MASWAYETU BLOG

SAVE THE CHILDREN YATOA MAFUNZO JUU YA BAJETI INAYOMHUSU MTOTO

Unknown 15:59:00 NEWS No comments

Mratibu wa mradi wa mijadala jumuishi katika masuala ya uchumi na utawala wa kifedha Alex Enock kutoka Shirika la Save The Children mkoani Shinyanga, akizungumza kwenye mafunzo namna ya uaandaji wa bajeti inayomhusu mtoto.

Na Marco Maduhu -Shinyanga.

Shirika la Save The Children linalotetea haki za watoto, limetoa mafunzo ya mchakato wa bajeti inayomhusu mtoto ngazi ya halmashauri, ili kuisaidia Serikali uaandaji wa bajeti nzuri ambayo itatoa haki za watoto na kukidhi mahitaji yao.

Mafunzo hayo ambayo yalianza jana na yamekoma leo, yamefanyika kwenye ukumbi wa mikutano katika hoteli ya Empire, yameshirikisha watendaji wa Kata, wataalamu kutoka halmashauri ya manispaa ya Shinyanga, waandishi wa habari, pamoja na wadau kutoka asasi za kiraia.

Mratibu wa mradi wa mijadala jumuishi katika masuala ya uchumi na utawala wa kifedha Alex Enock kutoka Shirika la Save The Children mkoani Shinyanga, amesema lengo la mafunzo hayo ambayo yamedumu kwa siku mbili, ni kuwajengea uwezo wadau mbalimbali katika kushiriki kikamilifu kuandaa masuala ya bajeti, na kutambua wajibu wao katika kushiriki uundaji wa bajeti.

Amesema katika mchakato mzima wa uaandaji wa bajeti za watoto, ni vyema bajeti hizo zikashirikisha watoto wenyewe katika utoaji wa mapendekezo yao ili kutambua nini wanakihitaji kutekelezewa, kuliko kuipitisha tu kwa mazoea na kuendelea kuwanyima haki zao za msingi.

“Save the Children tunataka upangaji wa bajeti za watoto zishirikishe watoto wenyewe katika utoaji wa mapendekezo, ili kujua nini wanakihitaji, mfano katika masuala ya ukatili ambayo tunakumbana nayo moja ya sababu ni umbali wa shule, hivyo katika upangaji wa bajeti ya watoto ukiwashilikisha huenda wakatoa maoni ya kutaka kujengewa shule karibu,” amesema Enock.

“Ukishirikisha watoto kwenye uaandaji wa bajeti yao, itatoa fursa kwa maendeleo ya mtoto bila ya ubaguzi, kutambua mahitaji maalumu ya watoto, pia kutambua mtiririko wa maamuzi katika matumizi ya rasilimali zinazolenga watoto,” ameongeza.

Naye mwezeshaji wa mada ya uaandaji wa bajeti, Afisa mipango Mwandamizi Ofisi ya Rais tawala za mikoa Zanzibar Masika Baraka, amesema uaandaji wa bajeti nzuri ni ile ambayo inashirikisha walengwa husika, katika utoaji wa mapendekezo ili kujua nini wanakihitaji.

Nao baadhi ya washiriki wa mafunzo hayo akiwamo mkurugenzi wa Shirika la Investing Childern and their Society mkoani Shinyanga (ICS) Kudely Sokoine, wameshukuru kupewa elimu hiyo, ambayo wamebainisha imewaongezea ufanisi katika utendaji wao kazi, hasa kwenye utekelezaji wa miradi ya watoto.

TAZAMA PICHA HAPA CHINI

Mwezeshaji wa mada ya uaandaji wa bajeti, Afisa mipango Mwandamizi Ofisi ya Rais tawala za mikoa Zanzibar Masika Baraka, akitoa elimu hiyo kwa washiriki.

Mwezeshaji wa mada kwenye mafunzo hayo mchumi kutoka ofisi ya mkuu wa mkoa wa Shinyanga Allex Mpasa, akitoa elimu kwa washiriki.

Washiriki wakiwa kwenye mafunzo namna ya uaandaji wa bajeti inayomhusu mtoto.

Mafunzo yakiendelea.

Washiriki wakiendelea na mafunzo.

John Shija kutoka Shirika la (PACESHI) Mkoani Shinyanga, akichangia mada kwenye mafunzo hayo.

Kudely Sokoine kutoka Shirika la (ICS) Mkoani Shinyanga akichangia mada kwenye mafunzo hayo.

John Eddy kutoka Shirika la (YWCA) akichangia mada kwenye mafunzo hayo.

Mwakilishi wa shirika la Women Fund Tanzania Mkoani Shinyanga Glory Mbia, akichangia mada kwenye mafunzo hayo.

Picha ya pamoja mara baada ya kumalizika kwa mafunzo ya siku mbili yaliyojikita namna ya kuandaa bajeti inayokidhi mahitaji ya wananchi, wakiwamo watoto, yalioandaliwa na Shirika la Save The Children.

Na Marco Maduhu- Shinyanga.

MNYIKA : MDEE NA WENZAKE WALIOAPISHWA WAMEJITEUA ...TUMEWAITA KWENYE KIKAO CHA KAMATI KUU

Unknown 15:59:00 NEWS No comments

Katibu Mkuu wa CHADEMA, John Mnyika.

Chama cha Demokrasia na Maendeleo (CHADEMA), kimetoa siku mbili kwa wanachama wake 19, ambao jana walikula viapo Bungeni vya kuwa wabunge wa viti maalum bila ridhaa ya chama kwa ajili ya kuhudhuria kikao cha kamati kuu ya chama hicho kitakachofanyika Novemba 27, 2020.

Mnyika amesema wanachama 19 wa chama hicho walioapishwa kuwa wabunge wa viti maalum hawakuteuliwa na chama hicho, “hawana baraka za chama wala uongozi. Kundi hilo la wabunge wa viti maalum limejiteua lenyewe.”

Kauli hiyo imetolewa leo Novemba 25, 2002, na Katibu Mkuu wa chama hicho John Mnyika, wakati akizungumza na waandishi wa habari jijini Dar es Salaam, ambapo amesema kuwa kwa kuwa jambo hilo ni la dharura wameamua kufuata katiba yao inayosema kuwa, hatua zozote zisichukuliwe bila wahusika kuitwa kujieleza ili kujua ni nini kilichowapelekea wao kukisaliti chama.

"Kwa kuwa jambo hili ni la dharura natangaza wito (Public notice), kupitia vyombo vya habari kwa wanachama wetu 19 walioshiriki kwenda kula kiapo jana, kufika makao makuu ya chama bila kukosa siku ya Ijumaaa ya Novemba 27, 2020, saa 2:00 asubuhi, kutoka popote pale walipo kamati kuu inaweza kuchukua hatua za dharura kama itaona maslahi ya jumla ya chama yanaweza kuathiriwa", amesema John Mnyika.

Aidha Mnyika akizungumzia suala la wabunge hao kula kiapo hicho amesema kuwa, "Mimi kama Katibu Mkuu hakuna fomu yoyote ya mtu yeyote niliyowahi kuijaza popote kuthibitisha uteuzi wa yeyote, hii fomu pia ina sehemu ya kujazwa na kiapo cha hakimu kwa hiyo kwa tafsiri nyepesi ni kilichofanyika ni biashara haramu ya kughushi, wameenda kuapishwa bila baraka ya chama".

Wabunge 19 wanaotakiwa kuwasili siku ya ijumaa ni pamoja na Halima Mdee, Ester Bulaya, Esther Matiko na wengine walioapishwa kwa siku ya jana katika viwanja vya Bunge jijini Dodoma.

CHANZO: EATV

IPE USHINDI JAMBO... TUPIGIE KURA KATIKA TUZO ZA TANZANIA CONSUMER CHOICE AWARDS'

Unknown 14:55:00 NEWS No comments

Jambo Food Products LTD Tumependekezwa katika Kipengele cha “Most Preferred Manufacturer Of The Year In Soft Drinks” Katika Tuzo za Tanzania Consumer Choice Awards.

Tupigie Kura Kwa Kubonyeza <HAPA>Link

https://ift.tt/2V2w5Ko

Picha : AGPAHI YASHIRIKI KONGAMANO LA AFYA DODOMA

Unknown 13:55:00 NEWS No comments

Katibu Mkuu wa Wizara ya Afya, Maendeleo ya Jamii Jinsia, Wazee na Watoto Profesa Mabula Nchembe akifungua Kongamano la Afya nchini (Tanzania Health Summit) leo Novemba 25,2020 katika ukumbi wa St. Gaspar Jijini Dodoma.

Na Kadama Malunde - Malunde 1 blog

Katibu Mkuu wa Wizara ya Afya, Maendeleo ya Jamii Jinsia, Wazee na Watoto Profesa Mabula Nchembe amefungua Kongamano la Afya nchini (Tanzania Health Summit) litakalojikita katika kujadili masuala mbalimbali ya afya hasa katika kipindi hiki ambacho nchi imeingia katika uchumi wa kati.

Kongamano hilo litakalofanyika kwa muda wa siku mbili kuanzia leo Jumatano Novemba 25,2020 hadi Novemba 26,2020 linafanyika katika Ukumbi wa St. Gaspar jijini Dodoma limekutanisha pamoja wadau wa sekta ya Afya kutoka taasisi za umma,Mashirika ya dini na binafsi.

Asasi ya kitaifa isiyo ya kiserikali ya Ariel Glaser Pediatric AIDS Healthcare Initiative (AGPAHI) inayojihusisha na mapambano dhidi ya Virusi Vya Ukimwi na Ukimwi ni Miongoni mwa wadau wa afya wanaoshiriki katika Kongamano hilo linaloongozwa na Kauli Mbiu ya “Mafanikio ya Uchumi wa Kati Katika Kuweka Afya Bora kwa Watanzania – Transforming The Success of Middle – Income Economy Into a Healthier Nation)".

Akizungumza wakati wa kufungua Kongamano hilo, Katibu Mkuu wa Wizara ya Afya, Maendeleo ya Jamii Jinsia, Wazee na Watoto Profesa Mabula Nchembe amesema licha ya maendeleo makubwa yaliyofikiwa na serikali katika kuboresha huduma za afya kwa wananchi lakini bado kuna baadhi ya watu wanashindwa kuvifikia vituo vya afya na kupata huduma za afya.

“Naomba mtumie kongamano hili kujadili ni namna gani tutoe huduma bora za afya,namna gani tuboreshe vifaa,miundo mbinu katika hospitali zetu.Namna gani tufanye ili kila mtu apate huduma za fya”,amesema Prof. Nchembe.

“Kupitia kongamano hili tujadili na kutoa mapendekezo ya namna ya kuwasaidia kupata huduma za afya watu wa hali ya chini wakiwemo wakulima ambao hawawezi kufikia huduma za afya na hawana na bima za afya”,ameongeza Prof. Nchembe.

Wafanyakazi wa Asasi ya kitaifa isiyo ya kiserikali ya Ariel Glaser Pediatric AIDS Healthcare Initiative (AGPAHI) inayojihusisha na mapambano dhidi ya Virusi Vya Ukimwi na Ukimwi wakiwa kwenye Kongamano la Afya jijini Dodoma leo Novemba 25,2020.

Wadau wa afya wakiwa kwenye Kongamano la Afya jijini Dodoma leo Novemba 25,2020.

Wadau wa afya wakiwa kwenye kongamano.

Wadau wa afya wakiwa kwenye kongamano la afya.

Mkurugenzi wa Huduma za Afya, Ustawi wa Jamii na Lishe, Ofisi ya Rais, TAMISEMI, Dk. Ntuli Kapologwe akizungumza kwenye Kongamano la Afya nchini linalofanyika jijini Dodoma.

Wadau wa afya wakiwa kwenye Kongamano la Afya.

Wadau wa afya wakiwa ukumbini.

Mkurugenzi wa Tume ya Kikristo ya Huduma za Jamii, Peter Maduki akizungumza kwenye Kongamano la Afya.

Viongozi mbalimbali wakiwa kwenye Kongamano la afya.

Wa tatu kulia ni Katibu Mkuu wa Wizara ya Afya, Maendeleo ya Jamii Jinsia, Wazee na Watoto Profesa Mabula Nchembe akijiandaa kukabidhi vyeti kwa washiriki wa Kongamano la afya.

Wa tatu kulia ni Katibu Mkuu wa Wizara ya Afya, Maendeleo ya Jamii Jinsia, Wazee na Watoto Profesa Mabula Nchembe akimkabidhi Mwakilishi wa Mkurugenzi wa Shirika la AGPAHI, Alio Hussein ambaye ni Meneja Mradi AGPAHI mkoa wa Mara cheti cha Ushiriki wa Kongamano la Afya nchini (Tanzania Health Summit).

Wa pili kulia ni Katibu Mkuu wa Wizara ya Afya, Maendeleo ya Jamii Jinsia, Wazee na Watoto Profesa Mabula Nchembe akimkabidhi Mkurugenzi wa Huduma za Afya, Ustawi wa Jamii na Lishe, Ofisi ya Rais, TAMISEMI, Dk. Ntuli Kapologwe cheti cha Ushiriki wa Kongamano la Afya nchini (Tanzania Health Summit).

Katibu Mkuu wa Wizara ya Afya, Maendeleo ya Jamii Jinsia, Wazee na Watoto Profesa Mabula Nchembe akipiga picha ya pamoja na washiriki wa Kongamano la Afya.

Wafanyakazi wa AGPAHI wakipiga picha ya kumbukumbu na Mkurugenzi wa Huduma za Afya, Ustawi wa Jamii na Lishe, Ofisi ya Rais, TAMISEMI, Dk. Ntuli Kapologwe (wa tatu kulia).