WENYE ULEMAVU, WANAWAKE, VIJANA WAHAMASISHWA KUJIANDIKISHA KUWA WAPIGA KURA

Mjumbe wa Tume, Jaji (Rufaa) Mhe. Mwanaisha Kwariko akizungumza wakati akifungua mkutano wa Tume na wawakilishi wa watu wenye ulemavu, uliofanyika leo tarehe 11 Juni, 2024 jijini Dar es Salaam ikiwa ni sehemu ya maandalizi ya uboreshaji wa Daftari la Kudumu la Wapiga Kura. Alifungua Mkutano huo kwa niaba ya Mwenyekiti wa Tume, Jaji (Rufaa) Jacobs Mwambegele.

Mkuu wa Kitengo cha Huduma za Kisheria wa Seleman Mtibora akiwasilisha mada kwenye mkutano wa kwa niaba ya Mkurugenzi wa Uchaguzi wa Tume Huru ya Taifa ya Uchaguzi, na kusema uboreshaji wa daftrai pamoja na mambo mengine utahusu kuandikisha wapiga kura wapya ambao ni raia wa Tanzania wenye umri wa miaka 18 na zaidi na watakaotimiza umri huo ifikapo tarehe ya uchaguzi mkuu wa mwaka 2025.

Na. Mwandishi Wetu, Dar es Salaam

Tume Huru ya Taifa ya Uchaguzi (INEC) imetoa wito kwa makundi mbalimbali katika jamii wakiwepo watu wenye Ulemavu, wanawake na vijana kutumia majukwaa, taasisi na mashirika yao kuhamasishana kujiandikisha kwenye Daftari la Kudumu la Wapiga Kura.

Wito huo umetolewa na Mjumbe wa Tume, Jaji (Rufaa) Mhe. Mwanaisha Kwariko kwa niaba ya Mwenyekiti wa Tume, Jaji (Rufaa) Jacobs Mwambegele wakati akifungua mkutano wa Tume na wawakilishi wa watu wenye ulemavu, uliofanyika leo tarehe 11 Juni, 2024 jijini Dar es Salaam ikiwa ni sehemu ya maandalizi ya uboreshaji wa Daftari la Kudumu la Wapiga Kura.

Mkutano huo umefanyika sambamba na mkutano wa Tume na wawakilishi wa wanawake na wawakilishi wa watu vijana ikiwa ni mwendelezo wa mfululizo wa vikao kama hivyo vilivyofanyika kuanzia tarehe 07 Juni, 2024.

Jaji Mwanaisha Kwariko alisema Wawakilishi wa watu wenye ulemavu mnayofursa ya kuwahamasisha wenzao kwenye majukwaa yao.

"Hivyo, nawasihi na kuwaomba kwa dhati mtumie fursa hizo wakati wote mnapotangaziana mambo mbalimabli, moja ya matangazo yawe kuwahamasisha watu wenye ulemavu kujitokeza kujiandikisha kuwa wapiga kura," amesema Jaji Kwariko.

Jaji Kwariko amewashukuru wawakilishi wa watu wenye ulemavu kwa ushirikiano mkubwa ambao wameuonesha kwa Tume wakati wa utekelezaji wa majukumu yake.

“Kwenye mazoezi ya uboreshaji wa Daftari yaliyopita, watu wenye ulemavu mmekuwa msaada mkubwa katika kuhamasisha na kuelimisha wananchi haswa kundi lenu la watu wenye ulemavu kupitia majukwaa mbalimbali," amesema.

Pia, amewashukuru watu wenye ulemavu kwa kujitokeza kwa wingi kiasi ambacho kimeiwezesha Tume kufikia malengo yake ya kuandikisha wapiga kura na kuwaomba waendelee na utamaduni huo.

Mkuu wa Kitengo cha Huduma za Kisheria wa Seleman Mtibora akiwasilisha mada kwenye mkutano wa kwa niaba ya Mkurugenzi wa Uchaguzi wa Tume Huru ya Taifa ya Uchaguzi, Bw. Kailima R. K amesema uboreshaji wa daftrai pamoja na mambo mengine utahusu kuandikisha wapiga kura wapya ambao ni raia wa Tanzania wenye umri wa miaka 18 na zaidi na watakaotimiza umri huo ifikapo tarehe ya uchaguzi mkuu wa mwaka 2025.

Ameongeza kuwa zoezi hilo pia litatoa fursa kwa wapiga kura waliopo kwenye daftari na ambao wamehama, waweze kuhamisha taarifa zao kutoka Kata au jimbo walioandikishwa awali.

Read More →

HAYA HAPA MAGAZETI YA LEO JUMATANO JUNI 12, 2024

Read More →

TUME YA HAKI ZA BINADAMU NA UTAWALA BORA YATOA ELIMU YA KUHUSU HAKI ZA BINADAMU BUKOBA

Kamishna wa Tume ya haki za binadamu na utawala bora  Nyanda Shuli akizungumza 

Diwani wa Kata ya Bilele Mh Sharif Salum Taufiq akizungumza 

Na Mbuke Shilagi Kagera

Tume ya Haki za Binadamu na Utawala Bora imefanya ziara ya siku mbili Manispaa ya Bukoba Mkoani Kagera lengo ikiwa ni kutoa elimu juu ya haki za binadamu kwa wananchi na wakazi wa manispaa ya Bukoba.

Akizungumza katika mkutano wa hadhara uliofanyika soko kuu la Bukoba lililopo ndani ya Kata ya Bilele Juni 11, 2024, Kamishna wa Haki za Binadamu na Utawala Bora Mh. Nyanda Shuli amesema kuwa Tume ya Haki za Binadamu na utawala bora ni idara inayojitegemea ya Serikali na ni chombo cha Nchi kinachofanya kazi Tanzania Bara na Zanzibar.

"Chombo hiki kimeundwa kwa mujibu wa katiba ili kusaidia na kuwezesha utetezi ufatiliaji na ulinzi wa haki za binadamu na misingi ya utawala bora", amesema Kamishina Shuli.

"Kwahiyo bahati nzuri sana utawala bora katika nchi yetu umewekwa katika ngazi tofauti tofauti na tume hii pamoja na kuwepo mahakama na ofisi mbalimbali za Serikali kuhudumia wananchi lakini ilionekana ni vyema kuwepo na hiki chombo ili mwananchi anapokosa msaada na kuona anashindwa kupata haki zake katika maeneo mengine aje tume na anapofika tume sisi tumepewa nguvu na katiba na sheria ya kwenda popote pale ambapo kunamkwamo'' ,amesema.

Naye Afisa uchunguzi Mkuu kutokavTume ya Haki za Binadamu na Utawala Bora, Konstantine Mugusi amesema kuwa haki za binadamu ni zile haki au stahili ambazo mtu anasitahili kuzidai kwasababu yeye ni binadamu.

"Ubinadamu wako unakufanya ustahili haki ambazo dunia imezitambua na kuziainisha katika sheria za kimataifa,za kikanda na hata katika katiba yetu ya Jamhuri ya muungano wa Tanzania.

"Haki anayositahili Mtanzania ndiyo haki anayo sitahili Mmarekani na hizi haki zinategemeana na ukinyang'anya haki moja kuna uwezekano wa kunyanganya haki kadhaa na hizi haki hazitenganishwi na huwezi kuzirithisha kwahiyo ukomo wa kuzisitahili ni urefu wa maisha yako"

"Serikali ndiyo yenye jukumu la kuzilinda lakini serikali hiyo imewekewa mamlaka nyingine ili kuona kweli inazilinda? mfano bwana serikali ulisema utalinda haki ya elimu ulisema utailinda haki ya kumiliki mali unailinda? mbona huilindi yenyewe kama ulivyosema?",amesema.

Aidha katika mkutano huo ambao umehudhuriwa na viongozi mbalimbali wa Serikali ngazi ya Wilaya,Kata,Mitaa pamoja na wananchi kutoka maeneo mbalimbali ya Manispaa Bukoba wamepata nafasi ya kuwasilisha malalamiko yao ambayo yamekuwa mzigo kwako.

Ambapo mwananchi ambaye amejitambulisha kwa jina la mchungaji William Polotas Bashange amelilalamikia jeshi la Polisi Bukoba kwamba limeshindwa kumsaidia na kuwa usumbufu katika familia yake baada ya mtu mmoja kutoka Jeshi la Polisi alistaafu na kuwa msumbufu katika familia yake.

"Jeshi la Polisi sijui wamekaa sana hapa na kuzoea mazingira haya? ni watesaji naomba tume iende jeshi la polisi inisaidie" amesema Mch. Bashange.

Naye Kamishina  wa Tume ya Haki za Binadamu na Utawala Bora Nyanda Shuli amejibu na kusema kuwa tume ya haki za binadamu na utawala bora miongoni ya majukumu yake ni wananchi wanapata huduma bora huku akisema kuwa amani ni zao la haki na mahali ambapo hapana haki uwezi kupata amani.

"Mzee Bashange tunaendelea kuchukua maelezo yake vizuri ili tuone jambo lake tunalifuatilia vizuri na sisi tunapochukua maelezo hatukai upande wa mlalamikaji au mlalamikiwa ila tunasimama upande wa haki na ndiyo majukumu ya tume hii", amesema.

Kwa upande wake Diwani wa kata ya Bilele Mh. Shariff Salum Taufiq ameiomba serikali pamoja na wizara ya tume ya haki za binadamu na utawala bora kuweka ofisi katika Mkoa wa Kagera ili wananchi kupata sehemu ya kukimbilia kuliko ilivyo hivi sasa ambapo ofisi ipo Mwanza.

"Ushauri wangu ni kwamba katika vikao vyenu nchii hii ni kubwa hivyo kila mkoa ziwepo ofisi angalau hata mtu wa ngara anaweza kuja hapahapa ndani ya mkoa na kutoa malalamiko yake na akapata haki yake", amesema.

Read More →

DAWASA YAANZA USAJILI MAGARI YA MAJISAFI DAR, PWANI

Mamlaka ya Majisafi na Usafi wa Mazingira Dar es Salaam (DAWASA) imeanza rasmi zoezi la siku saba la usajili, uhakiki na utoaji vibali vya uendeshaji wa huduma ya magari binafsi ya usambazaji Majisafi katika Mkoa wa Dar es Salaam na Mkoa wa Pwani kwa lengo la kulinda afya na usalama wa watumiaji wa huduma hiyo.

Zoezi hilo linafanyika katika maeneo ya Mbezi Makonde, Wazo, Mbezi Kibanda cha Mkaa, Mapinga, Kibaha, Mlandizi na Chalinze kwa lengo la kuwatambua na kuwapa vibali vya kutoa huduma ya Maji kwa njia ya Magari kwa Wananchi ambao hawana huduma au miundombinu ya Majisafi ya Mamlaka.

DAWASA inawahimiza Wananchi kutumia magari ya Majisafi yaliyopata uthibitisho kwa kuwekewa stika maalum zinazowaruhusu kusambaza huduma ya Maji ndani ya eneo lake la kihuduma.

Read More →

TFFT YAENDESHA MASHINDANO YA UBUNIFU KWA SHULE 11 ZA ARUSHA NA KILIMANJARO

 

Na Ferdinand Shayo ,Arusha .

Shirika lisilokua la kiserikali la The Foundation For Tomorrow (TFFT) limeendesha mashindano ya Mawazo bunifu ya kampuni zilizobuniwa na wanafunzi wa shule 11 za sekondari kutoka mikoa ya Arusha na Kilimanjaro ambapo shule ya Arusha Science secondary imeibuka na ushindi na inatarajiwa kushiriki mashindano ya kimataifa yatakayofanyika nchini Maurtius Disemba Mwaka huu.

Mkurugenzi wa TFFT Noah Kayanda amesema mashindano ya uendeshaji kampuni na utekelezaji mawazo bunifu ya biashara yenye lengo la kuwajengea uwezo wa kukabiliana na changamoto zinazoikabili jamii ikiwemo ajira na uharibifu wa mazingira.

“Tunatekeleza mashindano haya kwa kushirikiana na Junior Achievement Africa kupitia programu ya JA Company program ambayo inawasaidia vijana kupata elimu ya fedha ,usimamizi wa miradi ili kuwaandaa wanapohitimu shule kukabiliana na changamoto zilizoko kwenye jamii ikiwemo ajira” Anaeleza Mkurugenzi wa TTFT

Mkuu wa Wilaya ya Arumeru Emmanuela Kaganda amesema program hiyo itawasaidia kuwasaidia vijana katika Nyanja mbali mbali kuibua vipaji na ubunifu na kuongeza kuwa vijana wana ubunifu mkubwa unaoweza kuisaidia jamii na taifa kwa ujumla.

Kaganda amesema kuwa vijana wa kitanzania wana uwezo mkubwa na wanaweza kushinda katika Nyanja za kimataifa huku akiwataka wakuu wa shule kuendeleza ubunifu wa wanafunzi hao.

Wanafunzi wa Kikundi cha wanafunzi kilichofahamika kama Bloomtech kutoka shule ya Sekondari Arusha Science akiwemo Baraka Kileo na Naira Issa ambao wameibuka washindi wa mashindano wamesema wako tayari kuiwakilisha vyema Tanzania katika mashindano ya kimataifa yatakayofanyika Disemba mwaka huu nchini Mauritius.

Read More →