Saturday, 7 November 2015

SERIKALI YA WANAFUNZI CHUO KIKUU CHA DAR ES SALAAM (DARUSO) TAARIFA KWA UMMA KUHUSU MIKOPO KWA WANAFUNZI WA MWAKA WA KWANZA 2015/2016

Unknown 08:26:00 No comments

INNOCENT-THE BLOGGER-BOY
Ndugu wanafunzi wa mwaka wa kwanza Chuo kikuu cha Dar es Salaam,wanafunzi wa vyuo vyote nchini na watanzania kwa ujumla, serikali ya wanafunzi chuo kikuu cha Dar es salaam inapenda kuwajulisha kuwa inayo taarifa juu ya sintofahamu nzito kuhusu suala la mikopo ya wanafunzi wa elimu ya juu wa mwaka wa kwanza wa masomo 2015/2016 ambapo idadi kubwa ya wanafunzi waliodahiliwa na vyuo mbalimbali nchini wamekosa mkopo. Mfano katika chuo kikuu cha Dar es salaam ni wanafunzi 684 tu waliopata mkopo kati ya wanafunzi zaidi ya 6,000 waliodahiliwa na chuo mwaka wa masomo 2015/2016.

Kutokana na hali hiyo, serikali ya wanafunzi (DARUSO ) kwa umoja wetu kupitia wizara ya mikopo, tuliamua kuungana na kuchukua hatua za kukutana na mamlaka husika ili kuhoji na kushinikiza utolewaji wa haraka wa pesa za mikopo kwa kundi kubwa la wanafunzi wenye sifa waliokosa mkopo katika chuo kikuu cha Dar es salaam na Tanzania kwa ujumla ambapo kwa mujibu wa bodi ya mikopo (HESLB) ilionesha kuwa waliomba mkopo walifikia idadi ya wanafunzi zaidi ya 70,000 na walioonekana kuwa na sifa za kupata mkopo walikuwa 58000. Lakini katika hali ya kushtua, kushangaza na kusikitisha ni wanafuzi 12,000 pekee ndio waliokuwa wamepatiwa mkopo nchi nzima. Hivyo hatua zifuatazo zilichukuliwa ili kukabiliana na changamoto hii.

Mnamo tarehe 04/11/2014 Serikali ya wanafunzi ikiwakilishwa na kamati maalumu ya viongozi tulifika katika makao makuu ya bodi ya mikopo HESLB na kuzungumza nao kinagaubaga kuhusu uhalisia wa jambo hili na wao wakatupa majibu kuwa walipeleka maombi ya wanafinzi 58000 waliokuwa na sifa za kupata mkopo kwenda wizara ya elimu lakini cha kusikitisha ni kuwa ni wanafunzi 12,000 pekee ndio waliweza kupewa mkopo nchi nzima hivyo kuwalazimu HESLB kutoa mkopo kwa wanafunzi wachache katika kila chuo. Kutokana na majibu haya tulilazimika kuonana na katibu mkuu wa wizara ya elimu ili kujua kulikoni hali hii ikatokea.
Mnamo tarehe 06/11/2015 serikali ya wanafunzi kupitia kamati maalum tumeweza kufika wizara ya elimu na kukutana na kaimu mkurugenzi wa masuala ya elimu ya juu Dr. Mbwambo na kuzungumzia suala hili naye akatupa majibu yaliyokuwa pacha na majibu yaliyotolewa na bodi ya mikopo kuwa kulikuwa na upungufu wa fedha zinazofikia kiasi cha billion 132 ili kuwezesha wanafunzi wote nchini wenye sifa za kupata mkopo waweze kunufaika na mkopo huo, hivyo kutokana na maelezo hayo tulilazimika kuonana na katibu mkuu wa wizara ya elimu ili kuweza kujua ni hatua zipi zimechukuliwa ili kuweza kupata kiasi hicho cha fedha kilichopungua. Lakini tunasikitika kuwa hatukuweza kukutana na katibu mkuu licha ya ukweli kwamba tuliweza kuacha ujumbe wetu kwa katibu wake binafsi. Baada ya hatua hii tuliona ipo sababu pia ya kujua ni nini kinachowakwamisha hazina kutoa pesa hizo.
Hivyo siku hiyo hiyo ya tarehe 06/11/2015 tulifika katika ofisi za hazina na kuzungumza na kamishina wa bajeti nae akatuomba tumpe mda wa kufanya kikao na watendaji wa wizara ya elimu pamoja na bodi ya mikopo na akaahidi kutupa majibu kwa njia ya simu siku hiyohiyo ya tarehe 06/11/2015 mara tuu baada ya kikao.

Hivyo, waziri wa mikopo chuo kikuu cha Dar es salaam MH SHITINDI VENANCE ameweza kupokea simu ya mkononi kutoka kamishina wa bajeti nchini tarehe 06/11/2015 muda wa saa 12:25 jioni na alimpa taarifa kuwa katika kikao cha kamishna na bodi ya mikopo pamoja na wizara ya elimu wameafikiana kutoa fedha ndani ya masaa 48 kwa wanafunzi wote nchini wenye sifa na vigezo vya kupata mkopo lakini majina yao hayakuwamo katika majina yaliyokuwa yametajwa hapo awali.
Hivyo wizara ya mikopo katika selikali ya wanafunzi chuo kikuu cha Dar es salaam(DARUSO) Inapenda kuwatangazia wanafunzi wote wa mwaka wa kwanza katika chuo kikuu cha Dar es salaam na Tanzania kwa ujumla kuwa tutaendelea kusimamia kila hatua mpaka hatua ya mwisho ya mchakato huu pale pesa zenu zitakapo patikana ili muweze kuipata elimu ya chuo kikuu pasi na kikwazo chochote.

IMETOLEWA NA SERIKALI YA WANAFUNZI CHUO KIKUU CHA DAR ES SALAAM (DARUSO)
UNITY IS POWER.

Magazetini Leo Jumamosi 07/11/2015

Unknown 08:22:00 No comments

INNOCENT-THE BLOGGER-BOY

NEC Yatangaza Wabunge Viti Maalumu

Unknown 08:20:00 No comments

INNOCENT-THE BLOGGER-BOY

TUME ya Taifa ya Uchaguzi (NEC) imeteua wabunge wa Viti Maalumu na kuwasilisha orodha ya wateule hao katika vyama husika vya siasa.

Vyama ambavyo vimepata nafasi ya kuwa na wabunge hao ni vitatu ambavyo vimekidhi vigezo vya kikatiba na kisheria vya kupata angalau asilimia 5 ya kura zote halali za wabunge.

Akizungumza na waandishi wa habari jana ofisini kwake, Mwenyekiti wa NEC, Jaji Damian Lubuva, alisema vyama vilivyokidhi vigezo hivyo ni Chama Cha Mapinduzi (CCM), Chama cha Demokrasia na Maendeleo (CHADEMA) na Chama cha Wananchi (CUF).

Hata hivyo Jaji Lubuva alisema, majina ya wabunge wa Viti Maalumu yatapatikana katika vyama husika kwa mujibu wa orodha iliyowasilishwa NEC na kila chama, ili Tume ifanye uteuzi. Alisema kulingana na vigezo vya kupata kura asilimia tano, CCM imepata wabunge 64, Chadema 36 na CUF wabunge 10.

Kwa uteuzi huo, CCM iliyokuwa na wabunge wa majimbo 182, sasa inakuwa na jumla ya wabunge 246, huku Chadema yenye wabunge wa majimbo 35 ikiwa na jumla ya wabunge 71 na CUF yenye wabunge 39 wa majimbo, ikipata jumla ya wabunge 49.

ACT na NCCR-Mageuzi wamebakia na mbunge mmoja kila chama. Kwa kufuata aina ya ushirikiano wa vyama vya upinzani chini ya mwamvuli wa Umoja wa Katiba ya Wananchi (Ukawa), kambi Rasmi ya Upinzani itakuwa na jumla ya wabunge 121 sawa na asilimia 46.8.

Katika Bunge la 10, ambalo limemaliza muda wake, kulikuwa na wabunge wa majimbo 254, kati ya hao CCM ilikuwa na wabunge 186, CUF 23, Chadema 24, NCCRMageuzi wanne na UDP mmoja.

“Kigezo cha kupatikana kwa wabunge wa viti maalumu ni kura zote halali walizopata wabunge wa vyama vyote katika majimbo yaliyofanyika uchaguzi,” alisema Jaji Lubuva.

Alisema kwa mujibu wa Ibara ya 66(1)(b) na Ibara ya 78 ya Katiba ya Jamhuri ya Muungano wa Tanzania ya mwaka 1977 vikisomwa pamoja na kifungu cha 86A cha Sheria ya Taifa ya Uchaguzi Sura ya 343, Tume imepewa mamlaka ya kutangaza viti maalumu vya wabunge wanawake visivyopungua asilimia 30 ya wabunge wote.

Hata hivyo kwa mujibu wa uamuzi wa Serikali wa mwaka 2010 idadi ya wabunge wa viti maalumu iliongezwa na kufikia asilimia 40 na hivyo katika uchaguzi uliofanyika mwaka huu, idadi ya wabunge wa viti maalumu ni 113.

“Kutokana na kuwepo majimbo nane ambayo hayakufanya uchaguzi mgawanyo wa viti maalumu kwa sasa ni 110. Viti vitatu vilivyobaki, vitagawanya baada ya uchaguzi kufanyika katika majimbo hayo,” alisema Jaji Lubuva.

Jaji Lubuva alisema, pia kuna idadi ya wabunge watano ambao wanateuliwa na Baraza la Wawakilishi na hao watapatikana baada ya mchakato wa uchaguzi kukamilika. Alitaja kura halali na zilizopatikana na vyama vyao ni CCM kura 8,333,953, Chadema 4,627,923 na CUF 1, 257,051, ambazo zimetumika kupata wabunge hao wa viti maalumu.

Polisi Yawahoji Tena Watumishi 38 LHRC

Unknown 08:20:00 No comments

INNOCENT-THE BLOGGER-BOY

JESHI la Polisi Kanda Maalumu ya Dar es Salaam, limekitaka Kituo cha Sheria na Haki za Binadamu (LHRC) kuwa watulivu na kusubiri jeshi hilo likamilishe upelelezi wake juu ya tuhuma za watumishi wake kukusanya na kusambaza taarifa zisizo sahihi wakati wa uchaguzi mkuu uliofanyika hivi karibuni.

Hayo yalisemwa jana Dar es Salaam na Kamishna wa Polisi wa Kanda Maalumu Suleiman Kova wakati akizungumza na waandishi wa habari baada ya jana kuwahoji kwa mara ya pili viongozi na wafanyakazi 38 wa kituo hicho wanaotuhumiwa kukusanya na kusambaza taarifa zisizo sahihi kinyume na sheria ya udhibiti wa makosa ya mtandao.

“Lazima watulie na kuliachia jeshi kuendelea na upelelezi wake na ukikamilika upelelezi basi jalada litapelekwa kwa mwanasheria wa serikali na mpaka kufikia Jumatatu ijayo tutajua hatima ya watuhumiwa pamoja na vielelezo vyao,” alisema Kova.

Aliongeza kuwa, katika mahojiano ya awali ilibainika kituo hicho kilichopo Mbezi Beach kilipewa kazi na Tume ya Taifa ya Uchaguzi (NEC) kuwa waangalizi wa ndani wa uchaguzi na kupewa masharti ya namna ya kutekeleza kazi hiyo ikiwa ni pamoja na kutokutoa maoni na taarifa yoyote kwa vyombo vya habari au umma juu ya mchakato wa uchaguzi wakati wa upigaji kura ukiendelea.

“Kwa sababu hizo sasa tumeendelea kuwahoji ili watoe ufafanuzi kutokana na yale yaliyogundulika na jeshi letu kwamba ni kinyume cha sheria za mtandao pamoja na sheria ya uchaguzi kanuni na maelekezo ya NEC kwa waangalizi wa uchaguzi wa ndani na nje,” alisema Kova.

Aidha, alisema jeshi hilo kupitia Kitengo cha Sayansi ya Uchunguzi wa Makosa ya Jinai kimegundua kuna makosa ya jinai yaliyotendeka kupitia mitandao mbalimbali ya kijamii nchini sambamba na hilo pia zipo tuhuma kwamba kituo hicho kilikiuka sheria ya uchaguzi pamoja na maelekezo ya NEC ya mwaka 2015 kuhusu maelekezo na masharti waliyopewa waangalizi wa ndani na nje ambavyo vinazungumzia kuheshimu na kutii sheria za Tanzania.

Hata hivyo, Mkurugenzi wa LHRC, Dk Hellen Kijo-Bisimba amelitaka jeshi hilo kuharakisha upelelezi wake kwani vifaa vilivyochukuliwa vina kazi muhimu za taasisi yao na kwamba wanapaswa kutoa taarifa kwa yale waliyoyafanya katika kipindi chote cha uchaguzi.

HII NDIO LIST YA WABUNGE WA VITI MAAALUMU CCM, CDM, CUF,

Unknown 08:19:00 No comments

INNOCENT-THE BLOGGER-BOY

Serikali YASITISHA Matumizi ya Picha Rasmi ya Rais Magufuli

Unknown 08:17:00 No comments

INNOCENT-THE BLOGGER-BOY

Serikali inapenda kuzitaarifu ofisi za umma na wananchi kwa ujumla kwamba imesitisha matumizi ya picha ya Rais wa Jamhuri ya Muungano wa Tanzania wa Serikali ya Awamu ya Tano, Mhe.Dkt. John Pombe Joseph Magufuli mpaka hapo itakapotangazwa tena.

Awali majira ya saa 6: 00 mchana leo Novemba 6, mwaka huu Serikali ilitangaza kuhusu kuanza rasmi kwa matumizi ya picha ya Rais, ambayo ilikuwa ikiuzwa kwa gharama ya Shilingi Elfu Kumi na Tano tu (15,000/=).

Aidha, Serikali imesema kwamba itazitangazia ofisi hizo na umma wa Watanzania kuhusu kuanza tena kwa matumizi ya picha hiyo hapo baadae.

Imetolewa na

IDARA YA HABARI.

Novemba 6, mwaka 2015

CONTINUE STUDENTS LOAN ALLOCATION SAUT MWANZA 2015-2016

Unknown 12:56:00 No comments

INNOCENT-THE BLOGGER-BOY
logo

CONTINUE STUDENTS LOAN ALLOCATION SAUT MWANZA 2015-2016

HAYA HAPA MAJINA AWAMU YA NNE (4TH BATCH) YA WANAFUNZI WALIOCHAGULIWA SUA 2015/2016

Unknown 12:52:00 No comments

INNOCENT-THE BLOGGER-BOY

Additional of Fourth batch selected students 2015-2016

The following is the additional list of the selected students to join undergraduate degree programmes for the 2015/2016 academic year which starts on the 2nd November, 2015

HAYA HAPA MAJINA AWAMU YA 5 WALIOCHAGULIWA ST.JOHN UNIVERSITY 2015/2016

Unknown 12:51:00 No comments

INNOCENT-THE BLOGGER-BOY

5^th Batch of Selected Students to join with Bachelor Degree at SJUT 2015/2016

HAYA HAPA MAJINA YA WANAFUNZI WALIOPATA MKOPO SAUT 2015/2016

Unknown 12:50:00 No comments

INNOCENT-THE BLOGGER-BOY

>>CLICK HERE TO SEE NAMES>>

TCU YATOA TANGAZO KWA WANAFUNZI WANAOTAKA KUHAMA VYUO VIKUU 2015/2016

Unknown 12:49:00 No comments

INNOCENT-THE BLOGGER-BOY

Tanzania Commission for Universities Form six students’ transfer procedures for 2015-2016 academic year 1. Introduction After the release of names of students selected for admission into various higher education institutions in the 2015/2016 academic year, TCU has been receiving enquiries from a large number of applicants seeking to transfer from one institution to another. For this reason, TCU hereby announces the transfer procedures for the academic year 2015/2016.

2. Things to observe

Students selected for this academic year and wishing to transfer from one institution to another should apply through the Central Admission System (CAS). These students should also observe that: (a) A non-refundable transfer fee of Tshs 30,000/- will be required, (b) Transfers will depend on the applicants’ possession of relevant admission qualifications and availability of admission slots in the programme that one wishes to transfer to, (c) Transfers will be on merit basis and those applying for transfer will compete for available slots in the programmes of their choice, and (d) The names of successfully transferred students will be posted on the TCU website and these students will be notified through their mobile numbers.

3. How to pay transfer fee

Transfer fee shall be paid through M-Pesa, Tigo-Pesa and Max-Malipo. Click here to view payment procedures... 4. How to transfer (a) Applicants should first login into Central Admission System. (b) Click on View Possible Transfer Programmes. Then a list of programmes with available slots will open. Please note that for each programme the following information will be displayed: - Programme name, - Institution, - Cut-off points for the respective programme, - Number of vacant slots, - “View Details” link, - “Check Eligibility” link. (c) If the applicant wishes to proceed with the transfer then one should pay a nonrefundable transfer fee of Tsh. 30,000/= through the prescribed payment method. (d) Having paid for the transfer, the applicant should click on “Apply for Transfer”, then a form will open where the payment identification or voucher number can be entered. (e) Having entered the payment identification number, the applicant should click the “Select Transfer Programme” link then choose a programme that one wishes to transfer to. 5. Deadline for transfers The deadline for transfers is 2nd December 2015. Transfers done after this date will not be processed by the system. 6. Other transfers Please note that those wishing to transfer from one programme to another in the same institutions should consult their respective institutions for procedures. Also note that students with diploma qualifications should consult NACTE for their transfer procedures. Issued by Executive Secretary, Tanzania Commission for Universities (TCU), 4 th November 2015.

Kikwete Aaga Kwa Kusamehe Wafungwa 4,160

Unknown 12:47:00 No comments

INNOCENT-THE BLOGGER-BOY

RAIS mstaafu wa Serikali ya Awamu ya Nne, Jakaya Kikwete ametoa msamaha kwa wafungwa 4,160 katika kuaga na kukabidhi madaraka ya Serikali kwa Rais wa Awamu ya Tano, Dk John Magufuli.

Dk Magufuli aliapishwa jana kuwa Rais wa Tano wa Tanzania katika sherehe zilizofana kwenye Uwanja wa Uhuru, Dar es Salaam huku Kikwete akimaliza miaka yake 10 ya kuongoza nchi kama ilivyoelekezwa na Katiba.

Kwa mujibu wa taarifa iliyotolewa na Waziri wa Mambo ya Ndani ya Nchi, Mathias Chikawe kwa vyombo vya habari jana Dar es Salaam, kati ya wafungwa hao, wafungwa 867 wataachiwa huru na wafungwa 3,293 watapunguziwa vifungo vyao na kubaki gerezani wakitumikia sehemu ya vifungo vyao vilivyobaki.

“Ni mategemeo ya Serikali kwamba wafungwa watakaoachiwa huru watarejea katika jamii kushirikiana na wananchi wenzao katika ujenzi wa Taifa na watajiepusha na utendaji makosa ili wasirejee tena gerezani,” alisema Chikawe katika taarifa hiyo.

Chikawe aliwataja walionufaika na msamaha huo kuwa ni wafungwa wote wapunguziwe moja ya sita ya vifungo vyao zaidi ya punguzo la kawaida linalotolewa chini ya Kifungu cha 49(1) cha Sheria ya Magereza Sura ya 58 isipokuwa wafungwa walioorodheshwa katika ibara ya 1 (i-xix).

Aliwataja wengine kuwa ni wafungwa wagonjwa wenye magonjwa kama Ukimwi, kifua kikuu, saratani ambao wako kwenye hatua ya mwisho ambao watathibitishwa na waganga chini ya Mganga mkuu wa mkoa au wilaya.

Pia wazee wenye umri zaidi ya miaka 70, wafungwa wa kike walioingia na mimba gerezani na walioingia na watoto wanaonyonya na wasionyonya na walemavu wa mwili na akili na ulemavu huo uthibitishwe na jopo la waganga.

Kwa mujibu wa Chikawe, msamaha hautawahusu wafungwa wenye adhabu za kunyongwa, waliohukumiwa kunyongwa na adhabu hiyo baadaye kubadilishwa kuwa kifungo cha maishaau kifungo gerezani.

Wengine ni wafungwa waliotumikia kifungo kwa makosa ya usafirishaji na utumiaji wa dawa za kulevya, makosa yanayohusu uombaji, upokeaji na utoaji rushwa, unyang’anyi na kujaribu kutenda makosa hayo, kubaka, kulawiti au kujaribu kutenda makosa hayo.

Aidha, makosa mengine ambayo vifungo vyake haviko kwenye msamaha huo ni makosa ya kuwapa mimba wanafunzi, wizi wa magari, pikipiki au kujaribu kutenda makosa hayo, matumizi mabaya ya madaraka, waliowahi kupunguziwa vifungo na Rais.

“Wengine ni waliopatikana na hatia kwa kuwazuia watoto kupata masomo, utekaji watoto, usafirishaji binadamu, ukatili dhidi ya albino, usafirishaji nyara za Serikali na ujangili,”ilisema sehemu ya taarifa hiyo.

Mengine ni wanaotumikia vifungo kwa makosa ya wizi na ubadhirifu wa fedha za Serikali, kutoroka au kujaribu kutoroka wakiwa chini ya ulinzi halali na wafungwa wanaotumikia vifungo chini ya Sheria ya Bodi ya Parole Sheria Namba 25 ya Mwaka 1994 ya Sheria ya Huduma kwa Jamii Namba 6 ya Mwaka 2002