HAYA HAPA MAGAZETI YA LEO JUMATATU JUNI 17, 2024

Read More →

WALIOVAMIA ENEO LA NSSF KUANZA KUONDOLEWA

 

*Mkuu wa Wilaya ya Temeke afika eneo la tukio na kutoa angalizo

Na MWANDISHI WETU

Dar es Salaam. Hatimaye waliovamia ardhi ya Mfuko wa Taifa wa Hifadhi ya Jamii (NSSF) na kuanza kujenga makazi katika Mtaa wa Malela Kata ya Toangoma, Temeke Dar es Salaam wataanza kuondolewa rasmi katika maeneo hayo kuanzia tarehe 18 Juni 2024.

Hatua hiyo ni utekelezaji wa maagizo yaliyotolewa na Waziri wa Ardhi, Nyumba na Maendeleo ya Makazi, Mhe. Jerry Silaa aliyoyatoa Juni 5, mwaka huu, wakati alipofika eneo hilo na kuwakamata watuhumiwa wanne wanaodaiwa kuwatapeli wananchi kwa kuwauzia maeneo yanayomilikiwa kihalali na NSSF, ambapo aliagiza wavamizi wote wa ardhi kuondolewa.

Hata hivyo, Mkuu wa Wilaya ya Temeke, Mhe. Sixtus Mapunda tarehe 15 Juni 2024 amefika eneo hilo kuendelea kutilia msisitizo wa namna ambavyo NSSF itatekeleza maelekezo yake ya kuwaondoa waliovamia maeneo ya miundo mbinu ya barabara na maji.

Mhe. Mapunda amesema eneo la Malela historia inaonesha kuwa kati ya mwaka 2000 na 2002 Serikali ilichukua eneo hilo kupitia Wizara ya Ardhi na ikawalipa fidia wakazi wote wa asili na kuwa mwaka 2005 mpaka 2008 Wizara ya Ardhi ilikuwa inayagawa kwa kuyauza maeneo hayo kwa watu binafsi na Mashirika ikiwemo NSSF ambayo iliuziwa eneo hilo na walipewa hatimiliki.

Amebainisha kuwa kati ya mwaka 2012 na 2017 kwa nyakati tofauti, wananchi walianza kuvamia eneo hilo na kuwa kati ya mwaka 2020 na 2022 uliitishwa mkutano wa wavamizi baina ya NSSF na uongozi wa Serikali ambapo katika kueleweshana ikaonekana si busara waliovamia kipindi hicho kuondolewa hivyo wakakubaliana kuwa waliovamia waingizwe kwenye mpango wa matumizi ya ardhi na NSSF.

"Baada ya hapo yakawekwa makubaliano kuwa walioingizwa kwenye mpango na NSSF washirikiane na Mfuko wasiwepo watu wengine watakaovamia, lakini kilichotokea kati ya mwaka 2002, 2003 na 2004 waliovamia walikuwa wengi kuliko wale waliokuwepo mwanzoni," amesema Mhe. Mapunda.

Amesisitiza kuwa, waliokuwepo kwenye mpango wa matumizi ya ardhi ambao ni takribani 145 walishaongea na NSSF na tayari walishakubaliana.

Akizungumza kwa niaba ya Mkurugenzi Mkuu wa NSSF, Bw. Masha Mshomba, Meneja Milki wa NSSF, Bw. Geofrey Timoth amesema katika kutekeleza maelekezo hayo ya  Waziri wa Ardhi, NSSF inatarajia kuondoa nyumba zote ambazo zipo kwenye barabara na miundo mbinu ya maji pamoja na kuhakiki watu wachache ambao wanadai walikuwepo tokea mwaka 2021/22.

Bw. Timoth amesema zoezi hilo ni muendelezo wa utekelezaji wa maelekezo ya Waziri wa Ardhi, Nyumba na Maendeleo ya Makazi, aliyotoa wiki iliyopita.

Amebainisha namna ambavyo NSSF wanaenda kutekeleza maelekezo ya Waziri wa Ardhi ni kuwa bàadhi ya maendelezo yaliyofanywa ambayo waliyabaini mwaka 2021 na 2022 wamekubaliana kuwa watakaa na wahusika kwa sababu yapo kwenye mpango wa ardhi.

"Kwa hiyo tutakaa na wahusika na tutawaambia ni nini cha kufanya ili waendelee kuwa na amani kwenye maeneo husika," amebainisha Timoth.

Ameendelea kubainisha kuwa maeneo ambayo yaliendelezwa nje ya mwaka 2021/22 yataenda kuondolewa kwa sababu NSSF ina mpango wa kuyaendeleza pamoja na utaratibu wa kuzuia uvamizi kwenye maeneo mengine.

Read More →

Breaking : RAIS SAMIA ATEUA VIONGOZI WENGINE ... MAKOBA MSEMAJI MKUU MPYA WA SERIKALI

Read More →

BODI YA TAWA KUJA NA MIKAKATI KABAMBE YA KUIBORESHA HIFADHI YA PANDE

 

Na Beatus Maganja, Dar es Salaam.

Mwenyekiti wa Bodi ya Wakurugenzi ya TAWA Mej. Jen. (Mstaafu) Hamis Semfuko amesema Bodi anayooingoza imejipanga kuja na mipango madhubuti ya kuifanya Hifadhi ya Pande iliyopo Jijini Dar es Salaam kuwa kivutio kikubwa kwa watu waishio  ndani na nje ya Jiji hilo.

Akizungumza na waandishi wa habari    katika ziara  iliyofanyika Juni 13, 2024 hifadhini humo, Semfuko amesema  Bodi yake imedhamiria kuwafanya watanzania waione Hifadhi ya Pande kuwa ni sehemu ya kipekee kwa ajili ya kustarehe na kupumzisha akili zao, na kwa kuanzia imeanzisha bustani wa wanyamapori hai ndani ya hifadhi hiyo ambao wako huru kutembea "free roaming" ikiwa na wanyamapori mbalimbali kama vile nyumbu, pundamilia, swala n.k

Katika hatua nyingine amebainisha mikakati ya  kuendelea kuboresha miundombinu ya hifadhi hiyo sambamba na kuongeza aina mbalimbali za vivutio vya utalii ikiwemo wanyamapori aina ya twiga na faru lakini pia kuongeza kasi ya kuitangaza hifadhi hiyo ambapo amesema hivi karibuni TAWA imekuwa ikiwatumia wasanii wa "Bongo Movie" katika kusaidia kutangaza hifadhi ya Pande.

Aidha ametoa wito kwa wawekezaji wote nchini kuchangamkia fursa mbalimbali za uwekezaji zilizopo hifadhini humo kama vile ujenzi wa kumbi za mikutano, sehemu za kuchezea watoto na "eco lodge" huku akisisitiza fursa bado zipo.

Naye Prof. Suzanne Augustino mjumbe wa Bodi ya TAWA amesema kwa kuhifadhi Pori la Akiba Pande TAWA inaunga mkono juhudi za Mhe. Dkt. Samia Suluhu Hassan Rais wa Jamhuri ya Muungano wa Tanzania ambaye amekuwa akihamasisha utalii nchini na amewataka watanzania wote wanaoshindwa kwenda kutalii katika hifadhi zingine kutokana na umbali watembelee hifadhi ya Pande ili kujionea vivutio vilivyopo.

Awali akitoa taarifa ya utendaji wa Kanda, Kamanda wa Kanda Maalumu ya Dar es Salaam ya TAWA Sylvester Mushi amesema kutokana na umakini wa kikosi cha Askari wa mbwa na kwa kushirikiana na vyombo vingine vya ulinzi na usalama, wamefanikiwa kudhibiti utoroshaji wa nyara za Serikali uwanja wa ndege wa Kimataifa wa Mwl. Julius Nyerere ( JNIA ). 

Aidha nyara nyingine ni wadudu  aina ya nge  383, wadudu aina ya "Beatle" 261, Kobe hai 7, vichwa vya fisi 10, vichwa vya pimbi 3 na vichwa vya ndege aina ya Korongo 3 na bunduki 2 ambazo zilikamatwa Pori la Akiba Wami Mbiki

Kwa upande wake Kamanda wa Pori la Akiba Pande Dorothy Massawe ameishukuru Mamlaka kwa kuboresha miundombinu ya utalii ambapo amekiri kuwa imekuwa chachu ya ongezeko la mapato na idadi ya watalii wanaotembelea hifadhi hiyo

Read More →

MAJALIWA AMKARIBISHA ZUHURA YUNUS OFISI YA WAZIRI MKUU

 

Waziri Mkuu Kassim Majaliwa akisalimiana na Naibu Katibu Mkuu wa Ofisi ya Waziri Mkuu (Kazi, Vijana, Ajira na Wenye Ulemavu), Zuhura Yunus, mara baada ya Zuhura kuapishwa na Rais Samia Suluhu Hassan kushika nafasi hiyo jana, Ikulu ya Chamwino, Dodoma. Zuhura amepandishwa cheo kutoka nafasi yake ya awali ya Mkurugenzi wa Mawasiliano ya Rais.

Read More →

WANAHARAKATI WA JINSIA NA MAENDELEO WAICHAMBUA BAJETI YA MWAKA 2024/2025 KWENYE MLENGO WA JINSIA

NA EMMANUEL MBATILO, DAR ES SALAAM

WANAHARAKATI wa Jinsia na Maendeleo kupitia Mtandao wa Jinsia Tanzania- TGNP, wameishukuru Serikali kulifanyia kazi suala la kikokotoo ambacho kimeongezwa kutoka asilimia 33 hadi asilimia 40 ambapo kinatarajiwa kurejesha ahueni kwa wastaafu.

Akizungumza leo Juni 13,2024 Jijini Dar es salaam katika kijiwe cha kahawa kilichoandaliwa na TGNP -Mtandao kwa lengo la kufatilia bajeti iliyopitishwa ya mwaka 2024/2025, Mkurugenzi Mtendaji wa TGNP, Lilian Liundi amesema licha ya serikali kuyafanyia kazi baadhi ya maeneo ambayo yamekuwa yakionekana yanachangamoto, kuna maeneo mengine bado hayafanyiwa kazi.

Amesema wanatamani kuona mradi wa SGR pamoja na  mradi wa bwawa la kuzalisha umeme ikisaidia watu wote  katika kujiendeleza kiuchumi yakiwemo makundi ya pembezoni kufaidika kwa kusafirisha mazao yao na kupata usafiri kwa urahisi ili waweze kujiendeleza kiuchumi.

"Tunavyozungumzia  mageuzi ya  kiuchumi,tuone sasa yale makundi ya pembezoni wale watu  ambao hawana uwezo wanawake,wanaume  maskini  na vijana wakiweza kufaidika kusafirisha mazao yao kupata usafiri kwa urahisi ili waweze kujiendeleza kiuchumi" amesema Lilian.

Aidha ameonesha shahuku yake kuhusiana na kuimarika kwa umeme nchini ambapo anatarajia kuona  wanawake na vijana wakikuza uchumi wao kwani umeme ni kichocheo cha ukuaji wa uchumi.

"Uchambuzi unahitajika kwa hii rasilimali iliyo wekezwa ambayo  tunajua ndio maana deni letu la taifa linakua  tuone sasa ina tija katika taifa letu" amesema.

Kwa Upande wake, Afisa wa Shirika la Wanawake katika Jitihada za Kimendeleo (WAJIK) Janeth Mawinza  amedai kuwa bajeti hiyo imewarudisha nyuma kama wanaharakati kwenda kujiandaa tena kwa sababu walivyoshauri havikubebwa kama walivyopendekeza hasa kuhusiana na suala la mlengo wa kijinsia pamoja na kulenga makundi maalumu.

"Tunatamani kama vyombo vyenye mamlaka vinaweza kufikiria na kujadili zaidi suala zima la elimu, tulitegemea tuone bajeti inasema elimu bure inaenda kupata nafasi ,watoto hawatakuwa na  michango shuleni" amesema

Naye,Mdau wa masuala ya kijinsia, Mophat Mapunda amepongeza kurudishwa kodi za ardhi na majengo katika mamlaka za halmashauri ambapo itazisaidia kujitanua kimapato katika vyanzo vya ndani  na kuchochea maendeleo.

Read More →

SHULE YA SEKONDARI YA UFUNDI MTWARA YAOKOA MAMILIONI YA FEDHA, MATUMIZI YA GESI ASILIA

Wajumbe wa Bodi ya Wakurugenzi wa Shirika la Maendeleo ya Petroli Tanzania (TPDC) wakiwa katika ziara Shule ya Sekondari Ufundi Mtwara

Ikiwa ni Moja ya taasisi inayotumia nishati ya gesi asilia kupikia mkoani Mtwara , Shule ya Sekondari Ufundi Mtwara inafurahia uwepo wa nishati hiyo kwani licha ya kuokoa pesa nyingi pia imesaidia kutunza mazingira ya shule hiyo kuwa masafi wakati wote huku ikielezwa kuwa hata ratiba za shule kwa sasa zinaenda vizuri kwani chakula kinapikwa na kuiva kwa wakati.

Hayo yameelezwa wakati ya ziara ya Wajumbe wa Bodi ya TPDC walipotembelea Shuleni hapo Juni 13, 2024. 

Akiongea katika ziara hiyo Makamu Mkuu wa shule Mwl. Bwire Babi alisema “Kabla ya matumizi ya gesi asilia shule tulikuwa tunatumia milioni Sita hadi milioni Saba kila mwezi kwa ajili ya kununua kuni na mkaa lakini tangu kuanza matumizi ya gesi asilia mwaka 2020 kwa mwezi shule inatumia kiasi cha Tsh 1,500,000 hadi 1,600,000, tumepata unafuu mkubwa na tunashukuru serikali na TPDC kwa kutuletea gesi hii’’.

Aidha, Bwire aliongeza kuwa nyumba za waalimu 31 shuleni hapo nazo zimeunganishwa na mtandao wa gesi asilia ya kupikia hali inayoleta unafuu mkubwa wa nishati.

"Nilikuwa natumia hadi 190,000 ikiwa ni gharama ya mkaa na gesi ya mitungi kupikia nyumbani kwangu lakini matumizi haya ya gesi asilia natumia Tsh 30,000 tu kwa mwezi’’ ,aliongea Mwl. Bwire

Makamu Mkuu wa Shule ya Ufundi Mtwara Mwl.Bwire akitoa ufafanuzi wa matumizi ya gesi asilia shuleni hapo kwa Wajumbe wa Bodi ya TPDC

Kwa upande wake Mhandisi Samweli Charles alieleza kazi kubwa inayofanywa na TPDC katika kuunganisha Mtwara na mtandao wa gesi asilia kwa matumizi ya viwandani, majumbani na kwenye taasisi.

‘‘Hadi sasa nyumba 425 zimeunganishwa na mtandao wa gesi asilia ya kupikia , taasisi nne ambazo ni Shule ya ufundi Mtwara, Chuo cha ualimu Mtwara, Chuo cha ualimu ufundi Mtwara, gereza la Lilungu pamoja na kiwanda cha Saruji cha Dangote , alieleza’’ Mhandisi Charles

Mhandisi Samwel Charles akitoa maelezo ya kitaalamu kwa Wajumbe wa Bodi ya Wakurugenzi wa TPDC, Shule ya Sekondari Ufundi Mtwara

Wajumbe wa Bodi ya Wakurugenzi TPDC walipotembelea nyumba zinazotumia gesi asilia katika Shule ya Sekondari Ufundi Mtwara, Juni 13, 2024

Read More →

BILIONI 136.2 ZIMETUMIKA UREJESHAJI WA MIUNDOMBINU BARABARA NA MADARAJA

 Na Mwandishi wetu,Dodoma

Serikali imetoa jumla ya Shilingi Bilioni 136.2 kupitia Wakala ya Barabara (TANROADS) na Wakala ya Barabara za Mijini na Vijijini (TARURA), kwa ajili ya kurejesha hali ya  awali ya miundombinu ya barabara na madaraja yaliyoharibiwa kwa kiasi kikubwa na janga la mvua za El Nino.

Hayo yameelezwa na Waziri wa Fedha, Dkt. Mwigulu Nchemba Bungeni jijini Dodoma Mei 13, 2024 wakati akiwasilisha Bajeti Kuu ya Serikali 2024/2025.

Dkt. Mwigulu amewahakikishia Watanzania kuwa Serikali itaendelea kutoa fedha kwa ajili ya kugharamia ukarabati wa miundombinu iliyoharibiwa.

Dkt. Mwigulu amezielekeza Taasisi zote zinazohusika na ujenzi wa miundombinu kuhakikisha zinafanya usanifu wa miradi kwa kuzingatia mabadiliko ya tabianchi.

Ameeleza kufuatia mvua za El-Nino zilizonyesha nchini kuanzia Septemba, 2023 pamoja na kimbunga Hidaya, barabara mbalimbali za kitaifa katika mikoa 26 zimeathirika ambapo barabara 68 zilikuwa zimejifunga, barabara 106 zilikuwa zinapitika kwa shida na barabara 168 ziliathirika lakini zinaendelea kupitika kwa shida baada ya kufanyiwa matengenezo ya dharura. 

“Maeneo yaliyoathirika katika barabara hizo yanakadiriwa kufikia kilometa 520 na kwa upande wa madaraja na makalavati yapatayo 189 yalikuwa yamekatika na mengine kuharibika vibaya”, ameeleza Dkt. Mwigulu.

Aidha, Dkt. Mwigulu ameongeza kuwa tathmini iliyofanyika inaonesha gharama za kurejesha miundombinu hiyo ni shilingi trilioni 1.07 ambapo kati ya fedha hizo, shilingi bilioni 728 ni kwa ajili ya kufanya matengenezo ya kurejesha miundombinu ya barabara ili zirudi katika hali yake ya awali na shilingi bilioni 158 ni kwa ajili ya matengenezo ya dharura ili barabara hizo ziweze kupitika.

Amefafanua kuwa shilingi bilioni 184.14 ni kwa ajili kurejesha miundombinu iliyoathiriwa na kimbunga Hidaya.

Read More →

SIMAMIENI HAKI ZA BINADAMU – CP TENGA

Kamishna wa Sheria na Uendeshaji wa Magereza Tanzania CP Nicodemus Menyamsumba Tenga akizungumza wakati wa ufunguzi wa mafunzo ya kuwajengea uwezo Maafisa wa Jeshi la Polisi na Magereza katka masuala ya huduma za msaada wa kisheria leo juni 12 Jijini Arusha.

Msajili wa Watoa Huduma za Msaada wa Kisheria Bi. Ester Msambazi akizungumza wakati wa ufunguzi wa mafunzo ya kuwajengea uwezo Maafisa wa Jeshi la Polisi na Magereza katka masuala ya huduma za msaada wa kisheria leo juni 12 Jijini Arusha.

Na Imma Msumba ; Arusha

Kamishna wa Sheria na uendeshaji wa Magereza Nchini CP Nicodemus Menyamsumba Tenga amewataka Maafisa wa Jeshi la Polisi na Magereza nchini kuhakikisha wanasimamia haki zote za binadamu katika maeneo yao ya kazi.

Cp Tenga ameyasema hayo wakati akifungua mafunzo ya kuwajengea uwezo Maafisa wa Jeshi la Polisi na Magereza katika masuala ya huduma za msaada wa kisheria yanayoendelea jijini arusha kwa siku mbili.

Akizungumza katika hafla ya ufunguzi wa mafunzo hayo yaliyoandaliwa na Wizara ya Katiba na Sheria, Mgeni Rasmi CP Nicodemus Menyamsumba Tenga amewataka maafisa hao kwenda kutekeleza majukumu yao mahususi mara wamalizapo mafunzo hayo ili yakawe na tija na matokeo mazuri ya utoaji haki.

“Tunamshukuru sana Rais Samia Suluhu Hassan kwa kuhakikisha watanzania wanapata haki, pamoja na kunufaika na uwepo wa mifumo ya kijinai ya uhakika kwa kuimarisha miundombinu ya utoaji haki na watoa haki za kijinai hapa nchini” Alisema Cp Kamishna Tenga.

Hata hivyo aliongezea kuwa wao kama majeshi ya kulinda haki hawatamuangusha Rais Samia bali wataendelea kutembea na maono ya Rais ili kuhakikisha katika Taasisi zote wanazosimamia wananchi wanakwenda kupata haki zao za kimsingi na sio kukiuka haki za binadamu.

Mbali na hilo Kamishna Cp Tenga ameiomba Wizara ya Katiba na Sheria kuhakikisha hawaishii kutoa mafunzo kwa viongozi wa juu tu bali waendelee kutoa mafunzo kwa makundi mbalimbali ambayo yanasimamia Haki za binadamu katika Taasisi mbalimbali za Kijinai ili kuweza kupata matokeo mazuri katika utoaji haki.

Kwa upande wake Msajili wa watoa Huduma za Msaada wa Kisheria kutoka Wizara ya Katiba na Sheria Bi. Ester Msambazi amewataka maafisa hao kuendelea kusimama kwa pamoja ili kuhakikisha haki za wananchi zinapatikana kwa wakati na sehemu yoyote kwani serikali imeboresha maeneo mbalimbali ya huduma za kisheria.

“Tunalishukuru sana Jeshi la Polisi na Magereza kwa ushirikiano wao mkubwa sana katika Wizara yetu kwani katika masuala yetu ya msaada wa kisheria wamekuwa wadau wakubwa sana katika kuhakikisha wananchi wanapata haki kwa wakati na kwa ufanisi” Alisema Bi. Ester Msambazi.

Bi. Veronica Sigalla akimwakilisha Mkurugenzi mkazi wa UNDP hapa nchini amelishukuru Jeshi la Magereza kwa kazi kubwa wanayofanya kwa kushirikiana na Jeshi la Polisi kwa kupunguza kasi kubwa ya malalamiko ya ukiukwaji wa Haki za binadamu kwani bila uongozi mzuri na dhabiti lisingewezekana,pia amewaomba maafisa hao kuendelee kuunga mkono jitihada za kiserikali ili kuhakikisha msaada wa kisheria unaendelea kutolewa.

Read More →

HAYA HAPA MAGAZETI YA LEO ALHAMISI JUNI 13, 2024

Read More →