Saturday, 18 February 2023
Friday, 17 February 2023
CHUO CHA VETA WILAYANI BAHI KULETA CHACHU YA MABADILIKO KIUCHUMI-DC GONDWE
Mkuu wa Wilaya ya Bahi Godwin Gondwe akuzungumza wakati alipotembelea Chuo cha VETA Bahi kuangalia hatua xa ujenzi ulipofikia 
Mkuu wa Wilaya ya Bahi Godwin Gondwe akipewa maelezo ya Ujenzi wa Chuo cha VETA kutoka kwa Mkuu wa Chuo cha VETA Mkoa wa Dodoma Stanslaus Ntibara wakati Mkuu wa Wilaya alipotembelea chuo hicho. 
Baadhi ya Samani zilizo katika Chuo cha VETA Bahi zitazotumika baada ya Chuo kufunguliwa 
Baadhi ya Picha za Mkuu wa Wilaya ya Bahi Godwin Gondwe akikagua ujenzi wa Chuo cha VETA Bahi
***************************
Na Mwandishi Wetu , Bahi
MKUU wa Wilaya ya Bahi mkoani Dodoma Godwin Gondwe ametembelea na kukagua maendeleo ya mradi wa ujenzi wa Chuo cha Ufundi Stadi cha Wilaya ya Bahi .
Akizungumza kwenye ziara iliyofanyika Februari 15 , 2023, Gondwe amesema uwepo wa chuo hicho utaleta chachu ya mabadiliko ya kiuchumi wilayani hapo kwani wananchi watapata ujuzi utakaoongeza thamani katika shughuli zao na kuongeza mapato.
“Tunaamini kabisa ujuzi utakaotolewa hapa utawasaidia wanaBahi kuongeza uzalishaji katika shughuli za kilimo, ufugaji na nyingine na hivyo kuleta tija zaidi,”amesema Gondwe huku akiishauri VETA kuandaa programu za mafunzo kwa kuzingatia zaidi shughuli za kiuchumi za wananchi wa Wilaya hiyo ambazo ni ufugaji, kilimo na madini.
Aidha Gondwe ameitaka VETA kutoa kipaumbele kwenye michezo kwa kutenga maeneo ya wanafunzi kufanya michezo mbalimbali ili kukuza umoja, mshikamano na vipaji wa vijana.
Awali akitoa taarifa ya utekelezaji wa mradi huo, Mkuu wa Chuo cha VETA Dodoma Stanslaus Ntibara amesema ujenzi wa chuo hicho umefikia asilimia 90.
Chuo cha VETA cha Wilaya ya Bahi ni miongoni mwa vyuo vipya 25 vya Wilaya nchini ambapo chuo hicho kinajengwa na kusimamiwa na chuo cha VETA Dodoma kwa kutumia nguvu za ndani (Force Account).
Ntibara ametaja kozi zitakazotolewa katika chuo hicho kwa awamu ya kwanza kuwa ni Uhazili na Kompyuta,Ushonaji, Uashi,Ufundi Umeme,Ufundi Magari na Uchomeleaji Vyuma.
Chuo hicho kitakuwa na uwezo wa kudahili wanafunzi 300 kwa kozi za muda mrefu na 400 kwa kozi za muda mfupi ambapo nafasi za bweni ni kwa wanafunzi 144.
TBS YAWATAKA WAAGIZAJI WA MAZIWA MBADALA YA WATOTO KUHAKIKISHA WANASAJILI
Kaimu Meneja Ukaguzi na Utekelezaji wa Sheria TBS, Bw. Mosses Mbambe akizungumza na waandishi wa habari leo Februari 17,2023 katika ofisi za Shirika la Viwango Tanzania (TBS) Jijini Dar es Salaam
****************************
NA EMMANUEL MBATILO, DAR ES SALAAM
SHIRIKA la Viwango Tanzania (TBS) limewataka ,Waagizaji na Wasambazaji wa Maziwa mbadala ya watoto wachanga na wadogo kuhakikisha bidhaa hizo zinasajiliwa kwa mujibu wa sheria ya Viwango na Shirika hilo ili kuhakiki ubora na usalama wa bidhaa hizo kabla hazijamfikia mtumiaji.
Akizungumza na Waandishi wa habari leo Februari 17,2023 Jijini Dar es Salaam, Kaimu Meneja Ukaguzi na Utekelezaji wa Sheria TBS, Bw. Mosses Mbambe amesema wale wote ambao wanaoagiza bidhaa za maziwa mbadala ya watoto wadogo wanatakiwa kuyasajili ili kuangalia ubora na usalama kwamujibu wa viwango vya kitaifa.
Amesema katika usajili wanaangalia pia maelezo ya kwenye lebo ama kwenye vifungashio kama yameelezwa kwa usahihi kwa lengo la kutoa taarifa sahihi kwa mama ambao wameamua kutumia bidhaa hizo.
"Kwa mujibu wa kanuni chini ya sheria ya viwango sura ya 130 inataka maelezo ya kwenye lebo ya maziwa ya watoto wachanga na wadogo yawe katika lugha ya kiswahili kwasababu ni lugha ambayo inaeleweka na watanzania waliowengi na itamuwezesha mama ambaye amefanya maamuzi ya kutumia bidhaa hiyo namna ya kuyaandaa vizuri mwa usahihi kwa lengo la kuepuka athari ambazo zinaweza kujitokeza". Amesema Bw.Mbambe
Aidha Bw.Mbambe amesema kwa mujibu wa kanuni ama sheria ya kimataifa maziwa hayo ya watoto wachanga na wadogo hayaruhusiwi kutangazwa katika maeneo mbalimbali nchini lengo kubwa ni kuhakikisha kwamba wanahamasisha uyonyeshaji wa maziwa ya mama kwa watoto.
RUWASA YASAINI MKATABA WA UNUNUZI WA BOMBA ZA CHUMA UJENZI WA MRADI WA MAJI NDUKU - BUSANGI... DC MHITA ATAKA YALETWE HARAKA
Kaimu Meneja wa RUWASA Wilaya ya Kahama Mkama Msilanga (kushoto), Meneja wa RUWASA Mkoa wa Shinyanga Mhandisi Julieth Payovela (katikati) na Mhasibu Miradi wa Kampuni ya Ukandarasi ya Otonde Construction & General Supplies Ltd, Martine Nkomela (kulia) wakitia saini Mkataba wa Ununuzi wa Bomba za Chuma za Ujenzi wa Mradi wa Maji wa Nduku – Busangi halmashauri ya Msalala.
Na Kadama Malunde - Malunde 1 blog
Wakala wa Maji na Usafi wa Mazingira Vijijini (RUWASA) Wilaya ya Kahama Mkoa wa Shinyanga na Kampuni ya Ukandarasi ya Otonde Construction & General Supplies Ltd wametia saini Mkataba wa Ununuzi wa Bomba za Chuma za Ujenzi wa Mradi wa Maji wa Nduku – Busangi katika Halmashauri ya Msalala.
Hafla fupi ya Utiaji saini Mkataba wa Ununuzi wa Bomba za Chuma za Ujenzi wa Mradi wa Maji wa Nduku – Busangi imefanyika leo Ijumaa Februari 17,2023 katika Ofisi ya Mkuu wa Wilaya ya Kahama na kushuhudiwa na Mkuu wa wilaya hiyo Mhe. Mboni Mhita na wadau wa maji.
Mkuu wa Wilaya ya Kahama Mhe. Mboni Mhita amemtaka Mkandarasi Otonde Construction & General Supplies Ltd kuzingatia mkataba kwa kuhakikisha anapeleka mabomba ya maji kwa wakati ili wananchi waanze kupata huduma ya maji safi na salama kutoka Ziwa Victoria.
“Tunamshukuru Mhe. Rais Dkt. Samia Suluhu kwa kuleta fedha ili kutekeleza miradi ya maji lengo likiwa ni kumtua mama ndoo kichwani. Tunataka kuondoa adha ya maji kwa wananchi, Mkandarasi hakikisha unaleta mabomba kwa mujibu wa mkataba uliosaini na uwekaji mabomba ufanyike haraka”,amesema Mhita.
Mkuu huyo wa wilaya amewataka wananchi kutunza miundombinu ya maji na kuachana na tabia kuvamia vyanzo vya maji na miundombinu ya maji ili miradi ya maji idumu.
Akielezea kuhusu Ujenzi wa Mradi wa Maji Nduku – Busangi, Kaimu Meneja wa RUWASA Wilaya ya Kahama Mkama Msilanga amesema jumla ya mita 18,927 za bomba za chuma zitanunuliwa na Mzabuni na kuletwa eneo la mradi na kiasi hicho cha bomba kitatosheleza kukamilisha mtandao wa bomba kwa awamu ya kwanza.
“Utekelezaji wa mradi huu ulipangwa kutekelezwa kwa awamu mbili ambapo katika awamu ya kwanza wananchi 17,108 wa vijiji vitatu ambavyo ni Busangi, Nyamigege na Ntundu watanufaika na mradi huo. Tayari tumekamilisha ujenzi wa matenki mawili yenye mita za ujazo 175, vituo 16 vya kuchotea maji,ujenzi wa ofisi ya watoa huduma ngazi ya jamii (CBWSO),kuchimba mtaro na kulaza bomba la urefu wa km 20.3, kazi ambazo zimetekelezwa kwa Force Account. Kiasi cha shilingi 1,126,571,596/= kimetumika kutekeleza kazi hizo ikiwemo kulipia bomba za plastiki (HDPE) na bomba za chuma. Ujenzi wa awamu ya kwanza umefikia asilimia 35%”,ameeleza Msilanga.
Kaimu Meneja wa RUWASA Wilaya ya Kahama Mkama Msilanga akitoa taarifa ya utekelezaji wa miradi ya maji wilayani Kahama.
“Katika awamu ya pili ya ujenzi wa mradi huu ilipangwa kujenga matenki mawili yenye jumla ya mita za ujazo 755, ujenzi wa mtandao wa maji wenye jumla ya km 29.8 na ujenzi wa vituo 18 vya kuchotea maji katika kijiji cha Ntobo na Gulla. Katika awamu hii vijiji vitatu vya Ntobo, Gulla na Masabi na makao makuu ya Halmashauri ya Wilaya ya Msalala vitanufaika na mradi huu ambapo jumla ya watu 18,285 watanufaika na mradi kwa awamu ya pili”,amefafanua Msilanga.
Msilanga amesema utekelezaji wa mradi huo ulioanza Julai 2020, umechelewa kukamilika kwa wakati kutokana na changamoto ya fedha za ujenzi wa mradi na sasa utiaji saini wa ununuzi wa bomba za chuma umefanyika ambapo jumla ya mita 18,927 za bomba za chuma zitanunuliwa na Mzabuni na kuletwa eneo la mradi na kiasi hicho cha bomba kitatosheleza kukamilisha mtandao wa bomba kwa awamu ya kwanza.
Hata hivyo amesema kwa kipindi cha Mwaka wa Fedha 2021/2022 RUWASA wilaya ya Kahama imekamilisha ujenzi wa miradi 13 ya maji yenye thamani ya shilingi 16,235,321,604.37/= katika halmashauri zote tatu (Msalala Miradi 6, Ushetu 5 na Manispaa ya Kahama 2).
Katika hatua nyingine amesema RUWASA Kahama inaendelea na shughuli za ujenzi, upanuzi, ukarabati na usanifu wa ujenzi wa miradi mbalimbali ya maji.
Naye Mhasibu Miradi wa Kampuni ya Ukandarasi ya Otonde Construction & General Supplies Ltd, Martine Nkomela ameahidi kupeleka mabomba ya chuma ya mradi huo kwa wakati.
Kwa upande wake Meneja wa RUWASA Mkoa wa Shinyanga Mhandisi Julieth Payovela amesema changamoto zilizopo kuwa ni ufinyu wa bajeti kwa ajili ya utekelezaji wa miradi ya maji,ukosefu wa vyanzo vya maji ya uhakika kwenye baadhi ya maeneo, matumizi madogo ya maji wakati wa masika, uvamizi wa maeneo ilipojengwa miundombinu ya maji hususani matanki, uharibifu wa miundombinu iliyokwisha jenga hususani mabomba ya maji na valves na uvamizi wa nyanzo vya maji kwa kufanya shughuli za kiuchumi ikiwemo kilimo.
Meneja wa RUWASA Mkoa wa Shinyanga Mhandisi Julieth Payovela.
Mhandisi Payovela amesema wataendelea kufanya tafiti kwa kina kwa ajili ya kupata vyanzo vya maji chini ya ardhi, kutumia kwa ufanisi fedha zinazopatikana kutekeleza miradi yenye tija kwa jamii, kutenga bajeti kwa ajili ya ukarabati wa miradi, kuendelea kuwahamasisha wananchi kutumia maji safi na salama na kutoa elimu ya utunzaji wa vyanzo vya maji na miundombinu ya maji.
Nao Mwenyekiti wa Halmashauri ya Wilaya ya Msalala Mibako Mabubu na Mwenyekiti wa Kamati ya Elimu, Afya na Maji wa halmashauri hiyo, Ibrahim Six wameomba utekelezaji wa mradi huo utakaonufaisha kata tatu za Nduku, Busangi na Ntobo ufanye haraka kwani ni muda mrefu wananchi wanapata adha ya kutafuta maji safi na salama.
TAZAMA PICHA HAPA CHINI
Mkuu wa Wilaya ya Kahama Mhe. Mboni Mhita akizungumza wakati wa hafla fupi ya Utiaji saini Mkataba wa Ununuzi wa Bomba za Chuma za Ujenzi wa Mradi wa Maji wa Nduku – Busangi halmashauri ya Msalala leo Ijumaa Februari 17,2023
Mkuu wa Wilaya ya Kahama Mhe. Mboni Mhita akizungumza wakati wa hafla fupi ya Utiaji saini Mkataba wa Ununuzi wa Bomba za Chuma za Ujenzi wa Mradi wa Maji wa Nduku – Busangi halmashauri ya Msalala
Mkuu wa Wilaya ya Kahama Mhe. Mboni Mhita akizungumza wakati wa hafla fupi ya Utiaji saini Mkataba wa Ununuzi wa Bomba za Chuma za Ujenzi wa Mradi wa Maji wa Nduku – Busangi halmashauri ya Msalala
Mkuu wa Wilaya ya Kahama Mhe. Mboni Mhita akizungumza wakati wa hafla fupi ya Utiaji saini Mkataba wa Ununuzi wa Bomba za Chuma za Ujenzi wa Mradi wa Maji wa Nduku – Busangi halmashauri ya Msalala
Mkuu wa Wilaya ya Kahama Mhe. Mboni Mhita akiwa kwenye hafla fupi ya Utiaji saini Mkataba wa Ununuzi wa Bomba za Chuma za Ujenzi wa Mradi wa Maji wa Nduku – Busangi halmashauri ya Msalala
Katibu Tawala wilaya ya Kahama, Timoth Ndanya akizungumza wakati wa hafla fupi ya Utiaji saini Mkataba wa Ununuzi wa Bomba za Chuma za Ujenzi wa Mradi wa Maji wa Nduku – Busangi halmashauri ya Msalala
Meneja wa RUWASA Mkoa wa Shinyanga Mhandisi Julieth Payovela akizungumza wakati wa hafla fupi ya Utiaji saini Mkataba wa Ununuzi wa Bomba za Chuma za Ujenzi wa Mradi wa Maji wa Nduku – Busangi halmashauri ya Msalala
Meneja wa RUWASA Mkoa wa Shinyanga Mhandisi Julieth Payovela akizungumza wakati wa hafla fupi ya Utiaji saini Mkataba wa Ununuzi wa Bomba za Chuma za Ujenzi wa Mradi wa Maji wa Nduku – Busangi halmashauri ya Msalala
Kaimu Meneja wa RUWASA Wilaya ya Kahama Mkama Msilanga akitoa taarifa ya utekelezaji wa miradi wakati wa hafla fupi ya Utiaji saini Mkataba wa Ununuzi wa Bomba za Chuma za Ujenzi wa Mradi wa Maji wa Nduku – Busangi halmashauri ya Msalala
Kaimu Meneja wa RUWASA Wilaya ya Kahama Mkama Msilanga akitoa taarifa ya utekelezaji wa miradi wakati wa hafla fupi ya Utiaji saini Mkataba wa Ununuzi wa Bomba za Chuma za Ujenzi wa Mradi wa Maji wa Nduku – Busangi halmashauri ya Msalala
Kaimu Meneja wa RUWASA Wilaya ya Kahama Mkama Msilanga (kushoto), Meneja wa RUWASA Mkoa wa Shinyanga Mhandisi Julieth Payovela (katikati) na Mhasibu Miradi wa Kampuni ya Ukandarasi ya Otonde Construction & General Supplies Ltd, Martine Nkomela (kulia) wakitia saini Mkataba wa Ununuzi wa Bomba za Chuma za Ujenzi wa Mradi wa Maji wa Nduku – Busangi halmashauri ya Msalala
Kaimu Meneja wa RUWASA Wilaya ya Kahama Mkama Msilanga (kushoto), Meneja wa RUWASA Mkoa wa Shinyanga Mhandisi Julieth Payovela (katikati) na Mhasibu Miradi wa Kampuni ya Ukandarasi ya Otonde Construction & General Supplies Ltd, Martine Nkomela (kulia) wakitia saini Mkataba wa Ununuzi wa Bomba za Chuma za Ujenzi wa Mradi wa Maji wa Nduku – Busangi halmashauri ya Msalala
Kaimu Meneja wa RUWASA Wilaya ya Kahama Mkama Msilanga (kushoto), Meneja wa RUWASA Mkoa wa Shinyanga Mhandisi Julieth Payovela (katikati) na Mhasibu Miradi wa Kampuni ya Ukandarasi ya Otonde Construction & General Supplies Ltd, Martine Nkomela (kulia) wakitia saini Mkataba wa Ununuzi wa Bomba za Chuma za Ujenzi wa Mradi wa Maji wa Nduku – Busangi halmashauri ya Msalala
Meneja wa RUWASA Mkoa wa Shinyanga Mhandisi Julieth Payovela akibadilishana nyaraka na Mhasibu Miradi wa Kampuni ya Ukandarasi ya Otonde Construction & General Supplies Ltd, Martine Nkomela (kulia) baada ya kutia saini Mkataba wa Ununuzi wa Bomba za Chuma za Ujenzi wa Mradi wa Maji wa Nduku – Busangi halmashauri ya Msalala
Mhasibu Miradi wa Kampuni ya Ukandarasi ya Otonde Construction & General Supplies Ltd, Martine Nkomela akizungumza wakati wa hafla fupi ya Utiaji saini Mkataba wa Ununuzi wa Bomba za Chuma za Ujenzi wa Mradi wa Maji wa Nduku – Busangi halmashauri ya Msalala
Mwenyekiti wa Kamati ya Elimu, Afya na Maji wa halmashauri ya Msalala, Ibrahim Six akizungumza wakati wa hafla fupi ya Utiaji saini Mkataba wa Ununuzi wa Bomba za Chuma za Ujenzi wa Mradi wa Maji wa Nduku – Busangi halmashauri ya Msalala
Mwenyekiti wa Halmashauri ya Wilaya ya Msalala Mibako Mabubu akizungumza wakati wa hafla fupi ya Utiaji saini Mkataba wa Ununuzi wa Bomba za Chuma za Ujenzi wa Mradi wa Maji wa Nduku – Busangi halmashauri ya Msalala
Meya wa Manispaa ya Kahama Yahya Ramadhani akizungumza kwa niaba ya Mwenyekiti wa CCM Wilaya ya Kahama wakati wa hafla fupi ya Utiaji saini Mkataba wa Ununuzi wa Bomba za Chuma za Ujenzi wa Mradi wa Maji wa Nduku – Busangi halmashauri ya Msalala
Wadau wakiwa kwenye hafla ya Utiaji saini Mkataba wa Ununuzi wa Bomba za Chuma za Ujenzi wa Mradi wa Maji wa Nduku – Busangi
Wadau wakiwa kwenye hafla ya Utiaji saini Mkataba wa Ununuzi wa Bomba za Chuma za Ujenzi wa Mradi wa Maji wa Nduku – Busangi
Wadau wa maji wakipiga picha ya kumbukumbu wakati wa hafla ya Utiaji saini Mkataba wa Ununuzi wa Bomba za Chuma za Ujenzi wa Mradi wa Maji wa Nduku – Busangi.
Picha na Kadama Malunde - Malunde 1 blog
WAZIRI DKT MABULA ATAKA MOTISHA OFISI ZINAZOFANYA VIZURI MAKUSANYO YA ARDHI
Waziri wa Ardhi Nyumba na Maendeleo ya Makazi Dkt Angeline Mabula akizungumza katika kikao kazi kati ya Menejimenti ya Wizara ya Ardhi na Makamishna wa Ardhi Wasaidizi wa Mikoa kilichofanyika taehe 16 Februari 2023 Morogoro. Kulia ni Katibu Mkuu Wizara ya Ardhi Dkt Allan Kijazi na kushoto ni Katibu Tawala Mkoa wa Morogoro Musa Ally Musa.
Sehemu ya Washiriki wa Kikao Kazi cha Wizara ya Ardhi Nyumba na Maendeleo ya Makazi na Makamishna wa Ardhi Wasaidizi wa Mikoa kilichofanyika tarehe 16 Februari 2023 Morogoro.
Katibu Mkuu Wizara ya Ardhi Nyumba na Maendeleo ya Makazi Dkt Allan Kijazi akizungumza katika Kikao Kazi cha Menejimenti ya Wizara ya Ardhi Nyumba na Maendeleo ya Makazi na Makamishna wa Ardhi Wasaidizi wa Mikoa kilichofanyika tarehe 16 Februari 2023 Morogoro.
Kamishna wa Ardhi Methew Nhonge (Kulia), Mkurugenzi wa Upimaji na Ramani Hamdouny Mansoor (katikati) na Mhasibu Mkuu wa Wizara ya Ardhi Wolter Lungu wakiwa kwenye Kikao Kazi cha Menejimenti ya Wizara ya Ardhi Nyumba na Maendeleo ya Makazi na Makamishna wa Ardhi Wasaidizi wa Mikoa kilichofanyika tarehe 16 Februari 2023 Morogoro. 
Waziri wa Ardhi Nyumba na Maendeleo ya Makazi Dkt Angeline Mabula akizungumza katika kikao kazi kati ya Menejimenti ya Wizara ya Ardhi na Makamishna wa Ardhi Wasaidizi wa Mikoa tarehe kilichofanyika taehe 16 Februari 2023 Morogoro. (PICHA ZOTE NA HASSAN MABUYE WIZARA YA ARDHI)
*********************
Na Munir Shemweta, WANMM MOROGORO
Waziri wa Ardhi Nyumba na Maendeleo ya Makazi ametaka kuandaliwa utaratibu utakaotoa motisha kwa ofisi za ardhi zitakazofanya vizuri katika ukusanyaji mapato yatokanayo na kodi ya pango la ardhi ili kuleta ushindani.
Aidha, ametaka ofisi za ardhi katika mikoa na halmashauri nchini kuhakikisha zinatumia fursa ya Msamaha wa Riba ya Malimbikizo ya Kodi ya Pango la Ardhi uliotolewa na mhe Rais Dkt Samia Suluhu Hassan kuhamasisha wananchi wanaodaiwa kulipa kodi hiyo katika muda uliotolewa.
Rais wa Jamhuri ya Muungano wa Tanzania Samia Suluhu Hassan ametoa msamaha wa riba ya malimbikizo ya kodi ya pango la ardhi kwa wadaiwa kulipa deni la msingi kufikia April 30, 2023.
Dkt Mabula amesema hayo tarehe 16 Februari 2023 mkoani Morogoro katika kikao kazi cha Menejimenti ya Wizara ya Ardhi Nyumba na Maendeleo ya Makazi na Makamishna wa Ardhi Wasaidizi wa Mikoa katika maandalizi ya Bajeti ya Wizara kwa mwaka 2023/2024.
‘’Ni vizuri katika kuhamasisha ukusanyaji mapato yatokanayo na kodi ya pango la ardhi tukaangalia namna bora ya kutoa motisha kwa zile ofisi za ardhi zinazofanya vizuri, hii itasaidia kuongeza mapato’’ alisema Dkt Mabula.
Akigeukia Msamaha wa Riba ya Malimbikizo ya Kodi ya Pango la Ardhi uliotolewa na mhe. Rais Dkt Mabula alisema anataka kuona kila mkoa 'unachacharika’ kuhakikisha kunakuwa na ushindani wa kuhamasisha watu kulipa kodi.
‘’Nataka kuona kila mkoa unachaharika maana ni aibu msamaha unatolewa halafu tunakusanya kidogo, tutumie fursa ya msamaha wa Rais kuhamasisha wananchi na taasisi kulipa kodi ya pango la ardhi’’ alisema Dkt Mabula.
Aidha, Waziri wa Ardhi Nyumba na Maendeleo ya Makazi alitumia fursa ya kikao kazi cha Wizara kutaka kuona malengo ya ukusanyaji mapato ya kodi ya ardhi yanakuwa na uhalisia badala ya kujiwekea malengo makubwa anayokinzana na hali halisi.
‘’Malengo yetu ya ukusanyaji mapato ya ardhi walau yasiwe yanakinzana na uhalisia kwa kujipa matumaini ya kukusanya kiasi kikubwa wakati uhalisia ni kukusanya kidogo’’ alisema Dkt Mabula.
Waziri Dkt Mabula pia alielezea suala la Klinik za Ardhi ambapo ametaka kupatiwa taarifa ya mikoa iliyotokeleza kazi hiyo kwa muda gani kutokana na kazi hiyo kuonesha kulegalega huku akibainisha kuwa, Kliniki hizo za Ardhi zinasaidia sana kutatua migogoro ya ardhi.
Klinik za Ardhi ni utaratibu ulioanzishwa na Wizara ya Ardhi Nyumba na Maendeleo ya Makazi ambapo kila mkoa unakuwa na Kituo Jumuishi kwa siku maalum na kutoa huduma mbalimbali za sekta ya ardhi pamoja na kusikiliza kero za wananchi .
Pia Waziri Dkt Mabula aliagiza Wakurugenzi wa Wizara yake kutoka kwenda kwenye mikoa kuona kazi za idara husika zinavvyofanyika kwa lengo la kufahamu changamoto zilizopo na kusisitiza kuwa, utaratibu huo kutumika katika ngazi za mikoa kushuka chini na kubainisha kuwa bila kufanya hivyo kazi hazitafanyika kwa ukamilifu.
Katka kuhitimisha maagizo yake katika kikao hicho, Dkt Mabula ametaka ushirikiano wa ofisi za ardhi za mikoa na zile za halamashauri kwa kutekeleza yale waliyokubaliana na kuwataka watendaji kutosubiri kuitwa katika matatizo na kusisitiza kutumia vikao kutoa ushauri kwa halmashauri.
Kikao Kazi cha Menejimenti ya Wizara ya Ardhi Nyumba na Maendeleo ya Makazi na Makamishna wa Ardhi Wasaidizi wa Mikoa kinafanyika kwa siku tatu kuanzia tarehe 15-17 Februari 2023 mkoani Morogoro ambapo pamoja na mambo mengine kinajadili Bajati ya Wizara hiyo kwa mwaka ujao wa fedha 2023/2023.
IDADI WALIOFARIKI KWENYE TETEMEKO LA ARDHI NI ZAIDI YA 41,000
Uharibifu wa miundombinu iliyosababishwa na tetemeko huko nchini mnamo Februari 6 unaweza kufikia asilimia 2.5 ya ukuaji wa bidhaa za ndani au dola bilioni 25 kwa mujibu wa wachumi.
Idadi ya pamoja ya vifo kutokana na mitetemeko ya ardhi nchini Uturuki na Syria imepanda hadi zaidi ya 41,000, huku mamilioni wakihitaji misaada ya kibinadamu, na manusura wengi wakiachwa bila malazi katika joto la karibu la majira ya baridi.
Shughuli za uokozi zinaendelea, ambapo wafanyakazi wa uokozi wamempata msichana mmoja mwenye miaka 17 akiwa hai kutoka kwenye vifusi vya jengo lililoporomoka katika mkoa wa Kahramanmaras, saa 248 baada ya tetemeko la ardhi kukumba eneo hilo.
Hospitali mjini Aleppo hazina nafasi ya kutosha kwa wagonjwa wapya kufuatia tetemeko kubwa la ardhi lililotokea wiki iliyopita,
Maelfu ya watu sasa wanaishi katika makanisa, misikiti au katika maeneo ya umma na mbuga za wanyama baada ya kupoteza makazi yao.
VIJANA 170 WAPATA MAFUNZO YA UJENZI WA BOMBA LA MAFUTA
Kamishina wa Mafuta na Gesi Michael Mjinja akikata utepe kuzindua mafunzo tarehe 15, 2023 katika chuo cha Veta mkoani Tanga kwa ajili ya Watanzania 170 wanaopewa mafunzo ya kusimamia usalama, uhifadhi wa mazingara na afya za wafanyakazi wa mradi wa bomba la mafuta (EACOP) linalojengwa kutoka Hoima Uganda mpaka kijiji cha Chongoleani mkoani Tanga.Sehemu ya vijana wa Kitanzania waliopatiwa mafunzo kwa ajili ya miradi wa bomba la mafuta ( EACOP) ******************
*Mafunzo ya vijana hao yana hadhi ya Kimataifa
Na Mwandishi Wetu
Serikali imepongeza mradi wa bomba la mafuta ghafi la Afrika Mashariki (EACOP) kwa kuwapatia mafunzo yenye hadhi ya kimataifa Watanzania wapatao 170 kwa ajili ya kuanza ujenzi wa bomba hilo la mafuta unaotegemewa kuanza kati kati ya mwezi huu.
Maeneo hayo waliopatiwa mafunzo Watanzania hao ni katika sekta ya kusimamia afya , usalama wa wafanyakazi wakiwa kazini na utunzaji wa mazingira katika maeneo yote yanayohusu mradi.
Bomba hilo la mafuta linajumlisha eneo lenye jumla ya kilomita 1,443 kutoka Kabaale, Hoima nchini Uganda mpaka katika kijiji cha Chongoleani kilichopo Tanga.
Akizungumza mkoani Tanga Februari 15, 2023 wakati wa kuzindua mafunzo hayo ya kuwaongezea ujuzi na maarifa Watanzania 20 kati ya walengwa 170 ambao bado wengine wanaendelea na mafunzo hayo katika Chuo cha Ufundi Stadi (Veta) mkoani Tanga na Arusha, Kamishna wa Mafuta na Gesi nchini Michael Mjinja kutoka Wizara ya Nishati na Madini amesema Watanzania hao watakuwa rasilimali muhimu katika utekelezaji wa miradi mbalimbali ya kimkakati inayotekelezwa na Serikali ya Rais Samia Suluhu Hassan ili kuwaletea maendeleo Watanzania.
Ameitaja baadhi ya miradi hiyo kuwa ni pamoja na ule wa gesi Asilia ( LNG) ambao uchimbaji wake utafanyika chini ya ardhi na baharini.
Amesema mradi wa bomba la Mafuta (EACOP) una umuhimu katika maendeleo ya nchi ambapo utaajiri Watanzania wengi na kuwapatia ujuzi kutoka kwa wakandarasi wa kigeni.
“Mradi huu una manufaa makubwa kwa taifa ambapo mbali na biashara ya mafuta, ajira nyingi zinatengezwa na wataalam wazawa kuzalishwa kwa ajili ya miradi mingine ya kimkakati,” amesema.
Hata hivyo amesema kuwa mradi huo umezingatia viwango vya kimataifa na kuwataka wananchi kupuuza upotoshaji wa mradi huo kuwa hauzingatii viwango vya kimataifa.
Na badala yake amesema mradi huo unazingatia matakwa yote na ni rafiki katika utunzaji wa mazingira.
Pia amesema mradi umezingatia haki za waathirika wa maeneo yanayopita mradi huo ambapo wale ambao maeneo yao yameguswa ikiwemo nyumba zao kuondolewa wanalipwa fidia kwa kufuata muongozo wa sheria za nchi.
Lakini pia amesema mradi huo umekuwa na manufaa mbalimbali ikiwemo wazawa wa maeneo husika kupata ajira.
Kwa mujibu wa Mkuu wa Kitengo cha Uwezeshaji Watu wa EACOP, Martha Makoi, katika utekelezaji wa mradi huu, kila mkandarasi ana kipengele kinachomtaka kuwapa mafunzo wafanyakazi wazawa katika jinsi zote ( kike na kiume) ili kuzalisha wataalamu na kuwajengea uwezo ili watumike baadae katika ujenzi wa miradi mbalimbali ya nchi endapo wakandarasi wageni wataondoka pindi miradi itakapokamilika.
Amesema ndio maana jumla ya Watanzania 170 watapewa mafunzo hayo ambapo tayari 20 kati ya hao wamehitimu katika chuo cha Veta mkoani Tanga, huku wengine 25 wakiendelea na mafunzo yao katika chuo cha hicho mkoani Arusha.
Lengo la mafunzo hayo yanayojulikana kama H3SE ni kupewa mbinu za kuzuia ajali zinazoweza kutoka katika mradi na kuhatarisha usalama wa wafanyakazi.
Lakini pia kuhakikisha mazingira yanayopita mradi yanaendelea kutunzwa katika uasili wake bila uharibifu wowote na kuhakikisha afya za wafanyakazi zinakuwa bora kwa ajili ya kuwajibika zaidi.
Mmoja wa wahitimu hao, Sabrina Salim mwenye Shahada ya Mazingira aliyoipata kabla ya kupewa mafunzo haya amesema kauli yao mbiu wakati wa mafunzo na itakayotumika katika eneo la mradi ni ‘ Usalama Kwanza- Safety First’.
Amesema anajivunia kuwa sehemu ya mafunzo hayo na mbali ya elimu ya mazingira aliyokuwa nayo kabla, kupitia mafunzo haya amepewa mafunzo ya ziada juu ya kusimamia usalama wa wafanyakazi na utunzaji wa mazingira katika ubora wa kimataifa.
Kwa mujibu wa Martha Joash Makenge kutoka kampuni ya Daqing Oilfield Construction Group Co. Limited, iliyopewa kazi ya Ukandarasi wa kujenga matenki na sehemu za kuhifadhia mafuta, mafunzo haya hutolewa kwa ushirikiano na chuo cha Veta cha Moshi na Arusha na hutambulika kimataifa.
Amesema kuelekea utekelezaji wa mradi huo, tayari kazi ya awali , ikiwemo kusafisha maeneo mradi utakaopita na kuwalipa wananchi wanaopitiwa na zoezi hilo la ujenzi wa bomba la mafuta lenye urefu wa kilomita 1443 kutoka Kabaale, Hoima nchini Uganda mpaka Chongoleani mkoani Tanga.
Amesema mradi wa ujenzi wa bomba hilo la mafuta unatarajiwa kuanza kati kati ya mwaka huu kwa kipindi cha miaka 3-4.
Asiadi Mrutu, Mratibu wa mradi wa EACOP kutoka Shirika la Maendeleo ya Petrol Tanzania (TPDC) amesema maandalizi kwa ajili ya ujenzi wa bomba, ambalo limegusa ajira za zaidi ya Watanzania 1672 yamekamilika.
Amesema jumla ya watu 9508 watalipwa fidia kwa kupitiwa na mradi huo, ambapo 8922 ( zaidi ya asilimia 93) wamekubali kupokea fidia hiyo na tayari watu 8450 wameshalipwa kiasi cha shilingi bilioni 29 za Kitanzania kama fidia na kupewa notisi za kuhama maeneo yao ifikapo mwezi Mei mwaka huu ili kupisha ujenzi.
Julien Bouwense, Meneja wa Bandari ya Mafuta inayojengwa katika kijijini cha Chongoleani mkoani Tanga amesema ni matumaini yake kuwa Watanzania na Waganda watafurahia zaidi matunda ya mradi huo pindi utakapokamilika.
Amesema miongoni mwa faida zitakazopatikana ni kupatikana kwa watalaamu wazawa ambao watakuwa na uwezo wa kusimamia miradi mikubwa hapo baadae na uzalishaji mkubwa wa ajira.
Neema Mwakatobe, Mkurugenzi wa Uwezeshaji na Ushiriki wa Watanzania kwenye Miradi kutoka Baraza la Taifa la Uwezeshaji Wananchi Kiuchumi (NEEC) ameusifu mradi wa EACOP kwa kuwapatia Watanzania mafunzo hayo muhimu kupitia mradi huu mkubwa wa kimkakati.
Amesema kupitia mradi huu, Watanzania wanapatiwa elimu na ujuzi wa teknolojia (Technology Transfer) utakaokuwa na manufaa makubwa katika utekelezaji wa miradi mikubwa hapa nchini.
