HAYA HAPA MAGAZETI YA LEO JUMANNE JULAI 13,2021

Read More →

RC SENGATI ASEMA LAZIMA KIONGOZI WA CHADEMA ALIYESEMA SHINYANGA IMEELEMEWA NA WAGONJWA WA CORONA ACHUKULIWE HATUA KALI ZA KISHERIA

 

Mkuu wa Mkoa wa Shinyanga Dk, Philemon Sengati, kulia akizungumza na wagonjwa wa Corona alipowatembelea katika Hospitali ya Rufaa mkoani humo, ambapo alikuta hakuna idadi ya wagonjwa wengi kama ilivyoenezwa kwenye mitandao ya kijamii.

Na Marco Maduhu, Shinyanga.

SERIKALI mkoani Shinyanga, imekanusha taarifa ambazo imedai ni za uongo zilizosambazwa na Mwenyekiti wa Baraza la Vijana la Chama Cha Demokrasia na Maendeleo CHADEMA (BAVICHA) mkoani Iringa, Vitusi Nkuna kupitia mitandao ya kijamii, kuwa Mkoa wa Shinyanga umelemewa na wagonjwa wa Corona, na ina uhaba wa Mitungi ya Oksijeni.

Mkuu wa Mkoa wa Shinyanga Dk. Philemoni Sengati, amekanusha taarifa hizo leo wakati akizungumza na watumishi wa Serikali, na alipo watembelea wagonjwa wa Corona ambao wamelazwa katika Hospitali ya Rufaa ya Mkoa wa Shinyanga. 

Alisema baada ya kuona tarifa hizo mtandaoni ambazo zimezua taharuki, ndipo akaona ni vyema atembelee pia katika Hospitali ya Rufaa mkoani humo, ili kujionea mwenyewe hali halisi, na kukuta hakuna idadi ya wagonjwa wengi kama ilivyo enezwa kwenye mitandao ya kijamii na Mwenyekiti huyo wa BAVICHA.

“Serikali ya Mkoa wa Shinyanga, tumesikitishwa sana na taarifa hizi ambazo zimeenezwa kwenye mitandao ya kijamii na Mwenyekiti wa BAVICHA mkoani Iringa Vitus Nkuna, kuwa tumeelemewa na wagonjwa wa Corona na hatuna Mitungi ya Oksijeni kitu ambacho ni uongo,”amesema Dk.Sengati.

“Mwenyekiti huyu wa BAVICHA lazima Serikali tumchukulie hatua kali za kisheria kwa kuzusha uongo na kuleta taharuki kwa wananchi wa Mkoa wa Shinyanga, hatukatai wagonjwa ni kweli wapo, lakini siyo wengi kama inavyoenezwa na wanaendelea kupata matibabu,”ameongeza.

Katika hatua nyingine Mkuu huyo wa Mkoa, akiwa katika Stendi ya Mabasi ya kwenda wilayani, amewataka wananchi wa Shinyanga kuendelea kuchukua tahadhari ya kujikinga na ugonjwa huo wa Corona, kwa kunawa mikono kwa sabuni na majitiririka, kuvaa barakoa, kupaka vitakasa mikono, pamoja na kuepuka mikusanyiko isiyo ya lazima.

Kwa upande wake Mganga Mkuu wa Mkoa wa Shinyanga Dk. Yudas Ndungile, aliwataka wananchi pale wanaposikia dalili za ugonjwa huo, wawahi kwenye huduma za afya, huku akitaja vituo ambavyo vimetengwa kwa ajili ya kutoa huduma hiyo, kuwa ni Hospitali ya Rufaa, Kolandoto, kituo cha afya Kambarage.

Aidha Dk. Ndungile alitaja vituo vingine kuwa ni Kituo cha afya Tinde, Bugarama, Nyamilangano, Hospitali ya Iselamagazi wilayani Shinyanga pamoja na Hospitali ya wilaya ya Kahama, huku akitaja dalili za ugonjwa huo kuwa ni kuchoka, kusikia homa, viungo kuuma, kushindwa kupumua vizuri, na kuharisha.

TAZAMA PICHA HAPA CHINI

Mkuu wa Mkoa wa Shinyanga Dk, Philemon Sengati, akizungumza katika Hospitali ya Rufaa mkoani Shinyanga na kuwataka wananchi wa Mkoa huo kuendelea kuchukua Tahadhari ya kujikinga na ugonjwa wa Corona.

Mganga Mkuu wa Mkoa wa Shinyanga Dk. Yudas Ndugile, akielezea dalili za ugonjwa wa Corona wimbi la Tatu, huku akibainisha vituo vilivyotengwa kwa ajili ya kuhudumia wagonjwa wa Corona.

Kaimu Mganga Mfawidhi wa Hospitali ya Rufaa mkoani Shinyanga Luzila John, akielezea hali ya wagonjwa wa Corona Hospitalini hapo.

Mkuu wa Mkoa wa Shinyanga Dk. Philemon Sengati, akiendelea kutoa elimu kwa wananchi kuendelea kuchukua tahadhari ya kujikinga na Corona katika Stendi ya Mabasi.

Elimu ya kujikinga na Corona ikiendelea kutolewa.

Elimu ya kujikinga na Corona ikiendelea kutolewa.

Mkuu wa Mkoa wa Shinyanga Dk, Philemon Sengati akiendelea kutoa elimu ya kujinga na Corona katika Stendi ya Mabasi.

Mkuu wa Mkoa wa Shinyanga Dk, Philemon Sengati, akinawa mikono ya majitiririka katika Stand ya Mabasi alipowasili kutoa elimu ya kujikinga na Corona.

Awali watumishi wa Serikali mkoani Shinyanga wakitakiwa kuchukua tahadhari ya kujikinga na Corona maofisini mwao.

Awali watumishi wa Serikali mkoani Shinyanga wakitakiwa kuchukua tahadhari ya kujikinga na Corona maofisini mwao.

Awali Mkuu wa Mkoa wa Shinyanga Dk. Philemon Sengati, kushotom akiwa na Kaimu Mganga Mfawidhi wa Hospitali ya Rufaa mkoani Shinyanga Dk, Luzila John, alipowasilia kuwajulia hali wagonjwa wa Corona.

Na Marco Maduhu Shinyanga.

Read More →

Waziri Gwajima Awataka Wahudumu Wa Afya Nchini Kuwa Wakarimu

 

Na Mwandishi Maalum – Dar es Salaam
 Wahudumu  wa afya nchini wametakiwa kuwa wakarimu wakati wanapowahudumia wateja na wagonjwa kwani  kufanya hivyo wataongeza idadi ya watumiaji wa huduma watakaokwenda kutibiwa katika vituo vyao na kuvutiwa wajiunge na bima za afya na hivyo kuongeza mapato ya vituo husika na kupitia kuvutia wateja wa kimataifa watainua uchumi wa nchi kwa ujumla wake.

Rai hiyo imetolewa leo jijini Dar es Salaam na Waziri wa Afya, Maendeleo ya Jamii, Jinsia, Wazee na Watoto Dkt. Doroth Gwajima wakati akizindua timu ya kuratibu hatua za Tanzania kuelekea  kwenye utalii wa tiba katika ukumbi wa mikutano wa Taasisi ya Moyo Jakaya Kikwete (JKCI).

Waziri Dkt. Gwajima alisema asili ya binadamu yeyote yule anahitaji kujaliwa, kuthaminiwa  na kutambuliwa kama wahudumu hao wa afya wakifanya hivyo watapiga hatua kubwa katika utoaji wa huduma za afya kwa wagonjwa.

“Hospitali zetu zina majengo mazuri, zina wataalamu wa kutosha na vifaa tiba vya kisasa vya kutosha  kitu kinachokosekana ni ukarimu kwa wagonjwa, ili tuingie katika utalii wa matibabu  kwa kila hospitali tunatakiwa kuwe na mabadiliko katika utendaji  wa kazi ili mgonjwa achaguwe kwenda  kutibiwa katika Hospitali yako”,.

“Imefika wakati sasa kwa  hospitali kufungua  kitabu cha utoaji huduma kwa mteja ili kila mfanyakazi anayelalamikiwa kwa kutoa huduma mbaya na anayesifiwa kwa kutoa huduma nzuri  jina lake liandikwe humo,  yule atakayelalamikiwa mara nyingi aweze kuchukuliwa hatua na yule ambaye jina lake litaongoza kwa kutoa huduma nzuri apongezwe”, alisema Dkt. Gwajima.

Waziri huyo wa Afya alisema utalii  tiba  siyo ngeni hapa nchini na tayari umeanza kufanyika, katika utalii huu mgonjwa anachagua hospitali ambayo inatoa  huduma bora na nzuri na kwenda kutibiwa huko. Utalii huu unafanyika  kwa watanzania wenyewe  na kwa wagonjwa wanaotoka  nje ya nchi  na kuja kutibiwa hapa nchini kwa kufanya hivyo nchi inaongeza mapato pia tunaimarisha  undugu kati ya nchi na nchi.

Dkt. Gwajima pia aliipongeza timu hiyo ya kuratibu hatua za Tanzania kuelekea katika utalii wa tiba na kusema inawataalamu wa kada mbalimbali wakiwemo kutoka sekta binafsi na kuwaagiza katika utekelezaji wa utalii tiba  wasiziache  Hospitali binafsi kwani nazo zina majengo mazuri, wataalamu wa kutosha na vifaa  vya kisasa jambo la muhimu ni kushirikiana kwa pamoja ili kuhakikisha Tanzania inakuwa nchi ya utalii tiba  kama zilivyo nchi zingine Duniani.

Kwa upande wake Mwenyekiti wa kamati hiyo Prof. Mohamed Janabi alisema kamati hiyo imependekeza utalii huo uanze kufanyika katika tiba ya moyo inatolewa katika Taasisi ya Moyo Jakaya Kikwete (JKCI), matibabu ya figo katika Hospitali ya Taifa Muhimbili (MNH), tiba ya upasuaji wa ubongo inayotolewa Taasisi ya Mifupa Muhimbili (MOI) na matibabu ya mionzi ya saratani yanayotolewa katika Taasisi ya Saratani Ocean Road na baadaye ufanyike katika hospitali za kanda, mikoa na wilaya.

Prof. Janabi ambaye pia ni Mkurugenzi Mtendaji wa JKCI alisema katika utalii tiba  kuna watalii wa aina tatu ambapo kuna wagonjwa wanakuja kutibiwa nchini kutoka nje ya nchi na baada ya kupona wanarudi nchini kwao, kuna wagonjwa watakuja kutibiwa na baada ya kupona watakwenda kutalii katika vivutio mbalimbali vya utalii na kuna watalii ambao wanakuja kutalii nchini ambao wakipata matatizo ya kiafya watapata huduma za matibabu hapa nchini.

 “Jambo la muhimu ni kuangalia ni jinsi gani Hospitali zetu zitatoa huduma ambazo zitawavutia watanzania pamoja na nchi mbalimbali za Afrika kutibiwa hapa nchini na siyo kwenda kutibiwa mahali pengine kwani tuna  wataalamu wa kutosha, vifaa tiba  vya kisasa na majengo mazuri”, alisema Prof. Janabi.

Naye Abdulmalik Mollel  ambaye ni mjumbe wa timu hiyo na mwanzilishi na mkurugenzi mtendaji wa kampuni ya utalii tiba  ya GEL alisema hapa nchini kuna huduma nzuri za matibabu lakini kitu kinachokosekana ni lugha zinazotolewa kwa wagonjwa na wahudumu wa afya pamoja na namna ya utoaji wa huduma husika.

Alitoa mfano wa raia wengi wa visiwa vya Comoro wanavyotegemea kupata huduma za matibabu  hapa nchini lakini changamoto kubwa wanayokutana nayo ni lugha wao wanazungumza lugha ya Kifaransa na Tanzania lugha zinazotumika ni  za Kiswahili na Kiingereza.

“Umbali kutoka uwanja wa ndege hadi zilipo Hospitali zetu za Taifa ambazo ni  Taasisi ya Moyo Jakaya Kikwete (JKCI), Hospitali ya Taifa Muhimbili (MNH), Taasisi ya Mifupa Muhimbili (MOI) na Taasisi ya Saratani Ocean Road ni kilomita kama 10, Hospitali tatu kati ya hizi  zipo katika eneo moja mahali ambapo mtu anatembea kwa miguu kutoka hospitali moja hadi nyingine”,.

“Mahali ilipo Taasisi ya Saratani Ocean Road siyo mbali na zilipo hospitali hizi zingine,  hii ni tofauti na nchi zingine ambako umbali wa kutoka uwanja wa ndege hadi hospitali ni mrefu pia ilipo hospitali moja na nyingine ni mbali. Tatizo lililopo hapa kwetu ninamfahamu nani ili niende kupata huduma nzuri za matibabu lakini kama tutaamua kubadilika utalii wa matibabu unawezekana kabisa kufanyika”, .

Katikati ya mwezi wa sita mwaka huu Mhe. Rais Samia Suluhu Hassan wakati akizindua mtambo wa Cathlab uliopo katika Taasisi ya Moyo Jakaya Kikwete (JKCI) alisema  ni wakati sasa umefika kwa Tanzania kuwa nchi ya utalii tiba  kwani vifaa tiba vya kisasa vipo, wataalamu wapo pamoja na hospitali nzuri zipo.

Timu ya kuratibu hatua za Tanzania kuelekea  kwenye utalii tiba inawajumbe 13 kutoka Taasisi ya Moyo Jakaya Kikwete (JKCI), Hospitali ya Taifa Muhimbili (MNH), Taasisi ya Mifupa Muhimbili (MOI), Taasisi ya Saratani Ocean Road, Bodi ya Utalii na sekta binafsi.

Read More →

Rais Samia Azungumza Kwa Njia Ya Mtandano Na Rais wa Baraza la Umoja wa Ulaya

Read More →

MWANAMKE AKUTWA MTUPU , AMEUAWA SHINYANGA MJINI

Askari wa Jeshi la Polisi wakichukua mwili wa Marehemu Lucia Michael.

Na Marco Maduhu, Shinyanga
Mwanamke Lucia Michael maarufu Mama Kulwa, mkazi wa Majengo Manispaa ya Shinyanga, amekutwa ameuwa na watu wasiojulikana, na mwili wake kutupwa nyuma ya msikiti wa Majengo ukiwa hauna nguo 'mtupu'.

Kwa mujibu wa mashuhuda wamesema tukio hilo limetokea usiku wa kuamkia leo, ambapo aligundulika na majirani majira ya saa 12 asubuhi  mara baada ya kuuona mwili wake ukiwa nyuma ya msikiti wa Majengo jirani na makazi yao akiwa mtupu.

Akielezea tukio hilo mmoja wa majirani Anastazia Amos, alisema baada ya kupata taarifa, alifika eneo la tukio na kumkuta jirani yake akiwa mtupu huku ameuawa, ndipo wakamfunika nguo na kutoa taarifa kwa Mwenyekiti wa mtaa.

"Mwanamke huyu ni jirani yetu ana watoto watatu, na kazi yake ni msusi maarufu sana hapa mtaani kwetu, tunasikitika sana kumkuta akiwa ameuawa tena kavuliwa nguo zote," alisema Amosi.

Naye Mwenyekiti wa Majengo Manispaa ya Shinyanga Iddi Bwana, alisema mwanamke huyo huenda aliuawa na vibaka, na kisha mwili wake kutupwa nyuma ya Msikiti jirani na makazi ya watu.

Kamanda wa Jeshi la Polisi mkoani Shinyanga George Kyando, alithibitisha kutokea kwa tukio hilo, na kubainisha kuwa Jeshi bado linafanya uchunguzi ili kubaini chanzo chake na wahusika.

Read More →

LHRC YAWAPIGA MSASA WA SHERIA , HAKI ZA BINADAMU WAANDISHI WA HABARI KANDA YA ZIWA

Mwezeshaji kutoka LHRC, Frida Eligius akizungumza wakati akifungua mafunzo ya Haki za Binadamu na Sheria zinazohusu Tasnia ya Habari kwa waandishi wa habari kutoka mikoa ya Kanda ya Ziwa ikiwemo Mwanza, Kagera, Mara, Shinyanga, Simiyu na Geita.

Na Kadama Malunde - Malunde 1 blog

Kituo cha Sheria na Haki za Binadamu (Legal and Human Rights Centre - LHRC) kimetoa mafunzo ya Haki za Binadamu na Sheria zinazohusu Tasnia ya Habari (Media Laws) kwa waandishi wa habari kutoka mikoa ya Kanda ya Ziwa ikiwemo Mwanza, Kagera, Mara, Shinyanga, Simiyu na Geita.

Akizungumza wakati akifungua mafunzo hayo leo Jumatatu Julai 12, 2021 Jijini Mwanza, Mwezeshaji kutoka LHRC, Frida Eligius amesema mafunzo hayo ya siku tatu yatawasaidia waandishi hao wa habari kuandika habari kwa weledi zaidi.

"Waandishi wa habari ni kundi muhimu sana katika jamii hivyo ni vyema wakawa na uelewa wa kutosha kuhusu masuala ya haki za binadamu lakini pia wawe na uelewa kuhusu sheria mbalimbali zinazohusu Tasnia ya habari ndiyo maana LHRC tunatoa mafunzo haya ili kulisaidia kundi hili",amesema Eligius.

Nao washiriki wa mafunzo hayo, wameiomba Serikali ya awamu ya sita inayoongozwa na Rais wa Jamhuri ya Muungano wa Tanzania Mhe. Samia Suluhu kuziondoa sheria zote ama vipengele vya sheria vinavyolalamikiwa kubinya uhuru wa vyombo vya habari.

ANGALIA PICHA HAPA CHINI

Mwezeshaji kutoka LHRC, Frida Eligius akizungumza wakati akifungua mafunzo ya Haki za Binadamu na Sheria zinazohusu Tasnia ya Habari kwa waandishi wa habari kutoka mikoa ya Kanda ya Ziwa ikiwemo Mwanza, Kagera, Mara, Shinyanga, Simiyu na Geita yaliyoandaliwa na Kituo cha Sheria na Haki za Binadamu (LHRC) leo Jumatatu Julai 12,2021 Jijini Mwanza. Picha na Kadama Malunde - Malunde 1 blog

Mwezeshaji kutoka LHRC, Frida Eligius akizungumza wakati akifungua mafunzo ya Haki za Binadamu na Sheria zinazohusu Tasnia ya Habari kwa waandishi wa habari kutoka mikoa ya Kanda ya Ziwa ikiwemo Mwanza, Kagera, Mara, Shinyanga, Simiyu na Geita

Mwezeshaji kutoka LHRC, Frida Eligius akizungumza wakati akifungua mafunzo ya Haki za Binadamu na Sheria zinazohusu Tasnia ya Habari kwa waandishi wa habari kutoka mikoa ya Kanda ya Ziwa ikiwemo Mwanza, Kagera, Mara, Shinyanga, Simiyu na Geita

Mwezeshaji kutoka LHRC, Frida Eligius akizungumza kwenye mafunzo ya Haki za Binadamu na Sheria zinazohusu Tasnia ya Habari kwa waandishi wa habari kutoka mikoa ya Kanda ya Ziwa ikiwemo Mwanza, Kagera, Mara, Shinyanga, Simiyu na Geita

Mwezeshaji kutoka LHRC, Frida Eligius akizungumza kwenye mafunzo ya Haki za Binadamu na Sheria zinazohusu Tasnia ya Habari kwa waandishi wa habari kutoka mikoa ya Kanda ya Ziwa ikiwemo Mwanza, Kagera, Mara, Shinyanga, Simiyu na Geita

Mwezeshaji kutoka LHRC, Frida Eligius akizungumza kwenye mafunzo ya Haki za Binadamu na Sheria zinazohusu Tasnia ya Habari kwa waandishi wa habari kutoka mikoa ya Kanda ya Ziwa ikiwemo Mwanza, Kagera, Mara, Shinyanga, Simiyu na Geita

Mwezeshaji kutoka LHRC, Frida Eligius akizungumza kwenye mafunzo ya Haki za Binadamu na Sheria zinazohusu Tasnia ya Habari kwa waandishi wa habari kutoka mikoa ya Kanda ya Ziwa ikiwemo Mwanza, Kagera, Mara, Shinyanga, Simiyu na Geita

Waandishi wa habari kutoka mikoa ya Kanda ya Ziwa ikiwemo Mwanza, Kagera, Mara, Shinyanga, Simiyu na Geita wakiwa kwenye mafunzo ya Haki za Binadamu na Sheria zinazohusu Tasnia ya Habari.

Waandishi wa habari kutoka mikoa ya Kanda ya Ziwa ikiwemo Mwanza, Kagera, Mara, Shinyanga, Simiyu na Geita wakiwa kwenye mafunzo ya Haki za Binadamu na Sheria zinazohusu Tasnia ya Habari.

Waandishi wa habari kutoka mikoa ya Kanda ya Ziwa ikiwemo Mwanza, Kagera, Mara, Shinyanga, Simiyu na Geita wakiwa kwenye mafunzo ya Haki za Binadamu na Sheria zinazohusu Tasnia ya Habari.

Waandishi wa habari kutoka mikoa ya Kanda ya Ziwa ikiwemo Mwanza, Kagera, Mara, Shinyanga, Simiyu na Geita wakiwa kwenye mafunzo ya Haki za Binadamu na Sheria zinazohusu Tasnia ya Habari.

Waandishi wa habari kutoka mikoa ya Kanda ya Ziwa ikiwemo Mwanza, Kagera, Mara, Shinyanga, Simiyu na Geita wakiwa kwenye mafunzo ya Haki za Binadamu na Sheria zinazohusu Tasnia ya Habari.

Waandishi wa habari kutoka mikoa ya Kanda ya Ziwa ikiwemo Mwanza, Kagera, Mara, Shinyanga, Simiyu na Geita wakiwa kwenye mafunzo ya Haki za Binadamu na Sheria zinazohusu Tasnia ya Habari.

Waandishi wa habari kutoka mikoa ya Kanda ya Ziwa ikiwemo Mwanza, Kagera, Mara, Shinyanga, Simiyu na Geita wakiwa kwenye mafunzo ya Haki za Binadamu na Sheria zinazohusu Tasnia ya Habari.

Waandishi wa habari kutoka mikoa ya Kanda ya Ziwa ikiwemo Mwanza, Kagera, Mara, Shinyanga, Simiyu na Geita wakiwa kwenye mafunzo ya Haki za Binadamu na Sheria zinazohusu Tasnia ya Habari.

Waandishi wa habari kutoka mikoa ya Kanda ya Ziwa ikiwemo Mwanza, Kagera, Mara, Shinyanga, Simiyu na Geita wakiwa kwenye mafunzo ya Haki za Binadamu na Sheria zinazohusu Tasnia ya Habari.

Waandishi wa habari kutoka mikoa ya Kanda ya Ziwa ikiwemo Mwanza, Kagera, Mara, Shinyanga, Simiyu na Geita wakiwa kwenye mafunzo ya Haki za Binadamu na Sheria zinazohusu Tasnia ya Habari.

Waandishi wa habari kutoka mikoa ya Kanda ya Ziwa ikiwemo Mwanza, Kagera, Mara, Shinyanga, Simiyu na Geita wakiwa kwenye mafunzo ya Haki za Binadamu na Sheria zinazohusu Tasnia ya Habari.

Waandishi wa habari kutoka mikoa ya Kanda ya Ziwa ikiwemo Mwanza, Kagera, Mara, Shinyanga, Simiyu na Geita wakiwa kwenye mafunzo ya Haki za Binadamu na Sheria zinazohusu Tasnia ya Habari.

Waandishi wa habari kutoka mikoa ya Kanda ya Ziwa ikiwemo Mwanza, Kagera, Mara, Shinyanga, Simiyu na Geita wakiwa kwenye mafunzo ya Haki za Binadamu na Sheria zinazohusu Tasnia ya Habari.

Waandishi wa habari kutoka mikoa ya Kanda ya Ziwa ikiwemo Mwanza, Kagera, Mara, Shinyanga, Simiyu na Geita wakiwa kwenye mafunzo ya Haki za Binadamu na Sheria zinazohusu Tasnia ya Habari.

Waandishi wa habari kutoka mikoa ya Kanda ya Ziwa ikiwemo Mwanza, Kagera, Mara, Shinyanga, Simiyu na Geita wakiwa kwenye mafunzo ya Haki za Binadamu na Sheria zinazohusu Tasnia ya Habari.

Picha zote na Kadama Malunde - Malunde 1 blog

Read More →

TIGO YATOA FEDHA KUSAIDIA MATIBABU YA MIGUU PINDE

 

Kampuni ya Tigo leo, imetoa kiasi cha sh. milioni 220,000,000 kwa Hospitali ya CCBRT, kama sehemu ya kujitolea kwake kusaidia kituo cha afya katika kutokomeza tatizo la miguu pinde kwa Watanzania.

Mchango huu pia hutumika kama mpango wa uhamasishaji kwa umma juu ya umuhimu wa kufuata matibabu ili kuhakikisha wenye matatizo wanapona na kuzuia ulemavu.

Akizungumza wakati wa mkutano na waandishi wa habari uliofanyika CCBRT, Mkurugenzi Mtendaji wa Tigo, Simon Karikari alisema: "Mchango wetu unathibitisha zaidi kujitolea kwetu kusaidia jamii zinazotuzunguka. Matibabu ya miguu pinde nchini ni mada ambayo inahitaji utangazaji na kama kampuni ya simu inayoheshimika, tuko hapa leo kubadili hadithi, tunahitaji ushiriki wa jamii na nguvu ya kuhakikisha kwamba kila mtoto aliye na miguu pinde Tanzania, anapata matibabu bora na kwa wakati kwa kutumia njia ya Ponseti, kama matibabu ya kiwango cha juu na hivyo kuwapa fursa sawa ya kuishi maisha yenye tija kama walivyo wengine,".

Afisa Mtendaji Mkuu wa CCBRT, Brenda Msangi, aliishukuru Tigo kutokana na msaada huo endelevu ambao umekuwa ukisaidia kuokoa maisha ya watoto wengi Watanzania.

“Tigo Tanzania imeonyesha mfano kwa jukumu muhimu ambalo sekta binafsi imeamua kulichukua katika kuhakikisha inapunguza na kutatua shida za jamii. 

“CCBRT, kwa miaka mingi imeweza kushughulikia moja ya mambo magumu zaidi ya matibabu ya miguu pinde, kuhakikisha matibabu yanakuwa endelevu na ufuatiliaji, kupitia uvumbuzi na msaada wa Tigo, kuna jukwaa la kukumbushana kwa njia ya ujumbe mfupi (SMS), la CCBRT linaweza kutuma njia ya simu za mkononi kukuza ufuatiliaji ili wagonjwa watibiwe kikamilifu, bila athari yoyote.

“Kwa hivyo ningependa kuwahimiza sekta binafsi kuendelea kutupatia misaada ili kuhakikisha tunatokomeza tatizo hili na kulimaliza kabisa,” alisema.

Miaka mitatu iliyopita ya ushirikiano huu imeshuhudia karibu kesi 1,500 mpya za miguu pinde kwa watoto, wanaofaidika na matibabu ya miguu yanayobadilisha maisha kwa njia ya Ponset na mamia wamefanyiwa upasuaji CCBRT.

Katika miaka ya hivi karibuni, kesi hizo zimezidu kupungua na kwamba CCBRT inaendelea kufuatilia kwa ukaribu kwa ajili ya kuhakikisha wanafikia malengo.

Read More →

Fahamu Uwezo Wa Battery Wa Simu Ya Infinix Hot 10i.

Kampuni ya simu Infinix yazindua rasmi simu yenye uwezo wa kukaa na chaji kwa zaidi ya masaa 72 simu hii ya Infinix HOT 10i ni toleo jipya ambalo sifa yake kubwa imekaa upande wa battery ikiwa na mAh 6000 za battery imara na lenye nguvu ya kudumu na chaji kwa muda mrefu.

Kampuni ya simu Infinix imekuwa ikitoa matoleo mbalimbali ya simu kulingana na kila rika na kipato cha Mtanzania. Infinix HOT 10i inamlenga zaidi mwanafunzi na Mtanzania mwenye kipato cha kati ambaye kutumia Tsh.320,000 ni sahihi kwa simu yenye sifa hizi;

Kamera yenye uwezo wakupiga picha yenye muonekano ang’avu hata kwenye kiza kinene ambazo ni MP13 flash 4 na selfie ya MP8 na flash. Infinix HOT 10i inakuondoa hofu wa picha hasa kwa matukio ya usiku.

Infinix HOT 10i imezingatia umuhimu wa kuangalia matukio mbalimbali kupitia simu endapo upo ambali na nyumbani basi kupitia wigo mpana wa kioo cha inch 6.51 unaweza kuangaza yote pasipo kupitwa na chochote.

Infinix HOT 10i ina nafasi ya kutosha ya utunzaji kumbukumbu kwa matumizi mbalimbali kama vile vitabu kwajili ya kujisomea, video za filamu, picha za safarini na mengine mengi utayafurahia kupitia memory ya GB 2Ram, 32Rom/2Ram, 64Rom ya Infinix HOT 10i. 

Infinix HOT 10i ilizinduliwa rasmi tarehe 6/7/2021 na sasa inapatikana katika maduka yote ya simu nchini Tanzania kwa huduma ya haraka tafadhali piga 0744606222.

Read More →