bandia ambalo lilikuwa limefichwa.

"Kwenye ile taarifa ilionyesha kuna magari 13 na trekta moja lakini magari yaliyopo ni 18 mbali na hilo trekta pamoja na gari ambalo lilikuwa limefichwa,kuna gari SM 5142  landcluza pikapu la utawala ambalo ni namba bandia hakuna gari lenye hizo namba,gari halisi lililopo ni SM 5241ambalo lilikuwa limefichwa kwenye gereji moja" alisema Samwel.

Mwenyekiti huo alisema kuwa kutokana na utata huo alilazimika kutoa usafiri wake kwa wajumbe wa kamati hiyo na kwenda mkoani Mwanza kubaini magari yaliyoko gereji kwenye matengenezo.

"Nilisema siwezi kupokea taarifa ambayo haina ukweli bila kujiridhisha,tulikuta magari mwili moja linadaiwa zaidi ya milioni 15 na lingine zaidi ya milioni 29 yakiwemo na madeni ya nyuma tangu mwaka 2017,kamati itafatilia kujua magari yaliyopo,mazima,mabovu na kama yote yapo"alisema Samwel.

Hata hivyo mwandishi wa gazeti hili alimpigia simu Mkurugenzi wa Halmashauri Apoo Tindwa kupata ufafanuzi na sababu za baadhi ya mali kutoonekana kwenye taarifa hakuwa na mengi zaidi ya kusema;

" Wamefatilia magari yote yapo,hilo jenereta lipo isipokuwa baadhi yalisaulika kuorodheshwa na marekebisho yamefanyika"alisema Tindwa.

Read More →

JIKO LA MKAA LAUA WATU WATANO WA FAMILIA MOJA

Familia nzima ya watu watano imepatikana imeangamia ndani ya nyumba yao mtaani Githurai 45, katika kaunti ya Kiambu nchini Kenya.

Kulingana na polisi, familia hiyo inashukiwa kuvuta hewa yenye sumu ya carbon monoxide kutoka kwa jiko ya mkaa.

 Akithibitisha kisa hicho OCPD Phineas Lingera alisema mwanamume alikuwa muuzaji wa mahindi katika eneo hilo na inashukiwa huenda alikuwa anapika chakula hicho kwenye jiko usiku. 

“Tunaamini alilala sana na kusahau kuzima moto. Familia hiyo huenda ilifariki kutokana na kukosa hewa baada ya kuvuta carbon monoxide,” alisema Lingera. 

Majirani walianza kuwa na wasiwasi baada ya mwanamume huyo kukosa kufungua biashara yaike kama kawaida. Walibisha mlangni pake ambao ulikuwa umefungwa na ndan lakini hawakufunguliwa. Miili imepelekwa katika Hifadhi ya Nairobi City. 

Read More →

MLEZI WA SKAUTI MIKOA YA NYANDA ZA JUU KUSINI AFANYA ZIARA MKOANI MBEYA

 

Kamishna Mkuu Msaidizi wa Skauti Tanzania anayeshughulikia makambi na mazingira ambaye pia ni mlezi wa mikoa ya  Nyanda za Juu Kusini ya Mbeya, Ruvuma na Iringa, Mary Anyitike.

Kamishna Mkuu Msaidizi wa Skauti Tanzania anayeshughulikia makambi na mazingira ambaye pia ni mlezi wa mikoa ya Mbeya, Ruvuma na Iringa, Mary Anyitike akisalimiana na Kamishna wa Skauti Mkoa wa Mbeya, Sadock Ntole baada ya kuwasili mkoani Mbeya.

Kamishna Mkuu Msaidizi wa Skauti Tanzania anayeshughulikia makambi na mazingira ambaye pia ni mlezi wa mikoa ya Mbeya, Ruvuma na Iringa, Mary Anyitike akisaini kitabu cha wageni. Kushoto ni Kamishna Msaidizi wa Skauti Wilaya ya Chunya, Mwalimu Alex Nyangwa na kulia ni Kamishna wa Skauti Mkoa wa Mbeya, Sadock Ntole.

Kamishna Mkuu Msaidizi wa Skauti Tanzania anayeshughulikia makambi na mazingira ambaye pia ni mlezi wa mikoa ya Mbeya, Ruvuma na Iringa, Mary Anyitike (katikati) akiwa na viongozi wa Skauti Mkoa wa Mbeya. Kulia ni Kamishna Msaidizi wa Skauti Wilaya ya Chunya, Mwalimu Alex Nyangwa na kushoto ni Kamishna wa Skauti Mkoa wa Mbeya, Sadock Ntole.

Kamishna Mkuu Msaidizi wa Skauti Tanzania anayeshughulikia makambi na mazingira ambaye pia ni mlezi wa mikoa ya Mbeya, Ruvuma na Iringa, Mary Anyitike (katikati) akiwaelekeza jambo viongozi wa Skauti Mkoa wa Mbeya. Kulia ni Kamishna Msaidizi wa Skauti Wilaya ya Chunya, Mwalimu Alex Nyangwa na kushoto ni Kamishna wa Skauti Mkoa wa Mbeya, Sadock Ntole

Mjumbe wa Bodi wa Skauti, Christopher Mwasambili (kulia) akizungumza kwenye kikao cha bodi.

Mwenyekiti wa Bodi wa Skauti, Dkt.Julius Kaijage (kushoto) akiwa na Kamishna Mkuu Msaidizi anayeshughulikia Makambi na Mazingira, Mary Anyitike  (katikati) na Kamishna wa Skauti Mkoa wa Mbeya, Sadock Ntole.

 Kamishna Mkuu Msaidizi anayeshughulikia Makambi na Mazingira, Mary Anyitike, akikagua eneo la uwanja wa Skauti mkoani humo.

Kamishna Mkuu Msaidizi anayeshughulikia Makambi na Mazingira, Mary Anyitike, akizungumza na wananchi na wafanya biashara ndogo ndogo wanaoishi jirani na uwanja huo . 

Wananchi na wafanyabiashara ndogo ndogo wanaoishi jirani na uwanja huo .wakimsikilza Kamishna Mkuu Msaidizi anayeshughulikia Makambi na Mazingira, Mary Anyitike (hayupo pichani)

Na Dotto Mwaibale, Mbeya

KAMISHNA Mkuu Msaidizi wa Skauti Tanzania anayeshughulikia makambi na mazingira ambaye pia ni mlezi wa mikoa ya Mbeya, Ruvuma na Iringa, Mary Anyitike amefanya ziara ya kikazi ya siku moja mkoani Mbeya.

Akizungumza na waandishi wa habari mkoani hapa juzi, Anyitike alisema kuwa lengo la ziara hiyo ilikuwa ni kuangalia utendaji kazi na kutembelea Uwanja wa Skauti  wa Ally Hassan Mwinyi uliopo  mkoani humo.

" Lengo la ziara hii ya siku moja ilikuwa ni kuangalia utendaji kazi na kutembelea uwanja wetu ambapo   pia  nilipata nafasi ya kuzungumza na baadhi ya wajumbe wa bodi ya skauti mkoani hapa na kuhudhuriwa na Mwenyekiti wa Bodi wa Skauti, Dkt.Julius Kaijage." alisema Anyitike.

Aidha Anyitike alisema kuwa katika ziara hiyo alipata fursa ya kuzungumza na wananchi wanaoishi jirani na uwanja huo na wafanya biashara ndogo ndogo  kwa lengo la kujua changamoto zinazowakabili ili kuzipatia ufumbuzi na kudumisha ujirani mwema.

Kamishna wa Skauti Mkoa wa Mbeya, Sadock Ntole alisema ziara hiyo ya kikazi ya Anyitike imewapa mori zaidi wa kazi  na kuwa ujumbe walioupata ataufikisha katika wilaya zote za mkoa huo.

"Tumefarijika sana na ziara ya mlezi wetu na yote aliyotuelekeza tutayafanyia kazi" alisema Ntole.

Read More →

AFISA MAENDELEO YA JAMII MSAIDIZI DARAJA LA II at Halmashauri ya Wilaya ya Kasulu

POST AFISA MAENDELEO YA JAMII MSAIDIZI DARAJA LA II – 1 POST POST CATEGORY(S) SOCIOLOGY, POLITICAL SCIENCE, COMMUNITY AND SOCIAL DEVELOPMENT EMPLOYER Halmashauri ya Wilaya ya Kasulu APPLICATION TIMELINE: 2020-12-31 2021-01-13 JOB SUMMARY NA   The deadline for submitting the application is 13 January, 2021 CLICK HERE TO APPLY

The post AFISA MAENDELEO YA JAMII MSAIDIZI DARAJA LA II at Halmashauri ya Wilaya ya Kasulu appeared first on Udahiliportal.com.

Read More →

AFISA MAENDELEO YA JAMII MSAIDIZI DARAJA II at Halmashauri ya Wilaya ya Igunga

POST AFISA MAENDELEO YA JAMII MSAIDIZI DARAJA II – 1 POST POST CATEGORY(S) SOCIOLOGY, POLITICAL SCIENCE, COMMUNITY AND SOCIAL DEVELOPMENT EMPLOYER Halmashauri ya Wilaya ya Igunga APPLICATION TIMELINE: 2020-12-31 2021-01-13 JOB SUMMARY NA   The deadline for submitting the application is 13 January, 2021 CLICK HERE TO APPLY

The post AFISA MAENDELEO YA JAMII MSAIDIZI DARAJA II at Halmashauri ya Wilaya ya Igunga appeared first on Udahiliportal.com.

Read More →

AFISA MAENDELEO YA JAMII MSAIDIZI DARAJA LA II at Halmashauri ya Manispaa ya Musoma

POST AFISA MAENDELEO YA JAMII MSAIDIZI DARAJA LA II – 1 POST POST CATEGORY(S) SOCIOLOGY, POLITICAL SCIENCE, COMMUNITY AND SOCIAL DEVELOPMENT EMPLOYER Halmashauri ya Manispaa ya Musoma APPLICATION TIMELINE: 2020-12-31 2021-01-13 JOB SUMMARY NA        The deadline for submitting the application is 13 January, 2021 CLICK HERE TO APPLY

The post AFISA MAENDELEO YA JAMII MSAIDIZI DARAJA LA II at Halmashauri ya Manispaa ya Musoma appeared first on Udahiliportal.com.

Read More →

PROCUREMENT & STORES MANAGER at TADB

BACKGROUND OF TADB Tanzania Agricultural Development Bank Limited (TADB) is a Government Institution established under the Companies Act, 2002 and licensed under the provisions of the Banking and Financial Institutions Act No 5 of 2006 and the Banking and Financial Institutions (Development Finance) Regulations, 2012. The bank has the following key objectives: To catalyze credit […]

The post PROCUREMENT & STORES MANAGER at TADB appeared first on Udahiliportal.com.

Read More →

11 Teachers and Other Job Opportunities at Helasita Secondary School

History Helasita Secondary School was established under Company’s Act, Cap.16 of 2002 with mandate to provide education services. The school philosophy is to train students holistically by promoting such skills as; critical and independent thinking, creativity, innovation, communication, rational decision making, team work and adaptability to different environmental contexts just to mention a few. Join […]

The post 11 Teachers and Other Job Opportunities at Helasita Secondary School appeared first on Udahiliportal.com.

Read More →

Professional Cleaners at Blue Sapphire Hall

ABOUT US   Blue Sapphire Hall located at Jangwani Beach (opp. Ramada Resort) is a one stop events venue with modern facilities that hosts various events ranging from conference hall, wedding services, exhibitions (Local & International) and corporate events. IDEAL FOR: WEDDINGS | SEND OFF | CORPORATE EVENTS | EXHIBITION Posts available : 2 Gender  […]

The post Professional Cleaners at Blue Sapphire Hall appeared first on Udahiliportal.com.

Read More →

55 Government Job Opportunities at The University of Dar es Salaam (UDSM) – Various Posts

Overview: The University of Dar es Salaam is the oldest and biggest public university in Tanzania. It is situated on the western side of the city of Dar es Salaam, occupying 1,625 acres on the observation hill, 13 kilometers from the city centre. It was established on 1st July 1970, through parliament act no. 12 […]

The post 55 Government Job Opportunities at The University of Dar es Salaam (UDSM) – Various Posts appeared first on Udahiliportal.com.

Read More →

Uingereza sasa rasmi iko nje ya umoja wa Ulaya

Nchi ya Uingereza, imeanza ukurasa mpya wa kujitegemea kutoka umoja wa Ulaya, baada ya usiku wa kuamkia jana kukamilisha rasmi safari ya kujitoa kwenye umoja huo.

Uingereza, iliacha kufuata sheria za umoja wa Ulaya kuanzia saa sita usiku kuamkia Ijumaa, ambapo sasa itakuwa na sheria zake za kusafiri, biashara, uhamiaji na usalama.

Waziri mkuu wa Uingereza, Boris Johnson, amesema "uhuru uko mikononi mwao" na kuwa na uwezo wa "kufanya vitu tofauti na kwa namna bora", akisema mchakato wa muda mrefu wa kujitoa umekamilika.

Licha ya hatua hii, wanasiasa na watu waliopinga nchi hiyo kujitoa umoja wa Ulaya, wanasema hali itakuwa mbaya zaidi.

Waziri wa kwanza wa Uscotishi, Nicola Sturgeon, ambaye mara zote amekuwa akitaka nchi yake kubaki kwenye umoja wa Ulaya, amesema kupitia ukurasa wake wa kijamii wa twitter "Scotland itarejea karibuni kwenye umoja wa Ulaya, kuweni na imani".

Mawaziri wa Uingereza, wameonya kuhusu uwezekano wa kushuhudiwa sintofahamu katika baadhi ya mambo, wakati huu taifa hilo likitekeleza sheria zake tofauti na zile za umoja wa Ulaya.

 

-RFI

Read More →

Benard Membe Atangaza Kung'atuka ACT- Wazalendo

Aliyekuwa mgombea urais kupitia chama cha ACT Wazalendo, Bernard Membe ametangaza rasmi kujiuzulu uanachama na  nafasi ya mshauri mkuu wa chama hicho.

Amesema kwa sasa, atabakia kuwa mshauri kitaifa na kimataifa wa kushughulikia na kupigia debe masuala ya demokrasia kwa taifa lake.

Hatua ya kujiuzulu ameitangaza kijiji kwao Rondo- Chiponda Mkoani Lindi, nchini Tanzania jana Ijumaa tarehe 01 Januari 2021, wakati akizungumza na DW.

Hata hivyo, hakutoa ufafanuzi zaidi juu ya sababu ya kuchukua maamuzi hayo.

Membe amesema,tayari ameandika barua ya kujiuzulu kwa kiongozi wa ACT-Wazalendo, Zitto Kabwe kama utaratibu unavyotaka.

Hata hivyo, waziri huyo wa zamani wa mambo ya nje wa Tanzania katika utawala wa awamu ya nne ya Jakaya Mrisho Kikwete amesema, kwa sasa ni mapema kubainisha mwelekeo wake unaofuata katika vyama vya siasa.

Membe aliyewahi kuwa Waziri wa Mambo ya Nje wa Tanzania kati ya 2007 hadi 2015 ametangaza uamuzi huo leo akiwa nyumbani kwake kijijini Rondo Chiponda, Wilaya ya Mtama Mkoani Lindi ambapo amesema hajafanya uamuzi huo kwa shinikizo lolote na kwamba kwa sasa atakuwa mshauri wa masuala mbalimbali yanayoihusu nchi ya Tanzania na kupigania demokrasia ya kweli.

Mwanadiplomasia huyo alitangaza kuhamia Chama cha ACT Wazalendo miezi michache kabla ya uchaguzi mkuu wa Tanzania mwaka 2020 baada ya kufukuzwa uanachama wa Chama Cha Mapinduzi (CCM) tarehe 28 Februari 2020 na Kamati Kuu ya chama hicho, kisha uamuzi huo kubarikiwa na Mkutano wa Halmashauri Kuu ya CCM (NEC), tarehe 10 Julai 2020.

Membe alifukuzwa kwa tuhuma za ukiukwaji wa maadili ya CCM, pamoja na kuonywa mara kadhaa, pasina kubadilika.

Baada ya kuhamia ACT Wazalengo, Membe alitangaza kugombea kiti cha Urais wa Jamhuri ya Muungano wa Tanzania kupitia chama hicho.

Read More →

Taarifa Ya Mamlaka ya Mapato Tanzania (TRA) ya Makusanyo Ya Kodi Mwezi Desemba 2020

Mamlaka ya Mapato Tanzania (TRA) imevunja rekodi kwa kukusanya mapato ya Shilingi Trilioni 2.088 ikiwa ni sawa na ongezeko la asilimia 101, katika robo ya pili ya mwaka wa fedha wa 2020/2021 ikilinganishwa na Shilingi Trilioni 1.664 iliyokusanywa katika robo ya kwanza iliyoishia mwezi Septemba mwaka 2020.

Akitoa taarifa hiyo jijini Dar es salaam, Kamishna Mkuu wa TRA Dkt Edwin Mhede amesema, kiwango hicho cha ukusanyaji.mapato kimevuka lengo walilojiwekea la kukusanya Shilingi Trilioni 2.072.

Amewaambia Waandishi wa habari kuwa, ongezèko hilo la ukusanya mapato kwa kiasi kikubwa limechangiwa na mwamko wa Walipa kodi ambao wamekuwa wakilipa kodi zao kwa hiari.

Kwa mujibu wa Dkt Mhede, Idara ya walipa kodi wakubwa  kwa  mwezi Desemba mwaka 2020 pekee ilikusanya takribani Shilingi Trilioni Moja, Idara ya forodha ilikusanya mapato ya asilimia 97 ikikuatiwa na Idara ya walipa kodi.

Read More →

NFRA Wajipange kununua Mahindi mengi kwa Wakulima – RC Wangabo

Wakati Utekelezaji wa lengo la Serikali kupitia Wakala wa Taifa wa Hifadhi ya Chakula (NFRA) la kuweka mfumo wa kisasa wa kutunza mazao kufikia asilimia 80. Wakala hao wameshauriwa kujiandaa kununua mahindi mengi Zaidi ili kuwahakikishia wakulima soko la mazao yao katika kipindi cha msimu wa 2020/2021

Mkuu wa Mkoa wa Rukwa Mh. Joachim Wangabo amesema kuwa ni vyema NFRA wakaongeza fedha za kununua mahindi na kisha kutafuta soko nje ya nchi hasa katika nchi za Jumuiya ya Maendeleo Kusini mwa Afrika (SADC) Pamoja na nchi nyingine ili kuwapa fursa wakulima nchini kufanya biashara na NFRA ili kuepuka kuhangaika kutafuta soko la mazao yao.

“Mkoa wa Rukwa tumezalisha tani za mahindi tani 585,000 na matumizi yetu ya ndani ni tani 291,000 kwahiyo tulikuwa tuna ziada ya tani 294,000, sasa ukiangalia kwamba tani 294,000 halafu mahindi yananunuliwa tani 11,000 kwahiyo mahindi mengi yalibaki ndio kikawa kilio cha wakulima wa mkoa wetu wa Rukwa kwahiyo nategemea kwamba ukamilishwaji wa vihenge hivi NFRA itakuwa na uwezo wa kuchukua tani 58,500, hii kwa sisi mkoa wa Rukwa ni sawa na kuingiza na kutoa ili wawauzie watu wengine.”

“Kwahiyo niwaombe NFRA ndio wamekuwa mkombozi sasa kwa wakulima, mjipange vizuri ili kuongeza fedha muweze kununua mahindi mengi kwa wakulima vinginevyo wakulima watakata tamaa na sasa wanaendelea kuzalisha baada ya kuona kwamba hivi vihenge hapa vinakwenda kukamilika kwahiyo uwezo wa NFRA utakuwa mkubwa Zaidi wa kununua mahindi kwa wakulima, ninyi mnao uwezo wa kuona wapi muyapeleke hayo mahindi, ninyi mfanye biashara na nje na sisi tufanye biashara na nyie,” Alisema.

Kwa upande wake Mhandisi Mkazi kutoka Wakala wa Majengo Tanzania (TBA) Mhandisi Haruna Kalunga amesema kuwa hadi tarehe 28.12.2020mkandarasi ameshatumia muda wake wa miezi 15 sawa na asilimia 83 ya muda aliopewa kwenye mkataba huku utekelezaji ukiwa ni asilimia 80 na hivyo kuufanya mradi kuwa nyuma kwa asilimia 3 na kuongeza kuwa ucheleweshwaji huo umechangiwa na kucheleweshwa kwa msamaha wa kodi wa vifaa vinavyotoka nje ya Tanzania.

Kwa mkoa wa Rukwa mradi huo unatekelezwa na Mkandarasi Unia Araj kutoka Poland ikisaidiana na Mkandarasi Mzawa Elerai kutokea Arusha kwa thamani ya Dola za marekani 6,019,399.00 ambayo ni asilimia 30 ya mradi mzima unaotekelezwa katika mikoa mitatu Pamoja na Mkoa wa Katavi na Manyara wenye jumla ya thamani yad ola za marekani 20,280,906.00.

Read More →