February 2026 ~ MASWAYETU BLOG

Tuesday, 24 February 2026

DC ILALA AAHIDI KUSHIRIKIANA NA FCC KUDHIBITI BIDHAA BANDIA

Unknown 09:51:00 NEWS No comments

Mkuu wa Wilaya ya Ilala, Edward Mpogolo Akizungumza wakati wa semina ya wahariri iliyoandaliwa na FCC jijini Dar es Salaam.

Na Mwandishi Wetu - Dar es salaam.

Mkuu wa Wilaya ya Ilala, Edward Mpogolo, amesema ataimarisha ushirikiano kati ya ofisi yake na Tume ya Ushindani (FCC) katika mapambano dhidi ya bidhaa bandia na viwanda bubu ndani ya Jiji la Dar es Salaam. Amesema hatua kali zitachukuliwa kwa wote watakaobainika kuvuruga uchumi wa soko.

Amesema hayo wakati wa semina ya wahariri iliyoandaliwa na FCC jijini Dar es Salaam, akisisitiza kuwa ofisi yake kwa kushirikiana na halmashauri zote itaongeza udhibiti wa uzalishaji na biashara. Amesema lengo ni kuwabaini na kuwachukulia hatua wanaojihusisha na usambazaji wa bidhaa zisizo halali.

Amesema kumekuwepo na ongezeko la viwanda bubu vinavyozalisha bidhaa feki, hali inayochangia kuvuruga ushindani wa soko, kupunguza mapato ya Serikali na kuhatarisha afya za wananchi. Amesema Ilala ni lango la biashara, hivyo usimamizi wake unapaswa kuwa makini zaidi.

Aidha, amesema FCC inapaswa kuongeza idadi ya watumishi kutokana na majukumu yake kuwa makubwa, hususan katika mipaka na bandarini. Amesema kuongezeka kwa shehena katika Bandari ya Dar es Salaam kunahitaji nguvu kazi ya kutosha kudhibiti bidhaa zinazoingia nchini.

Kaimu Mkurugenzi Mkuu wa FCC, Khadija Ngasongwa, akizungumza na wahariri wakati wa semina ya wahariri

Kwa upande wake, Kaimu Mkurugenzi Mkuu wa FCC, Khadija Ngasongwa, amesema taasisi hiyo inaendelea kutekeleza maono ya Samia Suluhu Hassan kwa kuboresha mazingira ya ushindani na kuvutia wawekezaji. Amesema sheria ya ushindani ni kigezo muhimu kwa mwekezaji kabla ya kuamua kuwekeza.

Amesema semina hiyo imelenga kuwajengea uwezo wahariri kuhusu Sheria ya Ushindani ya mwaka 2003 na mabadiliko yanayotarajiwa kupelekwa bungeni. Amesema FCC haiko tayari kuona soko linapangwa kwa namna inayowaumiza wananchi.

Naye Mwakilishi wa Mwenyekiti wa Jukwaa la Wahariri Tanzania (TEF), Bakari Kimwanga, amesema ushirikiano kati ya FCC na wahariri ni muhimu katika kutoa elimu kwa umma. Amesema hatua hiyo itasaidia kulinda ushindani wa soko na maslahi ya watumiaji nchini.

Picha za matukio mbalimbali wakati wa semina ya wahariri iliyoandalia na Fcc.

MFANYABIASHARA ATOA SIRI YA KUREJESHEWA MALI YAKE ILIYOIBIWA NDANI YA SAA 24

Unknown 10:51:00 NEWS No comments

Kwa miaka mingi, baba wa watoto watatu huko Kiambu, Kenya, aliishi katika nyumba iliyojaa mabishano yasiyoisha na mvutano wa kihisia. Kile kilichoanza kama kutokubaliana kidogo kati yake na mkewe kiliongezeka polepole na kuwa makabiliano ya kila siku. Watoto walinyamaza na kujitenga, mara nyingi wakirudi vyumbani mwao ili kuepuka kelele. Ukarimu ambao hapo awali uliwakilisha maisha ya familia yao ulitoweka polepole, na kubadilishwa na tuhuma, hasira, na ukimya baridi.

Anaelezea kwamba hata masuala madogo yangeibuka na kuwa migogoro mikubwa. Mawasiliano yalivunjika kabisa, na kila mazungumzo yalionekana kugeuka kuwa lawama na kuchanganyikiwa. Jamaa walijaribu kuingilia kati na kupatanisha amani, lakini utulivu ungedumu kwa siku chache tu kabla ya mzunguko wa migogoro kuanza tena. Msongo wa kifedha na shinikizo la nje vilifanya hali kuwa mbaya zaidi, lakini ndani kabisa, alihisi kulikuwa na kitu zaidi ya kutokubaliana kwa kawaida tu kulikoathiri nyumba yao.

SOMA ZAIDI HAPA

HAYA HAPA MAGAZETI YA LEO JUMATATU FEBRUARI 23,2026

Unknown 04:51:00 NEWS No comments

Magazeti ya leo

Picha : KATAMBI AFANYA MKUTANO MKUBWA KUWASHUKURU WANANCHI SHINYANGA MJINI, ASISITIZA AMANI

Unknown 14:51:00 NEWS No comments

Mbunge wa Jimbo la Shinyanga Mjini na Waziri wa Mambo ya Ndani, Mhe. Patrobas Katambi, akihutubia wananchi wa Shinyanga katika mkutano wa hadhara wa kuwashukuru kwa imani yao ya kumchagua kuwa Mbunge pamoja na kumchagua Dkt. Samia Suluhu Hassan na madiwani wa CCM. - Picha na Kadama Malunde - Malunde 1 blog

Mbunge wa Jimbo la Shinyanga Mjini na Waziri wa Mambo ya Ndani, Mhe. Patrobas Katambi akisalimiana na Mwenyekiti wa CCM Mkoa wa Shinyanga, Mabala Mlolwa kwenye mkutano wa hadhara wa kuwashukuru kwa imani yao ya kumchagua kuwa Mbunge pamoja na kumchagua Dkt. Samia Suluhu Hassan na madiwani wa CCM.

Na Kadama Malunde - Malunde 1 blog

Mbunge wa Jimbo la Shinyanga na Waziri wa Mambo ya Ndani, Mhe. Patrobas Katambi, amefanya mkutano mkubwa wa hadhara kuwashukuru wananchi kwa imani kubwa waliyoionesha katika Uchaguzi Mkuu kwa kumchagua kuwa Mbunge wa Jimbo la Shinyanga, kumchagua Dkt. Samia Suluhu Hassan kuwa Rais wa Jamhuri ya Muungano wa Tanzania pamoja na kuwachagua madiwani wa Chama Cha Mapinduzi (CCM).

Mkutano huo wa kihistoria umefanyika leo, Jumapili Februari 22, 2026, katika viwanja vya Zimamoto Mjini Shinyanga, ukihudhuriwa na maelfu ya wananchi kutoka maeneo mbalimbali ya Mkoa wa Shinyanga, jambo lililoakisi mshikamano mkubwa wa wananchi na imani yao kwa uongozi wa CCM.

Akizungumza mbele ya umati huo, Mhe. Katambi ameeleza shukrani zake za dhati kwa wananchi wa Shinyanga kwa kuendelea kuiamini CCM na Serikali yake, akisisitiza kuwa ushindi huo si wa mtu mmoja bali ni ushindi wa wananchi wote wanaotamani maendeleo, ustawi na amani ya taifa.

Aidha, ameahidi kuendelea kutekeleza Ilani ya CCM kwa vitendo kwa kusimamia miradi ya maendeleo katika sekta za miundombinu, maji, afya, elimu na ajira kwa vijana, huku akieleza kuwa Serikali ya Awamu ya Sita chini ya uongozi wa Dkt. Samia Suluhu Hassan imeendelea kuleta mageuzi makubwa ya kiuchumi na kijamii yanayogusa maisha ya wananchi moja kwa moja.

Katika kusisitiza suala la amani, Mhe. Katambi ambaye pia ni Waziri wa Mambo ya Ndani ya Nchi, amewahimiza wananchi kuendelea kulinda na kudumisha amani, umoja na utulivu wa nchi, akieleza kuwa bila amani hakuna maendeleo.

Amebainisha kuwa Serikali itaendelea kuimarisha usalama wa raia na mali zao ili kuweka mazingira wezeshi ya uwekezaji na ukuaji wa uchumi.

Mbunge wa Jimbo la Shinyanga Mjini na Waziri wa Mambo ya Ndani, Mhe. Patrobas Katambi, akihutubia maelfu ya wananchi katika mkutano mkubwa wa hadhara Mjini Shinyanga, akitoa shukrani kwa imani waliyoionesha katika Uchaguzi Mkuu kwa kumchagua kuwa Mbunge, kumchagua Dkt. Samia Suluhu Hassan kuwa Rais wa Jamhuri ya Muungano wa Tanzania pamoja na kuwachagua madiwani wa Chama Cha Mapinduzi (CCM).