Misri Yamzika Hosni Mubarak kwa heshima za kijeshi....Alikuwa Rais wa Nchi Hiyo Kwa Miongo Mitatu Kabla ya Kupinduliwa

Misri imefanya mazishi ya heshima za kijeshi ya aliyekuwa rais wa zamani wa nchi hiyo Hosni Mubarak, ambaye aliitawala nchi hiyo kwa miongo mitatu kabla ya kuondolewa katika mwaka wa 2011 kupitia wimbi la vuguvugu la mageuzi katika ulimwengu wa Kiarabu. 

Hafla hiyo ya mazishi, ilihusisha kufyatuliwa mizinga na jeneza lake kubebwa kwenye msafara wa farasi kuashiria mafanikio ya Mubarak ya enzi ya vita. 

Rais wa sasa wa Misri Abdel Fatah al-Sissi, alihudhuria kwa muda mfupi, na kutoa salamu zake ra rambirambi kwa kupeana mkono na watoto wawili wa Mubarak, Alaa na Gamal na mkewe Suzanne. 

Soma na hii: Rais wa zamani wa Misri Hosni Mubarak Afariki Dunia

Mwili wa Mubarak umezikwa kwenye eneo la makaburi ya familia yake la Heliopolis viungani mwa mji mkuu wa Cairo

Read More →

Ethiopia Yatangaza Kutoshiriki Mazungumzo Marekani Kuhusu Ujenzi wa Bwawa Linalochota Maji Mto Nile Ambalo Misri Inalinga Vikali

Serikali ya Ethiopia imetangaza kuwa, haitashiriki mazungumzo ya pande tatu yaliyopangwa kufanyika leo Alhamisi mjini Washington, kwa lengo la kukamilisha makubaliano kuhusu matumizi ya bwawa la An-Nahdhah linalojengwa na nchi hiyo.

Taarifa iliyotolewa na Wizara ya Maji, Umwagiliaji na Nishati ya Ethiopia imeeleza kuwa, nchi hiyo haitashiriki mkutano wa leo wa Washington kwa sababu mashauriano na wadau wa ndani ya nchi hiyo bado hayajakamilika.

Mazungumzo ya pande tatu ya mjini Washington kati ya Ethiopia, Misri na Sudan yanayodhaminiwa na serikali ya Marekani yanalenga kuupatia suluhu mzozo wa bwawa kubwa la maji la Al-Nahdhah linaloendelea kujengwa na serikali ya Ethiopia katika delta ya mto wa Blue Nile.

Katika mazungumzo hayo yaliyokuwa yamepangwa kufanyika leo, wawakilishi wa Misri, Ethiopia na Sudan walitazamiwa kukutana kwa lengo la kukamilisha makubaliano rasmi kabla ya kuyasaini ifikapo mwisho wa mwezi huu.

Ujenzi wa bwawa la An-Nahdhah ulianza rasmi mwaka 2011 na unatarajiwa kukamilika mwaka huu wa 2020 kabla ya kuanza kutoa maji mwaka 2022.

Misri inapinga mradi wa ujenzi wa bwawa wa Al-Nahdhah kwa hofu kwamba utazuia mmiminiko wa maji ya Mto Nile inayoyategemea kwa takribani asilimia 90 ya mahitaji yake ya maji.

Soma Pia:   Nafasi Mpya za Kazi Serikalini...Mwisho Mwezi wa Tatu

Hata hivyo serikali ya Addis Ababa inasisitiza kuwa mradi huo una ulazima kwa maendeleo ya taifa ili kuwatoa kwenye umasikini mamilioni ya raia wake.

Read More →

JWTZ Yakamata Silaha za Kivita Makambi ya Wakimbizi Katavi

Serikali ya  Mkoa wa Katavi kwa kushirikiana na Jeshi la  Wananchi kikosi cha 202 na 401  wamefanikiwa  kukamata Bunduki 50 zikiwemo 13 za kivita na tatu zilizotengenezewa nchi za ulaya aina ya  G3 kufutia masako uliofanywa kwa muda wa siku 21 katika Makazi ya wakimbizi ya Katumba na Mishamo humo

Operesheni hiyo imefanyika ikiwa ni utekelezaji wa agizo la Rais John Magufuli alilolitoa mwezi Oktoba  mwaka jana wakati wa ziara yake  Mkoani Katavi kwa uongozi wa Serikali ambapo aliwataka   kuhakikisha wanawakamata watu wote ambao wanamiliki silaha kinyume cha sheria na wanaoingiza Silaha kutoka Nchi ya Burundi kwa ajili ya kufanyia  ujambazi na uwindaji haramu wa wanyama pori

 Akitoa taarifa ya operesheni hiyo inayojulikana kwa jina la Operesheni safisha Katumba  2020 mbele ya Mkuu wa Mkoa wa Katavi Juma Homera ,Mkuu wa  Briged ya Magharibi  Brigedia  Jenerali  Jacob Mkunda  alisema kuwa  katika   operesheni hiyo walikamata bunduki 50.

 Alifafanua kuwa katika bunduki hizo walizofanikiwa kuzikamata ni bunduki za kivita 13 aina ya SMG , Bunduki tatu aina ya G3, Raifo moja  na Gobole  33.

Aidha wamekamata risasi 28 na mitego ya kukamatia wanyama 13

 Brigedia  Generali  Mkunda  alieleza kuwa katika msako huo wameweza kufanikiwa kuwakamata watuhumiwa  17 ambao ni Raia wapya wa Tanzania wenye asili ya nchi ya Burundi  katika ya watuhumiwa hao  wanne wamekamatwa katika Makazi ya Wakimbizi ya Katumba Wilaya ya Mpanda na  14 wamekamatwa  katika Makazi ya Wakimbizi ya Mishamo Wilaya ya Tanganyika

Alisema kuwa kwenye msako huu wameweza kubaini uwepo wa  viwanda  vya kutengeneza  bunduki aina ya gobole kwenye makazi ya wakimbizi ya Mishamo ambazo zimekuwa  zikitumika katika kufanyia  ujangili wa kuua wanyama kwenye Hifadhi  ya Taifa ya Katavi na kwenye mapori ya akiba .

 Nae  Mkuu wa oparesheni  hiyo safisha Mishamo na Katumba  Kanali  Evance  Mallaso  alieleza kuwa  wakazi wengi wanaoishi kwenye makazi hayo ya Katumba na Mishamo  wamekuwa na tabia  ya kuishi kwa usiri mkubwa wa kutowataja wahalifu wanaoingiza silaha kutoka nchi ya Burundi .

 Mkuu wa Mkoa wa Katavi Juma Homera  alisema kuwa vyombo vya usalama katika Mkoa wa Katavi vimefanya kazi kubwa  katika kufanikisha  kukamatwa  kwa silaha hizo

 Amewaonya watanzania ambao  wanaoishi kwenye makazi hayo ambao wamekuwa  wakiwapokea wageni  wanaoingiza silaha  kutoka nchi za jirani  kwa kuzificha kwenye ndoo na kwenye madumu wanapozisafirisha wanaofanya hivyo watambue kuwa  na wao wakibainika watakamatwa tuu kwani Mkoa huu vyombo vya usalama  vipo kazini muda wote .

 Homera alieleza kuwa zoezi hilo la kuwasaka wanaomiliki silaha kinyume  na sheria ni endelevu linaendelea hivyo hakuna mwalifu yoyote ambae ataweza kushindana na vyombo vya dola .

 Alisema wakati wa ziara ya Rais Magufuli aliyoifanya oktoba 10 mwaka jana  alisikitishwa sana na tabia ya  waliokuwa   raia wa nchi ya Burundi waliopewa uraia wa Nchi ya Tanzania  wanaoishi kwenye Makazi  hayo kujihusisha na uingizaji wa silaha za kivita, ujambazi na ujagili hali ambayo ilimfanya Rais atowe agizo la kufanyika msako wa mara kwa mara

Read More →

SERIKALI YAWAHAKIKISHIA WAFUGAJI WA SAMAKI KUENDELEA KUBORESHA ZAIDI MAZINGIRA BORA YA UFUGAJI

Naibu Waziri wa Mifugo na Uvuvi Mhe. Abdallah Ulega akizungumza katika Mkutano wa Mashauriano kati ya Serikali,Wafanyabiashara na Wawekezaji wa Mkoa wa Shinyanga.

Na Kadama Malunde - Malunde 1 blog
Naibu Waziri wa Mifugo na Uvuvi Mhe. Abdallah Ulega amewahakikishia wafugaji wa samaki nchini kuwa Serikali itaendelea kuweka mazingira bora ya kuwawezesha wafugaji kufuga samaki. 

Mhe. Ulega ameyasema hayo Februari 26,2020 kwenye Mkutano wa Mashauriano kati ya Serikali, Wafanyabiashara na Wawekezaji wa Mkoa wa Shinyanga uliofanyika katika ukumbi wa NSSF mjini Shinyanga ambapo Mgeni Rasmi alikuwa Waziri wa Nchi, Ofisi ya Waziri Mkuu anayeshughulikia Masuala ya Uwekezaji, Mhe. Angellah Kairuki. 

Mhe. Ulega amesema mabwawa ya samaki yameongezeka kutokana na jitihada zilizopo na kueleza namna serikali inavyoendelea kudhibiti uvuvi haramu Baharini na kwenye Maziwa. 

“Kabla ya serikali ya Awamu ya Tano katika Ziwa Victoria tulikuwa na vizimba vya ufugaji wa samaki visivyozidi 50 hivi leo tuna vizimba zaidi ya 400 vya ufugaji wa samaki maana yake mwitikio ni mkubwa sana baada ya kufanyika jitihada za makusudi kwamba haturuhusu samaki kuingia Tanzania kwa sababu sisi tuna uwezo wa kufuga na wenyewe kuweza kutumia.” Ameeleza

“Mwanzo tulikuwa na tatizo la bina lakini hivi sasa tupo kwenye hatua nzuri bima kwenye mifugo na uvuvi ili upatikanaje wa fedha kwenye eneo hili uwe wa uhakika kwa wafanyabiashara",Amesema. 

Amesema kwa upande wa Ziwa Victoria, Wizara ya Mifugo na Uvuvi imepata fedha nyingi kwa watu wenye lengo la kufuga samaki na kwa kuwa soko lipo la uhakika sasa ndiyo maana watu wengi wameingia katika ufugaji na uvuvi.

“Tumeweka Mazingira mazuri ya kuhakikisha kwamba Watanzania wanaoingia kwenye biashara za mifugo na uvuvi wapate soko. Mwanzo tulikuwa tunaagiza nyama nyingi kutoka nje ya mipaka yetu lakini serikali ya Awamu ya Tano inayoongozwa na Rais Magufuli imefanya kazi kubwa na sasa hatuingizi nyama kutoka nje isipokuwa kwa kibali maalumu tu”,amesema Mhe. Ulega. 

Mhe. Ulega amesema fursa kubwa iliyopo sasa ni biashara ya kunenepesha mifugo na kupeleka kwenye viwanda vya nyama vilivyoanzishwa na vinavyotarajiwa kuanzishwa. 

“Hivi viwanda tunavyovianzisha hakika vitahitaji malighafi, ni lazima iwe malighafi ya uhakika kwa hiyo biashara iliyo nzuri sana sasa hivi ni biashara ya kunenepesha mifugo yetu. Kuwa na uhakika unapeleka viwandani mifugo iliyotunzwa na kunenepeshwa vizuri. Nakuhakikishia kwamba uchumi wako utakuwa kwa haraka sana,utapata pesa nyingi sana.” Amesema Mhe. Ulega. 

Amesema serikali imeshawishi taasisi za fedha na zimekubali kuingia kwenye biashara za kunenepesha mifugo na uvuvi na kubainisha kuwa jambo hilo linahitaji ushirikiano kati ya serikali na nyinyi wadau kwa ujumla. 

“Kwa upande wa ngozi bado tuna changamoto kubwa ya ngozi zetu, jitihada kubwa zimefanyika kuhakikisha tunapata suluhu ya hili jambo la ngozi. Tunahakikisha viwanda vyetu vinaanza uzalishaji, kama tulivyofanya katika uvuvi.” Ameongeza. 

Waziri wa Nchi Ofisi ya Waziri Mkuu anayeshughulikia masuala ya Uwekezaji nchini Mhe. Angellah Kairuki amesema Serikali itaendelea kuwaunga mkono wafanyabiashara na kuwakumbusha kufuata sheria na kanuni zilizopo katika biashara na uwekezaji na wanapokuwa na migogoro wasisite kuwasiliana na serikali ili kuitatua.

Naibu Waziri wa Mifugo na Uvuvi Mhe. Abdallah Ulega akizungumza katika Mkutano wa Mashauriano kati ya Serikali,Wafanyabiashara na Wawekezaji wa Mkoa wa Shinyanga Februari 26,2020 kwenye ukumbi wa NSSF mjini Shinyanga. Picha zote na Kadama Malunde - Malunde 1 blog
Naibu Waziri wa Mifugo na Uvuvi Mhe. Abdallah Ulega akiwahamasisha wafanyabiashara kuanzisha biashara ya kunenepesha mifugo na kupeleka kwenye viwanda vya nyama vilivyoanzishwa na vinavyotarajiwa kuanzishwa ili wapate pesa.

Wafanyabiashara, Wawekezaji na wadau mbalimbali wakimsikiza Naibu Waziri wa Mifugo na Uvuvi Mhe. Abdallah Ulega.

 Wafanyabiashara, Wawekezaji na wadau mbalimbali wakimsikiza Naibu Waziri wa Mifugo na Uvuvi Mhe. Abdallah Ulega.
Naibu Waziri wa Mifugo na Uvuvi Mhe. Abdallah Ulega (katikati) akiteta jambo na Mwenyekiti wa CCM mkoa wa Shinyanga, Mhe. Mabala Mlolwa (kushoto) na Mkuu wa Mkoa wa Kigoma Brigedia Mstaafu Emmanuel Maganga (kulia).
Waziri wa Nchi Ofisi ya Waziri Mkuu anayeshughulikia masuala ya Uwekezaji nchini Mhe.Angellah Kairuki akizungumza kwenye Mkutano wa Mashauriano kati ya Serikali,Wafanyabiashara na Wawekezaji wa Mkoa wa Shinyanga.

Waziri wa Nchi Ofisi ya Waziri Mkuu anayeshughulikia masuala ya Uwekezaji nchini Mhe.Angellah Kairuki akizungumza kwenye Mkutano wa Mashauriano kati ya Serikali,Wafanyabiashara na Wawekezaji wa Mkoa wa Shinyanga.

Naibu Waziri wa Mifugo na Uvuvi Mhe. Abdallah Ulega akisalimiana na Mbunge wa Jimbo la Kahama Mjini, Mhe. Jumanne Kishimba na Mbunge Jimbo la Shinyanga Mjini, Mhe. Stephen Masele (katikati). Kushoto ni Mwenyekiti wa TCCIA,Dkt. Meshack Kulwa.
 Picha zote na Kadama Malunde - Malunde 1 blog

Soma pia : WAZIRI KAIRUKI AONGOZA MKUTANO MKUBWA WA MASHAURINO KATI YA SERIKALI,WAFANYABIASHARA NA WAWEKEZAJI MKOA WA SHINYANGA

Read More →

Habari Zilizopo Katika Magazeti ya Leo Alhamisi February 27

Read More →

ZAIDI YA SHILINGI MILIONI 154 ZATUMIKA KUJENGA VYUMBA VITATU VYA MADARASA,UKARABATI WA SHULE WILAYANI TANDAHIMBA

 Kaimu Mkuu wa Mkoa wa Mtwara Sebastian Waryuba akizindua madarasa hayo akiwa na wafadhili waliowezesha mradi huo

 Kaimu Mkuu wa Mkoa wa Mtwara Sebastian Waryuba na Mwenyekiti wa Eclat wakisaini makabidhino hayo

 Kaimu Mkuu wa Mkoa wa Mtwara Sebastian Waryuba akikabidhi hati ya makabidhino Afisa Elimu Msingi Wilaya Hadija Mwinuka

 Matundu ya Choo kwa ajili ya wanafunzi na walimu Wao

Meneja wa mradi Msham Bashir (mzawa qa Luagala)ambaye ndiye aliwashawishi kuja kuboresha miundombinu ya Elimu Wilayani hapo

 Shule ya msingi Luagala 'B' katika muonekano mpya

 Wananchi wa Kijiji Cha Luagala 'B'wakishuhudia uzinduzi wa shule

****
Zaidi ya shilingi Milioni 154 zimetumika kujenga vyumba vitatu vya madarasa na kukarabati shule ya Msingi Luagala 'B' Wilayani Tandahimba

Akizindua madarasa hayo Kaimu Mkuu wa Mkoa wa Mtwara Sebastian Waryuba amesema madarasa hayo yamewekwa na madawati tayari kwa wanafunzi kuendelea na masomo

"Tumezindua madarasa haya lakini pia wametukabidhi shule ikiwa katika muonekano unaovutia  ambapo kazi hii imefanywa na taasisi ya Eclat na Upendo ,"amesema Waryuba

Naye Mwenyekiti wa taasisi ya Eclat Toima Kiroya ameeleza kuwa katika mradi huo wameweza kujenga vyumba vitatu vya madarasa,kukarabati majengo 8,kisima chenye ujazo wa Lita 150,000,matundu 16 ya Choo,madawati 65,meza za walimu 16 na viti 16

Hata hivyo Dk Fred Heimbach wa Upendo Society kutoka Ujerumani ameeleza kuwa madhumuni ya ushirika huo ni kuboresha miundo mbinu katika sekta ya elimu

Sambamba na Hilo  Meneja wa mradi huo Msham Bashir ameishukuru serikali kwa kushirikiana  kuanzia ngazi ya Kijiji hadi Wilaya hivyo wananchi wanajukumu lankutunza miundo mbinu hiyo.

Read More →

Job vcacies at Pyrethrum Company of Tanzania Limited (PCT)

Position: SUPPLY CHAIN OFFICER Location: Mafinga-lringa, Tanzania PCT owns and operates a pyrethrum processing factory in Mafinga. Mufindi District- Iringa region, Tanzania. PCT is seeking to fill the position of Procurement & Supplies Officer. The primary purpose: This position will support implementation of procurement and supplies system adapted by the Pyrethrum Company of Tanzania based on fundamental procedures and… Read More »

The post Job vcacies at Pyrethrum Company of Tanzania Limited (PCT) appeared first on Udahiliportal.com.

Read More →

Procurement Manager at Stanbic Bank

Procurement Manager   Stanbic Bank Tanzania Limited is a full service commercial bank which specializes m providing facilities and services to public and private sector corporations, diplomatic missions and international organizations Job Title: Procurement Manager Report to: Head of Finance Division: Finance. Procurement Job Purpose: The incumbent will be responsible to ensure that the procurement standards, policies and procedures governing all… Read More »

The post Procurement Manager at Stanbic Bank appeared first on Udahiliportal.com.

Read More →

Job vcancies at Oman Air – Airport Services Manager

Airport Services Manager  Reference No OP-20-011 Job Title Airport Services Manager .Dar Es Salaam – CS Educational Qualifications Bachelor Degree in related discipline with 06 years of experience in relevant field Or 02 years college Diploma with 08 years of experience in relevant field Or Specialised certificate / license* in the related discipline with Higher Secondary School with… Read More »

The post Job vcancies at Oman Air – Airport Services Manager appeared first on Udahiliportal.com.

Read More →

Aliyewahi kuwa Katibu Uhamasishaji BAVICHA Ajivua Uanachama wa CHADEMA.......“Chadema imekuwa kampuni ya mtu binafsi na sio chama cha Siasa.”

Aliyewahi kuwa Katibu Mwenezi/ Uhamasishaji  wa Baraza la Vijana la Chama Cha demokrasia na Maendeleo (BAVICHA), Edward Simbeye Leo  February 26, 2020 ametangaza kujivua uanachama wa CHADEMA, kwa kile alichokisema kutokuunga mkono baadhi ya mambo yanayoendelea ndani ya chama hicho cha Chadema na kwamba kwa sasa anatafakari chama gani cha kujiunga.

Sembeye amesema moja ya vitu vinavyokiumiza chama hicho, ni chama  kuendeshwa kwa amri na matakwa ya  Freeman Mbowe ambaye ni  mwenyekiti wa chama hicho na si Katiba ya Chadema.

"Mambo ya Chadema yanatakiwa kuamuliwa kwa mujibu wa Katiba, Kanuni na miongozo ya chama, leo yanaamuliwa kwa kauli na amri za Mbowe, Mwenyekiti ameamua kugeuza chama kuwa mali yake binafsi, lakini tukitoka nje tunawaaminisha umma kuwa chama hichi ni mali ya Watanzania.

Amesema, kutokana na kutokuwa na umoja na msimamo, matokeo yake wamepoteza hata majiji waliyokuwa wakiyaongoza.

Read More →

Job vacancis at TPB Bank – Business Solution Officers

TPB Bank PLC is a Bank that provides competitive financial services to our customers and creates value for our stakeholders through innovative products. TPB Bank PLC is a Bank, whose vision is “to be the leading bank in Tanzania in the provision of affordable, accessible and convenient  financial services”. As part of effective organizational development and management of… Read More »

The post Job vacancis at TPB Bank – Business Solution Officers appeared first on Udahiliportal.com.

Read More →

Naibu Waziri Wa Ardhi Angeline Mabula Ataka Halmashauri Kutenga Maeneo Ya Uwekezaji...."Tengeni Maeneo Mapema Kuepusha Usumbufu Baadaye"

Na Munir Shemweta, WANMM SIMIYU

Naibu Waziri wa Ardhi Nyumba na Maendeleo ya Makazi Dkt Angeline Mabula amezitaka halmashauri nchini kuanza kupanga maeneo ya uwekezaji katika sehemu ambazo miji inakuwa kwa kasi.

Dkt Mabula alisema hayo jana katika mkutano wa Mashauriano baina ya Serikali na sekta binafsi kuhusiana na changamoto za uwekezaji katika mkoa wa Simiyu.

Alisema, kuna maeneo mengi nchini ambayo miji inaendelea kwa kasi hivyo halmashauri kupitia Wakurugenzi wake zinapaswa kuhakikisha zinatenga maeneo ya uwekezaji kwa lengo la kumuwezesha Mwekezaji atakapopatikana asipate tabu.

‘’Ni vizuri katika kipindi hiki ambacho baadhi ya miji inakuwa kwa kasi halmashauri zikatenga maeneo ya uwekezaji na kuyahaulisha kwa lengo la kuwarahisishia wawekezaji watakapokuja kuwekeza katika halmashauri husika’’ alisema Mabula

Aidha, Naibu Waziri Mabula amezitaka pia halmashauri kuhakikisha zinapanga miji maeneo yaliyopo pembezoni kwa kuanishwa matumizi yake kama vile kilimo, ufugaji na maeneo ya kuchezea kwa kutumia watendaji wa ngazi za chini badala ya kusubiri wataalamu wa mipango miji.

Alisema, upangaji miji mapema kwa kutumia watendaji wa ngazi za chini utasaidia wataalamu wa mipango mijini watakapokuja baadaye kutopata shida katika kupanga maeneo hayo hasa katika ile miji inayokuwa kwa kasi kwa kuwa miji hiyo itakauwa imepangwa na kuainisha matumizi mbalimbali.

‘’Hawa watendaji wa chini wakipewa elimu wataweza kuipanga miji yao kama ilivyokuwa wakati wa vijiji vya ujamaa maana sasa hivi mtu anaweza kujenga kiwanda katikati ya makazi ya watu’’ alisema Mabula.

Katika mkutano huo Manaibu Mawaziri kutoka sekta mbalimbali walitolea ufafanuazi baadhi ya changamoto zilizowasilishwa kwao kwa lengo la kurahisisha ufanyaji biashara itakaokuwa na tija.

Naibu Waziri wa Fedha na Mipango Ashatu Kijaji alitoa ufafanuazi wa riba kubwa kwa taasisi na fredha na kubainisha kuwa serikali ya awamu ya tano imesikia kilio hicho na imekuwa ikisisitiza taasisi hizo kupunguza riba kufikia asilimia kumi na moja.

Kwa upande wake Naibu Waziri Ofisi ya Makamu wa Rais Mazingira Musa Sima alisema lengo la serikali si kufungia biashara bali ni kutafiuta njia itakayowawezesha wawekezaji kufanya biashara katika mazingira mazuri na kubainisha kuwa mtendaji wa ofisi yake atakayekwamisha jitihada hizo basi taarifa itolewe ili hatua zichukuliwe.

Naye Naibu Waziri wa Ujenzi Elias Kwandikwa alisema, wizara yake inafanya jitihada kubwa kuunganisha mikoa katika masuala ya miundombinu sambamba na kushughulikia maeneo korofi ili wawekezaji wafanye kazi zao kwa urahisi.

Mnaibu Mawaziri wengine waliohudhuria mkutano huo ni pamoja na Naibu Waziri wa Madini Stanslaus Nyongo, Viwanda na Bishara Stela Manyanya, Maliasili na Utalii Constatntine Kanyasu na kiongozi wa mkutano huo Angela Kairuki Waziri Ofisi ya Waziri Mkuu Uwekezaji.

PICHA: Wizara ya Ardhi

Read More →

TAKUKURU Yaagizwa Kuchunguza 'Waliotafuna' Fedha za Ujenzi Wa Choo Kahama

NA SALVATORY NTANDU

Serikali mkoani Shinyanga imetoa siku tatu kwa  taasisi ya kuzuia na kupambana na rushwa (TAKUKURU) wilaya ya kahama kufanya uchunguzi wa matumizi ya fedha za ujenzi wa choo kipya  cha shule ya msingi Bukondamoyo baada ya kubaini  kutumika vibaya na kusababisha kutokamilika kwa wakati.

Agizo hilo limetolewa febuari 26 mwaka huu na mkuu wa mkoa wa Shinyanga Zainab Telack baada ya kufanya ziara ya kushitukiza katika shule hiyo iliyopo katika halmashauri ya mji Kahama  ili kuona maendeleo ya ujenzi wa choo.

“Nilipata taarifa za upotoshaji  katika mitandao ya kijamii zilizowekwa na watu wasiokuwa na nia nzuri na maendeleo ya shule hii kuwa shule hii haina choo, nimefika ili nijiridhishe nimebaini kamati ya shule hii imetumia fedha za wananchi vibaya katika ujenzi wa choo kipya”alisema Telack.

Telack aliwataka TAKUKURU kuhakisheni wananafanya uchunguzi wa kina ili kubaini ninani alihusika katika matumizi ya fedha za ujenzi wa choo hicho na kuwataka watu wanaosambaza taarifa kuwa shule hiyo haina choo kuacha mara moja kwani serikali tayari imeshachukua hatua za haraka kukabiliana na suala hilo baada ya choo cha awali kubomoka.

“Tayari mkurugenzi wa mji kahama ameshachukua hatua za haraka kwa kuleta vyoo vya dharura (mobile toilet) katika shule hiyo pamoja na kutoa fedha zaidi ya milioni 100 kwaajili ya kukamilisha ujenzi wa vyoo hivyo ili wanafunzi wawezekupata huduma nzuri”alisema Telack.

Awali akitoa taarifa za ujenzi wa choo hicho diwani wa viti maalum wa kata ya bukondamoyo Scholastika Danford alisema kuwa wananchi katika mtaa huo wamegoma kuchangia ujenzi wa choo hicho kutokana na kamati ya shule hiyo kutokuwa wawazi katika ujenzi kwa kushindwa kusoma taarifa za mapato na matumizi.

“Sio kweli wananchi hawataki kuchangia maendeleo tatizo hapa hakuna uwazi shimo pekee la choo hiki linadaiwa kutumia zaidi ya shilingi milioni mbili jambo ambalo linawatia mashaka kuendelea kuchangia ujenzi huu”alisema Danford.

Aliongeza kuwa kamati ya shule hiyo imeshindwa kusimamia ujenzi wa choo hicho jambo ambalo limeilazimu halmashauri ya Mji kahama kuingilia kati kwa kutoa fedha kwaajili ya kujenga vyoo hivyo ili kuwawezesha wanafunzi kupata huduma hiyo baada ya vyoo vya awali kubomoka.

Naye  mwalimu mkuu wa shule hiyo Modesta Kalisius alisema kuwa shule hiyo inawanafunzi 2467 na madarasa 11,matundu sita na uhitaji wa vyoo ni matundu 111.

“Wasichana wanahitaji matundu 61 na wavulana matundu 50 naiomba  halmashauri ya ikamilishe  ujenzi wa choo hiki kwani kilichopo  majengo yake ni chakavu na yamejaa”alisema Modesta

Mwisho.

Read More →

Bill Gates Ajitosa kupambana na nzige waliovamia Afrika Mashariki

Taasisi ya Bill & Melinda Gates imechangia dola za kimarekani milioni 10 (Tsh 23.1 bilioni) kwa ajili ya kusaidia kukabiliana na nzige wavamizi katika ukanda wa Afrika Mashariki.

Mchango huo utakabidhiwa kwa Shirika la Chakula na Kilimo (FAO) la Umoja wa Mataifa (UN) ambalo limekuwa likiwasihi watu na taasisi mbalimbali kuchangia fedha kukabiliana na nzige wanaohofiwa kusababisha njaa kutokana na kuvamia mazao.

Katika salamu zake za shukrani, Mkurugenzi Mtendaji wa FAO, QU Dongyu amesema hadi sasa UN imekusanya shilingi bilioni 76 za kitanzania, huku lengo likiwa ni kukusanya bilioni 318.

Nzige hao wamevamia nchi sita za Afrika Mashariki na wana uwezo wa kula chakula sawa na watakachokula watu 35,000 kwa siku moja wakiwa kwenye eneo la kilomita 1 ya mraba, FAO imeeleza.

Nzige hao wanazaliana kwa kasi kubwa sana katika mazingira rafiki ambapo ndani ya kipindi cha miezi sita wanauwezo wa kuongezeka kwa zaidi ya mara 500.

Read More →

Naibu Waziri Josephat Kandege Afurahishwa Na Miradi Ya TARURA – Ilemela Jijini Mwanza....Wananchi Nao Waimwagia Sifa Serikali Kwa Kuwainua Kiuchumi

Na, Geofrey A.Kazaula

Naibu Waziri Ofisi ya Rais Tawala za Mikoa na Serikali za Mitaa  (TAMISEMI)  Josephat Kandege ameelezea kuridhishwa kwake na miradi ya barabara iliyotekelezwa na Wakala wa Barabara za Vijijini na Mijini Tarura  katika Manispaa ya Ilemela Jijini Mwanza.

Aliyasema hayo wakati wa Ziara yake ya kukagua miradi mbalimbali ya maendeleo Mkoani Mwanza ambapo ameeleza kuwa mafanikio yanayopatikana katika Manispaa  hiyo hasa katika miradi ya barabara yanatokana na ushirikiano mkubwa uliopo kati ya wataalam wa TARURA  na watumishi wengine wa Manispaa kwa kufanya kazi pamoja na kuwaletea maendeleo wananchi.

‘‘ Wote tumeshuhudia barabara hizi zilivyo kwenye kiwango, mafanikio haya yanatokana na Umoja uliopo kwa watumishi wote wa Manispaa ya Ilemela pamoja na watumishi wa TARURA  kwani wanafanya kazi kwa pamoja ili kuwaletea wananchi wetu maendeleo, kiujumla wanafanya vizuri’’Kandege.

Aidha amesisitiza kuwa miundombinu ya barabara inapokamilika ilindwe kwa nguvu zote na amewaagiza viongozi husika huhakikisha barabara hizo zinafanyiwa usafi mara kwa mara na kulinda miundombinu ya barabara hizo.

Naye Meneja wa TARURA Manispaa ya Ilemela Mhandisi Clement Kihinga amesema kuwa barabara hizo zilizotekelezwa chini ya mradi wa Tanzania Strategic Cities Project (TSP) zimekuwa na mafanikio makubwa ikiwemo kuinua uchumi wa wananchi na kuboresha kiwango cha maisha ya wananchi.

Aidha,  ametoa wito kwa wananchi kuhakikisha wanailinda miundmbinu ya barabara ilizidumu na ziendelee kuboresha maisha yao na kurahisisha suala la usafiri na usafirishaji katika Manispaa ya Ilemela.

‘‘Serikali inatumia gharama kubwa sana kujenga barabara hizi hivyo nitoe wito kwa wananchi kuhakikisha kila mmoja wetu anashiriki kulinda miundombinu hii ya barabara ’’ amesema Mtaalam huyo.

Mmoja wa wananchi wa Kiseke A Ilemela Issa Shabani alisema awali usafiri ulikuwa changamoto sana Katika barabar yao kwani miundombinu ilikuwa mibovu sana ila baada ya baraba ya kiseke Busweru kukamilika maisha yamepanda kiuchumi

“Sasa nafanya biashara yangu ya matunda hapa Busweru, nayabeba salama na hayaharibiki kwani barabara ni nzuri na hata kipato changu kimeongezeka  hivyo naishukuru sana Serikali  kwa kujenga barabara hii”Alisema Shabani

Ziara ya Mhe, Kandege inaendelea Mkoani Mwanza ambapo miradi mbalibali ya maendeleo zikiwemo barabara zinazosimamiwa na Wakala wa Barabara za Vijijini na Mijini TARURA inatarajiwa kukaguliwa.

 MWISHO

Read More →

NAIBU WAZIRI JOSEPHAT KANDEGE AFURAHISHWA NA MIRADI YA TARURA – ILEMELAk

Na, Geofrey A.Kazaula

Naibu Waziri Ofisi ya Rais Tawala za Mikoa na Serikali za Mitaa (TAMISEMI) Josephat Kandege ameelezea kuridhishwa kwake na miradi ya barabara iliyotekelezwa na Wakala wa Barabara za Vijijini na Mijini Tarura katika Manispaa ya Ilemela Jijini Mwanza.

Aliyasema hayo wakati wa Ziara yake ya kukagua miradi mbalimbali ya maendeleo Mkoani Mwanza ambapo ameeleza kuwa mafanikio yanayopatikana katika Manispaa hiyo hasa katika miradi ya barabara yanatokana na ushirikiano mkubwa uliopo kati ya wataalam wa TARURA na watumishi wengine wa Manispaa kwa kufanya kazi pamoja na kuwaletea maendeleo wananchi.

‘‘ Wote tumeshuhudia barabara hizi zilivyo kwenye kiwango, mafanikio haya yanatokana na Umoja uliopo kwa watumishi wote wa Manispaa ya Ilemela pamoja na watumishi wa TARURA kwani wanafanya kazi kwa pamoja ili kuwaletea wananchi wetu maendeleo, kiujumla wanafanya vizuri’’Kandege.

Aidha amesisitiza kuwa miundombinu ya barabara inapokamilika ilindwe kwa nguvu zote na amewaagiza viongozi husika huhakikisha barabara hizo zinafanyiwa usafi mara kwa mara na kulinda miundombinu ya barabara hizo.

Naye Meneja wa TARURA Manispaa ya Ilemela Mhandisi Clement Kihinga amesema kuwa barabara hizo zilizotekelezwa chini ya mradi wa Tanzania Strategic Cities Project (TSP) zimekuwa na mafanikio makubwa ikiwemo kuinua uchumi wa wananchi na kuboresha kiwango cha maisha ya wananchi.

Aidha, ametoa wito kwa wananchi kuhakikisha wanailinda miundmbinu ya barabara ilizidumu na ziendelee kuboresha maisha yao na kurahisisha suala la usafiri na usafirishaji katika Manispaa ya Ilemela.

‘‘Serikali inatumia gharama kubwa sana kujenga barabara hizi hivyo nitoe wito kwa wananchi kuhakikisha kila mmoja wetu anashiriki kulinda miundombinu hii ya barabara ’’ amesema Mtaalam huyo.

Mmoja wa wananchi wa Kiseke A Ilemela Issa Shabani alisema awali usafiri ulikuwa changamoto sana Katika barabar yao kwani miundombinu ilikuwa mibovu sana ila baada ya baraba ya kiseke Busweru kukamilika maisha yamepanda kiuchumi

“Sasa nafanya biashara yangu ya matunda hapa Busweru, nayabeba salama na hayaharibiki kwani barabara ni nzuri na hata kipato changu kimeongezeka hivyo naishukuru sana Serikali kwa kujenga barabara hii”Alisema Shabani

Ziara ya Mhe, Kandege inaendelea Mkoani Mwanza ambapo miradi mbalibali ya maendeleo zikiwemo barabara zinazosimamiwa na Wakala wa Barabara za Vijijini na Mijini TARURA inatarajiwa kukaguliwa.

Read More →