MASWAYETU BLOG

GIGGY MONEY AIPONZA WASAFI TV... YAFUNGIWA KURUSHA MATANGAZO MIEZI 6

Unknown 14:55:00 NEWS No comments

Na Leandra Gabriel, Michuzi TV

Mamlaka ya Mawasiliano Tanzania (TCRA) imeisitisha utoaji huduma za utangazaji kwa Televisheni ya Wasafi TV kwa muda wa miezi 6 kuanzia Januari 6 mwaka huu hadi Juni 2021 kwa makosa ya kukiuka taratibu za utangazaji.

Akizungumza na waandishi wa habari leo jijini Dar es Salaam Kaimu Mkurugenzi Mkuu wa Mamlaka hiyo Johannes Kalungula, amesema maamuzi hayo yanakuja kufuatia kipindi cha "Tumewasha Concert," Wasafi Tv cha Januari Mosi, 2021 majira ya saa mbili hadi saa tano usiku iliyorusha maudhui ya picha jongefu yaliyomwonesha msanii wa bongo Fleva Gift Stanford Mwakyusa maarufu kama Giggy Money akicheza katika jukwaa kwa mitindo iliyokuwa ikionesha utupu wa mwili wake kinyume na kanuni namba 11 (1) (b) (c) na (d) za kanuni za Mawasiliano ya kielektroniki na Posta (Maudhui ya utangazaji wa Redio na Televisheni,) ya mwaka 2018 inayomtaka mtoa huduma wa maudhui kuhakikisha kuwa hatangazi maudhui yasiyozingatia utu na maadili ya Jamii.

Aidha Wasafi TV wametakiwa kutumia siku ya leo iliyobaki kuahirisha matangazo yote na kutumia muda wote uliobaki siku ya leo kuomba radhi kwa Umma wa watanzania wake kufuatia ukiukaji wa kanuni za utangazaji kupitia kipindi cha "Tumewasha Live Concert." Na wakikaidi au kukataa hatua zaidi za kisheria na udhibiti zitachukuliwa dhidi ya Wasafi TV.

MAYALA : WAFUGAJI WA KUKU MJIKITE ZAIDI KATIKA KUMKINGA KUKU DHIDI YA MAGONJWA BADALA YA TIBA

Unknown 14:55:00 NEWS No comments

Mtaalamu wa Magonjwa ya Kuku kutoka Silver Land Tanzania Bw. Daudi Mayala

Na Josephine Charles - Shinyanga

Rai imetolewa kwa wafugaji wa kuku kujikita zaidi katika kumkinga kuku dhidi ya magonjwa na siyo tiba.

Rai hiyo imetolewa na Mtaalamu wa Magonjwa ya kuku kutoka Silver Land Tanzania Bw. Daudi Mayala wakati akizungumza Katika Kipindi cha Mambo Leo kinachorushwa na Radio Faraja fm stereo kila Juma tatu hadi Ijumaa saa tatu asubuhi hadi saa saba kamili mchana.

Amesema wafugaji wengi wa kuku hawana tabia ya kumkinga kuku dhidi ya magonjwa badala yake wan kuwa wa kwanza kumwambukiza kuku magonjwa pasipo wao kujua kwa kutokuzingatia mavazi na usafi wakati wa kuingia kwenye vibanda vya kuku hivyo hujikuta wamewapelekea kuku virusi vinavyosababisha ugonjwa kwa kuku na ndipo huanza kuhangaika kutafuta dawa za kutibu ule ugonjwa matokeo yake huchelewa na kusababisha kuku kufa.

Ameyataja baadhi ya magonjwa ambayo huwapata kuku mara kwa mara kuwa ni Kideri,Gumboro,Ndui,Koraiza,Typhoid,TB na ugonjwa wa mfumo wa upumuaji ambapo baadhi ya hayo magonjwa mengine huwapata kuku kwa njia ya Virusi na Bakteria.

JAMII YATAKIWA KUTUMIA MITANDAO YA KIJAMII KUPUNGUZA GHARAMA ZA MAISHA

Unknown 14:55:00 NEWS No comments

Stanley Isaac Manyonyi

Na Josephine Charles - Shinyanga

Jamii imesisitizwa kutumia mitandao kwa ajili ya kupata maarifa kujenga tabia ya kuongeza thamani, ufanisi na kupunguza gharama za maisha ya kila siku.

Rai hiyo imetolewa na Mtaalamu wa Kompyuta na Teknolojia ya Habari na mawasiliano TEHAMA kutoka Chuo cha Cha Nelson Mandela Kilichopo jijini Arusha Stanley Isaac Manyonyi wakati akizungumza katika kipindi cha Mambo Leo kinachorushwa na Radio Faraja Fm kila Jumatatu hadi Ijumaa saa tatu asubuhi mpaka saa saba kamili mchana.

Hiyo inatokana na baadhi ya watu kutumia miandao vibaya kwa kuchapisha (kuposti) picha za utupu, kuchapisha picha zenye kuleta madhara kwa kizazi cha baadaye, mfano mama anachati mtoto amelala na mbwa pembeni,wengine kuunguza vyakula wakati wa kupika na kwa akina baba kutokuwajali wake zao kipindi cha ujauzito wanatumia muda mwingi mtandaoni badala ya kuwafariji wake zao.

Amesema kwa mujibu wa Tovuti ya Mamlaka ya mawasiliano Tanzania TCRA Takwimu inaonesha kuna ukuaji wa matumizi ya mtandao(internet) hasa kwenye simu ambapo 2013 kulikuwa na watumiaji wa internet milioni 9,2016 wakaongezeka na kufikia million 19 na 2020 mwezi Septemba ongezeko la watumiaji Tanzania likafikia milioni 27.9.

Amefafanua kuwa kwenye sekta ya TEHAMA kuna ukuaji mkubwa wa matumizi ya Internet ambao unahusisha watu, miundombinu na sera ambazo serikali ya Tanzania inazidi kuweka.

Naibu Waziri Bashe Atoa Maagizo Kwa Tume Ya Taifa Ya Umwagiliaji

Unknown 13:55:00 NEWS No comments

Na Mwandishi Wetu – Dodoma.
Naibu Waziri wa Kilimo Mhe. Hussein Bashe, Ameitaka Tume ya Taifa ya Umwagiliaji, kutumia wataalamu na rasilimali za ndani katika kazi za upembuzi yakinifu katika ujenzi wa Miundombinu ya Umwagiliaji,ili kupunguza gharama za ujenzi wa miradi ya miundombinu hiyo.

Bashe aliliyasema hayo Jijini Dodoma alipokutana na Management ya Tume ya Taifa ya Umwagiliaji na Wahandisi wa Umwagiliaji nchini nakuagiza Mitambo 56 inayomilikiwa na Tume popote ilipo nchini ikaguliwe nakufanyiwa matengenezo huko iliko na yenye hali mbaya iletwe katika ofisi za makao makuu ya Tume jijini Dodoma kwa matengezo zaidi.

Sambamba na hilo aliagiza Tume ya Taifa ya Umwagiliaji ifanye Utaratibu wa kuyutambua maeneo yote ya kilimo cha umwagiliaji nchini yapo wapi yana ukubwa gani na yanalima mazao gani ilikuweza kujua ni maeneo gani yanayoweza kufanyiwa maboresho na kumwagiliwa kihalisia.

Naibu Waziri Bashe aliwashauri wataalamu hao, kuweza kuona namnayakuhusisha sekta binafsi katika kuboresha miundombinu ya umwagiliaji na kuanzisha kilimo Biashara kupitia sekta ya umwagiliaji, pamoja, nakuwaagiza kuainisha eneo litakalotumika kwa kilimo cha umwagiliaji katika Bwawa la mwalimu Nyerere, nakuliwekea mipaka ili lisiweze kuvamiwa na shughuli nyingine za kibinadamu.

Aidha, Naibu Waziri Bashe ameiagiza Tume hiyo iwe na mpango mkakati wa miaka mitano wautekelezajiwa kuongeza eneo la Umwagiliaji, lenye ukubwa wa Hekta milioni moja sambamba na hilo kuangalia litazalisha mazoa ya aina gani, kwa kiasi gani litakuwa katika vijiji gani na litatumiwa na wakulima wangapi.

“Pamoja na hili mkaena Tasisi ya kuzalisha Mbegu (ASA), Taasisi ya Tafiti ya Mazao ya Kilimo (TARI) ili katika eneo hilo kuweza kutenga walau asilimia ishirini 20% ya eneo kwa ajili ya kuzalisha mbegu”.Alisisitiza.

Naibu Waziri Bashe, Aliitaka Tume ya Taifa ya Umwagiliaji Ifanye ukarabari wa mundombinu ya Umwagiliaji katika skimu kwa kuwwashirikisha wakulima.

Uhakiki Wa Taasisi Za Kidini Na Jumuiya Za Kijamii Katika Kanda Ya Kaskazini Kuanzia Tarehe 15 Februari

Unknown 13:55:00 NEWS No comments

IGP Sirro : Makosa Ya Usalama Barabarani Yamepungua Kwa Asilimia 34

Unknown 13:55:00 NEWS No comments

Mkuu wa Jeshi la Polisi nchini IGP Simon Sirro amesema makosa ya ajali barabarani nchini yamepungua kwa asilimia 34 kutokana na madereva wengi kuendelea kutii sheria na alama za barabarani kunakochangiwa na usimamizi mzuri wa askari wa usalama barabarani.

IGP Sirro amesema hayo jana wakati alipofanya kikao kazi na maofisa na askari wa Kikosi cha usalama barabarani wa mikoa ya Kanda maalum ya DSM, Rufiji na mkoa wa Pwani huku akiwataka askari wa Jeshi hilo kupunguza malalamiko kutoka kwa wananchi wanaowahudumia na hasa kuacha kujihusisha na vitendo vya rushwa na kuwasisitiza suala la kutoa huduma bora kwa mteja