MASWAYETU BLOG

Sunday, 12 May 2024

INTANETI YAKOSEKANA TANZANIA... TCRA YATAJA SABABU

Unknown 19:51:00 NEWS No comments

Mkurugenzi Mkuu wa Mamlaka ya Mawasiliano Tanzania (TCRA), Dk Jabir Bakari

Mamlaka ya mawasiliano Tanzania TCRA imesema Kuna tatizo la Mfumo wa Mawasiliano ya Intaneti kwenye Mkongo wa Baharini.

Kama umekosa huduma ya intaneti kwa saa kadhaa leo, tambua shida sio kifaa unachotumia bali ni tatizo la kiufundi lililotokea kwenye miundombinu ya intaneti iliyopitishwa baharini.

Mkurugenzi Mkuu wa Mamlaka ya Mawasiliano Tanzania (TCRA), Dk Jabir Bakari amelithibitisha hilo alipotafutwa na Mwananchi Digital leo Jumapili Mei 12, 2024.

"Kunaonekana kuna tatizo la kiufundi kidogo linalohusiana na 'marine cables' kwa hiyo tunajaribu kupata maelezo zaidi," amesema Dk Bakari.

Dk Bakari amesema kwa sasa wanaangalia namna ya kupata taarifa zaidi ili kujua ilipo changamoto ili kuchukua hatua.

Tatizo la mtandao wa intaneti limeanza tangu saa 5 asubuhi.

Saturday, 11 May 2024

HAYA HAPA MAGAZETI YA LEO JUMAPILI MEI 12, 2024

Unknown 23:51:00 NEWS No comments

RAFIKI SDO YAKUTANISHA WATOTO WA BARAZA LA NGOKOLO, WATOA MAAMUZI KUJADILI CHANGAMOTO SHULENI... NGOKOLO SEKONDARI KUNA MWALIMU MMOJA TU WA SAYANSI

Unknown 15:51:00 NEWS No comments

Na Kadama Malunde - Malunde 1 blog

Shirika la Rafiki SDO limekutanisha Watoto wa Baraza la Watoto Kata ya Ngokolo na Watoa Maamuzi Ngazi ya Kata na Halmashauri ya Manispaa ya Shinyanga kwa ajili ya kutengeneza Kadi alama na mpango kazi wa utekelezaji wa Mradi wa Kukuza Asasi za Kiraia (MKUA) ambapo watoto wamewasilisha changamoto mbalimbali wanazokabiliana nazo shuleni.

Kikao hicho kimefanyika leo Jumamosi Mei 11,2024 katika ukumbi wa ofisi ya Shirika la Rafiki SDO uliopo kata Kitangili Manispaa ya Shinyanga ambapo mgeni rasmi alikuwa Naibu Mstahiki Meya wa Manispaa ya Shinyanga Mhe. Zamda Shaban.

Meneja Mradi wa Kukuza Asasi za Kiraia (MKUA) , Maria Maduhu kutoka Shirika la Rafiki SDO amesema lengo la kikao hicho ni kutengeneza kadi alama (Viashiria na changamoto wanazopitia watoto) na kutengeneza mpango kazi wa kutatua changamoto zilizobainika katika shule nne ambazo ni shule ya Msingi Mapinduzi A na B, shule ya msingi Mwadui na Shule ya Sekondari Ngokolo zilizopo katika Manispaa ya Shinyanga.

Ameeleza kuwa kikao hicho ni sehemu ya utekelezaji wa Mradi wa Kukuza Asasi za Kiraia (MKUA) ambapo kwa Rafiki SDO unalenga kuimarisha mabaraza ya watoto ili kutetea haki zao na kujua wajibu wao na kwamba Rafiki SDO itafanya ufuatiliaji wa mpango kazi uliotengenezwa ambapo watoa maamuzi watafanya utekelezaji wa kutatua changamoto zilizojitokeza.

“Rafiki SDO inatekeleza mradi wa MKUA katika Halmashauri ya Manispaa ya Shinyanga, Shinyanga na Manispaa ya Kahama. Huu ni mradi wa miaka mitatu 2022-2024”,ameongeza.

Kikao hicho kimekutanisha Watoto wa baraza la watoto la Ngokolo na Watoa Maamuzi ngazi ya kata ya Ngokolo na Halmashauri ya Manispaa ya Shinyanga.

Miongoni mwa viashiria na changamoto wanazokabiliana nazo watoto shuleni ni pamoja na uhaba wa vifaa vya kusomea na kujifunzia ikiwemo vitabu ambapo wamedai sasa hivi watoto watano wanalazimika kutumia kitabu kimoja hali inayosababisha washindwe kufanya mazoezi ya kazi walizopewa darasani.

Changamoto nyingine ni ukosefu wa umeme, upungufu wa madawati hali inayopunguza utulivu wa wanafunzi darasani lakini pia upungufu wa vyumba vya madarasa, matundu ya vyoo katika shule za msingi na vyoo upande wa shule ya Sekondari Ngokolo upande wa wavulana havitoshi, ukosefu wa chumba maalum cha kujistiri katika shule ya Sekondari Ngokolo.

Kwa upande wa idadi ya walimu watoto hao wamesema hali hairidhishi mfano katika shule ya Sekondari Ngokolo kuna mwalimu mmoja pekee wa Sayansi licha ya kwamba wanafunzi ni wengi ambapo kuna mkondo A hadi H.

Wamezitaja changamoto zingine ni ukosefu wa mambomba ya maji kwenye vyoo, ukosefu wa maktaba, ukosefu wa walimu wa wanafunzi wenye mahitaji maalum, ukosefu wa vifaa vya michezo, elimu ya utengenezaji sodo pamoja na shule kutokuwa na uzio hali inayosababisha mifugo kuingia shuleni na kuharibu mimea.

Akizungumza wakati wa kikao hicho, Naibu Mstahiki Meya wa Manispaa amelishukuru na kulipongeza shirika la Rafiki SDO kwa kutengeneza mabaraza ya watoto na kuwajengea uwezo watoto hali inayosababisha wajiamini na kuweza kutetea haki zao.

Diwani wa Kata ya Ngokolo amesema serikali inaendelea kutatua changamoto za wananchi ikiwemo kujenga miundombinu ya shule yakiwemo madarasa na matundu ya vyoo.

Naibu Mstahiki Meya wa Manispaa ya Shinyanga Mhe. Zamda Shaban akizungumza wakati akifungua kikao cha Watoto wa Baraza la Watoto Kata ya Ngokolo na Watoa Maamuzi Ngazi ya Kata na Halmashauri ya Manispaa ya Shinyanga kilichofanyika leo Jumamosi Mei 11,2024 katika ukumbi wa Ofisi ya Rafiki SDO Kitangili Manispaa ya Shinyanga - Picha na Kadama Malunde - Malunde 1 blog

Diwani wa Kata ya Ngokolo Mhe. Victor Mkwizu akizungumza wakati wa kikao cha Watoto wa Baraza la Watoto Kata ya Ngokolo na Watoa Maamuzi Ngazi ya Kata na Halmashauri ya Manispaa ya Shinyanga

Meneja Mradi wa Kukuza Asasi za Kiraia (MKUA) , Maria Maduhu kutoka Shirika la Rafiki SDO akizungumza wakati wa kikao cha Watoto wa Baraza la Watoto Kata ya Ngokolo na Watoa Maamuzi Ngazi ya Kata na Halmashauri ya Manispaa ya Shinyanga

Wanafunzi wakiwasilisha changamoto wanazokabiliana nazo shuleni wakati wa kikao cha Watoto wa Baraza la Watoto Kata ya Ngokolo na Watoa Maamuzi Ngazi ya Kata na Halmashauri ya Manispaa ya Shinyanga