SEKTA ZA MIFUGO SMT NA SMZ ZAENDELEA KUWEKA MIKAKATI YA MAENDELEO

Kaimu Katibu Mkuu Wizara ya Mifugo na Uvuvi (Mifugo), Dkt. Charles Mhina (kushoto) akifungua kikao cha Ushirikiano kati ya Serikali ya Muungano ya Tanzania na Serikali ya Mapinduzi ya Zanzibar ambapo aliwasisitiza wajumbe kujadili kwa kina changamoto zinazoikabili Sekta ya Mifugo na kuzitafutia utatuzi wake ili kuendeleza sekta hiyo. Kulia ni Mwakilishi wa Katibu Mkuu Wizara ya Kilimo, Umwagiliaji, Maliasili na Mifugo, Bi. Asha Zahran. Kikao hicho kilifanyika Jijini Dodoma.

Mkurugenzi wa Idara ya Huduma za Mifugo, Prof. Hezron Nonga akichangia mada wakati wa kikao cha Ushirikiano kati ya Serikali ya Muungano ya Tanzania na Serikali ya Mapinduzi ya Zanzibar kilichojadili maendeleo ya Sekta ya Mifugo. Kikao hicho kilifanyika Jijini Dodoma.

Mkurugenzi wa Idara ya Utafiti, Mafunzo na Huduma za Ugani, Dkt. Angelo Mwillawa akifafanua jambo wakati wa kikao cha Ushirikiano kati ya Serikali ya Muungano ya Tanzania na Serikali ya Mapinduzi ya Zanzibar kilichojadili maendeleo ya Sekta ya Mifugo. Kikao hicho kilifanyika Jijini Dodoma.

Naibu Mkurugenzi Mkuu wa Taasisi ya Utafiti wa Mifugo Zanzibar, Kanali Ali Hamad akizungumza wakati wa kikao cha Ushirikiano kati ya Serikali ya Muungano ya Tanzania na Serikali ya Mapinduzi ya Zanzibar kilichojadili maendeleo ya Sekta ya Mifugo. Kikao hicho kilichofanyika Jijini Dodoma.

Mkurugenzi wa Idara ya Sera na Mipango Sekta ya Mifugo, Bw. Venance Ntiyalundura akiwasilisha taarifa kwenye kikao cha Ushirikiano kati ya Serikali ya Muungano ya Tanzania na Serikali ya Mapinduzi ya Zanzibar kilichojadili maendeleo ya Sekta ya Mifugo. Kikao hicho kilichofanyika Jijini Dodoma.

Washiriki wa kikao cha Ushirikiano kati ya Serikali ya Muungano ya Tanzania na Serikali ya Mapinduzi ya Zanzibar kilichojadili maendeleo ya Sekta ya Mifugo wakifuatilia taarifa zilizokuwa zinawasilishwa kwenye kikao hicho. Kikao hicho kilichofanyika Jijini Dodoma.

Mwakilishi wa Katibu Mkuu Wizara ya Kilimo, Umwagiliaji, Maliasili na Mifugo (SMZ), Bi. Asha Zahran akifunga kikao cha Ushirikiano kati ya Serikali ya Muungano ya Tanzania na Serikali ya Mapinduzi ya Zanzibar ambapo amewasihi wajumbe kuhakikisha wanayafanyia kazi maazimio yote yalioafikiwa kwa wakati ili kuleta maendeleo kwenye Sekta ya Mifugo. Kikao hicho kilichofanyika Jijini Dodoma.

Mkurugenzi wa Idara ya Utafiti, Mafunzo na Huduma za Ugani, Dkt. Angelo Mwillawa akifafanua jambo wakati wa kikao cha Ushirikiano kati ya Serikali ya Muungano ya Tanzania na Serikali ya Mapinduzi ya Zanzibar kilichojadili maendeleo ya Sekta ya Mifugo. Kikao hicho kilichofanyika Jijini Dodoma.

....................................................

Na Alex Sonna-DODOMA

Sekta za Mifugo za Serikali ya Jamhuri ya Muungano wa Tanzania (SMT) na Serikali ya Mapinduzi ya Zanzibar (SMZ) kupitia Makatibu wake wakuu wamekutana na kupitia utekelezaji wa maazimo yaliyowekwa ili kuendeleza sekta hiyo. 

Akifungua kikao hicho Kaimu Katibu Mkuu Sekta ya Mifugo (SMT), Dkt. Charles Mhina kwenye ukumbi wa Ofisi ya Jeshi la Zimamoto Jijini Dodoma amesema kuwa serikali ina lengo la kuhakikisha sekta ya mifugo inakua na kuongeza mchango wake kwenye pato la taifa.

Dkt. Mhina amesema kuwa katika kikao kilichopita yapo maazimio yaliyowekwa ambayo yanapitiwa utekelezaji wake, lengo likiwa ni kuhakikisha sekta ya mifugo inawanufaisha wafugaji na wadau walio kwenye mnyororo wa thamani na kuongeza mchango wa sekta kwenye pato la taifa.

 “Vikao hivyo vya ushirikiano wa kuendeleza Sekta ya Mifugo vinajadili maendeleo ya sekta katika udhibiti wa magonjwa yanayovuka mipaka, uboreshaji wa kosaafu za mifugo, masoko ya mifugo na mazao yake na kuona ni changamoto zipi zinazoikabili sekta ya mifugo katika pande zote mbili za Muungano ili kuzitatua,” alisema 

Dkt. Mhina amesema kuwa kikao hicho kimepitia utekelezaji wa maazimio yaliyowekwa kwenye kikao kilichopita na kuona utekelezaji uliofanyika kwenye baadhi ya maeneo, lakini pia yapo maeneo mapya ambayo wamebaini kuwepo kwa changamoto nyingine ambazo pia tayari wameshaziwekea maazimio ya utekelezaji, lengo kuu ni kuhakikisha sekta inakua kwa pande zote mbili za SMT na SMZ. 

Kwa upande wake mwakilishi wa Katibu Mkuu wa Wizara ya Kilimo, Umwagiliaji, Maliasili na Mifugo (SMZ), Bi. Asha Zahran amesema kuwa kupitia vikao hivyo tayari wameshaanza kuona mafanikio yake kwani wapo wataalam kutoka Zanzibar ambao wamepata mafunzo ya kuhimilisha Ng’ombe kupitia kituo cha NIC, mbegu bora za ng’ombe, kilimo cha malisho pamoja na masuala ya udhibiti wa magonjwa kutoka SMT. 

Hivyo ushirikiano huu ukiendelea utawezesha sekta ya mifugo kuimarika kwa pande zote za Muungano. Naye mwakilishi kutoka Ofisi ya Makamu wa Rais Muungano na Mazingira, Bw. Allan Bendera alisema kuwa Wizara inaendelea kuhakikisha changamoto zinazohusu Muungano zinatatuliwa ili kudumisha muungano kwa maendeleo ya taifa kwa ujumla.

 Hivyo kwa upande wa Sekta ya Mifugo changamoto zilizojitokeza zitaendelea kufanyiwa kazi kwa pande zote za Muungano lengo likiwa ni kuwasaidia wafugaji waweze kuongeza kipato na kuongeza kipato cha Sekta ya Mifugo kwenye pato la Taifa.

Read More →

JAMAA AUA MPENZI WAKE ALIYEISHI NAYE KAMA DADA YAKE KISHA NAYE KUJIUA DAR

Marehemu Bunanzi Kulwa

KATIKA hali ya kusikitisha Mwanaume mmoja aliyefahamika kwa jina la Bunanzi Kulwa maarufu kama Ngosha Mkazi wa Mbagala kwa mbiku jijini Dar es salaam anadaiwa kumuua mpenzi wake aliyefahamika kwa jina la Happines Zakarika kisha nae kujiua kwa kunywa sumu, huku chanzo kikiwa bado hakijajulikana.

Tukio liho limetokea Juni 8 mwaka huu, huku likizua sintofahamu kwa majirani wa eneo hilo kutokana na marehemu hao kuishi kama dada na kaka kwa takribani miaka 2.

Waandishi wetu Issa mnaly na Richard Bukos wamefika eneo la tukio na kuzungumza kwa kina na Rafiki wa karibu wa Marehemu Ngosha aliyejitambulisha kwa jina la Shineneko Ruge ambaye anabainisha kuwa marehemu alikuwa ni rafiki yake wa karibu.

Ruge amesema kuwa usiku mmoja kabla ya kifo cha marehemu alimpigia simu mama yake mzazi na kumuambia kuwa atajitoa uhai.

Aidha Ruge amebainisha kuwa siku moja kabla ya kufariki alikuwa na rafiki yake huyo ambaye kwa sasa ni marehemu na moja kati ya maongezi yao ni kwamba alimuaga kuwa atasafiri yeye na dada yake kwenda Marekani hivyo alikuwa akifuatilia masuala ya Visa, lakini Ruge anasikitika kwa kusema kuwa hakufahamu kama hiyo ndiyo ilikuwa safari yake ya mwisho hapa duniani.

Read More →

AKIBA COMERCIAL BANK YAKUTANA NA WATEJA WAKE JIJINI MWANZA

Mkuu wa Mkoa wa Mwanza Mhandisi Robert Gabriel akizungumza na wageni waalikwa alipokuwa mgeni rasmi katika Mkutano wa wateja wa Akiba Commercial Bank na wafanyabiashara wa jiji la Mwanza ulioitishwa na Mkurugenzi Mtendaji wa Benki hiyo Bw. Silvest Arumasi katika ukumbi wa Mwanza Hotel Mkurugenzi Mtendaji wa Benki hiyo Bw. Silvest Arumasi akizungumza na wateja katika mkutano walipokutana hivi karibuni Mkoani Mwanza

Wateja wa Benki ya Akiba Comercial Tanzania wakifurahia jambo patika mkutano na uongozi wa benki hiyo hive karibuni Jijini Mwanza   Wateja wa Benki ya Akiba Comercial Tanzania wakifurahia jambo patika mkutano na uongozi wa benki hiyo hive karibuni Jijini Mwanza Wafanyakazi wa Benki ya Akiba Comercial Tanzania wakiwa tayari kuwapokea wateja mbali mbali wa Benki hiyo hivi Runde Jijini Mwanza Meneja wa Tawi la Mwanza Herieth Bujiku akizungumza na wateja wa Benki ya Akiba Comercial Tanzania mara baada ya kukutana nao hivi karibuni Jijini Mwanza[/caption] Meneja wa Tawi la Mwanza Herieth Bujiku akizungumza na wateja wa Benki ya Akiba Comercial Tanzania mara baada ya kukutana nao hivi karibuni Jijini Mwanza Wateja wa Benki ya Akiba Comercial Tanzania wakipata Chakula mara baada ya kukutana na Uongozi wa Benki hiyo hivi karibuni Jijini Mwanza .

Read More →

TGNP YATOA MAFUNZO YA BAJETI YA MRENGO WA KIJINSIA KWA WADAU NA WABUNGE VINARA WA JINSIA BUNGENI DODOMA

Mwenyekiti wa Chama cha wabunge wanawake na vinara wa jinsia Margaret Sitta akifafanua jambo kwenye mkutano wa wadau wa TGNP na kueleza  kuwa Wabunge vinara wa jinsia watahakikisha wanaisemea bajeti  ya mrengo wa Jinsia inafanikiwa na hatimaye makundi ya pembezoni kunufaika.

Mwezeshaji wa TGNP  Deogratius Temba alisisitiza jambo kwenye mkutano uliowashirisha wananchi na wabunge vinara wa Jinsia jana Bungeni Dodoma.

 

Na Dotto Kwilasa, DODOMA

MTANDAO wa Jinsia Tanzania (TGNP,) umekutana na wadau pamoja na Wabunge wanawake vinara wa jinsia Bungeni Dodoma na kuwapa mafunzo ya bajeti yenye mrengo wa kijinsia itakayowanufaisha wanawake na makundi yaliyoko pembezoni ili kuondoa mzigo unaowasumbua wanawake katika masuala ya afya,elimu,maji,haki ya uchumi ,kilimo na ukatili wa kijinsia.

Akizungumza wakati wa mafunzo hayo Juni 11,2022 Mwezeshaji wa mafunzo hayo kutoka TGNP Deogratius Temba amesema mafunzo hayo ni muhimu kwa kuwa yanaibua majadiliano chanya pamoja na kuzipatia ufumbuzi changamoto za masuala mbalimbali ya kijinsia hasa kwa kundi la wanawake, watoto na kundi la wenye ulemavu.

Temba amesema TGNP imeendelea kushirikiana na makundi mbalimbali katika kujadili bajeti kila mwaka kwa mrengo wa kijinsia na kwamba lengo ni kuwa na maendeleo endelevu yenye kujumuisha ustawi wa makundi yote na kudumisha haki za msingi za binadamu.

"TNGP tunafanya kila jitihada zenye lengo la kuboresha sekta za huduma kwa jamii, sekta ambazo kwa kiwango kikubwa zinawagusa wanawake moja kwa moja ikiwa ni pamoja na kuboresha miundo mbinu ya huduma za afya na elimu hii yote ni kuamsha ari kwa Serikali kutenga bajeti yenye kulenga na kuhamasisha utoaji wa bima za afya kwa gharama sawa na bure kwa wajane wenye uhitaji, wazee na wanawake na kaya masikini nchini,"amesisitiza.

Kutokana na hayo, Mwenyekiti wa Chama cha wabunge wanawake,Margaret Sitta amesema kwa kushirikiana na Wabunge wenzake vinara wa jinsia watahakikisha mara kwa mara wanaisemea bajeti hiyo ya mrengo wa kijinsia hali itakayoongeza uwekezaji katika kutoa elimu ya umuhimu na namna ya kuzuia magonjwa kwa watu wa pembezoni ili kupunguza gaharama za matibabu ya magonjwa yanayozuilika ikiwa ni pamoja na ujenzi wa uchumi shindani wa viwanda na kusisitiza kuwa maendeleo ya watu yanahitaji nguvu kazi ya afya bora.

"Tunawapongeza wenzetu wa TGNP kwa kutushirikisha sisi pamoja na akina mama hawa na walipokuja hapa niliwauliza kwamba je,wawakilishi wenu wabunge wanayajua haya, wamesema wanayajua kwa hiyo mimi nilikuwa nafikiri ni vizuri kushirikiana na wabunge wa maeneo yao kwa sababu taarifa ya majimbo tunapeana pengine taarifa wananchi hawana lakini wabunge wa majimbo wanajua nini kinafanyika katika maeneo yao," alisema.

Kwa upande wa sekta ya Maji,Mwenyekiti huyo wa wabunge wanawake Bungeni amesema watatumia nafasi yao kuishauri Serikali kutanua na kujazilisha mtandao wa huduma ya maji safi na salama ikiwa ni pamoja na kuondoa tozo za maji kwa taasisi za umma kama shule na vituo vya huduma za afya.

"Ni jambo la kusikitisha kuona wanawake hawapati maji safi na salama,niwaombe wadau wote wa maendeleo kuendeleza sauti hii ya jamii lakini kwa kushirikiana na sisi wabunge ili kwa pamoja tuweze kuondokana na hii hali,tunatamani kuona hata vituo vya kulelea Watoto wenye changamoto na vituo vya wazee vinapewa maji bila gharama yoyote," alisema mama Sitta.

Naye mmoja wa wawakilishi wa mafunzo hayo na mdau wa masuala ya kijinsia kutoka Wilaya ya Kishapu,Mkoa wa Shinyanga Neema Maige alisema anatamani kuona majadiliano yaliyofanyika kwenye mafunzo hayo yanazaa matunda kwa kuwa amechoshwa na changamoto ya uhaba wa maji tikaka Wilaya yao.

Alisema ikiwa idara za maji za mikoa zitawezeshwa,hali ya upatikanaji wa maji kwa wajane, wazee, kwa tozo za viwango vya chini kabisa, au hata bila tozo yoyote itawezekana.

"TGNP imetuwezesha kukutana hapa na wabunge vinara wa Jinsia ,tuna imani watatusaidi kufikisha sauti ya jamii sehemu husika,tunatamani kilio chetu kisikike ili kuondokana na changamoto za barabara mfano wa barabara ya kilomita 35 kutoka njia panda ya Kolandoto mpaka halmashauri ya wilaya ya kishapu ni mbovu inachangia kupanda kwa nauli,bidhaa za vyakula pamoja na usafiri kuwa mgumu,"alisema.

"Wakati mwingine tunapishana na magari ya wagonjwa yamepasuka matairi na kusababisha ajali kutokana na ugumu wa barabara sasa vitu vya namna hii lazima Serikali ifike mahali iangalie namna ya kutusaidia ili na sisi wanawake wa pembezoni tufurahie matunda ya maendeleo,"alisisitiza.

Naye Venace Mbena ametumia nafasi hiyo kuishauri Serikali kupitia sekta ya Kilimo kuhakikisha inaweka mpango wa kufanikisha

 ushiriki wa wanawake na vijana katika uchumi shindanishi, huku akitoa mapendekezo kwa sekta ya kilimo kutenga rasilimali za kutosha kuwalenga wanawake na vijana katika ufikiaji wa mikopo ya masharti au riba nafuu.

"Ili kujikwamua kiuchumi nakuondokananna umasikini uliopo lazima kila mtu ashiriki katika mapambano ,kwa nafasi yangu natamani kuona upatikanaji wa teknolojia sahihi za uzalishaji na uhifadhi, na ufikiaji rahisi wa masoko wezeshi, ufikiaji sahihi wa taarifa za tafiti za mbegu bora na mifumo ya kilimo cha umwagiliaji,kujenga masoko mapya kwenye maeneo yenye mvuto mkubwa kwa bidhaa za wajasiriamali wanawake na vijana,"alisema Mbena.

Read More →

HILI NDIYO KABILA AMBALO UKITAKA KUOA AU KUTOA TALAKA LAZIMA UKATWE VIDOLE

Mwanaume kabila la Dani akiwa amekatwa vidole

ACHANA na stori za uongo kuhusu biashara ya vidole vya miguu nchini Zimbabwe, huko Papua Guinea kuna kabila linaitwa Dani (Dani tribe) ambalo mwanaume anapotaka kuoa, sharti akate kidole chake cha mkono wa kulia na kumpelekea mkewe mtarajiwa kama sehemu ya mahari na upendo wake wa dhati kwake.

Utamaduni wa watu wa Dani wanaoishi nchini Guinea

Kwa mujibu wa Wikipedia, katika kabila hilo, kama mwanaume anataka kumpa talaka mkewe, pia ni sharti akate vidole vyake viwili vya mkono wa kushoto kama takwa la talaka.

watu wa Papua Guinea wanaheshimu mila na desturi zao

Na kama mume akifa, mkewe ni sharti akate vidole vyake vyote vya mikono kama ishara ya upendo na uaminifu na kiapo kwake kuwa hataolewa na mwanaume mwingine tena baada ya mumewe kufa.

Kifupi, kwenye kabila hili mtu anapooa, anapotoa talaka au anapokufa, lazima kuna vidole vitakatwa.

Cc; @sifaelpaul

Read More →

SITARUDIA TENA UKAHABA, KILICHONIPATA HUKO SIWEZI KUSAHAU!

Kutokana na ugumu wa maisha nilijikuta nimeingia kwenye biashara ya ukahaba bila mimi mwenyewe kupenda, nilifanya kazi ile kishingo upande, ni vile tu sikuwa na jinsi.

Huko nilikumbana na changamoto nyingi, moja wapo ambayo ni kubwa zaidi ni kukamatwa na Polisi na kufikishwa kituoni, kama ukiwa siku hiyo umepata fedha kidogo inabidi kuwagawia kidogo.

Changamoto nyingine ni kwamba wateja wengi hawakutaka kutumia kondomu au mwingine anaivaa kabisa halafu katikati ya safari anaipasua kwa makusudi.

Jambo hilo lilikuwa likinikera kwani maradhi ni mengi, nilivumilia hilo kutokana sikuwa na jinsi ya kupata fedha kwa wakati huo ambapo maisha yalikuwa yamenishika kisawa sawa!.

Baada ya muda nilianza kuugua ugonjwa wa Kisonono, nilienda hospitali ambapo nilifanyiwa vipimo hivyo na kupatiwa dawa za kutumia, lakini cha ajabu ugonjwa ule ulikuwa inaisha na baada ya muda kigodo unaanza tena.

Yaani kila nikipona na kurejea kwenye kazi yangu hazikupita siku mbili naanza kuumwa tena, hivyo narudi tena hospitali kwa ajili ya dawa, nakumbuka nilitumia dawa za kila aina hadi ikafikia hatua Dokta akaniambia ugonjwa wangu umekuwa sugu, hausikii tena dawa.

Jambo hilo lilinipa sana msongo wa mawazo maana nilikuwa nikiwashwa sana sehemu za siri na mwili kuishiwa nguvu, nilitafuta dawa za mitishamba na kitumia lakini sikuweza kupona.

Nakumbuka kupona kwangu ni hadi pale nilipopata namba ya Dr. Kiwanga ambayo ni +254 769404965 kwenye mtandao wa Facebook na kuwasiliana naye na ndipo nilipoona tangu wakati huo.

Bila uwoga naweza kusema bila Dr. Kiwanga hadi sasa ningekuwa nateseka na ugonjwa huo ambao hata ni aibu kuutaja mbele za watu maana unaweza kuonekana ni malaya. Baada ya kupona niliamua kuachana na kazi ya ukahaba na sasa nimeajiriwa kwenye moja ya saloni iliyopo katika ya mjini na ndipo nafanya kazi zangu.

Kumbuka pia Dr. Kiwanga anatibu magonjwa kama kaswende, kisonono, kifua kikuu, presha na mengine mengi, kwa mawaziliano zaidi mtumie barua pepe; kiwangadoctors@gmail.com, tembelea tovuti yake; www.kiwangadoctors.com au piga simu +254 769404965.

Read More →

MWILI WA PADRE WAOKOTWA UKIWA UMEFUNGWA KWENYE BLANKETI MTONI

Mwili wa padre wa Kanisa Katoliki Jimbo Kuu la Mbeya wa Shiriki wa Wamisionari wa Afrika (White Father), Michael Samson umeokotwa jijini Mbeya.

Mwili huo umeokota katika mto Meta maeneo ya Sabasaba jijini humo Jumamosi Juni 11, 2022.

Baadhi ya mashuhuda wa tukio wamedai kuwa mwili huo ulikuwa umefungwa kwenye blanketi.

Taarifa iliyotolewa na Askofu Mkuu wa jimbo hilo na Rais wa Baraza la Maaskofu Tanzania (TEC), Gervas Nyaisonga imeeleza Padre Samson alitoweka Ijumaa Juni 10 mwaka huu katika kituo cha Vijana cha Kanisa Katoliki Mbeya saa 12.30 jioni.

“Alitoweka Juni 10, 2022 katika kituo cha Vijana cha Kanisa Katoliki Mbeya majira ya saa 12.30 jioni na mwili wake kupatikana Juni 11, 2022 saa 4:00 asubuhi maeneo ya Sabasaba jijini Mbeya” imesema taarifa hiyo ya Askofu.

SOMA ZAIDI HAPA 

CHANZO MWANANCHI.

Read More →

OJADACT YAADHIMISHA SIKU YA OPEN DATA DAY KWA KUWANOA WAANDISHI WA HABARI...YAHAMASISHA WANAHABARI KUTUMIA TAKWIMU KULINDA MAZINGIRA

Na Mwandishi wetu - Mwanza

Chama cha Waandishi wa habari wa kupiga vita Matumizi ya Dawa za Kulevya Tanzania leo kimeadhimisha siku ya Open Data kwa kwa Mwaka 2022 kwa kuwapa mafunzo waandishi wa habari wa Mwanza.

Akifungua maadhimisho hayo Mwenyekiti wa OJADACT Bwana Edwin Soko amesema maadhimisho hayo yanalenga kutumia takwimu kwenye utunzaji wa fukwe Tanzania.

" Ndugu zangu waandishi wa habari tumieni takwimu kwenye kuandika habari juu ya uvumilivu wa fukwe kwani kauli mbiu ya Mwaka huu ni uwazi wa takwimu kwenye kuimarisha maisha ya yote", alisema Mwenyekiti Soko.

Nae Mratibu wa OJADACT Lucyphine Kilanga alisema kuwa, kwa sasa kumekuwa na mabadiliko makubwa ya tabia Nchi yanayopelekea uharibifu wa fukwe.

Kilanga alisema waandishi wa habari wana nafasi kubwa ya kuandika habari za umuhimu wa kutumia data kwenye kulinda mazingira.

Maadhimisho ya Open Data Day 2022 yameandaliwa na OJADACT kwa kushirikiana na Taasisi ya Kimataifa ya Open Knowledge Foundation 

Mafunzo hayo yamejumuisha zaidi ya wanaandishi wa habari thelathini toka vyombo vya habari mbalimbali Mkoa wa Mwanza.

Mwenyekiti wa OJADACT, Edwin Soko (kulia) akizungumza kwenye maadhimisho hayo.

Mratibu OJADACT, Lucyphine Kilanga akizungumza

Mratibu OJADACT, Lucy Kilanga.

Mwanahabari Glory Kiwia (kulia) akichangia hoja kwenye maadhimisho hayo.

Waandishi wa Habari jijini Mwanza.

Read More →

COASTER ILIYOPELEKA MSIBA YAPINDUKA NA KUUA WATU WATANO KUJERUHI 9 TANGA

Watu watano wamefariki dunia papo hapo na wengine tisa wamejeruhiwa baada ya basi dogo aina Coaster waliyokuwa wamepanda kuacha njia na kupinduka.

Mkuu wa Wilaya ya Lushoto mkoani Tanga, Kalisti Lazaro amesema ajali hiyo imetokea jana Ijumaa Juni katika Kijiji cha Mbaramo Tarafa ya Umba wilayani humo.

Lazaro amesema gari hilo lilikuwa linarejea Dar es Salaam kutoka Kijiji cha Mbaramo kupeleka msiba.

Inadaiwa kuwa dereva wa gari hilo alishindwa kulimudu kwenye kona hali iliyosababisha gari hilo kupinduka.

Soma zaidi <<HAPA>>

Via Mwananchi

Read More →

JKCI, HALMASHAURI YA CHALINZE WATOA HUDUMA YA MAGONJWA YA MOYO KWA WANANCHI

Taasisi ya Moyo ya Jakaya Kikwete (JKCI) wakitoa huduma ya magonjwa ya moyo kwa wananchi katika hospitali ya Msoga ,Halmashauri ya Chalinze

****

NA. ELISANTE KINDULU, CHALINZE

TAASISI ya moyo ya Jakaya Kikwete (JKCI) kwa kushirikiana na halmashauri ya Chalinze, Mkoa wa Pwani wametoa huduma ya magonjwa ya moyo kwa wananchi wenye matatizo hayo hivi karibuni.

Huduma hiyo iliyochukua siku mbili, ikiendeshwa na madaktari bingwa kutoka Taasisi ya Moyo ya Jakaya Kikwete kwa kushirikiana na Halmashauri ya Chalinze ilihudumia wananchi kutoka mkoa wa Pwani pamoja na mikoa jirani katika hospitali ya Msoga iliyopo Chalinze.

Daktari bingwa wa magonjwa ya Moyo kutoka Taasisi hiyo Dkt.Peter Kisenge alieleza kuwa zoezi hilo limefanyika katika hospitali  hiyo na idadi ya watu waliofika katika zoezi hilo kwa ajili ya  upimaji, wapo waliopatikana na  magonjwa hayo na wengine walikuwa salama.

“Tangu tumefika hapa mpaka leo tunamalizia zoezi hili la upimaji na  tumeweza kupata idadi ya watu 422, ambapo kati ya hao asilimia 60 ya wagonjwa  tumewaona wana matatizo ya shinikizo la damu kwa misuli yao ya moyo kutanuka na kutofanya kazi vizuri, na tumeweza kuwapeleka wagonjwa  20 katika Taasisis yetu kwa ajili ya kupata uchunguzi zaidi”.Alisema Dkt. Kisenge.

Dkt. Kisenge aliwashauri wananchi  kujikinga na magonjwa ya moyo kwa kufanya mazoezi na kuzingatia lishe bora na kuepuka vyakula vinavochangia unene wa kupitiliza kiasi,  hususani vyakula vya wanga, nyama kwa wingi, unywaji wa pombe pamoja na uvutaji wa sigara uliiokithiri.

Naye Mganga Mkuu wa Halmashauri ya Wilaya ya Chalinze Dkt.Allen Mlekwa aliwapongeza wananchi wa Chalinze kwa kujitokeza kupata huduma ya vipimo vya moyo pamoja na mikakati ya Halmashauri ya Chalinze juu yakuendeleza vipimo hivyo.

Dkt. Mlekwa kwa niaba  ya Halmashauri ya  Chalinze aliishukuru Serikali ya awamu ya sita pamoja na Taasisi ya Moyo ya Jakaya Kikwete kwa ushirikiano wa kutoa huduma hizo.

Kwa niaba ya wananchi waliopatiwa vipimo hivyo, Bi.Gabriela Mtwale aliishukuru Halmashauri ya Chalinze kwa kushirikiana na Taasisi ya Moyo Jakaya Kikwete kwa huduma walizozipata na kuomba zoezi hilo liwe linafanyika mara kwa mara ili kuokoa maisha ya nguvu kazi ya Taifa.

 

Read More →

TBS YATEKETEZA BIDHAA ZA VYAKULA NA VIPODOZI KATAVI

Kaimu meneja wa Shirika la Viwango Tanzania (TBS )Kanda ya Magharibi Bw.Rodney Alananga akiwa katika zoezi la kuteketeza bidhaa za vyakula na vipodozi katika dampo la Manispaa ya Mpanda mapema jana.

Bidhaa hizo zilikamatwa katika operesheni iliyofanyika mwezi Februari, Aprili na Mei, 2022 mkoa wa Katavi katika Halmashauri zote za mkoa huo ambazo ni Manispaa ya Mpanda, Mlele, Mpimbwe, Tanganyika na Nsimbo.

******************

Na Mwandishi Wetu, Mpanda

BIDHAA mbalimbali za vyakula na vipodozi vyenye thamani takribani ya shilingi za Kitanzania milioni 7 zimeteketezwa katika dampo la Manispaa ya Mpanda baada ya kukutwa hazikidhi viwango kwa mujibu sheria ya Viwango Na 2 Sura 130.

Bidhaa hizo zilizoteketezwa mjini Mpanda ( 10/06/2022 )zilikamatwa Shirika la Viwango Tanzania (TBS) Kanda ya Magharibi kwa ushirikiano na ofisi ya Kamanda Polisi, Katibu Tawala, Mamlaka ya Mapato na uongozi wa wilaya katika operesheni iliyofanyika Februari, Aprili na Mei, mwaka huu Mkoa wa Katavi katika Halmashauri zote za mkoa huo ambazo ni Manispaa ya Mpanda, Mlele, Mpimbwe, Tanganyika na Nsimbo.

Akizungumza na waandishi wa habari mara baada ya kuteketezwa kwa bidhaa hizo Kaimu Meneja TBS Kanda ya Magharibi, Rodney Alananga, alisema bidhaa hizo zilikamatwa maeneo ya mjini na vijijini katika maghala, maduka ya rejareja, jumla, supermarkets, masoko ya mipakani na stoo.

"Kati ya maeneo zaidi 100 yaliyokaguliwa, 36 yalikutwa na makosa kuuza au kuhifadhi bidhaa zilizokwisha muda, zenye viambata sumu, zisizosajiliwa na nyingi zinaingia nchini kwa njia zisizorasmi na mengine kukosa vibali vya kuuza au kusambaza vyakula na vipodozi toka TBS hivyo kuweza kuhatarisha afya na uchumi wa nchi," alisema Alananga

Kwa mujibu wa Alananga, vipodozi vyenye viambata sumu vilivyopigwa marufuku zaidi ya aina 20 vilikamatwa ni pamoja na carolight, top lemon, clair men, diproson, Citrolight,carotene,Extra clair,clinic clear, betasol,prince clair, tent Claire, G&G na vingine.

Alifafanua kwamba bidhaa hizo zikitumiwa zinaweza kuleta madhara ya kiafya kwa kusababisha magonjwa ya ngozi na Kansa:mfano kutoka mabaka au vipele sehemu mbalimbali za mwili na pia kuleta madhara ya mfumo wa uzazi au mzio wa ubongo wa watoto kwa mama wajawazito.

"Vilevile vinaweza vikachangia kuleta Kansa ya ngozi na damu na hata kifo," alisema na Alananga na kuongeza;

"Vilevile vyakula vilivyokamatwa ni vile vilivyokwisha muda wake wa matumizi ambavyo si chakula salama kutumiwa ambapo ilibidi kabla ya ukaguzi wa serikali wamiliki wanalazimika kujikagua, kutoa taarifa na kukabidhi hizo bidhaa kwa ofisi ya Afya na mazingira ya Halmashauri kwa ajili ya kuteketezwa kwa taratibu zilizopo."

Alitaja bidhaa hizo kuwa ni kama vinywaji mbalimbali, sabuni, biscuits, Blue bands, hamira, viungo mbalimbali.

"Havifai kwa matumizi sababu vinaweza leta madhara mbalimbali ya kiafya kama kuumwa tumbo na hata kansa," alisema.

Alisema hatua zilizochukuliwa wakati wa operesheni ni kutaifisha bidhaa, kulipishwa tozo za uteketezaji ikiwemo gharama zote za usafirishaji, dampo na miundombinu na usimamizi wa uteketezaji. Alananga alitoa wito kwa wafanyabiashara kuzingatia sheria na kutumia vizuri na kwa vitendo elimu na mafunzo wanayopata mara kwa mara kutoka TBS na wataalam wa mkoa na Halmashauri ili kushirikiana na serikali awamu ya sita katika kulinda afya za Watanzania na kukuza biashara kwa kuuza au kuingiza bidhaa bora na salama katika soko la Katavi.

Alisema ni muhimu wananchi kujenga tabia ya kusoma maelezo ya lebo katika bidhaa, kununua bidhaa za vyakula na vipodozi katika maduka yaliyotambuliwa na TBS, kudai risiti za manunuzi na kutembelea tovuti ya shirika kujua vipodozi na vyakula vilivyosajiliwa na kuthibitishwa.

Aidha, aliwataka wananchi na wafanyabiashara kutoa ushirikiano kwa TBS na vyombo vya dola hasa kutoa taarifa pale ambapo wanaona kuna wafanyabiashara wanakiuka taratibu hizi.

Read More →

WANANCHI WATEMBELEA BANDA LA DMI KWENYE MAONESHO YA VYUO VIKUU YANAYOENDELEA JIJINI DODOMA

Makani Mkuu wa Chuo cha DMI akiwa na timu kutoka DMI tayari Kwa maonyesho ya NACTVET katika viwanja vya Jamhuri jijini Dodoma.Mhe. Jumanne Kishimba, Mbunge wa Kahama Mjini atembelea banda la DMI.Bi. Winfrida Ngallu, mwanafunzi wa Marine Engineering, mwaka wa tatu akitoa elimu kuhusiana na taaluma ya ubaharia.Capt. Azan Azan kutoka chuo cha DMI akitoa elimu ya kujiokoa wakati wa dharula melini.Umati wa wananchi umefurika katika banda la DMI wakipatiwa elimu ya bahari.Watumishi kutoka chuo cha DMI wakijioanga kutoa huduma Kwa wananchi katika viwanja vya Jamhuri - Dodoma.

Prof. Zacharia Nganilo, Mkuu wa Chuo cha Usafirishaji (NIT) atembelea banda la DMI.

***************

Chuo cha Bahari Dar es salaam   (DMI) kimeshiriki maonyesho ya Vyuo vikuu yaliyoandaliwa na Baraza la Taifa la Elimu ya Juu na Mafunzo ya Ufundi Stadi (NACTVET) yanayofanyika katika viwanja vya Jamhuri jijini Dodoma.

Maonyesho hayo ya siku Saba yameanza tarehe 07  - 13/06/2022 yamejumuisha Vyuo mbalimbali nchini.

Makani Mkuu wa Chuo cha Bahari Dar es Salaam Dkt. Lucas Mwisila ametoa wito kwa umma wa Tanzania kujiunga na Chuo hicho kutokana na fursa zilizopo katika tasnia ya bahari.

Dkt. Mwisila amesema Kwa sasa dirisha la udahili lipo wazi kwa ngazi ya Cheti na Diploma, hivyo anawakaribisha watanzania na wasio watanzania kujiunga na chuo cha bahari Dar es Salaam.

Chuo cha bahari dar es Salaam kinatoa kozi za ubaharia zikiwemo Uendeshaji wa meli (Unahodha), Uhandisi wa meli, Usimamizi wa masuala usafirishaji na lojistiki, Uhandisi wa mafuta na gesi na nyingine nyingi ambazo zinatolewa Kwa ngazi ya Cheti, diploma, digrii na Uzamili.

Aidha chuo kinatoa kozi fupi pamoja na kozi za umahiri kuhusiana na tasnia ya bahari.

Kwa maelezo zaidi kuhusiana na kozi zitolewazo na chuo cha DMI unaweza kutembele tovuti ya chuo www.dmi.ac.tz au unaweza kupiga simu 0688 941 921/ 0716 898 037

Read More →