Tumia Mwika Kujitibu Busha, Nguvu za Kiume

Mwika ni dawa  ya asili ya nguvu za kiume yenye kutibu matatizo kwa wakati mmoja ;

(1)Nguvu za kiume

(2) Kunenepesha Maumbile

(3)Kuchelewe kufika kileleni

Yajuwe matatizo yanayosababisha upungufu wa nguvu za kiume

(1) Ngiri ya kupanda na kushuka

2.Korondani moja kuvimba

3.Tumbo kuunguruma kujaa gesi

4.Kisukari

5.Presha

6.Kiuno kuuma

7.Kutopata choo vizuri 

Pia tunatibu kisukari siku (14) vidonda vya tumbo siku (30), Miguu kufa ngazi, kuwaka moto .

Pia tunayo dawa ya mvuto wa mpenzi hata yupo mbali amekuacha atarudi na kutimiza ahadi zote mvuto wa biashara.

Wasiliana nasi kwa namba 0747100745 (Whatsap/ Kupiga kawaida)

Read More →

Asilimia 39 ya Wanawake waliopo Kwenye ndoa,Wamefanyiwa Vitendo vya Ukatili

Na John Walter-Manyara

Takwimu nchini Tanzania zinaonyesha asilimia 49 ya wanawake wamefanyiwa vitendo vya Ukatili huku nusu ya Wanawake walio olewa,asilimia 39 wamefanyiwa vitendo hivyo.

Hayo yamebainishwa na Mwakililishi wa Katibu Mkuu wa Wizara ya Afya,Maendeleo ya jamii,Jinsia,Wazee na Watoto Hanifa Selenga, akizungumza katika sherehe za Maazimisho ya siku ya Wanawake  Machi 5 mjini Babati.

Kwa upande mwingine Katika kusheherekea Wiki ya Mwanamke duniani,nchini Tanzania  wanawake wameandaa Msafara Wa kijinsia kutokomeza Ukatili,twende pamoja ukihimiza kupewa haki ya usawa katika kumiliki ardhi kwa wanawake.

Hanifa amesema lengo la Msafara huo ni kueneza ujumbe wa kukemea vitendo vya Kikatili katika jamii.

Kauli mbiu inayoongoza maazimisho hayo kwa mwaka 2020 inasisitiza Kizazi cha Usawa Wa Maendeleo ya Tanzania ya sasa na Baadae.
 

Pamoja na mambo mengine,katika wiki hii wanawake wanaojishughulisha na ujasiriamali wanapata nafasi ya kuonyesha na kuuza bidhaa wanazozizalisha.

Amesema wamepita mikoa ya Kusini,Kaskazini na kwa sasa baada ya Manyara, wanaelekea mkoani Mwanzan na hatimaye wilaya ya Bariadi mkoani Simiyu kwenye kilele cha Maazimisho hayo ambapo mgeni Rasmi atakuwa makamu wa Rais wa Jamhuri ya Muungano wa Tanzania Mheshimiwa Samia Suluhu Hassan.

Read More →

Tamaa ya fedha yamponza afisa Madini,Aswekwa Rumande.

Na John Walter-Manyara

Taasisi ya Kuzuia na Kupambana na Rushwa (Takukuru), Mkoa wa Manyara inamshikilia Afisa Madini mkoa wa Kimadini Simanjiro,Dauda Ntalima kwa tuhuma za Kuomba Rushwa ya Shilingi Milioni tano kutoka kwa Mkurugenzi wa kampuni ya Tanzanite One.

Akizungumza na waandishi wa habari Alhamisi Machi 5, Mkuu wa Takukuru Mkoa wa Manyara, Holle Makungu alisema kosa hilo ni kinyume na Kifungu cha 15 cha sheria ya kuzuia na kupambana na rushwa Na.11 ya mwaka 2007.

Makungu amesema Uchunguzi wa TAKUKURU Mkoa wa Manyara umebaini kuwa Kampuni ya Tanzanite One inayofanya shughuli zake eneo la Mererani wilayani Simanjiro kwa sasa imesitishiwa shughuli za uchimbaji kutokana na majadiliano yanayoendelea kati yake na serikali ya Tanzania kuhusu mikataba ya uchimbaji hivyo Ntalima ambaye majukumu yake ni pamoja na kushughulikia leseni za biashara ya madini na shughuli zote za uchimbaji wa madini wilayani humo, akatumia mwanya huo kuomba rushwa hiyo kutoka kwa mkurugenzi wa Tanzanite One akidai kwamba hatima ya Mikataba ya kampuni hiyo ipo mikononi mwake.

Aidha Mkungu alisema baada ya Mkurugenzi wa Tanzanite One ambaye hakumtaja majina kwa sababu za kiuchunguzi kugoma kutoa rushwa hiyo, Ntalima aliandaa tangazo akipiga marufuku wakurugenzi wote wa Tanzanite One na viongozi waandamizi sita wa kampuni hiyo kuingia na kufanya shughuli yeyote ndani ya ukuta wa machimbo ya Tanzanite Mererani bila kibali chake.

Ameeleza kuwa mbinu waliyoitumia kumbaini mtuhumiwa huyo ni za  kiintelinsia.

Makungu amesema, Mtuhumiwa atafikishwa Mahakamani mara uchunguzi  utakapokamilika kujibu tuhuma zinazomkabili.

Ametoa wito kwa wakazi wa Manyara na watanzania wote kuendelea kufichua vitendo vya Rushwa kwa kutoa taarifa katika ofisi za TAKUKURU zilizoko kila wilaya au kupiga namba ya dharura 113.

Read More →

ATIWA MBARONI KWA KUMUUA BODABODA MWENZAKE KWA KUMSINGIZIA MWIZI

Jeshi la polisi mkoani Kagera linamshikilia Frank Kafuba mkazi wa Kayanga wilayani Karagwe mkoani Kagera kwa tuhuma za kuhusika na mauaji ya mwendesha bodaboda mwenzake Mugisha Theonest mwenye umri wa miaka 52, aliyefariki baada ya kushambuliwa na bodaboda wenzake.

Kamanda wa Polisi mkoani Kagera Revocatus Malimi, amesema kuwa bodaboda aliyeuawa, akiwa na mwenzake aitwaye Erick Cosmas walipeleka abiria eneo la ranchi ya Taifa ya Kagoma na wakati wakirejea Kayanga, walikuta abiria barabarani aliyekuwa akimsubiria dereva bodaboda aliyemuita, lakini kwa kuwa alichelewa abiria huyo aliamua kupanda bodaboda ya Mugisha.

Kamanda Malimi amesema kuwa, wakiwa wanaendelea na safari njiani walikutana na bodaboda aliyekuwa amepigiwa simu akamtaka mteja wake amlipe gharama za mafuta maana alimuita, lakini abiria huyo hakukubali na kuwa ndipo bodaboda huyo alipiga simu kwa bodaboda wa kijiwe chake, akadai kuna watu wanataka kumpora pikipiki.

Amesema bodaboda hao walikwenda kutoa msaada kwa mwenzao na kuanza kumshambulia Mugisha na kumjeruhi vibaya, na kuwa siku hiyo ya Machi 04 alipelekwa Hospitali teule ya Wilaya ya Karagwe ya Nyakahanga, ambapo alifariki wakati akiendelea kupatiwa matibabu.

Kwa mujibu wa Kamanda Malimi, jeshi hilo linaendelea kuwasaka Bodaboda wengine walioshirikiana na Frank Kafuba kumuua bodaboda mwenzao wakimsingizia ni mwizi wa pikipiki wakati waligombania abiria.

Read More →

JESHI LA POLISI MWANZA LAWATIA MBARONI WATU 6 KWA KUKUTWA NA ZANA HARAMU ZA UVUVI ..PIA LINAWACHUNGUZA POLISI KWA KUKIUKA MAADILI

Jeshi la polisi mkoa wa mwanza linawashikilia jumla ya watu sita kwa makosa ya kupatikana na zana haramu za uvuvi na kupatikana na dawa za kulevya (mirungi na bhangi).

Pia linachunguza kama kulikuwa na ukiukwaji Wa maadili ya kazi wakati wa ukamataji wa Watuhumiwa hao.

Tukio la kwanza jeshi la polisi mkoa wa mwanza limekuwa likifuatilia taarifa mbalimbali na kuzifanyia kazi kwa lengo la kuzuia uhalifu .

Tarehe 05.03.2020 huko maeneo ya bwiru Wilayani ilemela, jeshi la polisi mkoa wa mwanza kwa kushirikiana na vyombo vingine vya usalama Liliwakamata na linawashikilia watu watatu ambao jeremiah asam,@ amolo, miaka 48, mjaluo, Mfanyabiashara, mkazi wa bwiru – ilemela na wake zake wawili ambao ni joyce jeremiah, miaka 40, mjaluo, mkazi wa bwiru-ilemela na getruda david, miaka 26, msukuma, mfanyabiashara, mkazi wa nyasaka, kwa kosa la kupatikana na zana haramu za uvuvi ambazo ni nyavu(gillnet) 7,401, timba (monofilament) 178, nyavu za dagaa 3 Na kokoro la dagaa roller 1, katika makazi yake

Maeneo ya bwiru –ilemela na dukani kwake maeneo yaliberty –nyamagana. Hata hivyo baada ya watuhumiwa hao kukamatwa, yalijitokeza madai yaliyowalenga baadhi ya askari polisi kuwa wanadaiwa kukiuka maadili ya utendaji wa kazi.

Uchunguzi juu ya madai hayo unafanywa kwa kufuata mfumo wa kijeshi na ikibainika hatua za kinidhamu za kijeshi zitachukuliwa.

Tukio la pili, kukamatwa kwa msafirishaji na muuzaji maarufu wa madawa ya kulevya aina ya mirungi. Jeshi la polisi linamshikilia na linatarajia kumfikisha mahakamani mtuhumiwa peter charles mwita @ peter mirungi, miaka 46, mkurya, mkazi wa mtaa wa rufiji, kwa makosa ya kusafirisha, kusambaza na kuuza mirungi jijini mwanza.

Hata hivyo mtuhumiwa baada ya kujua anafuatiliwa na polisi tarehe 01.02.2020 alitelekeza gari namba t.787 dqx aina ya probox maeneo ya igoma mashariki, likiwa na Mirungi kiasi cha kilogramu 9.02. Aidha tarehe 15.02. 2020 mtuhumiwa tajwa hapo juu alikamatwa.

Amekuwa akifanya biashara hiyo haramu kwa muda na mkono wa dola sasa umemuangukia kwa hatua zaidi za kisheria.

Tukio la tatu tarehe 02/03/2020 majira ya 06:00asubuhi huko katika kizuizi cha magari kilichopo kijiji cha ngashe, kata ya lugeye, Wilaya magu, mkoa wa mwanza, askari wakiwa doria walikamata bhangi kiasi cha kilogramu 50, zikiwa katika magunia matatu, iliyokuwa ndani ya gari lenye namba za usajili t.881 afx na tela namba t.822 czz lori aina ya scania iliyokuwa ikitokea tarime kuja mwanza, iliyokuwa ikiendeshwa na dereva aliyetambulika kwa jina la joseph achiyo ambaye aliruka kwenye gari na kukimbia wakati gari liliposimamishwa na askari.

Jeshi la polisi mkoa wa mwanza linaendelea na msako wa kuhakikisha mtuhumiwa anatiwa nguvuni. Gari limekamatwa lipo kituoni.

Tukio la nne tarehe 02.03.2020 majira ya 16:30hrs jioni huko maeneo ya nyakato sokoni, wilaya ya nyamagana jiji na mkoa wa mwanza, askari wakiwa kwenye misako na doria waliwakamata faustine koroso, miaka 46, mkurya, mkazi Wa nyakato mashariki na gidion paul, miaka 28, Msukuma, mkazi wa igoma, wakiwa wanasafirisha dawa za kulevya aina ya mirungi kiasi cha kilogramu 20, kwa kutumia pikipiki yenye namba za usajili mc.931 ckl aina ya honlg, kitendo ambacho ni kosa la jinai.

Jeshi la polisi linaendelea na mahojiano na watuhumiwa wote watafikishwa mahakamani haraka iwezekanavyo.

Jeshi la polisi mkoa wa mwanza linaendelea kuwaomba wananchi kuendelea kutoa ushirikiano kwa kutoa taarifa za uhalifu na wahalifu ili waweze kukamatwa na kufikishwa katika vyombo sheria. Vilevile jeshi la polisi mkoa wa mwanza linawataka askari wake kufanya kazi kwa weledi na kuzingatia sheria, kanuni na taratibu za

Kazi.

Read More →

Zanzibar yapiga marufuku ndege za kitalii kutoka Italia ili kuzuia kusambaa virusi vya Corona

Serikali ya Mapinduzi Zanzibar (SMZ) imezuia kuingia visiwani humo ndege za kitalii kutoka Italia ili kuzuia kusambaa virusi vya corona.

Akizungumza na waandishi wa habari kuhusu mwenendo wa maradhi ya corona yaliyosambaa ulimwenguni, Waziri wa Afya wa Zanzibar Hamad Rashid Mohammed amesema, SMZ imezuia uingiaji wa ndege hizo ili kuchukua tahadhari na kuzuia ugonjwa huo usisambae nchini.

"Zanzibar ugonjwa huu bado haujaingia ila wananchi wawe na tahadhari maalumu ili kujikinga" ameeleza waziri Hamad katika mkutano huo na waandishi wa habari uliofanyika jana katika Ukumbi wa Wizara ya Afya Mnazimmoja mjini Unguja.

Amefahamisha kuwa Serikali ya Mapinduzi Zanzibar tayari inachukua tahadhari kwa kuweka mfumo wa kinga wa udhibiti katika viwanja vya ndege na maeneo ya bandari kuhakikisha wananchi wanaoingia nchini wanafanyiwa vipimo pamoja na kutenga eneo maalumu katika hospitali kuu ya Mnazimmoja na Kidimni kwa ajili ya wagonjwa na watakaogundulika kuwa na ugonjwa huo.

Hata hivyo amekemea pia tabia ya baadhi ya wananchi kuzusha habari zisizo sahihi kuhusiana na maradhi hayo na kuitaka jamii kusikiliza taarifa zinazotolewa na vyombo vya habari ili kujua kinachoendelea.

Read More →

Vyama Vyote Vya Siasa Kufanyiwa Uhakiki Kabla ya Uchaguzi Mkuu wa Mwaka Huu

Msajili  wa Vyama vya Siasa nchini, Jaji Francis Mutungi, amesema watafanya uhakiki wa vyama vya siasa ili kuangalia uhalali wao kabla ya kushiriki uchaguzi mkuu wa mwaka huu.

Amesema katika uhakiki huo, vyama vya siasa ambayo vitakuwa havijakidhi vigezo na matakwa ya ofisi yake, vitakuwa vimekosa sifa ya kushiriki katika uchaguzi huo unaojumuisha nafasi za udiwani, ubunge na urais.

Jaji Mutungi aliyasema hayo katika mahojiano maalum na Kituo cha Luninga cha ITV, akibainisha kuwa tayari wameshaviandikia barua vyama vyote kupitia kwa makatibu wake kuwaeleza kuwa kutakuwa na uhakiki kuanzia Machi 10 mwaka huu.

Alisema uhakiki utahusisha vyama vyote 19 vyenye usajili wa kudumu kwa lengo la kuhakikisha uhai wao katika vyama na ili washiriki wote kwenye uchaguzi mkuu.

“Kazi ya uhakiki ni moja ya majukumu yanayofanywa na Ofisi ya Msajili na kazi ya chama ni kutunza uhalali wake, kuhakikisha kinakuwa hai, hivyo tunapofanya uhakiki, ni kujiridhisha 'je, kuna vyama ambavyo vimeshapoteza sifa za kuendelea kuwa vyama vya siasa?'", alisema.

Kiongozi huyo alisema chama kitakachobainika kuwa kimepoteza sifa za kulinda usajili wake kwa kawaida, hakitapata nafasi ya kushiriki katika uchaguzi huo.

“Tumefanya hivyo mapema ili kutoa nafasi kwa vyama ambavyo havijatimiza matakwa ya tume, basi zirekebishe hizo dosari ili viwe na uhalali wa kushiriki kwenye uchaguzi mkuu unaokuja,” alisema.

Jaji Mutungi alisema wameshaandaa ratiba ya kuvitembelea vyama hivyo na vyama vyote vina taarifa ya ziara hiyo na kwa kuanza, watakutana na makatibu watendaji wa vyama vyote kuzungumza nao kuhusu uhakiki huo.

Alisema kuanzia Machi 12 mwaka huu, wataanza kutembelea vyama kwa mujibu wa ratiba waliyojiwekea.

Kuhusu hali ya kisiasa nchini, Jaji Mutungi alisema vyama vingi vya siasa vimekuwa na utulivu na kufuata sheria na kuvitaka kuendelea kudumisha utii wa sheria bila shuruti wakati wa kuelekea uchaguzi mkuu.

“Siyo tu wanasiasa, na wananchi wote wakifuata sheria za nchi zilizowekwa, nchi itaenda vizuri bila kuwapo na misuguano yoyote,” alisema.

Read More →

Tani 31 Za Mifuko Ya Plastiki Kutekekezwa Songwe

Tani 31 za Mifuko ya Plastiki iliyo kusanywa kutoka Mikoa ya Nyanda za Juu Kusini inayojumuisha Mikoa ya Songwe, Mbeya, Iringa na Njombe itateketezwa Mkoani Songwe ikiwa ni utekelezaji wa katazo la serikali la matumizi ya mifuko ya plastiski isiyo ya lazima.

Akimwakilisha Mkuu wa Mkoa wa Songwe, Katibu Tawala Mkoa wa Songwe David Kafulila mapema leo amezindua zoezi la uteketezaji wa mifuko ya plastiki ambapo tani 9 kati ya 31 zimeteketezwa katika kichomea taka kilichopo katika Mgodi wa Dhahabu wa Shanta New Luika uliopo Wilayani Songwe.

Kafulila amesema licha ya athari nyingi za kiafya kama vile kusababisha magonjwa ya saratani, taka za plastiki zinazoingia katika vyanzo vya maji zinaipelekea dunia kupoteza takribani dola trilioni 2.5 lakini pia tafiti zinabainisha kuwa taka hizo huharibu ubora wa ardhi.

Amesema Serikali ya Tanzania imekuwa kinara wa kutunza mazingira na maliasili kwa kuwa asilimia 70 ya wananchi hutegemea maliasili katika kuendesha maisha yao jambo ambalo ni la kumpongeza Rais wa Jamhuri wa Muungano wa Tanzania Dk John Pombe Magufuli.

Ameongeza kuwa  Mkoa wa Songwe utaendelea kusimamia utekelezaji wa agizo la Serikali ya awamu ya tano ambalo linalenga utunzaji wa mazingira huku akisisitiza ngazi zote za uongozi kuanzia Vijiji, halmashauri na Mkoa kushirikiana katika kutekeleza agizo hilo ili kulinda taifa letu kwa ajili ya sasa na vizazi vijavyo.

Naye Meneja wa Baraza la Taifa la Hifadhi na Usimamizi wa Mazingira (NEMC) Kanda ya Nyanda za Juu Kusini Anorld Mapinduzi amesema katazo la matumizi ya mifuko ya plastiki lilianza kutumika rasmi  Juni 01, 2019 na lilitangazwa katika gazeti la serikali namba 349.

Mapinduzi amesema serikali imeruhusu baadhi ya bidhaa zifungashwe na sio kubebewa katika Mifuko ya plastiki na bidhaa hizo ni pamoja na baadhi ya dawa na vifaa tiba, baadhi ya vyakula na mbolea ambavyo visipo fungashwa katika plastiki vitapoteza ubora wake.

Ameongeza kuwa wananchi wasidanganyike kuwa mifuko laini ya plastiki imeruhusuiwa kwani serikali imeruhusu tu matumizi ya vifungashio vya plastiki ambavyo hutengenezwa maalumu kwa ajili ya bidhaa husika, vina nembo ya bidhaa iliyo fungashwa na vitatengenezwa kabla ya bidhaa kuingizwa sokoni.

Mapinduzi amesema lengo la kuteketeza rasmi mifuko ya plastiki ni kutoa ujumbe kwa wananchi waendelee kutambua kuwa serikali bado inapinga matumizi ya mifuko plastiki ambayo ina athari nyingi kwa taifa pia kaguzi mbalimbali zinaendelea na watakao kamatwa adhabu zitatolewa kwa mujibu wa sheria.

Menenja Mazingira wa Mgodi wa Dhahabu wa Shanta New Luika Washington Onyango amesema wako tayari kushirikiana na serikali katika kutunza mazingira na pia uwepo wa kichomea taka katika Mgodi huo ambacho kina ubora utawezesha uteketezaji wa taka katika Mkoa wa Songwe.

Onyango amesema uwezo wa kichomea taka katika mgodi huo ni kuchoma takataka tani moja kwa siku lakini taka ambazo huzalishwa na kuchomwa mgodini hapo ni tani tatu mpaka nne tu jambo ambalo hufanya kichomea taka hicho kufanya kazi chini ya kiwango huku kikiwa  ni rafiki wa mazingira kwakuwa hakiruhusu kemikali kusambaa.

Read More →

Katibu Mkuu CCM: Tutatumia Dola Kubaki Madarakani

Katibu  Mkuu wa Chama Cha Mapinduzi (CCM), Dk. Bashiru Ali, amekiri chama chake kuitumia dola kuhakikisha kinabaki madarakani.

Amesema kama chama chochote kinachoongoza serikali kitashindwa kutumia dola kubaki madarakani, utakuwa uzembe wa chama chenyewe.

Kwa kulitambua hilo, Dk. Bashiru amesema CCM imekuwa ikitumia dola kujihakikishia ushindi wakati wa uchaguzi na mwaka huu wamepanga "kuitumia dola kweli kweli".

Lakini, kiongozi huyo wa CCM akaonya kuwa chama kinachoongoza serikali, hakipaswi kuitumia dola kunyanyasa wapinzani wake.

Dk. Bashiru aliyasema hayo katika mahojiano maalum na vyombo vya habari vya IPP alivyovitembelea jijini Dar es Salaam jana.

"Ukishakuwa chama tawala, kuna dhana inaitwa nafuu ya mwenye madaraka. Ukishindwa kutumia nafuu hiyo, utakuwa kama KANU (chama tawala cha zamani cha Kenya), iliposhindwa kutumia nafuu hiyo, haikuwahi kurudi madarakani au UNIP ya Zambia.

"Unashika dola halafu unatumia dola kubaki madarakani. Akitokea mtu mwenye busara zaidi, akakwambia usitumie dola, ukamsikiliza, siku ukishatoka hurudi!

"Hata kwenye kazi, kazi inatafuta kazi. Kwa hiyo, aliye na dola anatumia dola hiyo kubaki madarakani. Ukweli hata Chadema ikiingia madarakani, kuiondoa kwenye dola itakuwa ni uzembe wake, kwa sababu ana nafuu na faida ya kuwa na dola.

"Kinachotakiwa usitumie dola vibaya kunyanyasa wapinzani wako. Wanaosubiri sisi (CCM) tulegelege kutotumia dola kubaki kwenye dola, watasubiri sana. Huo ndio ukweli, si wa Tanzania, si wa CCM, hata (Donald) Trump (Rais wa Marekani) kumwondoa leo ni ngumu," alisema.

Alipotakiwa kutoa ufafanuzi kuhusu kauli yake hiyo, Dk. Bashiru alisema: “Watu wakisema unatumia dola, wanadhani unakwenda kuiba, dola ni chombo cha wananchi, kutumia dola ni kutumia wananchi waliokukabidhi dola ili wakubakize kwenye dola, hii ndiyo maana yake tu.

“Hawa wananchi ambao tumeshirikiana wote kutafuta maji, kujenga miundombinu ya barabara kwa kodi zao, hakuna chombo kinachoweza kukusanya kodi ambacho si dola, ndiyo moja ya sifa, sifa kubwa ya dola ni kukusanya kodi, tutatumia kodi za wananchi.

“Ndiyo matumizi ya dola, tutatumia vyombo vya ulinzi na usalama kuwahakikishia wananchi wako salama, ndiyo matumizi ya dola.

“Sasa, wewe ukiwa na dola halafu wahuni wanakwenda Rufiji na Kibiti, si unakumbuka kulikuwa hakupitiki? Tulitumia dola kulinda usalama wa watu. Nimepita mara nyingi wakati mwingine ninashuka kula kuku wa kuchemsha, hayo ndiyo matumizi ya dola ninayosema.”

Dk. Bashiru alisema wanatumia dola kwa sababu wamekabidhiwa dhamana kutumia vyombo vya ulinzi na usalama kuhakikisha usalama upo.

“Kutumia vyombo vya ulinzi na usalama kukabiliana na rushwa, tumevitumia kuwatisha wala rushwa, sasa hayo matumizi mabaya? Tutaitumia kweli kweli.

“Matumizi ya dola ni kuwatumia wananchi wenye dola kwa kuwa dola ni mali ya wananchi, sisi tumekabidhiwa dhamana ya kuiendesha, tukiiendesha vizuri wananchi watatuamini zaidi, tukiiendesha vibaya, wanatuadhibu, wanampa mtu mwingine. Hata hao wengine wanatafuta dola.

“Faida tuliyo nayo tuna dola, wengine wanatafuta, mwenye dola akiishika vizuri, akaitumia vizuri na kufanya yale iliyoahidi, akatumia vizuri kujengea imani wapigakura, hawabadilishi ile dola kumpa mtu mwingine, hii ndiyo faida ya kuwa na dola.

“Mwaka huu kuna uchaguzi, tunakwenda kuomba, yaani tutapiga magoti tukiwa na maelezo mnajua tuliahidi hiki, tumefanya hivi, mmetupa kodi zenu tumefanya haya. Kwa hiyo watu wasitafsiri vibaya, lakini huwezi kuzuia tafsiri kwa kuwa hii ni dhana ya kifalsafa kidogo.

“Mtu anaweza kutumia maneno haya niliyoyasema akatafsiri vingine, maana yake ni hiyo, tutatumia dola kodi, taasisi za serikali kutekeleza ilani, tutatekeleza ahadi na kufika Oktoba, tutakuwa kwenye nafuu zaidi na faida zaidi kubaki madarakani," alifafanua.

KIFO CHA UPINZANI

Alipoulizwa kuhusu madai ya kuwapo mkakati wa chama chake kuhakikisha kinaua upinzani nchini, Dk. Bashiru alisema hakuna dhamira hiyo, lakini kama kuna vyama vitakufa, CCM haiwezi kuzuia.

“Hatuna mpango wa kuzuia kifo, siyo kazi yetu kuzuia kifo cha chama, ni jukumu la chama kutokufa, mtu atakayekaa barabarani kusababisha chama kife kwa kushindwa ni halali yangu, na hili ni jukumu la vyama vyote vilivyosajiliwa kubaki hai, siyo jukumu la CCM kuvilea vyama visife, kifo kibaya cha chama huanza mapema.

“Ni kama ugonjwa wa kichwa, huanza taratibu, maumivu ya kichwa huanza polepole, na kifo cha chama huanza polepole kwa kushindwa, kifo cha kisiasa siyo kifo cha watu na katika siasa kuna kufa na kuzaliwa, vipo vilivyokufa, vipo vinachechemea, vingine haviwezi kufa, navijua," alisema.

Dk. Bashiru pia alitolea ufafanuzi madai ya CCM kununua wanachama kutoka vyama vya upinzani, akisema hakuna anayenunuliwa na kwamba wanaotoka upinzani ni 'watamu kweli' na matarajio yao ni kupokea wengine wengi zaidi kipindi hiki.

“Sijawahi kuona mavuno mazuri kama ya mwaka huu na mwaka jana na shughuli inaendelea, kama huo ndiyo mwelekeo wa vyama vya upinzani kufa, vijifunze namna ya kutunza wanachama wao," alitamba.

MCHUJO MKALI CCM

Katika mahojiano hayo, Dk. Bashiru pia alidokeza kuwapo mchujo mkali ndani ya chama kuwapata wagombea wa nafasi za udiwani na ubunge katika uchaguzi mkuu wa mwaka huu na kuweka wazi kuwa mgombea wao wa urais mwaka huu ni Dk. John Magufuli.

Alisema kuna vigezo kadhaa vitakavyozingatiwa ikiwa ni pamoja na kufuatilia nyendo za wanachama wao ambao tayari wameshaanza kupitapita na kupenyeza fedha kwa miamala ya simu ili kupita kwenye kura za maoni.

“Ninawatahadharisha, uteuzi siyo kura za maoni peke yake, ni kura za maoni na mjadala wa jina kwa jina kuhusu sifa za aliyeshinda na kukubalika kwa wananchi, hatutafuti wagombea wa CCM, tunatafuta wagombea wa CCM watakaopigiwa kura na wana CCM na wasiyo wana CCM na mwisho vikao ndivyo vinateua,” alisema.

Dk. Bashiru alisema kila mwana CCM ana haki ya kugombea uongozi, lakini hana haki ya kuteuliwa kwa sababu uamuzi wa kuteua ni wa vikao na hakuna atakayeteuliwa kuwania ubunge na udiwani bila kuangalia rekodi yake ya utendaji na mahudhurio yake kwenye vikao vya Bunge na mabaraza.

“Hakuna uteuzi wa bure, wapo wanaojihangaisha kuzungumza na wapigakura wakidhani wakimalizana nao kwenye kura za maoni, wamepata uteuzi, tutazingatia kura za maoni, na kwenda kwenye kumbukumbu zako ulisema nini, uliahidi nini na umetekeleza nini," alionya.

Dk. Bashiru pia alizungumzia maandalizi ya Ilani ya Uchaguzi ya CCM mwaka huu, akisema imejikita katika vipaumbele vitatu ambavyo ni kilimo, maji pamoja na ulinzi na usalama.

UKAWA TISHIO

Mhadhiri huyo wa zamani wa Chuo Kikuu cha Dar es Salaam (UDSM), pia alikiri kuwa kuungana kwa baadhi ya vyama vya siasa katika kile kilichoitwa Umoja wa Katiba ya Wananchi (Ukawa), kulikuwa tishio kwa CCM katika uchaguzi mkuu uliopita.

Alisema hilo lilijidhihirisha kwenye idadi ya kura ambazo CCM ilizipata kwa nafasi ya urais, akibainisha kuwa ilikuwa mara ya kwanza mgombea wao kushinda kwa kura chache.

Mtaalamu huyo wa sayansi ya siasa alisema Ukawa pia ulisababisha CCM kupoteza majimbo mengi zaidi tangu kuanzishwa kwa mfumo wa vyama vingi nchini.

“Rais John Magufuli alipata kura ambazo mgombea wa CCM hajawahi kuzipata katika mfumo wa vyama vingi -- asilimia 58 na mgombea wetu (alikuwa) hajawahi kutofikia asilimia 60, Rais mstaafu Jakaya Kikwete wakati anaingia alifikia asilimia 80,” alifafanua.

Dk. Bashiru pia alitoa ufafanuzi kuhusu kauli yake kwamba mchakato wa Katiba Mpya ni kiporo kilichochacha, akisema Ukawa ulioaminiwa na wananchi umesambaratika.

“Ndiyo maana nakiita kiporo kilichochacha, Ukawa iko wapi? Wanaweza kuingia na ajenda hiyo mwaka huu? Wanaweza kuaminika mwaka huu? Walikuwa wanatafuta Katiba Mpya kweli? Haijapatikana wamesambaratika…

"Kumbe ilikuwa ni geresha, ilikuwa ni kuteka mchakato wa Katiba Mpya kutafuta Ikulu, Ikulu haikupatikana, Ukawa imesambaratika. Kuwa na wanasiasa wa namna hiyo wa kuwavuta wananchi kutafuta jambo jema na kuwaacha solemba, nacho ni kiporo kilichochacha.

"Sasa, unataka kuumwa matumbo kula kiporo cha namna hiyo? Hatujamaliza matatizo ya Corona, tuingie kwenye kuumwa matumbo? Rais Magufuli akasema 'hatuwezi kuwa na siasa za kinafiki, watu wanatafuta Ikulu kwa kisingizio cha Katiba Mpya'", alisema.

UPINZANI KUITWA IKULU

Dk. Bashiru pia alimpongeza Rais Magufuli kwa kuendelea kukutana na Watanzania wa makundi mbalimbali Ikulu, akikumbusha kuwa amefanya hivyo kwa wafanyabiashara, wenye ulemavu na makundi mengi ambayo hukutana na wasaidizi wake.

"Ameshatuelekeza tukutane na makundi ya wawakilishi wote, anakutana na mabalozi, hata viongozi wa upinzani wana haki ya kukutana naye Ikulu, ndiye pekee ameifanya Ikulu ionekane ni ya Watanzania.

“Kama hiyo ndiyo inatajwa ni kujenga maridhiano, ni mkakati mzuri lakini siyo ile ya mtazamo wa kisiasa, bali kwa mtazamo wa kitaifa, Ikulu ni ya Watanzania wote na kila mmoja anaweza kukutana na Rais Ikulu,” alisema.

Chanzo: Nipashe

Read More →

HATA WANAWAKE WANAWEZA KUANDIKA MIRATHI -WAKILI SUZANA SENSO

 WAKILI Suzana Senso akizungumza wakati akitoa mada 
ya nafasi ya mwanamke kwenye urithi wa mirathi maadhimisho ya siku ya wanawake duniani  iliyofanyika kwenye viwanja vya Nkende Manispaa ya Musoma mjini iliyokuwa na kauli mbiu ya Kizazi cha Usawa kwa maendeleo ya Tanzania ya Sasa nay a Baadae

 MEZA Kuu wakifuatilia matukio mbalimbali kwenye maadhimisho hayo kushoto ni Mwenyekiti wa UWT Taifa Gaudance Kabaka akifuatiwa na Katibu Tawala wa Mkoa wa Mara Caroline Matapula na  Mkurugenzi wa Musoma Mjini Mjovela na kulia ni Wakili Suzana Senso 

 WAKILI Suzana Senso wa pili kutoka kulia akishiriki kucheza na wakina mama wengine wakati wa maadhimisho hayo.

NA MWANDISHI WETU,MUSOMA.

WAKILI Suzana Senso amesema kwamba hata wanawake wanaweza kuandika mirathi ili kupunguza msongamano wa kesi za kugombania mali kwenye jamii pindi wanapokuwa wakitangulia mbele za haki.

Senso aliyasema hayo wakati akitoa mada ya nafasi ya mwanamke kwenye urithi wa mirathi huku akisisitiza wanawake kujituma na kutafuta mali kutokana na kuwepo kwa dhana potofu kwamba wanapotafuta hakuna watakaonufaika na mali hizo pindi wanapofariki .

Maadhimisho ya siku ya wanawake dunia iliyofanyika kwenye viwanja vya Nkende Manispaa ya Musoma mjini iliyokuwa na kauli mbiu ya Kizazi cha Usawa kwa maendeleo ya Tanzania ya Sasa nay a Baadae.

Mgeni rasmi alikuwa ni Mwenyekiti wa UWT Taifa Gaudance Kabaka ambayo pia ilihudhuriwa na Katibu Tawala wa Mkoa wa Mara Caroline Matapula,Madiwani wa Viti Maalumu wa Manispaa ya Musoma,Afisa Maendeleo ya Jamii mkoa huo na Mwakilishi wa Mbunge Anna Makilanga na Mwakilishi kutoka Takukuru.

Wakili Senso alisema kwamba sheria ya mirathi inasema kama mke akifariki na kumuacha mume na watoto mume hupata moja ya tatu ya mali za marehemu mkewe na mbili ya tatu huenda kwa watoto.

Alisema kwamba pia ikitokea mke amefariki na amemuacha mume lakini hakuna watoto inaangaliwa kama kuna ndugu ikiwa wapo ndugu hao wa mke hutakiwa kupata nusu ya mali na nusu inayobakia huenda kwa mume kwa hiyo ndugu wa mwanamke ambao ni marehemu hupata sawa kwa sasa na mume wake aliyeachwa.


“Lakini ikiwa mwanamke ndiye amefariki na hakuacha ndugu yoyote wala mtoto yeyote isipokuwa kumuacha mume haturudhi mali zote za Mkwe”Alisema

Akizungumza katika maadhimisho yalikwenda sambamba na wakina mama wajasiriamali kuonyesha bidhaa zao ambapo mgeni rasmi Mama Kabaka alionyesha kufarijika alipokuta wakina mama wanapiga vita umaskini kwa kujishughulisha na biashara.

Pia maadhimisho hayo yalihudhuriwa na Benki tofauti tofauti ikiwemo NMB, NBC na Kampuni za simu ikiwemo TTCL pia kwenye maonyesho hayo kulikuwa na dawati la jinsia ambalo lilitoa elimu kwa wananchi walikuwa wamehudhuria.

Read More →

Habari Zilizopo Katika Magazeti ya Leo Jumamosi March 7

Read More →

Waziri Mkuu: Wafichueni Wafanyabiashara Wa Magendo

WAZIRI MKUU, Kassim Majaliwa amewataka wananchi washirikiane na Serikali katika kuwafichua wafanyabiashara wa magendo wanaoingiza bidhaa kwa kupitia bandari bubu.

Pia ameiagiza Idara ya  Uvuvi wilaya ya Pangani ihakikishe inadhibiti uvuvi haramu wa kutumia mabomu na nyavu zisizo stahili kwa kuwa unahatarisha mazalia ya samaki.

Waziri Mkuu ameyasema hayo leo (Ijumaa, Machi 6, 2020) wakati akizungumza na wananchi katika mkutano wa hadhara uliofanyika kwenye uwanja wa Bomani, wilayani Pangani.

Amesema uwepo wa bandari bubu katika wilaya hiyo unasababisha kuingizwa kwa bidhaa ambazo viwango vyake havijathibitishwa na mamlaka husika hivyo kuhatarisha afya za watumiaji.

“Wananchi shirikianeni na Serikali katika kuwataja wanaoingiza bidhaa kupitia bandari bubu kwani licha ya bidhaa hizo kutokuwa na uhakika wa ubora, pia hata wakwepakodi nao wanapitia huko.”

Kadhalika, Waziri Mkuu amezungumzia kuhusu malalamiko ya wafanyakazi wa mkonge ambapo amesema atamuagiza Waziri wa Nchi Ofisi ya Waziri Mkuu Sera, Bunge, Kazi, Ajira na Wenye Ulemavu, Jenista Mhagama aende kushughulikia suala hilo.

Kwa upande wake, Mbunge wa Pangani na Naibu Waziri wa Maji, Jumaa Aweso ameishukuru Serikali kwa utekelezaji wa miradi mbalimbali ya maendeleo ikiwemo ya elimu, maji na umeme kwani kati ya vijiji 33 vya jimbo hilo vitatu tu ndio havina umeme.

Pia mbunge huyo ametumia fursa hiyo kuiomba Serikali iharakishe utekelezaji wa mradi wa ujenzi wa barabara ya Tanga-Pangani yenye urefu wa kilometa 50 pamoja na ulipaji fidia kwa wananchi wanaotakiwa kupisha mradi huo.

Awali, Waziri Mkuu alizindua mradi wa ujenzi wa ujenzi wa ukuta wa mto Pangani kwa upande wa kaskazini wenye urefu wa mita 950 uliogharimu sh. Bilioni 2.9. Pia alizindua kituo cha polisi cha wilaya ya Pangani pamoja.

Read More →

Rais Magufuli Atoa Billioni 15 Kumalizia Ujenzi Hospitali Ya Mwalimu Nyerere Mara

Na Mwandishi Wetu Musoma.

Rais wa Jamhuri ya Muungano wa Tanzania Mhe. Dkt. John Pombe Magufuli ametoa kiasi cha shillingi Billioni 15 kwa ajili ya kumalizia ujenzi wa hospitali ya Rufaa ya Kumbukumbu ya Mwalimu Nyerere iliyojengwa kwa miaka 40 bila kumalizika.

Haya yamebainika wakati wa ziara ya Waziri wa Afya, Maendeleo ya Jamii, Jinsia, Wazee na Watoto Ummy Mwalimu  na Waziri wa Ardhi, Nyumba na Maendeleo ya Makazi William Lukuvi katika hospitali hiyo kujionea maendeleo ya ujenzi wake.

Akizungumza mara baada ya kutembelea Hospitali hiyo Waziri wa Afya, Maendeleo ya Jamii, Jinsia, Wazee na Watoto Ummy Mwalimu amesema kuwa Hospitali hiyo itakuwa masaada mkubwa kwa wananchi wa mkoa wa Mara hasa kwa huduma za matibabu ya kibingwa.

“Kutakuwa hakuna haja ya kwenda Hospitali ya Kanda Bugando kupata matibabu ya kibingwa kwani tunataka huduma za kibingwa zitolewe hapa hapa”alisema

Kwa upande wake Waziri wa Ardhi, Nyumba na Maendeleo ya Makazi William Lukuvi amesema kuwa Shirika la Nyumba na Chuo Kikuu cha Ardhi kimepewa kazi ya kusimamia ujenzi wa Hospitali hiyo hivyo ameagiza kazi kufanyika usiku na mchana ili limalizike kwa muda uliopangwa.

“Tumekubaliana tarehe 17 mwezi huu wa tatu wawe wamekamilisha Wing C ili huduma za Mama na mtoto zinanze kutolewa kwa muda husika” alisema

Kwa upande wake Mkuu Mkoa wa Mara Adam Malima amemshukuru Rais wa Jamhuri ya Muungano wa Tanzania Mhe. Dkt. John Pombe Magufuli kwa kutoa fedha kwa ajili ya kumalizia hospitali hiyo iliyokwama kwa muda wa miaka 40 mpaka sasa.

“Hospitali hii imechukua awamu tano za marais kumalizika na tunamshukuru Rais kwa kuchukulia kipaumbele katika hili” alisema

Read More →

Waziri Zungu Atembelea Kisiwani Pemba Kujionea Athari Za Mabadiliko Ya Tabinchi.

Waziri wa Nchi Ofisi ya Makamu wa Rais- Muungano na Mazingira Mh. Mussa Zungu amaeahidi kupeleka Wataalamu wa mazingira  kwa ajiili ya kufanya tathmini  katika eneo la Kwamgogo lililopo Kisiwani Pemba ambalo limeathirika na mabadiliko ya tabianchi. Amesema hayo kisiwani Pemba alipotembelea eneo hilo kujionea athari za kimazingira zilizosababishwa na mabadiliko ya tabinchi.  

Ameongeza kuwa lazima jitihada za haraka zichukuliwe katika eneno hilo ili kuweza kuepusha kisiwa cha Pemba kisiharibiwe na mabadiliko ya tabianchi. “ tutaleta Watu wafanye tahtmini ni kitu gani tufanye ili kuzui haya maji kuja tena au kuyazuia yarudi huko yalikotoka na kuweza kunusuru eneno hili”alisema Waziri Zungu 

Kijiji cha Kwamgogo kimeathirika na mabadiliko ya tabianchi kwa kusababisha maji kujaa na kuharibu mazingira ikiwemo kusababisha Wananchi kukosa njia ya kupita wakati wanaenda sokoni au kwenye shughuli zao za kila siku hivyo kusababisha Wananchi kuvuka kwa kuogelea kwenda ng’ambo ya pili kwenye huduma muhimu za kijamii.  

Amewashukuru pia Wananchi wa Mkoa huo na Uongozi wa Mkoa kwa kuweza kuchukua hatua kwa kupanda mikoko na ili kuweza kupunguza athari hizo za kimazingira katika kijiji hiko cha Kwamgogo.

 “Namshukuru saana Mkuu wa Mkoa pamoja na Wananchi wa eneo hili kwa jitihada mlizofanya kulinda mazingira katika eneo hili” alisema Zungu 

Ziara hiyo ya Mheshimiwa Zungu ni maagizo aliyopewa na Makamu wa pili wa Rais Balozi Seif Ali Iddi  baada ya kumtembelea Ofisini kwake kujitambulisha baada ya kuchaguliwa kuwa Waziri wa Nchi Ofisi ya Makamu wa Rais – Muungano na Mazingira. 

Read More →