Rais wa zamani wa Misri Hosni Mubarak Afariki Dunia

Rais wa zamani wa Misri Hosni Mubarak ambaye aliitawala Misri kwa takribani miaka 30 kabla ya kuondolewa kwa nguvu, amefariki Dunia Hospitalini, Cairo akiwa na miaka 91.

Televisheni ya taifa imesema Mubarak amekufa hospitali mjini Cairo ambako alikuwa akifanyiwa upasuaji. Hakuna maelezo yaliyotolewa kuhusu upasuaji huo.

Hosni Mubarak alikuwa kiongozi wa Misri ambaye kwa karibu miaka 30 alikuwa nembo ya uthabiti katika eneo la Mashariki ya Kati kabla kulazimishwa na jeshi kujiuzulu.

Alilazimishwa kufanya hivyo kufuatia siku 18 za maandamano ya nchi nzima yaliyokuwa sehemu ya vuguvugu la mapinduzi ya msimu wa mapukutiko katika nchi za kiarabu mnamo mwaka 2011.

Televisheni ya taifa imetangaza kuwa Mubarak amefariki akiwa na umri wa miaka 91. 

Muda wote wa utawala wake, alikuwa mshirika wa karibu wa Marekani, akipambana vikali dhidi ya uasi wa makundi ya itikadi kali za kiislamu na mlinzi wa mkataba wa amani kati ya Misri na Israel.

Lakini kwa maelfu na maelfu ya Wamisri vijana walioandamana kwa siku 18 mabarabarani katika uwanja wa Tahrir mjini Cairo na kwingineko mwaka 2011, Mubarak alikuwa kama farao.

Read More →

Changamoto Ya Umeme Na Utitiri Wa Kodi Vyalalamikiwa Mkoa Wa Mara

MWANDISHI WETU MUSOMA

Wafanyabiashara na wawekezaji wa Mkoa wa Mara wameelezea kero mbalimbali zinazochangia kukwamisha ukuaji wa uwekezaji mkoani humo ikiwemo tatizo la umeme na wengine kueleza changamoto za utitiri wa kodi.

Wameeleza changamoto hizo Februari 24, 2020 wakati wa mkutano wa mashauriano kati ya Serikali na Sekta binafsi ili kusikiliza changamoto za wawekezaji na wafanyabiashara wa mkoa wa Mara uliohusisha Mawaziri na Manaibu Mawaziri kutoka Sekta mbalimbali ikiwemo Viwanda na Biashara na masuala ya Fedha wakiongozwa na Waziri wa Nchi Ofisi ya waziri Mkuu anayeshughulikia masuala ya Uwekezaji Mhe. Angellah Kairuki   uliofanyika Wilaya Musoma Mjini katika Mkoa wa Mara.

Lengo la mkutano huo lilikuwa kusikiliza changamoto na kero wanazokabiliana nazo katika maeneo yao ya  biashara na uwekezaji na kuzitatua, ambapo wameeleza namna utitiri wa kodi na kukatikatika kwa umeme kunavyochangia uzorotaji kwa ukuaji wa uchumi na kuiomba Serikali kushughulikia tatizo hilo ili waweze kujikwamua kiuchumi.

Wafanyabiashara hao walieleza kuwa, kukosekana kwa umeme wa uhakika umekwamisha shughuli za uzalishaji ikiwemo zile za viwandani.

Kufuatia hali hiyo wameiomba Serikali kutatua kero hiyo huku wengine wakibainisha hasara wanazopata katika changamoto hiyo.

Akieleza changamoto za uwekezaji Dkt. John Changwa alieleza kuwa, TANESCO imechangia kukwamisha uzalishaji katika viwanda kutokana na  umeme kukatika mara kwa mara pamoja na kutofika kwa wakati katika viwanda vidogo kwa kuhusisha changamoto ya miundombinu hafifu ikiwemo barabara.

“Ni kweli kabisa TANESCO hamtutendei haki kwani mmekuwa mnatukwamisha kwa muda mrefu na mmeshindwa kufika kwa wakati hasa katika maeneo vinavyojengwa viwanda  huku  vikiwa vihitaji huduma za umeme hivyo ni vyema mkabadili utaratibu na kuona namna ya kutufikia kwa wakati,”Alieleza Dkt. Changwa

Akijibu baadhi ya kero hizo kwa kushirikiana na mawaziri wengine Waziri wa Nchi Ofisi ya Waziri Mkuu uwekezaji Mhe. Angellah  Kairuki ametumia fursa hiyo kuzikumbusha Mamlaka zote za Serikali za Mitaa nchini kusimamia kikamilifu utekelezaji wa maamuzi ya Serikali kwa kuhakikisha changamoto zilizoainishwa ikiwemo utitiri wa kodi, uwepo wa riba kubwa zinazotozwa na benki, ucheleweshwaji wa vibali vya ajira, ukosefu wa ajira kwa vijana, na uvuvi wa kutumia vyavu zisizokidhi mahitaji halisi na bei elekezi kuwa juu.

 

 ‘’Ni wakati sahihi kuendelea kuwahudumia wananchi kwa kuhakikisha tunatatua na kumaliza kero zinazowakabili wawekezaji na wafanyabiashara ili kuendelea kuwa na maendeleo katika nchi yetu na niwahakikishie Serikali imeendelea kuboresha mazingira ya biashara na uwekezaji ili kuwa na tija inayotakiwa,”alisema  Waziri Kairuki.

Sambamba na hilo alitumia fursa hiyo kuwataka wafanyabiashara wa mkoa huo kuendelea kushirikiana na Serikali katika ulipaji wa kodi mbalimbali kwa utaratibu uliopo na kuhakikisha wanachangia katika ukuaji wa pato la taifa.

“Serikali ya Awamu ya Tano inayoongozwa na Mhe. Dkt. John Pombe Joseph Magufuli inasisitiza ulipaji wa kodi na tozo mbalimbali kwa ajili ya maendeleo ya watanzania na taifa kwa ujumla hivyo lazima tuzingatie na kutimiza wajibu wetu ili kuepuka kuingia katika makosa yasiyo ya lazima na kupelekea uwekezaji wenu kuwa wa hasara”,alisisitiza Waziri Kairuki.

Kwa upande wake, Mkuu wa Mkoa wa Mara Mhe. Adam Malima alimhakikishia Waziri kuendelea kutatua kero na changamoto katika mkoa wake ili kuwahakikishia mazingira rafiki ya uwekezaji wao huku akiahidi kuendelea kusimamia sheria zote zinazowahusu ili kuwa na tija katika kuwekeza mkoani humo kwa kuzingatia fursa zilizopo.

“Mkutano huu umekuwa wa faida sana kwa kuzingatia umetoa fursa kubwa kwa kuwakusanya wafanyabiashara na wawekezaji 400 kwa pamoja na kuweza kuzieleza kero zao, tunaahidi kero ambazo hazijapatiwa majibu kwa siku ya leo zitatatuliwa haraka iwezekanavyo,”Alisisitiza Mhe. Malima.

Read More →

Tanzania Yashiriki Kwa Mara Kwanza Katika Maonesho Ya Kimataifa Ya Bidhaa Za Kilimo Ya Paris 2020, Ufaransa

Tanzania inashiriki kwa mara ya kwanza katika Maonesho ya Kimataifa ya Bidhaa za Kilimo ya Paris 2020 yanayofanyika jijini Paris, Ufaransa kuanzia tarehe 22 Februari 2020 hadi tarehe 1 Machi 2020.

Maonesho hayo ambayo yalifunguliwa na Mhe. Rais Emmanuel Macron wa Ufaransa, yanatarajiwa kutembelewa na zaidi ya watu 600,000.

Wakati wa maonesho hayo, Tanzania itapata fursa ya kuonyesha bidhaa zake yakiwemo mazao ya kimkakati. Ujumbe wa Tanzania katika maonyesho hayo unaongozwa na Bw. Victor Rugemalila kutoka TANTRADE.

Ubalozi wa Tanzania ambao unaratibu maonesho hayo kupitia  Wizara ya Mambo ya Nje na Ushirikiano wa Afrika Mashariki, unaishukuru Kampuni ya Tanzania Re-assurance (TAN-RE) ya Dar es Salaam, Tanzania, kwa kufadhili kwa kiasi kikubwa ushiriki wa Tanzania katika maonyesho. Aidha, Ubalozi unatambua mchango wa Benki ya Maendeleo ya Kilimo Tanzania (TADB) na Kampuni ya Kahawa  ya Inter State.

Read More →

RAIS WA ZAMANI WA MISRI HOSNI MUBARAK AFARIKI DUNIA

Rais wa zamani wa Misri Hosni Mubarak amefariki dunia hospitalini jijini Cairo akiwa na miaka 91.

Mubarak alidumu madarakani kwa miongo mitatu kabla ya kung'atuliwa jeshi baada ya maandamano makubwa ya raia.

Alikutwa na hatia ya kula njama katika mauaji ya waandamanaji wakati wa mapinduzi na kuwekwa kizuizini.

Hata hivyo, hatia hiyo iliondolewa na akaachiwa huru mwezi Machi 2017.

Read More →

Sanitation and Hygiene Officer at Lifewater

Position:   Sanitation and Hygiene Officer Duty Station:  Shinyanga District Manager’s Position:   Sanitation and Hygiene Coordinator (SHC) Supervises:  WASH Facilitators About Lifewater: Lifewater is a Christian water development organization dedicated to effectively serving vulnerable children and families by partnering with underserved communities to overcome water poverty. Motivated by our faith in Jesus Christ, we serve the least and last… Read More »

The post Sanitation and Hygiene Officer at Lifewater appeared first on Udahiliportal.com.

Read More →

UNESCO Yatambua Kiswahili Kama Lugha Itakayosaidia Kukuza Utangamano Barani Afrika

Shirika la Umoja wa Mataifa la Elimu, Sayansi na Utamaduni (UNESCO) limeitambua Lugha ya Kiswahili kama lugha itakayosaidia kukuza utangamano Barani Afrika wakati wa kuadhimisha Siku ya Kimataifa ya Lugha Mama yenye kaulimbiu “Lugha Bila Mipaka” iliyofanyika jijini Paris, Ufaransa hivi karibuni.

Katika kuadhimisha siku hiyo, Ubalozi wa Tanzania nchini Ufaransa kwa kushirikiana na UNESCO uliandaa mjadala kuhusu "Fursa na Changamoto za Kukitambua Kiswahili kama Lugha rasmi ya Bara la Afrika kwa ajili ya kukuza Utangamano".

Akizungumza wakati wa Mjadala huo, Balozi wa Tanzania nchini Ufaransa na Mwakilishi wa Kudumu katika UNESCO, Mhe. Samwel Shelukindo pamoja na mambo mengine, alieleza hatua iliyochukuliwa na Jumuiya ya Maendeleo ya Kusini mwa Afrika (SADC) chini ya Mwenyekiti wake, Mhe. Dkt. John Pombe Joseph Magufuli, Rais wa Jamhuri ya Muungano wa Tanzania ya kukifanya Kiswahili kuwa moja ya lugha zitakazotumika katika Jumuiya hiyo.

Aidha, Mhe. Balozi Shelukindo alizipongeza nchi za Afrika Kusini na Namibia kwa kuwa nchi za kwanza Kusini mwa Afrika zilizoamua kuanzisha ufundishwaji wa lugha ya Kiswahili katika shule mbalimbali. Mjadala huo uliwashirikisha Wataalam mbalimbali akiwemo Prof. Aldin Mutembei kutoka Chuo Kikuu cha Dar es Salaam,

Kufanyika kwa mjadala huo katika UNESCO ni moja ya juhudi zinazofanywa na Wizara ya Mambo ya Nje na Ushirikiano wa Afrika Mashariki kwa kupitia Ubalozi wa Tanzania nchini Ufaransa za kukifanya Kiswahili kuwa moja ya lugha zitakazotumika katika UNESCO.

Read More →

Tanzania Yaweka Wazi Mikakati Kufanikisha Uzalishaji Na Usambazaji Wa Nishati Ukanda Wa SADC

Na Mwandishi Wetu,MAELEZO
SERIKALI ya Tanzania imeweka wazi mipango na mikakati yake ya ufanikishaji wa malengo ya makubaliano ya kukuza uzalishaji, kujenga miundombinu na usambazaji wa nishati katika Nchi 15 za Jumuiya ya Maendeleo Kusini mwa Afrika (SADC) yaliyofikiwa na Viongozi Wakuu wa Kitaifa na Mawaziri wa sekta ya Nishati katika Jumuiya hiyo Mwezi Agosti mwaka 2019.

Akizungumza katika ufunguzi wa mkutano wa wataalamu wa nishati kutoka Nchi za SADC unaoendelea Jijini Dar es Salaam leo Jumanne (Februari  25, 2020), Katibu Mkuu wa Wizara ya Nishati, Mhandisi Zena Said alisema mkutano huo unalenga kuanisha vyanzo na miradi mbalimbali ya kimkakati itakayowezesha utoshelevu wa nishati katika nchi za SADC.

Mhandisi Zena alisema kupitia Mkutano wataalamu wa sekta ya nishati wa Tanzania wataweza kubainisha fursa zilizopo katika kuhakikisha utoshelevu wa sekta ya nishati nchini ikiwemo Ujenzi wa Mradi Bwawa la kuzalisha Umeme kwa Kutumia maporomoko ya maji ya Bonde la Mto Rufiji wa Julius Nyerere (JNHPP) unaotarajia kuzalisha unaotarajia kuzalisha Megawati 2115.

‘’Tumeshuhudia majanga mbalimbali yanayotokana na mabadiliko ya baia nchi, sasa wataalamu wetu wa masuala ya nishati, mafuta na gesi watakutana na kujadili kwa pamoja ili kupata njia bora zaidi za kuweza kuzalisha nishati ya umeme itakayoweza kuwasaidia wananchi wetu’’ alisema Mhandisi Zena.

Alisema mipango na mikakati ya kuimarisha sekta ya nishati katika ukanda wa SADC ni utekelezaji wa maagizo yaliyotolewa na Viongozi wa Kitaifa na Mawaziri wa sekta ya nishati katika Jumuiya ya SADC na Tanzania imepanga kuutumia vyema mkutano huo ili kuhakikisha kuwa sekta ya nishati inakuwa ya kibiashara na hivyo kuweza kutengeneza fursa kwa Watanzania.

Kwa mujibu wa Mhandisi Zena alisema mkutano huo wa wataalamu unatarajia kuhitimishwa mwishoni mwa wiki hii, ambapo mwezi Mei mwaka huu kunatarajia kufanyika Mkutano wa Baraza la Mawaziri wa sekta ya nishati katika Nchi wanachama wa Jumuiya ya SADC, ili kuona namna bora zaidi ya utekelezaji wa miradi hiyo ili iweze kuleta tija na maendeleo endelevu kwa wananchi wa ukanda wa SADC.

Aliongeza kuwa mbali na miradi hiyo ya kimkakati, wataalamu hao hao pia watajadili fursa za nishati jadidifu na namna zinavyoweza kuongeza uwezo wa upatikanaji wa nishati ya umeme ili kuwawezesha wananchi wa ukanda wa SADC kuweza kuwa na nishati ya uhakika na kuachana na matumizi ya kuni na mkaa yanayochangia kwa kiasi kikubwa uharibifu wa mazingira.

Kwa upande wake Kamishna wa Nishati na Gesi kutoka Wizara ya Nishati, Adam Zuberi alisema mkutano huo umeshirisha jumla ya nchi wanachama 12 wa Jumuiya hiyo, ambao wanaandaa maazimio mbalimbali yanayotarajiwa kujadiliwa katika Baraza la Mawaziri wa sekta ya Nishati wa Jumuiya hiyo mwezi Mei mwaka huu.

Aliongeza kuwa katika mkutano huo, wataalamu hao pia watapata fursa ya kushiriki semina zitakazohusisha uwasilishaji wa mada na makongamano mbalimbali ya wadau wa sekta ya nishati ndani ya ukanda wa SADC.

Read More →

Ratiba ya michezo ya Kombe la Shirikisho (Azam Sports Federation Cup) mzunguko wa 5

Read More →

Tanzania Yashinda Tuzo Ya Utalii Nchini India

Tanzania imeshinda tuzo ya utalii kwa kuonekana ni eneo bora zaidi la utalii wa wanyamapori duniani nchini India kwa mwaka 2020 (The Best International Wildlife Destination).

Balozi wa Tanzania nchini India Mhe. Baraka H. Luvanda amepokea Tuzo hiyo kutoka Jarida la kihindi la “Outlook Traveller Magazine” katika hafla maalum iliyofanyika katika Hoteli ya Roseate jijini New Delhi kwa niaba ya Tanzania. Hafla hiyo ilihudhuriwa na takriban washiriki 200. 

Tanzania imepata ushindi huo kutokana na kura zilizopigwa kwenye mtandao wa jarida hilo la “Outlook Traveller” lililoshirikisha wapiga kura 1,200,000 kwa njia ya mtandao.

Hii ni mara ya kwanza kwa Tanzania kushinda tuzo hiyo ambayo hutolewa kila mwaka nchini India, washiriki kupitia jarida hilo wameichagua Tanzania kama eneo bora zaidi la utalii wa wanyamapori duniani.

Aidha, Shelisheli na Indonesia kwa pamoja zilishinda tuzo kama maeneo bora zaidi duniani kwenye utalii wa fukwe.

The Outlook Traveller Award ni tuzo ya kifahari zaidi katika sekta ya utalii nchini India na hutolewa na Jarida la Utalii la “Outlook Traveller Magazine” ambalo ni jarida namba moja nchini India linalojishughulisha kutangaza utalii, ndani na nje ya India.

Wakati akipokea tuzo hiyo, pamoja na mambo mengine Balozi Luvanda aliushukuru uongozi wa Jarida hilo kwa kuandaa tuzo hizo muhimu ambazo zinasaidia kutanganza utalii wa nchi mbalimbali nchini India na akaeleza kuwa kupitia tuzo hiyo, watu wengi zaidi wataijua Tanzania na vivutio vingi vya utalii vilivyopo nchini na kuwavutia kutembelea Tanzania.

Mafanikio hayo yanatokana na jitihada zinazofanywa na Serikali ya Tanzania kupitia Ubalozi wa Tanzania nchini India, Wizara za Utalii za Tanzania Bara na Zanzibar, na Taasisi zote zinazosimamia masuala ya utalii za ndani na nje ya nchi katika kutangaza vivutio vya utalii kwa nchi mbalimbali duniani ikiwemo India.

Kupitia juhudi hizi, idadi ya watalii wanaokuja Tanzania kutoka India imekuwa ikiongezeka mwaka hadi mwaka. Kwa mfano, idadi hiyo iliongezeka kutoka watalii 39,115 mwaka 2016 hadi watalii 69,876 mwaka 2017. 

Wizara ya Mambo ya Nje na Ushirikiano wa Afrika Mashariki kupitia Balozi zake ukiwemo Ubalozi wa Tanzania nchini India na wadau wengine itaendelea kuongeza juhudi za kutangaza vivutio vya utalii vilivyopo Tanzania ili kuhakikisha idadi ya watalii kutoka India na nchi zingine duniani inaongezeka. Hii ni pamoja na kutumia Shirika la Ndege la Tanzania ambalo limeanza safari za moja kwa moja kutoka Dar es Salaam kwenda Mumbai kuanzia mwezi Julai 2019 kwa upande wa India.

Read More →

CHAMA CHA WAFANYABIASHARA WANAWAKE TANZANIA 'TWCC' CHATOA MAFUNZO KWA WAJASIRIAMALI KAGERA

Kaimu Mkurugenzi Mtendaji Chama Cha wafanyabiashara wanawake Tanzania (TWCC ) Mwajuma Hamza wakati akitoa mafunzo kwa wajasiariamali wanawake Manispaa ya Bukoba mkoani Kagera.

Na Ashura Jumapili, Bukoba

Chama cha Wafanyabiashara Wanawake Tanzania (TWCC) kimetoa mafunzo kwa Wajasiriamali Wanawake mkoani Kagera kuhusu namna ya kutumia fursa za kibiashara maeneo ya mipakani sanjari na kujua sheria,kanuni na taratibu za kuvuka mipaka ambapo jumla ya wanawake 100 watakaonufaika na mafunzo hayo ya siku nne.

Kaimu Mkurugezi Mtedaji wa Chama hicho Mwajuma Hamza,alisema lengo la chama hicho ni kuwaunganisha Wanawake wote Wajasiriamali wa Tanzania ili wawe na umoja ,nguvu ,sauti na mikakati ya pamoja katika biashara hivyo wanawafundisha wanawake namna ya kufanya biashara za mipakani ,kutumia fursa za biashara za Jumuia ya Afrika Mashariki,kanuni,taratibu na sharia za kufanya biashara maeneo ya mipaka.

Alisema soko la Afrika Mashariki ni kubwa na Tanzania inazalisha vitu vingi ambavyo nchi jirani hawazalishi hivyo hiyo pia ni fursa moja wapo kwa wajasiramali hao.

“Tunataka Wanawake waingie kwenye uchumi wa viwanda na waweze kuzalisha Zaidi bidhaa zenye tija na ubora unaokubalika na soko la kimataifa”,alisema Hamza.

Alisema chama hicho kilianza mwaka 2005 kimesajiliwa kwa mujibu wa sharia na kina Zaidi ya wanachama ( 5000 )nchi nzima pia kina ofisi mikoa 10 na mwezi Machi mwaka huu wanatarajia kufungua ofisi nyingine Mkoani Kagera.

 Alisema pia wanawasaidia wajasiriamali wanawake kupata taarifa za masoko ,kuzalisha bidhaa zenye ubora zinazokidhi soko la ndani n nje ya nchi, kuongeza uzalishaji na jinsi ya kuweza kupata mitaji ya kuendesha biashara zao.

Alisema wamezindua mfumo wa kuripoti vikwazo vya kibiashara maeneo mbalimbali ikiwemo maeneo ya mipaka.

Mgeni rasmi katika mafunzo hayo,Afisa biashara mkoa wa Kagera ,akimuawakilisha katibu tawala mkoani humo Prof.Faustine Kamuzora, alisema Tanzania ina fursa nyingi zinazotokea duniani ambapo inapakana na nchi nane.

Tendega,alisema mkoa wa Kagera unapakana na nchi nne ,Jumuia ya Afrika Mashariki ina watu wasiopungua milioni 190 ni ukanda wa watu wengi na kudai kuwa Watu hao ni soko kwa bidhaa zinazozalishwa Tanzania.

Alisema Kanda ya ziwa inachukua asilimia 14 ya watu wote wa nchi hii pia ni fursa ya kuweza kupeleka bidhaa huko.

Alisema hali ya hewa ya mkoa wa Kagera ni nzuri ina misimu miwili ya mvua na pia kuna ziwa Victoria linafaa kwa shughuli mbalimbali za kilimo na uvuvi.

Alisema mkoa unakabiliwa na changamoto moja ya uzalishaji mdogo wenye viwango hafifu .

Alisema ili kukabiliana na uzalishaji mdogo ni vyema wajasiriamali wakaungana na kushirikiana kuongeza tija katika uzalishaji wa bidhaa mbalimbali.

“Chuki kwenye biashara ni mwiko,mshirikiane kuunganisha mawazo,nguvu na mitaji ili kuwa na mshikamano katika biashara zenye ubora na tija”,alisema Tendega.

Alisema Mkoa umefanya jitihada mbalimbali za kumkomboa mwanamke ikiwemo kuanzisha madawati mbalimbali ya mkoa na wilaya lengo likiwa kuwawezesha wanawake kiuchumi na kuwaweka pamoja kuchangamkia fursa mbalimbali.

Kaimu meneja wa shirika la kuhudumia viwanda vidogo vidogo (SIDO )Mkoani Kagera Peter Kilima,alisema wajasiriamali hao watapata fursa ya kujifunza na kuelewa pamoja na kukabiliana na changamoto za kibiashara wanazokutana nazo.

Kilima,alisema SIDO wamejipanga kuwasidia wajasiriamali katika kuwapatia mitaji kwa kutwapatia mikopo ya kiasi cha shilingi laki 5 hadi milioni moja.

Akiongea kwa niaba ya Wajasiriamali wenzake Jovita Banyeza ,alisema mafunzo hayo yatawasidia kutambua na kuibua fursa za kibiashara zilizopo mipakani.

Banyenza,alisema ndio mwanzo wa kuzifungua na kuwajibika katika fursa hizo za kibiashara kwa wanawake .

Alisema mikopo isiyokuwa na riba kwa wanawake inayotolewa na halmashauri imekuwa chachu kwa wafanyabiashara wanawake ambao sasa wameamka na kujikita katika biashra mbalimbali.

Read More →

General Practioner (MD) at Zinga Children’s Hospital

GENERAL PRACTIONER (MD)  INTERNATIONAL HEALTH PARTNERS JEMA TANZANIA VACANT POSITIONS FOR EMPLOYMENT ZINGA CHILDREN’S HOSPITAL is seeking experienced, dynamic and competent people to fill in vacant people to fill in vacant positions as follows; GENERAL PRACTIONER (MD) (1 POST) Interested applicants must possess good interpersonal skill and must be registered with relevant professional body. Interested applicants should submit a… Read More »

The post General Practioner (MD) at Zinga Children’s Hospital appeared first on Udahiliportal.com.

Read More →

Mangula Alia Na Amani Ya Tanzania

 Na John Mapepele

Makamu Mwenyekiti wa Chama Cha Mapinduzi (CCM), Tanzania Bara, Philipo Japhet Mangula  amewataka watanzania kutochezea  amani  na  kuyumbishwa na wanasiasia  na badala yake  waione amani walio nayo kama mtaji mkubwa wa kuwaletea maendeleo ya kweli kwa kizazi cha sasa na baadaye.

Mangula ameyasema haya leo katika ukumbi wa maktaba Manyoni wakati alipohitimisha ziara yake ya kikazi ya siku saba kwenye Mkoa wa Singida ambapo amesema Tanzania  ni miongoni mwa nchi chache duniani ambayo imebahatika kuwa amani katika kipindi chote kutokana na kazi nzuri iliyofanywa na Baba wa Taifa Mwalimu Julius Kambarage Nyerere.

Alisema hivyo ni wajibu  wa kila mwananchi mzalendo  kuilinda kwa kuwa  watu wengi hawapendi kuona Tanzania  ina amani na kupiga maendeleo ya haraka kama inavyofanya sasa.

“Ndugu zangu hata tukichukulia mfano mdogo tu, katika kipindi cha miaka 75 ambayo tulitawaliwa na Wajerumani na Waingereza kwenye Wilaya yote ya Manyoni  hatukuwa hata na Shule mmoja ya Sekondari lakini  leo tuna zaidi ya shule 30 katika kipindi kifupi, je hayo siyo maendeleo makubwa ?” alihoji Mangula

Alisisitiza kuwa mapinduzi  makubwa  ya kiuchumi yanayofanywa  na Serikali ya Awamu ya Tano inayoongozwa na Rais John Pombe Magufuli yanatokana na  msingi  imara uliojengwa ambao ni amani na kwamba wachafuzi wa kubwa  wa amani dunani kote ni wanasiasa  ambao wamekuwa wakisukumwa na tamaa ya madaraka ambapo yakitokea  wanaoumia ni  watoto, wazee na akina mama.

Akitolea mfano wa machafuko ya kisiasa ya Rwanda ya mwaka 1994 alisema akiwa Mkuu wa Mkoa wa Kagera wakati huo,  alishuhudia wimbi kubwa la watoto na akina mama wakiteseka  na kufa njiani wakati wakijaribu kukimbia nchi yao  kunuisuru maisha yao.

“Nilishuhudia  mama akina mama  wakitanda kanga na kumsaidia mama mwenzao kujifungua mtoto pembeni mwa barabara na baada ya kujifungua tu wakaendelea na  safari, kwa kweli  huwa sipendi kukumbuka  hali ile maana  ni  hatari na ukatili usioelezeka” aliongeza Mangula

Akiwa katika mkutano huo amesisitiza suala la uadilifu na kuzingatia sheria,kanuni na taratibu za chama   cha Mapinduzi ambapo amesema vitendo vyoyote vya rushwa na wagombea kuanza kujipitisha kabla ya kipindi rasmi cha kuchukua fomu za kugombea na kuanza mchakato wa uchaguzi hakikubaliki na kusisitiza kuwa chama kitachukua hatua kwa wote watakao bainika kufanya hivyo.

Aidha Kamati za Siasa katika maeneo husika zitakazoshindwa kuwachukulia hatua wanachama watakaofanya makosa zitaadhibiwa.

Akiwa katika ziara hiyo ametembelea  miradi mbalimbali inayotekelezwa na Serikali ya Mkoa wa Singida ambapo mradi wa mwisho alioutembelea ni mradi mkubwa wa shamba la pamoja la Korosho lenye ukubwa wa zaidi ya ekari 12000 eneo la Masagati kwenye Wilaya ya Manyoni na kusifu juhudi zinazofanywa na Serikali katika kuleta mapinduzi makubwa  ya kilimo kwa wananchi bila kujali itikadi ya vyama vyao.

Amesema alama ya Chama Cha Mapinduzi ni jembe na nyundo ambapo amesema jembe ni alama ya mkulima  na nyundo ni mfanyakazi hivyo CCM inaamini kuwa  wakulima  na wafanyakazi wanamchango mkubwa katika kuchangia uchumi wa nchi yao na kuwa   mapinduzi ya uchumi hapa Tanzania yameletwa na kilimo.

Naye Mbunge wa Jimbo la Manyoni Mashariki Mhe. Danieli Mtuka akimwelezea Mangula kwenye shamba  la Korosho la Masagati ameshukuru Serikali ya Mkoa wa Singida chini ya Mkuu wa Mkoa, Dkt. Rehema Nchimbi kwa kushirikisha wananchi katika  kuwabadili  mawazo na mtazamo wa kutafuta maendeleo ya kweli  kwa kulima shamba la pamoja la korosho ambapo amesema wamefanikiwa kwa kiwango kikubwa.

Mhe. Mtuka amesema kutokana na utafiti uliofanyika  na watafiti wa kilimo kutoka Taasisi ya Utafiti wa Mazao ya Kilimo Naliendele kwa kushirikiana na watafiti wa mazao ya Kilimo Kanda ya Kati uliofanyika  kuanzia mwaka  2002, matokeo ya utafiti huo yalionyesha  kuwa hali ya hewa na udongo vinafaa kwa kilimo cha korosho hivyo wakaanza kuwahamashisha wananchi kulima zao hilo

“ Kwa kushirikiana na Uongozi wa Mkoa na Halmashauri tuliamua kuanzisha zao la korosho kimkakati ili kuchochea kwa kasi kubwa  ukuaji wa uchumi wa mtu mmoja mmoja wilaya,mkoa  na taifa kwa ujumla’” aliongeza Mhe. Mtuka

Aidha,alipongeza  Serikali ya Mkoa kwa kubuni wazo la kuanzishwa kituo kwa kikubwa cha  hija duniani cha Bikira Maria  katika eneo la Sukamahela, sehemu ambayo ni katikati ya nchi ya Tanzania  kwa ajili ya watu kutoka sehemu mbalimbali duniani kuja kuhiji.

Mkurugenzi Mtendaji wa Halmashauri ya Wilaya ya Manyoni Charles Fussi amesema kuwa kazi  zinazoendelea katika eneo hilo kwa sasa  ni  kuhamasisha wakulima  wajiunge na kilimo cha korosho, kuendelea kutoa huduma za ugani kwa wakulima ikiwa ni pamoja na  matumizi sahihi ya viuatilifu kwa kushirikiana na TARI na Bodi ya Korosho, kuendelea kazi ya kusafisha na kugawa mashamba kwa wakulima na kuzalisha miche  bora  korosho.

Kwa upande wake Mkuu wa Wilaya ya Manyoni Rahabu Jackson Mwagisa  amemhakikishia Mangula kuwa serikali itaendelea  kusimamia kikamilifu  na kuwa hamasisha wananchi kutoka sehemu mbali mbali nchini  kuja kuwekeza katika  kilimo  cha korosho kwenye eneo hilo kwa kuwa mradi huo na manufaa makubwa kwa wananchi wa wilaya  ya Manyoni na Taifa kwa ujumla.

Ametaja baadhi ya manufaa ya mradi huo kuwa ni pamoja na  udhibiti wa  visumbufu kama magonjwa na wadudu,udhibiti wa  ubora wa korosho kutokana na usimamizi wa karibu, upatikanaji wa uhakika wa soko katika eneo la mradi,kurahisisha upatikanaji wa pembejeo na huduma za ugani ili kuhudumia eneo kubwa kwa wakati mmoja na chanzo kikuu  cha malighafi za viwanda vya kusindika korosho.

Manufaa mengine ya mradi ni kuongezeka kwa mapato ya Halmashauri kupitia ushuru na kodi za biashara mbalimbali zitokanazo na ongezeko la uchumi katika sekta mtambuka zinazoendana na zao hilo, hali ya maisha  kuboreka ikiwa ni  pamoja na ujenzi wa makazi bora na kuongezeka  uhakika  wa chakula  katika kaya.

CODE.

Read More →

Dentist at Zinga Children’s Hospital

DENTIST INTERNATIONAL HEALTH PARTNERS JEMA TANZANIA VACANT POSITIONS FOR EMPLOYMENT ZINGA CHILDREN’S HOSPITAL is seeking experienced, dynamic and competent people to fill in vacant people to fill in vacant positions as follows; DENTIST (1 POST) Interested applicants must possess good interpersonal skill and must be registered with relevant professional board. Interested applicants should submit a letter of application… Read More »

The post Dentist at Zinga Children’s Hospital appeared first on Udahiliportal.com.

Read More →

Human Resources Manager at Zinga Children’s Hospital

HUMAN RESOURCES MANAGER  INTERNATIONAL HEALTH PARTNERS JEMA TANZANIA VACANT POSITIONS FOR EMPLOYMENT ZINGA CHILDREN’S HOSPITAL is seeking experienced, dynamic and competent people to fill in vacant people to fill in vacant positions as follows; HUMAN RESOURCES MANAGER (1 POST) Interested applicants must possess good interpersonal skill and must be registered with relevant professional body. Interested applicants should submit… Read More »

The post Human Resources Manager at Zinga Children’s Hospital appeared first on Udahiliportal.com.

Read More →

Board Member at TradeMark East Africa

Board Member  TradeMark East Africa (TMEA) is an aid-for-trade organisation that was established with the aim of growing prosperity in East Africa through increased trade. TMEA operates on a not-for-profit basis and is funded by the development agencies of the following countries: Belgium, Canada,Denmark, European Union, Finland, Ireland, the Netherlands, Norway, United Kingdom, and United States of America.… Read More »

The post Board Member at TradeMark East Africa appeared first on Udahiliportal.com.

Read More →

MANGULA ALIA NA AMANI YA TANZANIA

MbungewaJimbo la Manyoni Mashariki Mhe. Danieli Mtuka aliyenyanyua mikono akitoa ufafanuzi kwa Makamu Mwenyekiti wa Chama Cha Mapinduzi (CCM), Tanzania Bara, Philipo Japhet Mangula (mwenyemiwani) wakati alipotembelea kwenye mradi mkubwa washamba la pamoja la Korosho lenye zaidi ya ekari 12000 eneo la Masagati Manyoni Mkoani Singida leo kulia kwa Mangula ni Mkuu wa Wilaya ya Manyoni Rahabu Jackson Mwagisa (pichana John Mapepele)

Makamu Mwenyekiti wa Chama Cha Mapinduzi (CCM), Tanzania Bara, Philipo Japhet Mangula akikagua Mkorosho kwenye mradi mkubwa wa shamba la pamoja la Korosho lenye zaidi ya ekari 12000 eneo la Masagati Manyoni Mkoani Singida leo alipokuwa kwenye ziara ya kikazi ya siku saba katika Mkoa wa Singida(Pichana John Mapepele

      Makamu Mwenyekitiwa Chama Cha Mapinduzi (CCM), Tanzania  Bara, Philipo Japhet Mangula akikata keki maalum ya miaka 43 ya Chama Cha Mapinduzi katika kikao cha tathmini na majumuisho ya ziara yake ya kikazi ya siku saba mkoani Singida kwenye ukumbi wa maktaba wilayani Manyoni leo kulia ni Mwenyekitiwa CCM Mkoa wa Singida Alhaji Juma kilimba kushoto ni Mwenyekitiwa CCM Wilaya ya Manyoni Jumanne Mahanda anayefuata Katibu wa CCM Mkoa wa Singida AlexndrinaKatabi(Pichana John Mapepele)

    Umati wa wanachama wa CCM  uliohudhuria mkutano wa Makamu Mwenyekitiwa Chama Cha Mapinduzi (CCM), Tanzania Bara, Philipo Japhet Mangula(Picha na John Mapepele)

Apongeza Mkoa wa Singida 

Na John Mapepele

Makamu Mwenyekiti wa Chama Cha Mapinduzi (CCM), Tanzania Bara, Philipo Japhet Mangula  amewataka watanzania kutochezea  amani  na  kuyumbishwa na wanasiasia  na badala yake  waione amani walio nayo kama mtaji mkubwa wa kuwaletea maendeleo ya kweli kwa kizazi cha sasa na baadaye.

Mangula ameyasema haya leo katika ukumbi wa maktaba Manyoni wakati alipohitimisha ziara yake ya kikazi ya siku saba kwenye Mkoa wa Singida ambapo amesema Tanzania  ni miongoni mwa nchi chache duniani ambayo imebahatika kuwa amani katika kipindi chote kutokana na kazi nzuri iliyofanywa na Baba wa Taifa Mwalimu Julius Kambarage Nyerere.

Alisema hivyo ni wajibu  wa kila mwananchi mzalendo  kuilinda kwa kuwa  watu wengi hawapendi kuona Tanzania  ina amani na kupiga maendeleo ya haraka kama inavyofanya sasa.

“Ndugu zangu hata tukichukulia mfano mdogo tu, katika kipindi cha miaka 75 ambayo tulitawaliwa na Wajerumani na Waingereza kwenye Wilaya yote ya Manyoni  hatukuwa hata na Shule mmoja ya Sekondari lakini  leo tuna zaidi ya shule 30 katika kipindi kifupi, je hayo siyo maendeleo makubwa ?” alihoji Mangula

Alisisitiza kuwa mapinduzi  makubwa  ya kiuchumi yanayofanywa  na Serikali ya Awamu ya Tano inayoongozwa na Rais John Pombe Magufuli yanatokana na  msingi  imara uliojengwa ambao ni amani na kwamba wachafuzi wa kubwa  wa amani dunani kote ni wanasiasa  ambao wamekuwa wakisukumwa na tamaa ya madaraka ambapo yakitokea  wanaoumia ni  watoto, wazee na akina mama.

Akitolea mfano wa machafuko ya kisiasa ya Rwanda ya mwaka 1994 alisema akiwa Mkuu wa Mkoa wa Kagera wakati huo,  alishuhudia wimbi kubwa la watoto na akina mama wakiteseka  na kufa njiani wakati wakijaribu kukimbia nchi yao  kunuisuru maisha yao.

“Nilishuhudia  mama akina mama  wakitanda kanga na kumsaidia mama mwenzao kujifungua mtoto pembeni mwa barabara na baada ya kujifungua tu wakaendelea na  safari, kwa kweli  huwa sipendi kukumbuka  hali ile maana  ni  hatari na ukatili usioelezeka” aliongeza Mangula

Akiwa katika mkutano huo amesisitiza suala la uadilifu na kuzingatia sheria,kanuni na taratibu za chama   cha Mapinduzi ambapo amesema vitendo vyoyote vya rushwa na wagombea kuanza kujipitisha kabla ya kipindi rasmi cha kuchukua fomu za kugombea na kuanza mchakato wa uchaguzi hakikubaliki na kusisitiza kuwa chama kitachukua hatua kwa wote watakao bainika kufanya hivyo.

Aidha Kamati za Siasa katika maeneo husika zitakazoshindwa kuwachukulia hatua wanachama watakaofanya makosa zitaadhibiwa.

Akiwa katika ziara hiyo ametembelea  miradi mbalimbali inayotekelezwa na Serikali ya Mkoa wa Singida ambapo mradi wa mwisho alioutembelea ni mradi mkubwa wa shamba la pamoja la Korosho lenye ukubwa wa zaidi ya ekari 12000 eneo la Masagati kwenye Wilaya ya Manyoni na kusifu juhudi zinazofanywa na Serikali katika kuleta mapinduzi makubwa  ya kilimo kwa wananchi bila kujali itikadi ya vyama vyao.

Amesema alama ya Chama Cha Mapinduzi ni jembe na nyundo ambapo amesema jembe ni alama ya mkulima  na nyundo ni mfanyakazi hivyo CCM inaamini kuwa  wakulima  na wafanyakazi wanamchango mkubwa katika kuchangia uchumi wa nchi yao na kuwa   mapinduzi ya uchumi hapa Tanzania yameletwa na kilimo.

Naye Mbunge wa Jimbo la Manyoni Mashariki Mhe. Danieli Mtuka akimwelezea Mangula kwenye shamba  la Korosho la Masagati ameshukuru Serikali ya Mkoa wa Singida chini ya Mkuu wa Mkoa, Dkt. Rehema Nchimbi kwa kushirikisha wananchi katika  kuwabadili  mawazo na mtazamo wa kutafuta maendeleo ya kweli  kwa kulima shamba la pamoja la korosho ambapo amesema wamefanikiwa kwa kiwango kikubwa.

Mhe. Mtuka amesema kutokana na utafiti uliofanyika  na watafiti wa kilimo kutoka Taasisi ya Utafiti wa Mazao ya Kilimo Naliendele kwa kushirikiana na watafiti wa mazao ya Kilimo Kanda ya Kati uliofanyika  kuanzia mwaka  2002, matokeo ya utafiti huo yalionyesha  kuwa hali ya hewa na udongo vinafaa kwa kilimo cha korosho hivyo wakaanza kuwahamashisha wananchi kulima zao hilo

“ Kwa kushirikiana na Uongozi wa Mkoa na Halmashauri tuliamua kuanzisha zao la korosho kimkakati ili kuchochea kwa kasi kubwa  ukuaji wa uchumi wa mtu mmoja mmoja wilaya,mkoa  na taifa kwa ujumla’” aliongeza Mhe. Mtuka

Aidha,alipongeza  Serikali ya Mkoa kwa kubuni wazo la kuanzishwa kituo kwa kikubwa cha  hija duniani cha Bikira Maria  katika eneo la Sukamahela, sehemu ambayo ni katikati ya nchi ya Tanzania  kwa ajili ya watu kutoka sehemu mbalimbali duniani kuja kuhiji.

Mkurugenzi Mtendaji wa Halmashauri ya Wilaya ya Manyoni Charles Fussi amesema kuwa kazi  zinazoendelea katika eneo hilo kwa sasa  ni  kuhamasisha wakulima  wajiunge na kilimo cha korosho, kuendelea kutoa huduma za ugani kwa wakulima ikiwa ni pamoja na  matumizi sahihi ya viuatilifu kwa kushirikiana na TARI na Bodi ya Korosho, kuendelea kazi ya kusafisha na kugawa mashamba kwa wakulima na kuzalisha miche  bora  korosho.

Kwa upande wake Mkuu wa Wilaya ya Manyoni Rahabu Jackson Mwagisa  amemhakikishia Mangula kuwa serikali itaendelea  kusimamia kikamilifu  na kuwa hamasisha wananchi kutoka sehemu mbali mbali nchini  kuja kuwekeza katika  kilimo  cha korosho kwenye eneo hilo kwa kuwa mradi huo na manufaa makubwa kwa wananchi wa wilaya  ya Manyoni na Taifa kwa ujumla.

Ametaja baadhi ya manufaa ya mradi huo kuwa ni pamoja na  udhibiti wa  visumbufu kama magonjwa na wadudu,udhibiti wa  ubora wa korosho kutokana na usimamizi wa karibu, upatikanaji wa uhakika wa soko katika eneo la mradi,kurahisisha upatikanaji wa pembejeo na huduma za ugani ili kuhudumia eneo kubwa kwa wakati mmoja na chanzo kikuu  cha malighafi za viwanda vya kusindika korosho.

Manufaa mengine ya mradi ni kuongezeka kwa mapato ya Halmashauri kupitia ushuru na kodi za biashara mbalimbali zitokanazo na ongezeko la uchumi katika sekta mtambuka zinazoendana na zao hilo, hali ya maisha  kuboreka ikiwa ni  pamoja na ujenzi wa makazi bora na kuongezeka  uhakika  wa chakula  katika kaya.

Read More →

Jobs vcancies at Cape Town Fish Market Tanzania

Various Jobs at Cape Town Fish Market Cape Town Fish Market Tanzania is built on an iconic location overlooking Msasani Bay, with other attractions like Slipway and Yacht Club visible nearby. With high tide breaking within a few steps, and local fishermen launching not far away, it is an experience not to miss out on. With a unique… Read More »

The post Jobs vcancies at Cape Town Fish Market Tanzania appeared first on Udahiliportal.com.

Read More →