Habari Zilizopo Katika Magazeti ya Leo Jumatano May 06

Read More →

Tumefanya Maboresho Kwenye App Yetu ya Mpekuzi Ili Kukuwezesha Kupata Habari zetu Haraka hasa Wakati huu wa janga la Corona

Tumefanya maboresho katika App yetu ya MPEKUZI ili kuendana na changamoto ya sasa ya janga la Corona inayoikumba dunia Nzima

Usikubali kupitwa na taarifa muhimu zinazoendelea hapa nchini na Duniani  kwa Ujumla . Tumejipanga vizuri sana kukupatia taarifa sahihi na kwa wakati.

👉1. Tumebadili muonekano na kuufanya kuwa mzuri zaidi

👉2. Kila habari tunayoweka kuanzia sasa utapata notification kwenye simu yako 

👉3. Habari zote kwa sasa zinafika kwa haraka kwenye simu yako kuliko ilivyokuwa hapo awali

KUMBUKA: App yetu ni BURE. Unachotakiwa kukifanya ni kuingia Playstore na kupakua MPEKUZI APP

Kama tayari unayo, basi Ingia Playstore kwa ajili ya kupata UPDATE hii ya Toleo Jipya

Tumekurahisishia, Unaweza pia ...<<KU BOFYA HAPA>> Kupata toleo hili Bure Kabisa

Read More →

Vifo Vya Watoto Wachanga Vimepungua Kutoka 25 Kwa Kila Vizazi Hai 1000 Hadi Saba Kwa Kila Vizazi Hai 1000

Na WAMJW – Dar es Salaam

Vifo vya watoto wachanga wenye umri wa chini ya siku 28 vimepungua kutoka 25 kwa kila vizazi hai 1000 kwa mwaka 2015/16 na kufikia saba  kwa kila vizazi hai  1000 kwa mwezi Machi mwaka huu.

Hayo yamesemwa leo  jijini  jijini Dar es Salaam na Waziri wa Afya, Maendeleo ya Jamii, Jinsia, Wazee na Watoto Ummy Mwalimu wakati akipokea msaada wa vifaa kinga, mabango,vipeperushi na vifaa vya  kutoa elimu kwa Umma kuhusu ugonjwa wa Corona kutoka kwa Benki ya Absa Tanzania Ltd na Shirika  la UNESCO.

Waziri Ummy alisema kupungua kwa vifo hivyo kumetokana na jitihada zilizofanywa na Mhe. Rais Dkt. John Pombe Magufuli  katika kuimarisha sekta ya afya hapa nchini hii ni pamoja na kuboresha vituo vya kutolea huduma za afya, upatikanaji wa dawa, vifaa na vifaa tiba.

“Kwa namna ya kipekee niwapongeza na kuwashukuru wakunga wote hapa nchini kwa kazi kubwa na nzuri wanayoifanya kila siku ya kuwahudumia akina mama wajawazito na watoto wenye umri chini ya miaka mitano”,.

“Pamoja na kuwa maambukizi ya Virusi vinavyosababisha ugonjwa wa Corona (COVID-19) yapo na watu wanaumwa ugonjwa huu, lakini tusisahau kuwa kina mama wajawazito wanajifungua kila siku na wakunga  wanaendelea kuwahudumia kinamama hawa”, alisisitiza Waziri Ummy.

Waziri huyo aliwahakikishia wananchi kuwa pamoja na kuwa ugonjwa wa Corona upo   huduma zingine zinaendelea kama kawaida  katika vituo vituo vyote vya kutolea huduma za afya zikiwemo huduma za kliniki za akina mama wajawazito na watoto, upimaji wa magonjwa mbalimbali pamoja na upasuaji.

“Ninawashukuru wadau mliotoa vifaa hivi, ninawaomba wadau wengine waendelee kuiunga mkono Serikali katika kupambana na ugonjwa wa Corona ambao ni janga la Dunia”,.

Kwa upande wake Katibu Mkuu wa wizara  hiyo Prof. Mabula Mchembe alisema  vifaa hivyo vitaboresha  utoaji wa huduma za afya katika vituo vilivyopo Dar es Salaam pamoja na maeneo mengine nchini.

“Ninawahakikishia wananchi pamoja na wadau mliotoa vifaa hivi kuwa  vitatumiwa na wataalamu wetu katika kutoa huduma mbalimbali za matibabu kwa wagonjwa wanaotibiwa katika vituo vyetu vya afya”, alisema Prof. Mchembe.

Akikabidhi vifaa hivyo Mkurugenzi wa Rasiliamali watu wa benki ya Absa Tanzania Ltd. Patrick Foya alisema vifaa kinga walivyovitoa vyenye thamani ya milioni 20 ambavyo ni glovu, barakoa na vitakasa mikono vitawasaidia watoa huduma za afya wakati wanawahudumia wagonjwa.

Read More →

Vyuo Vya Kilimo Nchini Vyatakiwa Kujiimarisha Kimapato

Vyuo vya Mafunzo ya Kilimo ( MATI) vimeagizwa kuhakikisha vinatumia wataalam wakufunzi na rasilimali ardhi kuzalisha mazao mengi bora ili kuwa na uhakika wa kipato na kujiendesha kibiashara. 

Agizo hilo limetolewa leo Jumanne na Katibu Mkuu Wizara ya Kilimo Bw.Gerald Kusaya wakati alipotembelea Chuo cha Kilimo Mubondo Wilaya ya Kasulu Mkoa wa Kigoma. 

" Tumieni sayansi kuzalisha mazao ya kilimo kwa kuhakikisha mnapima udongo na kujua virutubishi vinavyofaa ili mjue zao gani na aina gani ya mbolea ili kuwa na mavuno ya kutosha kuwezesha vyuo kujipatia mapato " Kusaya 

Katibu Mkuu huyo alisema lengo la serikali kuanzisha vyuo vya mafunzo ya kilimo ni kufundisha vijana na wakulima wengi kanuni bora za kilimo ili waweze kutoa mchango katika kukuza sekta ya kilimo nchini. 

Amevitaka vyuo hivyo kutumia vema ardhi iliyopo na teknolojia  kutoa mafunzo bora na kuzalisha mazao kibiashara  ili wanafunzi wanaohitimu waweze kuwa mahili katika kujitegemea na kuongeza ajira kupitia kilimo na chuo kupata mapato . 

" Vijana wengi watakapofanya vema na kufanikiwa katika kuanzisha shughuli za uzalishaji mali kupitia kilimo ndio itakuwa nafasi ya vyuo hivi kujitangaza na kuvutia vijana wengine na wakulima kuja kujifunza " alisisitiza Katibu Mkuu huyo 

Kwa upande wake Mkuu wa Chuo cha Kilimo MATI Mubondo Hanif Nzury aliomba serikali ikipatie Chuo hicho trekta ili kiweze kutumia kuongeza uzalishaji zaidi wa mahindi, alizeti na michikichi ombi ambalo Katibu Mkuu alilikubali na kuahidi kulifanyia kazi. 

Aidha Katibu Mkuu Kilimo amewataka Maafisa Ugani kote nchini kuwasaidia wakulima kwa kuwatembelea na kuwapa ushauri juu ya kanuni bora za kilimo . 

Katika hatua nyingine Kusaya ameziagiza taasisi zote chini ya Wizara ya Kilimo kuhakikisha wanashirikiana na Halmashauri nchini kupima maeneo hayo na kupata hatimiliki ikiwa na lengo la  kuyaepusha na uvamizi toka kwa wananchi 

Wizara ya Kilimo inasimamia vyuo 14 vinavyotoa Mafunzo ya stashahada (Diploma) na astashahada ( Certificate)  pamoja na vituo vya utafiti 17 nchini. 

Awali Katibu Mkuu Kusaya alitembelea Shamba la mbegu bora la Bugaga lililopo Kasulu chini wa Walaka wa Mbegu (ASA) ambapo ameagiza wahakikishe miche 5000 ya michikichi iliyopo tayari hapa kituoni inawafikia wakulima kama alivyoagiza Waziri Mkuu. 

“ Waziri Mkuu yuko mstari wa mbele kuhakikisha nchi inajitosheleza kwa mafuta ya kula hivyo endeleeni kuzalisha miche mingi ya michikichi ili wakulima wapande na hatimaye tupate mavuno mengi yatakayotosheleza mahitaji ya mafuta” alisema Kusaya. 

 Mwisho
Imetolewa na;
Kitengo cha Mawasiliano Serikalini
Wizara ya Kilimo

Read More →

Waandishi wa habari watakiwa kuandika taarifa sahihi kuhusu ugonjwa wa Corona

Na WAMJW – Dar es Salaam
Waandishi wa Habari nchi wametakiwa kuandika habari sahihi kuhusu virusi vinavyosababisha ugonjwa wa Corona (COVID-19) ili wananchi wapate taarifa ambazo zitawasaidia  kujikinga na ugonjwa huo.

Rai hiyo imetolewa leo jijini Dar es Salaam na Waziri wa Afya, Maendeleo ya Jamii, Jinsia, Wazee na Watoto Ummy Mwalimu wakati akipokea msaada wa vifaa kinga,vifaa vya kupima joto la mwili, vipeperushi,  mabango na vifaa vya  kutoa elimu kwa Umma kwa ajili ya waandishi wa Habari vilivyotolewa na Shirika la UNESCO.

Waziri Ummy alisema wizara yake imekuwa ikishirikiana na  vyombo vya habari  kuhakikisha wananchi wanapata taarifa kwa wakati  kuhusu ugonjwa wa Corona na kufahamu hatua za kufuata ili wajikinge na ugonjwa huo.

“Msaada huu unagusa wadau muhimu sana kwani hawa ndiyo wanaotusaidia kupeleka taarifa kwa wananchi. Mmenifurahisha zaidi kuzifikia  redio za jamii 34 ambazo zitapata vifaa vya kupima joto la mwili pamoja na vifaa kinga vingine. Redio hizi ni za muhimu sana kwani zinawafikia wananchi wengi waliopo vijijini”,.

 “Kwa upande wa waandishi wa habari , pamoja na majukumu yenu ya kazi za kila siku mnazozifanya hakikisheni mnatoa taarifa sahihi za Corona na siyo habari za kuwatisha wananchi bali waelimisheni. Nanyi hakikisheni mnafuata maelekezo yanayotolewa na wataalamu wa afya katika kujikinga na ugonjwa huu hii ikiwa ni pamoja na kusimama umbali wa zaidi ya mita moja kati ya mtu na mtu wakati mnapotekeleza majukumu yenu”, alisema Waziri Ummy.

Akikabidhi vifaa hivyo mwakilishi mkazi wa Shirika la UNESCO Tanzania Tirso Dos Santos aliipongeza Serikali kwa hatua zinazochukuwa katika kupambana na ugonjwa wa Corona.

“Vyombo vya habari vimekuwa mstari wa mbele katika kutoa taarifa za ugonjwa huu kwa wananchi, nasi tumeona tuwape vifaa kinga, mabango na  vipeperushi ambavyo zitawasaidia kuufahamu zaidi ugonjwa wa Corona na kufikisha taarifa sahihi kwa wananchi kwa wakati”, alisema Santos.

Vifaa vilivyotolewa na Shirika la UNESCO ambavyo vitatolewa kwa waandishi wa habari ni vitakasa mikono, barakoa, mashine za kupima joto la mwili, mabango na  vipeperushi.

Read More →

Simiyu Yazindua Mkakati Wa Wanafunzi Kusoma Kipindi Cha Likizo Ya Tahadhari Ya Corona

Na Stella Kalinga, Simiyu RS
Mkoa wa Simiyu umezindua mpango mkakati wa kuwawezesha wanafunzi wa shule za Msingi na Sekondari kusoma katika kipindi hiki cha likizo ya  dharula ya tahadhari ya ugonjwa   wa homa ya mapafu ( COVID 19) inayosababishwa na Virusi vya Corona.

Akizindua mkakati huo, Mei 04, 2020 katika Shule ya Sekondari Simiyu Mjini Bariadi,  Mkuu wa Mkoa wa Simiyu, Mhe.  Anthony Mtaka amesema kuwa mkakati huo utawasaidia wanafunzi kupata masomo wakiwa nyumbani kutoka kwa walimu wao huku ukiwa na malengo makuu manne yatakayoifanya Simiyu iendelee kufanya vizuri katika mitihani ya Taifa.

" Malengo makuu ya mkakati huu ni kumwezesha mwanafunzi kuendelea kujifunza,walimu kuwa na mawasiliano ya kitaaluma na wanafunzi  wao, wazazi kufanya ufuatiliaji wa taaluma kwa watoto wao pamoja na watoto(wanafunzi) kutulia nyumbani wakijisomea kipindi hiki cha likizo ambayo wako nyumbani;  tahadhari zote za maambukizi ya Virusi vya Corona zitazingatiwa, "alisema Mtaka.

Aidha, Mtaka amewataka wazazi na walezi kuwahimiza wanafunzi  kutulia nyumba kujisomea na kufuatilia vipindi vya masomo mbalimbali vinavyorushwa kupitia vyombo mbalimbali vya habari  nchini, huku akisisitiza maelekezo yote yanayotolewa na wataalam wa afya na viongozi juu ya tahadhari ya maambukizi ya Virusi vya Corona yazingatiwe wakati wa kujisomea.

Afisa Elimu wa Mkoa wa Simiyu, Mwl Ernest Hinju amesema Mkoa utaendelea kufanya mawasiliano na wazazi ili siku tatu baada ya shule kufunguliwa wanafunzi wapewe mitihani ili kuwapima.

Katika hatua nyingine mbunge wa jimbo la Bariadi, Mhe. Andrew Chenge  ametoa msaada wa kompyuta tano na printa kwa Shule ya sekondari Simiyu kutoka mamlaka ya mawasiliano kwa wote ambazo zimekabidhiwa na Mjumbe wa Baraza la UWT Taifa, Christina Chenge (mke wa mbunge huyo) kwa niaba ya mbunge.

Akikabidhi kompyuta hizo, Mama Christina Chenge  amesema mbunge ametoa msaada huo na ametoa wito kuwa kompyuta hizo zitumike kwa kazi na malengo yaliyokusudiwa ili mkoa wa Simiyu uendelee kufanya vizuri katika sekta ya elimu.

Mkuu wa Mkoa wa Simiyu, Mhe. Anthony Mtaka amemshukuru Mhe. Chenge kwa msaada huo na misaada mingine ambayo amekuwa akiitoa kwa shule ya Sekondari Simiyu na shule nyingine ikiwemo saruji na mabati kwa ajili ya ujenzi wa madarasa na mabweni na kusisitiza msaada huo kutumika kama ulivyokusudiwa.

Akiongea mara baada ya makabidhiano ya msaada huo, Mkuu wa wilaya ya Bariadi, Mhe. Festo Kiswaga amesema kuwa hategemei kuona shule hiyo (Simiyu sekondari) iliyokabidhiwa vifaa hivyo kupata wanafunzi wenye daraja sifuri kwani tayari wana walimu  na vifaa vya kutosha sambamba na madarasa ya kutosha.

Naye mkuu wa shule ya sekondari Simiyu, Paul Susu amemshukuru Mhe. Chenge kwa kutambua uhitaji walionao kwani utawasaidia katika kutekeleza shughuli zao za ufundishaji huku akiongeza kuwa pamoja na kuwa shule ya Simiyu ndio imekabidhiwa shule nyingine zitanufaika pia kwa kuwa wanafanya kazi kwa ushirikiano na shule nyingine.

Nao baadhi ya walimu wa shule hiyo akiwemo Dorine Bella na John Mogela wamesema kuwa ujio wa  kompyuta hizo utakuwa chachu ya kurahisisha ufundishaji na kutekeleza mkakati wa mkoa wa wanafunzi kusoma katika kipindi hiki cha ugonjwa wa homa ya mapafu na baada ya ugonjwa huo.

MWISHO.

Read More →

TRA Kagera Yavuka Malengo Ya Serikali Yakusanya Billion 16 Kwa Robo Ya Mwaka Wa Fedha 2019-2020.

NA Avitus Benedicto Kyaruzi,Kagera
Jumla ya shilingi Bilioni 16.18 zimekusanywa na mamlaka ya mapato Tanzania mkoani Kagera kwa upande wa kodi za forodha na kodi za ndani kwa kipindi cha kuanzia mwezi Januari-Machi 2020 sawa na 110.03% ikiwa lengo lilikuwa ni kukusanya shilingi bilion 14.7 

Hayo yamebainishwa na Meneja wa T.R.A mkoani Kagera Bwana Adam Mtogha wakati akizungumza na mwandishi wa kituo hiki akitoa taarifa ya utendaji kazi kwa kipindi cha Januari –machi mwaka huu. 

Bwana Mtogha amesema kuwa kwa kipindi cha Januari –machi 2020 mkoa wa Kagera ulipangiwa kukusanya kiasi cha shilingi bilioni 14.7 kwa upande wa kodi za forodha na kodi za ndani na wameweza kukusanya kiasi cha shilingi bilioni16.18 na kuvuka lengo walilopewa na serikali .

Aidha ameongeza kuwa ni mafanikio makubwa  kwa kipindi  hiki kwa kuwa kipindi kilichopita kuanzia mwezi Januari –machi mwaka jana  utendaji kazi wao ulikuwa ni 94.5%. 

Bwana Mtogha amesema kwa upande wa kodi za ndani mkoa wa Kagera ulipangingiwa kukusanya jumla ya shilingi billion 9.1 na wamefenikiwa  kukusanya shilingi bilioni 9.8 sawa na jumla 107.5% ya  kwa kodi za ndani Wakati kwa upande  forodha mkoa wa Kagera ulipangiwa kukusanya billion 5.6 na walifanikiwa kukusanya billion 6.4 sawa 114.16%

Bwana Mtogha amesema wamefikia mafanikio hayo kutokana na elimu inayoendelea kutolewa kupitia vyombo vya habari mkoani humo pamoja na kuwatumia ujumbe mfupi wa maandishi (sms) kwa wateja wote ili kuwakumbusha kulipa kodi kwa wakati. 

Sanjali na hayo amebainisha kuwa kwa kushirikiana na taasisi nyingine za serikali wameweza kufanikiwa kuondoa malimbikizi ya kodi . 

Kwa upande mwingine amewapongeza wana kagera kwa ushiriki wao katika shughuli za ulipaji kodi ikiwa nipamoja na kulipa kodi kwa muda muhafaka hasa katika kipindi hiki cha kupambana na virusi vya corona na kuwataka wananchi mkoani humo kuendelea kuchukua tahadhari za kujikinga na virusi hivyo zinazo tolewa na serikali.

Read More →

Serikali Yavifyeka Vyama 3,348 Ni Baada Ya Kwenda Kinyume Na Uanzishwaji Wake

Na Charles James, Dodoma
SERIKALI imetangaza kuvifuta rasmi vyama vya Ushirika 3,348 ambavyo vingi ni hewa huku ikisema zoezi la kufuta vyama hivyo litakua endelevu Kwa vyama vitakavyoshindwa kutekeleza majukumu ya kuanzishwa kwake.

Hayo yamesemwa na Waziri wa Kilimo, Josephat Hasunga wakati akizungumza na wandishi wa habari jijini Dodoma ambapo pamoja na kufuta vyama hivyo pia amevitaka vyama vilivyosalia kuimarisha mwenendo wao.

Vyama ambavyo vimefutwa ni Saccos 2,513, AMCOS 229, Mifugo 77, Vyama vya walaji 27, Vyama vya huduma 70, Vyama vya ufugaji Nyuki 15, Vyama vya wenye nyumba 9, Vyama vya Madini 22, Vyama vya wenye Viwanda 79, Vyama vya Uvuvi 32, Vyama vya Umwagiliaji 31 na vinginevyo 244.

Kabla ya kufutwa kwa vyama hivyo, Idadi ya vyama vya ushirika ilikua 11,626 hivyo baada ya kufutwa kwa vyama 3,348 sasa vyama hivyo vya ushirika vinabaki kuwa 8,611.

Waziri Hasunga amewataka wanachama na wakulima wanaotumia vyama vya ushirika nchini kufunga akaunti Benki ili mkulima kujihakikishia malipo yake.

Amesema kama wakulima wakifanya hivyo itakua ni mojawapo ya suluhu kwa udanganyifu unaofanywa na baadhi ya viongozi wa vyama vya ushirika wasio waaminifu wakati wa malipo.

Akizungumzia mfumo wa ununuzi wa mazao Nchi nzima, Waziri Hasunga amesema njia pekee ya kumkomboa Mwananchi ni kupitia ushirika hivyo kuwataka wananchi wajiunge na vyama hivyo ili wanufaike na ushirika.

" Wananchi wakiuza Kwa pamoja ni rahisi kupata bei nzuri, hata hivyo kumetokea malalamiko mengi katika baadhi ya mikoa kuwa wananchi wananyanyasika sana na mfumo wa vyama vya ushirika na stakabadhi ghalani.

Sasa ili mfumo wa stakabadhi ghalani uweze kufanyika sawasawa naagiza kuwepo kwa chama cha msingi kilichosajiliwa katika kijiji husika, kuwepo kwa ghala lililosajiliwa na Bodi ya Maghala, kuwepo kwa mfumo wa kufanya minada kwa njia ya ushirika na kuwepo kwa wanunuzi wa kununua kwa minada," Amesema Waziri Hasunga.

Kutokana na changamoto hizo, Waziri Hasunga ameagiza kuhakikisha kuwa katika kila kijiji kunakua na soko la awali ambalo wananchi watauza mazao yao lakini pia kuwe na soko la upili ambalo wananchi, vyama vya ushirika na wafanyabiashara wa ndani wataruhusiwa kuuza mazao yao kwa wafanyabiashara wa nje.

Kwa upande wake Mwenyekiti wa Vyama vya Ushirika nchini Titus Kamani ameishukuru Serikali kwa namna ambavyo imekua ikizingatia maslahi mapana ya wananchi na kwa kusimamia vema uendeshaji wa vyama hivyo.

" Niipongeze sana serikali imekua mara zote ikiwajali sana wanachama wa Ushirika ambao wengi wao ni wananchi wanyonge na ndio maana tunaona mara kadhaa vyama hivi vinapoenda kinyume basi serikali kupitia Wizara ya Kilimo imekua ikichukua hatua kali ikiwemo kuvifutia usajili vyama vinavyoenda kinyume na uanzishwaji wake," Amesema Kamani

Read More →

DIWANI AISHUKURU KAMPUNI YA GP KWA KUWASAIDIA VIFAA VYA KUJIKINGA NA CORONA

  Mmiliki wa Kampuni ya SSMC Limited Saidi Mohamed kushoto akimkabidhi vyakula vya futari na vifaa vya kujikinga na Ugonjwa wa Corona Diwani wa Kata ya Makorora Omari Mzee vyenye thamani ya milioni 16 vilivyotolewa na Kampuni ya Mafuta ya GP mapema leo kushoto ni Afisa Mtendaji wa Kata ya Makorora Ramadhani Badi

 Diwani wa Kata ya Makorora Omari Mzee kushoto akibidhi mmoja wa wananchi wa Kata ya Makorora Futari yenye thamani ya milioni 16 vilivyotolewa na Kampuni ya Mafuta ya GP mapema leo ikiwemo vifaa vya kujikinga na Virusi vya Corona

 Diwani wa Kata ya Makorora Omari Mzee kulia akikabidhiwa vitakasa mikono (Sanitize ) na vyakula kutoka kwa  Mmiliki wa Kampuni ya SSMC Limited Saidi Mohamed vyenye thamani ya milioni 16 vilivyotolewa na Kampuni ya Mafuta ya GP mapema leo

 Diwani wa Kata ya Makorora Omari Mzee kulia akigawa msaada huo kwa wananchi wa mitaa mbalimbali kwenye Kata hiyo kulia ni  Mmiliki wa Kampuni ya SSMC Limited Saidi Mohamed

 Mmiliki wa Kampuni ya SSMC Limited Saidi Mohamed akiwaaonyesha waandishi wa habari vitakasa mikono ambavyo vimetolewa


DIWANI wa Kata ya Makorora Jijini Tanga (CCM) Omari Mzee ameishukuru Kampuni ya Mafuta ya GP kwa kutoa msaada futari kwa kaya 150 kwenye kata yake ikiwemo vifaa vya kujikinga na ugonjwa wa Virusi vya Corona.

Huku akiwataka wazazi na walezi kuhakikisha wanakuwa mstari wa mbele kuwaelimisha watoto wao ili kuona ile mikusanyiko isiyokuwa ya lazima waweze kuepukana nayo ikiwa ni mkakati wa kukabiliana na Ugonjwa wa Virusi vya Corona ambayo kwa sasa vinaitikisha dunia.

Omari aliyasema hayo leo wakati akipokea msaada huo wenye thamani ya Milioni 16 vilivyotolewa na kampuni ya Mafuta ya GP vilikabidhiwa na Mmiliki wa Kampuni ya SSMC Limited Saidi Mohamed kufuatia ombi la kumtaka ashirikiana nao kwenye kukabidhi vyakula na vifaa hivyo..

Alisema vifaa hivyo vitawasaidia wakati huu wa mwezi wa ramadhani ikiwemo katika kukabiliana dhidi ya Ugonjwa huo wa Corona huku akiwataka wananchi kuendelea kuchukua tahadhari ambazo zimekuwa zikitolewa na wataalamu wa Afya hapa nchini.

Aidha alisema kwa sasa shule zimefungwa na watoto wamekuwa wakizagaa mitaani hivyo wanapaswa kuchukua tahahdari kwa kuwaelimisha ili kuona ile mikusunyiko ilisyokuwa ya lazima waweze kuepukana nayo kwa lengo la kuwaepusha na maambukizi ambayo wanaweza kukumbana nayo.

“Nishukuru sana kwa furari hii kwa zile kaya ambazo hawajiwezi zitawasaidia kupunguzia makali ya maisha lakini wazazi tutambue ugonjwa huu wa Virusi vya Corona upo hivyo niwasihi wazazi na jamii nzima kwa ujumla tuweza kuchukua tahadhari kukabiliana nao “Alisema Diwani huyo.

Awali akizungumza kabla ya makabidhiano hayo Mkurugenzi wa Kampuni ya SSMC Limited Saidi Mohamed alisema kwamba wamekabidhi vyakula hivyo kwenye kaya masikini 150 ambavyo vimetolewa na kampuni.

Ambapo alisema kutokana na ukongwe wangu wa kampuni za Oili Mkoa wa Tanga wamemuomba washirkiane nami kukabidhi vyakula hivyo kwa waliofunga mwezi mtufuku na vifaa vya kujikinga dhidi ya Corona vyenye thamani ya milioni 16.

Vifaa hivyo alivikabidhi kwa diwani wa Kata hiyo Omari Mzee ili aweze kuvikabidhi kwa wananchi kwenye mitaa ili kuweza kuwapunguzia makali ya maisha waliokuwa nao baadhi ya jamii maeneo hayo kutokana na kushindwa ukata ambao wamekuwa wakikumbana nao.

Read More →

Kenya Yarekodi Idadi Kubwa Zaidi Ya Maambuzi ya Corona Ndani Ya Saa 24....Maambukizi Sasa Yamefika 535

Waziri wa Afya  nchini Kenya Mutahi Kagwe almetangaza kwamba visa vya maambukizi ya corona  nchini humo  vimefika 535 baada ya watu 45 zaidi kupatikana na maradhi hayo. 

Kwenye hotuba yake kwa vyombo vya habari leo Jumanne, Mei 5, Kagwe amesema hii ni idadi kubwa zaidi kuwahi kurekodiwa tangu kisa cha kwanza cha COVID-19 kuripotiwa Machi 13, 2020. 
 

Kati ya visa hivyo 45, 30 ni wanaume na 15 ni wanawake. Mutahi amesema kwamba watu 29 ni wakaazi wa Nairobi, 11 kutoka Mombasa na watano kutoka Wajir.

Read More →

Ndege iliyobeba vifaa vya kupambana na corona yaanguka na kuua 6 Somalia

Watu sita wameaga dunia katika ajali ya ndege ya mizigo iliyokuwa imebeba misaada na vifaa vya kupambana na janga la corona katika mji wa Bardale, kusini mwa eneo la Bay nchini Somalia.

Shirika la Habari la Somalia limetangaza kuwa, ndege hiyo ni ya shirika la African Express Airways yenye makao makuu yake katika mji mkuu wa Kenya, Nairobi na kwamba ilianguka jana katika mji huo, ikiwa njiani kuelekea Baidoa ikitokea mji mkuu wa Somalia, Mogadishu.

Mohamed Salad, Waziri wa Uchukuzi wa Somalia ameliambia shirika la habari la Reuters kuwa, sita waliopoteza maisha katika ajali hiyo ni rubani na msaidizi wake, rubani mwanagenzi, mhandisi wa ndege pamoja na wahudumu wawili.

Msemaji wa serikali ya Somalia, Ismael Mukhtar Omar amethibitisha kuwa, ndege hiyo ndogo ya Kenya iliyokuwa imebeba watu sita ilianguka jana kusini magharibi mwa Somalia wakati wa kutua. Vyombo vya usalama vya Somalia vinachunguza chanzo cha ajali hiyo.

Duru za habari zimearifu kuwa, ingawaje kuna uwepo wa kundi la kigaidi la al-Shabaab katika mji huo wa Bardale, lakini eneo palipotea ajali hiyo hususan uwanja wa ndege wa  Bardale unalindwa vikali na askari wa Somalia wakishirikiana na wanajeshi wa Ethiopia.

Baadhi ya ripoti zinadai kuwa, ndege hiyo iliyokuwa imebeba misaada ya kibinadamu ilitunguliwa kimakosa na askari wa jeshi la Ethiopia wanaofanya chini ya mwavuli wa Kikosi cha Kulinda Amani cha Umoja wa Afrika AMISOM.

Read More →

Video: Baba Levo Ft. Zitto Kabwe – Corona

Video: Baba Levo Ft. Zitto Kabwe – Corona

Read More →

Shirikisho la soka nchini (TFF) Wafunguka Kuhusu Kurejea Kwa Michuano ya Ligi Kuu

Shirikisho la soka nchini (TFF), limeweka wazi kuwa linashirikiana na Bodi ya Ligi (TPLB), kuhakikisha ligi kuu inarejea, lakini bado mchakato huo ni wa ndani kwani unategemea tamko la serikali juu ya mwenendo wa janga la Corona.

Taarifa ya TFF leo Mei 5, 2020 imeeleza kuwa mchakato wa ndani kati ya shirikisho na Bodi pamoja na wadau ikiwemo vilabu unaendelea

Read More →

Visa Vya Corona Uganda Vyafikia 97...... Rais Museveni Alegeza Baadhi Ya Masharti

Rais Yoweri Museveni ametangaza kuwa kuvaa barakoa ni jambo la lazima nchini humo kuanzia leo katika kipindi hiki ambacho marufuku ya kutotoka nje imelegezwa kidogo.

Hatua hiyo ilitangazwa jana Jumatatu usiku ambapo rais Museveni alihutubia taifa baada ya kumaliza siku 35 za marufuku ya kutotoka nje ama 'lockdown'.

Museveni amesema watu wanaweza kuvaa barakoa ambazo zimeshonwa kienyeji na vitambaa.

Katika hatua nyingine, Museveni amesema kuwa kuruhusu shughuli kuendelea kama awali inabidi kufanyike kwa umakini na mpangilio ili kuzuia virusi kusambaa kwa kasi.

Kwa kuanzia, ameruhusu maduka ya jumla, karakana za kukarabati magari, maghala kufunguliwa. Pia ameruhusu wafanyakazi wa bima na idadi ndogo ya wanasheria kurejea kazini.

Masharti mengine yaliyosalia ya marufuku ya awali bado yanaendelea mathalani kufungwa kwa mipaka ya nchi, kutoruhusu usafiri binafsi na wa umma, mikusanyiko ya watu na marufuku ya kutotoka nje usiku bado yangalipo kwa kipindi kingine cha siku 14.

Museveni amesema hatua hizo mpaka sasa zimetoa mafanikio ambayo ni kuzuia kusambaa kwa kasi kwa virusi hivyo.
 

Idadi mpya ya maambukizi kufikia leo asubuhi nchini humo imeongezeka kutoka 89 mpaka 97.

Kati ya wagonjwa hao, Waganda ni 57. Mpaka kufikia Jumatatu, madereva 30 wa malori walikuwa wamekutwa na corona nchini humo, kati yao Wakenya 13 na Watanzania 12.

Read More →

WHO: Ushahidi Tulionao Unaonesha Virusi Vya Corona Vilitoka Kwa Wanyama

Msemaji wa Shirika la afya duniani (WHO) Bibi Fadela Chaib jana kwenye mkutano na waandishi wa habari amesema, kwa mujibu wa ushahidi uliopo sasa, WHO inaamini kuwa virusi vya Corona vinatoka kwa wanyama.

“Ushahidi wote tulionao unaonesha kuwa virusi vya Corona vinatoka kwa wanyama, na havitokani na uingiliaji wa binadamu au kutengenezwa kwenye maabara.”

Vilevile amesema WHO inapambana na maambikizi ya virusi pamoja na uvumi. 
 

“WHO inapambana na kuenea kwa virusi vya Corona duniani, wakati huo huo inapambana na kuenea kwa habari feki duniani. Wakati virusi vipya kama virusi vya Corona vinapotokea, habari nyingine feki huenea kwenye vyombo vya habari na mitandao ya kijamii.”- Alisema

Read More →

Viongozi Rukwa waendelea kuhamasisha matumizi ya Nyungu( Kujifukiza)

Mkuu wa Mkoa wa Rukwa Mh. Joachim Wangabo ametoa wito kwa wananchi na wadau wote mkoani humo kuhakikisha wananchukua hatua za tahadhari ya ugonjwa wa homa kali ya mapafu inayosababishwa na virusi vya Corona (Covid-19) kwa kufuata maelekezo ya wataalamu wa Afya pamoja na kushauri matumizi ya Nyungu kwaajili ya kujifukiza.

Amehamasisha hayo ikiwa ni katika kuunga mkono kauli ya Waziri wa nchi Ofisi ya Rais Tawala za mikoa na Serikali za Mitaa (TAMISEMI) pamoja na viongozi wengine wa juu nchini katika kupambana na Covid – 19 ambao huenezwa kwa kuingiwa na majimaji yatokayo kwa njia ya hewa wakati mgonjwa anapokohoa au kupiga chafya au kugusa majimaji yanayotoka puani mwa mtu aliyeathirika.

“Nitoe wito kwa wadau wote ikiwa ni pamoja na nyini waheshimiwa madiwani kuchukua hatua za tahadhari ya ugonjwa huu kwa kufuata maelekezo ya wataalamu wetu wa afya. Tukumbuke kuwa virusi vya Corona ni janga la kidunia na linaua, Aidha matumizi ya Nyungu kwaajili ya kujifukizia yanashauriwa na Mh. Jafo waziri wa OR-TAMISEMI pamoja na viongozi wengine wa juu tuyazingatie, watu wapige Nyungu,” Alisisitiza.

Kwa upande wake Mkuu wa Wilaya ya Nkasi ambaye pia anakaimu Wilaya ya Sumbawanga Mh. Said Mtanda akifafanua michanganyiko ya aina tatu inayoshauriwa na wataalamu wa tiba ya asili yaliyofanyiwa majaribio na kituo cha Tiba asili kinachotambulika na serikali amesema moja ya mchanganyiko ni kutumia mti wa mwarobaini, tangawizi iliyopondwa, majani ya mpera, limao zilizokatwa  unachemsha pamoja na kisha kujifunika na kuvuta moshi kwa pua na mdomo ili moshi huo uingie mwilini na hatimae kwenda kuua virusi vya Corona.

“Sisi kule Namanyere (Wilayani Nkasi) tumeweka utaratibu wa kuhamasishana kujifukiza, kwasababu ukiona aibu matatizo kweli utayapata, kwahiyo kiongozi ukiwa unajifukiza unakapiga kapicha kidogo unawatumia wengine ili waseme hee hata Diwani kajifukiza, kwahiyo wale unaowaongoza watahamasiska kujifukiza kwasababu wataona kumbe sasa hili sio suala la aibu,” Alisema.

Viongozi hao wamesema hayo wakati wa vikao vya madiwani katika Halmashauri ya Wilaya ya Kalambo na Wilaya ya Sumbawanga katika vikao vya Mabaraza ya Madiwani ya Halmashauri hizo kuhusu utekelezaji wa hoja za ukaguzi na mapendekezo ya Mdhibiti na Mkaguzi Mkuu wa Hesabu za Serikali nchini.

Read More →

HII NDIYO MADAGASCAR NCHI ILIYOTANGAZA KUWA NA DAWA YA CORONA...WANANCHI WAKE WANAAMINI KATIKA NGUVU ZA MABABU NA MIZIMU

Na Leandra Gabriel, Michuzi TV

MADAGASCAR imekua nchi ya kwanza barani Afrika kutangaza dawa ya asili inayotibu virusi vya Corona ambapo Rais wa nchi hiyo Andry Rajoelina aliwataarifu wananchi juu ya uimara wa dawa hiyo na Mei 03, 2020 Rais wa Tanzania Dkt. John Joseph Magufuli aliuhakikishia umma juu ya Serikali ambayo hailali kwa Kuhakikisha wananchi wote wanakua salama na kueleza kuwa yupo tayari kutuma ndege nchini Madagascar ili kuleta dawa ambayo itawasaidia watanzania waliopatwa na homa hiyo ya mapafu (Covid -19) inayosababishwa na virusi vya Corona.

Mambo yanayovutia kuhusu Madagascar ni haya;

Inajulikana rasmi kama Jamhuri ya Madagascar, ikiwa nchi ya kisiwa (katika bahari ya Hindi kwa Pwani ya Afrika Mashariki) na ni kisiwa cha nne kwa ukubwa duniani.

Kuanzia mwaka 1895 ilitawaliwa na Ufaransa na ikawa nchi huru 1960 na kuitwa Jamhuri ya Malagasy na baadaye 1975 ikawa Jamhuri ya Demokrasia ya Madagascar na mwaka1993 ikawa Jamhuri ya Madagascar huku Mji mkuu wa Madagascar ni Antananarivo ukiwa na watu wapatao milioni 2.

Lugha rasmi nchini humo Malagasy na Kifaransa, na inakadiriwa kuwa na wakazi zaidi ya milioni 25.

Wananchi wengi wa Madagascar wanaamini katika mizimu na miiko hata katika wakati huu wa sayansi na teknolojia na imeelezwa kuwa wakazi wengi nchini humo ni wakristo (dini ililetwa na wamisionari) lakini bado wanaamini katika nguvu za mababu, uchawi, mizimu na miiko; wengi wao huwazika wapendwa wao katika mapango wakiwa katika majeneza na baadaye kufanya sherehe na masalia ya mifupa hiyo na hata kupiga nayo picha.

Pia imeelezwa kuwa nchi hiyo ina zaidi ya aina 10,000 ya mimea ya dawa asili huku asilimia 90 ikiwa zimefanyiwa utafiti na zinapatikana katika maeneo mbalimbali ya nchi hiyo.

Mlima mkubwa zaidi nchini humo ni Maromokotro wenye mita 2876 na kubwa zaidi ni kwamba viumbe 250,000 vinavyopatikana nchini humo havipatikani sehemu nyingine duniani na hii ni pamoja na mimea ya asili 14,000 inayopatikana Madagascar ambayo haipatikani sehemu nyingine duniani. 

Tafiti zinaonesha kuwa asilimia 50 za idadi ya vinyonga duniani wanapatikana Madagascar ikiwa ni pamoja na vinyonga wakubwa zaidi, huku aina 156 za vinyonga wanaopatikana ulimwenguni nusu yake wanapatikana Madagascar.

Pia Madagascar imepambwa na miti ya mibuyu, miti yenye umbo la chupa, miti iliyoelekeza mizizi angani na vivutio vingi vya kiasili.
SOMA ZAIDI <HAPA>
Via Michuzi blog

Read More →