Thursday, 6 May 2021
THUBUTU YAHITIMISHA MAFUNZO YA STADI ZA MAISHA KWA WALIMU PANDAGICHIZA WILAYANI SHINYANGA
Mkurugenzi wa Shirika la Thubutu Africa Initiatives mkoani Shinyanga Jonathan Manyama, akizungumza kwenye hafla ya kufunga mafunzo ya Stadi za Maisha kwa walimu wa Shule ya Msingi Shilabela na shule y Sekondari Pandagichiza wilayani Shinyanga kupitia mradi wa Shule salama kwa wote.
Na Marco Maduhu, Shinyanga
Shirika la Thubutu Africa Initiatives la mkoani Shinyanga, ambalo linatetea haki za wanawake na watoto, limefunga rasmi mafunzo ya Stadi za maisha shuleni, kwa walimu katika kata ya Pandagichiza wilayani Shinyanga.
Mafunzo hayo yameshirikisha walimu 19 kutoka katika shule ya msingi Shilabela na shule ya sekondari Pandagichiza wilayani Shinyanga, ambayo ni sehemu ya mradi wa Shule Salama kwa wote unaofadhiliwa na mfuko ruzuku wa wanawake Women Fund Tanzania (WFT).
Akizungumza wakati wa kufunga mafunzo hayo leo mgeni Rasmi Bi. Glory Mbia ambaye ni mratibu wa mfuko wa ruzuku wanawake Women Fund Tanzania mkoani Shinyanga, amewataka walimu kuyatumia mafunzo hayo vizuri katika makuzi ya wanafunzi shuleni.
"Nalipongeza sana Shirika hili la Thubutu kwa kazi nzuri ambayo mmeifanya, nawapenda sana walimu sababu nawapenda watoto, na walimu ndio wanalinda ustawi wa mtoto, na watoto ndiyo Taifa la kesho, hivyo mradi huu umelenga penyewe," alisema Mbia.
Naye Mkurugenzi wa Shirika hilo la Thubutu Africa Initiatives Bw. Jonathan Manyama Kifunda, alisema mafunzo yaliyotolewa kwa walimu hao ni Stadi za maisha, ili kufanya Shule kuwa mahali salama kwa watoto wote, ambapo pia wamepewa elimu ya kutokomeza matukio ya ukatili wa kijinsia.
Alisema walimu hao 19 wameiva katika mafunzo hayo, na watakuwa waelimishaji wazuri wa Stadi za maisha kwa wenzao pamoja na wanafunzi na jamii, ambapo pia wamepewa mbinu za ziada za ufundishaji bora, ili wanafunzi waelewe masomo yao na kupata ufaulu mzuri.
Naye Mwalimu Elifaraja Josephat, akisoma risala kwa niaba ya walimu hao, alisema mafunzo hayo yalianza February 9 mwaka huu, na yamekamilika April 30, na kuahidi kuyatumia vyema katika kazi zao za ufundishaji.
Alisema mafunzo hayo ya Stadi za maisha, pia yamewaongezea maarifa na ujuzi, pamoja na kuboresha nidhamu kwa wanafunzi, sababu wamekuwa wakiwapatia elimu hiyo.
"Elimu hii imeleta mabadiliko chanya katika maisha yatu, na ufundishaji, ambapo imepandwa katika udongo mzuri wenye rutuba, na itafanya vizuri na kustawi vyema" alisema Josephat.
Kwa upande wake Mkuu wa Shule ya Sekondari Pandagichiza George Chapenemecho , alipongeza mafunzo hayo kutolewa kwa walimu shuleni hapo, yamesaidia kwa kiasi kikubwa kubadili mfumo wa maisha ya walimu na wanafunzi.
TAZAMA PICHA HAPA CHINI
Mratibu wa Mfuko wa ruzuku wanawake Women Fund Tanzania (WFT) mkoani Shinyanga Glory Mbia ambaye alikuwa mgeni Rasmi akizungumza kwenye hafla hiyo ya ufungaji wa mafunzo ya Stadi za Maisha shuleni kwa walimu Pandagichiza.
Glory akizungumza kwenye hafla hiyo.
Mkurugenzi wa Shirika la Thubutu Africa Initiatives Jonathan Manyama, akizunguza kwenye hafla hiyo.
Afisa elimu Kata ya Pandagichiza Irene Ringo, akizungumza kwenye hafla hiyo ya kufunga mradi wa Stadi za Maisha shuleni kwa walimu.
Meneja miradi kutoka Shirika la Thubutu Africa Initiatives Paschalia Mbungani akizungumza kwenye hafla hiyo ya kufunga mradi.
Mwalimu Elifaraja Josephat, akisoma Risala kwa niaba ya walimu wenzake, ambao wamepata mafunzo ya Stadi za Maisha Shuleni.
Mkuu wa Shule ya Sekondari ya Pandagichiza George Chapenemecho, akitoa shukrani kwenye hafla hiyo ya kufunga mradi.
Mwalimu Mzugulu Mchulo wa Shule ya Sekondari Pandagichiza, akitoa ushuhuda namna mafunzo hayo ya Stadi za Maisha Shuleni yalivyombadili.
Mwalimu Felton Kisabo akitoa ushuhuda namna mafunzo hayo ya Stadi za Maisha Shuleni yalivyombadili.
Walimu wa Shule ya Msingi Shilabela na Sekondari ya Pandagichiza wakiwa kwenye hafla ya kufunga mafunzo yao ya Stadi za Maisha Shuleni.
Walimu wakiwa kwenye hafla ya ufungaji wa mafunzo.
Walimu wakiwa kwenye hafla ya ufungaji wa mafunzo.
Walimu wakiwa kwenye hafla ya ufungaji wa mafunzo.
Mgeni Rasmi Mratibu wa mfuko wa ruzuku wanawake Women Fund Tanzania mkoani Shinyanga Grory Mbia, kulia akigawa cheti kwa Mwalimu ambaye amehitimu mafunzo ya Stadi za Maisha Shuleni.
Zoezi la utoaji vyeti likiendelea.
Zoezi la utoaji vyeti likiendelea.
Zoezi la utoaji vyeti likiendelea.
Zoezi la utoaji vyeti likiendelea.
Zoezi la utoaji vyeti likiendelea.
Zoezi la utoaji vyeti likiendelea.
Walimu wakimlisha Keki Mgeni Rasmi, katika Hafla hiyo Mratibu wa mfuko wa ruzuku wanawake Women Fund Tanzania mkoani Shinyanga Grory Mbia.
Mkurugenzi wa Shirika la Thubutu Afrika Intiatives, Jonathan Manyama, akila keki kutoka kwa walimu katika hafla hiyo ya ufungaji wa mafunzo ya Stadi za Maisha Shuleni.
Picha ya Pamoja ikipigwa mara baada ya kumalizika hafla ya kufunga mafunzo ya Stadi za Maisha Shuleni kwa Walimu wa Pandagichiza wilayani Shinyanga.
Na Marco Maduhu- Shinyanga.
FULL POWER, ZATI 50 NI KIBOKO YA TATIZO LA UPUNGUFU WA NGUVU ZA KIUME NA UUME MDOGO
SUPER – NHESHA: Dawa Bora Ya Kutibu Tatizo La Kisukari
Ni dawa ya kutibu tatizo la sukari au jina la kitaalamu (Diabetes Mellitus) ni kundi la magonjwa yanayohusiana na ufanyaji kazi wa mwili ambapo Mtu anakuwa na kiwango kikubwa cha sukari aina ya Glucose katika mwili kutokana na mwili wake kukosa uwezo wa kutengeneza Insulin ya kutosha au seli za mwili wake kutumia insulin iliyopo au pengine mwili kuwa na matatizo yote kwa pamoja na kupelekea mgonjwa wa sukari kupata haja ndogo mara kwa mara (Polyuria) uhisi kiu kila wakati (Polydipsia) Na (Polyphagia).
AINA YA KISUKARI
Kuna aina chache tofauti za ugonjwa wa kisukari (1) ni ugonjwa wa Auto hii aina mgonjwa wa Auto hushambulia mfumo wa kinga na kuharibu seli katika kongosho ambako insulin huzalishwa asilimia 10% ya watu wenye ungonjwa wa kisukari wanayo aina hii (Auto).
AINA YA PILI
Hii hutokea wakati mwili wako unakuwa sugu kwa insulin na sukari hujenga katika damu yako hii husababishwa na kuwa na sukari nyingi kwenye damu yako kuliko kawaida.
CHANZO CHA UGONJWA SUKARI
Viko vyanzo vingi mbalimbali vya sukari
1. Shinikizo la damu (B.P)
2. Viwango vya juu vya triglyceride (mafuta)
3. Lishe yenye mafuta mengi na wanga
4. Utumiaji mkubwa wa pombe kupita kiasi
5. Ulaji wa vyakula vyenye sukari nyingi
6. Mtindo wa maisha usiofaa kiafya
7. Uzito na unene uliozidi
8. Kutofanya mazoezi
9. Umri
10. Kurith
UNAJUAJE KUWA UNADALILI ZA KISUKARI
1. Kusikia njaa mara kwa mara
2. Kusikia kiu mara kwa mara
3. Kupungua uzito
4. Maono machafu
5. Uchovu mara kwa mara
6. Ukipata kidonda hakiponi
7. Kushuka kwa kinga mwili
DALILI ZA KISUKARI KWA MWANAUME
Mbali na dalili za jumla za ugonjwa wa sukari wanaume wenye tatizo hilo wanakuwa na upungufu wa nguvu za kiume na kushindwa kufanya tendo la ndoa uume hushindwa kusimama misuri hulegea na kusinyaa, maumivu ya mgongo, kiuno, tumbo kujaa gesi na kuunguruma, kupata choo kama cha mbuzi
DALILI ZA WANAWAKE
Wanawake wenye ugonjwa wa sukari wanaweza pia kuwa na dalili kama vile maambukizi kwa njia ya mkojo (U.T.I) maambukizi ya gonzi kukakamaa
TIBA YA MAGONJWA YA SUKARI
Ugonjwa wa sukari unatibika bila kujali ni mda gani umepata hilo tatizo wengi wamekata tama na kuwa wabishi amini tatizo hili linatibika vizuri sana wengi wemepona.
Tumia dawa ya SUPER-NHESHAambayo ni dawa ya miti shamba yaani (asilia) ambayo humfanya mtu kupona na kuimalika kabisa.
Tutakuelekeza pia mfumo wa mtindo wa maisha utakao takiwa kutumia ili kutoluhusu tatizo hilo kurudi tena.
BABU MADUHU ANAPATIKANA MAGOMENI MOROCCO/KANISANI NJIA PANDA YA KWENDA SINZA SIMU: 0652 102 152/0788 330 105/ 0755 684 297 NYOTE MNAKARIBISHWA PIA TUNATUMA MIKOANI WHATAPPS NO 0652 102 152
TAMISEMI YATOA MWONGOZO WA UHAMISHO WATUMISHI...MA RAS WAPEWA ANGALIZO MAOMBI YA WANAOHAMIA MJINI
Naibu Waziri Ummy: Serikali Kuwapatia Watu Wenye Ulemavu Mafunzo Ya Ujasiriamali
Na: Mwandishi Wetu - Dodoma
Naibu Waziri, Ofisi ya Waziri Mkuu anayeshughulikia masuala ya Watu wenye Ulemavu Mhe. Ummy Nderiananga amesema kuwa Serikali imejipanga kuendelea kuwapatia Watu wenye Ulemavu mafunzo ya Ujasiriamali ili kuwezesha kundi hilo maalum kujiajiri na kushiriki kikamilifu kwenye shughuli zitakazo wasaidia kujikwamua kiuchumi.
Aliyasema hayo hii leo Mei 6, 2021 Bungeni Jijini Dodoma wakati akijibu swali kwa niaba ya Waziri Mkuu, Kassim Majiliwa (Mb) ambalo liliulizwa na Mbunge wa Viti Maalum Mhe. Mwantumu Dau Haji, ambaye alitaka kujua ni lini Serikali itaanza kutoa mafunzo ya Ujasiriamali kwa Watu wenye Ulemavu.
Akijibu swali hilo Naibu Waziri Ummy, alieleza kuwa Serikali kupitia Ofisi ya Waziri Mkuu, Sera, Bunge, Kazi, Vijana Ajira na Wenye Ulemavu imekuwa ikitenga fedha katika kila mwaka wa bajeti kwa ajili ya kuwezesha mafunzo ya ujasiriamali kwa Watu wenye Ulemavu waliopo katika ngazi mbalimbali ikiwemo Halmashauri zote nchini.
“Mafunzo ya Ujasiriamali kupitia Halmashauri yamekuwa yakitolewa kama sharti muhimu wakati wa utoaji wa mikopo itokanayo na asilimia mbili (2%) ya mapato ya ndani ya Halmashauri husika kwa ajili ya kuwezesha Watu wenye Ulemavu kiuchumi,” alieleza Mhe Ummy
Aliongeza kuwa, Serikali imekuwa ikishirikiana na wadau mbalimbali katika kutoa mafunzo ya ujasiriamali kwa watu wenye ulemavu kwenye fani mbalimbali ambazo zimewezesha kundi hilo maalum kuanzisha miradi mbalimbali.
“Kwa mwaka wa fedha 2019/2020 katika Mkoa wa Dar es salaam zaidi ya wajasiriamali wenye ulemavu wapatao 160 walipatiwa mafunzo ya ujasiriamali, usimamizi wa fedha na uzalishaji wa miradi endelevu,” alieleza Ummy
“Mafunzo hayo yalihusisha Ofisi ya Waziri Mkuu, Baraza la Uwezeshaji Wananchi Kiuchumi, Benki kuu ya Tanzania, Mfuko wa Hifadhi ya Jamii NSSF, Benki ya Exim, Shirikisho la Vyama vya Watu wenye Ulemavu (SHIVYAWATA), Vyama vya Watu wenye Ulemavu na wadau wengine,” alieleza
Sambamba na hayo, alifafanua kuwa Uwezeshaji wa Watu wenye Ulemavu katika mafunzo ya Ujasirimali umekuwa ukiendelea kufanyika kupitia Vyama vyao wakati wa matukio mbalimbali yanayowakutanisha pamoja ikiwemo Mikutano Mikuu ya Vyama vyao pamoja na Maadhimisho mbalimbali ya Watu wenye Ulemavu ambayo hufanyika nchini.
Mfumo wa kielektroniki kutumika kwenye Uhamisho wa watumishi
Na Mathew Kwembe, Dodoma
Serikali imesema ipo mbioni kuzindua mfumo wa uhamisho wa watumishi wa halmashauri kwa njia ya kielektroniki ili kurahisisha zoezi la kupitisha maombi ya wanaotaka kuhama kutoka eneo moja kwenda jingine kufanyika kwa uhakika zaidi.
Akijibu swali la nyongeza la Mbunge wa Korogwe vijijini Mhe.Timotheo Mnzava aliyetaka kujua ni lini Ofisi ya Rais TAMISEMI itazingatia maoni ya Wakurugenzi wa Halmashauri ya kuwapelekea watumishi mbadala kabla ya kuhamisha waliopo, Naibu Waziri Ofisi ya Rais Tawala za Mikoa na Serikali za Mitaa Mhe. Dkt Festo Dugange amesema serikali imeweka utaratibu wa kuhamisha watumishi wa halmashauri kwa njia ya kielektroniki.
Amesema pindi mfumo huo utakapozinduliwa, maombi yote ya uhamisho wa watumishi wa Mamlaka za serikali za Mitaa yatapitishwa kwa njia ya kielektroniki na yatawezesha kuchuja kwa uhakika zaidi hamisho zote zinazoombwa na kuwezesha watumishi wetu wa maeneo ya vijijini kubaki na kufanya kazi katika maeneo hayo.
Wakati huo huo, Dkt Dugange amesema Ofisi yake imeendelea kuchuja maombi ya watumishi kwa kuzingatia ikama ya watumishi pindi inapowahamisha kutoka eneo moja kwenda jingine.
Pamoja na kukiri kuwepo kwa changamoto kubwa ya watumishi hao hasa wanaofanya kazi maeneo ya vijijini kutaka kuhamia mijini, Mhe. Dkt. Dugange amesema Ofisi yake inahakikisha kuwa inazingatia ikama ya watumishi waliopo.
“Na nimhakikishie Mbunge kwamba si kweli kuwa TAMISEMI imekuwa kila siku inapitisha maombi ya watumishi wote wanaoomba, mara kwa mara tumekuwa tunachuja sababu za msingi ambazo zinapelekea baadhi ya watumishi kukubaliwa lakini walio wengi kutokubaliwa kupata uhamisho,” amesisitiza Naibu Waziri.
Waziri Kalemani Apongeza Wafanyakazi Kwa Kuchangia Uchumi Wa Kati
Teresia Mhagama, Dodoma
Waziri wa Nishati, Dkt.Medard Kalemani amewapongeza wafanyakazi wa Wizara ya Nishati na Taasisi zake kwa kufanya kazi kwa ufanisi ambao umechagiza nchi kuingia katika uchumi wa kati kutokana na uwepo wa nishati inayotabirika.
Dkt.Kalemani ametoa pongezi hizo jijini Dodoma, tarehe 5 Mei, 2021 wakati akifungua Mkutano Maalum wa Baraza la Wafanyakazi la Wizara ya Nishati ambapo Mkutano huo uliongozwa na Mwenyekiti, Kheri Mahimbali ambaye ni Naibu Katibu Mkuu, Wizara ya Nishati akimwakilisha Katibu Mkuu wa Wizara, Mhandisi Leonard Masanja.
“Wizara ya Nishati ni injini katika uchumi wa Taifa letu, huwezi kuzungumzia maendeleo bila kugusa masuala ya nishati, na nishati si umeme tu, bali kuna gesi, mafuta na nyinginezo, ujenzi wa uchumi wa viwanda vikubwa na vidogo unategemea nishati kama vile ya umeme ambayo inachochea kwa haraka katika kujenga viwanda ambavyo vinasisitizwa katika uchumi huu wa kati.” Amesema Dkt.Kalemani
Ameongeza kuwa, utendaji mzuri wa wafanyakazi wa Wizara ya Nishati na Taasisi zake umepelekea wananchi wengi kutumia umeme ambapo kwa sasa zaidi ya asilimia 80 ya watanzania wanatumia nishati hiyo, na hii inatokana na juhudi zinazofanywa na wafanyakazi hao.
Mbali ya pongezi hizo, Waziri wa Nishati amewataka wafanyakazi kufanya kazi kwa kasi, ubunifu na usahihi wenye weledi ili kuendelea kupata mafanikio na kujenga uchumi imara.
Aidha, amewaasa kuendelea kudumisha ushirikino kati ya Mfanyakazi na Muajiri na kufanya kazi kwa kuzingatia sheria, taratibu na kanuni ili kuongeza ufanisi.
Vilevile, amewasisitiza viongozi wa Wizara kuzingatia maslahi ya wafanyakazi ikiwemo kupandisha vyeo, madaraja na kulipa mafao ili kuwapa morali wafanyakazi ya kuchapa kazi zaidi.
Kwa upande wa wafanyakazi, alitoa angalizo la kutokufanya kazi kwa mazoea na badala yake kila mfanyakazi anapaswa kufanya kazi kwa bidii, ubunifu, kujituma, kasi na kuzingatia viwango.
Kuhusu masuala ya kipaumbele ya kimkakati yaliyopangwa na Wizara, ikiwemo utekelezaji wa mradi wa kuzalisha umeme wa Julius Nyerere (MW 2115), ameagiza kuwa, yatekelezwe kwa wakati na Baraza la Wafanyakazi lihakikishe kuwa masuala hayo yanatekelezeka.
Aidha ameagiza kuwa, Baraza hilo lijadili na kutoa maoni kuhusu ufanikishaji wa miradi mbalimbali ikiwemo ya usambazaji umeme katika maeneo mbalimbali nchini ikiwemo ya vijiji, miradi ya gesi ukiwemo wa Kuchakata na Usindikaji Gesi asilia (LNG), mradi wa Bomba la Mafuta la Afrika Mashariki na ujenzi wa miundombinu ya umeme katika Reli ya Kisasa (SGR).
Dkt. Kalemani amesisitiza pia, kuhusu wananchi kupewa elimu ya matumizi ya umeme huku akitolea mfano kuwa kuna baadhi ya maeneo, Serikali inatumia fedha nyingi kupekeleka miradi ya umeme lakini wananchi wanaounga umeme si wengi kutokana na ukosefu wa uelewa wa matumizi ya nishati hiyo.
Awali, Mwenyekiti wa Mkutano huo, ambaye pia ni Naibu Katibu Mkuu, Wizara ya Nishati, alisema kuwa Muundo wa Baraza hilo la Wafanyakazi lina wajumbe wapatao 50 wanaotoka makundi mbalimbali na kwamba baadhi ya kazi mahsusi za Baraza hilo ni kujadili na kupitisha mpango wa Bajeti ya Wizara kwa mwaka wa fedha 2021/2022.
Alitaja baadhi ya kazi nyingine za Baraza hilo kuwa ni, kujadili taarifa ya utekelezaji wa miradi ya mafuta na gesi, miradi ya umeme na nishati mbadala inayoendelea pamoja na mipango ya maendeleo kwa mwaka 2021/2022.
Kwa upande wake, Mwenyekiti wa TUGHE, Tawi la Wizara ya Nishati, Zghambo Chinula, aliipongeza Serikali kwa utekelezaji wa miradi mbalimbali ya Nishati na pia, alitumia fursa hiyo kueleza masuala mbalimbali yanayohusu Wafanyakazi wa Wizara ya Nishati ikiwemo ya upandishaji madaraja na stahili mbalimbali.
Ntobo Mik 1....Ni Dawa Ya Asili ya Vidonda Vya Tumbo Iliyofanyiwa Utafiti Kwa Miaka Mingi
Ni Dawa ya vidonda vya tumbo iliyofanyiwa utafiti kwa miaka mingi mwanga wa matumaini kwa wanao teseka na Vidonda vya Tumbo.
Huwezi kuzungumzia magonjwa yanayotesa Jamii ya watu wengi Duniani bila kuzungumzia Vidonda vya Tumbo.
Ugonjwa huu husababishwa na aina ya bakteria anayeitwa kwa jina la HP (Helicobacter Palory) mtu hujikuta anateseka na maumivu makali ya Tumbo bila kujuwa kuwa ni vidonda vya tumbo
DALILI ZAKE:
1. Tumbo kuwaka moto
2. Tumbo kujaa gesi au haja kubwa kuwa ngumu
3. Kutokupata choo vizuri
4. Kiungulia cha mara kwa mara
5. Kichwa kuuma
6. Maumivu makali ya tumbo lajuu wengi huuita chembe ya moyo
7. Kukosa hamu ya kula
8. Kizunguzungu
9. Kichefu chefu
Ugonjwa huu ukishamili sana mgonjwa hujikuta anatapika damu au kujisaidia choo chenye mchanganyiko na damu.
Nini suluhisho;
BABU MADUHU MTAALAMU MWENYE UWEZO MKUBWA WA KUTIBU VIDONDA VYA TUMBO
BABU MADUHU ANAPATIKANA MAGOMENI MOROCCO HOTEL KITUO CHA KANISANI
PIGA SIMU NO. 0755 684 297/ +255 652 102 152 (WHATSAPP)
Mwigulu Nchemba Ahimiza Ufugaji Wa Kisasa Ili Kusisimua Uchumi Na Maisha Ya Watu
Na Benny Mwaipaja, Dodoma
WAZIRI wa Fedha na Mipango, Mhe. Dkt. Mwigulu Lameck Nchemba, ameishauri Wizara ya Mifugo na Uvuvi, kusimamia kikamilifu sekta ya mifugo kwa kubuni njia mbalimbali zitakazoongeza tija katika sekta hiyo.
Dkt. Nchemba ametoa ushauri huo Jijini Dodoma, alipokutana na kufanya mazungumzo na uongozi wa Wizara hiyo pamoja na Wizara ya Maliasili na Utalii, kujadili masuala mbalimbali yanayohusu namna ya kuboresha sekta ya mifugo ili iweze kuongeza mchango katika ukuaji wa uchumi wa nchi na maendeleo ya watu.
“Tutakavyo weka mipango ya kisasa ya kukuza uzalishaji katika eneo hili la mifugo, tutatengeza wigo mkubwa wa walipakodi, tutabadilisha maisha ya watu wetu, tutakuza uchumi na ajira” alisema Dkt. Nchemba
Alisema kuwa maendeleo ya sekta ya viwanda yanayokwenda kwa kasi hapa nchini yanahitaji malighafi za kulisha viwanda hivyo na kwamba fursa zilizopo kwenye sekta ya mifugo ni kubwa na kushauri mbinu za kisasa za kuendeleza ufugaji ziwekwe bayana na kufanyiwa kazi ipasavyo.
Alisema utaratibu wa sasa wa wafugaji kuhamahama na mifugo kwa ajili ya kutafuta malisho na maji umepitwa na wakati na kuahidi kuwa Wizara yake iko tayari kutoa ushirikiano ili kufanikisha mipango ya kuendeleza sekta ya mifugo nchini.
Kwa upande wake Waziri wa Mifugo na Uvuvi Mhe. Mashimba Ndaki, alimshukuru Mhe. Waziri wa Fedha na Mipango kwa kukutana na vingozi wa Wizara hizo mbili na kuahidi kuwa ushauri uliotolewa utafanyiwa kazi kikamilifu ambapo ameunda timu ya wataalamu kwa ajili ya kuchambua mapendekezo mbalimbali yaliyotolewa katika kikao hicho alichosema kilikuwa ni cha muhimu.
“Tutaangalia namna ya kupanua na kuwa na maeneo maalum ya malisho ya mifugo yetu pamoja na kuboresha ufugaji ili ubadilike kutoka ufugaji wa kiasili kwenda ufugaji wa kisasa ili kuongeza tija” alifafanua Mhe. Ndaki
Alisema kuwa wafugaji watakaokuwa tayari kubadilisha namna ya ufugaji wao watapelekwa kwenye maeneo hayo yatakayowekewa miundombinu yote muhimu ya ufugaji ikiwemo maji, majani ya malisho na maji.
Wakizungumza katika kikao hicho, Katibu Mkuu wa Wizara ya Fedha na Mipango, Bw. Emmanuel Tutuba, aliishauri Wizara ya Mifugo na Uvuvi kuanzisha maeneo ya ufugaji (Runch) kila mkoa na kujenga miundombinu itakayowasaidia wafugaji kufuga mifugo yao kisasa ili waweze kuongeza kipato chao, kuchangia ukuaji wa uchumi wa nchi na kuondokana na umasikini.
Kwa upande wake Katibu Mkuu wa Wizara ya Mifugo na Uvuvi Prof. Elisante Ole-Gabriel aliiomba Wizara ya Fedha na Mipango kuiwezesha Wizara yake kifedha kwa ajili kufanya utafiti katika sekta ya mifugo ili kuongeza mbinu za kisasa za kuongeza uzalishaji.
Naye Katibu Mkuu wa Wizara ya Maliasili na Utalii Dkt. Allan Kijazi, alishauri kuwa ili sekta ya mifugo iweze kupiga hatua kubwa, suala la utafutaji masoko kwa ajili ya bidhaa za mifugo, kuongeza elimu kwa wafugaji, pamoja na kuwa na maeneo ya kimkakati ya viwanda vya kuchakata bidhaa za mifugo ni muhimu likafanyiwa kazi.
Kwa mujibu wa takwimu zilizotolewa na Katibu Mkuu wa Wizara ya Mifugo na Uvuvi (Mifugo), kwenye kikao hicho Prof. Elisante Ole-Gabriel, Tanzania ni ya pili kwa kuwa na mifugo mingi barani Afrika kwa kuwa na ng’ombe milioni 33.4, mbuzi milioni 21.29, Kondoo milioni 5.65, Punda 657,380, lakini tija yake bado ni ndogo.
Mwisho.
Rais Samia Suluhu Hassan kuzungumza na wazee wa Mkoa wa Dar es Salaam Kesho
Rais wa Tanzania, Samia Suluhu Hassan kesho Ijumaa Mei 7, 2021 anatarajia kuzungumza na wazee wa Mkoa wa Dar es Salaam katika mkutano utakaofanyika ukumbi wa Mlimani City na kuhusisha wazee takribani 900.
Hayo yameelezwa leo Alhamisi Mei 6, 2021 na mkuu wa Mkoa wa Dar es Salaam, Abubakar Kunenge aliyebainisha kuwa kulikuwa na utaratibu maalum wa kuwapata wazee hao na kwamba wengine wanapaswa kufuatilia mkutano huo kupitia vyombo mbalimbali vya habari.
Kunenge amewaambia waandishi wa habari kuwa, mkutano huo utafanyika katika ukumbi wa mikutano wa Mlimani City kuanzia saa 8 mchana.
Kunenge ametoa wito kwa Wazee waliopata mwaliko wa kushiriki mkutano huo kujitokeza kwa wingi, ili wapate kusikiliza kile ambacho Rais Samia Suluhu Hassan amewaitia.
NIC MDHAMINI MKUU MBIO ZA BIMA MARATHON MEI 29,2021
Mkurugenzi wa Masoko na Huduma kwa Wateja (NIC) Issaya Mwakifulefule akizungumza na waandishi wa habari katika ofisi za NIC leo Jijini Dar es Salaam. 
Mkurugenzi Mkuu wa Bima Marathon Bw.Baraka Mtavangu akizungumza na waandishi wa habari katika ofisi za NIC leo Jijini Dar es Salaam.HALMASHAURI NCHINI ZATAKIWA KUTAMBUA, KUHIFADHI NA KUENDELEZA MAENEO YAMALIKALE ILI YATUMIKE KIUTALII
Rais Samia Aongoza Kikao Cha Baraza La Mawaziri
Rais wa Jamhuri ya Muungano wa Tanzania Mhe. Samia Suluhu Hassan, akiongoza Kikao cha Baraza la Mawaziri kilichokutana leo Mei 06,2021 Ikulu Chamwino Jijini Dodoma
Dkt.Abbasi Azitaka Sports Betting kuwa Sehemu ya Kukuza Michezo
Katibu Mkuu wa Habari, Utamaduni, Sanaa na Michezo Dkt. Hassan Abbasi amezitaka Kampuni za Ubashiri wa Michezo (Sports Betting) kuwa sehemu ya kuinua na kukuza michezo nchini.
Dkt. Abbasi ameyasema hayo Mei 05, 2021 Jijini Dar es Salaam katika kikao na Kampuni hizo ambapo amesema kuwa Michezo ya Kubashiri ( Sports Betting) inayo nafasi kubwa katika kuchangia maendeleo ya timu za Taifa hasa pale zinapokuwa katika mashindano.
“Lengo la Serikali kwa sasa ni kuwekeza kimkakati kwenye michezo, tuwe na mpango wa moja kwa moja wa kuzisaidia timu zetu za Taifa kifedha, mimi naamini tukishirikiana kwa karibu tunaweza kuleta mabadiliko chanya katika sekta ya michezo.” Alisema Dkt. Abbasi.
Katibu Mkuu Dkt.Abbasi amesisitiza kuwa changamoto zilizopo katika Kampuni hizo zitatafutiwa ufumbuzi kupitia vikao na njia mbalimbali baina ya Serikali na Kampuni hizo, ambapo amesisitiza ushirikiano kwa pande hizo mbili katika kusaidia nchi.
Kwa upande wake Mwenyekiti wa Chama Cha Ubashiri wa Michezo Tanzania (TSBA) Jimmy Kenneth ameiomba Serikali kutatua baadhi ya changamoto ikiwemo uwepo kwa kampuni za ubashiri ambazo hazina usajili nchini ambazo zinaisababishia nchi kukosa mapato ambapo Dkt.Abbasi ameahidi kufanyia kazi suala hilo.
Naye Mwakilishi kutoka Biko Sports Goodhope Heaven alimshukuru Dkt. Abbasi kwa kuweza kukutana nao na kumshukuru kwa namna alivyoonesha moyo wa kusaidia Sekta ya Michezo nchini pamoja na kuwa mstari wa mbele katika kutatua changamoto zao.
Wadau hao kwa pamoja wameonesha utayari wa kuzisaidia timu za Taifa huku wakiiomba Serikali kuweka msisitizo wa mazingira rafiki ya ulipaji kodi.
