MASWAYETU BLOG

Monday, 4 November 2024

Picha : RC MACHA AONGOZA SHEREHE YA USIKU WA WADAU SHUPAVU, KUTAMBUA MICHANGO YA MAENDELEO KAHAMA, “VIJANA ACHENI KUKIMBIZANA NA MASHANGAZI’

Unknown 15:52:00 NEWS No comments

Na Kadama Malunde - Malunde 1 blog

Mkuu wa Mkoa wa Shinyanga, Mhe. Anamringi Macha, ameongoza sherehe maalum ya Usiku wa Wadau Shupavu na Tuzo za mdau Shupavu Wilaya ya Kahama Msimu wa Nne, ikiwa na lengo la kutambua na kupongeza michango ya wadau shupavu wa Manispaa ya Kahama, Halmashauri ya Msalala, na Ushetu.

Sherehe hii imefanyika usiku wa Novemba 3-4, 2024, katika ukumbi wa kifahari wa Zakaria (Miligo Hall) Mjini Kahama ambapo tuzo mbalimbali, ikiwemo za heshima, zimekabidhiwa kwa wadau shupavu 30, ambao ni mashirika, watu binafsi, na vikundi vilivyofanya kazi kubwa katika sekta za elimu, afya, miundombinu, biashara, na uwajibikaji wa kijamii (CSR).

Pia, majiko ya gesi yalitolewa kwa Mama Lishe, Baba Lishe, na makundi maalum.

Sherehe hiyo iliyoongozwa na MC Pilipili imejumuisha burudani kutoka kwa vikundi mbalimbali, ikiwa ni pamoja na wachekeshaji Oscar Nyerere na Matabe ‘Nimekoma’, huku wadau wakishiriki chakula na vinywaji.

Katika hotuba yake, Mkuu wa Mkoa wa Shinyanga Mhe. Anamringi Macha amepongeza Taasisi ya Holysmile kwa kuandaa tukio hili, akisisitiza umuhimu wa kusherehekea na kutambua michango ya wadau walioleta mabadiliko makubwa katika jamii.

Aidha amewataka vijana kufanyakazi kwa bidii, kujitahidi kutafuta fursa za uwekezaji, kutafuta fursa, na kuwa wabunifu, akitoa mfano wa kijana Matabe anayeweza kujipatia kipato kupitia uchekeshaji.

Mkuu wa Mkoa wa Shinyanga, Mhe. Anamringi Macha.

"Nimemsikia Matabe akichekesha akitumia kauli mbiu ya 'Nimekoma!' Nami nasema, vijana komeni kuhangaika na mashangazi, acheni kukimbizana nao, bali tafuteni fursa za uhusiano mazuri na mtambue upo umuhimu wa kuwa na marafiki na kuwekeza muda katika uhusiano wa kijamii",amesema Macha.

Macha pia amehimiza wananchi kudumisha amani na kutumia nishati safi, akisisitiza kuwa gesi na umeme ni muhimu kwa afya na mazingira.

“Nishati safi ni ajenda ya kitaifa, ni ajenda ya Rais wetu mpendwa Dkt. Samia Suluhu Hassan. Gesi na umeme siyo anasa, tunataka nishati safi katika maisha yetu ya kila siku ili kulinda afya zetu pamoja na kutunza mazingira”,ameongeza Macha.

Mkuu wa Wilaya ya Kahama Mhe. Mboni Mhita.

Naye Mkuu wa Wilaya ya Kahama, Mhe. Mboni Mhita, amewakumbusha wananchi kujitokeza kwa wingi kupiga kura katika uchaguzi wa Serikali za mitaa utakaofanyika Novemba 27, 2024.

Mratibu wa Wanawake kwenye Nishati ya Gesi, Bi. Winner Lukumay, amesisitiza umuhimu wa kuunga mkono ajenda ya serikali katika matumizi ya nishati safi.

Mkurugenzi wa Taasisi ya Sanaa na Burudani ya HolySmile, Anord Bweichum , ameshukuru washiriki wote kwa mapokeo mazuri na kueleza kwamba Usiku wa Mdau Shupavu ni tukio muhimu linalokusanya wadau wa maendeleo kutoka Halmashauri za Kahama, Ushetu, Msalala, na wilaya jirani.

Bweichum amebainisha mafanikio ya Taasisi ya HolySmile, ikiwa ni pamoja na kuanzisha jukwaa la sanaa ya uchekeshaji na matamasha ya utoaji tuzo.

Mkurugenzi wa Taasisi ya HolySmile, Anord Bweichum

Amesema kuanzia mwaka 2024, watawakutanisha halmashauri zote tatu katika jukwaa moja la MDAU SHUPAVU AWARDS.

Hata hivyo amesema licha ya mafanikio, Taasisi ya Holysmile inakabiliwa na changamoto za kiuchumi na upotoshaji wa taarifa kuhusu matamasha.

Bweichum amesisitiza umuhimu wa kila mmoja katika kuinua jamii na kuwakaribisha wadau wote kuendelea kuunga mkono juhudi hizi.

Bweichum amehimiza ushirikiano zaidi ili kufanikisha malengo ya maendeleo na kuwathibitishia wadau kwamba kila juhudi inachangia katika kujenga mustakabali mzuri wa jamii.

Wasiliana na Holysmile kwa simu +255 756 254 146 Email ; bweichumtz@gmail.com

ANGALIA PICHA ZA MATUKIO HAPA CHINI

Mkuu wa Mkoa wa Shinyanga, Mhe. Anamringi Macha, akitoa hotuba wakati Sherehe maalum ya Usiku wa Wadau Shupavu na Tuzo za mdau Shupavu Wilaya ya Kahama Msimu wa Nne iliyofanyika Mjini Kahama Novemba 3/4,2024 - Picha na Kadama Malunde - Malunde 1 blog

Mkuu wa Mkoa wa Shinyanga, Mhe. Anamringi Macha akizungumza wakati Sherehe maalum ya Usiku wa Wadau Shupavu na Tuzo za mdau Shupavu Wilaya ya Kahama

Wadau Shupavu wakiwa ukumbini

Mkuu wa Mkoa wa Shinyanga, Mhe. Anamringi Macha akizungumza wakati Sherehe maalum ya Usiku wa Wadau Shupavu na Tuzo za mdau Shupavu Wilaya ya Kahama

Mkurugenzi wa Taasisi ya Sanaa na Burudani ya HolySmile, Anord Bweichum akizungumza wakati Sherehe maalum ya Usiku wa Wadau Shupavu na Tuzo za mdau Shupavu Wilaya ya Kahama

Mkuu wa Wilaya ya Kahama Mhe. Mboni Mhita akizungumza wakati Sherehe maalum ya Usiku wa Wadau Shupavu na Tuzo za mdau Shupavu Wilaya ya Kahama

Afisa Mahusiano Taasisi ya HolySmile, Hancelin Sunday akisoma risala wakati Sherehe maalum ya Usiku wa Wadau Shupavu na Tuzo za mdau Shupavu Wilaya ya Kahama

Mchekeshaji maarufu Matabe ‘Nimekoma' akitoa burudani wakati Sherehe maalum ya Usiku wa Wadau Shupavu na Tuzo za mdau Shupavu Wilaya ya Kahama

Wadau Shupavu wakiwa ukumbini

Mchekeshaji maarufu Oscar Nyerere akitoa burudani wakati Sherehe maalum ya Usiku wa Wadau Shupavu na Tuzo za mdau Shupavu Wilaya ya Kahama

Wadau Shupavu wakiwa ukumbini

Mratibu wa Wanawake kwenye Nishati ya Gesi, Bi. Winner Lukumay akizungumza wakati Sherehe maalum ya Usiku wa Wadau Shupavu na Tuzo za mdau Shupavu Wilaya ya Kahama

Wadau Shupavu wakiwa ukumbini

Msambazaji wa Gesi ya Oryx kutoka Kampuni ya Kagoli Enterprises, Kokusima Alex Kalokola akizungumza wakati Sherehe maalum ya Usiku wa Wadau Shupavu na Tuzo za mdau Shupavu Wilaya ya Kahama

Wadau Shupavu wakiwa ukumbini

MC Pilipili akiongoza Sherehe maalum ya Usiku wa Wadau Shupavu na Tuzo za mdau Shupavu Wilaya ya Kahama

Keki Maalumu wakati wa Usiku wa Wadau Shupavu na Tuzo za mdau Shupavu Wilaya ya Kahama Msimu wa Nne

Mkuu wa Mkoa wa Shinyanga, Mhe. Anamringi Macha akikata keki Maalumu wakati wa Usiku wa Wadau Shupavu na Tuzo za mdau Shupavu Wilaya ya Kahama Msimu wa Nne

Mkuu wa Mkoa wa Shinyanga, Mhe. Anamringi Macha akikabidhi majiko ya Gesi

Mkuu wa Mkoa wa Shinyanga, Mhe. Anamringi Macha akikabidhi majiko ya Gesi kwa mamalishe na baba lishe

Mkuu wa Mkoa wa Shinyanga, Mhe. Anamringi Macha akikabidhi majiko ya Gesi

Burudani ikiendelea

Wadau Shupavu wakiwa ukumbini

Mkuu wa Mkoa wa Shinyanga, Mhe. Anamringi Macha akicheza muziki na wadau Shupavu

Mkuu wa Wilaya ya Kahama Mhe. Mboni Mhita akicheza muziki na wadau Shupavu

Wadau Shupavu wakicheza muziki

Wadau Shupavu wakiwa ukumbini

Mkuu wa Mkoa wa Shinyanga, Mhe. Anamringi Macha akigawa tuzo za Heshima kwa Wadau Shupavu

Wadau Shupavu wakiwa ukumbini

SHUWASA YASAINI MKATABA WA BILIONI 9 NA GOPA INFRA KUIJENGEA UWEZO KUBORESHA HUDUMA ZA MAJI SAFI NA USAFI WA MAZINGIRA

Unknown 12:51:00 NEWS No comments

Mkurugenzi Mtendaji wa SHUWASA, Mhandisi Yusuph Katopola (kushoto) na Mkurugenzi Mkaazi wa Kampuni ya Gopa Infra, Stefan Doerner wakionesha Mkataba wa Kuijengea Uwezo SHUWASA baada ya kutia saini.

Na Kadama Malunde- Malunde 1 blog

Mamlaka ya Majisafi na Usafi wa Mazingira Shinyanga (SHUWASA) imetia saini Mkataba wa Kuijengea Uwezo, baina yake na Mhandisi Mshauri Kampuni ya Gopa Infra ya nchini Ujerumani ikishirikiana na Kampuni ya Superlit Consulting Ltd ya nchini Tanzania.

Mkataba huu wenye thamani ya shilingi bilioni 9 utalenga kuijengea uwezo SHUWASA na wafanyakazi wake ili kuboresha huduma za maji safi na usafi wa mazingira.

Mkataba huo umesainiwa katika ukumbi wa SHUWASA leo, Jumatatu, Novemba 4, 2024 kati ya Mkurugenzi wa SHUWASA Mhandisi Yusuph Katopola na Mkurugenzi Mkaazi wa Kampuni ya Gopa Infra, Stefan Doerner.

Akizungumza mara baada ya kusaini Mkataba huo, Mkurugenzi Mtendaji wa SHUWASA, Mhandisi Yusuph Katopola, ameeleza kuwa mkataba huo ni wa miaka minne ikiwa ni sehemu mojawapo ya utelekezaji mradi mkubwa wa Majisafi na Usafi wa Mazingira Shinyanga unaofadhiliwa na Shirika la Maendeleo la Ufaransa (AFD) kwa ushirikiano na Serikali ya Jamhuri ya Muungano wa Tanzania wenye thamani ya Euro Milioni 76.

“Mhandisi Mshauri huyu atakwenda kutekeleza sehemu mojawapo ya mradi mkubwa wa AFD ambayo ni kuijengea uwezo taasisi, kwanza kufahamu ni maeneo gani yanayohitaji kujengewa uwezo kwa taasisi, watumishi na sehemu zingine katika uboreshaji wa utoaji wa huduma za majisafi na usafi wa mazingira,” amesema Mhandisi Katopola.

Mkurugenzi Mtendaji wa SHUWASA, Mhandisi Yusuph Katopola (kushoto) na Mkurugenzi Mkaazi wa Kampuni ya Gopa Infra, Stefan Doerner wakipongezana baada ya kusaini Mkataba wa Kuijengea Uwezo SHUWASA

Mhandisi Katopola ameongeza kuwa Mhandisi Mshauri huyo pia ataisaidia SHUWASA katika kusimamia sehemu zingine za utekelezaji wa mradi wa AFD.

Amesisitiza umuhimu wa ushirikiano na kampuni ya GOPA Infra na Superlit Consulting Ltd katika kuhakikisha malengo ya serikali yanatimizwa hasa katika kufikia asilimia 95 ya upatikanaji wa huduma za maji katika maeneo ya mjini na asilimia 85 katika vijiji.

Kwa upande wake Mkurugenzi Mkaazi wa Kampuni ya Gopa Infra, Stefan Doerner, ameonesha kufurahishwa baada ya kupata fursa ya kufanya kazi nchini Tanzania na kuahidi kusaidia kuijengea uwezo SHUWASA katika kuhakikisha inatoa wa huduma bora za majisafi na usafi wa mazingira.

Mkurugenzi Mkaazi wa Kampuni ya Gopa Infra, Stefan Doerner

“Mtaji wa watu wenye ujuzi na maarifa ni muhimu katika utekelezaji wa mradi huu. Ni muhimu kuwajengea uwezo wafanyakazi wa SHUWASA na Menejimenti kwa ujumla,” amesema Doerner.

Ameongeza kuwa kampuni yake ina uzoefu mkubwa katika kutekeleza miradi mbalimbali duniani.

Mkurugenzi wa Kampuni ya Superlit Consulting Ltd, Mhandisi Fortunatus Kasimbi, amethibitisha ushirikiano wao na GOPA Infra katika mkataba huo, ukilenga kuwajengea uwezo SHUWASA kwa ujumla.

Amesema watashirikiana kwa karibu kuhakikisha shughuli zinaenda vizuri, kwa ufasaha na ubora unaotakiwa.

“Tutaangalia mifumo iliyopo na kuimarisha ili SHUWASA iweze kujitegemea katika kutekeleza shughuli zake katika kiwango cha kimataifa,” ameongeza Mhandisi Kasimbi.

Mkurugenzi wa Kampuni ya Superlit Consulting Ltd, Mhandisi Fortunatus Kasimbi akizungumza wakati wa hafla ya kusaini Mkataba wa Kuijengea Uwezo SHUWASA

Itakumbukwa kuwa mnamo Juni 6 2022 Serikali ya Tanzania na Shirika la Maendeleo la Ufaransa (AFD), zilitia Saini Mkataba wa Ufadhili wa mkopo wa riba nafuu kwaajili ya mradi mkubwa wa Majisafi na Usafi wa Mazingira Shinyanga ambao unahusisha kuijengea uwezo taasisi, ujenzi wa mtandao wa majisafi kilomita 287 ukarabati wa mtandao chakavu wa majisafi kilomita 100 na ujenzi wa matangi mawili (Kolandoto-lita 1,500,000 na Didia- lita 250,000).

Aidha, mradi huo unahusisha pia ujenzi wa mitambo minne ya kuchakata tope kinyesi-miwili katika Manispaa ya Shinyanga (Mwagala na Ihapa) na miwili katika Halmashauri ya Wilaya ya Shinyanga (Kituli na Iselamagazi).

Pia unahusisha ukarabati mkubwa wa mtambo wa kutibu maji Ning’hwa na kufanya tathmini ya ufanisi wa Bwawa la Ning’hwa.

Mkurugenzi Mtendaji wa SHUWASA, Mhandisi Yusuph Katopola (kushoto) na Mkurugenzi Mkaazi wa Kampuni ya Gopa Infra, Stefan Doerner wakisaini Mkataba wa Kuijengea Uwezo SHUWASA leo Jumatatu Novemba 4,2024 - Picha na Kadama Malunde

Mkurugenzi Mtendaji wa SHUWASA, Mhandisi Yusuph Katopola (kushoto) na Mkurugenzi Mkaazi wa Kampuni ya Gopa Infra, Stefan Doerner wakipongezana baada ya kusaini Mkataba wa Kuijengea Uwezo SHUWASA

Picha ya pamoja baada ya kusaini Mkataba wa Kuijengea Uwezo SHUWASA

Mkurugenzi Mkaazi wa Kampuni ya Gopa Infra, Stefan Doerner akizungumza baada ya kusaini Mkataba wa Kuijengea Uwezo SHUWASA

Mkurugenzi Mtendaji wa SHUWASA, Mhandisi Yusuph Katopola akizungumza baada ya kusaini Mkataba wa Kuijengea Uwezo SHUWASA

Mkurugenzi Mtendaji wa SHUWASA, Mhandisi Yusuph Katopola akizungumza wakati wa kusaini Mkataba wa Kuijengea Uwezo SHUWASA

Mkurugenzi Mkaazi wa Kampuni ya Gopa Infra, Stefan Doerner akizungumza wakati wa kusaini Mkataba wa Kuijengea Uwezo SHUWASA

Mshauri Mkuu wa Mshauri wa Kampuni ya GOPA Infra, Dirk Schiemenz akizungumza wakati wa hafla ya kusaini Mkataba wa Kuijengea Uwezo SHUWASA - Picha na Kadama Malunde - Malunde 1 blog

TANZANIA YATAJWA KATI YA MATAIFA 10 BORA BARANI AFRIKA KWA MIUNDOMBINU YA BARABARA

Unknown 12:51:00 NEWS No comments

Tanzania imetajwa kuwa kati ya mataifa 10 bora barani Afrika ambayo yana miundombinu bora zaidi ya barabara.

Taarifa hizi zinakuja ikiwa Serikali ya Awamu ya Sita chini ya Rais wa Jamhuri ya Muungano wa Tanzania, Dkt. Samia Suluhu Hassan imewekeza fedha nyingi katika ujenzi wa miundombinu ya barabara kuanzia mijini hadi vijijini.

Uwekezaji huo unalenga kuwarahisishia wananchi, kufanya shughuli zao za kiuchumi ikiwemo usafirishaji kwa urahisi ili kuharakisha maendeleo yao na Taifa kwa ujumla.

Kwa mujibu wa ripoti iliyotolewa na mtandao wa Statista huku ikichapishwa na businessinsider, Tanzania katika 10 bora hizo ipo nafasi ya tisa ikiwa na alama 4.41.

URAIA PACHA NI HATARI KWA USALAMA WA TAIFA LETU

Unknown 13:51:00 NEWS No comments

John Francis Haule

****

Wengi tuliofika elimu ya sekondari tumejifunza kwa kiasi maana ya uraia na dhana ya uraia pacha( dual citizenship) na katika nchi yetu Tanzania uraia wa Tanzania unasimamiwa na sheria ya mwaka 1995 sura no 357 na imerekebishwa mwaka 2002 na inaenda sambamba na kanuni uraia ya mwaka 1997.

Sheria imeainisha wazi aina za uraia Tanzania ni tatu

(A)Uraia wa kuzaliwa( citizenship by birth) ( B ) Uraia kwa kurithi ( citizenship by registration)

( C)Uraia wa tajinisi (citizenship by Naturalization)

Kwa mujibu wa haki za binadamu kila mtu yuko huru kufanya maamuzi hasa yanayohusu maisha yake hata kujiamulia wapi pakuishi. Wengi tuna fahamu maana ya liberty as freedom of an individual to live as you wish. Kwa tafsiri fupi ni hali ya uhuru wa mtu kuishi kwa namna anavyoona inafaa .Hivyo mtu kuzaliwa katika taifa flani hakukulazimu kuendelea kuwa raia wa nchi asilia kwa maisha yako yote.

Kupitia dhana hii ya uhuru ndio ina jenga msingi wa kuwa na hili suala la uraia pacha. ama hata kuamua kwa hiari kuwa urai wa nchi yeyote ambayo unaona inafaa kuishi na kujenga familia. Mfano wengi raia wa mataifa hususani ya Afrika wana penda kwenda marekani ama nchi za ughaibuni na hatimaye wengi wanachukua uraia wa nchi hiyo ya Amerika mfano mwana blogger maarufu hapa Tanzania anayefahamika kwa jina la MANGE KIMAMBI ambaye amechukua uraia wa Amerika na sasa ni Mmarekani akifurahia haki za Kimarekani ila asili yake ni uchagani hapa Tanzania

Pia ifahamike wazi kuwa mtu kuamua kuwa raia wa nchi nyingine na kukana uraia wako wa nchi asili sio USALITI bali ni haki ya kiutashi na kutumia uhuru wake.

Sote tunafahamu kuwa hii Dunia ni moja na hii mipaka ya kiutawala imewekwa ili kurahisisha shughuli za utawala na himaya . mfano bara la Afrika liligawanywa mnamo 1885 baada ya mkutano wa Berlin ili kukidhi matakwa ya ma BEBERU walio kuwa wakigombania mali na kukuza himaya zao hapa Afrika (SCRAMBLE AND PARTITION) Hata Geography inaeeleza kuwa dunia yote ili kuwa pande moja la ardhi ila liligawanyika kutokana na nguvu (kani ya mvutano) ya asili na kuzalisha mabara 7 ambayo ukiyaweka pamoja yana kuwa sawa (Gig saw fit evidence)

Vitabu vitakatifu vinabainisha kuwa MUNGU alimuumba ADAM na akaona si vema Adam awe peke yake akatoa ubavu na kumuumba EVA .(ADAM NA HAWA) sasa kama sote ni matokeo ya uzao wa Adam na Eva kwa nini tusiwe huru kuwa na uraia wa nchi zaidi ya moja na kuwa na haki zote zinazotolewa na nchi hizo. Hivyo uraia pacha ni haki ya asili ya kila binadamu japo inapaswa kuwa na utaratibu mzuri wa kuiweka.

NINI MAANA YA URAI PACHA? Kwa ufupi ni hali ya mtu kuwa raia au mwananchi anayetambulika kisheria na nchi zaidi ya mbili na kuwa na haki zote za kisheria. Tofauti kati ya uraia pacha na diaspora.

DIASPORA ni raia wanao ishi nje ya taifa la asili ila hawajakana utaifa wao ,wanaweza wakawa masomoni, Ama wana fanya shughuli flani hivyo diapora ni wazalendo wa kweli wana manufaa kwa taifa letu ikiwemo kukuza na kueeneza Kiswahili mfano huko nchini China kuna diaspora wengi wana fundisha Kiswahili. Wanaimarisha diplomasia ya kiuchumi (economic diplomacy) kwa kuhamasisha watalii na technolojia. Pia wana tuma fedha kwa ndugu jamaa na marafiki ambapo nchi inapata kodi hivyo wanaongeza pato la taifa na kuongeza makusanyo ya kodi hivyo serikali imeweka mfumo mzuri wa kuwa saidia diaspora kwa kuwapa hadhi maalumu.

HADHI MAALUMU: Kwakuwa suala la uraia pacha limekuwa kizumngumkuti na bado halina muafaka hivyo serikali kwa kutambua umuhimu na mchango wa raia wenye asili ya Tanzania iliamua kwa hiari kuwa raia wa mataifa mengine imekuja na mbadala wa kuwa na hadhi malum ambapo wata kuwa na haki flani ,ikiwemo kuwa na vitamblisho maalum na kufanya uwekezaji hasa ule wa kimkakati mfano kuanzisha viwanda na taasisi zinazoweza kusaidia jamii na nchi kwa ujumla.

Hadhi malumu itasaidia kuongeza pato la taifa kupitia ushuru wa kurudi nyumbani pia itahuisha hali ya kuleta maarifa nyumbani (technological transfer).

Kiukweli nyumbani ni nyumbani hata kama mtu akiukana uraia wa nchi asilia inakuwa tu ili kukidhi vigezo vya kupata uraia wa taifa husika dhumuini ni kuhakikisha maslahi ya mhusika yanafikiwa kwa mujibu wa sheria za nchi husika lakini moyo na dhamira inabaki kuwa kwenye taifa la asili,hivyo hadhi maalum kwa wale walio chukua uraia wa nchi nyingine ni kitu cha kupongezwa. Ni sawa na mtu ambaye ameweka makazi yake mjini lakini kila siku anawasiliana na watu wa nyumbani hiyo tunaita home umbirical ties. Hivyo hadhi maalumu ni mkakati mzuri wa kuwatumia hawa walio na uraia wa nchi hizo kwa maslahi ya taifa letu.

KWANINI URAIA PACHA NI HATARI KWA USALAMA WA TAIFA LETU

Kwa mujibu wa somo la uraia (civics) Taifa lina undwa na vitu vii nne(components of Nation)

Watu (population)

Eneo la kiutawala(territory)

Mamlaka kamili ya kujitawala(sovereignity)

Kutambuliwa kimataifa(international recognition)

Hivyo watu ni kitu muhimu sana kwa taifa lolote na watu hawa lazma waweze kuwa watiifu kwa mamlaka na utawala wa Taifa husika yani soverenity of the state sasa ni vigumu sana kwa mtu kujigawanya kuwa mtiifu kwa mamlaka mbili.

Sheria ya uraia ya Tanzania kifungu namba 357 ya mwaka 1995 inasema “Wote waliokana uraia wa Tanzania watapoteza haki ya kuendelea kuwa raia wa Tanzania”

Kama mtu akiwa na akili timamu bila kushinikizwa na yeyote akaamua kuukana uraia wa Taifa lake ni mtu wa kumuangalia kwa jicho la pekee sana. na sheria imeweka wazi kabisa ukiukana uraia na kuwa raia wa nchi nyingine utakuwa umepoteza haki zote za kuwa Tanzania.

Hii sheria iko sawa sana ikiwa na dhumuni la kulinda usalama wa nchi yetu na heshima ya Taifa huru linalojitawala bila kuingiliwa na taifa jingine(as sovereign state)

Kwa mujibu wa Profesa KABUDI PALLAMAGAMBA akiwa bungeni alisema kuwa utafiti alioufanya unaonyesha 51% ya nchi duniani hazijaruhusu uraia pacha.

HATARI ZA URAIA PACHA KWA TAIFA

Una punguza uzalendo kwa Taifa la asili. Uzalendo ni hari ama hurka ya mtu kulipenda taifa lake kujitolea kulilinda na kulitetea katika mazingira mazuri na magumu mfano wakati wa vita wazalendo hupigana ili kulinda Taifa kwa hapa Tanzania mwaka 1978 tukiwa vitani zidi ya Nduli Amini Dada. Wazalendo walijitoa kulinda na kulitetea Taifa sasa kukiwa na raia wana uraia wa nchi mbili au zaidi kiuhalisia huwezi simama na taifa na kulilinda na kulitetea. Hata historia inaonyesha 1938 huko Ujerumani wa jewish waliamriwa kuondoka na walipokwa haki zote ikiaminika kuwa ni wasaliti wa taifa la ugerumani wakati wa vita vya pili vya dunia. Kwa msingi huo uraia pacha ni hatari sana kwa usalama wa nchi yetu. Watu tuwe wazalendo tulipende taifa letu tujitoe.

2..Unaondoa dhana ya utiifu kwa mamlaka ya nchi (Obedience to states sovereignity au loyality) ili mtu uwe mtiifu ni lazima uwe na mamlaka moja unayo itii hata kwenye Biblia imenenwa you can’t save two masters at once yaani huwezi watumikia mabwana wawili kwa pamoja. Kwenye hili ni dhahiri shairi kwamba mtu mmoja hawezi tii mamlaka za mataifa mawili kwa pamoja. Mfano raia mmoja mchezaji au msakata kabumbu anatakiwa na team ya taifa lake kuchezea team ya taifa kwa muda huo huo ana inaitajika na taifa jingine atajigawaje ili kutimiza wajibu huo kwa mataifa mawili kwa pamoja at once? Jibu ni kizungumkuti sasa nadhani uraia pacha unahatarisha hata maslahi ya nchi hivyo sheria yetu iko vizuri na iendelee kusimamiwa kama ilivyotungwa.

3..Inaondoa hadhi ya utaifa ama utambulisho wa taifa ( National hood or Natinal identity) ni muhimu kujivunia kuwa na hadhi ya taifa moja sasa mtuu akiwa na uraia wa zaidi ya mataifa mawili akiiitaji kuji tambulisha ataijitambulisha kama raia wa nchi gani? Hata historia ina onyesha miaka ya 1880 kipindi cha ukoloni Taifa la Ufaransa likiwa na sera yake ya Assimilation policy wote waliokidhi vigezo walipewa kuwa raia wa Ufaransa wakiacha kuwa raia wa mataifa yao. Hii ni kukuza utaifa.na hata utamaduni wa taifa la asili una dhoofikaa kwa mtu kuwa na uraia wa nchi Zaidi ya moja. Hivyo tuendelee kusimamia sheria yetu inayolinda utaifa wetu.

4…Unahatarishaa siri za taifa na desturi ya taifa. Katika kila taifa kuna mambo ya wazi kwa maslai mapamna ya taifa na kuna idara nyeti za nchi zinaitajika kuongozwa na wazalendo wa kweli. Sasa uraia pacha unaweza sukumwa nahii dhana ya haki zabinadamu ikapelekea watu wenye uraia wa nchi mbili kufanya kazi katika vitengo nyeti mfano IKULU. Sasa hiyo kiuhalisia lazima ina weza vujisha siri za taifa kwa mataifa mengine ambayo hayana nia njema na taifa letu. Kwa msingi huo nimuhimu kueendelea na huu utaratibu wa kuto ruhusu urai pacha hapa Tanzania.Pia hata raia ambao hawana asili ya Tanzania nao we have to be kin Kwa kuwa umbirical ties bado inaweza toa msukumo kwa siri za Taifa.Kwa hili tutoe pongezi kwa Viongozi wetu wakati wa ujenzi wa IKULU CHAMWINO walitumia wazalendo pekee kujenga majengo hayo maalum ya Taifa. Hivyo tuendelee na huu msimamo na sheria hii ni nzuri na ni ya kizalendo.

5. Unaondoa umoja wa kitaifa (Natinal unity and solidarity) Taifa letu nitaifa la kijamaa ambalo lili asisi hii falsafa 1967 katika azimio la Arusha ambalo linaamini kuwa bina damu wote nisawa na kila mmoja astahili heshima na kuthaminiwa utu wake . Na hii itikadi inadumu kwakuwa rai wa Tanzania wote tuko katika huu mwamvuli wa umoja na mshikamano na hii ideilojia itadhoofika endapo tuta ruhusu watu kuwa na uraia pacha ambao hawatakuwa na morali ya kuenzi tunu hii muhimu ya Taifa

6.. Inaondoa utambulisho wa taifa ikiwemo lugha. Taifa letu lina utambulisho wa Kiswahili kuwa lugha ya taifa na tuna jivunia na kuitambulisha dunia kuwa Tanzania ndio chimbuko la lugha hii adhimu ya Kiswahili na ni tamaduni pia sasa tukiruhusu uraia wa pacha hao kama wameweza kuukana uraia je? Kuhusu lugha watajivunia kweli? Hapa ni kuzuia huu uraia pacha kwa nguvu zote na jitihada zote

7.Unakanganya mfumo wa mashtaka kwa wale wenye makosa ya jinai (it compromises judicial extradition or persecution) ikitokea mtu mwenye uraia pacha akawa ametenda makosa ya kijinai na akakimbia taifa moja na kwenda taifa jingine atahukumiwaje? Ili kuepukana na hili ni muhimu kuendelea kuukataa uraia pacha.

HITIMISHO

Kwa kuhitimisha uraia pacha hauna maslahi na faida kwa nchi ya asili zaidi sana ni maslahi ya mhusika tu ili akidhi vigezo vya kufikia matamanio yake ama malengo yake na sio malengo ya Taifa.

Malengo ya nchi yetu ni kuona Taifa hili linaendelea kuwa moja na linadumisha misingi na miiko ya kihistoria na kuenzi MUUNGANO WETU .

MAKALA HII IMEANDIKWA NA

JOHN FRANCIS HAULE

;MKUU WA SOKO KUU LA ARUSHA. (MARKET MASTER)

0756717987 AU 0711993907

EMAIL.haulej4@yahoo.com or haulej46@gmail.com

TPDC YACHANGIA MILIONI 50 KUSAIDIA WATOTO WENYE UHITAJI WA MATIBABU JKCI

Unknown 08:51:00 NEWS No comments

Shirika la Maendeleo ya Petroli Tanzania (TPDC) limechangia kiasi cha shilingi milioni 50 kwa Taasisi ya moyo ya Jakaya Kikwete (JKCI) kwa lengo la kusaidia watoto wenye uhitaji wa Matibabu ya moyo.

TPDC imechangia fedha hizo kwenye hafla ya uchangishaji fedha kusaidia watoto 1500 wenye matatizo ya moyo.

Mgeni rasmi katika hafla hiyo ni Rais Mstaafu wa awamu ya nne Mhe. Dkt.Jakaya Mrisho Kikwete.

Tukio hilo limefanyika jana tarehe 02.11.2024 , Johari Rotana Jijini Dar es salaam.

Ni Leo!! USIKU WA WADAU SHUPAVU NA TUZO ZA MDAU SHUPAVU KAHAMA MSIMU WA NNE

Unknown 07:51:00 NEWS No comments

Habari Wadau Shupavu!

Mimi ni Sir Bweichum HolySmile, Mkurugenzi wa Taasisi ya HolySmile na Mwanzilishi wa Jukwaa la Mdau Shupavu. Nina furaha kubwa kuwaalika kwenye hafla yetu maalum ya USIKU WA WADAU SHUPAVU WILAYA YA KAHAMA, itakayofanyika tarehe 3 Novemba 2024 katika ukumbi wa kifahari, Zakaria (Miligo Hall).

Usiku huu ni wa kipekee, ukiwa na lengo la kutambua michango ya Wadau Shupavu kutoka Wilaya ya Kahama na Halmashauri zake ndani ya Mkoa wa Shinyanga. Tutasherehekea kwa pamoja na kuonesha heshima kwa wadau ambao wameleta mabadiliko makubwa kwa jamii yetu kwa kutoa tuzo, hati za pongezi, na heshima kwa wadau wote wa kipekee.

- ⏰ Muda: Kuanzia saa 12:00 jioni

- 📍 Mahali: Zakaria (Miligo Hall)

➡️ KIINGILIO:

1. Mtu mmoja: 50,000 TZS

2. VIP: 100,000 TZS

3. Meza ya watu 5 (VVIP): 500,000 TZS

4. Meza ya watu 12 (VVIP): 1,000,000 TZS

Malipo yanaweza kufanyika kupitia:

- NMB A/C No: 30610057561 - Jina: HOLYSMILE

- Lipa Namba (Voda): 57845152 - Jina: HOLYSMILE

Kushiriki kwenu kutakupa fursa ya kupata connection, branding, chakula cha jioni, burudani na viburudisho vya hali ya juu.

Tiketi ni chache sana! Tunakuhimiza kuweka nafasi yako sasa kwa kutuma malipo na kututumia ujumbe kwa maelezo zaidi au kuhakikisha nafasi yako kwa kutupigia simu kwa 0756254146. Karibuni tusherehekee na kuwatambua Wadau Shupavu wa kweli kwa pamoja!

Mgeni Rasmi wa hafla hii anatarajiwa kuwa Mheshimiwa Mkuu wa Mkoa wa Shinyanga, Mhe. Anamringi Macha.

Karibuni tusherehekee na kuwatambua Wadau Shupavu wa kweli kwa pamoja!

Tafadhali sambaza tangazo hili kwa Wadau Shupavu wote na uwe sehemu ya usiku huu wa heshima.