WAZIRI NDAKI AMALIZA MGOGORO WA ARDHI RANCHI YA KAGOMA

 

Waziri wa Mifugo na Uvuvi, Mhe. Mashimba Ndaki akizungumza na viongozi na wataalam kutoka wizarani upande wa sekta ya Mifugo, sekretarieti ya mkoa wa Kagera na Wilaya ya Muleba kuhusu migogoro iliyopo kwenye Ranchi ya Kagoma na Mwesa ambapo ameagiza upimaji ufanyike katika eneo hilo ili kutatua migogoro iliyopo sasa ili wawekezaji waweze kuyatumia maeneo hayo kwa ajili ya kufugia mifugo na wananchi waendeleze shughuli zao za kiuchumi. Kikao hicho kimefanyika kwenye ofisi ya Mkuu wa Wilaya ya Muleba.

Waziri wa Mifugo na Uvuvi, Mhe. Mashimba Ndaki akizungumza na wananchi na wawekezaji waliopo kwenye Ranchi ya Kagoma kuhusu mgogoro wa ardhi ambapo ameagiza maeneo yaliyovamiwa na wananchi yapimwe ili wawekezaji waweze kubakiwa na eneo ambalo halitakuwa na mgogoro na kwamba baada ya kupimwa atakae vamia eneo la mtu atachukuliwa hatua.

Katibu Mkuu Wizara ya Mifugo na Uvuvi (Mifugo), Prof. Elisante Ole Gabriel (kushoto) akifafanua jambo kuhusu upandaji wa malisho kwa Waziri wa Mifugo na Uvuvi, Mhe. Mashimba Ndaki na Mkuu wa Wilaya ya Muleba, Mhe. Toba Nguvila (katikati) wakati walipokua wanakagua baadhi ya maeneo kwenye Ranchi ya Kagoma iliyopo wilayani Muleba Mkoa wa Kagera.

Katibu Mkuu Wizara ya Mifugo na Uvuvi (Mifugo), Prof. Elisante Ole Gabriel (kulia) akizungumza jambo Katibu Tawala Mkoa wa Kagera, Prof. Faustine Kamuzora (katikati) wakati wa mkutano wa kutatua mgogoro kati ya wananchi na wawekezaji kwenye Ranchi ya Kagoma. Kushoto ni Mkurugenzi Mtendaji wa Kampuni ya Ranchi za Taifa (NARCO), Prof. Peter Msoffe.

Wananchi na wawekezaji katika Ranchi ya Kagoma wakifuatilia maelekezo yaliyokuwa yakitolewa na Waziri wa Mifugo na Uvuvi, Mhe. Mashimba Ndaki (hayupo pichani) wakati alipofanya mkutano kwa ajili ya kutatua migogoro ya ardhi katika ranchi hiyo.

Waziri wa Mifugo na Uvuvi, Mhe. Mashimba Ndaki akiwa kwenye picha ya pamoja na viongozi na wataalam kutoka wizarani upande wa sekta ya Mifugo, sekretarieti ya mkoa wa Kagera, Wilaya ya Muleba, Chama cha Mapinduzi na wananchi wa Kijiji cha Rutoro mara baada ya kumalizika kwa kikao kilichojadili hali ya migogoro kwenye Ranchi za Kagoma.

Waziri wa Mifugo na Uvuvi, Mhe. Mashimba Ndaki akiwa kwenye picha ya pamoja na viongozi na wataalam kutoka wizarani upande wa sekta ya Mifugo, sekretarieti ya mkoa wa Kagera, Wilaya ya Muleba, Chama cha Mapinduzi na wawekezaji katika Ranchi ya Kagoma mara baada ya kumalizika kwa kikao kilichojadili hali ya migogoro kwenye Ranchi hiyo.

........................................................

Waziri wa Mifugo na Uvuvi, Mhe. Mashimba Mashauri Ndaki ameumaliza mgogoro wa ardhi kati ya wananchi waliovamia kwenye vitalu katika Ranchi ya Kagoma na wawekezaji ambao wanamiliki vitalu hivyo.

Waziri Ndaki ameumaliza mgogoro huo leo (10.07.2021) baada ya kuwasikiliza wananchi na wawekezaji kwenye mkutano wa hadhara uliofanyika kwenye Kijiji cha Rutoro wilayani Muleba Mkoa wa Kagera.

Akizungimzia kuhusu mgogoro huo, Waziri Ndaki aliwaeleza wananchi kuwa maeneo hayo waliyoyavamia ni mali ya Kampuni ya Ranchi za Taifa (NARCO) ambayo tayari yalikuwa yameshakodishwa kwa wawekezaji wanaofanya shughuli za ufugaji hivyo walipaswa kuondolewa. Lakini kutokana na busara za Mhe. Rais Samia ameridhia eneo hilo lipimwe na wananchi wabakizwe kwenye vijiji vinne vilivyopo ambavyo ni Kijiji cha Rutoro, Byengeregere, Chobuheke na Mishambya vilivopo katika Kata ya Rutoro.

“Ninyi wananchi mnatakiwa kumshukuru sana Rais Samia kwa maamuzi yake ya kuwabakiza katika maeneo haya. Lakini niwasihi kuwa watulivu wakati wa zoezi la upimaji wa maeneo na kutoa ushirikiano kwa wataalam watakao kuja kutekeleza zoezi hilo,” alisema Waziri Ndaki.

Vilevile amewataka wananchi kutoendelea kuvamia maeneo mengine katika ranchi hiyo kwani wakifanya hivyo kwa sasa watachukuliwa hatua. Waziri Ndaki pia ametoa onyo kwa wananchi wenye tabia ya kuuza maeneo hayo wakati wao wenyewe hawajamilikishwa.

Pia kwa upande wa wawekezaji hao amewahakikishi kuwa zoezi hilo la upimaji wa maeneo halitaathiri shughuli zao za ufugaji kwa kuwa utawekwa utaratibu mzuri. Vilevile amewaeleza kuwa maamuzi hayo ya kupima maeneo na kuweka alama za mipaka yatasaidia sana kupunguza migogoro ya ardhi na kufanya pande zote kuishi kwa amani.

Katika mkutano huo yalitolewa malalamiko kuwa wafugaji wanalisha mifugo kwenye mashamba yao na kuwasababishia hasara. Kutokana na hilo Waziri Ndaki aliwaagiza wafugaji hao kuacha tabia hiyo kwani ni moja ya vitu vinavyosababisha tatizo la njaa kwa wananchi na kuleta migogoro baina ya pande zote mbili.

Vilevile wawekezaji wametakiwa kuhakikisha wanayatumia maeneo waliyopewa kwa malengo yaliyokusudiwa na si vinginevyo. Aidha, uongozi wa wilaya ya Muleba umetakiwa kuweka utaratibu utakaotumika kuwaondoa wavamizi kwenye vitalu ambao wameingiza mifugo yao wakati hawajamilikishwa.

Naye Mkuu wa Wilaya ya Muleba, Mhe. Toba Nguvila amemuhakikishia Waziri kuwa maelekezo aliyoyatoa watakwenda kuyasimamia kwa kushirikiana na uongozi wa mkoa wa Kagera na uongozi wa Kampuni ya Ranchi za Taifa (NARCO).

Kutokana na uamuzi uliochukuliwa wa kupima maeneo hayo kwenye ranchi ya Kagoma, wawekezaji na wananchi wote wameonesha mtazamo chanya kwani hata wao wenyewe hilo ndio wameliona ndio suluhisho.

Read More →

Picha : KIONGOZI WA MBIO ZA MWENGE WA UHURU ARIDHISHWA UENDELEVU WA MRADI WA MAJI MASEKELO - ISHOSHANDILI SHINYANGA

Kiongozi wa Mbio Maalumu za Mwenge wa Uhuru Kitaifa mwaka 2021, Luteni Josephine Mwambashi (wa pili kulia) akizungumza baada ya kuona uendelevu wa Mradi wa Maji katika mitaa ya Masekelo, Ndala na kitongoji cha Ishoshandili katika Manispaa ya Shinyanga.

Na Kadama Malunde - Malunde 1 blog

Kiongozi wa Mbio Maalumu za Mwenge wa Uhuru Kitaifa mwaka 2021, Luteni Josephine Mwambashi ameridhishwa na uendelevu wa Mradi wa Maji Masekelo unaohudumia mitaa ya Masekelo, Ndala na kitongoji cha Ishoshandili katika Manispaa ya Shinyanga unaotekelezwa na Mamlaka ya Maji Safi na Usafi wa Mazingira Mjini Shinyanga (SHUWASA) kwa kushirikiana na Shirika la Maendeleo la Ujerumani (GIZ).

Akizungumza baada ya kuona uendelevu wa mradi huo wa maji leo Jumapili Julai 11,2021 Kiongozi wa Mbio za Mwenge wa Uhuru Kitaifa, Luteni Josephine Paul Mwambashi amesema mradi huo utasaidia kumtua mama ndoo kichwani kwa kusogeza huduma ya maji karibu na kuwapunguzia adha ya maji wananchi.

“Tumekuja hapa kuangalia uendelevu wa mradi wa maji ambao ambao jiwe lake la Msingi liliwekwa Julai 11,2019 na Kiongozi wa Mbio za Mwenge wa Uhuru mwaka 2019, Ndugu Mzee Mkongea Ali. Tumeona uendelevu sasa wananchi wameweza kuunganishiwa maji katika kaya zao na hii ni hatua kubwa kwa sababu maji ni uhai na itasaidia kupunguza adha ya wananchi kufuata maji mbali na kutumia muda huo kufanya shughuli za uzalishaji mali”,amesema Luteni Josephine Mwambashi.

Kiongozi huyo wa mbio za Mwenge wa Uhuru amelishukuru Shirika la Maendeleo la Ujerumani (GIZ) kwa kufadhili mradi huo wa maji huku akiwataka wananchi kutunza mradi huo.

“Niwasihi wananchi kuendelea kutunza miundo mbinu ya maji ambayo inatupatia huduma hii muhimu ya maji ili yatumiwe na vizazi vijavyo.Ni matumaini yangu wananchi watatumia fursa hii kutumia maji safi na salama na kutunza mabomba ya maji”,ameongeza Luteni Josephine Mwambashi.

Akitoa taarifa kuhusu Mradi wa Maji Masekelo, Kaimu Mkurugenzi wa SHUWASA, Mhandisi Yusuph Katopola amesema mradi huo umejengwa kwa ufadhili wa Shirika la Maendeleo la Ujerumani (GIZ) kwa kushirikiana na SHUWASA kwa gharama za shilingi 218,962,500/= ambazo zote zimetolewa na mfadhili huyo.

Amesema ujenzi wa mradi huo ulikamilika Mwezi Desemba 2020 ukihusisha ujenzi wa mtandao wa maji wenye urefu wa mita 11,225 na vituo 14 vya kuchotea maji (DP) na ufungaji wa dira 14 za malipo ya kabla.

“Ujenzi wa Mradi huu umezingatia mahitaji maalumu ya watu wenye mahitaji maalum kwa kujenga magati katika sehemu zinazofikika kwa urahisi. Mradi pia umeweza kuunganisha wateja wapya 230 hivyo kupelekea wakazi takribani 1,380 kupata huduma ya maji moja kwa moja kwenye makazi yao”,amesema.

“Lengo la mradi huu wa maji ni kuwapunguzia adha ya maji wananchi, kumtua mama ndoo kichwani kwa kusogeza huduma ya maji safi maeneo ambayo yalikuwa hayajafikiwa na Mtandao wa maji ya Ziwa Victoria”,ameeleza Mhandisi Katopola.

Aidha, amesema SHUWASA itaendelea kuhakikisha mradi huo wa maji unakuwa endelevu kwa kuhakikisha mradi unatoa maji safi na salama kwa muda wa saa 24 kila siku isipokuwa wanapokuwa na matengenezo.

“SHUWASA inaendelea kuwasihi na itaendelea kuwashawishi wakazi wa maeneo ya Masekelo, Ndala na Ishoshandili kutumia maji safi na salama na hasa kwa kujiunga kwenye mtandao wa mabomba ili kila mwananchi aweze kupata maji katika mji wake”,ameongeza Mhandisi Katopola.

ANGALIA PICHA HAPA CHINI

Kiongozi wa Mbio Maalumu za Mwenge wa Uhuru Kitaifa mwaka 2021, Luteni Josephine Mwambashi (wa pili kulia) akizungumza baada ya kuona uendelevu wa Mradi wa Maji katika mitaa ya Masekelo, Ndala na kitongoji cha Ishoshandili katika Manispaa ya Shinyanga unaotekelezwa na Mamlaka ya Maji Safi na Usafi wa Mazingira Mjini Shinyanga (SHUWASA) kwa kushirikiana na Shirika la Maendeleo la Ujerumani (GIZ) leo Jumapili Julai 11,2021. Picha na Kadama Malunde - Malunde 1 blog

Kaimu Mkurugenzi wa SHUWASA, Mhandisi Yusuph Katopola (kushoto) akimwelezea Kiongozi wa Mbio Maalumu za Mwenge wa Uhuru Kitaifa mwaka 2021, Luteni Josephine Mwambashi kuhusu Mradi wa Maji katika mitaa ya Masekelo, Ndala na kitongoji cha Ishoshandili katika Manispaa ya Shinyanga unaotekelezwa na SHUWASA kwa kushirikiana na Shirika la Maendeleo la Ujerumani (GIZ).

Kiongozi wa Mbio Maalumu za Mwenge wa Uhuru Kitaifa mwaka 2021, Luteni Josephine Mwambashi na viongozi mbalimbali wakipiga makofi baada ya kuona uendelevu wa Mradi wa Maji katika mitaa ya Masekelo, Ndala na kitongoji cha Ishoshandili katika Manispaa ya Shinyanga.

Mkuu wa Wilaya ya Shinyanga, Mhe. Jasinta Mboneko akielezea jambo wakati Kiongozi wa Mbio Maalumu za Mwenge wa Uhuru Kitaifa mwaka 2021, Luteni Josephine Mwambashi akiangalia uendelevu wa Mradi wa Maji katika mitaa ya Masekelo, Ndala na kitongoji cha Ishoshandili katika Manispaa ya Shinyanga

Viongozi mbalimbali wakiongozwa na Mkuu wa Wilaya ya Shinyanga Mhe. Jasinta Mboneko wakifungua maji katika Mradi wa Maji katika mitaa ya Masekelo, Ndala na kitongoji cha Ishoshandili katika Manispaa ya Shinyanga.

Mmoja wa Wakimbiza Mwenge wa Uhuru mwaka 2021, Koplo Rehema Haji akimtwisha ndoo ya maji Naibu Waziri wa Nchi ofisi ya Waziri Mkuu, Kazi, Vijana na Ajira, Patrobas Katambi ambaye pia ni Mbunge wa Jimbo la Shinyanga Mjini (CCM) baada ya Kiongozi wa Mbio Maalumu za Mwenge wa Uhuru Kitaifa mwaka 2021, Luteni Josephine Mwambashi kuangalia na kuridhishwa na uendelevu wa Mradi wa Maji katika mitaa ya Masekelo, Ndala na kitongoji cha Ishoshandili katika Manispaa ya Shinyanga

Naibu Waziri wa Nchi ofisi ya Waziri Mkuu, Kazi, Vijana na Ajira, Patrobas Katambi ambaye pia ni Mbunge wa Jimbo la Shinyanga Mjini (CCM) akifurahia akiwa amejitwisha ndoo ya maji baada ya Kiongozi wa Mbio Maalumu za Mwenge wa Uhuru Kitaifa mwaka 2021, Luteni Josephine Mwambashi kujionea na kuridhishwa na uendelevu wa Mradi wa Maji katika mitaa ya Masekelo, Ndala na kitongoji cha Ishoshandili katika Manispaa ya Shinyanga. Kulia ni mmoja wa Wakimbiza Mwenge wa Uhuru mwaka 2021, Koplo Rehema Haji

Mwenge wa Uhuru Kitaifa mwaka 2021 ukiwa katika Mradi wa Maji katika mitaa ya Masekelo, Ndala na kitongoji cha Ishoshandili katika Manispaa ya Shinyanga

Kiongozi wa Mbio Maalumu za Mwenge wa Uhuru Kitaifa mwaka 2021, Luteni Josephine Mwambashi (wa pili kulia) akiangalia sehemu ya bomba la maji katika moja ya kaya ya mwananchi anayeendelea na ujenzi wa nyumba akitumia maji ya Mradi wa Maji katika mitaa ya Masekelo, Ndala na kitongoji cha Ishoshandili katika Manispaa ya Shinyanga.

Kiongozi wa Mbio Maalumu za Mwenge wa Uhuru Kitaifa mwaka 2021, Luteni Josephine Mwambashi (katikati) akiongozana na Mkuu wa Wilaya ya Shinyanga Mhe. Jasinta Mboneko (kushoto) na Kaimu Mkurugenzi wa SHUWASA, Mhandisi Yusuph Katopola (kulia) akiangalia uendelevu wa Mradi wa Maji katika mitaa ya Masekelo, Ndala na kitongoji cha Ishoshandili katika Manispaa ya Shinyanga.

Wafanyakazi wa SHUWASA wakipiga picha ya kumbukumbu kwenye Mradi wa Maji katika mitaa ya Masekelo, Ndala na kitongoji cha Ishoshandili katika Manispaa ya Shinyanga baada ya Kiongozi wa Mbio Maalumu za Mwenge wa Uhuru Kitaifa mwaka 2021, Luteni Josephine Mwambashi kuona uendelevu huo wa mradi wa maji.

Muonekano wa sehemu ya mradi wa maji katika mitaa ya Masekelo, Ndala na kitongoji cha Ishoshandili katika Manispaa ya Shinyanga

Muonekano wa sehemu ya mradi wa maji katika mitaa ya Masekelo, Ndala na kitongoji cha Ishoshandili katika Manispaa ya Shinyanga

Muonekano wa sehemu ya mradi wa maji katika mitaa ya Masekelo, Ndala na kitongoji cha Ishoshandili katika Manispaa ya Shinyanga

Muonekano wa sehemu ya mradi wa maji katika mitaa ya Masekelo, Ndala na kitongoji cha Ishoshandili katika Manispaa ya Shinyanga

Picha na Kadama Malunde - Malunde 1 blog

Read More →

NAIBU WAZIRI KASEKENYA AWASISITIZA WAKANDARASI NCHINI KUMALIZA MIRADI KWA WAKATI

 

Naibu Waziri wa Ujenzi na Uchukuzi Mhandisi Godfrey Kasekenya (wa kwanza), akikagua ujenzi wa daraja dogo la Mvugwe, katika barabara ya Kabingo, Kasulu hadi Manyovu (KM 260) mkoani Kigoma, kipande cha Mvugwe hadi Nduta (KM 59.35), kinachojengwa na Kampuni ya STECOL Corporation kwa kiwango cha lami.

Naibu Waziri wa Ujenzi na Uchukuzi, Mhandisi Godfrey Kasekenya, akimuelekeza jambo Mhandisi Mkazi Tadesse Dirba (Wakwanza kulia), wakati akikagua mradi wa ujenzi wa barabara ya Kabingo- Kasulu hadi Manyovu, kipande cha Kanyani hadi Mvugwe (KM 70.5), kinachojengwa na Kampuni ya Sinohydro Corporation Limited kwa kiwango cha lami .

Mhandisi Mkazi Khatibu Khamis, akimuelezea jambo Naibu Waziri wa Ujenzi na Uchukuzi, Mhandisi Godfrey Kasekenya (wa tatu kushoto), wakati akikagua ujenzi wa barabara ya Kabingo, Kasulu hadi Manyovu (KM 260) mkoani Kigoma, kipande cha Mvugwe hadi Nduta (KM 59.35), kinachojengwa na Kampuni ya STECOL Corporation kwa kiwango cha lami.

Naibu Waziri wa Ujenzi na Uchukuzi Mhandisi Godfrey Kasekenya, akimuelekeza jambo Mhandisi Mkazi Khatibu Khamis (wa pili kushoto), wakati akikagua ujenzi wa barabara ya Kabingo, Kasulu hadi Manyovu (KM 260) mkoani Kigoma, kipande cha Mvugwe hadi Nduta (KM 59.35), kinachojengwa na Kampuni ya STECOL Corporation kwa kiwango cha lami.

Mtaalamu wa kupima udongo katika maabara ya kampuni ya Zhejiang Communications Construction Group Co. Ltd (ZCCC), inayojenga kipande cha barabara ya Manyovu hadi Kasulu (KM68.25) mkoani Kigoma, akifafanua jambo kwa Naibu Waziri wa Ujenzi na Uchukuzi, Mhandisi Godfrey Kasekenya (katikati), wakati akikagua utendaji kazi wa maabara hiyo. Kushoto ni Meneja wa Wakala wa Barabara (TANROADS) mkoa wa Kigoma, Mhandisi Narcis Choma.

Naibu Waziri wa Ujenzi na Uchukuzi Mhandisi Godfrey Kasekenya, akizungumza na wananchi wa eneo la Mvugwe mkoani Kigoma, baada ya kumaliza ukaguzi wa mradi wa ujenzi wa barabara ya Kabingo- Kasulu hadi Manyovu, kipande cha Kanyani hadi Mvugwe (KM 70.5), kinachojengwa na Kampuni ya Sinohydro Corporation Limited kwa kiwango cha lami.

Ujenzi wa daraja dogo la Mvugwe ukiendelea katika barabara ya Kabingo, Kasulu hadi Manyovu (KM 260) mkoani Kigoma, kipande cha Mvugwe hadi Nduta (KM 59.35), kinachojengwa na Kampuni ya STECOL Corporation kwa kiwango cha lami.

Naibu Waziri wa Ujenzi na Uchukuzi Mhandisi Godfrey Kasekenya, akimuelekeza jambo Meneja wa Wakala wa Barabara (TANROADS) mkoa wa Kigoma, Mhandisi Narcis Choma, wakati akikagua mradi wa ujenzi wa barabara ya Kabingo, Kasulu hadi Manyovu, kipande cha Kanyani hadi Mvugwe (KM 70.5), kinachojengwa na Kampuni ya Sinohydro Corporation Limited kwa kiwango cha lami.

Naibu Waziri wa Ujenzi na Uchukuzi Mhandisi Godfrey Kasekenya, akizungumza na Mhandisi Mkazi Gelawdiwos. kwenye mradi wa ujenzi wa barabara ya Kabingo, Kasulu hadi Manyovu mkoani Kigoma, kipande cha Manyovu hadi Kasulu (KM68.25), kinachojengwa na Mkandarasi Zhejiang Communications Construction Group Co. Ltd (ZCCC), kulia kwa Naibu Waziri ni Meneja wa Wakala wa barabara (TANROADS) mkoa wa Kigoma, Mhandisi Narcis Choma.

PICHA NA WUU

.....................................................................................

Naibu Waziri wa Ujenzi na Uchukuzi, Mhandisi Godfrey Kasekenya, amewataka Wakandarasi wanaojenga miradi ya barabara nchini kuhakikisha wanafanya kazi usiku na mchana hususan katika kipindi cha kiangazi ili kukamilisha miradi kwa wakati.

Kasekenya ameyasema hayo wilani Kasulu, mkoani Kigoma, wakati alipokuwa akikagua maendeleo ya mradi wa barabara ya Kabingo- Kasulu- Manyovu yenye urefu wa kilometa 260.

Amefafanua kuwa kitendo cha kuongeza muda wa kufanya kazi kwa Makandarasi hao kutafidia muda watakaoupoteza wakati wa kipindi cha masika ambapo miradi ya barabara husimama kutokana na mvua.

"Nimepita kuangalia maendeleo ya mradi huu wa barabara yenye urefu wa kilometa 260 ambao unatekelezwa na makandarasi mbalimbali katika vipande vinne tofauti, nimefurahishwa na baadhi ya makandarasi hawa kujiongeza kwa kuamua kuongeza muda wa ufanyaji kazi, hii itasaidia hata miradi kukamilika kwa wakati, hivyo nawaagiza makandarasi wengine nao kuiga mfano huu”, amesema Kasekenya.

Aidha, amewataka Makandarasi na wasimamizi wa miradi hiyo kuzingatia viwango vya ubora wakati wa ujenzi wa miradi hiyo na kuhakikisha kuwa kila kilichoandikwa kwenye mchoro ndicho kinachofuatwa.

Amewasisitiza Makandarasi na wasimamizi wa miradi hiyo kubainisha changamoto zozote zinazowakabili ili zitatuliwe mapema wakati mradi ukiwa kwenye hatua za awali.

Amewahakikishia Makandarasi hao na wasimamizi wake kuwa Serikali itaendelea kutoa fedha kwa wakati ili kuhakikisha miradi haikwami kutokana na ucheleweshaji wa malipo.

Katika hatua nyingine, Naibu Waziri Kasekenya wakati akimalizia ziara yake wilayani Kibondo mkoani humo, akiwa anakagua kipande cha Tatu cha barabara cha Mvugwe - Nduta Junction (Km 59.35) amesema kuwa kukamilika kwa barabara hiyo kutapunguza muda wa safari kutoka wilayani hapo kuelekea mikoa mingine kama vile Mwanza, Kagera na nchi jirani ya Burundi.

Kwa upande wake, Mhandisi Mshauri kutoka kampuni ya Afrisa, ambao ni wasimamizi wa kipande cha barabara kutoka Kanyani - Mvugwe (Km 70.5) Reginald Kaganga, amesema kuwa kipande hicho kinatekelezwa na Mkandarasi Sinohydro ambapo kazi zinazoendelea kwa sasa ni kusafisha, kujenga tuta na kuweka tabaka la mwanzo la barabara pamoja na ujenzi wa makalvati.

Nao wananchi wa Kasulu wamesema kuwa kukamilika kwa ujenzi wa barabara hiyo kutarahisisha huduma za usafiri na usafirishaji wa mazao na hivyo kuweza kuyafikia kwa urahisi masoko ya ndani na nje ya nchi.

Barabara hii ya Kabingo- Kasulu- Manyovu yenye urefu wa kilometa 260 inajengwa kwa vipande vinne tofauti ambavyo ni Kasulu – Manyovu (Km 68.25), Kanyani – Mvugwe (Km 70.5), Mvugwe – Nduta Junction (Km 59.35) na Nduta Junction – Kabingo (Km 62.5) ambapo ujenzi wa vipande hivi vyote unafadhiliwa na Benki ya maendeleo ya Afrika ( AfDB).

Imetolewa na Kitengo cha Mawasiliano Serikalini, Wizara ya Ujenzi na Uchukuzi

Read More →

HAYA HAPA MAGAZETI YA LEO JUMAPILI JULAI 11, 2021

Read More →

WASANII MKOA MWANZA WAUNDA JUKWAA LAO

Ili kuhakikisha wanatimiza malengo yao katika sanaa, Wasanii wa Mkoa wa Mwanza leo wameamua kuanzisha Jukwaa la Wasanii Mkoa wa Mwanza ili kuwaleta pamoja katika sanaa.

Wakizungumza katika kikao cha leo Jumamosi Julai 10,2021 kilichopewa jina la Get Together, Wasanii hao wamekubaliana kwa kauli moja kuanzisha Jukwaa hilo ambalo litahusika na Kuratibu shughuli zote sanaa katika Mkoa wa Mwanza na mikoa ya Jirani.

Msanii Mkongwe wa Muziki wa Bongo Flava H Baba amesema ameona jitahada za Wasanii wa Mkoa wa Mwanza, huku akipongeza kwa Jukwaa hilo kuundwa maana litawaleta Wasanii wa sekta zote kutoka Mkoa wa Mwanza.

"Mwanza Wasanii Wote wanafanya vizuri ila shida iliyokuwepo ni matabaka na umimi ila kuanzia leo, tunaunda Jukwaa la Wasanii Mkoa wa Mwanza ili kuwaleta pamoja Wasanii wa aina zote ili kushirikiana katika mambo yote ya Sanaa na kijamii", amesema H Baba.

Naye Mdau Mwandamizi wa Sanaa Mkoa wa Mwanza William Bilunda ameomba pamoja na Jukwaa hilo kuratibu shughuli mbalimbali za sanaa ila pia Jukwaa lihusike kubuni Kampeni mbalimbali za kijamii pamoja na kuwapa kuwaongezea elimu ya sanaa wasanii wote.

Kwa Upande wake Katibu wa Wasanii wa Kuigiza Mkoa wa Mwanza Edward Kimbulu amesema Jukwaa hilo litaleta muunganiko wa Wasanii wa sanaa zote Mkoani Mwanza na kurahisisha Umoja na ushirikiano wa nyanja mbalimbali.

Jumla ya Wasanii zaidi ya hamsini  wameshiriki katika kikao hicho, Wasanii hao ni kutoka Sanaa ya Kuigiza, Kuimba, Kuchekesha, Kudensi na Wadau wa Sanaa kama Watangazaji, Madjs na Waandishi wa Habari kutoka Mkoa wa Mwanza.

Sambamba na hayo leo pia imeundwa Kamati ya Usimamizi, Mipango na Uratibu Ili kuliongoza Jukwaa hilo katika kutimiza matakwa ya kiserikali na kuandaa mikakati yake mikubwa waliyoipendekeza wasanii 

Read More →

Breaking News : SOKO LA KARIAKOO DAR LINATEKETEA KWA MOTO

Taarifa zilizotufikia hivi punde ni kuwa, Soko Kuu la Kariakoo lililopo jijini Dar es salaam linaungua moto usiku huu Jumamosi Julai 10,2021 huku jitihada za kuuzima zikiendelea.

Mkuu wa Mkoa wa Dar es Salaam, Amos Makalla ambaye yuko kwenye eneo la tukio amesema moto huo umeanza kuwaka saa 3:30 usiku huu  na kwamba chanzo bado hakijafahamika.

Read More →

WATATU WA FAMILIA MOJA MBARONI TUHUMA ZA KUMUUA MAMA YAO KUWA NI MCHAWI

Kaimu Kamanda wa Polisi mkoani Kagera Tuntufye Mwakagamba

Watu watatu  wa familia moja wanashikiliwa na Jeshi la Polisi mkoani Kagera kwa tuhuma za kumuua Mama yao mzazi Frazia Rukera (99), mkazi wa Kijiji cha Mkombozi kata ya Rukuraijo wilayani Kyerwa kwa kumkata kichwa, miguu na mikono  kwa kile kilichodaiwa walikuwa na ugomvi wa muda mrefu uliotokana na kumtuhumu kuwa mchawi.

Kaimu Kamanda wa Polisi mkoani Kagera Tuntufye Mwakagamba, amesema kuwa tukio hilo lilitokea Julai 07 mwaka huu, majira ya saa 10:00 alfajiri wakati Bibi huyo akiwa amelala ndani peke yake, na kwamba baadhi ya viungo vilivyokatwa kutoka katika mwili wa Bibi huyo ambavyo ni kichwa, mguu mmoja na mkono mmoja havijapatikana.

Amewataja watuhumiwa wanaoshikiliwa kuwa watoto wa bibi aliyeuawa  ambao ni Laurent Francis (60) na Alexander Francis (55) pamoja na shemeji yao Agness Gidioni (70) wote wakazi wa Kijiji cha Nyabirungu wilayani Kyerwa.

Kamanda Mwakagamba amesema kuwa bibi huyo tayari amekwishazikwa bila kuwa na baadhi ya viungo vyake ambavyo vinaendelea kusakwa na polisi.

Hata hivyo, Kamanda Mwakagamba ametaja sababu za kuwashikilia watoto wa marehemu kuwa ni kutokana na kuwepo kwa madai ya kuwepo kwa ugomvi wa muda mrefu na mama yao ambapo,wamekuwa wakimtuhumu kuwa ni mchawi.

Read More →