Bashe: Vijana Limeni Na Kuuza Popote, Serikali Haitowaingilia

 Naibu Waziri wa Kilimo Hussein Bashe amewataka vijana nchini kuzalisha kwa wingi mazao ya kilimo kwa kuwa serikali haitowaingilia kupanga bei wala mahala pa kuuza.

Ametoa kauli hiyo jana mjini Chato wakati alipofungua kongamano la vijana katika kilimo kujadili fursa za kuongeza ajira na uhakika wa kipato kwa vijana wa mikoa ya Geita,Shnyanga na Kagera.

Bashe alisema Wizara ya Kilimo inatekeleza agizo la Rais Dkt. John Pombe Magufuli la kutowazuia wakulima kuuza mazao yao mahala popote ndani na nje ya nchi na kutopanga bei elekezi.

“ Rais Magufuli alishatoa maelekezo kwa wizara yetu kutompangia au kuzuia mkulima yeyote kuuza mazao yake mahala popote anapotaka ndani na nje ya nchi” alisema Naibu Waziri.

Bashe amewaeleza vijana uwepo wa fursa kubwa ya kuzalisha mazao ya chakula na biashara kwenye mikoa ya kanda ya ziwa kwa kutumia kilimo cha umwagiliaji hivyo ni muda vijana wakabadili fikra kuona kilimo ni ajira na uchumi kwao.

Bashe ameongeza kusema Taifa limekuwa salama kutokana na mchango mkubwa wa wakulima nchini kwani wameweza kuhakikisha usalama wa chakula unakuwepo na alitumia fursa hiyo kuwapongeza wakulima kwa kuendelea kuzalisha vizuri.

Naibu Waziri huyo aliwafahamisha vijana kuwa suala la kujiunga katika vikundi vya uzalishaji kupitia kilimo ni muhimu kwani linatekeleza Ilani ya Chama Cha Mapinduzi 2015-2020 inayosisitiza kuwa ushirika ndio nguzo ya kukuza uchumi wa Taifa.

Katika hatua nyingine Bashe amezipongeza benki za NMB na CRDB kwa uamuzi wao uliofanikisha ununuzi wa zao la pamba mwaka 2019 na kuwezesha wakulima hususan kanda ziwa kupata manufaa ya jasho lao.

“ Mwaka huu nimetembelea zaidi taasisi za fedha kuliko wakulima kwa lengo la kutafuta suluhu ya changamoto za wakulima kukopesheka na upatikanaji wa masoko ya uhakika” alisema Bashe.

Kwa upande wake Mkuu wa Wilaya ya Chato Charles Kabeho akimwakilisha Mkuu wa Mkoa wa Geita aliwasihi vijana kuanza kubadilika na kulima mazao ya kudumu kama parachichi,maembe,kahawa na korosho kwani yatawasaidia kuwa na uhakika wa kipato uzeeni pale nguvu zikipungua” alisema Kabeho.

Kabeho aliwahakikishia vijana hao kuwa mkoa wa Geita una fursa nyingi na uhakika kutokana na uwepo wa ardhi nzuri yenye rutuba,uwepo wa ziwa Victoria na mahitaji makubwa ya chakula kwenye maeneo ya uchimbaji madini.

Naye Mkurugenzi wa Halmashauri ya Wilaya ya Chato Eliud Mwaiteleke aliipongeza serikali ya awamu ya Tano kwa kuwezesha vijana wengi kupata mikopo kupitia halmashauri inayosaidia kuboresha kazi za vijana.

Mwaiteleke alisema katika mwaka 2018/2019 halmashauri ya Chato ilitoa mikopo kwa vijana,wanawake na walemavu yenye thamani ya shilingi milioni 119.

“ Katika halmshauri yetu tunakosa vijana wenye utayari kujitokeza katika vikundi kwani fedha ipo ya kutosha” alisema Mwaiteleke na kuwasisitiza vijana kubadili fikra kuona kilimo ni ajira ya uhakika.

Kongamano hilo limefunguliwa leo na linashirikisha vijana 203 toka mikoa ya Geita,Shinyanga na Kagera likiratibiwa na Wizara ya Kilimo na wadau wa sekta hiyo.

Read More →

“Tunataka Shughuli za Uchaguzi Mkuu 2020 zifanyike Jengo Jipya la NEC” - Mhagama

Waziri wa Nchi Ofisi ya Waziri Mkuu (Sera, Uratibu, Bunge, Kazi, Ajira, Vijana na Watu wenye Ulemavu) Mhe. Jenista Mhagama, amekagua hatua ya ujenzi wa jengo la Ofisi za Tume ya Taifa ya Uchaguzi (NEC), zilizopo eneo la Njedengwa Jijini Dodoma na kusema kuwa serikali imedhamiria shughuli za Uchaguzi Mkuu mwaka huu kufanyika kwenye jengo hilo jipya la Tume hiyo.

Amebainisha hayo wakati alipofanya ukaguzi wa maendeleo ya Ujenzi wa majengo ya Tume hiyo, ljana tarehe 10 Februari, 2020, ambapo amekagua hatua za ujenzi wa ofisi za Tume hiyo kwa kukagua  Jengo Kuu la Ofisi, Jengo la kutangazia matokeo na ghala la kuhifadhi vifaa .

Kukamilika kwa majengo hayo itakuwa ni  utekelezaji wa maelekezo ya Mhe.Waziri Mkuu wa Jamhuri ya Muungano wa Tanzania, Mhe. Kassim Majaliwa aliyoyatoa mwezi Novemba mwaka jana, ambaye aliitaka tume hiyo kuhakikisha ujenzi wa Ofisi za Tume hizo unakamilika   kwa wakati,  ili shughuli za uchaguzi Mkuu wa  mwaka huu zinafanyike kwenye majengo hayo.

Chuo kikuu- Ardhi na Kampuni ya Ujenzi ya Jeshi la Kujenga Taifa- SUMA JKT CCL ndio wanaohusika na shughuli za ukandarasi wa majengo hayo.

Tume ya Taifa ya Uchaguzi ni idara huru iliyoanzishwa mwaka 1993 kwa mujibu wa Ibara ya 74(1) ya Katiba ya Jamhuri ya Muungano wa Tanzania ya mwaka 1997, ambapo kwa kipindi chote hicho tangu kuanzishwa kwake Tume hiyo haijawahi kumiliki Jengo lake lenyewe, hivyo mnano mwaka 2016, Rais wa Jamhuri ya Muungano wa Tanzania Dkt. John Magufuli alikubali ombi la Tume hiyokujenga jingo lake.

MWISHO.

Read More →

UZINDUZI WA MRADI WA ''VUKA INITIATIVE '' NA KAMPENI YA ''MWOGESHE MWANAO'' WAFANA ARUSHA

Read More →

JAJI MUTUNGI: ZOEZI LA UHAKIKI WA VYAMA HALIFUTI CHAMA CHA SIASA

Na Mwandishi Wetu,MAELEZO

MSAJILI wa Vyama vya Siasa Nchini, Jaji Mstaafu Francis Mutungi amesema zoezi la uhakiki wa vyama vya siasa linalotarajia kuanza tarehe 17 Machi mwaka huu, halina malengo ya kufuta usajili wa vyama hivyo na badala yake ni utekelezaji wa matakwa ya Sheria ya Vyama vya Siasa ya mwaka 2019.

Jaji Mutungi aliyasema hayo jana Jumanne (Machi 10, 2020), wakati wa Mkutano wake na Viongozi mbalimbali wa vyama vya siasa vyenye usajili wa kudumu nchini uliofanyika katika Ukumbi wa Ofisi Ndogo ya Bunge Jijini Dar es Salaam.

Jaji Mutungi alisema malengo ya zoezi hilo litakoendeshwa na Ofisi yake  ni kuona namna bora ya kujenga uelewa wa pamoaj wa sheria ya vyama hivyo katika kipindi hiki cha kuelekea Uchaguzi Mkuu wa Rais, Wabunge na Madiwani unaotarajia kufanyika mwezi Oktoba mwaka huu. 

Alisema kuwa ni wajibu wa vyama vyote vya siasa kushiriki kikamilifu katika zoezi hilo na kuwa Serikali haiwezi kuahirisha zoezi hilo na badala yake kuvitaka vyama hivyo iwapo vina hoja ya msingi ni vyema zikawasilisha katika Baraza la Vyama hivyo ili kuweza kupatiwa mwafaka wa pamoja wa makubaliano.

Kwa mujibu wa Jaji Mutungi alisema katika muda uliobaki kuelekea uchaguzi mkuu, kwa mujibu wa sheria Ofisi yake haiwezi kufuta usajili wa chama chochote cha siasa na hivyo kuwataka Viongozi wa vyama vya siasa kuondoa dhana potofu kuwa Serikali imepanga kufuta baadhi ya vyama vyenye usajili wa kudumu nchini kutoka katika daftari la Msajili wa Vyama vya siasa.

Aliongeza kuwa zoezi la uhakiki linaendeshwa kwa mujibu wa sheria na kuwa zoezi hilo si geni kwa kuwa serikali imekuwa ikiendesha zoezi la uhakiki wa taasisi, makampuni na mashirika mbalimbali na hivyo kwa vyama vya siasa zoezi hilo halina utofauti wowote kama ilivyo kwa taasisi na mashirika yasiyo ya kiserikali.

Jaji Mutungi alisema hakuna sababu ya vyama hivyo kujenga hofu kuhusu zoezi hilo kwani limekusudia kubaini changamoto mbalimbali zinazovikabili vyama vya siasa nchini ili kuweza kutoa mapendekezo kwa Serikali na hivyo kuimarisha mshikamano uliopo ili kukukuza na kuimarisha demokrasia nchini.

‘’Tumeamua kukutana na wadau ili kuondoa ombwe kuhusu utekelezaji wa sheria ya Vyama vya siasa ya mwaka 2019, kwani suala la uhakiki lipo kisheria, serikali inatambua changamoto zilizopo katika vyama vya siasa na zoezi hili limekusudia kujenga msingi wa pamoja wa kujitathimini wapi tulipotoka, tulipo na tunapokwenda’’ alisema Jaji Mutungi.

Akifafanua zaidi Jaji Mutungi aliwataka Viongozi wa vyama vya siasa kulitazama zoezi hilo katika taswira chanya kwa kuwa zoezi hilo limekusudia kujenga amani ndani ya vyama hivyo katika kipindi hiki cha kuelekea katika uchaguzi mkuu wa Rais, Wabunge na Madiwani unaotarajia kufanyika nchini kote mwezi Oktoba mwaka huu.

Kwa upande wake, Mwenyekiti wa Chama cha Wananchi (CUF), Prof. Ibrahim Lipumba alisema vyama vya siasa havina pingamizi kuhusu zoezi la uhakiki na badala yake aliitaka Ofisi ya Msajili wa Vyama vya Siasa kutoa muda wa miezi mitatu ili kuhakikisha kuwa vyama vyote vinakamilisha masuala mbalimbali ya kiutendaji na taratibu zote za msingi kama inavyoelekezwa katika sheria.

Aliongeza kuwa kwa mujibu wa Sheria ya Vyama vya Siasa, vyama vyote vinapaswa kuwa na wanachama wenye uwezo wa kiutendaji ikiwemo kuwa na kadi za uanachama, hivyo Ofisi ya Msajili wa Vyama vya siasa havina budi kuongeza muda ili kutoa nafasi kwa vyama hivyo kuweza kuhakiki wanachama wake.

Naye Mwenyekiti wa Baraza la Vyama vya Siasa Nchini, John Shibuda aliitaka Ofisi ya Msajili wa Vyama vya Siasa kutengeneza mwongozo wa mfumo wa adili za uongozi ndani ya vyama vya siasa na utaratibu huo uendeshwe katika vikao vya Baraza la Vyama vya siasa nchini.

Akitoa salamu za shukrani kwa niaba ya Viongozi wa vyama vya siasa nchini, Mwenyekiti wa Chama cha UDP John Cheyo aliipongeza Ofisi ya Msajili wa Vyama vya Siasa kwa utaratibu wa kufanya vikao kwani utaratibu huo haukuwepo tangu kuanzishwa kwa mfumo wa vyama vingi nchini miaka 28 iliyopita.

MWISHO

Read More →

WAZIRI MKUU AZINDUA MKAKATI WA KUPAMBANA NA UNYANYAPAA WA VVU NCHINI

WAZIRI MKUU Kassim Majaliwa amesema Serikali inatambua nguvu kubwa waliyonayo viongozi wa dini katika jamii na itaendelea kutoa ushirikiano wa dhati katika kuyatekeleza na hatimaye kufikia malengo yanayotarajiwa katika mwitikio wa UKIMWI Tanzania.

“Serikali inaunga mkono tamko na maazimio mliyoyafikia leo hii na itaendelea kutoa ushirikiano wa dhati katika kuyatekeleza na kufikia malengo yanayotarajiwa katika mwitikio wa UKIMWI Tanzania. Sote tunatambua nafasi na nguvu mlizonazo viongozi wetu wa dini katika jamii,” amesema.

Ametoa kauli hiyo jana (Jumanne, Machi 10, 2020) kwenye ukumbi wa Msekwa, Bungeni jijini Dodoma wakati akizungumza na viongozi wa dini, wabunge, na wadau mbalimbali wa mashirika ya WAVIU kwenye uzinduzi wa kampeni ya kushirikisha viongozi wa dini kutokomeza unyanyapaa ili kufikia malengo ya kitaifa ya mwitikio wa UKIMWI nchini.

Kampeni hiyo inayoitwa “Hebu Tuyajenge, Tufikie 95-95-95: Tanzania bila Unyanyapaa Inawezekana, Viongozi wa Dini Tuongozee njia” inalenga kuhamasisha umma wa Watanzania waungane kutokomeza unyanyapaa dhidi ya VVU na UKIMWI Tanzania.

Akizungumza na viongozi hao, Waziri Mkuu amesema ana imani kubwa watalisimamia vizuri suala la unyanyapaa na ukatili wa kijinsia kwa kuwa jamii inawasikiliza, inawaheshimu na kuwaamini sana wao kuliko inavyowasikiliza wanasiasa au hata wanavyosikiliza na kuamini vyombo vya habari.

“Tambueni kwamba mnayo kazi kubwa ya kufanya katika kuhakikisha unyanyapaa na ukatili wa kijinsia unakwisha kabisa katika jamii yetu. Niendelee kuwaomba viongozi wetu wa dini kupitia ibada katika madhehebu yenu, vyombo vyenu vya habari, jumuiya, makongamano mbalimbali, taasisi zenu za elimu na afya, tuhakikishe tunatoa ujumbe wa kutia hamasa, elimu na upendo ili hatimaye wanaume, vijana na watoto wengi wazifikie huduma za VVU sambamba na kutambua haki na usalama wa mtoto.”

Amesema Serikali inayoongozwa na Rais wa Jamhuri ya Muungano wa Tanzania, Dkt. John Pombe Magufuli, itaendelea kutekeleza na kuboresha huduma za za afya ikiwa ni pamoja upimaji wa Virusi Vya UKIMWI, matibabu ya magonjwa nyemelezi pamoja na kupiga vita unyanyapaa wa aina zote kwa WAVIU.

Amesema Tanzania inaungana na nchi nyingine duniani zinazoamini katika kutokomeza unyanyapaa na ubaguzi wa aina zote lengo likiwa ni kutokomeza ubaguzi uwe wa kiitikadi au kijamii. “Kwa pamoja tuungane kukemea vitendo vya unyanyapaa na ubaguzi kutokana na madhara makubwa kwa watu wetu na Taifa kwa ujumla wake.”

Amesema licha ya dini zote kukemea ubaguzi na unyanyapaa, bado unyanyapaa, ukatili wa kijinsia hasa kwa watoto vimeshamiri katika jamii. “Watu wanaoishi na Virusi vya UKIMWI (WAVIU), hukumbwa na kadhia ya unyanyapaa katika jamii zetu. Kadhalika, watoto wa umri mdogo nao wanatendewa ukatili mkubwa sana kama vile kunajisiwa na kutelekezwa,” amesema.

“Vitendo vya namna hii hudhoofisha jitihada za kutokomeza maambukizi ya VVU kwani huwafanya watu kuogopa kujitokeza kupima VVU. Mtu huhofia kwamba ikijulikana ana maambukizi atabaguliwa na hivyo, kuishi maisha ya mateso yatokanayo na msongo wa mawazo na aibu ya kunyanyapaliwa.”

Katika kongamano hilo la siku moja, Mhashamu Askofu Gervas Nyaisonga wa Jimbo Katoliki Mbeya na Rais wa Baraza la Maaskofu Tanzania (TEC); Askofu Mark Walwa Malekana wa Kanisa la Waadventista wa Sabato (SDA); Askofu Alinikisa Cheyo wa Kanisa la Morovian na Mwenyekiti wa Jumuiya ya Kikristo (CCT); Askofu Peter Konki wa Umoja wa Makanisa ya Kipentekoste Tanzania (CPCT) na Mufti wa Tanzania, Sheikh Abubakar Zuberi (BAKWATA) walitoa ahadi zao za kuunga mkono kampeni hiyo kupinga unyanyapaa kwa kutumia ibada na taasisi zilizo chini yao na kisha kutia saini Tamko Rasmi la Viongozi wa Juu wa Taasisi za Dini kuhusu ushiriki wao katika mwitikio wa UKIMWI nchini.

Mapema, kongamano hilo lilipokea shuhuda kutoka kwa Mchungaji Prof. Gideon Byamugisha (61) wa kutoka Uganda, Mbunge kutoka Zambia wa chama cha United Party for National Development (UPND), Bi. Princess Kasune (45) na Bi. Pundensiana Mbwiliza (25), mfanyabishara ya mikoba ya vitenge kutoka Mwanza, Tanzania ambao wameishi na VVU kwa kati ya miaka 10 - 25 na wamekuwa mstari wa mbele kuvunja ukimya kuhusu hali zao na kupiga vita unyanyapaa.

Naye Spika wa Bunge la Jamhuri ya Muunguno wa Tanzania, Mhe.  Job Ndugai alisema uamuzi wa kujuisha viongozi wa dini kwenye masuala ya kitaifa ulianza mwaka jana jijini Mwanza ambako waliowaomba viongozi wa dini wawasidie kuihamasisha jamii kuhusu tatizo la ugonjwa wa kifua kikuu.

“Tuliona kuwa kuweka msisitizo kwenye Kifua Kikuu peke yake haitoshi; tukaona ni vema tushirikiane nao tena ili watusaidie kusukuma uelewa miongoni mwa jamii kuhusiana na suala hili la VVU,” alisema.

(mwisho)

IMETOLEWA NA:

OFISI YA WAZIRI MKUU,

Read More →

Habari Zilizopo Katika Magazeti ya Leo Jumatano March 11

Read More →

FULL POWER, ZATI 50 NI KIBOKO YA TATIZO LA UPUNGUFU WA NGUVU ZA KIUME NA UUME MDOGO

Sababu za upungufu wa nguvu za kiume na maumbile madogo ya uume:

⇒Ngiri,

⇒Henia

⇒Kisukari

⇒Tumbo kujaa gesi

⇒Kutopata choo vizuri

⇒Utumiaji madawa kwa muda mrefu

⇒Unywaji wa pombe kupita kiasi

⇒Msongo wa mawazo 

⇮⇒Haya yote hupelekea mwili kutokuzalisha homoni ya gesrtogine au kuwa chache na kushindwa kupata mzunguko mzuri wa damu na vichocheo vingine kama madini ya zinki ambayo hukufanya kuwa na msisimko  na kufanya kuwa na muda  mrefu na nguvu za kutosha.

FULL POWER

⇨Ni dawa ya vidonge ya miti shamba inaongeza nguvu za kiume na kutibu kabisa tatizo hilo.

⇨Inaongeza hamu ya tendo la ndoa

⇨Inakufanya uchelewe kufika kileleni zaidi ya Dakika 30 na kurudia tendo zaidi ya mara nne na zaidi.

Zati 50

⇨ Inarutubisha maumbile ya uume  na kunenepesha urefu nchi 6,unene sentimita 4

⇨Dawa hii ni ya kutibu kabisa tatizo hilo.

Pia tunatibu Magonjwa mengine Kama

Matatizo ya pumu,Bawasiri, vidonga vya tumbo,Kisukari,Magonjwa sugu ya zinaaa,Kaswende,U.T.I , kiuno,miguu kuwaka moto, Fangasi sehemu za Siri, kupunguza unene wa mwili,tumbo kuunguruma,kujaa gesi, matatizo ya uzazi kwa wanawake, kurutubisha mbegu za uzazi kwa akina baba, matatizo ya meno tunatibu bila kungoa

Kliniki yetu inapatikana Zanzibar, Dar es salaam na Shinyanga.

Wasiliana nasi kwa simu namba 071770 22 27

Read More →

Mbowe na Wenzake Wakutwa Na Hatia Kwenye Mashitaka 12 Kati ya 13

Mahakama ya Hakimu Mkazi Kisutu imewatia hatia viongozi nane wa Chadema na aliyekuwa katibu mkuu wa chama hicho Dk Vincent Mashinji.

Washtakiwa hao wametiwa hatiani katika mashtaka 12 kati ya 13, yaliyokuwa yanawakabili ikiwemo la uchochezi.

Uamuzi wa kuwatia hatiani, umetolewa leo Jumanne, Machi 10, 2020 na Hakimu Mkazi Mkuu wa Mahakama  hiyo, Thomas Simba baada ya kupitia ushahidi wa upande  wa mashtaka na ule wa utetezi.

Hata hivyo, muda mfupi baada ya mahakama kuwatia hatiani washtakiwa hao, ndugu, jamaa na marafiki waliopo ndani ya mahakama hiyo walianza kulia kimya kimya huku wakifuta machozi.

Read More →

Looking for Gender Expert at AAN Associates

Looking for Gender Expert   AAN Associates is looking for ”Gender Expert” for UNICEF Tanzania opportunity of “Evaluation of the Simplified Birth Registration System in mainland Tanzania”. Required Skills and Experience Education: Master’s Degree in social science especially gender studies, or relevant discipline Experience: 5-9 years of increasingly responsible professional experience in the substantive area, of which five years… Read More »

The post Looking for Gender Expert at AAN Associates appeared first on Udahiliportal.com.

Read More →

Lodge Assistant Manager at Four Seasons Hotels and Resorts

Lodge Assistant Manager This position is for a local Tanzanian, If you are not Tanzanian we can not consider your application. The Ideal candidate should have luxury hotel / lode experience and previous management experience. Basic Purpose Oversees the Front Desk operations and acts as the Front Office Manager and manager on duty in the Lodge when senior… Read More »

The post Lodge Assistant Manager at Four Seasons Hotels and Resorts appeared first on Udahiliportal.com.

Read More →

Western Tanzania Regional Manager at Water Mission

What is the opportunity? Working under the direct supervision of the Water Mission – Tanzania Country Program Director, this position is responsible for applying sound project and program management techniques, engineering principles, and excellent written and verbal communication skills to manage a regional office in Tanzania. This position oversees large, solar powered water projects in multiple locations. The… Read More »

The post Western Tanzania Regional Manager at Water Mission appeared first on Udahiliportal.com.

Read More →

Project Manager at Sandvik

Sandvik is a high-tech and global engineering group offering products and services that enhance customer productivity, profitability and sustainability. We hold world-leading positions in selected areas – tools and tooling systems for metal cutting; equipment and tools, service and technical solutions for the mining industry and rock excavation within the construction industry; products in advanced stainless steels and… Read More »

The post Project Manager at Sandvik appeared first on Udahiliportal.com.

Read More →

Key Customer Manager at Sandvik

Sandvik is a high-tech and global engineering group offering products and services that enhance customer productivity, profitability and sustainability. We hold world-leading positions in selected areas – tools and tooling systems for metal cutting; equipment and tools, service and technical solutions for the mining industry and rock excavation within the construction industry; products in advanced stainless steels and… Read More »

The post Key Customer Manager at Sandvik appeared first on Udahiliportal.com.

Read More →

Workshop Supervisor and Technical Trainer at Sandvik

Sandvik is a high-tech and global engineering group offering products and services that enhance customer productivity, profitability and sustainability. We hold world-leading positions in selected areas – tools and tooling systems for metal cutting; equipment and tools, service and technical solutions for the mining industry and rock excavation within the construction industry; products in advanced stainless steels and… Read More »

The post Workshop Supervisor and Technical Trainer at Sandvik appeared first on Udahiliportal.com.

Read More →

Data Assistant at STEP

Consultancy opportunity: Data Assistant About the consultancy: The consultant will provide administrative and technical support to STEP’s programs through data entry, data management, data quality verification, data analysis and reporting. Responsibilities: Data management To conduct data entry and data quality checking for a range of projects To process camera trap and other photographic data according to existing protocols… Read More »

The post Data Assistant at STEP appeared first on Udahiliportal.com.

Read More →

Waziri Mkuu Akagua Daraja La Muda La Kiyegeya Morogoro.....Abaini Meneja Wa Tanroads Mkoa Bado Hajateuliwa, Aliyemhamisha Akutwa Bado Yuko ‘site’

WAZIRI MKUU Kassim Majaliwa amekagua ujenzi wa barabara ya muda kwenye eneo la daraja la Kiyegeya na kusema kazi inaenda vizuri sababu hakuna tena msongamano wa magari kama ilivyokuwa wiki iliyopita.

Hata hivyo, Waziri Mkuu amesisitiza kuwa Mameneja wa Wakala wa Barabara Tanzania (TANROADS) wa mikoa yote nchini wanapaswa kufanya ukaguzi wa mara kwa mara wa madaraja yote siyo kwa juu tu bali hadi chini ya madaraja ili kujiridhisha na usalama wake.

“Nilitoa agizo kwa mameneja wa TANROADS ambao wana highways, wazikague kila mara kwa sababu hatuhitaji kuwa na highways zilizobomoka.”

Waziri Mkuu ametoa agizo hilo leo (Jumanne, Machi 10, 2020) wakati akizungumza na watendaji wa Wizara ya Ujenzi, Uchukuzi na Mawasiliano pamoja na viongozi wa Mkoa wa Morogoro, mara baada ya kutembelea eneo hilo na kukagua ujenzi wa barabara ya muda ili kurejesha mawasiliano na mikoa mingine.

“Nimekuja kuona kazi inaendeleaje, nimekuta msongamano wa magari hakuna kama ilivyokuwa wiki iliyopita. Ile diversion (barabara ya mchepuko) imesaidia kuondoa msongano uliokuwepo,” amesema Waziri Mkuu.

“Mahitaji yetu ni kuwa na daraja la kudumu, kwa hiyo mharakishe ujenzi wa daraja hilo, Mmesema sasa hivi mnapanga kuweka daraja la zege ili maji yakija kwa wingi yaweze kupita juu ya hii barabara ya muda, msisitizo ni kukamilisha kazi ya daraja la kudumu,” amesema wakati akizungumza na Mtendaji Mkuu wa TANROADS, Mhandisi Patrick Mfugale.

Katika ukaguzi huo, Waziri Mkuu alibaini kuwa Meneja wa TANROADS, mkoa wa Morogoro, Mhandisi Godwin Andalwisye ambaye aliagiza arejeshwe wizarani na nafasi yake ijazwe na mtu mwingine, bado alikuwepo kwenye eneo la tukio akiendelea na kazi.

“Uamuzi niliochukua wa kumhamisha Meneja wa TANROADS Mkoa wa Morogoro ulikuwa sahihi kwa sababu huyu Bwana anaonekana hawezi kazi ya kusimamia wengine. Fedha ya ukaguzi ipo, ya ujenzi ipo, halafu kazi haifanyiki. Kazi ya kusupervise haiwezi, kwa hiyo, ateuliwe Meneja mwingine,” alisisitiza.

“Nilimuuliza meneja aliyekuwepo kama wana fedha za ukaguzi, akasema anayo. Nikamuuliza kama anayo fedha ya spot maintenance, akasema anayo. Fedha hizi zote zilipaswa zitumike kwa kazi iliyopangwa, lakini hilo halikufanyika.”

Akijibu hoja hiyo, Mhandishi Mfugale alisema amemuacha Mhandisi Godwin Andalwisye aendelee kuwepo pale site kwa sababu ya utalaamu wake kweye madaraja. “Ulishatoa maelekezo kuwa aondolewe, na wa kumhamisha ni mimi, tunatumia tu utaalmu wake.

Alipoulizwa kama ameshateua Meneja mwingine wa Mkoa wa Morogoro, Mhandisi Mfugale alikiri kwamba bado hajamteua mtu mwingine.

Jumatano iliyopita, (Machi 4, 2020) Waziri Mkuu alikatisha ziara yake mkoani Tanga na kutembelea eneo hilo ambako alishuhudia mlundikano wa magari na abiria hali ambayo haikumfurahisha.

Aliagiza Meneja wa Wakala wa Barabara Tanzania (TANROADS), mkoa wa Morogoro, Mhandisi Godwin Andalwisye arejeshwe wizarani na nafasi yake ijazwe na mtu mwingine mara moja kwa sababu ya kuzembea kutimiza wajibu wake.

Waziri Mkuu ambaye alisafiri kwa magari kutoka Dar es Salaam hadi Dodoma, pia alisimama Morogoro na kukagua ujenzi wa uzio wa makaburi ya Kola Hill ambako walizikwa wahanga wa ajali ya lori la mafuta lililopinduka na kulipuka Agosti 10, 2019 na kuua watu 115, kati yao wanaume walikuwa ni 109 na wanawake ni sita.

Akiwa makaburini hapo, Waziri Mkuu aliuagiza uongozi wa Manispaa ya Morogoro uweke utaratibu wa kuwa na mtu maalum atakayesimamia masuala ya mazishi yote yatakayofanyika kwenye makaburi ya Kola Hill.

Amesema mtu huyo ahakikishe makaburi yote yanachimbwa katika utaratibu na mpangilio utakaoliwezesha eneo hilo kuwa na nafasi ya kuzika watu wengi. “Utaratibu wa sasa wa kuchimba makaburi kiholela utalifanya eneo hili lijae haraka huku likiwa halina mpangilio maalum.”

Waziri Mkuu pia aliridhia maombi ya uongozi wa mkoa wa Morogoro ya kutaka akubali makaburi hayo yajengewe ili yawe na muonekano mzuri kazi ambayo itagharimu zaidi ya sh. milioni 12.

Uongozi huo pia uliomba rdhaa ya Waziri Mkuu kutengeneza mandhari ya ndani ya uzio (Landscaping) kazi ambayo itagharimu sh. 1,682,500/- pamoja na kujenga mnara wa kumbukumbu kwa gharama ya sh. 4,173,125/-.

(mwisho)
IMETOLEWA NA
OFISI YA WAZIRI MKUU

Read More →

Waziri Mkuu Majaliwa Kufungua Mkutano wa Mawaziri SADC kwa Njia ya Video

Na Erick Msuya- MAELEZO.
Waziri Mkuu wa Jamhuri ya Muungano wa Tanzania  Mhe. Kassim Majaliwa Majaliwa anatarajiwa kufungua kikao cha Baraza la Mawaziri wa Nchi wanachama wa jumuiya ya Maendeleo ya Kusini mwa Afrika (SADC) wanaoshughulikia Mambo ya Nje na Ushirikiano wa Kimataifa, Fedha Uchumi pamoja na viwanda na Biashara Jijini Dar es Salaam tarehe 16 Machi kwa njia ya Video kufuatia tishio la virusi vya Corona. 

Hayo yamesemwa na Katibu Mkuu wa  Wizara ya Mambo ya Nje na Ushirikiano wa Afrika Mashariki Mhe. Balozi Kanali Wilbert Ibuge katika kituo cha mikutano Mwalimu Nyerere (JNICC) baada ya kutoa taarifa fupi ya kikao cha dharura cha Mawaziri wa SADC sekta ya Afya kilichojadili hali halisi ya Ugonjwa wa Corona  (CODIV- 19)  katika Nchi za SADC. 

Amesema Mkutano huo unatarajiwa kufunguliwa na kuendeshwa kwa  njia ya mfumo wa  Video (Video Conference) kufuatia mlipuko wa ugonjwa wa Corona (CODIV-19) ulioikumba nchi ya Afrika ya Kusini ambayo pia ni Nchi mwananchama wa Jumuiya ya SADC. 

“Kufatia Ushauri uliotolewa katika maazimio ya kikao cha Mawaziri wa  Afya wa SADC, kikao cha Baraza la Mawaziri wa SADC sasa hivi kitafanyika kwa njia ya video  tofauti na ilivyozoeleka, hivyo kila Nchi mwanachama wa SADC atakuwa nchini kwake huku tukijadili kwa njia ya video” alisema Balozi Ibuge. 

Kwa upande wake  Naibu Katibu Mtendaji wa Maswala ya Ushirikiano wa Kikanda (SADC) Thembinkosi Mhlongo amesema kuna haja ya Nchi wanachama wa SADC kutumia hati ya kusafiria (Pasport) inayoweza kukumruhusu kila Mwanachama kusafiri na kufanya Shughuli za maendelo katika umoja wa SADC bila bugudha. 

“Umoja wa Mataifa na jumuiya nyingine mengine wana Hati zao za kusafiria, na sisi tunahaja ya kuwa na hati zetu za kusafiria tukiwa kama SADC, katika jumuiya yetu kuna watu watafanyakazi kwa muingiliano wa kikanda hivyo ni muhimu kutumia hati moja” Alisema Mhlongo. 

Miongoni mwa ajenda zitakazojadiliwa katika mkutano huo ni mazingira wezeshi ya maendeleo ya viwanda, masuala ya fedha na Michango ya Jumuiya, hati za kusafiria za SADC, na uanzishwaji wa shirika la utalii kwa nchi za kusini mwa Afrika.
Mwisho.

Read More →