NEMC YAPIGA KAMBI KANDA YA ZIWA, ELIMU YA MATUMIZI SAHIHI YA ZEBAKI YATOLEWA .

Baraza la Taifa la Hifadhi na Usimamizi wa Mazingira (NEMC) kwa kushirikiana na ofisi ya Mkemia Mkuu wa Serikali pamoja na Ofisi ya Afisa madini Mkazi Mkoa wa Mwanza wametoa elimu ya matumizi sahihi ya zebaki kwa wachimbaji kutoka mgodi wa Chata, Shokeraera, Shilalo na luhala zilizopo Wilaya ya Misungwi Mkoa wa Mwanza.

Akitoa elimu hiyo iliyohusisha matumizi salama ya zebaki kwa wachimbaji, Bw.Musa Kazumila Meneja wa usajili wa kemikali na maabara za kemia, kutoka ofisi ya Mamlaka ya Maabara ya Mkemia Mkuu wa Serikali amesema ni kufuatia mkataba wa Minamata(Minamata convention) unaotaka kutekeleza matakwa yake ambapo moja likiwa la kudhibiti matumizi ya zebaki kwa wachimbaji wadogo.

Amesema katika mradi huu unaofadhiliwa na Bank ya Dunia na kuratibiwa na Baraza la Taifa la Hifadhi na Usimamizi wa Mazingira (NEMC), Mkemia Mkuu amepewa jukumu la kutoa elimu ya usimamizi salama pamoja na matumizi salama ya zebaki kwani ndiye anayesimamia utekelezaji wa Sheria Na.3 ya mwaka 2003 inayohusu usimamizi na udhibiti wa kemikali za viwandani na majumbani ikiwemo zebaki.

Aidha amefafanua kuwa lengo la utoaji wa elimu hii pia ni kuwajengea uwezo wa uelewa kwa wachimbaji na watumiaji wa zebaki ili waweze kutambua jinsi zebaki inavyoingia mwilini, madhara yake namna ya kujikinga.

Naye Bw. Dereki Masako kutoka Mamlaka ya Maabara ya Mkemia Mkuu wa Serikali Dodoma alipozungumza aliainisha maeneo ambapo madhara ya zebaki yanatokea kuwa ni wakati wa usagaji wa mawe na kudondosha matope ili zebaki ikamate na wakati wa uchukuaji wa kusanyiko anapokamua na kitambaa kwani matone hudondoka chini na kusambaa ardhini na hewani na kuleta madhara.

Amesema ni vema wachimbaji wakatumia vifaa Kinga ili kujilinda dhidi ya athari za zebaki na kubainisha madhara yake kuwa ni kuharibu mfumo wa fahamu na kuleta athari ya kushindwa kuhisi, kukakamaa kwa mwili, macho kuharibika na Figo.

Kwa mama wajawazito huathiri ukuaji wa mtoto kwa sumu kupita kwenye kondo la mama, kupoteza nguvu za kiume kwa wanaume, msongo wa mawazo na mwili kuwasha na kupungua.

Naye katibu wa Chama cha wachimbaji wadogo Wilaya ya Misungwi alipozumngumza alikiri kutokuwa na uelewa wa madhara ya zebaki na amedurahishwa na elimu hii kwani wengi wao wamekuwa wakijishughulisha na uchimbaji wa dhahabu bila kuzingatia madhara ya kiafya yanayoweza kutokea.

Read More →

ORYX GAS YAGAWA BURE MAJIKO YA GESI KWA WAHARIRI,WAANDISHI DAR

MKURUGENZI Mkuu wa Kampuni ya Orxy Energies, Benoit Araman, akiwa na wahariri na waandishi wa habari, baada ya kukabidhi majiko na mitungi ya gesi ya kupikia, Kigamboni, Dar es Salaam, jana.

*******************

WAHARIRI na Waandishi wa vyombo vya habari mbalimbali nchini wamepatiwa mitungi 100 ya Kilo 15 yakiwa na majiko yake yenye sahani mbili ikiwa ni sehemu ya mpango wake wa kuhamasisha matumizi ya nishati safi ya kupikia.

Akizungumza leo Aprili 30,2024 wakati wa hafla fupi ya ugawaji wa mitungi hiyo  iliyofanyika Kigamboni Dar es salaam Mkurugenzi Mkuu wa Kampuni hiyo Benoit Araman amesema lengo la kugawa mitungi kwa waandishi ni muendelezo wa kuunga mkono juhudi za za Rais Dk Samia Suluhu Hassan ambaye amedhamiria kuona matumizi ya nishati safi yanapewa kipaumbele.

Ameeleza kuwa Oryx imekuwa na kampeni maalum ya kuhakikisha inaiwezesha jamii kutumia nishati safi,hivyo imekuwa ikigawa mitungi bure kwa makundi mbalimbali katika jamii na leo wamewafikia Wahariri na waandishi wa vyombo mbalimbali vya habari.

"Tunafahamu kuwa waandishi wa habari  wanamchango mkubwa wa kuleta mabadiliko chanya, wanafanya kazi kubwa ya kuuhabarisha umma Hivyo kwa kutambua mchango wao hivyo Oryx tumeona ni busara pia kugawa mitungi kwa wadau hawa muhimu ambao wahariri na waandishi wa habari.

"Oryx Gas tukio hili tumelipa uzito mkubwa na hii inatokana na umuhimu wenu katika jamii yetu.Kwetu  vyombo vya habari vimekuwa daraja na kiunganishi kikubwa cha kufikisha taarifa zinazohusiana na nishati safi ya kupikia na hasa inayotokana na gesi ya oryx kwa jamii,"amesema Araman.

Amefafanua Rais Dkt.Samia Suluhu Hassan ameeleza dhamira yake kubwa  ni kuona ifikapo mwaka 2032 asilimia 80 ya Watanzania iwe inatumia nishati safi ya kupikia, Oryx Gas wamedhamiria kwa vitendo kufanikisha ndoto ya Rais 

"Tumekuwa tukigawa mitungi ya gesi na majiko yake bure kwa makundi mbalimbali yakiwemo ya baba na Mama Lishe,watumishi wa sekta ya afya na wajasiriamali.Tunayofuraha leo kukutana nanyi wahariri na waandishi wa habari katika tukio hilo la kuwakabidhi mtungi wa gesi wenye kilo 15 ukiwa na plate zake mbili

Aidha amesema kama ambavyo wamekuwa wakiahidi siku zote wataendelea na kampeni hiyo kadri ya uwezo wao lengo ni kuona wanafikiwa wananchi wengi zaidi 

"Oryx Ges Tanzania mpaka sasa tumeshatoa mitungi ya gesi zaidi ya 33,000 maeneo mbalimbali nchini na kiasi cha Sh  bilioni 1.5 kimeshatumika,"amesema na kuongeza wanakabidhi mitungi hiyo kwa Wahariri na waandishi wakiamini  ni kundi lenye ushawishi mkubwa hivyo watahamasisha na kuwa mabalozi kwa jamii.

MKURUGENZI Mkuu wa Kampuni ya Orxy Energies, Benoit Araman, akikabidhi jiko na mtungi wa gesi kwa mwandishi wa habari wa Michuzi Media, Chalila Kibuda, katika hafla kukabidhi vifaa hivyo kwa wahariri na waandishi wa habari, Kigamboni, Dar es Salaam, jana.

MKURUGENZI Mkuu wa Kampuni ya Orxy Energies, Benoit Araman, akikabidhi jiko na mtungi wa gesi kwa Mkurugenzi wa D M News, David John, katika hafla kukabidhi vifaa hivyo kwa wahariri na waandishi wa habari, Kigamboni, Dar es Salaam, jana.

MKURUGENZI Mkuu wa Kampuni ya Orxy Energies, Benoit Araman, akizungumza na wahariri na waandishi wa habari, kabla ya kukabidhi majiko na mitungi wa gesi ya kupikia, Kigamboni, Dar es Salaam, jana.

Meneja wa Masoko wa Oryx Energies Peter Ndomba akitoa elimu juu ya namna bora ya kutumia gesi safi ya kupikia ya Oryx. Leo jijini Dar es Salaam.

MKURUGENZI Mkuu wa Kampuni ya Orxy Energies, Benoit Araman, akikabidhi Mpigapicha Mwandamizi, Suleiman Mpochi, jiko na mtungi wa gesi ya kupikia katika hafla ya kukabidhi vifaa hivyo kwa wahariri na waandishi wa habari, Kigamboni, Dar es Salaam, jana.

Wahariri na waandishi wa habari wa vyombo mbalimbali wakiwa kwenye hafla ya kukabidhiwa mitungi 100 ya kupikia ya Oryx gas ya kilo 15 Kigamboni, Dar es Salaam, jana.

 

Sehemu ya mitungi ya gesi na majiko yaliyotolewa kwa wahariri na waandishi wa habari kutoka Oryx Energies Tanzania.

Read More →

WATETEZI KABILIANENI NA MBINU CHAFU ZA UKIUKWAJI WA HAKI ZA BINADAMU - OLENGURUMWA

Mratibu wa kitaifa wa Shirika la watetezi wa haki za binadamu Onesmo Olengurumwa akifungua mafunzo hayo

Na Christina Cosmas, Morogoro

WATETEZI wa haki za binadamu wamesisitizwa kuhakikisha wanapata elimu za mara kwa mara ili kukabiliana na changamoto za mbinu chafu za mikakati ya ukiukwaji wa haki za binadamu ikiwemo wizi wa kimtandao.

Mratibu wa kitaifa wa kutoka shirika la watetezi wa haki za binadamu (THRDC) Onesmo Olengurumwa amesema hayo wakati wakitoa mafunzo ya watetezi wa haki za binadamu kutoka maeneo ya nje ya miji kwenye kanda tatu nchini kupitia mtandao wa haki za binadamu.

“Zipo mbinu mpya mbalimbali ambazo wahalifu wanazitumia kwa njia ya mtandao za kukiuka haki za binadamu, mtetezi nae lazima afahamu ni namna gani anaweza kushughulikia na kufuatilia ukiukwaji wa haki za binadamu unaofanyika ili kuendana na kazi ya mhalifu au mkiukaji wa haki za binadamu anayokwenda nayo” anasema Olengurumwa.

Aidha anasema watoto wamekuwa wakibakwa na watu mbalimbali wakiwemo watu wao wa karibu au viongozi wa dini kwa njia na mbinu mbalimbali ikiwemo kuwalaghai kwa kuwanunulia zawadi na mengine ambayo mtetezi wa haki za binadamu akijua itamsaidia kufuatilia masuala hayo ya ukiukwaji na kuweza kuwa mtetezi mzuri.

Naye Mwanasheria kutoka kituo cha wasaidizi wa kisheria Morogoro (MPLC) Rachel Siwiti alisema wakiwa watetezi wa haki za binadamu kwa wanawake na Watoto tayari wameshafikia asilimia 70 ya kutoa elimu kwa jamii licha ya kwamba bado haina mwamko wa kupokea elimu na kuondoa changamoto hizo.

Siwiti aliishukuru THRDC kwa kuendelea kuwapa mafunzo yatakayowaimarisha kukabiliana na changamoto mbalimbali ikiwemo wanawake kuonewa kwa kutopata haki zao kama vile mirathi na mkoa kuwa na ndoa nyingi za utotoni.

Read More →

HAYA HAPA MAGAZETI YA LEO JUMANNE APRILI 30,2024

Magazeti

Read More →

UWEKEZAJI KWENYE MIUNDOMBINU YA UHIFADHI WA MAZAO UNAENDELEA

Wizara ya Kilimo imeendelea na mikakati kabambe ya uwekezaji kwenye miundombinu ya uhifadhi wa mazao ili kuhakikisha nafaka na mazao mbalimbali yanakidhi vigezo vya ubora katika soko na yanakidhi vigezo vya ubora vya Kimataifa.

Uimarishaji wa miundombinu hii inasaidia kuhakikishia nchi Usalama wa Chakula na kudhibiti magonjwa kama Sumukuvu kwani miundombinu hii huwezesha nafaka kuhifadhiwa kwa muda mrefu bila kuathiri ubora wake.

Pia uwekezaji wa miundombinu ya uhifadhi husaidia kulinda ubora wa nafaka ili kumsaidia mkulima kupata bei nzuri na yenye ushindani katika masoko ya ndani na nje ya nchi

Read More →

TRA YAHAMASISHA WAENDESHA BODABODA KULIPA KODI

Na Mbuke Shilagi Bukoba

Mamlaka ya Mapato Tanzania TRA imewataka wafanyabiashara wa bodaboda kulipa kodi kwa mwaka Tsh. 65,000/= ambapo kodi ya TRA inalipwa kwa awamu nne sawa na Tsh. 16200/= kwa miezi mitatu.

Akizungumza katika kikao cha mafunzo ya elimu ya kodi na waandishi wa habari Aprili 25,2024 katika ukumbi wa mkutano wa ofisi ya meneja TRA Manispaa ya Bukoba Mkoani Kagera Meneja wa TRA Mkoa wa Kagera Bw. Castro Johm amesema kuwa kupitia mabadiliko ya sheria ya mwezi Julai 2023 wafanyabiashara wote wa bodaboda wanatakiwa kulipa kodi.

Aidha,  John amesema kuwa wafanyabiashara wote wa bodaboda ambao hawajafanyiwa makadirio waende ofisi za TRA kufanyiwa makadilio na kwamba kutolipa kodi ni kinyume na sheria na kuna penalti ambayo inaweza kuwakumba na kwamba ambaye atakuwa anahitaji ufafanuzi au ana mkwamo wowote afike ili kutatuliwa changamoto yake.

 Kodi yoyote unapolipa mapato unapata stika ya mapato ambayo unaenda kubandika kwenye chombo chako kulingana na umelipa ya mwaka  au miezi mitatu unapata kulingana na stika na kunasitika zinazotofautisha kama umelipa au hujalipa'', amesema.

Sambamba na hayo Bw. John ametoa wito kwa watu wote walio uza au kuuziwa chombo cha moto kufika ofisini ili kubadilisha jina na kwamba utaratibu ni rahisi ambapo ataenda na mkataba pamoja na EFD LIST ili kubadilisha uhamisho wa chombo hicho.

Kama mnavyojua kutobadilisha umiliki kunamadhara mengi kwamfano kumekuwa na kesi chombo cha moto kinatumika kwenye matukio ya uhalifu mfano chombo cha moto kinajina la Castro pengine itajulikana wewe umefanya uhalifu  lakini unakuta uliuza muda mrefu kwahiyo kubadilisha jina mbali na kuwa na uhalali nacho ila pia inakuepusha na mambo kama hayo'', amesema Bw. John

Read More →