PICHA: Rais Magufuli Akutana Na Kufanya Mazungumzo Na Maalim Seif Sharif Hamad Ikulu Jijini Dar

Rais wa Jamhuri ya Muungano wa Tanzania Mheshimiwa Dkt. John Pombe Magufuli akisalimiana na Mwanasiasa Mkongwe ambaye ni Mwanachama wa Chama cha ACT Wazalendo Maalim Seif Sharif Hamad kwa kutokugusana mikono, Ikulu Jijini Dar es Salaam. Salamu hiyo ya kutokugusana mikono ni kutekeleza ushauri ya Waziri wa Afya, Maendeleo ya Jamii, Jinsia, Wazee na Watoto Ummy Mwalimu wenye lengo kujihadhari dhidi ya virusi vya ugonjwa wa Corona.

Rais wa Jamhuri ya Muungano wa Tanzania Mheshimiwa Dkt. John Pombe Magufuli akiwa katika mazungumzo ya faragha na Mwanasiasa Mkongwe ambaye ni Mwanachama wa Chama cha ACT Wazalendo Maalim Seif Sharif Hamad, Ikulu Jijini Dar es Salaam.

Rais wa Jamhuri ya Muungano wa Tanzania Mheshimiwa Dkt. John Pombe Magufuli akiagana Mwanasiasa Mkongwe ambaye ni Mwanachama wa Chama cha ACT Wazalendo Maalim Seif Sharif Hamad mara baada ya kumaliza mazungumzo yao Ikulu Jijini Dar es Salaam.

Read More →

Waliofuja Mali Za Mkonge Kuchukuliwa Hatua Kali

WAZIRI MKUU Kassim Majaliwa amesema Serikali itawachukulia hatua watu wote waliohusika na ubadhilifu wa mali zikiwemo nyumba za Mamlaka ya Mkonge Tanzania.

Pia, Waziri Mkuu amesema Serikali itafanya uchunguzi katika  mashamba yote ya mkonge ili kubaini yameendelezwa kwa kiasi gani na sehemu ambazo hazijaendelezwa zitachukuliwa na kugawiwa kwa wananchi ili walime  mkonge.

Waziri Mkuu ameyasema hayo leo(Jumanne, Machi 3, 2020) wakati akizungumza kwa nyakati tofauti na wananchi wa kata za Segera na Kabuku akiwa katika ziara yake ya kikazi wilaya ya Handeni, Tanga.

Machi 1, mwaka huu Waziri Mkuu alipokea taarifa ya uchunguzi wa tuhuma mbalimbali katika tasnia ya kilimo cha mkonge mkoani Tangana kuagiza mapendekezo yaliyotolewa na timu hiyo yakiwemo ya kurejeshwa Serikalini kwa nyumba na. 176 eneo la Bombo ambayo ilimilikishwa kwa Bw. Salum Shamte yafanyiwe kazi.

Nyumba nyingine zilizopendekezwa kurejeshwa Serikalini ni pamoja na nyumba kumi zilizoko ndani ya Jiji la Tanga katika maeneo ya Raskazone, Bombo, Nguvumali na Market street ambazo zilinunuliwa na watumishi hao kwa udanganyifu.

Timu hiyo maalum ya uchunguzi iliundwa na Waziri Mkuu na ilifanya uchunguzi mkoani Tanga kuanzia tarehe 29/11/2019 hadi tarehe 07/02/2020. Timu hiyo iliyokuwa na  wajumbe 13 ilihusisha maafisa kutoka ofisi mbalimbali za Serikali.

Waziri Mkuu amesema kwa kuwa katani ndio zao la biashara mkoani Tanga Serikali itahakisha watu wote wenye mashamba makubwa ya mkonge ambayo wameshindwa kuyaendeleza itayachukua na kuyarejesha kwa wananchi.

Wakati huo huo,Waziri Mkuu amesema Serikali imejenga vituo 352 vya afya nchi nzima vikiwemo viwili vilivyojengwa Handeni, kutokana na mahitaji makubwa ya huduma hiyo kata ya Segera itapewa kipaumbele katika awamu ya pili ya ujenzi.

Kadhalika, Waziri Mkuu amemuagiza Mkuu wa wilaya ya Handeni, Godwin Gondwe ahakikishe wananchi wanaokwenda kufuata huduma za matibabu katika vituo vya afya na zahanati wanapatiwa dawa badala ya kuelekezwa kwenda kununua kwenye maduka ya watu binafsi.

Alisema Serikali imeongeza bajeti ya dawa kutoka sh. bilioni 37 hadi sh bilioni 269, hivyo hakuna sababu ya mwananchi kwenda kwenda eneo la kutolea huduma ya afya na kukosa dawa.

Pia, Waziri Mkuu alimuagiza Mkuu wa Wilaya ya Handeni ahakikishe kila kijiji kinapata huduma ya maji safi na salama kwa kusimamia uchimbaji wa visima kupitia fedha za makusanyo ya ndani.

Waziri Mkuu amesemaSerikali kupitia Kampeni ya Rais Dkt. John Magufuli ya kumtua mama ndoo kichwani, itahakikisha wananchi katika maeneo yote nchini wanapata huduma ya maji safi na salama karibu na makazi yao.

Kuhusu suala la umeme, Waziri Mkuu amesemamaeneo ya wilaya hiyo ambayo bado hayajapata umeme yote yatasambaziwa umeme kupitia Mradi wa Nishati Vijijini (REA) na wananchi hawatowajibika kulipia gharama za nguzo.

Amesema Rais Dkt. Magufuli anataka kuona nyumba ya kila Mtanzania inawaka umeme tena kwa gharama nafuu ya sh. 27,000, hivyo amewataka waendelee kuwa na imani na Serikali yao.

 (mwisho)

IMETOLEWA NA

OFISI YA WAZIRI MKUU

Read More →

Waziri Mkuu Asema Serikali imeamua kuzuia uingizwaji wa saruji kutoka nje ya nchi Ili Kulinda Viwanda Vya Ndani

WAZIRI MKUU Kassim Majaliwa amesema Serikali itaendelea kufanya kazi kwa kushirikiana na wawekezaji katika sekta mbalimbali nchini wakiwemo wenye viwanda vya kuzalisha saruji.

Amesema katika kuhakikisha inalinda viwanda vya ndani vya kuzalisha saruji Serikali imeamua kuzuia uingizwaji wa saruji kutoka nje ya nchi.

Waziri Mkuu aliyasema hayo leo(Jumanne, Machi 3, 2020) wakati akizungumza na watumishi wa kiwanda cha saruji cha Simba alipotembelea kiwanda hicho akiwa katika ziara ya kikazi mkoani Tanga.

Amesema licha ya Serikali kupata kodi kutokana na uwepo wa kiwanda hicho, pia kimesaidia katika kutatua changamoto ya ajira hususani kwa vijana.

Naye, Waziri wa Madini, Doto Biteko amesema ameupongeza uongozi wa kiwanda hicho kwa kuwa wanazingatia sheria zote za madini ukilinganisha na viwanda vingine.

Awali, Mkurugenzi Mtendaji wa kiwanda hicho, Reinhardt Swart alisema kiwanda hicho kinauwezo wa kuzalisha tani milioni 1.25 kwa mwaka lakini kutokana na mahitaji ya soko kinazalisha tani milioni 1.075 kwa mwaka.

Mkurugenzi huyo aliongeza kuwa kiwanda hicho kimeajiri jumla ya wafanyakazi 319 kati yao wazawa ni 316 na watumishi watatu ni raia ya kigeni.

Pia, Mkurugenzi huyo alitumia fursa hiyo kuishukuru Serikali ya Awamu ya Tano inayoongozwa na Rais Dkt. John Magufuli kwa kuboresha mazingira ya uwekezaji nchini.

(mwisho)

IMETOLEWA NA

OFISI YA WAZIRI MKUU

Read More →

Assistant Surveyor at TANROADS

ASSISTANT SURVEYOR   TANZANIA NATIONAL ROADS AGENCY (TANROADS) is a Semi – Autonomous Agency under the Ministry of Work, Communication and Transport established on July 1st 2000 and is responsible for the day-to-day management of the Tanzania Mainland’s Trunk and Regional roads Network. Its primary functions include the Management of Maintenance and Development Works, Operation of the Network and… Read More »

The post Assistant Surveyor at TANROADS appeared first on Udahiliportal.com.

Read More →

Ujenzi wa daraja lililokatika Barabara Kuu ya Dodoma-Morogoro Waanza Kwa Kasi.....Waziri wa Ujenzi, Naibu Wake, Mkuu wa Mkoa Wako Eneo la Tukio

Waziri wa ujenzi Mhandisi Isack Kamwelwe, naibu waziri, Elias Kwandikwa, mkuu wa mkoa wa Morogoro na viongozi wa wizara wamewasili katika eneo la Kiyegeya lilipokatika daraja kwa kazi ya kurudisha mawasiliano ya barabara kuu ya Dodoma - Morogoro.


Kazi ya matengenezo ya daraja hilo imeanza kwa kuweka vifusi na mawe huku madaraja mawili ya chuma yakiwa yanaunganishwa ili kufungwa kwenye eneo lilipokatika.

Naibu Waziri wa Ujenzi, Elias Kuandikwa amesema Serikali imejipanga kuhakikisha inafanya matengenezo kwa haraka ili mawasiliano yaweze kuendelea kwani barabara hiyo inategemewa kiuchumi si kwa mikoa ya Kanda ya Kati na ziwa pekee bali hata nchi jirani za maziwa zikiwemo Uganda, Burundi, Congo.

Amesema muda si mrefu madaraja ya chuma yatafungwa eneo hilo ili kupitisha maji na baadaye waanze kuweka mawe ya kutosha ili mawasiliano yarejee. 

Read More →

Godbless Lema Akamatwa, Apelekwa Singida akituhumiwa kutoa taarifa za Uongo

Jeshi la Polisi mkoani Singida, limethibitisha kumkamata Mbunge wa Arusha Mjini Godbless Lema kwa ajili ya mahojiano akituhumiwa kutoa taarifa zisizo sahihi zenye lengo la kulichonganisha jeshi hilo na wananchi mnamo Februari 29, 2020, wilayani Manyoni.

Kamanda wa Polisi Mkoa wa Singida, Sweetbert Njewike amesema mtuhumiwa Lema amekamatwa jana jioni mjini Arusha na kisha kusafirishwa hadi Singida mjini.

Amesema hivi karibuni Lema alipokwenda Manyoni kuhudhuria mazishi ya dereva wa boda boda Alex Joas alitumia fursa hiyo kupotosha wananchi kwamba  Jeshi la Polisi halikuchukua hatua zozote dhidi ya matukio ya mauaji ya wakazi 14 Wilaya ya Manyoni. 

Njewike amesema Lema atafikishwa mahakamani mara baada ya upelelezi kukamilika.

Read More →

Jobs at The Mott MacDonald Group – Consultants

Position: CALL FOR EXPRESSION OF INTEREST Location: Dar es salaam Employer: Cambridge Education Job Summary Cambridge Education in consortium with Mott MacDonald is seeking to recruit consultancy services for the establishment of call centre for one its donor-funded client. The consultancy should be based in Tanzania and will aim at developing a fully operational call center using whichever… Read More »

The post Jobs at The Mott MacDonald Group – Consultants appeared first on Udahiliportal.com.

Read More →

Senegal na Tunisia Zathibitisha kuwa na waathirika wa corona

Senegal na Tunisia zimethibitisha kuwa na waathirika wa corona. 

Waziri wa afya wa Senegal Bw. Abdoulaye Diouf Sarr amesema mgonjwa aliyeambukiziwa ni raia wa Ufaransa, baba wa watoto wawili, alirudi Dakar mnamo tarehe 26 mwezi Februari kutoka Paris kwa ndege ya Senegal, baada ya safari ya mapumziko kusini mwa Ufaransa.

Tarehe 28 mwezi Februari, idara ya afya ya Ufaransa iliarifiwa na zahanati binafsi kuwa mtu mmoja alionyesha dalili za COVID-19, baadaye alithibitishwa kuambukizwa COVID-19 katika Taasisi ya Pasteur mjini Dakar, lakini hali yake sio mbaya, na familia yake imewekwa kwenye karantini.

Waziri huyo amewataka raia wasichanganyikiwe, na kuchukua hatua za kujikinga zinazotangazwa na wizara ya afya.  
 
Mgonjwa aliyebainika Tunisia ni Raia wa Tunisia ambaye ametokea Italy.

Nchi zenye Watu wenye virusi hivyo kwa Afrika zimefikia tano, nyingine ni Algeria,Misri na Nigeria

Read More →

Customer Service Agent at SPENN Tanzania Limited

Position: Customer Service Agent Location: Dar es salaam Job Summary SPENN is a global Mobile Banking App developed by Blockbonds AS, a Norwegian Fintech company. Through the SPENN app, everyone can access services such as; payments to anyone, anywhere, shop in local stores, e-commerce, saving money and investment capabilities secure, instantly and free. The SPENN app is completely free… Read More »

The post Customer Service Agent at SPENN Tanzania Limited appeared first on Udahiliportal.com.

Read More →

Benjamin Netanyahu Aelekea Kushinda Uchaguzi Israel, Lakini Anaweza Asipate Viti vya Kutosha Kuunda Serikali

Chama cha Likud cha Israel kinachoongozwa na waziri mkuu Bw. Benjamin Netanyahu kimepata viti vingi kwenye uchaguzi wa bunge, lakini takwimu zinaonyesha kuwa hakikupata viti vya kutosha kuunda serikali.

Takwimu zinaonyesha kuwa Bw. Netanyahu na vyama washirika vyenye mrengo wa kulia wa uyahudi wa kihafidhina wamepata viti 60, idadi ambayo ni pungufu kwa kiti kimoja kuunda serikali ya pamoja yenye viti 120.

Kundi la vyama vya mrengo wa kati-kushoto linaloongozwa na Bw. Benny Gantz limepata viti kati ya 52-54, chama cha Likud kinachoongozwa na Bw. Netanyahu kinatarajiwa kupata viti takriban 37, na mpinzani wake wakuu chama cha "Blue and White" kinachoongozwa na Benny Gantz kimepata viti takriban 33.

Wakati huohuo, katibu mkuu wa Ofisi ya Harakati ya Ukombozi wa Palestina (PLO) Bw. Saeb Erekat amelaani uchaguzi wa Israel unaotazamiwa kuwa ni kitendo cha "kuweka makazi, kutwaa na kuleta mgawanyo".

Read More →

Jeshi la Syria ladhibiti tena Mji wa Kimkakati wa Saraqeb...Uturuki yaitishia Ulaya, Urusi yatia Neno

Vikosi vya utawala vya Syria vinadhibiti tena Saraqeb, tangu Jumatatu Machi 2. Saraqeb ni eneo la kimkakati nchini Syria. 

Rais wa Uturuki, Recep Tayyip Erdogan, anatarajiwa kuzuru Urusi, Alhamisi Machi 5.

Recep Tayyip Erdogan anatarajia kupata mkataba wa kusitisha mapigano kutoka kwa mwenzake wa Urusi Vladimir Putin. 

Recep Tayyip Erdogan anaendelea kuongeza shinikizo na kutishia kufungua mipaka yake kuwaruhusu wahamiaji na wakimbizi kutoka Syria wanaotafuta hifadhi katika nchi za Umoja wa Ulaya.

Jeshi la Syria liliingia Saraqeb Jumatatu wiki hii, eneo ambalo linapatikana kwenye karibu na barabara mbili muhimu, Kusini Mashariki mwa mji wa Idleb.

Saraqeb imedhibitiwa mara kadhaa katika wiki za hivi karibuni na vikosi vya serikali, na baadaye makundi ya waasi kwa msaada wa Uturuki wiki iliyopita na sasa hivi imerudi kudhibitiwa na vikosi vya serikali ya Bashar Al Assad.

Urusi imetangaza kwamba vitengo vya Askari jeshi la Urusi vimepelekwa Saraqeb, hali ambayo inaonyesha kuwa sasa Moscow inadhibiti eneo hilo.

Kulingana na shirika la Haki za binadamu nchini Syria, OSDH, askari zaidi ya 90 wa serikali wameuawa katika mashambulizi ya anga ya Uturuki tangu siku ya Ijumaa pamoja na wapiganaji 10 wa Hezbollah.

Mkutano kati ya marais wa Urusi na Uturuki umepangwa kufanyika Alhamisi, Machi 5 huko Moscow. Recep Tayyip Erdogan amesema atataka vita visitishwe nchini Syria.

Vladimir Putin na Recep Tayyip Erdogan wanaunga mkono pande hasimu nchini Syria.

Credit-RF/VOA

Read More →

Subcontracting Lead at Alistair Group

Subcontracting Lead Are you someone with a “hunger for growth”, a “whatever it takes mentality” and understand the advantages of a team environment and what it takes to thrive in one? Are you someone who “Questions things” and “looks for improvements”? Do you have experience in taking a fast growing business to a greater height? Then you may… Read More »

The post Subcontracting Lead at Alistair Group appeared first on Udahiliportal.com.

Read More →

Job at NBC Bank – Manager Cash

Manager Cash  NBC is the oldest serving bank in Tanzania with over five decades of experience. We offer a range of retail, business, corporate and investment banking, wealth management products and services. Job Description​ Customer relationship management: Relationship Management and Client Solutioning, Develop, manage and retain a portfolio of clients by building strong and sustainable relationships | Sales:… Read More »

The post Job at NBC Bank – Manager Cash appeared first on Udahiliportal.com.

Read More →

Vijana wa Skauti Watakiwa kuwa Mabalozi wazuri katika kutoa elimu kwa Umma juu ya madhara ya Rushwa .

Na.Faustine Gimu Galafoni,Dodoma

Vijana  wa Skauti hapa nchini wametakiwa kuwa Mabalozi wazuri katika kutoa elimu kwa Umma  juu ya madhara ya rushwa  .

Rai hiyo imetolewa jana Machi,2,2020  jijini Dodoma na Waziri wa nchi,Ofisi ya Rais ,Menejimenti ya utumishi wa Umma na Utawala bora Kapteini Mstaafu George Mkuchika wakati   wa uzinduzi wa mkakati wa kitaifa wa mapambano dhidi ya rushwa kwa kuwatumia vijana wa skauti nchini.

Kaptein Mkuchika akizungumza kwa niaba ya mgeni Rasmi katika uzinduzi huo,makamu wa Rais  Samia Suluhu,amesema rushwa inadhoofisha haki hivyo ni jukumu la kila mmoja katika mapambano hayo.

“Mapambano dhidi ya  rushwa ni jukumu letu sote tushiriki mapambano dhidi ya rushwa ,ninyi vijana wa skauti mkawe mabalozi wazuri katika kutoa elimu kwa umma”amesema.

Kwa upande wake ,Rais Mstaafu wa awamu  ya pili Ally Hassan Mwinyi ameitaka jamii kukitumia vyema Kiswahili fasaha  katika kutoa elimu juu ya madhara ya rushwa kwani rushwa ni adui wa haki.

Mskauti mkuu Tanzania Mwamtumu Mahiza amesema zaidi ya  wanafunzi milioni 10  na laki 6 wa  shule za msingi na sekondari hapa nchini  wameandaliwa kusambaza  elimu ya rushwa   ambapo matarajio ni kufikia watu milioni 40 kupata elimu hiyo.

Kaimu mkurugenzi mkuu wa TAKUKURU nchini Brigedia Jen John Mbungo  amesema Mpango wa Uzinduzi wa mkakati wa kitaifa wa mapambano dhidi ya rushwa kwa kutumia vijana wa skauti nchini  utasaidia kuongeza vijana  maaskari wa mapambano hayo katika jamii.

Waziri wa katiba na sheria Dkt.Augustine Mahiga amesema rushwa ni maradhi ambukizi na isipokomeshwa inaiva  hivyo  yake imeendelea kusimamia sheria kuhusiana na kuwabana  wala rushwa hususan kuanzisha mahakama maalum ya kupambana na Mafisadi.

Waziri wa Elimu ,Sayansi na Teknolojia Prof.Joyce Ndalichako amesema vijana hususan Shuleni wanatakiwa kuwa chachu na kufanya mabadiliko katika mapambano dhidi ya rushwa ambapo amesema wizara yake itashirikiana na TAKUKURU pamoja na Skauti Tanzania katika  kuwasimamia vijana katika mapambano hayo.

Read More →

Wananchi Watakiwa kuunga mkono juhudi za Serikali katika mapambano dhidi ya vitendo vya kikatili hasa kwa wanawake na watoto.

Na Mwandishi Wetu Tabora

Mkuu wa Mkoa wa Tabora Aggrey Mwanri amewataka wananchi wa Mkoa huo kuunga mkono juhudi za Serikali katika mapambano dhidi ya vitendo vya kikatili hasa kwa wanawake na watoto.

Mkuu wa mkoa huyo ameyasema hayo jana mkoani humo wakati akiupokea Msafara wa Kijinsia kutokomeza ukatili unaolenga kutoa elimu kwa jamii kuhusu madhara ya kufanya vitendo vya ukatili wa kijinsia kuelekea Maadhimisho ya Siku ya Wanawake Duniani yatakayofanyika Kitaifa Simiyu Machi 08, 2020.

Mwanri amesema kuwa Mkoa wa Tabora ni miongoni mwa mikoa inayoendekeza vitendo hivyo kwani kumekuwa na mimba na ndoa kwa  watoto wadogo wa kike na vilikuwa vinazidi kushamiri ila kwa kiasi kikubwa wamekabiliana navyo.

"Sisi hatuna utani na wale wanaofanya vitendo hivi nilishasema nitasukuma ndani wahusika wote watakaohusika na vitendo vya ukatili wa kijinsia" alisema

Ameongeza kuwa suala la wananchi kushiriki katika kutoa taarifa juu ya matendo ya ukatili sio suala la hiari bali ni lazima kwani vitendo hivyo vinatokea na kufanywa na wanafamilia kwa kiasi kikubwa.

“Wanaofanya vitendo hivi ni watu wa karibu na familia zetu wanawabaka na kuwalawiti watoto wetu tunanyamaza kisa ndugu haiwezekani tukaruhusu haya" alisema

Pia Mkuu wa mkoa huyo amewataka wazazi na walezi kuhakikisha wanawapeleka shule watoto wao hasa watoto wa kike ambao walisahaulika ili kuwawezesha kupata elimu itakayowasidia kuondokana na vitendo vya kikatili katika ukuaji wao na ustawi wa maisha kwa ujumla.

Msafara wa kijinsia kutokomeza ukatili wa kijinsia upo katika mzunguko ulioanzia mkoa wa Katavi, Rukwa, Songwe, Mbeya, Iringa na umefika mkoani Tabora kuelekea Shinyanga na utapokelewa mkoani Simiyu kuelekea Maadhimisho ya Siku ya Wanawake Duniani.

Read More →

Waziri Mkuu Majaliwa Asema Serikali Iko Imara Kuwahudumia Wananchi....Apiga Marufuku Watumishi wa Umma Kumaliza Wiki Wakiwa Maofisini

WAZIRI MKUU Kassim Majaliwa amesema Serikali ya Awamu ya Tano iko imara na inamipango madhubuti ya kuwahudumia na kuwatumikia Watanzania katika maeneo yote nchini.

Ili kutimiza adhima hiyo, Waziri Mkuu amepiga marufuku kitendo cha watumishi wa umma kumaliza wiki wakiwa maofisini na badala yake amewataka watumie siku nne kwenda kwa wananchi katika maeneo yao.

Waziri Mkuu aliyasema hayo jana jioni  (Jumatatu, Machi 2, 2020) wakati akizungumza na wananchi katika mkutano wa hadhara uliofanyika kwenye viwanja vya CCM Maramba wilayani ya Mkinga, Tanga.

“Ni lazima wananchi wahudumiwe wakati wote. Watumishi wa umma ni marufuku kumaliza wiki nzima mkiwa ofisi mnatakiwa kutumia siku mbili ofisini na siku nne zilizobaki nendeni mkasikilize kero za wananchi katika maeneo yao na kuzipatia ufumbuzi,”

Pia, Waziri Mkuu amewataka watumishi wa umma wahakikishe fedha zote zinazotolewa na Serikali kwa ajili ya utekelezaji wa miradi ya maendeleo zinatumika kama ilivyokusudiwa. “Fedha hizi tunazoleta ni za moto zisidokolewe zitawaunguza.”

Kufuatia changamoto ya upatikanaji wa huduma ya maji safi na salama katika wilaya ya Mkinga, Waziri Mkuu amewataka viongozi wa halmashauri ya wilaya hiyo watenge fedha za mapato ya ndani na kuanzisha miradi ya uchimbaji wa visima wakati Serikali ikiendelea kulishughulikia suala hilo.

Kadhalika, Waziri Mkuu alimuagiza Mganga Mkuu wa wilaya ya Mkinga ahakikishe wananchi wanaokwenda kufuata huduma za matibabu katika vituo vya afya na zahanati wanapatiwa dawa badala ya kuelekezwa kwenda kununua kwenye maduka.

Alisema Serikali imeongeza bajeti ya dawa kutoka sh. bilioni 37 hadi sh bilioni 269, hivyo hakuna sababu ya mwananchi kwenda kwenda eneo la kutolea huduma ya afya na kukosa dawa. “Lazima mhakikishe dawa zote zinazotakiwa zinakuwepo kwenye zahanati  na hivyo hivyo kwenye vituo vya afya na hospitali.”

Kuhusu ombi la mbunge wa Mkinga Danstan Kitandula la kutaka wananchi wapewe mashamba yasiyoendelezwa ili waweze kuyatumia katika shughuli za kilimo, Waziri Mkuu alisema atalifanyia kazi suala hilo.

Pia, Waziri Mkuu aliwataka wananchi waendelee kuiamini Serikali yao na kwamba changamoto mbalimbali zinazowakabili zikiwemo za upatikanaji wa huduma za maji, umeme na miundombinu ya barabara zitafanyiwa kazi.

Alisema Serikali ya Awamu ya Tano ina mikakati mizuri inayolenga kumaliza tatizo la upatikanaji wa maji safi na salama katika maeneo mbalimbali nchini ikiwemo na wilaya ya Mkinga ili kuwawezesha wananchi hasa wanawake kushiriki katika shughuli za maendeleo badala ya kutumia muda wao mwingi kutafuta maji.

Waziri Mkuu alisemaSerikali kupitia Kampeni ya Rais Dkt. John Magufuli ya kumtua mama ndoo kichwani, itahakikisha wananchi katika maeneo yote nchini wanapata huduma ya maji safi na salama karibu na makazi yao.

Kuhusu suala la upatikanaji wa umeme, Waziri Mkuu alisemamaeneo hayo yatasambaziwa umeme kupitia Mradi wa Nishati Vijijini (REA) na wananchi hawatowajibika kulipia gharama za nguzo wala fomu za maombi ya kuunganishiwa umeme kwani tayari gharama hizo zimeshabebwa na Serikali.

“Rais wetu Dkt. John Magufuli anataka kuona nyumba ya kila Mtanzania inapata umeme tena kwa gharama nafuu na ametenga fedha nyingi zitakazotosheleza kusambaza umeme katika vijiji vyote nchini vikiwemo na vya wilaya hii ya Mkinga. Gharama za kuunganishiwa umeme huo ni sh. 27,000 tu.”

Kabla ya kuzungumza na wananchi Waziri Mkuu alizindua miundombinu ya kituo cha afya cha Maramba ambayo ilifanyiwa ukarabati na kusema kwamba Serikali itaendelea kukiimarisha kituo hicho ili kukiboresha huduma za afya kwa wananchi.

(mwisho)

IMETOLEWA NA

OFISI YA WAZIRI MKUU

Read More →

Job Vacancies at ActionAid Tanzania

ActionAid is an international anti-poverty agency working in over 47 countries, taking sides with People living in poverty and exclusion to end poverty and injustice together. Whilst all applicants will be assessed strictly on their individual merits, qualified women are especially encouraged to apply. ActionAid started its operation in Tanzania in 1998. ActionAid Tanzania (AATZ) envisions seeing Tanzania… Read More »

The post Job Vacancies at ActionAid Tanzania appeared first on Udahiliportal.com.

Read More →