TBS YAENDESHA MAFUNZO YA AWALI UTEKELEZAJI WA MAJUKUMU YA USHIRIKIANO BAINA YA MAAFISA BIASHARA NA AFYA MKOANI DODOMA

KATIBU Tawala wa Mkoa wa Dodoma Dk.Fatma Mganga,akizungumza wakati wa ufunguzi wa Mafunzo kwa Watumishi wa Tawala za Mikoa na Serikali za Mitaa yaliyowalenga Watumishi kutoka Idara ya Afya na Idara ya Biashara Ofisi ya Rais Tamisemi na kuhudhuriwa na Maafisa biashara kutoka Mkoa wa Dodoma na Halmshauri zote yaliyoandaliwa na TBS yaliyofanyika leo Septemba 20,2022 jijini Dodoma.

KATIBU Tawala wa Mkoa wa Dodoma Dk.Fatma Mganga,akisisitiza jambo kwa washiriki (hawapo pichani) wakati wa Mafunzo yaliyowalenga Watumishi kutoka Idara ya Afya na Idara ya Biashara Ofisi ya Rais Tamisemi na kuhudhuriwa na Maafisa biashara kutoka Mkoa wa Dodoma na Halmshauri zote yaliyoandaliwa na TBS yaliyofanyika leo Septemba 20,2022 jijini Dodoma.

SEHEMU ya washiriki wakimsikiliza Katibu Tawala wa Mkoa wa Dodoma Dk.Fatma Mganga,(hayupo pichani) wakati wa Mafunzo yaliyowalenga Watumishi kutoka Idara ya Afya na Idara ya Biashara Ofisi ya Rais Tamisemi na kuhudhuriwa na Maafisa biashara kutoka Mkoa wa Dodoma na Halmshauri zote yaliyoandaliwa na TBS yaliyofanyika leo Septemba 20,2022 jijini Dodoma.

KATIBU Tawala Msaidizi Uchumi na Uzalishaji Mkoa wa Dodoma Bi.Aziza Mumba,akizungumza wakati wa Mafunzo kwa Watumishi wa Tawala za Mikoa na Serikali za Mitaa yaliyowalenga Watumishi kutoka Idara ya Afya na Idara ya Biashara Ofisi ya Rais Tamisemi na kuhudhuriwa na Maafisa biashara kutoka Mkoa wa Dodoma na Halmshauri zote yaliyoandaliwa na TBS yaliyofanyika leo Septemba 20,2022 jijini Dodoma.

MENEJA wa Kanda ya Kati wa Shirika la Viwango Tanzania (TBS) Bw.Nickonia Mwabuka,akitoa taarifa ya ufunguzi wa Mafunzo kwa Watumishi wa Tawala za Mikoa na Serikali kwa niaba ya Mkurugenzi Mkuu wa TBS Dkt.Athuman Ngenya yaliyofanyika leo Septemba 20,2022 jijini Dodoma.

Mratibu Huduma za Afya na Usafi TAMISEMI Selemani Yondu,akitoa neno la shukrani kwa Katibu Tawala wa Mkoa wa Dodoma Dk.Fatma Mganga,mara baada ya kufungua Mafunzo kwa Watumishi wa Tawala za Mikoa na Serikali za Mitaa yaliyowalenga Watumishi kutoka Idara ya Afya na Idara ya Biashara Ofisi ya Rais Tamisemi na kuhudhuriwa na Maafisa biashara kutoka Mkoa wa Dodoma na Halmshauri zote yaliyoandaliwa na TBS yaliyofanyika leo Septemba 20,2022 jijini Dodoma.

KATIBU Tawala wa Mkoa wa Dodoma Dk.Fatma Mganga,akiwa katika picha ya pamoja mara baada ya kufungua Mafunzo kwa Watumishi wa Tawala za Mikoa na Serikali za Mitaa yaliyowalenga Watumishi kutoka Idara ya Afya na Idara ya Biashara Ofisi ya Rais Tamisemi na kuhudhuriwa na Maafisa biashara kutoka Mkoa wa Dodoma na Halmshauri zote yaliyofanyika yaliyoandaliwa na TBS leo Septemba 20,2022 jijini Dodoma.

...............................

Na Alex Sonna-DODOMA

SERIKALI imesema inathamini suala la usalama wa chakula kwani ndio mhimili mkubwa wa afya ya watanzania na ukuaji wa uchumi.

Hayo yameelezwa leo Septemba 20 Jijini Dodoma na Katibu Tawala wa Mkoa wa Dodoma,Dk Fatma Mganga wakati akifungua mafunzo kwa watumishi wa Tawala za Mikoa na Serikali za Mitaa yaliyoandaliwa na Shirika la Viwango Tanzania (TBS).

Dk Mganga amesema Serikali ya awamu ya sita inathamini suala la usalama wa chakula kwani ndio mhimili mkubwa wa Afya ya watanzania na ukuaji wa uchumi.

" Nimetonywa kwamba, kupitia mafunzo haya mtajengewa uwezo kuhusu sheria na Kanuni ya Viwango, Mwongozo wa Utekelezaji wa Majukumu ya ushirikiano baina ya TBS na Halmashauri, ukaguzi, uchukuaji sampuli na uteketezaji na utaratibu wa usombaji na usajili wa maeneo yanayotumika kuuza vyakula.

"Ni matumaini yangu kuwa mafunzo haya yataongeza umahiri wetu katika kusimamia usalama wa chakula na hivyo mtaweka mikakati madhubuti ya kusimamia maeneo yenu na kuhakikisha hakuna changamoto yoyote,"amesema Dk.Mganga.

Aidha, Sheria ya Afya ya Jamii ya mwaka 2009 na kanuni zake, sheria ya usimamizi wa usalama wa chakula na kanuni zake, pamoja na sheria ndogo za halmashauri zenu zitumike vizuri kuhakikisha maeneo yetu yanakuwa salama.

"Nichukue fursa hii kutoa pongezi nyingi kwa Serikali kukasimu baadhi ya majukumu kwa Wataalam wetu wa Halmashauri ambao wapo karibu zaidi na wadau,"amesema Katibu Tawala huyo.

Amesema kupanuliwa kwa wigo huo kutasaidia sana kufichuo vitendo viovu vilivyokuwa vinafanywa na watu wenye tamaa ya kujitajirisha kwa kuuza bidhaa ambazo hazikidhi viwango vinavyotakiwa au bidhaa zenye viambata sumu.

Amesema sheria hiyo sasa inaenda kuwaongezea nguvu ya usimamizi wakishirikiana na TBS na hivyo kupunguza au kuondoa changamoto zilizopo sasa.

"Niwaase mkatekeleze majukumu hayo kwa kuzingatia Sheria, Kanuni na taratibu ambazo zitafafanuliwa katika mafunzo haya.

"Sitavumilia mtaalam ambaye atafanya kinyume na kutumia mamlaka mnayokasimiwa kusumbua wazalishaji ambao wanajitahidi kuzingatia miogozo iliyopo.

"Tutumie muda wetu mwingi kuelimisha zaidi kabla ya kuchukua hatua za kuadhibu,"amesema Dk.Mganga

Aidha, amewataka kuhakikisha wakirudi katika vituo vyao vya kazi wanatumia mafunzo hayo vizuri.

"Hii ndio njia muafaka itakayowezesha kuhakikisha watumiaji wanapata bidhaa salama,"amesema Katibu Tawala huyo.

Kwa upande wake Meneja wa Shirika la Viwango Tanzania (TBS) Kanda ya Kati,Nickonia Mwabuka amesema lengo Kuu la mafunzo hayo ni kuwapa walengwa kujua sheria,kanuni na taratibu zinazohusu utekelezaji wa majukumu baina ya Tamisemi na TBS.

Amesema mafunzo hayo yamewalenga watumishi wa idara ya afya na biashara katika Ofisi ya Rais Tawala za Mikoa na Serikali za Mitaa (Tamisemi).

"TBS imeekuwa ikifanya shughuli za ukaguzi na udhibiti kwa kushirikiana na watumishi kutoka katika Ofisi za Halmashauri hivyo naamini mafunzo haya yataleta ufanisi katika maeneo yao ya kazi,"amesema

Bw.Mwbuka amesema TBS inatambua mchango wa wafanyakazi katika Ofisi mbalimbali hivyo itaendelea kutoa mafunzo kwa watumishi hao.

Read More →

UGANDA YATHIBITISHA MLIPUKO WA EBOLA...MTU MMOJA AFARIKI

Mwanaume mwenye umri wa miaka 24 aliyeambukizwa Ebola amefariki dunia katikati mwa Uganda katika mlipuko mpya uliothibitishwa na maafisa wa afya.

Waziri wa afya amewaambia waandishi wa habari kwamba mwathiriwa alikuwa ameonyesha dalili kabla ya kuugua ugonjwa huo.

Alikuwa mkazi wa kijiji cha Ngabano katika wilaya ya Mubende, yapata kilomita 147 (maili 91) kutoka mji mkuu, Kampala.

Social embed from twitter

RipotiReport this social embed, make a complaint

Kisa cha aina hiyo ambacho ni nadra kilithibitishwa na Taasisi ya Utafiti wa Virusi vya Uganda, Shirika la Afya Duniani (WHO) lilisema katika taarifa.

“Shukrani kwa utaalamu wake [Uganda], hatua imechukuliwa ili kubaini virusi hivyo haraka na tunaweza kutumia ujuzi huu ili kukomesha kuenea kwa maambukizi,’’ alisema Dk. Matshidiso Moeti - Mkurugenzi wa WHO kanda ya Afrika.

Shirika la Afya Ulimwenguni linasema kuwa ni mara ya kwanza katika kipindi cha takriban muongo mmoja kwa kesi ya Ebola kuthibitishwa nchini humo.

Takriban watu wanane walio na dalili zinazoshukiwa wanapokea huduma ya matibabu, na WHO sasa inatuma wafanyikazi katika eneo lililoathiriwa.

Visa vingi vya virusi hivyo vimeripotiwa katika nchi jirani ya Jamhuri ya Kidemokrasia ya Congo, hivi karibuni zaidi ikiwa mwezi uliopita.

Sampuli zilizokusanywa kutoka kwa mwanamume huyo ambaye aliwasilishwa hospitalini akiwa na dalili za maambukizi ya virusi vilipatikana na virusi vya ugonjwa wa Ebola aina ya Sudan.

Kijana huyo alikuwa mgonjwa kwa takriban siku nne, na amekufa.

Baada ya uchunguzi wa maafisa wa afya, vifo vingine sita katika familia moja vimethibitishwa kuwa Ebola.

Wizara ya afya nchini Uganda imedhibitisha watu sita wamefariki wilayani Mubende wakiwa na dalili za ugonjwa wa Ebola.

Watu wazima watatu na watoto watatu walikufa katika hali isiyoeleweka ndani ya wiki mbili zilizopita.

Marehemu ni pamoja ni pamoja na mtoto wa kike wa miezi 10 ambaye alifariki tarehe 11 Septemba 2022.

Inasemekana kuwa walionyesha dalili za Ebola.

Timu za afya ya jamii sasa zinafuatilia watu wowote ambao wanafamilia wanaweza kuwa wamewasiliana nao.

Familia hizi zitatengwa na kuwekwa chini ya karantini.

Wizara ya afya ya Uganda ilisema kuwa chanjo pekee zinazopatikana nchini humo ni zile zilizokusudiwa kwa aina ya Ebola ya Congo.

Lakini mamlaka imewahakikishia umma kuwa wana uwezo na ujuzi wa kudhibiti Ebola, kulingana na uzoefu wa awali wa milipuko ya virusi.

Shirika la Afya Ulimwenguni pia linatuma wafanyikazi wa ziada kwenye eneo lililoathiriwa.

Hii ni mara ya tano Uganda kupata mlipuko wa ugonjwa wa Ebola, mara ya kwanza ulikuwa mbaya zaidi mwaka 2000 na kuua watu 224, na mlipuko wa mwisho nchini ilikuwa mwaka 2018. Milipuko mingine ilitokea 2014 na 2017.

CHANZO - BBC SWAHILI

Read More →

KAMWE! MUME WANGU HAWEZI KUJA KUNISALITI

Read More →

WAKIMBIZI WA BURUNDI WATAKIWA KURUDI NCHI MWAO SASA

Msimamizi wa huduma za matibabu ya magonjwa yasiyo ya kuambukiza kwenye kambi ya wakimbizi Nduta wilaya ya Kigoma mkoani Kigoma inayotolea na Shirika la Medical Team International Dk.Martin Mhina akitoa maelezo kwa Mkurugenzi wa idara ya wakimbizi ya wizara ya mambo ya ndani ya nchi Sudi Mwakibasi (wa pili kulia) kuhusu namna ya utoaji wa huduma hizo katika kambi hiyo. (Picha na Fadhili Abdallah)

Mkurugenzi Mkazi wa shirika hilo nchini Tanzanaia Dk.George Mwita (kushoto) akimtembeza Mkurugenzi wa idara ya wakimbizi ya wizara ya mambo ya ndani ya nchi Sudi Mwakibasi (kulia) katika kituo cha utoaji wa huduma za matibabu za magonjwa sugu yasiyo ya kuambukiza kwenye kambi ya wakimbizi ya Nduta wilaya ya Kibondo mkoani Kigoma kinachoendeshwa na Shirika hilo wakati wa uzinduzi rasmi wa kituo hicho.

Mkurugenzi wa idara ya wakimbizi ya wizara ya mambo ya ndani ya nchi Sudi Mwakibasi (kulia) akikata utepe kuzindua rasmi kituo cha utoaji wa huduma za matibabu za magonjwa sugu yasiyo ya kuambukiza kwenye kambi ya wakimbizi ya Nduta wilaya ya Kibondo mkoani Kigoma kinachoendeshwa na Shirika la Medical Team International (kushoto) Mkurugenzi Mkazi wa shirika hilo nchini Tanznaia Dk.George Mwita.

Mkurugenzi wa idara ya wakimbizi ya wizara ya mambo ya ndani ya nchi Sudi Mwakibasi (kulia) akikata utepe kuzindua rasmi kituo cha utoaji wa huduma za matibabu za magonjwa sugu yasiyo ya kuambukiza kwenye kambi ya wakimbizi ya Nduta wilaya ya Kibondo mkoani Kigoma kinachoendeshwa na Shirika la Medical Team International (kushoto) Mkurugenzi Mkazi wa shirika hilo nchini Tanznaia Dk.George Mwita.

Mkurugenzi wa idara ya wakimbizi ya wizara ya mambo ya ndani ya Nchi Sudi Mwakibasi akizungumza kwenye kambi ya wakimbizi ya Nduta wilaya ya Kasulu mkoani Kigoma na kuwataka wakimbizi wa Burundi wanaohifadhiwa kwenye kambi hiyo kurejea nchini kwao kwa hiari

Na Fadhili Abdallah,Kigoma

WAKIMBIZI wa Burundi wanaohifadhiwa kwenye kambi ya Nduta wilaya ya Kibondo mkoani Kigoma wametakiwa kuwekeza nguvu na akili zao katika kufikiri kurudi nchini kwao badala ya kutumia muda mwingi kuomba kuimarishwa kwa huduma kwenye kambi hiyo ya wakimbizi.

Mkurugenzi wa idara ya wakimbizi ya wizara ya mambo ya ndani ya nchi, Sudi Mwakibasi alisema hayo akizungumza na wakimbizi wa Burundi kwenye kambi hiyo wakati wa uzinduzi wa kituo cha kutoa huduma za afya ya msingi na magonjwa yasiyo ya kuambukizwa kinachoendeshwa na Shirika la Medical team International.

Mwakibasi alisema kuwa kwa sasa nchi ya Burundi ina amani na watu wengi wamekuwa wakifanya kazi zao za maendeleo hivyo haiingii akilini kuona kuwa bado wapo watu wengi wa nchi wanahifadhiwa kwenye makambi nchini Tanzania kama wakimbizi.

“Serikali za Tanzania, Burundi na Shirika la Umoja wa Mataifa tumekubaliana wakimbizi warudi kwao kwa hiari baada ya kujiridhisha uwepo wa amani ya kutosha lakini bado idadi ya wakimbizi wanaojiandikisha kurudi ni ndogo sana na hali hii itachukua muda mrefu wakimbizi kurudi kwao hivyo kwa hali hii tunawataka wakimbizi wajiorodheshe kwa wingi kurudi nchini kwao,”Alisema Mwakibasi.

Mkurugenzi huyo alisema kuwa pamoja na kuboreshwa kwa baadhi ya huduma kutokana na hali ya kibinadamu lakini mashirika mengi hayataendelea kutoa huduma kambini humo kwani kwa sasa wakimbizi hao hawana hadhi ya kuwa wakimbizi kutokana n a nchi yao kuwa na amani na iko tayari kuwapokea warudi.

Awali akizungumza kabla ya uzinduzi rasmi wa kituo hicho Mkurugenzi Mkuu wa Shirika la Medical Team International (MTI),Dk.George Mwita alisema kuwa uzinduzi wa kituo hicho cha matibabu unaangazia magonjwa sugu yasiyo ya kuambukiza ambayo yamekuwa na uhitaji wa kupata huduma maalum.

Dk.George alisema kuwa zipo huduma za kawaida za matibabu zinazotolewa kambini hapo lakini kuhitajika kwa huduma za matibabu za magonjwa sugu yasiyo ya kuambukiwa ikiwemo Presha,kisukari, magonjwa ya mfumo wa hewa, kifua kikuu,HIV na sikoseli.

Alisema kuwa pamoja na uwepo wa madaktari maalum wa magonjwa hayo pia kituo hicho kitakuwa na huduma za upimaji na utoaji wa dawa kwa magonjwa hayo kukiwa na vifaa muhimu vinavyohitajika kwa ajili ya upimaji na utoaji huduma za matibabu za magonjwa yasiyo ya kuambukiza.

Baadhi ya wakimbizi wakiongea baada ya kuzinduliwa kwa kituo hicho walisema kuwa imekuwa faraja kubwa kwao kwani katika hospitali za kawaida zilizopo ndani ya kambi hiyo ya wakimbizi magonjwa hayo yalikuwa yakichanganywa na kutibiwa kama magonjwa mengine.

Mmoja wa wakimbizi hao, Ndaisaba Gelard alisema kuwa wamefarijika kufuatia kufunguliwa kwa hospitali hiyo kwani kwa sasa wanapata huduma za upimaji na kupewa dawa kulingana na magonjwa yako tofauti na hospitali nyingine walizokuwa wakipata tiba ambazo wakati mwingine baadhi ya vipimo havikuwepo.

Read More →

TBS YAWAFIKIA WANANCHI 5,446 MKOANI MWANZA

Mkaguzi ( TBS), Bw. Nelson Mugema akitoa elimu kuhusu umuhimu wa kununua bidhaa zilizothibitishwa ubora na usalama wake na TBS sambamba na kuzingatia muda wa mwisho wa matumizi wa bidhaa kwa wananchi waliokuwepo katika gulio la Kisesa,wilayani Magu, wakati wa kampeni ya elimu kwa umma katika ngazi ya wilaya mkoani Mwanza. Meneja Uhusiano na Masoko ( TBS) Bi. Gladness Kaseka akitoa elimu kwa wananchi waliohudhuria mnada wa Bungulwa Wilayani Kwimba kuhusu umuhimu wa kusoma taarifa zilizopo katika bidhaa sambamba na kuzingatia muda wa mwisho wa matumizi.Maafisa wa TBS wakitoa elimu kwa wananchi kuhusu majukumu ya Shirika pamoja na namna ya kutuma maoni/malalamiko pale wanapokutana na changamoto kwenye bidhaa katika mnada wa Misasi wilayani Misungwi mkoani Mwanza. Maafisa wa TBS wakitoa elimu kwa wajasiriamali wanawake wa wilaya za Sengerema, Kwimba,Ilemela na Magu mkoani Mwanza . Wajasiriamali hao walielimishwa juu ya taratibu za kupata leseni ya kutumia alama ya ubora katika bidhaa zao na faida za kuthibitisha ubora wa bidhaa zao ikiwa ni pamoja na kupata masoko kiurahisi ndani na nje ya Nchi. Jumla ya wajasiriamali 96 walifikiwa katika kampeni ya elimu kwa umma ngazi ya wilaya iliyofanyika kuanzia tarehe 05.09.2022 mpaka tarehe 19.05.2022.

**************************

WATU 5, 446 miongoni mwao wakiwemo Wanawake wajasiriamali 96 katika wilaya tano za Mkoa wa Mwanza wamepatiwa elimu kuhusu masuala mbalimbali kuhusu viwango na taratibu za kufuata ili kupata alama ya ubora hususan kwa wajasiriamali.

Elimu hiyo kwa umma ilitolewa na maofisa wa Shirika la Viwango Tanzania (TBS) kuanzia Septemba 5 hadi 19, mwaka huu katika Wilaya za Sengerema (Soko Kuu la Sengerema), Kwimba (mnada wa Bungulwa), Misungwi (Mnada wa Misasi), Ilemela (Gulio la Kitangiri) na Magu (Gulio la Kisesa).

Akizungumza na waandishi wa habari jana jijini Mwanza wakati akitoa majumuisho ya elimu hiyo kwenye wilaya hizo tano,Meneja Uhusiano na Masoko wa TBS, Bi. Gladness Kaseka, alisema kwa kipindi hicho walitoa elimu kwa umma kuhusiana na majukumu ya shirika hilo pamoja na ile inayohusiana na masuala mbalimbali udhibiti ubora kwa ujumla.

"Kupitia elimu hii tumeweza kufikia jumla ya watu 5, 446 na tuliwafuata kule waliko wanakofanyia shughuli zao ikiwemo kwenye masoko, minada, magulio na maeneo mengine yenye mikusanyiko ya watu wengi,"alisema Kaseka.

Kwa upande wa wajasiriamali, Kaseka alisema waliweza kutoa elimu hiyo kwa wajasiriamali wengi wakiwemo wanawake 96 wa mkoa huo (Mwanza).

"Wajasiriamali tumewafundisha taratibu za kufuata ili kupata leseni ya kutumia alama ya ubora na jinsi inavyoweza kuwasaidia kupata masoko ya ndani na nje ya nchi," alisema Kaseka.

Kwa upande wa wananchi, Kaseka alisema pamoja na mambo mengine waliwafundisha umuhimu wa kununua bidhaa zilizothibitishwa na TBS, umuhimu wa kuangalia tarehe ya mwisho wa matumizi kwa bidhaa wanazotaka kuzinunua na jinsi kuwasiliana na TBS wanapokuwa na maoni au kukutana na changamoto zozote.

Kwa mujibu wa Kaseka, Wananchi waliopata elimu hiyo waliahidi kuhakikisha wanakuwa mabalozi kwa kuhamasisha jamii kutumia bidhaa zilizothibitishwa ubora na shirika hilo pamoja na kuwa makini kuagalia muda wa mwisho wa matumizi wa bidhaa wanazotaka kuzinunua.

Aidha, alisema kupitia elimu hiyo walitoa wito kwa wananchi kuendelea kutoa taarifa TBS pindi wanapokutana na bidhaa zilizokwisha muda wake wa matumizi au wanapotilia shaka bidhaa yoyote katika soko.

Kwa upande wa wananchi waliopatiwa elimu hiyo, walipongeza hatua hiyo ya TBS, wakisema itakuwa mwarobaini wa changamoto wanazokuwa wakikutana nazo. Mmoja wa wajasiriamali waliopatiwa elimu hiyo akizungumza kwa sharti la majina yake kutochapishwa gazetini, alipongeza TBS kwa kuwaelimishwa taratibu za kufuata ili kuthibitisha ubora bidhaa anazozalisha.

Alisema wanapopeleka bidhaa zao sokoni kama bidhaa hajathibitishwa na TBS wanakabiliwa na changamoto ya kupata masoko, hivyo elimu waliyoipata imewafungulia milango ya kuanza mchakato wa kuthibitisha ubora wa bidhaa zao, haswa ukizingatia hakuna gharama zozote kwa miaka mitatu ya mwanzo.

"Kwa sasa wananchi wengi wana elimu ya viwango, tukiwa sokoni tunaulizwa kama bidhaa zetu zina TBS (alama ya ubora) sasa tunaanza safari ya kutafuata alama ya ubora," alisema.

Read More →

HAYA HAPA MAGAZETI YA LEO JUMANNE SEPTEMBA 20,2022

Read More →

MARUBANI WACHAPANA MAKONDE BAADA YA KUKOSANA ANGANI

Marubani mawili wa shirika la ndege la Air-France wamesimamishwa kazi baada ya kupigana katika chumba cha marubani ndege ikiwa hewani.

Wawili hao walilimana makonde wakipaisha ndege aina ya Airbus A320 kutoka Geneva, Uswizi kulekea Paris, Ufaransa, shirika la habari la Uswizi La Tribune limeripoti.

Wahudumu wa ndege waliokuwa wakipaa na ndege hiyo waliingilia baada ya kusikia kelele. 

Mmoja wa wahudumu alibaki katika chumba cha marubani hadi pale ndege hiyo ilipotua salama.

 Kwa mujibu wa La Tribune, shirika la Air-France limeambia kuwa kisa hicho hakikuathiri safari hiyo ya ndege.

Ndege ya Ethiopia 'yasahau' kutua baada ya marubani kulala fofofo 

Mnamo Agosti 21, 2022, TUKO.co.ke iliripoti kuwa marubani wawili waliaminika kulala na kusahau kutua wakati wa safari ya kutoka Sudan kuelekea Ethiopia siku ya Jumatatu, Agosti 15,2022.

Kulingana na ripoti ya tovuti ya habari ya safari za anga, Aviation Herald, tukio hilo lilitokea kwenye ndege ya Shirika la Ndege la Ethiopia Boeing 737-800 ambayo ilikuwa ikisafiri ikitokea jijini Khartoum kuelekea Addis Ababa. 

Takwimu zilizothibitishwa na tovuti hiyo zinaonyesha kuwa ndege hiyo ilikuwa ikisafiri kwa futi 37,000 ikijiendesha yenyewe na kushindwa kutua katika Uwanja wa Ndege wa Kimataifa wa Addis Ababa Bole.

 Udhibiti wa safari za anga haukuweza kuwafikia wafanyakazi wa ndege hiyo licha ya kujaribu mara kadhaa kuwasiliana nao.

Hata hivyo, kengele ilipigwa wakati ndege hiyo ilipokosa kutua kwenye barabara yake na kuendelea na safari. Ndege hiyo ilitua salama dakika 25 baadaye. 

Wafanyakazi wa ndege hiyo wamesimamishwa kazi kwa muda huku uchunguzi zaidi ukifanywa.

Chanzo - Tuko News

Read More →

AJALI YA BASI YAUA WATU SABA, KUJERUHI 14 MANYARA

Na John Walter-Manyara

Watu saba wamefariki dunia na wengine Kumi na nne wamejeruhiwa katika ajali ya barabarani baada ya gari dogo la abiria kuacha njia na kupinduka katika kijiji cha Cheka nao kata ya Kiperesa wilayani Kiteto mkoani Manyara.

Akizungumza na Waandishi wa habari Kamanda wa Polisi mkoa wa Manyara George Katabazi, amesema ajali hiyo imetokea Septemba 19 majira ya saa 12:00 asubuhi ambapo watu sita walifariki papo hapo na mmoja alifariki wakati akiendelea kupatiwa matibabu.

Kamanda amesema gari hilo lenye namba za usajili T 266 APM aina ya Mitsubish Mini Bus linafanya safari zake Kutoka Matui Kiteto kwenda Kondoa mkoani Dodoma.

"Gari hilo mini bus lililokuwa linatokea Matui lilipata ajali eneo la Chekanao kata ya Kiperesa wakati likielekea Wilayani Kondoa mkoani Dodoma" amesema Katabazi.

Katabazi amesema chanzo cha ajali hiyo ni mwendokasi wa dereva uliosababisha gari hilo kuhama njia na kupinduka ambapo baada ya tukio Dereva huyo aliejulikana kwa jina moja la Nurdin alikimbia.

Read More →

HIZI NDIYO NCHI AMBAZO NI VIGUMU KWA MWANAUME KUPATA MKE WA KUOA

JAPOKUWA inafahamika kwamba, katika jumla ya idadi ya watu bilioni 7. 5 waliopo dunia leo hii, idadi ya wanaume na wanawake inapishana kwa kiasi kidogo, zipo baadhi ya nchi ambazo wanaume ni wengi kuliko wanawake, kiasi kwamba inakuwa kazi ngumu kwelikweli kumpata mwanamke wa kuoa.

SWEDEN

Nchini Sweden, inaelezwa kwamba idadi ya wanaume, inazidi kwa 12,000 zaidi ya idadi ya wanawake waliopo na kundi kubwa ni la vijana. Idadi hii inatarajiwa kuongezeka zaidi kwa hiyo, wanaume wengi wanajikuta katika wakati mgumu wa kupata wachumba wa kuingia nao kwenye ndoa.

Sababu nyingine inatajwa kwamba ni ongezeko la wahamiaji kutoka kwenye nchi zenye vita ambao wanapata hifadhi kwenye nchi hiyo na baadaye kupewa uraia. Ongezeko la wahamiaji, limesababisha wananchi wengi wa Sweden wasiotaka shida, kuhamia kwenye nchi nyingine zisizo na idadi kubwa ya wahamiaji na wengi wanaoondoka, ni wasichana.

AFGHANISTAN

Kabla ya nchi ya Afghanstan kukumbwa na vita, ilikuwa ikisifika kwa kuwa na wanawake wengi warembo waliokuwa wakionekana kwa wingi mitaani, hasa katika Jiji la Kabul.

Hata hivyo, tangu machafuko yaikumbe nchi hiyo, idadi ya wanawake imepungua sana, sababu kubwa ni kwamba wanawake wengi na watoto wameikimbia nchi kutokana na vita na kwenda kutafuta hifadhi katika nchi zenye usalama. Waliobaki ni wanaume wanaoendelea kupambana na machafuko ya mara kwa mara yanayoibuka na kupotea, matokeo yake imekuwa vigumu sana kupata mke wa kuoa.

NIGERIA

Nchini Nigeria, uwiano kati ya wanawake na wanaume, haupo sawa. Wanaume ni wengi kuliko wanawake na sababu kubwa, inatajwa kwamba wanawake wa Kinigeria, wamekuwa wakiikimbia nchi yao na kwenda kutafuta hifadhi kwenye mataifa mengine kutokana na sababu mbalimbali, zikiwemo kukimbia ndoa za utotoni, tohara za wanawake na hali ngumu ya kimaisha.

Hivi karibuni, serikali ya nchi hiyo ilieleza kuhusu tatizo la vijana wengi waliofikia umri wa kuoa, kukosa wanawake wa kuwaoa.

UGIRIKI

Kwa kipindi kirefu, nchi ya Ugiriki ilikuwa ikitumika kama kituo cha watu wanaotoka Ulaya, hasa katika nchi za Uingereza na Ufaransa kwenda kwenye mabara mengine. Kutokanana uzuri wa hali ya hewa ya Ugiriki pamoja na mandhari yake, wasafiri wengi wakawa wanavutiwa kuendelea kukaa kwenye nchi hiyo na baadaye, idadi ya wahamiaji kutoka kwenye mataifa makubwa ya Ulaya iliongezeka na wengi kati yao, walikuwa ni wanaume.

Hali imeendelea hivyo kwa miaka mingi na kusababisha idadi ya wanawake kutotosheleza idadi ya wanaume wanaozidi kuongezeka kila kukicha. Hivi sasa ni vigumu sana kupata mke wa kuoa nchini Ugiriki.

MISRI

Misri ni moja ya nchi yenye idadi kubwa ya watu kwenye nchi za Kiarabu na barani Afrika. Kama zilivyo nchi nyingine za Kiarabu, wanawake wanatakiwa kufanya shughuli za nyumbani tu na kutoonekana hovyo mitaani.

Wengi wameitumia fursa hii kujiendelea kielimu wakiwa majumbani na wanawake wengi wa Misri, ni wasomi wenye digrii kadhaa, walizozipata kwa kujiendeleza wakiwa majumbani mwao na baadaye kwenda vyuo vikuu.

Hali hiyo imesababisha wanawake wengi wasomi, kuanza kutafuta ajira nje ya nchi, ambako wanawake wana uhuru zaidi na tayari wengi wameondoka na kwenda kufanya kazi mbalimbali kulingana na elimu zao, hali iliyosababisha wanaume wengi wapate kazi kwelikweli wanaposaka wanawake wa kuwaoa.

CHINA

China ndiyo nchi yenye watu wengi kuliko wote duniani, lakini katika idadi ya watu wote nchini humo, wanaume wanawazidi wanawake kwa idadi ya watu milioni 40. Tofauti hii kubwa kati ya idadi ya wanawake na wanaume, imesababishwa na Wachina kuwa na kawaida ya kuchagua watoto, na mwanamke anapokuwa na ujauzito wa mtoto wa kike, hulazimishwa kutoa ujauzito huo kwani Wachina wengi wanaamini kwamba mtoto wa kiume ndiyo mwenye thamani katika jamii.

Hali hiyo imesababisha uhaba mkubwa wa wanawake mitaani, kiasi cha serikali kuingilia kati na sasa, vijana wa kiume kutoka China wanaruhusiwa kwenda kutafuta wanawake nchini Urusi, ambako kuna uhaba wa wanaume.

MAREKANI

Yawezekana ukashangazwa na kusikia kwamba nchini Marekani nako kuna uhaba mkubwa wa wanawake. Ukweli ni kwamba, katika baadhi ya majimbo, idadi ya wanawake ni ndogo kuliko wanaume.

Kwa mfano, katika majiji ya Los Angeles na Las Vegas, idadi ya wanawake ni ndogo kuliko wanaume kwa wastani wa wanaume 157 kwa wanawake 151, hali inayofanya iwe vigumu kupata wasichana wazuri wa kuoa.

INDIA

India ni miongoni mwa nchi zenye watu wengi zaidi duniani na inatarajiwa kwamba ifikapo 2024, itaizidi China. Licha ya idadi hiyo kubwa ya watu, India ina uhaba mkubwa wa wanawake kutokana na mila potofu ya nchi hiyo kwamba watoto wa kiume wana umuhimu sana kuliko wa kike wakiamini kwamba wana msaada mkubwa sana katika familia pale wanapofikia umri wa kujitegemea.

Wanaume wanawazidi wanawake kwa idadi ya watu milioni 37, hali inayofanya iwe vigumu sana kupata mke wa kuoa.

FALME ZA KIARABU

Katika kipindi cha karne ya 20 falme za kiarabu zilikuwa na idadi ya watu 40,000 tu, Kati ya hao wanawake wakiwa ni 22,000.Hata hivyo ugunduzi wa mafuta umesababisha nchi hiyo ibadilike haraka na wahamiaji wengi kutoka nchi mbalimbali,wengi wakiwa ni wanaume ambao wamejazana nchini humo,kutafuta maisha.

Hali hiyo imesababisha kuwe na uhaba mkubwa wa wanawake jambo linalowapa shida wanaume wanapofikia umri wa kuoa.

QATAR

Nchi ya Qatar ni miongoni mwa nchi zenye utajiri mkubwa wa mafuta lakini kijiografia ina eneo dogo na wananchi wazawa wachache. Hata hivyo kutokana na utajiri wa mafuta imepiga hatua kubwa ya kimaendeleo, hali ambayo imesababisha wahamiaji wengi kukimbilia na kutafuta maisha.

Matokeo yake wanaume wamekuwa wengi kwa wastani wa 3:1, katika kila watu wa 4 wa 3 ni wanaume na mmoja ni mwanamke na kuifanya kuwa nchi yenye wanawake wachache zaidi duniani.

Read More →

WAVAMIZI HIFADHI YA MSITU WA BONDO WATAKIWA KUONDOKA

Naibu Waziri wa Maliasili na Utalii, Mhe. Mary Masanja (Mb) akijibu maswali Bungeni jijini Dodoma leo Septemba 19,2022.

…………………………

Wananchi waliovamia Hifadhi ya Msitu wa Bondo wametakiwa kuondoka ndani ya hifadhi hiyo ifikapo Desemba 30,2022.

Hayo yamesemwa na Naibu Waziri wa Maliasili na Utalii, Mhe. Mary Masanja (Mb) kwa niaba ya Waziri wa Maliasili na Utalii alipokuwa akijibu swali la Mbunge wa Kilindi Mhe. Omar Mohamed Kigua bungeni jijini Dodoma leo Septemba 19,2022.

“Kwa nyakati tofauti hifadhi hii imekuwa ikivamiwa kwa ajili ya shughuli za kibinadamu zikiwemo kilimo,makazi na kuchungia mifugo” Mhe. Masanja amefafanua.

Amesema Serikali imeweka matangazo ya kuwataka wananchi wote kuondoka ndani ya hifadhi hiyo.

Aidha, amesema Wizara ya Maliasili na Utalii kwa kushirikiana na Halmashauri ya Wilaya inaendelea kutoa elimu kwa wananchi kuhusu umuhimu wa Uhifadhi na matumizi endelevu ya rasilimali misitu nchini.

Hifadhi ya Msitu wa Bondo, ipo katika Kijiji cha Mswaki,Kata ya Msanja Wilayani Kilindi Mkoani Tanga.

Read More →

KUFUNGULIWA KWA AWAMU YA TATU YA UDAHILI WA SHAHADA YA KWANZA KWA MWAKA WA MASOMO 2022/2022

Read More →