NI LAZIMA TULINDE RASILIMALI ZETU ZA UVUVI KWA WIVU MKUBWA- DKT. KIJAJI

Waziri wa Mifugo na Uvuvi Mhe. Dkt. Ashatu Kijaji (katikati) akiangalia kifungashio cha samaki wanaochakatwa kwenye kiwanda cha "Pride of Nile PVT" kilichopo Wilaya ya Muleba mkoani Kagera mara baada ya kufika hapo Disemba 23, 2024. Wengine pichani ni viongozi alioambatana nao kwenye ziara hiyo na wafanyakazi wa kiwanda hicho.

Waziri wa Mifugo na Uvuvi Mhe. Dkt. Ashatu Kijaji (katikati) akiangalia moja ya minofu ya Sangara inayopatikana kwenye kiwanda cha Kuchakata Samaki cha "Pride of Nile PVT" kilichopo Wilaya ya Muleba mkoani Kagera mara baada ya kufika hapo Disemba 23, 2024. Wengine pichani ni wafanyakazi wa kiwanda hicho.

Mkurugenzi wa Kiwanda cha kuchakata samaki cha "The pride of Nile PVT" kilichopo Wilayani Muleba mkoa wa Kagera Bw. Manoj Manoharan (kushoto) akieleza yanayofanywa na kiwanda chake kwa Waziri wa Mifugo na Uvuvi Mhe. Dkt. Ashatu Kijaji na timu yake ya Viongozi na Watendaji wa Wizara hiyo (kulia) walipotembelea hapo Disemba 23, 2024.

Mkurugenzi wa Kiwanda cha kuchakata samaki cha "The pride of Nile PVT" kilichopo Wilayani Muleba mkoa wa Kagera Bw. Manoj Manoharan (kulia) akimuonesha Waziri wa Mifugo na Uvuvi Mhe. Dkt. Ashatu Kijaji na timu yake ya Viongozi na Watendaji wa Wizara hiyo (kushoto) ramani ya kiwanda hicho wakati wa ziara yake hapo Disemba 23, 2024.

****

Waziri wa Mifugo na Uvuvi, Mhe. Dkt. Ashatu Kijaji (Mb), ametoa wito kwa Watanzania, hususan wale wanaojihusisha na shughuli za uvuvi kulinda rasilimali hizo za asili ili kuwahakikishia wananchi kukuza uchumi wao kwa misingi endelevu na kuwahakikishia upatikanaji wa malighafi (samaki) wawekezaji wa sekta binfasi waliowekeza kwenye viwanda vya kuchakata samaki na mnyororo wake wa thamani ili kukidhi uwezo wa viwanda hivyo.

Mhe. Dkt. Kijaji ameyasema hayo Disemba 23, 2024 alipotembelea kiwanda cha kuchakata samaki cha Pride of Nile PVT Ltd kilichopo katika Wilaya ya Muleba, Mkoani Kagera ambapo amebainisha kuwa uwekezaji huo ni matunda yanayotokana juhudi za Serikali ya Mhe. Dkt. Samia Suluhu Hassan, Rais wa Jamhuri ya Muungano wa Tanzania, za kuimarisha mazingira bora na wezeshi sambamba na kuhamasisha sekta binafsi kupanua wigo wa kuongeza thamani ya mazao ghafi ya sekta za uzalishaji, ikiwemo uvuvi.

"Jukumu letu kama Watanzania kwa sasa ni kuzilinda rasilimali hizi za asili kwa wivu mkubwa sana kwa sababu mbali na kutupatia ajira na kipato kwa mtu mmoja mmoja, pia rasilimali hizi zinanufaisha uchumi wa nchi kwa ujumla"

Aidha, Mhe. Dkt. Kijaji ametoa rai kwa wananchi kuongeza nguvu kwenye ufugaji samaki kwa njia ya vizimba ili kupumzisha shughuli za uvuvi wa asili na kuwapatia nafasi samaki wa asili (wild fish) wazaliane vya kutosha, sambamba na kumuelekeza Katibu Mkuu wa Wizara ya Mifugo na Uvuvi kuongeza kasi ya uhamaishaji wa ufugaji wa samaki kwa vizimba.

Kwa upande wake Mkuu wa Wilaya ya Muleba, Mhe. Dkt. Abel Nyamahanga, amesema kuwa asilimia 70 ya eneo la Wilaya hiyo limezungukwa na maji ya Ziwa Victoria na hivyo kufanya sehemu kubwa ya wakazi wa Wilaya ya Muleba kuwa wavuvi jambo linalowafanya kuwa na kila sababu ya kulinda rasilimali za Ziwa hilo kwa nguvu kubwa.

Akisoma taarifa ya mchango wa kiwanda chao kwenye soko la ajira, Meneja Ubora wa kiwanda hicho, Bw. Hamza Mustapha amesema kuwa kiwanda hicho kimefanikiwa kuajiri Watanzania 125 ambapo pia wanachangia uchumi wa Taifa kwa kulipa mrabaha na kodi mbalimbali za Serikali. Vile vile, Bw. Hamza alibainisha kuwa upatikanaji mdogo wa malighafi (samaki aina ya sangara) unapelekea kiwanda hicho kutumia chini ya asilimia 50 ya uwezo wake uliosimikwa na hivyo kuiomba Wizara kuja na mkakati shirikishi wa kuhakikisha kunapatikana sangara wa kutosha kwa ajili ya kulisha viwanda ili kukuza mauzo nje na kuliingizia Taifa fedha za kigeni.

Awamu ya kwanza ya ziara ya Mhe. Dkt. Kijaji kwenye Mikoa ya Kanda ya Ziwa (Mara, Mwanza, na Kagera) ambayo ililenga kufuatilia ufanisi wa sekta, kusikiliza na kupokea changamoto na mapendekezo ya wadau, kuzindua viwanda vya samaki, kuzindua uvunaji wa samaki wafugwao kwa njia ya vizimba kupitia program ya jenga kesho iliyo bora (BBT Life), na kufungua fursa mbalimba zilizopo kwenye sekta ya uvuvi kupitia viwanda vya kuchakata samaki  na ukuzaji viumbe maji  (hususani samaki aina ya sato) imehitimishwa leo tarehe Desemba 23, 2024 ambapo anatarajia kufanya awamu ya pili ya ziara hiyo mapema mwezi Januari 2025.

Read More →

TRA TANGA YAJIVUNIA KUKUSANYA BILIONI 153.6 JULAI - NOVEMBA 2024

Na Hadija Bagasha - Tanga

Mamlaka ya ukusanyaji wa Mapato Tanzania TRA Mkoa Tanga imejivunia kukusanya kiasi cha bilioni 153.6 mwaka huu kwa mwezi Julai  hadi mwezi Novemba tofauti na kiwango cha bilioni 78 walichokusanya mwaka jana ndani ya kipindi hicho.

Makusanyo ya kiasi cha shilingi bilioni 153, ni kati ya mambo ambayo Mamlaka ya Ukusanyaji wa Mapato TRA Mkoa wa Tanga inajivunia ikiwa na wateja wao mwaka huu.

Akizungumza wakati wa ziara yao kutembelea wafanyabiashara mbalimbali Jijini Tanga Meneja wa TRA Mkoa Tanga Thomas Masese amesema mwaka 2024 umeanza kwa mafanikio makubwa katika ukusanyaji wa mapato ambapo kuanzia mwezi julai hadi Novemba wamevuka matarajio ya ukusanyaji ikilinganishwa na kipindi kama hicho mwaka jana.

 “Kwa mikezi mitano hii ya mwanzo kuanzia mwezi julai 2024 mpaka mwezi Novemba tulikuwa na lengo la kukusanya bilioni 131.6 lakini tumekusanya bilioni 153.6 sawa na ufanisi wa asilimia 117,

“Tukitaka kujilinganisha na mwaka jana katika kipindi kama hiki tulikuwa na lengo la kukusanya bilioni 88 tukakusanya bilioni 78 sawa na ufanisi wa asilimia 85 hivyo toka mwaka jana tulipokusanya bilioni 78, mwaka huu tumekusanya bilioni 153 ni ongezeko la takribani asilimia 196.”alisisitiza Meneja Masese.

Wateja waliotembelewa na Mamlaka hiyo wameahidi kuendelea kutoa ushirikiano ,na kuongeza kasi ya ulipaji wa kodi kwa maendeo ya nchi yao huku wakilaani baadhi ya wafanyabiashara wanaokwepa kupila kodi.

“Tunawashukuru TRA kwa kututembelea na kutuona ni walipaji wazuri wa kodi lakini sio tu walipaji wazuri wa kodi lakini tumekuwa mabalozi wazuri mwanzo ilikuwa tukiona TRA tunakimbia lakini sasa wamekuwa ni marafiki zetu nah ii ni kutokana na mahusiano mazuri waliyo nayo kwetu chini ya Meneja Masese aliyepo sasa,”alisisitiza mmoja wa wafanyabiashara hao.

Mamlaka hiyo imeitaka jamii kujenga utamaduni wa kudai risiti mara wanapofanya biashara,ikiamini kama jamii itaimarisha utamaduni wa aina hiyo ,ongezeko la makusanyo mwaka huu yanaweza kuongezeka mara dufu hapo mwakani .

Read More →

RC KAGERA ATOA TAHADHARI KUELEKEA SIKUKUU YA KRISMASI NA MWAKA MPYA

Na Lydia Lugakila -Bukoba.

Mkuu wa Mkoa wa Kagera Mhe. Hajjat Fatma Mwassa amewatahadhalisha Wananchi Mkoani Kagera kujiepusha na na matumizi ya vilevi haswa madreva wawapo barabarani ili kuepuka ajali ambazo zinapoteza uhai wa Watanzania.

Mwassa ametoa Kauli hiyo Desemba 22, 2024 katika kikao na waandishi wa habari kilichofanyika katika Ofisi za Mkoa huo.

Amesema kuwa ulevi kwa asilimia kubwa unasababusha ajali hivyo watumiaji wa vyombo vya moto wahakikishe waendeshe kwa umakini ili waepuke ajali zinazoweza kujitokeza.

"Tunaposherehekea siku kuu hizi za Christmas na Mwaka mpya tujiepushe na yote yanayoweza kutugharimu pia wazazi tuwaangalie watoto wasitembee wenyewe barabarani kwani ajali ni nyingi lakini msiwaruhusu kwenda fukwe za bahari bila uangalifu" alisema Mwassa.

Alisema kuwa Mkoa ulimpoteza mtoto hivi karibuni baada ya kuzama ziwani hivyo sehemu zote za hatari wasipelekwe watoto kucheza.

Aidha aliongeza kuwa katika siku kuu hizo ni vyema watoto wakapelekwa katika maeneo yanayotambuliwa kwa michezo yao.

Mwassa pia alitumia fursa hiyo kuwaomba wazazi kutowapeleka watoto katika maeneo ya baa ili kulinda ustawi na makuzi.

Hata hivyo alieleza kusikitishwa na ajali iliyotokea Wilayani Biharamulo Mkoani humo iliyosababisha watu 11 kufariki dunia na wengine 16 kujeruhiwa ikiwa siku za hivi karibuni pia kumetokea ajali mbaya katika Wilaya ya Karagwe na kusababisha vifo na majeruhi ambapo pia aliwapa pole Watanzania na wanakagera kutokana na majonzi hayo.

Read More →

JESHI LA POLISI LATAKA WANANCHI KUONGEZA TAHADHARI MSIMU HUU WA SIKUKUU

Kamanda wa Polisi Mkoa wa Shinyanga, SACP Janeth Magomi akizungumza na waandishi wa habari leo Desemba 23,2024

Kamanda wa Polisi Mkoa wa Shinyanga, SACP Janeth Magomi akizungumza na waandishi wa habari leo Desemba 23,2024.

Na Kadama Malunde - Malunde 1 blog

Jeshi la Polisi Mkoa wa Shinyanga linahamasisha wananchi kutoa taarifa za uhalifu na wahalifu msimu huu wa sikukuu za Krismasi na Mwaka Mpya, ili kuimarisha usalama katika jamii.

Akizungumza na waandishi wa habari leo Desemba 23,2024 Kamanda wa Polisi Mkoa wa Shinyanga, SACP Janeth Magomi, amesisitiza kuwa ushirikiano wa wananchi na vyombo vya usalama ni muhimu katika kupambana na uhalifu na kuhakikisha kuwa mazingira ya sherehe yanakuwa salama kwa kila mmoja. 

Ameongeza kuwa katika kipindi hiki cha sikukuu, kuna hatari ya wahalifu kutumia fursa ya msimu huu kufanya uhalifu, hivyo ni muhimu kila mtu kuwa macho na kutoa taarifa kwa wakati.

Kamanda Magomi ametoa wito kwa wananchi kuendelea kutoa ushirikiano kwa kutoa taarifa za uhalifu na wahalifu, na pia amekumbusha wazazi na walezi kuwa makini na watoto wao katika kipindi hiki cha sikukuu za Krismasi na Mwaka Mpya, ili kuhakikisha kuwa usalama unadumishwa na kila mmoja anapata fursa ya kufurahi na kusherehekea kwa amani.

Katika hatua nyingine, Kamanda Magomi ameeleza mafanikio ya misako na operesheni mbalimbali zilizofanyika kuanzia Novemba 27, 2024 hadi Disemba 22, 2024, ambapo Jeshi la Polisi limefanikiwa kukamata wahalifu na vielelezo mbalimbali, ikiwa ni pamoja na silaha aina ya Gobore, madini bandia, pombe ya moshi, na pikipiki.

 Katika operesheni hiyo, watuhumiwa 81 walikamatwa na vifaa mbalimbali vilivyohusiana na uhalifu, ikiwa ni pamoja na madini bandia gramu 250 yadhaniwayo kuwa ni Dhahabu, Bhangi gramu elfu 9, Mirungi bunda 09, Pombe ya moshi lita 113, Sola panel 07, Betri 04 za Sola, Pikipiki 11, Kadi 03 za Pikipiki, Antena 04 za ving'amuzi, Simu 03, Redio 02, Baiskeli 02, Mashine ya Bonanza 01, Kamera 01, na Mitambo 04 ya kutengeneza pombe ya moshi.

Kamanda Magomi pia ametangaza mafanikio ya kesi mahakamani, ambapo jumla ya kesi 18 zimepata mafanikio, na washitakiwa wameshapatikana na adhabu mbalimbali, ikiwa ni pamoja na kifungo cha maisha jela kwa washitakiwa wanne wa unyang'anyi wa kutumia silaha.

 Aidha, kesi nyingine zimehusisha makosa ya kubaka, kumlawiti, kumiliki nyara za serikali kinyume na sheria, dawa za kulevya, wizi, na uvunjaji wa nyumba, ambapo washitakiwa wamehukumiwa kifungo cha kati ya miezi mitatu hadi miaka 30 jela.

Kwa upande wa operesheni za usalama barabarani, Jeshi la Polisi Mkoa wa Shinyanga limefanikiwa kukamata jumla ya makosa 5,376, ambapo makosa ya magari yalikuwa 3,767 na makosa ya bajaji na pikipiki yalikuwa 1,609. 

Wahusika walilipa faini za papo kwa hapo. 

Jeshi la Polisi pia limeendelea kutoa elimu kwa jamii kuhusu kupinga ukatili wa kijinsia, ulinzi shirikishi, na usalama barabarani, na limezindua kampeni ya siku 16 za kupinga ukatili wa kijinsia.

Kamanda wa Polisi Mkoa wa Shinyanga, SACP Janeth Magomi akizungumza na waandishi wa habari leo Desemba 23,2024

Read More →

HAYA HAPA MAGAZETI YA LEO JUMATATU DESEMBA 23, 2024

Read More →

KAMPENI YA SELEBRETIKA KIJAMUKAYA YA JAMBO GROUP YAFIKIA KITUO CHA AFYA KAMBARAGE...WAZAZI WAPEWA ZAWADI KUFURAHIA LADHA YA SIKUKUU!

Na Kadama Malunde - Malunde 1 blog

Kampeni ya Selebretika Kijamukaya 'Sisi Ndio Sikukuu Yenyewe' inayoendeshwa na Kampuni ya Jambo Group Msimu huu wa Sikukuu imezinduliwa rasmi na sasa imefika katika Kituo cha Afya Kambarage kilichopo Manispaa ya Shinyanga. 

Katika hatua hiyo, akina mama wajawazito na waliojifungua wamefikiwa na kufurahia bidhaa maalumu za Jambo, ikiwa ni pamoja na biskuti na vinywaji vyenye chapa au logo maalum ya Jambo Msimu wa Sikukuu, vyote vikiwa na ladha ya sikukuu ya Krismasi na Mwaka Mpya 2025.

Kampeni hii ilizinduliwa rasmi Desemba 21, 2024, kwenye Ofisi za Jambo Media zilizopo Ibadakuli Mjini Shinyanga.

Kiongozi Mkuu wa Jambo Media na Kiongozi wa Ubunifu na Chapa wa Kampuni ya Jambo Group, Nickson George, amesema kampeni hiyo ni sehemu ya juhudi za kuwafikia wateja na watumiaji wa bidhaa za kampuni hiyo, ili waweze kufurahia bidhaa za Jambo na familia zao wakati wa msimu wa sikukuu.

“Lengo letu ni kuleta furaha na ladha ya Jamukaya kwa familia nyumbani, hivyo tumekuja na vinywaji maalumu vyenye logo maalum ili kufanya sikukuu iwe tamu zaidi. Vinywaji vyetu pia ni vya manufaa kwa afya, kwa sababu vina sukari rafiki kwa wale wanaochangia damu,” amesema George.

Kiongozi Mkuu wa Jambo Media na Kiongozi wa Ubunifu na Chapa wa Kampuni ya Jambo Group, Nickson George (kushoto) akizungumza wakati akikabidhi bidhaa maalum za Jambo Group Msimu wa Sikukuu katika Kituo cha Afya Kambarage Manispaa ya Shinyanga

Ameeleza kuwa baadhi ya vinywaji vya kampuni hiyo vitahifadhiwa kwenye benki ya damu ya Kituo hicho cha afya, na kwamba wananchi watakaohudhuria kutoa damu watapewa vinywaji hivyo kama sehemu ya mchango wao katika kuokoa uhai. 

Amesisitiza kuwa vinywaji vya Jambo, ambavyo vimebeba ladha ya Sikukuu, vitakuwa na manufaa kwa watu wote, hasa wale watakaoshiriki katika michango ya damu, kwani vina sukari rafiki kwa afya na vinasaidia kuongeza nguvu.

Amefafanua kuwa, Kampeni ya Selebretika Kijamukaya inalenga kuhamasisha jamii kufurahia bidhaa za Jambo na kusaidia kuokoa maisha kwa kuchangia damu wakati wa msimu wa sikukuu.

“Mwenyekiti wa Kampuni za Jambo Salum Khamis hakuanzisha kampuni hizi kwa ajili ya kupata faida tu,bali ni kugusa pia maisha ya watu,na ndiyo maana leo tumeamua kuleta furaha kwa wagonjwa na watumishi wa kituo hiki cha Afya Kambarage kwa kuwapatia vinywaji na biskuti zenye chapa ya Selebretika Kijamukaya kwa ajili ya kufurahia msimu wa sikukuu,”ameongeza George.

Ameongeza kuwa ili familia iweze kufurahia sikukuu ipasavyo, bidhaa za Jambo zinapaswa kuwa sehemu ya meza ya chakula kila siku: Asubuhi ukiamka, vitafunwa vya Jambo, maji ya Jambo, juisi za Jambo, biskuti za Jambo, Ice Cream za Jambo - bidhaa hizi zitafanya sikukuu iwe yenye ladha ya kipekee.

 Kampeni ya Selebretika Kijamukaya inaendelea kuhamasisha watu kufurahia bidhaa za Jambo wakati wa msimu wa sikukuu na kuhakikisha kuwa nyumbani kunakuwa na ladha ya Jambo muda wote.

Mganga Mfawidhi wa Kituo cha Afya Kambarage, Ernest Magula, pamoja na Mwenyekiti wa Bodi ya Usimamizi wa Kituo hicho, Adolf Nsanzungwanko, wameishukuru Kampuni ya Jambo Group kwa kutoa zawadi za Sikukuu kwa wagonjwa, wakiwemo akina mama wajawazito na waliojifungua katika msimu huu wa Krismasi na Mwaka Mpya.

Magula na Nsanzungwanko wameeleza kuwa zawadi hizo zimeleta faraja kwa wagonjwa, huku wakisisitiza umuhimu wa ushirikiano na wadau wengine ili kuendelea kusaidia katika kuboresha huduma za afya. 

Wamesema changamoto zinazokikabili kituo hicho ni pamoja na upungufu wa damu salama na ukosefu wa uzio wa kuimarisha usalama.

Kwa upande wao, akina mama waliokutwa katika wodi ya wazazi, akiwemo Fortunatha Athanas na Juliana Shija, wameishukuru Kampuni ya Jambo Group kwa kutoa zawadi hizo za Sikukuu, huku wakiipongeza kwa ubunifu wake. 

Wamesisitiza kuwa watendelea kutumia bidhaa za Jambo hata majumbani mwao kwa sababu wanaziamini na kuzithamini.

Kiongozi Mkuu wa Jambo Media na Kiongozi wa Ubunifu na Chapa wa Kampuni ya Jambo Group, Nickson George (katikati) akizungumza katika Kituo cha Afya Kambarage Manispaa ya Shinyanga leo Desemba 22,2024 wakati akikabidhi bidhaa maalum za Jambo Group Msimu wa Sikukuu kwa ajili ya akina mama wajawazito na waliojifungua katika kituo hicho cha afya - Picha na Kadama Malunde - Malunde 1 blog

Kiongozi Mkuu wa Jambo Media na Kiongozi wa Ubunifu na Chapa wa Kampuni ya Jambo Group, Nickson George (wa pili kushoto) akizungumza wakati akikabidhi bidhaa maalum za Jambo Group Msimu wa Sikukuu kwa ajili ya akina mama wajawazito na waliojifungua katika Kituo cha Afya Kambarage Manispaa ya Shinyanga

Kiongozi Mkuu wa Jambo Media na Kiongozi wa Ubunifu na Chapa wa Kampuni ya Jambo Group, Nickson George (wa pili kushoto) akikabidhi bidhaa maalum za Jambo Group Msimu wa Sikukuu kwa ajili ya akina mama wajawazito na waliojifungua katika Kituo cha Afya Kambarage Manispaa ya Shinyanga

Kiongozi Mkuu wa Jambo Media na Kiongozi wa Ubunifu na Chapa wa Kampuni ya Jambo Group, Nickson George (wa pili kushoto) akikabidhi bidhaa maalum za Jambo Group Msimu wa Sikukuu kwa ajili ya akina mama wajawazito na waliojifungua katika Kituo cha Afya Kambarage Manispaa ya Shinyanga

Sehemu ya bidhaa za Jambo Group zenye chapa/logo ya Jambo zilizokabidhiwa na Jambo Group kwa akina mama wajawazito na waliojifungua katika Kituo cha Afya Kambarage Manispaa ya Shinyanga

Kiongozi Mkuu wa Jambo Media na Kiongozi wa Ubunifu na Chapa wa Kampuni ya Jambo Group, Nickson George akikabidhi bidhaa  maalum za Jambo Group  msimu wa sikukuu kwa mmoja wa akina mama katika Kituo cha Afya Kambarage Manispaa ya Shinyanga

Kiongozi Mkuu wa Jambo Media na Kiongozi wa Ubunifu na Chapa wa Kampuni ya Jambo Group, Nickson George akikabidhi bidhaa  maalum za Jambo Group  msimu wa sikukuu kwa mmoja wa akina mama katika Kituo cha Afya Kambarage Manispaa ya Shinyanga

Kiongozi Mkuu wa Jambo Media na Kiongozi wa Ubunifu na Chapa wa Kampuni ya Jambo Group, Nickson George akikabidhi bidhaa  maalum za Jambo Group  msimu wa sikukuu kwa mmoja wa akina mama katika Kituo cha Afya Kambarage Manispaa ya Shinyanga

Kiongozi Mkuu wa Jambo Media na Kiongozi wa Ubunifu na Chapa wa Kampuni ya Jambo Group, Nickson George akikabidhi bidhaa  maalum za Jambo Group  msimu wa sikukuu kwa mmoja wa akina mama katika Kituo cha Afya Kambarage Manispaa ya Shinyanga

Kiongozi Mkuu wa Jambo Media na Kiongozi wa Ubunifu na Chapa wa Kampuni ya Jambo Group, Nickson George akikabidhi bidhaa  maalum za Jambo Group  msimu wa sikukuu kwa mmoja wa akina mama katika Kituo cha Afya Kambarage Manispaa ya Shinyanga

Kiongozi Mkuu wa Jambo Media na Kiongozi wa Ubunifu na Chapa wa Kampuni ya Jambo Group, Nickson George akikabidhi bidhaa  maalum za Jambo Group  msimu wa sikukuu kwa mmoja wa akina mama katika Kituo cha Afya Kambarage Manispaa ya Shinyanga

Kiongozi Mkuu wa Jambo Media na Kiongozi wa Ubunifu na Chapa wa Kampuni ya Jambo Group, Nickson George akikabidhi bidhaa  maalum za Jambo Group  msimu wa sikukuu kwa mmoja wa akina mama katika Kituo cha Afya Kambarage Manispaa ya Shinyanga

Mmoja wa akina mama katika Kituo cha Afya Kambarage Manispaa ya Shinyanga akiishukuru Kampuni ya Jambo Group kwa kuwapatia bidhaa maalum za Jambo Group kwa ajili ya Msimu wa Sikukuu

Kiongozi Mkuu wa Jambo Media na Kiongozi wa Ubunifu na Chapa wa Kampuni ya Jambo Group, Nickson George (kushoto) akizungumza wakati akikabidhi bidhaa maalum za Jambo Group msimu wa sikukuu kwa akina mama wajawazito na waliojifungua katika Kituo cha Afya Kambarage Manispaa ya Shinyanga

Kiongozi Mkuu wa Jambo Media na Kiongozi wa Ubunifu na Chapa wa Kampuni ya Jambo Group, Nickson George (kushoto) akizungumza wakati akikabidhi bidhaa maalum za Jambo Group msimu wa sikukuu kwa akina mama wajawazito na waliojifungua katika Kituo cha Afya Kambarage Manispaa ya Shinyanga

Kiongozi Mkuu wa Jambo Media na Kiongozi wa Ubunifu na Chapa wa Kampuni ya Jambo Group, Nickson George (kushoto) akizungumza wakati akikabidhi bidhaa maalum za Jambo Group msimu wa sikukuu kwa akina mama wajawazito na waliojifungua katika Kituo cha Afya Kambarage Manispaa ya Shinyanga

Mganga Mfawidhi wa Kituo cha Afya Kambarage, Ernest Magula akizungumza wakati Jambo Group ikikabidhi bidhaa maalum za Jambo Group msimu wa sikukuu kwa akina mama wajawazito na waliojifungua katika Kituo cha Afya Kambarage

Mganga Mfawidhi wa Kituo cha Afya Kambarage, Ernest Magula akizungumza wakati Jambo Group ikikabidhi bidhaa maalum za Jambo Group msimu wa sikukuu kwa akina mama wajawazito na waliojifungua katika Kituo cha Afya Kambarage

Mwenyekiti wa Bodi ya Usimamizi wa Kituo cha Afya Kambarage, Adolf Nsanzungwanko akizungumza wakati Jambo Group ikikabidhi bidhaa maalum za Jambo Group msimu wa sikukuu kwa akina mama wajawazito na waliojifungua katika Kituo cha Afya Kambarage.

Picha zote na Kadama Malunde - Malunde 1 blog

Read More →