BENKI YA CRDB YATANGAZA UFADHILI WA MASOMO WA SH. MILIONI 10 KWA WACHEZAJI 10 BORA CRDB BANK TAIFA CUP

Benki ya CRDB imetangaza ufadhili wa masomo wa Shilingi Milioni 10 kwa wachezaji 10 bora wa mashindano ya taifa ya mpira wa kikapu “CRDB Bank Taifa Cup” 2021 katika hafla iliyoonyeshwa mubashara kupitia chaneli ya michezo ya AzamTV.

Akizungumza katika hafla ya kutangaza ufadhili huo, Meneja Mwandamizi wa Uwekezaji katika Jamii Benki ya CRDB, Joycelean Makule amesema ufadhili huo wa masomo kwa wachezaji ni muendelezo wa jitihada za Benki ya CRDB katika kuwawezesha vijana wa kitanzania kupitia michezo.

Joycelean alisema Benki hiyo kupitia sera yake ya Uwezeshaji katika Jamii (CSI Policy) imekuwa ikiwekeza katika michezo ya vijana kwa kuamini kuwa inasidia kuongeza ushiriki wao katika shughuli mbalimbali ikwamo elimu ili kusaidia kuwajenga kwa ajili ya maisha ya baadae.

“Katika CRDB Bank Taifa Cup wapo vijana wengi ambao bado wapo masomoni katika ngazi mbalimbali. Hivyo Benki iliona ni vyema kuambatanisha suala la elimu na michezo kwa kutoa ufadhili wa masomo vijana ambao wameonyesha uwezo mkubwa katika mashindano ya CRDB Bank Taifa Cup,” alisema Joycelean.

Akizungumzia kuhusu msukumo uliopelekea Benki hiyo kudhamini masomo ya wachezaji wa mpira wa kikapu Joycelean alisema mchezo wa mpira wa kikapu umekuwa haupewi sana kipaumbele kulinganisha na michezo mingine, hivyo kupelekea kuwakatisha tamaa vijana wengi ambao wamekuwa wakionyesha vipaji katika mchezo huo.

“Baada ya mchakato mrefu wa kufanya tathimini ya uwezo uliooneshwa na vijana pamoja na kufatilia taarifa zao za kielimu kwa kushirikiana na Shirikisho la Mpira wa Kikapu Tanzania (TBF), tumefanikiwa kukamilisha zoezi hilo na leo tupo hapa kwa ajili ya kutangaza vijana waliofanikiwa kupata nafasi hizo za ufadhili wa masomo kwa mwaka 2021/2022,” alisema Joycelean ikibainisha.

Huu ni mwaka wa pili kwa Benki ya CRDB kutoa ufadhili wa masomo kwa wachezaji bora wa mchezo wa mpira wa kikapu kupitia CRDB Bank Taifa Cup. Mwaka jana benki hiyo ilitoa ufadhili wa masomo wa jumla ya shilingi milioni 50 kwa vijana 25. “Tunajivunia kuendelea kutoa ufadhili wa masomo kwa vijana kupitia mchezo huu kwani tunaamini utasaidia kufikia ndoto zao kupitia elimu,” aliongezea Joycelean.

Akizungumza kwa niaba ya vijana waliopata ufadhili wa masomo, mchezaji wa timu ya wanawake ya mpira wa kikapu mkoa wa Kilimanjaro Jesca Mbowe ambaye anasoma katika Chuo Kikuu cha Dodoma (UDOM) shahada ya usimamizi wa utalii ameishukuru Benki ya CRDB kwa ufadhili huo, huku akisema utakuwa chachu kwao kusoma kwa bidii ili kufikia malengo yao.

Kwaupande wake Makamu wa Rais wa Shirikisho la Mpira wa Kikapu Tanzania, Rwehabura Balongo ameishukuru Benki ya CRDB kwa kuendelea kuwekeza katika mpira wa kikapu huku akisema udhamini huo wa masomo utakwenda kuleta hamasa zaidi kwa vijana wengi kushiriki katika mchezo huo.

Balongo aliishukuru pia Benki ya CRDB kwa kuendelea kuwa mdhamini wa mashindano ya taifa ya mpira wa kikapu ambapo tokea benki hiyo ianze kushirikiana na TBF kumekuwa na mwamko mkubwa katika mchezo huo. Benki ya CRDB mwaka jana iliongeza udhamini katika Taifa Cup kufikia shilingi 300 ambapo timu 36 za mpira wa kikapu kwa upande wa wanaume na wanawake zilichuana vikali.

Timu za wanawake na wananume za mpira wa kikapu mkoa wa Dar es Salaam ziliibuka kidedea katika mashindano hayo yaliyofanyika katika viwanja vya Chinangali Dodoma.

Read More →

KARIBU BEHAC KWA HUDUMA YA CHAKULA, BAA, PHARMACY NA MIAMALA YA FEDHA

Karibu Behac Company Limited kwa huduma za Chakula halisi cha Kitanzania/Kiafrika, Bar, Order, Miamala ya Fedha, Pharmacy .Pia tunakodisha viti, meza na sahani. 

Tunapatikana Bwalo la Polisi Mjini Shinyanga . Wasiliana nasi kwa simu namba 0782767034 / 0753474488  Email : info@behac.co.tz  Website : www.behac.co.tz

Read More →

NDEGE INAYOTUMIA UMEME KUANZA MAJARIBIO, HAITUMII MAFUTA

TEKNOLOJIA na masuala ya usafirishaji inazidi kuwa kubwa, wakati wengine wakibuni magari mapya yanayotumia umeme badala ya mafuta, Israel Eviation wamekuja na kitu cha tofauti.

Kampuni ya Israel Eviation imetengeneza ndege ya kwanza ya abiria duniani ambayo inatumia umeme kwa asilimia 100 bila mafuta hata tone, ambayo imefanyiwa majaribio ya awqali wiki iliyopita huko Arlington Municipal Airport, Kaskazini mwa Seattle huko Washington nchini Marekani.

Ndege hiyo ya Alice sasa imebakiza wiki chache ili kufanya safari yake ya kwanza tangu itengenezwe ikiwa na uwezo wa kubeba Abiria 9 na marubani wawili na kuruka kwa 250 kts, au maili 287 287 kwa saa. Ikumbukwe kuwa ndege aina ya Boeing 737 ina mwendokasi wa maili 588 kwa saa.

Kampuni hiyo iliyomtengeneza Alice ambayo imejikita katika usafiri wa anga kwa teknolojia ya umeme, inaamini kwamba ndege zinazotumia umeme zenye uwezo wa kubeba Abiria 20 mpaka 40 zitakuwa sokoni ndani ya miaka 7 hadi 10 ijayo (mwaka 2029 – 2032).

Ndege hiyo iliyoanza kutengenezwa mwaka 2019 imepitia katika mabadiliko ya aina mbalimbali na majaribio kadhaa ikiwemo majaribio la mwendokasi kuanzia speed ya chini mpaka speed kubwa ambapo majaribio mengine yalifanyika Desemba, mwaka jana.

Alice sasa itafanyiwa majaribio mengine ya speed tofauti tofauti, umeme wake ambapo inatumia betri na uwezo wake, mifumo ya steering, brak, na uratibu wa masafa.

Read More →

HAYA HAPA MAGAZETI YA LEO JUMATANO FEBRUARI 2,2022

Magazetini leo Jumatano February 2,2022

Read More →

Dkt. TULIA ACKSON NDIYE SPIKA WA BUNGE LA TANZANIA

Mbunge wa Mbeya Mjini, Dk. Tulia Ackson amechaguliwa kuwa Spika wa Bunge la Jamhuri ya Muungano wa Tanzania baada ya kupata kura zote 376 za wabunge katika Uchaguzi uliofanyika leo Jumanne Februari 1, 2022 bungeni jijini Dodoma.

Akitangaza matokeo hayo, Mwenyekiti wa Uchaguzi huo, William Lukuvi amesema Mhe. Dkt. Tulia amewashinda wagombea wengine nane ambao wote wamepata kura 0 na hakuna kura iliyoharibika.

Read More →

ZUHURA YUNUS, MKURUGENZI MPYA WA MAWASILIANO YA RAIS IKULU

Read More →

RC MTAKA AAGIZA WAZAZI WASIOPELEKA WATOTO SHULE WAPEWE ADHABU YA KUSAFISHA VYOO VYA SHULE

Mkuu wa Mkoa wa Dodoma Anthony Mtaka akivuka daraja la mto Buluku  lililotengenezwa kwa muda baada ya kuharibiwa na mvua za masika zinazoendelea Wilayani Kondoa na kusababisha wanafunzi kushindwa kuhudhuria masomo.

*******

Na Dotto Kwilasa-Malunde 1 blog-KONDOA

MKUU wa Mkoa wa Dodoma,Anthony Mtaka amemwagiza Mkuu wa Wilaya ya Kondoa,Dk.Hamis Mkanachi kuwakamata   wazazi ambao watashindwa kuwapeleka wanafunzi shule kujiunga  kidato cha kwanza na kwamba mara baada ya kuwakamata wazazi hao  wanatakiwa kwenda kufanya usafi kwenye vyoo vya shule ili kuwaaibisha.

Mtaka amesema hayo mwishoni mwa wiki katika kijiji cha Bukulu Kata ya Bukulu Wilayani Kondoa na wanafunzi wa shule ya Sekondari Bukulu,Mkuu huyo wa Mkoa amemwagiza DC Mkanachi kuwakamata wazazi ambao watashindwa kuwapeleka shuleni watoto wao.

Licha hayo amewaagiza  Wakuu wa shule katika Wilaya hiyo kuanzisha Klabu za taaluma ili kuwasaidia wanafunzi waweze kufanya vizuri katika mitihani yao.

“Mwanafunzi asipofika Jumatatu (31 Januari) chukua mgambo  kamata wote waje wafanye usafi, waje wasafishe vyoo wapelekeni pale shuleni ili watoto wao wawe wanawaona, Wazazi wao wanavyodhalilika kwa sababu yao”amesema.

“Anzisheni Klabu za taaluma za Sayansi,Arts,Mazingira na Takukuru anzisheni midahalo ya form one na form two na form three na four  ili wanafunzi waweze kupata ulewa pamoja na kujifunza.Wapeni mitihani ya mara kwa mara Mkuu wa Wilaya una PHD lakini hali ya elimu hapa sio nzuri,”amesema.

Kwa upande wake,Mkuu wa Wilaya hiyo,Dk.Mkanachi  amewataka wanafunzi wa shule hiyo  kusoma kwa bidii kwani Serikali imeishawapelekea miundombinu ikiwemo ujenzi wa madarasa na walimu.

Naye,Mwenyekiti wa CCM Wilaya ya Kondoa,Mohammed Kova amesema kiujumla hali ya elimu Wilayani humo sio nzuri hivyo zinahitajika jitihada za pamoja ili kunusuru hali ya elimu.

“Nawaomba sana wanangu someni,someni mimi niliuza nyumba yangu Kondoa  ili nisomeshe watoto wangu sasa hivi wote wana kazi nzuri na mimi nakula matunda yao,tusomeshe,”amesema.

Read More →

JESHI LA POLISI LASEMA ASKARI POLISI MAHEMBE ALIJIUA KWA KUJINYONGA

Gaitan Mahembe (kushoto), ambaye ni baba mzazi wa aliyekuwa Mrakibu Msaidizi wa Polisi anayedaiwa kujinyonga, Grayson Mahembe (kulia).

**

Jeshi la Polisi limetoa ufafanuzi kuhusu taarifa za upotoshaji zinazoendelea kuhusu tukio la kujinyonga hadi kufa kwa mkaguzi msaidizi wa jeshi hilo, Grayson Mahembe, tukio lililotokea Januari 22, 2022 mkoani Mtwara.

Taarifa iliyotolewa leo, Januari 31, 2022 na msemaji wa jeshi hilo, SACP David Misime zinaeleza kwamba ushahidi ukiwemo wa picha na ripoti ya daktari, umethibitisha kwamba Mahembe alijiua kwa kujinyonga katika mahabusu ya peke yake aliyokuwa akishikiliwa kwa makosa yaliyokuwa yakimkabili yeye na wenzake.

Makosa hayo ni kudaiwa kushiriki kumnyang’amya fedha na kisha kumuua kijana aliyefahamika kwa jina la Mussa Hamis na kwenda kuutupa mwili wake vichakani katika Kijiji cha Namgogori mkoani Mtwara, tukio lililotokea Januari 5, mwaka huu.

Taarifa hiyo imeendelea kusisitiza kwamba wananchi hawapaswi kuamini taarifa za upotoshaji na mijadala inayoendelea na kuongeza kuwa askari huyo hakuzikwa kijeshi kwani kwa sheria za jeshi hilo, askari anapojitoa uhai, hawezi kupigiwa gwaride la mazishi linalochezwa na risasi au mabomu kwani anahesabiwa kuwa hajafa kishujaa.

Grayson Mahembe na wenzake saba, wanadaiwa kutekeleza mauaji ya kijana huyo Januari 5 mwaka huu na kisha mwili wa marehemu waliutupa katika kitongoji cha Majengo, kijiji cha Hiari wilayani Mtwara

Read More →

HII HAPA RATIBA YA MGAO WA UMEME

Wakati ratiba ya mgao wa umeme katika baadhi ya maeneo nchini wa siku kumi ikiwa haijatoka, wananchi, wakiwamo wafanyabiashara wadogo na sekta binafsi wanahofu shughuli zao kwenda mrama.

Shirika la Umeme Tanzania (Tanesco) juzi Ijumaa lilitangaza kuwapo maboresho ya vituo vya kuzalisha umeme vya Kinyerezi l vinavyotegemewa kuzalisha megawati 185 na Ubungo lll megawati 112 kuwa vitasababisha mgao nchini.

Taarifa hiyo kwa umma inaeleza kuwa, upungufu huo wa umeme hautakuwa nchi nzima, isipokuwa kwa baadhi ya maeneo, lakini kila eneo litakaloathirika litapewa taarifa ni kwa muda gani kukosekana kwa umeme kutadumu.

“Lengo ni kuwawezesha wateja na wananchi kuweza kujipanga katika shughuli zao za kiuchumi na hata viwanda vikubwa vipange ratiba nzuri ya rasilimali watu kutokana na upatikanaji wa umeme,” alisema Mkurugenzi Mtendaji wa Tanesco, Maharage Chande.

Pia, alisema Tanesco watatumia mwanya huo wa kukatika umeme kufanya matengenezo katika miundombinu ya usambazaji umeme, kwa kuwa kukatikakatika kwa huduma hiyo kunasababishwa na uchakavu.

Novemba 18, 2021 Tanesco ilitangaza kupungua kwa umeme, ikisema mabadiliko ya hali ya hewa yamesababisha kupungua kwa maji katika vyanzo vya uzalishaji wa umeme wa maji, hivyo kutakuwa na upungufu wa megawati 345.

Ilisema inachukua hatua za haraka kuongeza uzalishaji kwa kutumia gesi asilia kwa kuharakisha matengenezo ya baadhi ya mitambo ya Ubungo I inayozalisha megawati 25, ikisema itaendelea kutumia na vyanzo vingine mbadala kuhakikisha nishati hiyo inapatikana muda wote.

---

Read More →

MISS MAREKANI AJIUA KWA KUJIRUSHA GHOROFANI

Cheslie Kryst (30) aliyekuwa mlimbwende wa Marekani mwaka 2019 amefariki dunia. Kwa mujibu wa Polisi, Cheslie alijirusha ghorofani jana Jumapili, Januari 30, 2022 majira ya asubuhi huko Manhattan, New York.

Kabla ya kujirusha aliweka bandiko la picha yake Instagram yenye ujumbe; “Siku hii ikuletee Pumziko la Amani” ambapo familia yake imethibitisha kutokea kwa kifo hicho. Cheslie alikuwa na Shahada mbili ikiwemo ya Sheria na Shahada ya Uzamili ya Usimamizi wa Biashara.

“Ni huzuni na mafadhaiko makubwa ambayo familia tumeyapata kutokana na msiba wa mpendwa wetu Cheslie, alikuwa mwema na mwenye ushawishi duniani kote hasa kwa urembo na umaridadi wake.

“Cheslie alikuwa na upendo wa dhati, kwa kutumia uwezo wake na ushawishi wake amewasaidiwa wengi hasa katika kazi zake za uanasheria ikiwemo kuhakikisha wanyonge wanapata haki zao. Lakini cha ziada alikuwa binti yetu, dada, rafiki, mwenzetu na mshauri pia,” imesema familia yake.

Kryst, alikuwa wakili wa mahakama ya Division I na North Carolina, alishinda taji la Miss USA, Mei, 2019, na kushiriki katika Mashindano ya Miss Universe mwaka huo huo.

Read More →

WATU 13 WAUAWA KWA BOMU LILILOTEGWA ARDHINI WAKIWA KWENYE DALADALA

TAKRIBANI watu 13 wamefariki dunia kufuatia mlipuko uliotokea leo, Januari 31, 2022 asubuhi katika eneo la Mandera, Kaskazini mwa Kenya, karibu na mpaka wa Somalia baada ya gari la abiria (daladala) kukanyaga bomu lililokuwa limetegwa ardhini ikiwa ni siku mbili tu baada Ufaransa kutoa tahadhari ya Shambulio.

Watu wengine kadhaa ambao idadi yao haijafahamika wamejeruhiwa. Gari hilo lilikuwa likisafiri kuelekea Mandera, Mji ulio katika eneo la mpakani, ambao umekuwa ukiathiriwa mara kwa mara na mashambulizi ya wanamgambo.

Picha kutoka kwa wanahabari wa eneo hilo zinazoshirikishwa katika mitandao ya kijamii zinaonesha mabaki ya gari la umma, linalojulikana kama matatu, ambalo lilipuliwa baada ya kukanyaga kilipuzi kilichokuwa kimetegwa barabarani.

Hakuna aliyedai kuhusika, lakini waasi wa Al Shabaab wamekuwa wakiwalenga polisi na raia ndani na karibu na Mandera na vifo kadhaa katika miaka ya hivi karibuni, na kuifanya Mandera kuwa moja ya maeneo hatari zaidi ya Kenya kuishi.

Shambulio hilo limetokea wiki moja tu baada ya balozi kadhaa za kigeni nchini Kenya, zikiwemo Marekani na Ufaransa, kuwaonya raia wake kuhusu uwezekano wa kutokea mashambulizi ya kigaidi nchini humo.

Read More →