SERIKALI YATANGAZA KUSITISHA BEI MPYA ZA BANDO 'VIFURUSHI' VILIVYOZUA GUMZO LEO

Kufuatia malalamiko na mjadala mkubwa mara baada ya kutangazwa kwa bei mpya za vifurushi kwani matarajio ya wengi ilikuwa ni kushuka kwa gharama hizo leo Aprili 2,2021, Serikali imetangaza kusitisha kutumika kwa gharama hizo hadi hapo itakapotangazwa baadaye.
Mkuu wa Kitengo cha Mawasiliano kwa Umma wa Mamlaka ya Mawasiliano Tanzania (TCRA), Semu Mwakyanjala, amesema matumizi ya bei mpya ya vifurushi yamesitishwa kwa muda akieleza kuwa uamuzi huo utahusu vifurushi vya data pekee huku vile vya ujumbe mfupi wa maneno na kupiga zitaendelea kama ilivyotangazwa leo.

Read More →

ONGEZEKO VIFURUSHI 'BANDO' KILIO KILA KONA... STEVE NYERERE ATAKA WAZIRI ASEME WALAU NENO MOJA TU

Kulia ni Waziri wa Mawasiliano na Teknolojia ya Habari Mhe. Faustine Ndugulile, kushoto ni msanii wa filamu Steve Nyerere

**

Mapema leo Ijumaa Aprili 2, 2021 kumeibuka mjadala  mkubwa miongoni mwa watumiaji simu za mkononi baada ya mambo kuwa kinyume na matarajio yao licha ya kuanza kutumika kwa kanuni mpya za huduma leo.

Watumiaji mbalimbali wa Mitandao ya Kijamii kila kona wanaendelea kulalamikia kuhusu ongezeko la Vifurushi 'Bando' kwenye mitandao ya simu lililoanza leo Aprili 2,2021 nchini Tanzania.

Miongoni mwa waathirika wakubwa wa ongezeko la vifurushi ni waandishi wa habari ambao shughuli zao za kila siku zinahitaji huduma ya intaneti/vifurushi ili kufikisha habari kwa jamii.

Kanuni ndogo za gharama na tozo za vifurushi, utangazaji wa huduma na ofa maalum zilizotungwa na Mamlaka ya mawasiliano nchini (TCRA) zimeanza kutumika leo matumaini ya wengi ilikuwa ni bei za vifurushi kupungua lakini imekuwa tofauti.

Msanii wa filamu Steve Nyerere amemuomba Waziri wa Mawasiliano na Teknolojia ya Habari Mhe. Faustine Ndugulile kuingilia kati na kutoa japo neno moja kuhusu changamoto iliyokuwepo kwenye mitandao ya simu hasa upande wa vifurushi.

Kupitia ujumbe wa Steve Nyerere aliomuandikia Waziri huyo kupitia mtandao wa Instagram unaeleza kuwa:

"Mhe. Waziri nakuomba sema neno 1 tu kwenye suala la bando na vifurushi, hili ni janga na msiba wa wanyonge wanalia kila kona, najua unajua kwani Serikali haijawahi kushindwa kitu kwa kusimama na wananchi wao, ipo tija ya haraka sana kukaa kikao na haya makampuni".

"Pasaka hii inatufika tukiwa hoi na bando tu mengine yote Bye, Mhe Waziri ni kilio cha wapiga kura wetu lakini tusisahau sasa hivi dunia imebadilika kila jambo lipo kwenye simu na taarifa zote mitandaoni sasa kwa bando, hili tunahitaji huruma yako mzee mwenzangu embu simama sema na Watanzania kuhusu bando, nakuamini sana" ameongeza Steve Nyerere.

Mwanzoni mwa Machi, 2021 mkurugenzi mMkuu wa TCRA, James Kilaba aliahidi utekelezaji wa kanuni hizo za kukabiliana na malalamiko juu ya huduma ya vifurushi yaliyotokana na maoni 3, 278 yaliyotolewa na wananchi.

Read More →

FUNDI AFARIKI KWA KUPIGWA SHOTI AKICHOMELEA GARI

Mkazi wa Mtaa wa Kazaroho, Kata ya Mbugani katika Manispaa ya Tabora, Salumu Madinda amepoteza maisha papo hapo baada ya kupigwa na shoti ya umeme wakati akichomelea sehemu iliyopasuka kwenye bodi la gari kwa kutumia mtambo wa kuchomelea (welding machine).

Baadhi ya watoto wa marehemu ambao walikuwa naye katika kiwanda chake kidogo cha uchomeleaji muda mfupi kabla ya kupatwa na umauti wake wameeleza namna tukio lilivyotokea wakati baba yao akiwa kazini.

"Mzee amefariki kutokana na shoti ya umeme chanzo kikubwa ni kuvuja kwa mashine, ilikuwa inavujisha voltage kwa wingi zaidi lakini zile waya mbili zakuchomea zilikuwa zimelala kwenye ardhi ambayo ilikuwa mbichi na ina unyevunyevu," amesema Juma Salumu, mtoto wa marehemu.

"Mzee alikuwa akichomolea gari aina ya Canter alikuwa amevaa viatu virefu kwa ajili ya usalama wa shoti ya umeme kama kawaida inavyotakiwa lakini kwa bahati mbaya ule unyevu wa chini ya ardhi alipopiga magoti ndipo shoti ilipompiga na kupelekea umauti wake," amesema Said Salumu, mtoto wa marehemu.

Muda mfupi baada ya mazishi kufanyika akizungumzia tukio hilo Mwenyekiti wa Mtaa huo, Rabani Daudi amesema Jeshi la Polisi lilifika na kujiridhisha juu ya tukio hilo na kuto ruksa ya mwili huo kuzikwa huku akiwaasa mafundi umeme na wananchi wote kuchua tahadhari kazini.

 Chanzo- EATV

Read More →

TAZAMA HAPA FILAMU YA YESU KWA LUGHA YA KISUKUMA (The Jesus Film - Sukuma / Kisukuma Language (Tanzania)

Wakati wakristo kote duniani wakisherekea sikukuu ya pasaka weekend hii,Malunde1 blog imekuletea Filamu kuhusu Maisha ya Yesu iliyochezwa kwa kutumia Lugha ya Kisukuma....Bonyeza Play hapa chini

Read More →

GEKUL AHAIDI KUIMARISHA USHIRIKIANO KWA WADAU WA TASNIA YA HABARI NCHINI

Rais Samia Suluhu Hassan akimwapisha Pauline Gekul kuwa Naibu Waziri wa Habari, Utamaduni, Sanaa na Michezo katika hafla iliyofanyika katika Ikulu ya Chamwino Jijini Dodoma jana.

Waziri wa Habari,Utamaduni, Sanaa na Michezo, Mhe. Innocent Lugha Bashungwa (asiye na Miwani) akizungumza na Viongozi Wakuu wa Wizara; kushoto ni Naibu wake Mhe. Pauline Gekul, kulia ni Katibu Mkuu na Msemaji Mkuu wa Serikali, Dkt. Hassan Abbas na wa kwanza ni Naibu Katibu Mkuu, Dkt. Ally Possi, mara baada ya hafla ya uapisho iliyofanyika katika Ikulu ya Chamwino Jijini Dodoma jana.Naibu Waziri wa Habari, Utamaduni, Sanaa na Michezo, Mhe. Pauline Gekul na Naibu Katibu Mkuu, Dkt. Ally Possi (katikati) na Mkurugezi wa Utawala wa Wizara hiyo Bernard Marcelline mara baada ya hafla ya uapisho iliyofanyika katika Ikulu ya Chamwino Jijini Dodoma jana.
Naibu Waziri wa Habari, Utamaduni, Sanaa na Michezo, Mhe. Pauline Gekul akizungumza na Katibu Mkuu na Msemaji Mkuu wa Serikali, Dkt. Hassan Abbas(mwenye suti ya bluu) na Naibu Katibu Mkuu, Dkt. Ally Possi, mara baada ya hafla ya uapisho iliyofanyika katika Ikulu ya Chamwino Jijini Dodoma jana.

·       Bashungwa amshukuru Mhe.Rais

 

Na John Mapepele, Dodoma

 

Naibu Waziri wa Habari, Utamaduni, Sanaa na Michezo,  Pauline Gekul ameahidi kuimarisha ushirikiano  kwa wadau wa  tasnia za Habari, Utamaduni, Sanaa na Michezo ili kutimiza  ahadi za Ilani ya Chama cha Mapinduzi  na  ahadi alizozitoa Mheshimiwa, Rais wa Jamhuri ya Muungano wa Tanzania, Mama Samia Suluhu Hassan wakati wa Kampeni za Uchaguzi   Mkuu mwaka 2020. 

Mhe. Gekul ameyasema haya muda mfupi baada ya kuapishwa  kuwa Naibu Waziri kwenye tasnia hizo na Mhe. Rais kwenye Ikulu ya  Jijini Dodoma jana ambapo amewahakikishia wadau wote nchini kuendeleza ushirikiano  ili kuleta mapinduzi makubwa katika Wizara hiyo kwa kushirikiana na Waziri mwenye dhamana hiyo Mhe. Innocent Bachungwa.

“ Nitatoa ushirikiano kwa Waziri wangu lakini pia kwa wadau wote wa tasnia hii ya Wizara yetu ili kuhakikisha michezo, utamaduni, habari, Sanaa kila jambo liende  kulingana na ahadi alizotoa  mama yetu mpendwa Mheshimiwa Rais Samia Suluhu Hassan ” amesisitiza Gekul

Amesema katika kutenda kazi hii mpya pia atazingatia miongozo aliyoitoa Mhe. Rais kwenye hotuba yake awali ambapo alielekeza mambo mahususi ya kuyafanyia kazi.

Akizungumzia uteuzi wa Naibu Waziri Gekul mara baada ya kukamilisha zoezi la kuwaapisha Katibu Mkuu Kiongozi, Mawaziri na Manaibu Mawaziri, Rais wa Jamhuri ya Muungano wa Tanzania Mama Samia Suluhu Hassan amesema. “Nimemtoa Wizara ya Mifugo, pengine anajua mambo ya mifugo mifugo, lakini nikaona aende kwenye michezo awasaidie wanawake”

Amesema wanawake wamefanikiwa kuleta vikombe vitatu hapa nchini na hawatajwi kama ilivyo kwa upande wa wanaume ambapo ameeleza kuwa awali yeye ndiye alipewa kazi hiyo kwenye kipindi cha kwanza cha Awamu ya Tano na Hayati, Rais Magufuli hivyo amempa  Mhe. Gekul kwa matarajio makubwa.

 

 Amefafanua kuwa wanawake wamekuwa akifanya vizuri kwenye michezo mbalimbali hivyo aende akasimamie hilo kikamilifu

“Wanawake kwenye michezo wanafanya vizuri, hawasifiwi lakini wanaume wakishinda tu, katia goli huku viwanja vinagawiwa” ameongeza Mhe. Rais Samia.

Naye Waziri wa Habari, Utamaduni, Sanaa na Michezo, Mhe. Innocent Bashungwa amemshukuru Mhe. Rais kwa kuwa  na Imani nao na kuendelea kuwateua kusimamia tasnia hizo na kumuahidi kufanya kazi kwa ushirikiano, uadilifu na ubunifu mkubwa  ili kutimiza ahadi za Serikali kwa wananchi wake.

“Kipekee ninamshukuru  sana Rais wangu, Mama Samia Suluhu Hassan kwa kuendelea  kutuamini naomba kumhakikishia kuwa tutafanya kazi  bila kuchoka  na kwa ushirikiano  mkubwa  baina yetu sote, sisi  na wadau wetu wote ili kukamilisha ahadi katika kipindi kifupi” ameongeza Mhe. Bashungwa

Read More →

WANANCHI NYALIGONGO WAKABIDHI MSAADA WA MADAWATI SHULENI, DC MBONEKO AONYA WAZAZI KURUBUNI WATOTO KUFELI MTIHANI

 

Mkuu wa Wilaya ya Shinyanga Jasinta Mboneko, kulia akipokea msaada wa Madawati, kutoka kwa Mwenyekiti wa Serikali ya kijiji cha Nyaligogo Masumbuko Lushona kushoto, ili kupungufa upungufu wa madawati katika shule ya Msingi Nyaligongo wilayani Shinyanga.

Na Marco Maduhu, Shinyanga.

Wananchi wa kijiji cha Nyaligongo Kata ya Mwakitolyo wilayani Shinyanga, wametoa msaada wa madawati 100 katika shule ya Msingi Nyaligongo, ili kumaliza tatizo la upungufu wa madawati shuleni hapo.

Msaada huo wa madawati umetolewa jana shuleni hapo, na kupokelewa na Mkuu wa Wilaya ya Shnyanga Jasinta Mboneko, ili kuboresha mazingira mazuri ya wanafunzi kusoma na kutimiza ndoto zao.

Mwenyekiti wa kijiji hicho cha Nyaligongo Masumbuko Lushona, amesema fedha za utengenezaji huo wa madawati zimechangwa na wananchi kwa lengo la kuondoa adha ya wanafunzi kusoma wakiwa wamekaa chini, na sasa wapo kwenye ukamilishaji wa madawati mengine 100.

“Wananchi wa kijiji hiki cha Nyaligongo tunaungana na Serikali kuboresha miundombinu ya elimu, ili watoto wetu wasome katika mazingira mazuri na kupata ufaulu mzuri na kutimiza ndoto zao, na kuja kuwa msaada kwetu hapo baadae,”amesema Lushona.

Nao baadhi ya wanafunzi wa shule hiyo akiwemo Zephania Daudi anayesoma darasa la nne , amesema wanafunzi wanapokuwa wakisoma huku wamekaa chini, ufanisi wa kusoma hua ni mdogo huku wakikabiliwa na miandiko mibaya, lakini wakikaa juu ya madawati usomaji wake huwa ni tofauti pamoja na kuwa ni miandiko mizuri.

Naye Mwanafunzi Elizabeth Maduhu, amesema uwepo wa madawati ya kutosha shuleni, hata ufaulu wa wanafunzi utaongezeka pamoja na kupunguza utoro, sababu ya kuwapo na mazingira mazuri ya kujisomea na kutimiza ndoto zetu.

Aidha Mwalimu Mkuu wa Shule hiyo Emmanuel Raymond, amesema shule hiyo ina jumla ya wanafunzi 1,300 na inakabiliwa na upungufu wa madawati 250.

Kwa upande wake Mkuu wa Wilaya ya Shinyanga Jasinta Mboneko, amewapongeza wananchi hao kwa kuchangia madawati hayo, huku akiwataka wanafunzi wasichole chole madawati hayo pamoja na kupanda juu ili yasivunjike, bali yadumu kwa muda mrefu na kusoma katika mazingira mazuri.

Katika hatua nyingine Mboneko amewaonya wazazi na walezi, kuacha tabia ya kuwarubuni wanafunzi wa kike wafanye vibaya kwenye mitihani yao, ili wapate mwanya wa kuwaozesha ndoa za utotoni kwa tamaa ya kupata mali, bali wawaache watimize ndoto zao na kuja kuwasaidia hapo baadae.

TAZAMA PICHA HAPA CHINI

Mkuu wa Wilaya ya Shinyanga Jasinta Mboneko (kulia), akikabidhiwa madawati 100 na uongozi wa Serikali ya kijiji cha Nyaligongo kwa ajili ya kupunguza upungufu wa madawati katika shule ya msingi Nyaligongo, kushoto ni mwenyekiti wa kijiji cha Nyaligongo Masumbuko Lushona.

Mkuu wa Wilaya ya Shinyanga Jasinta Mboneko, akizungumza na wanafunzi wa shule ya Msingi Nyaligongo wilayani Shinyanga na kuwataka wasiharibu madawati hayo, bali wasome kwa bidii na kutimiza ndoto zao.

Mkuu wa Wilaya ya Shinyanga akiendelea kuwapa nasaha wanafunzi wa shule ya Msingi Nyaligongo juu ya kupenda elimu.

Mwalimu Mkuu wa Shule ya Msingi ya Nyaligongo Emmanuel Ryamond, akizungumza mara baada ya kupata msaada huo wa madawati.

Mwanafunzi wa shule ya Msingi Nyaligongo Elizabeth Maduhu, akielezea faida ya shule kuwa na madawati ya kutosha na kushukuru kupatiwa madawati hayo.

Mkuu wa Wilaya ya Shinyanga Jasinta Mboneko, akipiga picha ya pamoja na baadhi ya wanafunzi wa shule ya Msingi Nyaligongo mara baada ya kumalizika kwa zoezi la upokeaji wa madawati 100.

Na Marco Maduhu- Shinyanga.

Read More →

ICT OFFICER II at Tanzania Tobacco Board

This this content has been copied from Udahiliportal , please kindly visit udahiliportal.com to access full content

RE: ADVERTISEMENT OF TRANSFER VACANCIES Ref. No. TTB/P.3/VOL.II/143 Introduction The Tanzania Tobacco Board (TTB) invites applications from suitably qualified Public Servants who wish to transfer their employment to fill 8 vacant posts in various post/designations. Establishment of TTB The history of TTB goes back to 1960’s during the then Tanganyika Tobacco Board. In 1970 the […]

This this content has been copied from udahiliportal.com , please kindly visit Udahiliportalto access full original content content or click here for more details

 

 

Read More →

RECORDS MANAGEMENT ASSISTANT II 3 posts at Tanzania Tobacco Board

This this content has been copied from Udahiliportal , please kindly visit udahiliportal.com to access full content

RE: ADVERTISEMENT OF TRANSFER VACANCIES Ref. No. TTB/P.3/VOL.II/143 Introduction The Tanzania Tobacco Board (TTB) invites applications from suitably qualified Public Servants who wish to transfer their employment to fill 8 vacant posts in various post/designations. Establishment of TTB The history of TTB goes back to 1960’s during the then Tanganyika Tobacco Board. In 1970 the […]

This this content has been copied from udahiliportal.com , please kindly visit Udahiliportalto access full original content content or click here for more details

 

 

Read More →

PERSONAL SECRETARY II at Tanzania Tobacco Board

This this content has been copied from Udahiliportal , please kindly visit udahiliportal.com to access full content

RE: ADVERTISEMENT OF TRANSFER VACANCIES Ref. No. TTB/P.3/VOL.II/143 Introduction The Tanzania Tobacco Board (TTB) invites applications from suitably qualified Public Servants who wish to transfer their employment to fill 8 vacant posts in various post/designations. Establishment of TTB The history of TTB goes back to 1960’s during the then Tanganyika Tobacco Board. In 1970 the […]

This this content has been copied from udahiliportal.com , please kindly visit Udahiliportalto access full original content content or click here for more details

 

 

Read More →

Chief, Procurement, P-4 at IRMCT

This this content has been copied from Udahiliportal , please kindly visit udahiliportal.com to access full content

Org. Setting and Reporting This position is located in the Arusha branch of the Mechanism. The incumbent reports to the Chief Administrative Officer. Responsibilities Within delegated authority the incumbent will be responsible for the following duties: • Serves as a senior procurement and contracting expert with responsibility for the supervision of a geographically separated team […]

This this content has been copied from udahiliportal.com , please kindly visit Udahiliportalto access full original content content or click here for more details

 

 

Read More →

Project Executant at WWF

This this content has been copied from Udahiliportal , please kindly visit udahiliportal.com to access full content

VACANCY: PROJECT EXECUTANT – CORAL REEF RESCUE INITIATIVES (CRRI) & FISHERIES WWF is seeking to hire a competent and motivated Project Executant – Coral Reef Rescue Initiatives (CRRI) & Fisheries for its office in Tanzania, based in Dar es salaam. Main Tasks Under the technical guidance of Marine Programme Coordinator, The Project Executant-Coral Reef Initiative will […]

This this content has been copied from udahiliportal.com , please kindly visit Udahiliportalto access full original content content or click here for more details

 

 

Read More →

VIJANA WA KIUME WADAI UCHUMI WA NG’OMBE UNACHOCHEA NDOA UTOTONI

 

Picha ya ng'ombe

Na Deogratius Temba, Kahama

Vijana wameaswa kutafuta vyanzo mbadala vya uwekezaji ili kujukwamua kimaisha badala ya kutegemea kuwaoza wasichana wa shule ili wapate mahari ya ng’ombe. 

Wakizugungumza katika mdahalo wa wanaume  juu kubadili mtazamo na mila na desturi zinazochangia Ukatili wa Kijinsia, katika kata za Shilela na Lunguya , Halmashauri ya wilaya ya Msalala, ulioendeshwa na Mtandao wa Jinsia Tanzania (TGNP), kwa kushirikiana na Halmashauri ya Msalala na Shirika la Kimataifa la  Idadi ya watu (UNFPA),  wanaume kutoka katika vikundi mbalimbali zaidi ya 300 waliokutana katika mdahalo huo, wamesema jamii inahitaji mabadiliko makubwa ya kimtazamo ili kuondokana dhana ya uchumi wa ng’ombe na kuwekeza katika sekta nyingine za uzalishaji mali.

Akizungumza mwezeshaji kutoka TGNP, Deogratius Temba, aliwaasa vijana kuunda vikundi vya kuweka akiba na kukopeshana, kujifunza ujasiriamali na kuchukua mikopo ya uwezeshaji vijana ya asilimia nne (4) inayotolewa na Halmashauri ili kuwa na vyanzo vyao wenyewe vya mapato badala ya kutegemea ng’ombe wa wazazi kulipia mahari pindi wanapotaka kuoa.

Katika mjadala huo, vijana walidai kuwa wakati mwingine, wasichana wadogo wanasukumwa kuolewa ili mahari yatakayopatikana yasaidie kumlipia kaka yake mahari kutokana na vijana wa kiume kutokuwa na fedha au kutokumiliki ng’ombe wa kutosha kulipa mahari.

“Unajua hapa kwetu, kama kuna msichana nyumbani, sisi vijana wa kiume tunaomba ajitokeze mtu wa kumlipia mahari ili sehemu ya ng’ombe wake tupewe nasisi tukalipe mahari… sasa kama kijana huna kazi, ajira huna, unategemea utapata wapi mahari?” alisema Fautine Shau (32) mkazi wa kata ya Lunguya.

Kwa upande wake Mtendaji wa kata ya Lunguya, Lusajo Manase, aliwaasa vijana kuhakikisha wanasimama imara katika kubalidili mtazamo, kuacha kurithi mila na desturi ambazo zinasababusha vitendo vya udhalilishaji na ukatili wa kijinsia.

“Tunayo bahati ya kipekee kukutana na nyie vijana wa kiume wa kata yetu. Hawa wenzetu wamekuja ili tubadilishane mawazo, tuboreshe mahusiano yetu ili tukitoka hapa tuwe na mkakati unaotekelezeka wa kutokomeza kabisa Ukatili wa Kijinsia”, alisema Lusajo.

Shabaha za kiutendaji kwa Mpango Kazi wa Taifa wa Kutokomeza Ukatili wa Kijinsia (MTAKUWWA), ni Kuongeza uwiano wa halmashauri zenye programu za  kijamii za kuzuia ukatili dhidi ya wanawake kutoka asilimia 0 hadi asilimia 20,  Kuongeza uwiano wa wanakaya wenye umri kati ya miaka 15-49 waliopata taarifa kuhusu ukatili dhidi ya wanawake,  kutoka asilimia 0 hadi asilimia 55 (iv) Kupunguza ukatili wa kingono kutoka asilimia 17.2 hadi asilimia 8.

Aidha ni  kupunguza ukatili wa kimwili dhidi ya wanawake wenye umri kati ya miaka15-49 toka asilimia 39 hadi asilimia 10 na  kupunguza ukatili wa kihisia kutoka asilimia 36.3 hadi asilimia 18. 

 Sambamba na kupunguza ukatili dhidi ya Watoto unaosababishwa na mila na desturi  kama mimba za utotoni kutoka asilimia 27 hadi asilimia 5, Kupunguza kiwango  cha ukeketaji kutoka asilimia 32 hadi asilimia 11 na  Kupunguza ndoa za utotoni kutoka asilimia 47 hadi asilimia 10. 

Read More →

Regional Emergency Director – Great Lakes at International Rescue Committee

This this content has been copied from Udahiliportal , please kindly visit udahiliportal.com to access full content

Requisition ID: req14096 Job Title: Regional Emergency Director – Great Lakes Sector: Emergency Response Employment Category: Fixed Term Employment Type: Full-Time Open to Expatriates: Yes Location: Dar es Salaam, Tanzania Job Description   This role can be based in Tanzania, Burundi, Central African Republic or DRC.   As Regional Emergency Director (RED), you will provide strategic and operational leadership to building emergency […]

This this content has been copied from udahiliportal.com , please kindly visit Udahiliportalto access full original content content or click here for more details

 

 

Read More →

UFUNGUO PROJECT MANAGER at UNDP

This this content has been copied from Udahiliportal , please kindly visit udahiliportal.com to access full content

Background UNDP Tanzania’s inclusive growth programme 2016 – 2021. The overarching goal is to support Tanzania to accelerate inclusive economic growth with a focus on poverty reduction, job creation and environmental sustainability, in line with the principal objectives set out in the Tanzania Development Vision 2025 and Zanzibar Vision 2020, which aim to eradicate extreme […]

This this content has been copied from udahiliportal.com , please kindly visit Udahiliportalto access full original content content or click here for more details

 

 

Read More →

Senior Accountant at Pathfinder International

This this content has been copied from Udahiliportal , please kindly visit udahiliportal.com to access full content

Pathfinder Overview Pathfinder International is driven by the conviction that all people, regardless of where they live, have the right to decide whether and when to have children, to exist free from fear and stigma, and to lead the lives they choose. Since 1957, we have partnered with local governments, communities, and health systems in […]

This this content has been copied from udahiliportal.com , please kindly visit Udahiliportalto access full original content content or click here for more details

 

 

Read More →

HAYA HAPA MAGAZETI YA LEO IJUMAA APRILI 2,2021

Read More →

JESHI LA POLISI TANZANIA: HATUTEGEMEI KUONA SHEREHE NA SHAMRASHAMRA ZOZOTE SIKUKUU HII YA PASAKA

Wakati Wakristo duniani wakitarajia kusherehekea sikukuu ya Pasaka siku ya Jumapili Aprili 4, 2021, Jeshi la Polisi Tanzania limesema halitarajii kuona shamrashamra zozote.

Hali hiyo inatokana na kwamba nchi ya Tanzania bado ipo ndani ya siku 21 za maombolezo kufuatia kifo cha Rais wa awamu ya tano Hayati Dkt. John Pombe Magufuli kilichotokea Machi 17, 2021 katika hospitali ya Mzena jijini Dar es salaam na kuzikwa Machi 26, 2021 wilayani Chato mkoani wa Geita.

Kwa mujibu wa taarifa iliyotolewa leo Alhamisi Aprili 1, 2021 na Msemaji wa Jeshi la Polisi Tanzania David Misime inaeleza kuwa ni matumaini yao kuwa ibada za Pasaka zitamalizika salama licha ya kuwa nchi bado ipo katika kipindi cha maombolezo.

SOMA TAARIFA ZAIDI HAPA

Ndugu Wanahabari,
Kama mnavyofahamu Taifa letu bado lipo kwenye siku 21 za maombolezo baada ya kifo cha aliyekuwa Rais wa Jamhuri ya Muungano wa Tanzania Hayati Dkt John Pombe Joseph Magufuli. Pamoja na tukio hilo kubwa la majonzi napenda kuwajulisha kuwa hali ya ulinzi na usalama nchini ni shwari ingawa kuna matukio machache ya kiuhalifu wa kijinai na ajali za usalama barabarani zilizotokea ambapo kwa pamoja yanaendelea kushughulikiwa na baadhi ya wahalifu waliohusika kutenda  matukio hayo wameshakamatwa.

Ndugu Wanahabari,
Kufuatana na kalenda ya kila mwaka, inapofikia wakati kama huu waumini wa dini ya kikristu husheherekea sikukuu ya Pasaka. Sikukuu hiyo hutanguliwa na mfungo na unapokaribia kumalizika juma la mwisho huwa na ibada mbalimbali ikiwa ni pamoja na  ibada ya Ijumaa Kuu, Jumamosi ibada ya usiku na Jumapili ambayo ndiyo sikukuu ya Pasaka tarehe 4.4.2021.  Siku hizi tatu waumini wa dini za kikristu hukusanyika kwa wingi katika nyumba za ibada kwa ajili ya sala.

Nipende kuwajulisha kuwa Jeshi la Polisi nchini limejipanga vizuri kuhakikisha kuwa waumini hao wanashiriki ibada hizo katika mazingira ya amani, utulivu na usalama na hata wananchi wengine kuendelea na shughuli zao kama kawaida.

Wito wa Jeshi la Polisi Tanzania  ni kuomba ushirikiano kutoka katika kamati za ulinzi na usalama katika nyumba za ibada na sehemu zingine katika suala zima la kudumisha amani, ulinzi na usalama.

Ndugu Wanahabari,
Aidha, tunatoa rai na maelekezo kwa waendesha vyombo vya moto na watumiaji  wote wa barabara kuzingatia sheria za usalama barabarani ili kuepuka ajali ambazo kutokana na tafiti mbalimbali zilizowahi kufanyika zimeonyesha asilimia 75 ya ajali zinachangiwa  na uzembe wa binadamu.  Ajali zinaweza kuepukika kwa kiasi kikubwa kama kila mwananchi atafuata na kuzingatia sheria za usalama barabarani ikiwa ni pamoja na kuepuka mwendo kasi,kutumia kilevi wakati wa kuendesha chombo cha moto,  kutokuzingatia alama za tahadhari za barabarani, kutokuvaa kofia ngumu (helmet) na kupakia mishikaki .

Makamanda wa Polisi wa Mikoa na Vikosi wameshajipanga vizuri kuhakikisha hali ya usalama inaendelea kuimarika na kuwachukulia hatua kali wale wote watakaovunja sheria za usalama barabarani katika kipindi hiki kwani Makao Makuu ya Polisi imeshawapatia maelekezo na mikakati ambayo kila mmoja ataitekeleza kulingana na mazingira ya eneo lake na mipango ya kamati za usalama za himaya  husika.

Tuna imani  kama kila mwananchi atazingatia na kufuata sheria na kujiepusha na vishawishi vya kufanya vitendo vya kihalifu,  ibada za Pasaka zitamalizika  salama  tukizingatia kuwa bado tupo katika kipindi cha maombolezo na hatutegemei zile sherehe na shamrashamra tulizozizoea kipindi cha miaka ya nyuma kuwepo katika kipindi hiki.

Ahsanteni kwa kunisikiliza.

Imetolewa na:
David A. Misime – SACP          
Msemaji wa Jeshi la Polisi
Makao Makuu ya Polisi
 Dodo­ma, Tanzania.

Read More →