FCT YASIKILIZA NA KUTOLEA MAAMUZI MASHAURI 429

Kaimu Katibu Tawala wa Mkoa wa Mwanza, Daniel Machunda, akizungumza wakati wa semina ya siku moja kwa wadau mbalimbali iliofanyika mkoani 

Kaimu Msajili na Mkuu wa FCT, Kunda Mkenda, akizungumza wakati wa semina ya siku moja kwa wadau mbalimbali iliofanyika mkoani Mwanza.

Baadhi ya washiriki wakimsikiliza Kaimu Katibu Tawala wa Mkoa wa Mwanza, Daniel Machunda,(hayupo pichani )wakati wa semina ya siku moja kwa wadau mbalimbali iliofanyika mkoani Mwanza

Kaimu Katibu Tawala wa Mkoa wa Mwanza, Daniel Machunda,akiwa katika picha ya pamoja mara baada ya kufungu semina ya siku moja kwa wadau mbalimbali iliofanyika mkoani Mwanza

Na.Mwandishi wetu_MWANZA

Kaimu Katibu Tawala wa Mkoa wa Mwanza, Daniel Machunda amewaomba wadau wote kuendeleza ushirikiano na Baraza la Ushindani ( FCT) katika kuongeza uzoefu, ufanisi katika majukumu mbalimbali.

Hayo ameyasema wakati akifunga semina hiyo Aprili 15 2024 Mkoa wa Mwanza, Machunda, amesema semina hiyo ni muhimu hivyo elimu walioipata itawasaidia kutambua haki na kujua wajibu wao

Amesema ili kusimamisha ushindani wa haki na kumlinda mlaji kwani Sheria zinataka kuwepo na ushindani wa haki na kumlinda mlaji.

"Wadau wamepata fursa ya kutoa ushauri kuboresha mawasiliano na Baraza hili katika masuala mbalimbali na leo ni sehemu ya wao kutatua changamoto mbalimbali za ushindani wa biashara na udhibiti wa soko,"amesema Machunda.

Aidha ametoa shukurani kwa baraza hilo na Wizara ya Viwanda na Biashara kufanya semina mkoani humo na kuwapatia elimu wadau.

Akizungumza Kaimu Msajili na Mkuu wa FCT, Kunda Mkenda wakati wa semina ya siku moja kwa wadau mbalimbali iliofanyika mkoani Mwanza amesema Baraza limesajili jumla ya mashauri 442 kati ya hayo 429 yameishwa sikilizwa na kutolewa maamuzi na baraza hilo katika kipindi cha mwaka 2007 hadi Machi 2024.

Amesema Baraza limefanikiwa kushughulikia mashauri yalioletwa mbele yake kwa asilimia 97.1 huku mashauri 13 yaliobaki yapo kwenye hatua mbalimbali za usikilizwaji.

"Baraza hili limeanzishwa chini ya kifungu cha 83(1), cha Sheria ya Ushindani Na.8 ya mwaka 2003 inayolenga kukuza na kulinda ushindani wa kibiashara na kumlinda mlaji dhidi ya matokeo ya ukiritimba na tabia potofu katika soko,"amesema Mkenda.

Amesema kutokana na changamoto zilizojitokeza za watu wengi kutolijua baraza hilo kwa mara ya kwanza wameamua kufanya semina hiyo kwa wadau mbalimbali mkoani humo ili waweze kujua haki zao, umuhimu wa baraza na kazi zake.

Kwa upande wao baadhi ya washiriki wa semina hiyo akiwemo Zahara Magambo, ameeleza kuwa kupitia semina hiyo ameweza kufahamu sehemu ya kupata haki zake endapo atakuwa ajaridhishwa na maamuzi yaliotolewa aidha na Tume ya Ushindani(FCC), EWURA, TCRA, TCAA, LATRA na PURA.

"Sijawai kupata changamoto lakini semina hii imenifumbua macho ikitokea nikipata changamoto najua naanzia wapi," ameeleza Zahara.

Naye Mwenyekiti wa Umoja wa wajasiriamali wabunifu Tanzania,Fabiani Semba ameeleza kuwa kupitia semina hiyo ameweza kufahamu wapi pa kwenda kwani katika sekta ya mawasiliano kumekuwa na mambo mengi yakitokea huku wakiwa hawajui wapi pa kwenda kutoa malalamiko.

"Niko tayari kutumia Baraza kama sehemu ya kupata msaada na suluhisho kwani itasaidia kukua kiuchumi hivyo elimu iendelee kutolewa kwa wananchi ili kulifahamu Baraza hilo na kazi zake na kutofautisha na Tume ya Ushindani ili waweze kupata haki zao,"amesema.

Naye Mwenyekiti wa Chemba ya Wafanyabiashara wenye Viwanda na Kilimo(TCCIA),Mkoa wa Mwanza Gabriel Kenene, ameeleza kuwa amejifunza namna ambavyo rufaa zinavyopatikana na kutolewa.

"Nimejifunza kwamba mamlaka hizi za udhibiti ikiwemo EWURA pale inapotokea mtu hajaelewa au utata umetolewa aende wapi,kumbe kuna chombo ambacho unaweza kukata rufaa na kinaondoa utata huo,kinachofurahisha rufaa zinachukua muda mfupi kwani wafanyabiashara hawapendi usumbufu wa kitu kinachochukua muda mrefu hivyo anaona ni bora haki yake ipotee kwa sababu ya muda.

"Nitoe wito kwa wafanyabiashara wanapoona hawajatendewa haki na mamlaka hizi kama LATRA ni vizuri wakafuate haki yao kupitia Baraza hilo kwani gharama zao ni ndogo, nitakuwa balozi kwa kuhakikisha elimu hii nitaipelekwa kwa wadau ambao wanaweza kukutana na kadhia," amefafanua.

Read More →

EWURA YATAMBULISHA MFUMO WA MAJIS ULIOBORESHWA

Kaimu Mkurugenzi Mkuu wa EWURA, Mha.Poline Msuya akifungua kikao kazi cha Wakurugenzi wa Mamlaka za maji kuhusu mfumo wa kieletroni wa MajIs ulioboreshwa kwa ajili ya kupokea taarifa za utendaji wa sekta ya maji, kilichofanyika EWURA Makao Makuu, Dodoma.

Na.Mwandishi Wetu_DODOMA

Mamlaka ya Udhibiti wa Huduma za Nishati na Maji EWURA imefanya kikaokazi cha kutambulisha mfumo wa Majis ulioboreshwa kwa ajili ya ukusanyaji wa taarifa kwa Mamlaka za Majisafi na Usafi wa Mazingira. Kikao hicho kimefanyia EWURA makao makuu Dodoma.

Akifungua kikao hicho kaimu Mkurugenzi Mkuu wa EWURA Mha. Poline Msuya amesema Maboresho yaliyofanyika katika mfumo yalichagizwa pia na maoni ya wadau ambao ni watumiaji wa mfumo. Pia mfumo umeboreshwa kuakisi mabadiliko na maendeleo kwenye sekta ya maji.

Aidha EWURA haitosita kuchukua hatua za kiutawala kwa mamlaka za maji ambazo hazitatekeleza uwasilishaji wa taarifa zao kwa wakati, aliongezea Mha. Poline Msuya.

Akitoa maoni yake muwakilishi wa Wizara ya Maji Mha. Epimack Oscar alisisitiza Mamlaka za Maji zitumie mfumo huo kwa ajili ya kuwa na takwimu sahihi.

Kifungu cha 29(1)(h) cha Sheria ya Maji na Usafi wa Mazingira Sura Namba 272 kinaitaka EWURA kukusanya taarifa za utendaji kutoka mamlaka.

Meneja wa EWURA kanda ya Magharibi Mha. Walter Christopher akiwasilisha mada kuhusu mfumo wa Majis ulioboreshwa kwa ajili ya ukusanyaji wa taarifa kwa Mamlaka za Majisafi na Usafi wa Mazingira kwenye kikaokazi cha kutambulisha mfumo huo. Kikao hicho kimefanyika katika ukumbi wa mikutano EWURA makao makuu Dodoma.

Mhandisi Mwandamizi wa Maji na Usafi wa Mazingira EWURA, Teophil Sanjawa akiwaelekeza washiriki wa kikaokazi namna ya kujaza taarifa kwenye mfumo wa MajIs ulioboreshwa, leo 17.4.24

Washiriki wa kikao kazi wakifuatilia kwa umakini namna ya kujaza taarifa za utendaji wa mamlaka za majisafi na usafi wa mazingira kwenye mfumo wa MajIs ulioboreshwa.

Kaimu Mkurugenzi Mkuu wa EWURA Mha. Poline Msuya(katikati waliokaa) akiwa katika picha ya pamoja na Wakurugenzi watendaji wa Mamlaka za maji za makao makuu ya mikoa na miradi ya kitaifa,wawakilishi kutoka Wizara ya maji na wafanyakazi wa EWURA idara ya Maji muda mfupi baada ya ufunguzi wa kikaokazi cha utambulisho wa mfumo wa Majis ulioboreshwa kwa ajili ya ukusanyaji wa taarifa kwa Mamlaka za Majisafi na Usafi wa Mazingira,Dodoma.

Read More →

HAYA HAPA MAGAZETI YA LEO ALHAMISI APRILI 17,2024

 

Read More →

SERIKALI YABAINISHA MPANGO WA KUWASAIDIA WAJASIRIAMALI KUZALISHA BIDHAA BORA

NAIBU Waziri wa Viwanda na Biasha, Exaud Kigahe amebainisha mpango wa Serikali katika kuwasaidia wajasiriamali kuzalisha bidhaa bora ili kupata masoko ya uhakika.

Akijibu swali la msingi la Mbunge wa Viti Maalum, Ester Malleko ambaye alitaka kujua mpango wa Serikali wa kuwasaidia wajasiriamali kuzalisha bidhaa bora na kupata masoko ya uhakika.

Akijibu swalin hilo, Kigahe alisema Serikali imeweka mipango kadhaa ya kuwasaidia wajasiriamali kuzalisha bidhaa bora ili kupata masoko ya uhakika ikiwa ni pamoja na kupitia Shirika la Kuhudumia Viwanda Vidogo (SIDO) na Shirika la Viwango Tanzania (TBS) kuwasaidia wajasiriamali wadogo kupata maeneo/majengo ya kuzalishia bidhaa zao, kuwapatia mitaji kupita Mfuko wa NEDF na nembo ya ubora wa bidhaa zao kwa miaka mitatu bila gharama.

Amesema pia kupitia SIDO, TBS na Wakala wa Vipimo (WMA) kuendelea kutoa mafunzo kwa wajasiriamali kuhusu kanuni za uzalishaji wenye tija, elimu ya utambuzi wa vifungashio na ufungashaji bora.

Pia amesema SIDO kwa kushirikiana na Mamlaka ya Maendeleo ya Biashara Tanzania (TANTRADE) kuendelea kuandaa na kuratibu maonesho mbalimbali ndani na nje ya nchi ikiwa ni sehemu ya kuchagiza ukuaji wa soko la bidhaa zinazozalishwa na Wajasiriamali.

Katika swali la nyongeza, Malleko alitaka kujua mpango wa serikali wa kufanya mapitia ya sera ya biashara na sera ya wajasilimali wadogo wadogo ambazo zimepitwa na wakati.

Pia alitaka mkakati wa Serikali wa kuhakikisha wajasiriamali wanazalisha bidhaa zenye ubora.

Akijibu maswali hayo, Kigahe amesema ni kweli sera hizo zimepitwa na wakati na kuwa Serikali imeshaanza taratibu za mapitio ili ziweze kuendena na hali ya soko la ndani na nje na mahitaji ya sasa ya wajasiliamali.

Alisema pia Serikali imepanga kuweka mazingira mazuri kwa wajasiriamali ili kuweza kuzalisha bidhaa bora na zenye viwango bora.

Kwa upande wa Mbunge wa Viti Maalum, Sophia mwakagenda alitaka kujua mkakati wa Serikali wa kuiwezesha SIDO ili kuweza kuwasaidia wajasiriamali wengi zaidi.

Akijibu wali hilo, Kigahe alisema SIDO imekuwa na uwezo mdogo wa kuwezesha mitaji kwa wajasiriamali ambao wamekuwa wakiongezeka kila wakati.

Amesema Serikali imeacha mchakato wa kuibadili sheria iliyoanzisha SIDO ili kuondoka kuwa taasisi ya uwezeshaji bali iweze kujiendesha kibiasharamae, sheria baada ya kuhudumia ianze kujiendesha kibiashara na kukidhi mahitaji ya wajasiliamali.

Read More →

POLISI SHINYANGA WAKAMATA SIMU ZA WIZI, MAFUTA YA DIZELI, MATAIRI YA GARI

Jeshi la Polisi Mkoa wa Shinyanga limekamata mafuta ya dizeli lita 320, vipande 250 vya nondo,  Simu za wizi, Nyaya na matairi ya gari baada ya kufanya doria, misako na Operesheni mbalimbali.

Akizungumza na Waandishi wa habari leo Aprili 17,2024 Kaimu Kamanda wa Polisi Mkoa wa Shinyanga ACP Kennedy Mgani amesema Jeshi la Polisi Mkoa wa Shinyanga linaendelea kuimarisha ulinzi na usalama kwa kushirikiana na Jamii katika kubaini, kuzuia na kutanzua uhalifu kwa kufanya doria, misako pamoja na operesheni mbalimbali katika kipindi cha wiki tatu kuanzia Machi 28, 2024 mpaka Aprili 16, 2024.

"Katika kipindi hicho, Jeshi la Polisi limefanikiwa kukamata mafuta ya dizeli lita 320, Vipande 250 vya nondo, Nyaya mbalimbali, matairi 05 ya gari, Injini 01 ya Pikipiki, Betri 06 za gari, Mashine 01 ya kukatia miti (chain saw), mitambo 04 ya kutengeneza pombe ya moshi (gongo), pombe ya moshi lita 13, bhangi kete 33, Simu 05, Pikipiki 04, Mashine 01 ya bonanza, Redio 02, mtungi 01 wa gas, TV 01 pamoja na vifaa mbalimbali vya kupigia ramli chonganishi", amesema Kaimu Kamanda Mgani.

"Jumla ya kesi 09 zimepata mafanikio ambapo kesi 01 ya kubaka ambapo mshtakiwa alihukumiwa kifungo cha miaka 30 jela, kesi 02 kupatikana na bhangi washtakiwa 02 walihukumiwa kifungo cha miaka miwili mpaka mitatu jela, kesi 01 kuvunja nyumba usiku na kuiba mshtakiwa 01 alihukumiwa kifungo cha miaka miwili jela, kesi 01 kuharibu mali mshtakiwa alihukumiwa kifungo cha mwaka 01 jela, kesi 03 za wizi washtakiwa 03 walihukumiwa kifungo cha miezi06 jela na kesi 01 kuingia kwa jinai mshtakiwa alihukumiwa kifungo cha miezi 04 jela",ameongeza.

Katika hatua nyingine amesema Jeshi la Polisi Mkoa wa Shinyanga kikosi cha Usalama barabarani limefanikiwa kukamata jumla ya makosa 3,771 ambapo makosa ya magari ni 2,836 na makosa ya bajaji na pikipiki ni 935 wahusika waliwajibishwa kwa kulipa faini za papo kwa hapo.

"Jeshi la Polisi Mkoa wa Shinyanga linawashukuru Wananchi kwa kuendelea kutoa ushirikiano katika kuhakikisha Usalama wa Mkoa wa Shinyanga unakuwa shwari, Pia linatoa wito kwa wananchi wote kuendelea kutii na kufuata sheria na halitasita kumchukulia hatua mtu yeyote atakayekiuka sheria za nchi",amesema.

Read More →