Picha : SHINYANGA WAADHIMISHA SIKU YA LISHE NA WIKI YA UNYONYESHAJI, RC MNDEME ASISITIZA ZIWA LA MAMA NI UHAI WA MTOTO

Na Kadama Malunde – Malunde 1 blog

Mkuu wa Mkoa wa Shinyanga Mhe. Christina Mndeme amewataka akina mama kuhakikisha wanawanyonyesha watoto wao mara kwa mara kadri wanavyotaka huku akisisitiza kuwa kunyonyesha maziwa ya mama pekee miezi sita ya mwanzo ya maisha ya mtoto ndiyo njia bora na salama ya kumpatia virutubisho vyote muhimu kwa ukuaji na maendeleo ya mtoto.

Mkuu huyo wa mkoa ametoa wito huo leo Jumamosi Agosti 5,2023 wakati wa maadhimisho ya siku ya Lishe Mkoa wa Shinyanga na Wiki ya Unyonyeshaji yaliyofanyika katika Soko la Ndala Manispaa ya Shinyanga ambapo pia ameongoza zoezi kupima uzito na urefu sambamba na kuwapatia watoto chakula chenye lishe.

“Kama tunavyofahamu unyonyeshaji wa maziwa ya mama huchangia kwa kiasi kikubwa katika kuboresha afya, kulinda uhai na maisha ya mtoto. Wataalamu wetu wanashauri Mtoto anyonyeshwe ndani ya saa moja baada ya kuzaliwa ili kusaidia maziwa yatoke mapema lakini pia Mtoto anyonyeshwe maziwa ya mama pekee bila ya chakula na kinywaji kingine (hata maji) katika miezi sita ya mwanzo”,amesema Mhe. Mndeme.

Ameeleza kuwa maziwa ya mama yana sifa ya kipekee ya kuwa na kinga ya mwili ambayo humkinga mtoto dhidi ya magonjwa, hivyo kuchangia kupunguza vifo vya watoto chini ya umri wa miaka mitano na kujenga mahusiano mazuri kati ya mama na mtoto wake.

“Mtoto anyonye mara kwa mara kadri anavyohitaji ili maziwa yatoke kwa wingi na ya kutosha. Mnyonyeshe mtoto wako titi moja kwanza mpaka alale au aachie mwenyewe ndipo umpe titi lingine ili ashibe na asiwe analialia. Usimnyang’anye mtoto ziwa mdomoni, ziwa la mama ni hoteli ya mtoto”,amesema Mhe. Mndeme.

Mkuu wa Mkoa wa Shinyanga Mhe. Christina Mndeme akiwa amembeba mtoto aliyenyonyeshwa miezi sita bila kupewa chakula kingine.

“Usimwachishe mtoto kunyonya kwa sababu ya ujauzito; endelea kumnyonyesha Mtoto mpaka mimba ifikishe miezi saba (7). Mtoto anapofikisha miezi sita (6), aanzishiwe vyakula vya nyongeza lakini aendelee kunyonyeshwa maziwa ya mama hadi atimize miaka miwili (2) au zaidi”,ameongeza Mkuu huyo wa Mkoa.

Amefafanua kuwa ili kufanikisha unyonyeshaji kama mkakati mojawapo wa kuboresha lishe ya watoto, jamii yetu inashauriwa kuwa baba anao wajibu wa kumpunguzia mama kazi wakati wa ujauzito na wa kunyonyesha ili kuboresha Afya ya mama na mtoto na familia imsaidie mama aweze kunyonyesha mtoto maziwa yake pekee bila hata maji kwa miezi sita ya mwanzo.

“Tunaelewa wazi kuwa pamoja na upimaji maendeleo ambayo Mkoa wetu umekuwa ukiyapata katika maeneo mbalimbali, bado utapiamlo umeendelea kuathiri jamii hususani katika nyanja za afya, elimu na uchumi; hivyo kusababisha kasi ya kupungua kwa umaskini kutoridhisha”,ameongeza.

Amesema lishe duni si tu inaathiri maendeleo ya mtoto lakini pia inaathiri ukuaji wake kimwili na kiakili hatimaye kuathiri mchango wake katika maendeleo ya Taifa kwa kipindi chote cha uhai wake.

“Utafiti wa kitaifa uliofanyika hivi karibuni, mwaka 2022, unaonesha kuwa kiwango cha Udumavu kwa watoto wenye umri chini ya miaka mitano katika Mkoa wetu kimepungua kutoka asilimia 32.1 mwaka 2018 hadi kufikia asilimia 27.5 mwaka 2022. Sababu kubwa ya utapiamlo huu kwa watoto ni ulishaji usio sahihi ambao huchangiwa na majukumu mengi yanayomkabili mama na hivyo kukosa muda wa kutosha wa kumtunza mtoto”,ameeleza.

Mkuu wa Mkoa wa Shinyanga Mhe. Christina Mndeme.

Amesema Serikali inatambua kuwa bado zipo changamoto nyingi katika kukabiliana na utapiamlo hapa nchini ambapo changamoto kubwa kuliko zote ni ile ya uelewa mdogo wa masuala ya lishe katika jamii ikiwemo unyonyeshaji, kuanzia ngazi ya familia hadi kwa watendaji na viongozi wa Serikali.

Amesema uelewa mdogo kuhusu masuala ya lishe pia umesababisha masuala ya lishe kutopewa kipaumbele katika jamii ambako ndiko waliko watoto na wanawake wengi wanaohitaji zaidi huduma bora za lishe.

“Ili kuhakikisha kuwa lishe inaendelea kuimarika katika Mkoa wetu, natoa wito kwa watendaji wa kata, vijiji na mitaa ndani ya Mkoa wa Shinyanga kuhakikisha mnasimamia na kuadhimisha Siku za Afya na Lishe za Vijiji/Mitaa kila robo mwaka (miezi 3) kwa kushirikiana na wataalamu wa afya na lishe ngazi zote ili kutoa elimu kwa wananchi wote”,amesema Mkuu wa Mkoa.

“Aidha, natoa wito kwa wananchi wote kuzingatia ushauri wa kitaalamu unaotolewa ili kuboresha lishe na afya ya mama na mtoto. Kwa kufanya hivyo kizazi chetu kitakuwa salama, na hivyo kuongeza uzalishaji”,amesema.

Mkuu wa Mkoa wa Shinyanga Mhe. Christina Mndeme akigawa uji wenye lishe kwa watoto.

Katika hatua nyingine amesema nchi ya Tanzania imechukua hatua mbalimbali kuendeleza unyonyeshaji ikiwa ni pamoja na kuwepo kwa Sheria ya Ajira na Mahusiano kazini ya mwaka 2004 inayotambua kuwa unyonyeshaji ni haki ya mtoto na hivyo hutoa mafao mbalimbali ya uzazi ili kuwawezesha wazazi kumlea mtoto hususani kumnyonyesha ipasavyo.

Ameeleza kuwa Mama mwajiriwa anayenyonyesha hupewa ruhusa ya masaa mawili kila siku ili akamnyonyeshe mtoto wake. Pia, sheria hiyo hutoa fao la likizo ya uzazi kwa mama na baba wa mtoto. Mama anapata likizo ya siku 84 kama amejifungua mtoto mmoja na siku 100 kwa watoto zaidi ya mmoja. Sheria hii pia humpa baba likizo ya siku 5 ndani ya wiki moja aliyojifungua mama.

“Aidha sheria hiyo inakataza mama aliye ajiriwa na ambaye ananyonyesha au mjamzito kufanya kazi ngumu au za hatari kwa afya yake au ya mtoto wake. Kwa sababu hii, tunatoa wito kwa Taasisi zisizo za kiserikali, Taasisi za kijamii, kidini, jamii yenyewe na familia kwa ujumla kuwasaidia wanawake ambao hawapo kwenye ajira rasmi ili waweze kuwanyonyesha watoto wao ipasavyo”,ameongeza Mhe. Mndeme.

Kwa upande wake, Mganga Mkuu wa Mkoa wa Shinyanga Dkt. Yudas Ndungile amesema Maadhimiho ya Siku ya Lishe Mkoa Shinyanga yanalenga kuhamasisha na kutoa elimu ya lishe kwa jamii ikiwa ni mkakati wa kupunguza udumavu kwa watoto chini ya miaka 5.

“Maadhimisho haya yana lengo la kutoa elimu ya ulishaji wa watoto wadogo na wachanga ikiwemo kusisitiza unyonyeshaji wa maziwa ya mama pekee kwa miezi sita (6) ya mwanzo ya maisha ya mtoto lakini pia kuhamasisha jamaii kuzingatia Lishe bora ili kuwa na afya imara”,amesema Dkt. Ndungile.

“Leo tunaadhimisha siku ya Lishe Mkoa wa Shinyanga ambayo inalenga kuongeza uelewa kwa wananchi juu ya Lishe tukiongozwa na kauli mbiu "Saidia unyonyeshaji, wezesha wazazi kulea watoto na kufanya kazi zao kila siku". Lakini pia tunaadhimisha Wiki ya Unyonyeshaji inayoadhimishwa Duniani kote kila mwaka kuanzia tarehe 01 hadi 07 Agosti ambayo imekuwa ikifanyika tangu mwaka 1992 ikilenga kusisitiza umuhimu wa kulinda, kuendeleza na kusaidia unyonyeshaji na ulishaji bora wa watoto”,amesema Dkt. Ndungile.

Amesema Wiki ya unyonyeshaji Duniani hutoa fursa maalum kwa watu wote kuungana pamoja katika kukumbushana umuhimu wa kuendeleza na kuimarisha unyonyeshaji maziwa ya mama kama njia bora zaidi ya kujenga afya ya mama na mtoto kimwili na kiakili

 ANGALIA PICHA HAPA CHINI

Mkuu wa Mkoa wa Shinyanga Mhe. Christina Mndeme akizungumza wakati wa maadhimisho ya siku ya Lishe Mkoa wa Shinyanga na Wiki ya Unyonyeshaji yaliyofanyika leo Jumamosi Agosti 5,2023 katika Soko la Ndala Manispaa ya Shinyanga - Picha na Kadama Malunde - Malunde 1 blog

 akizungumza wakati wa Maadhimisho ya siku ya Lishe Mkoa wa Shinyanga na Wiki ya Unyonyeshaji yamefanyika leo Jumamosi Agosti 5,2023 katika Soko la Ndala Manispaa ya Shinyanga. Mgeni rasmi alikuwa Mkuu wa Mkoa wa Shinyanga Mhe. Christina Mndeme

Mkuu wa Mkoa wa Shinyanga Mhe. Christina Mndeme akizungumza wakati wa maadhimisho ya siku ya Lishe Mkoa wa Shinyanga na Wiki ya Unyonyeshaji yaliyofanyika leo Jumamosi Agosti 5,2023 katika Soko la Ndala Manispaa ya Shinyanga

Mkuu wa Mkoa wa Shinyanga Mhe. Christina Mndeme akizungumza wakati wa maadhimisho ya siku ya Lishe Mkoa wa Shinyanga na Wiki ya Unyonyeshaji yaliyofanyika leo Jumamosi Agosti 5,2023 katika Soko la Ndala Manispaa ya Shinyanga

Mganga Mkuu wa Mkoa wa Shinyanga Dkt. Yudas Ndungule akizungumza wakati wa maadhimisho ya siku ya Lishe Mkoa wa Shinyanga na Wiki ya Unyonyeshaji yaliyofanyika leo Jumamosi Agosti 5,2023 katika Soko la Ndala Manispaa ya Shinyanga

Mkuu wa wilaya ya Shinyanga Mhe. Johari Samizi akizungumza wakati wa maadhimisho ya siku ya Lishe Mkoa wa Shinyanga na Wiki ya Unyonyeshaji yaliyofanyika leo Jumamosi Agosti 5,2023 katika Soko la Ndala Manispaa ya Shinyanga

Mkuu wa wilaya ya Shinyanga Mhe. Johari Samizi akizungumza wakati wa maadhimisho ya siku ya Lishe Mkoa wa Shinyanga na Wiki ya Unyonyeshaji yaliyofanyika leo Jumamosi Agosti 5,2023 katika Soko la Ndala Manispaa ya Shinyanga

Afisa Lishe Mkoa wa Shinyanga Yusuph Hamis akielezea kuhusu masuala ya lishe na unyonyeshaji wakati wa maadhimisho ya siku ya Lishe Mkoa wa Shinyanga na Wiki ya Unyonyeshaji

Afisa Lishe Manispaa ya Shinyanga Amani Mwakipesile akielezea kuhusu makundi ya vyakula wakati wa maadhimisho ya siku ya Lishe Mkoa wa Shinyanga na Wiki ya Unyonyeshaji

Mkuu wa Mkoa wa Shinyanga Mhe. Christina Mndeme akiwa kwenye maadhimisho ya siku ya Lishe Mkoa wa Shinyanga na Wiki ya Unyonyeshaji

Wananchi wakiwa kwenye maadhimisho ya siku ya Lishe Mkoa wa Shinyanga na Wiki ya Unyonyeshaji

Wananchi wakiwa kwenye maadhimisho ya siku ya Lishe Mkoa wa Shinyanga na Wiki ya Unyonyeshaji

Burudani ya ngoma za asili za kucheza na nyoka ikiendelea kwenye maadhimisho ya siku ya Lishe Mkoa wa Shinyanga na Wiki ya Unyonyeshaji

Diwani wa kata ya Ndala Zamda Shaban akizungumza kwenye maadhimisho ya siku ya Lishe Mkoa wa Shinyanga na Wiki ya Unyonyeshaji

Mkuu wa Mkoa wa Shinyanga Mhe. Christina Mndeme akichenza muziki (Kwaito) na Wanafunzi wa Chuo cha Ualimu Shinyanga (Shy COM) wakati wa maadhimisho ya siku ya Lishe Mkoa wa Shinyanga na Wiki ya Unyonyeshaji

Mkuu wa Mkoa wa Shinyanga Mhe. Christina Mndeme (aliyevaa nguo nyeusi) akicheza muziki (Kwaito) na Wanafunzi wa Chuo cha Ualimu Shinyanga (Shy COM) wakati wa maadhimisho ya siku ya Lishe Mkoa wa Shinyanga na Wiki ya Unyonyeshaji. Katikati aliyevaa suruali ni Mkuu wa Wilaya ya Shinyanga Mhe. Johari Samizi.

Mkuu wa Mkoa wa Shinyanga Mhe. Christina Mndeme akimpa zawadi mtoto aliyenyonyeshwa miezi sita bila kupewa chakula kingine na mama yake (aliyeshikilia kipaza sauti) wakati wa maadhimisho ya siku ya Lishe Mkoa wa Shinyanga na Wiki ya Unyonyeshaji

Mkuu wa Mkoa wa Shinyanga Mhe. Christina Mndeme akimpa zawadi mtoto aliyenyonyeshwa miezi sita bila kupewa chakula kingine na mama yake wakati wa maadhimisho ya siku ya Lishe Mkoa wa Shinyanga na Wiki ya Unyonyeshaji

Loveness Jameson akionesha namna ya kumuweka mtoto wakati wa kunyonyesha . Kulia ni Mkuu wa Mkoa wa Shinyanga Mhe. Christina Mndeme

Lydia Bryson akielezea faida za kunyonyesha mtoto miezi sita bila kumpa chakula kingine wakati wa maadhimisho ya siku ya Lishe Mkoa wa Shinyanga na Wiki ya Unyonyeshaji

Mkuu wa Mkoa wa Shinyanga Mhe. Christina Mndeme akipima Shinikizo la damu wakati wa maadhimisho ya siku ya Lishe Mkoa wa Shinyanga na Wiki ya Unyonyeshaji

Mkuu wa Mkoa wa Shinyanga Mhe. Christina Mndeme akipima Shinikizo la damu wakati wa maadhimisho ya siku ya Lishe Mkoa wa Shinyanga na Wiki ya Unyonyeshaji

Mkuu wa Mkoa wa Shinyanga Mhe. Christina Mndeme akipima uzito wakati wa maadhimisho ya siku ya Lishe Mkoa wa Shinyanga na Wiki ya Unyonyeshaji

Mkuu wa Mkoa wa Shinyanga Mhe. Christina Mndeme akipima urefu wakati wa maadhimisho ya siku ya Lishe Mkoa wa Shinyanga na Wiki ya Unyonyeshaji. Kulia ni Mkuu wa Wilaya ya Shinyanga Mhe. Johari Samizi akipima Shinikizo la damu wakati wa maadhimisho ya siku ya Lishe Mkoa wa Shinyanga na Wiki ya Unyonyeshaji

Mkuu wa Wilaya ya Shinyanga Mhe. Johari Samizi akipima Shinikizo la damu wakati wa maadhimisho ya siku ya Lishe Mkoa wa Shinyanga na Wiki ya Unyonyeshaji

Watalaamu wa afya wakimuelezea Mkuu wa Mkoa wa Shinyanga Mhe. Christina Mndeme kuhusu vipimo vya urefu na uzito

Mkuu wa Wilaya ya Shinyanga Mhe. Johari Samizi akipima uzito wakati wa maadhimisho ya siku ya Lishe Mkoa wa Shinyanga na Wiki ya Unyonyeshaji

Mkuu wa Mkoa wa Shinyanga Mhe. Christina Mndeme akigawa uji wenye lishe kwa watoto wakati wa maadhimisho ya siku ya Lishe Mkoa wa Shinyanga na Wiki ya Unyonyeshaji

Mkuu wa Mkoa wa Shinyanga Mhe. Christina Mndeme akigawa uji wenye lishe kwa watoto wakati wa maadhimisho ya siku ya Lishe Mkoa wa Shinyanga na Wiki ya Unyonyeshaji

Mkuu wa Mkoa wa Shinyanga Mhe. Christina Mndeme akigawa uji wenye lishe kwa watoto wakati wa maadhimisho ya siku ya Lishe Mkoa wa Shinyanga na Wiki ya Unyonyeshaji

Mkuu wa Mkoa wa Shinyanga Mhe. Christina Mndeme akigawa uji wenye lishe kwa watoto.

Mkuu wa Mkoa wa Shinyanga Mhe. Christina Mndeme akigawa uji wenye lishe kwa watoto wakati wa maadhimisho ya siku ya Lishe Mkoa wa Shinyanga na Wiki ya Unyonyeshaji

Mkuu wa Mkoa wa Shinyanga Mhe. Christina Mndeme akizungumza baada ya kugawa chakula chenye lishe kwa watoto wakati wa maadhimisho ya siku ya Lishe Mkoa wa Shinyanga na Wiki ya Unyonyeshaji

Mkuu wa Mkoa wa Shinyanga Mhe. Christina Mndeme akizungumza baada ya kugawa chakula chenye lishe kwa watoto wakati wa maadhimisho ya siku ya Lishe Mkoa wa Shinyanga na Wiki ya Unyonyeshaji

Diwani wa kata ya Ndala, Mhe. Zamda Shaban akitoa neno la shukrani baada ya Mkuu wa Mkoa wa Shinyanga Mhe. Christina Mndeme kugawa chakula chenye lishe kwa watoto wakati wa maadhimisho ya siku ya Lishe Mkoa wa Shinyanga na Wiki ya Unyonyeshaji

Wanafunzi wa Chuo cha Ualimu Shinyanga (Shy com) wakiwa kwenye kwenye maadhimisho ya siku ya Lishe Mkoa wa Shinyanga na Wiki ya Unyonyeshaji

Wananchi wakiwa kwenye maadhimisho ya siku ya Lishe Mkoa wa Shinyanga na Wiki ya Unyonyeshaji

Wananchi wakiwa kwenye maadhimisho ya siku ya Lishe Mkoa wa Shinyanga na Wiki ya Unyonyeshaji

Wananchi wakiwa kwenye maadhimisho ya siku ya Lishe Mkoa wa Shinyanga na Wiki ya Unyonyeshaji

Wananchi na wanafunzi wa chuo cha ualimu Shinyanga (Shy Com) wakiwa kwenye maadhimisho ya siku ya Lishe Mkoa wa Shinyanga na Wiki ya Unyonyeshaji

Wananchi wakiwa kwenye maadhimisho ya siku ya Lishe Mkoa wa Shinyanga na Wiki ya Unyonyeshaji.

Picha zote na Kadama Malunde - Malunde 1 blog

Read More →

TUME YATANGAZA UCHAGUZI MDOGO WA MBARALI NA KATA SITA

Mkurugenzi wa Uchaguzi wa Tume ya Taifa ya Uchaguzi (NEC), Ramadhani Kailima akizungumza leo Agosti 5,2023 wakati akitoa taarifa uwepo wa Uchaguzi mdogo katika Jimbo la Mbarali Mkoani Mbeya na Kata sita za Tanzania bara. Taarifa hiyo ameitoa jijini Dodoma baada ya kikao cha Tume kilichokutana leo .

Mwenyekiti wa Tume ya Taifa ya Uchaguzi, Mh. Jaji wa Rufaa Jacobs Mwambegele (katikati) akiongoza kikao cha Tume kilichokutana leo Agosti 5,2023 jijini Dodoma. Kushoto ni Makamu Mwenyekiti wa Tume, Jaji wa Rufaa (Mstaafu), Mbarouk Salim Mbarouk na Kulia Katibu wa Tume hiyo ambaye pia ni Mkurugenzi wa Uchaguzi wa tume ya Taifa ya Uchaguzi, Ramadhani Kailima.

Wajumbe wa Tume ya Taifa ya Uchaguzi wakiendelea na kikao chao hii leo Agosti 5,2023 jijini Dodoma.

Wajumbe wa Tume ya Taifa ya Uchaguzi wakiendelea na kikao chao hii leo Agosti 5,2023 jijini Dodoma.

Mwenyekiti wa Tume ya Taifa ya Uchaguzi, Mh. Jaji wa Rufaa Jacobs Mwambegele (wanne kutoka kushoto) akiwa katika picha ya pamoja na Wajumbe wa Tume ya Uchaguzi baada ya kumalizika kwa kikao chao kilichokutana leo jijini Dodoma ambapo pamoja na mambo mengine walipitisha tarehe ya uchaguzi mdogo katika jimbo la mbarali na Kata sita za Tanzania bara.

**********

Uchaguzi Mdogo wa Jimbo la Mbarali na kata sita za Tanzania Bara utafanyika tarehe 19 Septemba, 2023.

Akisoma taarifa kwa umma jijini Dodoma leo tarehe 05 Agosti, 2023, baada ya kikao cha Tume, Mkurugenzi wa Uchaguzi wa Tume ya Taifa ya Uchaguzi, Bw. Ramadhani Kailima amesema wagombea watachukua fomu kuanzia tarehe 13 hadi 19 Agosti, 2023, siku ya uteuzi itakuwa tarehe 19 Agosti, 2023 na kampeni za uchaguzi zitafanyika kuanzia tarehe 20 Agosti, 2023 hadi tarehe 18 Septemba, 2023.

Amezitaja kata zitakazofanya uchaguzi mdogo kuwa ni; Nala iliyopo Halmashauri ya Jiji la Dodoma, mkoani Dodoma, Mwaniko iliyopo Halmashauri ya Wilaya ya Misungwi, mkoani Mwanza, Old Moshi Magharibi iliyopo Halmashauri ya Wilaya ya Moshi na Marangu Kitowo iliyopo Halmashauri ya Wilaya ya Rombo, mkoani Kilimanjaro, Mtyangimbole iliyopo Halmashauri ya Wilaya ya Madaba na Mfaranyaki iliyopo Halmashauri ya Manispaa ya Songea, mkoani Ruvuma.

“Tume inatumia nafasi hii kuvikumbusha vyama vya siasa, wagombea na wadau wote wa uchaguzi kuzingatia Katiba, Sheria, Kanuni, Maadili ya Uchaguzi, Taratibu, Miongozo na maelekezo ya Tume katika kipindi cha uchaguzi huu mdogo,” amesema Bw. Kailima.

Aliongeza kuwa, Tume imetoa taarifa hiyo baada ya kupokea taarifa kutoka kwa Spika wa Bunge la Jamhuri ya Muungano wa Tanzania, akiitaarifu Tume kuhusu uwepo wa nafasi wazi ya Ubunge katika Jimbo la Mbarali, Halmashauri ya Wilaya ya Mbarali Mkoa wa Mbeya. Nafasi hiyo wazi inatokana na kifo cha aliyekuwa Mbunge wa Jimbo hilo, Mhe. Francis Mtega. Spika ametoa taarifa hiyo kwa mujibu wa kifungu cha 37(3) cha Sheria ya Taifa ya Uchaguzi, Sura ya 343.

“Tume imepokea taarifa kutoka kwa Waziri mwenye Dhamana ya Serikali za Mitaa, akiitarifu juu ya uwepo wa nafasi wazi za Madiwani katika kata sita za Tanzania Bara. Waziri ametoa taarifa hiyo kwa kuzingatia matakwa ya kifungu cha 13(1) cha Sheria ya Uchaguzi ya Serikali za Mitaa, Sura ya 292,” alisema Bw. Kailima.

Aliongeza, “Tume kwa kuzingatia matakwa ya kifungu cha 37(1)(b) cha Sheria ya Taifa ya Uchaguzi, Sura ya 343 na kifungu cha 13(3) cha Sheria ya Uchaguzi ya Serikali za Mitaa, Sura ya 292 inatoa taarifa kwa umma kuhusu uwepo wa uchaguzi mdogo wa Ubunge wa Jimbo la Mbarali na Madiwani katika kata sita za Tanzania Bara”.

Read More →

KARIBU VANILLA VILLAGE DODOMA - 0629300200

TAZAMA MIRADI YA VANILLA <<HAPA>> 0629300200

HABARI

MRADI MKUBWA KILIMO CHA KISASA CHA VANILLA WAZINDULIWA DODOMA....BILIONI 30 KULETA MAPINDUZI

HABARI

VANILLA INTERNATIONAL LTD YAZINDUA SHAMBA KUBWA LA KISASA KILIMO CHA VANILLA KANDA YA ZIWA

Read More →

RC MWASSA ARIDHISHWA UJENZI JENGO LA DHARURA HOSPITALI YA WILAYA KARAGWE

Na Mariam Kagenda - Kagera

Ikiwa ni mwendelezo wa ukaguzi wa miradi ya maendeleo Wilaya ya Karagwe mkoa wa Kagera Mkuu wa Mkoa wa Kagera Mhe. Fatma Mwassa amepongeza ukamilishaji majengo ya kutolea huduma katika hospitali ya Wilaya ya Karagwe na utendaji kazi.

Akizungumza baada ya kukagua jengo hilo la huduma ya dharula Mhe. Mwassa ametoa wito kwa watumishi wa sekta ya afya kufanya kazi kwa kukidhi matakwa ya wananchi ikiwemo kuwapa huduma bora na kuwaelewesha juu ya umuhimu wa kupata huduma za matibabu kwa wakati.

Amesema kuwa anawapongeza kwa usimamizi mzuri pamoja na usafi wa Mazingira ya Hospital nzima ikiwemo utunzaji wa miundombinu ambapo hospitali nyingi ukitembelea unakuta Mazingira hayaridhishi.

Serikali kupitia TAMISEMI imetoa fedha shilingi bilioni 3.5 kuhakikisha wanakuwa na hospitali ya kisasa ambayo haiwatofautishi na hospitali nyingine zilizoko Mwanza, Dar es salaam na Dodoma kinachotakiwa ni kufanya kazi kwa kukidhi matakwa ya wananchi.

Aidha, amempongeza Rais wa Jamhuri ya Muungano wa Tanzania Dkt. Samia Suluhu Hassan kwa kutoa fedha kwa ajili ya ujenzi wa hospitali hiyo ambayo imewaondolea kero wananchi kutembea umbali mrefu kufuata huduma ya afya.

Kwa upande wao baadhi ya wananchi wamesema wanaridhishwa na huduma zinazotolewa katika Hospitali hiyo na hakuna wasiwasi, ukilinganisha na miaka ya nyuma ambapo walilazimika kufuata huduma nyingi katika Hospitali ya Rufaa ya Bugando iliyopo Mwanza.

Wamesema kuwa kipindi cha nyuma changamoto kubwa ilikuwa ni kupata huduma nzuri za afya ambapo kwasasa Serikali imerahisisha huduma zote za upasuaji, masuala ya upumuaji hakuna tofauti tena kati ya Bugando na Karagwe, kwa ujumla wananchi naridhishwa na huduma zote zinazotolewa, changamoto ndogondogo za uwepo wa watumishi wanaamini Serikali itazitatua.

Katibu wa Hospitali, Samson Hingi ameeleza kuwa ujenzi wa Hospitali hiyo ulianza mwaka 2019 na kwasasa huduma nyingi zinapatikana hospitalini hapo hivyo gharama za wananchi kupewa Rufaa na kufuata huduma za afya mbali zimepungua. Mpaka sasa asilimia 60 ya vifaa tiba vya kisasa vimefungwa na wagonjwa wanapata huduma nzuri.

Read More →