KAMATI YA BUNGE YARIDHIA BAJETI OFISI WAZIRI MKUU KAZI, AJIRA NA MAHUSIANO

Na. OWM-KAM, Dodoma

Kamati ya Kudumu ya Bunge ya Ustawi na Maendeleo ya Jamii imeridhia mpango na makadirio ya mapato na matumizi ya Ofisi ya Waziri Mkuu Kazi, Ajira na Mahusiano kwa mwaka wa Fedha 2026/2027 huku ikipongeza utekelezaji wa bajeti ya mwaka 2025/26.

Akizungumza baada ya majadiliano ya wajumbe leo Bungeni Dodoma, Mwenyekiti wa kamati hiyo Mhe. Hawa Mchafu amesema Kamati imeridhia bajeti ya Wizara hiyo kumpongeza Waziri anayesimamia, Mhe. Deus Sangu kwa kazi nzuri ya uwasilikishaji wa taarifa kwa kamati.

“Tunakupongeza Waziri kwa utekelezaji mzuri wa kazi ikiwemo bajeti iliyopita 2025/25 pamoja na usimamizi wa miradi iliyo chini ya Wizara kama kiwanda cha chai Mponde, kiwanda cha Ngozi cha Kilimanjaro (KLICL), mradi wa jengo la kitega uchumi Mzizima , mafunzo ya uangagenzi chuo cha wananchi Kigamboni na mfumo wa e-UTATUZI ambayo tuliitembelea hivi karibuni” alisema Mwenyekiti huyo.

Aidha , Kamati hiyo ya Bunge imetaka Ofisi ya Waziri Mkuu kuongeza nafasi za vijana watakaopata mafunzo ya kuongeza ujuzi kupitia uanagenzi pamoja na kusimamia kwa karibu fursa za ajira nje ya Nchi kwa kuhakikisha watanzania wanaokwenda huko wanapata malipo mazuri na mikataba yenye tija.

Kwa upande wake, Waziri wa Nchi, Ofisi ya Waziri Mkuu - Kazi, Ajira na Mahusiano, Mhe. Deus Sangu aliiomba Kamati hiyo kupitisha bajeti ili serikali ikatekeleze shughuli za ukuzaji fursa za ajira, huduma kwa wananchi na miradi ya maendeleo kama ilivyoanishwa kwenye Ilani ya Uchaguzi ya CCM na Dira 2050.

Vilevile, Waziri Sangu aliwahakikishia wajumbe wa kamati hiyo kuwa Serikali itatekeleza shughuli zake kwa kuzingatia sheria, taratibu na miongozo ili kuwezesha wananchi na wadau kunufaika na matunda ya Serikali ya Awamu ya Sita inayoongozwa na Rais Dkt. Samia Suluhu Hassan.

Kadhalika, amesema utekelezaji wa mfumo wa kielektoniki wa usajili na utatuzi wa migogoro uliozinduliwa mwaka huu (e-UTATUZI) Waziri Sangu aliwajulisha wabunge kuwa Ofisi yake itaanda semina ya kuwajengea uwezo ili waweze kuwa mabalozi wa kutangaza na kueleimisha wananchi kutumia mfumo huo wa serikali kufikisha malalamikoyao na kupata ufumbuzi bila gharama za kusafiri kufuata ofisi za Tume Usuluhishi na Utatuzi (CMA).

Read More →

HAYA HAPA MAGAZETI YA LEO JUMANNE MACHI 24, 2026

Read More →

WAGANGA WA TIBA ASILI WAJIWEKA SAWA KUNOLEWA NA MKEMIA MKUU

Katibu Mkuu wa TAMESOT, Lukas Mlipu, (wa tatu kutoka kushoto, mstari wa mbele) akiwa katika picha ya pamoja na waganga wa tiba asili na tiba mbadala mkoani Geita.

Na Theophilida Felician – Geita

Waganga wa tiba asili na tiba mbadala wanatarajia kukutana na Mkemia Mkuu wa Serikali ili kupatiwa elimu thabiti itakayowawezesha kuendelea kutoa huduma sahihi kwa jamii.

Kauli hiyo imetolewa na Katibu Mkuu wa Chama cha Waganga wa Tiba Asili na Tiba Mbadala nchini (TAMESOT), Bw. Lukas Joseph Mlipu, alipokuwa katika Kata ya Butengorumasa mkoani Geita akiwahamasisha waganga kuhusu umuhimu wa kushiriki mafunzo yatakayotolewa na Mkemia Mkuu wa Serikali.

Amesema mafunzo hayo yanayowalenga waganga wote yana umuhimu mkubwa kutokana na changamoto mbalimbali zinazoikabili taaluma ya tiba asili. Ameeleza kuwa juhudi za serikali, ikiwemo utoaji wa elimu kwa wataalamu hao, zitasaidia kuboresha huduma za tiba asili na kuhakikisha zinaendeshwa kwa kuzingatia viwango vya kitaalamu.

Aidha, Bw. Mlipu amefafanua kuwa Mkemia Mkuu wa Serikali atatoa mafunzo hayo tarehe 23 Machi, 2026, mkoani Geita. Hivyo, ametoa wito kwa waganga wote kuhakikisha hawakosi fursa hiyo muhimu kwa mustakabali wa taaluma yao.

Read More →

NIMEZINDUA MADARASA YATAKAYO ONDOA MSONGAMANO WA WANAFUNZI - PROF. SHEMDOE

Na OWM - TAMISEMI, Bumbuli

  

Waziri wa Nchi, Ofisi ya Waziri Mkuu, Tawala za Mikoa na Serikali za Mitaa (OWM -TAMISEMI) Mhe. Prof. Riziki Shemdoe amesema kuwa amezindua madarasa matatu katika Shule ya Sekondari Kilivicha wilayani Bumbuli ambayo yataondoa changamoto ya msongamano wa wanafunzi madarasani, uliokuwa ukiikabili shule hiyo kwa muda mrefu.

Prof. Shemdoe ameongeza kuwa madarasa hayo pia ni sehemu ya maandalizi ya kupokea wanafunzi wa kidato cha kwanza kwa mwaka 2028 ambao watakuwa wamehitimu darasa ya sita na la saba kwa pamoja na kutakiwa kujiunga na kidato cha kwanza kutokana na mabadaliko ya mtaala mpya wa elimu unaotekelezwa na Serikali.

Prof. Shemdoe amesema hayo leo Machi 21, 2026 wakati wa hafla fupi ya uzinduzi wa madarasa hayo matatu yaliyojengwa kwa ufadhiri wa taasisi ya VUGA DELOPMENT INITIATIVE kwa gharama ya Shilingi Milioni 84,086,600/=.

“Ni ukweli usiopingika kwamba, ujenzi wa madarasa haya utaondoa msongamano wa wanafunzi madarasani na ni maandalizi ya kupokea wanafunzi watakaojiunga na kidato cha kwanza mwaka 2028,  mara baada ya kumaliza darasa la sita na la saba kwa pamoja kwa mujibu wa mtaala mpya wa elimu,” amesisitiza Prof. Shemdoe.

Prof. Shemdoe amemshukuru Bw. Rama Kaoneka ambaye ni Meneja wa Miradi wa Taasisi ya A BETTER WORLD CANADA ambaye pia ni kiongozi wa Taasisi ya VUGA DEVELOPMENT INNITIATIVE ambazo zimeshirikiana kufadhili ujenzi wa madarasa hayo matatu katika shule hiyo ya Sekondari Kilivicha.

Akizungumzia jitihada za Serikali za kuboresha miundombinu ya Elimu, Prof. Shemdoe amesema, Serikali inayongozwa na Mhe. Rais Dkt. Samia Suluhu Hassan katika mwaka huu wa fedha imeleta Bumbuli Shilingi Bilioni 3.2 kwa ajili ya kuboresha miundombinu ya Shule za Msingi na Shilingi Bilioni 2.1 kwa ajili ya kuboresha miundombinu ya Shule za Sekondari. 

Aidha, Prof. Shemdoe amemuelekeza Katibu Mkuu wa Ofisi yake kuhakikisha anatenga fedha kwa ajili ya ujenzi wa maabara ya fizikia na biolojia katika Shule ya Sekondari Kilivicha kwenye Bajeti ya Mwaka wa Fedha 2026/27 ambayo maandalizi yake yanaendelea.

Kwa upande wake  Bw. Kaoneka amesema kuwa, wamefadhili ujenzi wa madarasa hayo ili kuboresha mazingira ya kujifunzia na ufundishaji shuleni hapo.

Mwanafunzi wa shule hiyo Bw. Emmanuel Francis Michael amesema kwamba miundombinu hiyo ya madarasa iliyojengwa itamuwezesha kufikia ndoto yake ya kuwa rubani, na kuongeza kuwa jamii itegemee ufaulu mzuri kutoka kwa wanafunzi wa Shule ya Sekondari ya Kilivicha.

Naye, Mkazi wa Kijiji cha Kivilicha Bw. Moses Thomas amemshukuru Prof. Shemdoe kwa kuzindua madarasa hayo matatu ambayo yatawawezesha wanafunzi kusoma katika mazingira bora, na kuongeza kuwa madarasa hayo yataleta tabasamu kwa wanafunzi.

Kwa upande wake, Kaimu Mkuu wa Shule ya Sekondari Kilivicha Bi. Sophia Dossa ameshukuru kwa kujengewa madarasa mapya na kuahidi kwamba madarasa hayo yatainua kiwango cha taaluma katika shule hiyo ya Sekondari ya Kilivicha.

Read More →

KIJANA SERIKALI HAIHITAJI KELELE INAHITAJI USHIRIKA WAKO

 

Katika ulimwengu wa sasa unaoendeshwa na matokeo, dhana ya kijana kukaa pembeni na kupiga kelele kuishtumu serikali inazidi kupitwa na wakati, badala yake nafasi iliyo wazi na yenye tija ni ile ya kuwa mshirika (partner) wa maendeleo. 

Serikali, kama msimamizi wa rasilimali, inahitaji watu wenye masuluhisho ya ndani yanayotatua changamoto za kijamii, na mshirika namba moja ambaye taifa linamtafuta ni wewe kijana uliyejaa nguvu, ubunifu na maarifa.

Mfano bora na hai wa namna ushirika huu unavyoweza kuleta mageuzi makubwa ni kupitia kazi zilizotukuka za Doris Mollel na taasisi yake ya Doris Mollel Foundation. 

Kiukweli Doris hajaishia tu kulalamika kuhusu changamoto za watoto wanaozaliwa kabla ya wakati (njiti) au afya ya uzazi nchini, bali amekuwa mshirika mkuu wa serikali katika kuboresha huduma za afya, kiasi cha kuandika historia inayotambulika kimataifa.

Hivi karibuni, katika Makao Makuu ya Shirika la Afya Duniani (WHO) mjini Geneva, Uswisi, Doris Mollel amepokea tuzo ya utambuzi kutoka kwa Mkurugenzi Mkuu wa WHO, Dkt. Tedros Adhanom Ghebreyesus. 

Tuzo hiyo ni kielelezo cha uongozi wake thabiti na ahadi yake isiyoyumba katika kuendeleza afya ya mama na mtoto nchini Tanzania, jambo ambalo limethibitisha kuwa masuluhisho yanayoongozwa na wazalendo wa ndani yana nguvu kubwa ya kubadili mfumo wa afya.

Utambuzi huu wa kimataifa kwa Doris Mollel si tu sifa kwake, bali ni ujumbe kwa kila kijana wa Kitanzania kuwa inawezekana kufanya makubwa ukiwa hapa nchini kwako. 

Badala ya kupoteza muda mwingi kwenye mijadala isiyo na tija mitandaoni , Doris amewekeza nguvu zake katika "locally-led solutions"—masuluhisho yanayotokana na jamii yenyewe—ambayo ndiyo mwelekeo wa sasa wa maendeleo duniani.

Serikali inapopata washirika kama Doris, mzigo wa huduma za kijamii unapungua na ufanisi unaongezeka, jambo ambalo linajenga taifa imara na lenye heshima kimataifa. Huu ni wakati wa vijana kuacha kulalamika kuwa hakuna fursa, na badala yake kuanza kutengeneza fursa kwa kuwa sehemu ya suluhisho la changamoto zinazotuzunguka, iwe katika elimu, afya, kilimo au teknolojia.

Mafanikio ya Doris Mollel kule Geneva ni kielelezo kuwa ulimwengu unatazama, na unathamini wale wanaojitofautisha kwa vitendo kuliko maneno. Ni mwito kwa kila kijana kujitathmini: Je, wewe ni mpiga kelele au ni mshirika wa maendeleo? 

Read More →

WAKALA WA VIPIMO WAITIKIA WITO WA RAIS SAMIA KUHUSU UPANDAJI MITI

Na WMA – Dodoma

Watumishi wa Wakala wa Vipimo (WMA), wameitikia wito wa Mhe. Dkt. Samia Suluhu Hassan, Rais wa Jamhuri ya Muungano wa Tanzania unaowataka watanzania kupitia makundi mbalimbali kupanda miti katika maeneo yao ili kuhifadhi mazingira.

Akiongoza zoezi la upandaji miti katika eneo ilipo Ofisi Kuu ya WMA Medeli jijini Dodoma, mapema leo Machi 20, 2026 Meneja Utawala na Rasilimali Watu, Charles Mavunde amewasisitiza watumishi wa Wakala hiyo nchi nzima kuzingatia maelekezo ya Serikali kwa kupanda miti na kuitunza ili kulinda mazingira.

Amesema kuwa, Mheshimiwa Rais Samia amekuwa akisisitiza mara kwa mara kuhusu upandaji miti katika maeneo mbalimbali na kwamba yeye mwenyewe ameonyesha mfano kwa kuwa kinara wa upandaji miti, hivyo WMA imeona ni vyema pia iitikie wito huo.

“Mtakumbuka kwamba, hata Mheshimiwa Dkt. Emmanuel Nchimbi, Makamu wa Rais wa Jamhuri ya Muungano wa Tanzania, akimwakilisha Mhe. Rais katika maadhimisho ya siku ya upandaji miti duniani na maadhimisho ya upandaji miti kitaifa, jana Machi 19, 2026 kule Lindi aliagiza kuwa makundi mbalimbali ya watanzania waendeleze utamaduni wa kupanda miti,” ameeleza Mavunde na kuhitimisha kuwa WMA imeyachukulia kwa uzito maelekezo ya viongozi hao na itayatekeleza kikamilifu.

Viongozi na watumishi mbalimbali wa WMA Makao Makuu wameshiriki zoezi hilo la upandaji miti akiwemo Mkurugenzi wa Huduma za Biashara Phanuel Mtuki, Meneja Sehemu ya Fedha, CPA Ibrahim Mbinga, Meneja Mkoa wa Dodoma Said Ibrahim, Meneja Mawasiliano Veronica Simba na Mkuu wa Kitengo cha Mipango, Nelson Ruturagara.

Wengine walioshiriki ni watumishi kutoka Idara mbalimbali wakiwemo maafisa, maafisa usafirishaji na wasaidizi wa ofisi.

WMA ni wakala ya serikali iliyo chini ya Wizara ya Viwanda na Biashara yenye jukumu kuu la kumlinda mlaji kupitia usimamizi wa matumizi sahihi ya vipimo katika sekta mbalimbali.

Read More →

MFUKO WA PAMOJA WA RUZUKU KWA MASHIRIKA YASIYO YA KISERIKALI KUIMARISHA UFADHILI NA UENDELEVU

Na WMJJWM Dar Es Salaam

Katibu Mkuu wa Wizara ya Maendeleo ya Jamii, Jinsia, Wanawake na Makundi Maalum, Dkt. John Jingu, amesema kuanzishwa kwa Mfuko wa Pamoja wa Ruzuku kwa Mashirika Yasiyo ya Kiserikali (NGOs Basket Fund - NBF) kutarahisisha upatikanaji wa rasilimali fedha na uendelevu kwa Mashirika hayo nchini.

Akizungumza Machi 18, 2026, wakati wa ufunguzi wa kikao kazi cha kwanza cha Kamati ya Kitaifa ya Kuratibu Mchakato wa Uanzishwaji wa Mfuko huo, kilichofanyika katika ukumbi wa Four Points by Sheraton Jijini Dar es Salaam, Dkt. Jingu amesema Mfuko huo utakuwa chombo muhimu cha kuimarisha sekta ya Mashirika Yasiyo ya Kiserikali.

Dkt. Jingu ameeleza kuwa hatua hiyo itasaidia kupunguza changamoto za utegemezi wa ufadhili kutoka nje ya nchi, ambao wakati mwingine huambatana na masharti magumu yasiyoendana na maadili na utamaduni wa Kitanzania.

“Jukumu la Mfuko huu litakuwa ni kutafuta rasilimali fedha, kuratibu utoaji wa ruzuku na kuhakikisha Mashirika Yasiyo ya Kiserikali yanakuwa na uwezo wa kutoa huduma bora na kuchangia ustawi wa jamii na Taifa kwa ujumla,” amesema Dkt Jingu.

Aidha, amebainisha kuwa kutokana na mabadiliko ya sera za ufadhili kimataifa, ni muhimu kwa Mashirika hayo kubadilika na kujiimarisha kwa kutumia mikakati mbadala itakayohakikisha uendelevu wa shughuli zao.

Kwa upande wake, Mwenyekiti wa Kamati hiyo, Dkt. Abdulmajid Nsekela, ambaye ni Mkurugenzi Mtendaji wa Benki ya CRDB amesema mafanikio ya utekelezaji wa majukumu ya Kamati yanategemea uwajibikaji wa kila mmoja kwa nafasi yake huku akisisitiza kuwa ni muhimu Wajumbe wa Kamati kufanya kazi kwa weledi, kwa kuzingatia misingi ya uwazi na uwajibikaji ili kufikia malengo yaliyokusudiwa.

Kwa upande wake, Mwenyekiti wa Baraza la Taifa la Mashirika Yasiyo ya Kiserikali (NacoNGO), Jasper Makala, ambaye pia ni Makamu Mwenyekiti wa Kamati hiyo, amesema Mashirika mengi kwa sasa yanafanya kazi bila uhakika wa uendelevu wa miradi yao hivyo uwepo wa Kamati hiyo itasaidia kuongeza uhakika wa rasilimali fedha na kuongeza ufanisi katika utekelezaji wa majukumuwa Mashirika hayo.

“Mfuko huu utakuwa suluhisho muhimu kwa changamoto ya uhaba wa rasilimali fedha na utasaidia Mashirika kupanga na kutekeleza shughuli zao kwa ufanisi zaidi,” amesisitiza Makala.

Naye Msajili wa Mashirika Yasiyo ya Kiserikali kutoka Wizara hiyo, ambaye pia ni Katibu wa Kamati hiyo, Vikness Mayao, amesema Mfuko huo utakuwa chachu ya maendeleo kwa Mashirika hayo, kwa kuwa utaongeza tija katika utekelezaji wa miradi ya kijamii.

Ameongeza kuwa kupitia Mfuko huo, Mashirika yatapata fursa ya kufanya kazi kwa ufanisi zaidi na kuchangia kwa kiwango kikubwa katika maendeleo ya jamii na Taifa kwa ujumla.

Read More →

HAYA HAPA MAGAZETI YA LEO IJUMAA MACHI 20,2026

 

Magazeti

                                                                             

                                                                               

                  

Read More →