Habari Zilizopo Katika Magazeti Ya Leo July 3

Read More →

ANUSURIKA KICHAPO AKITUMIA FEDHA ALIZOCHANGISHA 'GROUP LA WHATSAPP' AKIDANGANYA MTOTO WAKE NI MGONJWA

Jamaa mmoja kutoka Tala, Kangundo nchini Kenya amejikuta katika wakati mgumu kwa kukabiliwa na waumini na wanakijiji baada ya kubainika kwamba aliwahadaa kwamba mtoto wake yupo mahututi hospitali nao wakamchangia pesa za matibabu. 

Duru zinaarifu kwamba jamaa alidai kuwa mwanawe alikuwa amelazwa hospitalini baada ya kuugua jambo ambalo hamna mshirika hata mmoja alithibitisha.

Kwa mujibu wa Taifa Leo, jamaa alifungua kikundi cha Whatsapp na watu wakajitolea kumchangia na baada ya watu kutoa pesa alijiondoa bila kusema shukrani huku waliomtolea pesa wakibaki na maswali chungu nzima.

 Semasema zinaarifu kuwa baadhi ya waumini walipompigia simu kujua hali ya mwanawe walishangaa kumpata mteja. 

Watu walipokuwa wakimsaka mzee huyo, mwanawe aliyedaiwa kuwa mahututi hospitalini alirejea nyumbani akiwa mzima.

Inasemekana baadaye buda alipatikana kwenye kilabu kimoja mtaani akiwa amelewa na watu wakamplekea nyumbani kumzomea kwa kuwatapeli.

Mzee alipofika nyumbani inaarifiwa kwamba nusra apatwe na mshtuko wa moyo alipompata mwanawe nyumbani huku baadhi ya waumini wa kanisa lake wakishangaa kwa kumuona akiwa amechapa mtindi kweli kweli.

 “Ziko wapi pesa ulizochangiwa ukidai nilikuwa mahututi hospitali? Mimi niko mzima na sijawahi kuugua tangu nilipoenda mjini,” kijana wa mzee alisema.

Baadhi ya washiriki walimfokea mzee lakini msamaha wake uliambulia patupu.

 “Turudishe pesa zetu mara moja. Wewe ni mtu bure kabisa. Ulikuwa unataka pesa za kwenda kununua pombe! Wewe nitapeli kabisa,” dada mmoja aliwaka.

“Msinipandishe presha bure . Mimi sikulazimisha mtu anitumie pesa na hamfai kunisumbua. Nataka kwenda kupumzika. Fanyeni mtakalo lakini mjue chochote kibaya kikinitendekea ni nyinyi wa kulaumiwa,” mzee alisema.

Chanzo - Tuko news

Read More →

MZEE ALIYEJICHIMBIA KABURI SASA KAJINUNULIA JENEZA

 Mwanamume mwenye umri wa miaka 74 kutoka Maragua, Kaunti ya Murang’a, nchini Kenya ambaye alitamba mitandaoni baada ya kujichimbia kaburi sasa amenunua jeneza ambalo litatumika kumzika.

Samuel Karanja maarufu kama Kumenya aliwatembelea mmoja wa maseremala mjini Murang'a ambapo aliagiza aundiwe jeneza kulingana na muundo alioutaka kwa mujibu wa ripoti ya K34 Digital.

 Jeneza hilo lina jina lake na rangi ya kijivu ya kipekee ambayo sio kawaida kwenye soko la kuuza majeneza. 

Karanja alisema mara baada ya fundi kumaliza kumuundia jeneza atalipeleka kwake na kulihifadhi katika kaburi alilojijengea awali.

 Alisema atalihifadhi jeneza hizo vizuri akisubiri safari yake ya mwisho duniani.

Karanja aliandaa sehemu yake ya kupumzika mnamo Jumanne, Januari 12, 2021 na pia alitayarisha wasifu wake ambao alisema utasomwa wakati wa ibada ya mazishi yake.

Alisema aliiandaa tanzia hiyo kwa sababu ni yeye tu anajielewa kumliko mtu mwingine yeyote.

 "Sitaki watu watatizike wakati wa mazishi yangu, watu wengi huwafanya jamaa zao kuhangaika wanapoaga dunia lakini sitaki familia yangu ipitia hilo," alisema. 

Karanja alifichua kwamba tayari ameratibu jinsi atakavyozikwa ambapo kaburi lake halitawekwa maua, msalaba na kaburi lake lisifunkiwe kwa mchanga.

Hata hivyo hatua yake iliwaacha wengi vinywa wazi huku mkewe Jane Wanjiru akisema hakubaliani na matayarisho ya mumewe.

Mzee huyo alipuzilia mbali tofauti alizokuwa nazo mkewe kuhusuhatua yake na kusema kwamba ni vyema kila mmoja ajitayarishe kwa safari yake ya mwisho ili kuzuia mizozo ya familia wakati jamaa wao anapoaga dunia.

Chanzo- Tuko News

Read More →

BENKI YA CRDB YAZINDUA MSIMU WA PILI WA KAMPENI YA 'MTAANI KWAKO' KAHAMA

Meneja wa Benki ya CRDB kanda ya magharibi Said Pamui na mwakilishi wa mkuu wa wilaya ya Kahama Robert Kwela wakinyanyua bendera ikiwa ni ishara ya uzinduzi rasmi wa msimu wa pili wa kampeni ya mtaani kwako.

Na Salvatory Ntandu - Kahama

Benki ya CRDB imezindua msimu wa pili wa kampeni ya mtaani kwako ambayo inalenga kuwaunganisha wafanyabiashara wakubwa na wa kati wakiwemo wajasiriamali, waendesha bodaboda, mamalishe na huduma bunifu zinazotolewa na benki hiyo ili kuboresha Maisha yao katika nyanya mbalimbali za kiuchumi.

Kampeni hiyo imezinduliwa leo katika manispaa ya Kahama mkoani Shinyanga na mwakilishi wa mkuu wa wilaya ya Kahama, Robert Kwela ambapo amesema kuwa serikali itaiunga mkono benki hiyo katika huduma mbalimbali za kifedha wanazotaka kuzipeleka kwa wananchi hususani wajasiriamali wadogo.

Alisema kuwa kampeni hiyo imebeba maudhui ya kuielimisha jamii kuhusiana na umuhimu wa kutunza fedha,kuchangamkia fursa zinazotolewa na taasisi za kifedha kama vile mikopo na bima mbalimbali katika biashara zao au vyombo vya usafiri wanazovimiliki.

“Kampeni hii ijikite kutoa elimu kwa jamii ili itambue umuhimu wa kutunza fedha benki na mtoe elimu ya utunzaji wa fedha kwa wajasiriamali wadogo kabla ya kuwapatia mikopo ili waendelee kufurahia huduma mnazowapatia ikiwemo huduma za kifedha kupitia simu za mkono,”alisema Kwela.

Sambamba na hilo Kwela ameishauri benki ya CRDB kuwashirikisha wenyeviti wa vijiji na mitaa ili kuhakikisha kila mwananchi anapata huduma hiyo ya kufunguliwa akaunti zisizokuwa na makato kila mwezi ili waweze kukuza vipato vyao na kuachana na tabia ya kuweka fedha majumbani.

Awali akimkaribisha mgeni rasimi meneja wa Benki ya CRDB Kanda ya Magharibi Said Pamui amesema kuwa kampeni hiyo itawaunganisha wananchi na huduma mbalimbali zinazotolewa na benki hiyo ikiwa ni pamoja na kupata akaunti isiyokuwa na makato,bima za biashara,mikopo yenye riba nafuu itakayoweza kuweza kuwasaidia kukuza mitaji yao.

Alisema kuwa kwa kutambua umuhimu na mchango wa kundi la wajasiriamali katika ujenzi wa uchumi CRDB imewaletea huduma maalumu ya “Hodari” akaunti maalumu isiyokuwa na makato pindi unapoweka au kutoa fedha katika ATM na mawakala wa benki hiyo.

“Hodari ni huduma maalumu kwa wajasiriamali nitoe fursa kwao kuichangamkia fursa hii wakiwemo,mamalishe,wauza magenge,wenye maduka ya rejareja,na wamachinga,ambao sisi CRDB tumeona tuwasidie ili waweze kukuza mitaji yao,”alisema Pamui.

Hata hiyo Pamui amesema kuwa kampeni hiyo imerudiwa kutokana na kupokea maombi kutoka kwa wateja wao wakitaka irudiwe ambapo kwa mwaka huu CRDB imejipanga kuwafuata wateja wake popote walipo na kuwapa elimu ya fedha.

“Tutahamasisha matumizi ya njia mbadala za utoaji huduma za fedha kwa njia za mawakala,Simubanking,internate banking na matumizi ya akauti za Tembo Card na umuhimu wa bima.

Musa Juma ni mwendesha bodaboda ambaye amepata fursa ya kupatiwa elimu kuhusiana na kampeni ya mtaani kwako iliyotolewa na maafisa wa CRDB amesema kuwa itamsaidia kutunza fedha kwa urahisi na kuacha na tabia ya kutunza fedha nyumbani ambapo muda mwingi hupotea kutokana na kukosa usalama.

“Binafsi nilikuwa natunza fedha kwenye kibubu ambacho huwa nakiweka chini ya kitanda changu lakini usalama wa fedha maranyingi huwa ni mdogo kwani mwaka 2017 niliibiwa kibubu changu na kupata hasara ya zaidi ya shilingi laki tano,”alisema Juma.

Kushoto ni Meneja wa Benki ya CRDB kanda ya magharibi Said Pamui na mwakilishi wa mkuu wa wilaya ya Kahama Robert Kwela wakinyanyua bendera ikiwa ni ishara ya uzinduzi rasmi wa msimu wa pili wa kampeni ya mtaani kwako.

Mwakilishi wa mkuu wa wilaya ya Kahama ,Robert Kwela akizungumza na wananchi na wajasiriamali mbalimbali waliohudhuria uzinduzi wa kampeni ya mtaani kwako katika viwanja vya National Housing katika manispaa ya Kahama.

Meneja wa Benki ya CRDB kanda ya magharibi Said Pamui akizungumza wakati wa uzinduzi wa kampeni ya mtaani kwako katika viwanja vya National Housing katika manispaa ya Kahama.

Meneja wa Benki ya CRDB kanda ya magharibi Said Pamui akitoa elimu kuhusu umuhimu wa bima kwa waendesha pikipiki waliohudhuria uzinduzi wa kampeni ya mtaani kwako katika manispaa ya Kahama.

Askari polisi wa kikosi cha Usalama barabarani wilaya ya Kahama akikagua leseni ya Meneja wa Benki ya CRDB kanda ya magharibi wa CRDB Said Pamui kabla ya msafara wa waendesha pikipiki wa manispaa ya Kahama kuanza maandamano ya kuelekea katika eneo la uzinduzi wa msimu wa pili wa kampeni ya mtaani kwako.

Meneja wa mawasiliano wa benki ya CRDB, Paschal Chuwa akitoa elimu kuhusiu umuhimu wa bima kwa waendesha bodaboda wa manispaa ya Kahama kabla ya kuanza maandamano ya kuelekea katika eneo la uzinduzi wa msimu wa pili wa kampeni ya mtaani kwako.

Vikundi mbalimbali vikitoa burudani kwa wananchi waliohuduria uzinduzi wa msimu wa pili wa kampeni ya mtaani kwako.

Read More →

MASHINDANO YA UJIRANI MWEMA MAPESA CUP YAZINDULIWA, WAPIGA NYUNDO WAISHINDILIA STAND FC 3-1

Victoria Mapesa akipiga mpira wakati akizindua mashindano ya ujirani mwema Mapesa Cup aliyekuwa mgeni rasmi ambaye pia ni Diwani wa viti maalumu na Makamu mwenyekiti wa halmashauri ya wilaya ya Tarime

Na Dinna Maningo,Tarime

TIMU ya Mpira wa Miguu ya West Ham United Sirari maarufu wapiga nyundo ambao ni mafundi waezekaji wa mabati kwenye nyumba wameichapa mabao matatu kwa moja wapinzani wao timu ya Stand F.C Ng'ereng'ere zote zikiwa zinatoka wilayani Tarime mkoa wa Mara. 

Mchezo huo ulifanyika jana katika uwanja wa Tarafa Sirari wakati wa uzinduzi wa mashindano ya Ujirani Mwema Mapesa Cup uliozinduliwa na Diwani wa Viti maalumu kupitia Chama Cha Mapinduzi (CCM) ambaye pia ni Makamu Mwenyekiti wa halmashauri ya wilaya ya Tarime, aliyekuwa mgeni rasmi na mdhamini wa mashindano hayo Victoria Mapesa.

Mchezaji wa timu ya wapiga nyundo Musa Samwel (Benzema) alitandika gori la kwanza dakika ya 8 tangu kuanza kwa mchezo huo  majira ya saa 10:35 jioni ,timu hiyo iliwakimbiza mchakamchaka kwa kuwacharanga bao jingine la pili dakika ya 20 ya mchezo lililofungwa na Nick Nicolous hadi kumalizika kwa kipindi cha kwanza cha mchezo kwa dakika 45,timu ya wapiga nyundo waliibuka na magori 2 huku Stend F.C ikiambulia patupu.

Katika kipindi cha pili cha mchezo timu ya wapiga nyundo ilifunga bao jingine la 3 dakika ya 75 lililofungwa na George Suguta, nao Stend F.C wakaamua kujifuta machozi ambapo mchezaji Dibro Chacha kwa kufunga goli 1,huku wachezaji wawili wa Stend F.C Patrick William na Emanuel Bwire wakionywa kwa kadi ya njano.

Hadi mchezo unakwisha dakika ya 90 timu ya West Ham maarufu Wapiga nyundo iliibuka kidedea kwa ushindi kwa kuichapa mabao 3 huku Stend F.C wakiambulia bao 1.

Akizindua mashindano hayo mgeni rasmi na mdhamini wa mashindano ya Ujirani Mwema Mapesa Cup Victoria Mapesa alisema kuwa lengo la kuanzisha mashindano hayo ni kuibua vipaji kwa vijana katika soka.

"Nimeanzisha mashindano kwasababu michenzo ni sehemu mazoezi ya kujenga afya,kujenga mahusiano kwa vijana kupitia michezo,Vijana kuendeleza vipaji vyao na tumeshuhudia wameanza vizuri na watazamaji wamehudhulia wengi hii inaonyesha kuwa Tarime wanapenda michezo",alisema Mapesa.

Mapesa aliwaomba wachezaji kucheza vizuri huku akiahidi kutoa zawadi kwa washindi siku ya fainali julai 31 na kuwataka mashabiki kujitokeza kwa wingi viwanjani kuwashangilia wachezaji katika kipindi chote cha mashindano hayo.

Diwani wa viti maalumu Josephine Hombe aliwapongeza vijana kwa mchezo "Vijana wamejitahidi kuna vipaji wakisaidiwa watafika mbali,refa wa timu ya stend ajitahidi kuwafundisha wachezaji kwenye mechi ya jana mpira ukielekea mahali wote wanalundikana sehemu moja wamepoteza magori mengi,hakuna beki anayebaki kumsaidia kipa kwasababu wote wanarundikana sehemu moja badala yakutawanyika kwenye uwanja",alisema Hombe.

Diwani wa kata ya Gwitiryo Nashon Mchuma aliwaomba wadau mbalimbali kujitokeza kuziwezesha timu za mpira kimchezo huku Mwenyekiti wa Chama Cha Mapinduzi(CCM) kata ya Sirari Joel Mwita akimpongeza Diwani Mapesa kwa kuanzisha mashindano ya ujirani mwema licha yakwamba ni mwanamke lakini anaunga mkono mpira wa miguu. 

Msimamizi wa mashindano hayo ambaye pia ni Mwenyekiti wa kamati ya mashindano ya ujirani mwema Mapesa Cup Mallison Harun alisema kuwa timu 16 zitashiriki mashindano hayo ya mpira wa miguu ambazo zitacheza kwa makundi.

"Kundi la A ni kati ya timu ya West Ham United ya Sirari na Stend F.C Ng'ereng'ere kutoka kata ya Regicheri ,kundi B ni Magena FC kutoka kata ya Nkende na Tarime United,kundi C timu ya Talent Sport na Nyabisaga F.C, kundi D ni Home boys F.C Sirari na Remagwe F.C,kundi E ni timu ya Madereva FC Sirari na Sirari Youngs.

Zingine ni kundi F ambayo ni timu ya Tarime TC ambao ni muungano wa waajiriwa wa serikali ndani ya halmashauri ya mji Tarime na Nyabitocho F.C kata ya Mbogi,kundi la G ni Sang'ang'a F.C kutoka kata ya Pemba na Forodhani FC kutoka kata ya Sirari,kundi H ni timu ya Buriba F.C Sirari na Amani F.C ambayo ni timu ya mafundi ujenzi kutoka Sirari.

Harun alisema kuwa pamoja na mashindano hayo kuna changamoto mbalimbali ikiwemo ya washiriki wa mpira kutoelewa sheria za uchezaji wa mpira na maamuzi yanapofanyika huona kama wameonewa. 

Baada ya kumalizika kwa mchezo huo baadhi ya wachezaji na mashabiki walikuwa na haya yakusema,Boniphace Chacha mchezaji wa timu ya West Ham United alijigamba akisema "sisi ndiyo wapiga nyundo timu imara lazima tuwaumize wakajipange vizuri tutacheza vizuri na kombe tunachukua",alisema.

Mchezaji wa timu ya Stend Ng'ereng'ere Gidion Mwita alisema "Tumefanya vibaya wachezaji wengi waliingia mchezoni wakiwa wamepaniki, viungo namba 6 na 8 wametuangusha sana tunaenda kujipanga upya "alisema. 

Shabiki wa timu ya wapiga nyundo Zabron Marwa alisema "Vijana wamejitahidi sana jinsi walivyochapa mabao ndivyo hivyohivyo walivyo kwenye ubora wa kuezeka mabati ni wataalamu sana wa kugongelea mabati na ndiyo maana umeona wamewachapa mabao 3 timu ya Stend ",alisema.

Muamuzi namba 4 Amos Sabai alisema kuwa mazingira ya uwanja si rafiki kwa michezo hivyo anawaomba wadau kujitokeza kuboresha uwanja ili uwe rafiki kwa wachezaji.

Victoria Mapesa akipiga mpira wakati akizindua mashindano ya ujirani mwema Mapesa Cup aliyekuwa mgeni rasmi ambaye pia ni Diwani wa viti maalumu na Makamu mwenyekiti wa halmashauri ya wilaya ya Tarime

Diwani wa Viti maalumu kupitia Chama Cha Mapinduzi (CCM) ambaye pia ni Makamu Mwenyekiti wa halmashauri ya wilaya ya Tarime, aliyekuwa mgeni rasmi na mdhamini wa mashindano hayo Victoria Mapesa akisalimiana na wachezaji wa timu ya West Ham United maarufu wapiga nyundo kutoka kata ya Sirari

Diwani wa Viti maalumu kupitia Chama Cha Mapinduzi (CCM) ambaye pia ni Makamu Mwenyekiti wa halmashauri ya wilaya ya Tarime, aliyekuwa mgeni rasmi na mdhamini wa mashindano hayo Victoria Mapesa akisalimiana na wachezaji wa timu ya West Ham United maarufu wapiga nyundo kutoka kata ya Sirari

Diwani wa Viti maalumu kupitia Chama Cha Mapinduzi (CCM) ambaye pia ni Makamu Mwenyekiti wa halmashauri ya wilaya ya Tarime, aliyekuwa mgeni rasmi na mdhamini wa mashindano hayo Victoria Mapesa akisalimiana na wachezaji wa timu ya Stend FC Ng'ereng'ere ya kata ya Regicheri

Diwani wa Viti maalumu kupitia Chama Cha Mapinduzi (CCM) ambaye pia ni Makamu Mwenyekiti wa halmashauri ya wilaya ya Tarime, aliyekuwa mgeni rasmi na mdhamini wa mashindano hayo Victoria Mapesa akisalimiana na wachezaji wa timu ya Stend FC Ng'ereng'ere ya kata ya Regicheri

Diwani wa Viti maalumu kupitia Chama Cha Mapinduzi (CCM) ambaye pia ni Makamu Mwenyekiti wa halmashauri ya wilaya ya Tarime, aliyekuwa mgeni rasmi na mdhamini wa mashindano hayo Victoria Mapesa akisalimiana na wachezaji wa timu ya Stend FC Ng'ereng'ere ya kata ya Regicheri

Read More →

Rais Samia aongoza Viongozi, waombolezaji kuuaga mwili wa Mfugale

Read More →

Jukwaa la Wahariri Tanzania (TEF) Lalaani Manara kumdhalilisha mwandishi wa habari

Jukwaa la Wahariri Tanzania (TEF) limesikitika na kulaani kitendo cha msemaji wa klabu ya Simba, Haji Manara kumdhalilisha mwandishi wa Habari wa Redio Clouds FM, Prisca Kishamba.

Taarifa iliyotolewa na jukwaa hilo leo Ijumaa Julai 2, 2021  na mwenyekiti wake, Deodatus Balile inaeleza kuwa udhalilishaji huo ulioambatana na maneno ya kashfa ulifanywa  kwenye mkutano wa Simba na waandishi wa habari uliofanyika Juni 30, 2021 mkoani Dar es Salaam.

TEF imemtaka Manara kuacha mara moja tabia ya kutumia mikutano ya klabu ya Simba na hata mitandao ya kijamii kuwadhalilisha wanahabari.

Limesema ikiwa kuna suala lolote ambalo mwandishi wa habari amelitenda kinyume cha maadili na miongozo ya taaluma, wahusika wanapaswa kuwasilisha malalamiko yao kwa taasisi za kihabari au kwa mwajiri wa mwandishi husika ili hatua ziweze kuchukuliwa.

Kupitia taarifa hiyo,  TEF imeuomba uongozi wa timu hiyo inayoongoza msimamo wa Ligi Kuu Tanzania Bara kumuonya Manara kuacha tabia hizo mara moja kwani  hazina afya na haziongezi thamani yoyote kwa Simba wala taaluma  ya habari.

Read More →