Sunday, 28 April 2024
KAMPENI YA USALAMA BARABARANI YA AMEND YAWAFIKIA WAENDESHA BODABODA HALE WILAYA YA KOROGWE
Na Oscar Assenga,KOROGWE.
KAMPENI ya Usalama barabara inayotolewa na Jeshi la Polisi kwa kushirikiana an Shirika la Amend Tanzania kupitia Ubalozi wa Uswis nchini umewafikia waendesha pikipiki maarufu kama bodaboda eneo la Hale wilaya ya Korogwe huku ikieleza zaidi ya waendsha Bodaboda kati ya 5 mpaka 10 wanapoteza maisha kwa siku katika Mkoa wa Tanga.
Huku ikibainishwa kwamba wengine wakipata ulemavu kutokana na ajali za barabarani na kubwa ambalo limekuwa likichangia wa na kutokuzingatia sheria za usalama wanapokuwa wakiendesha vyombo vya moto pamoja na kuendesha mwendokasi.
Hayo yalisemwa na Kaimu Mkuu wa Kikosi cha Usalama Barabarani Mkoa wa Tanga (RTO) Hamis Mbilikila wakati wa utoaji wa elimu katika kampeni ya usalama barabarani iliyokuwa ikitolewa na Jeshi la Polisi kwa kushirikiana na Shirika la Amend kupitia ufadhili wa Ubalozi wa Uswis Tanzania iliyofanyika Hale wilayani Korogwe .
Hali hiyo inachangia kwa asilimia kubwa kupelekea kupoteza nguvu kazi kubwa ya vijana kutokana na asilimia kubwa kujiajiri kupitia sekta hiyo bila kuwa na elimu ya sheria za usalama barabarani wakati wakitekeleza majukumu yao ya kila siku.
Alisema ajali hiyo zinatokana na asilimia kubwa kutokuzingatia sheria za usalama barabarani hivyo uwepo wa mafunzo hayo ambayo yanatolewa na Shirika hilo kwa mkoa huo utasaidia kwa kiasi kikubwa kupunguza ajali zinazotokana na madereva hao wa pikipiki maarufu kama bodaboda.
Aidha alisema kwamba mafunzo hayo wanaamini yatakuwa na tija ka madereva hao ambao huku akiwataka pia kuacha kujichukulia sheria mkononi pindi ajali zinazopotekea kweye maeneo yao badala yake watoe taarifa kwenye mamlaka husika.
“Ndugu zangu bodabda ajali zinapotkea msijichukulie sheria mkonono mtoe taarifa mkoa wa Tanga ni wa kimkakati tumeona mambo mengi yanafanyika kuna bomba la mafuta kuna wageni wengi Bandari yetu imefunguka kuna njia inaunganisha nchi jirani na Kenya na hapa hale ni barabara kuu kuna watu wengi wanapita hivyo ni lazima tufuate sheria za usalama barabara”Alisema
Aidha aliwataka waendesha pikipiki maarufu kama bodaboda kuacha kujichukulia sheria za usalama barabarani kutokana na kwamba hawawezi kujua watakumbana na jambo gani lakini pia madhara ya ajali ni kupoteza maisha na vifo .
“Vijana wengi wanapoteza maisha kupitia vyombo hivyo pikipiki zimekuja kutusaidia na asilimia kubwa kwenye vijiji pikipiki ni muhimu hivyo kutokana na adhari hivyo Jeshi la Polisi kwa kushirikiana na Shirika la Amend kwa ufadhili wa Ubalozi wa Uswis wameona wawape mafunzo hayo ili tuweze kujua sheria za usalama barabarani”Alisema
Awali akizungumza katika mafunzo hayo Afisa Miradi kutoka Shirika la Amend Tanzania Scolastica Mbilinyi alisema lengo lao ni kupeleka mafunzo kwenye maeneo mbalimbali ili kuwafikia watu wengi sana kwenye kampeni ya usalama barabarani na sasa wanayafikia maeneo ya pembezoni ambao ni mpango kazi wa dunia kupunguza ajali angalau kwa asilimia 50 ifikapo mwaka 2030.
“Tulianza wilaya ya Tanga na baadae Mkanyageni wilaya ya Muheza walianza leo tupo Hale wilaya ya Korogwe na tumepanga kupeleka elimu hii kwenye maeneo mengi kwa sababu wengi hawana elimu ya usalama barabarani na itasaidia kuokoa maisha ya watu wengi zaidi baada ya kupata elimu hii”Alisema
Afisa Mradi huyo aliwataka bodaboda wafuata sheria za usalama barabarani ikiwemo wahakikishe wanatembea spidi inayotakiwa na sehemu kwenye matuta waweze kupunguza mwendo ikiwemo kuhakikisha pikipiki walizokuwa nazo zimekamilika kwa sabababu itawasaidia kupunguza ajali kwa asilimia kubwa .
“Lakini sisi tunatoa elimu ya usalama barabarani kwa shule za Sekondari,Msingi na kwenye Jamii pamoja na madereva wa pikipikimaarufu kama bodabda na tumekua tukishirikiana na Jeshi la Polisi na mafunzo hayo yanaratibiwa na Jeshi hilo”Alisema
Naye kwa upande wake Mratibu wa Shirika la Amend Tanzania Ramadhani Nyanza –aliwashukuru kwa bodaboda kwa mwitiko mzuri wao waliojitokeza kwa wingi huku akieleza mikakati yao baada ya kutoka Hale watakwenda Korogwe,Mombo, Segera, Handeni na Kilindi kwani hilo ni kundi kubwa lipo kwenye hatari kwa ajali ni bodaboda.
“Barabara zetu mnaziona kila siku mnaingia barabarani hakuna njia za waendesha pikipiki ni hiyo hiyo moja kisheria kama kuna sehemu wanatembea 50 nao wanatembea hivyo hivyo wanapiga honi muwapishe kwa hiyo mkijiweka kwenye hali ya kudharaulika na watu wanawafanya hivyo wao mnapoamua kuwatoa huko ni kampeni ya usalama barabarani hao wakiwa salama askari watakuwa salama na abiria wao”Alisema
Akizungumza na mmoja wa washiriki wa mafunzo hayo Isa Juma ambaye ni bodaboda kituo cha Hale alisema wanashukuru wamepata elimu hiyo nzuri na kuna mambo mengi wamejifunza ambayo watayatumia ili kuondokana na ajali za barabarani.
Alisema pia mafunzo hayo yamewapa mwanga wa kuona namna nzuri ya kutumia sheria za usalama barabarani kwani kuna vitu vingi walikuwa hawavijui na wameelezwa hivyo vitakuwa chachu kwao kuepukana na ajali .
WASABATO WAHITIMISHA SEMINA MAALUMU YA MAFUNDISHO YA AFYA,BIASHARA,KAYA NA FAMILIA
KANISA la Waadventista Wasabato ukanda wa dhahabu Nyanza Gold Belt Field (NGBF),wamehitimisha Semina Maalumu ya Mafundisho ya Afya, Biashara, Kaya na Familia iliyowakutanisha watu mbalimbali mkoani Shinyanga.
Mafundisho hayo yalianza kutolewa Aprili 21 mwaka huu na kuhitimishwa leo, ambayo yalifunguliwa na Mkuu wa Mkoa wa Shinyanga Anamringi Macha.
Akizungumza wakati wa kufunga Mafundisho hayo Askofu wa Jimbo ukanda wa dhahabu (NGBF) Kanisa la Waadventista Wasabato Enock Sando, amesema Kanisa linawajibu wa katika jamii,kugusa jamii na kuiongezea thamani na ndiyo maana limeendesha Semina hiyo.
“Kanisa la Wasabato tusijifungie ndani bali tutoke na kuongeza thamani jamii kupitia mafundisho mbalimbali, na katika Semina hii ambayo tumeindesha itakuwa imewabadilisha watu kwa namna moja ama nyingine, na hawezi kutoka hivi hivi bali kunakitu ambacho wamekipata,”amesema Askofu Sando.
Aidha, katika Semina hiyo baada ya Watalaamu wa Afya ambao wametoa mafundisho alikuwapo Mganga Mfawidhi wa Hospitali ya Rufaa Mkoa wa Shinyanga Dk.Luzila John,Asnathi,Maufi na Madanka, ambapo Somo la Biashara lilitolewa na Mwenyekiti wa Wafanyabiashara Mkoa wa Shinyanga (TCCIA) Jonathani Manyama, huku Somo la Kaya na Familia likitolewa na Mchungaji Mstaafu Wilbert Nfumbusa.
TAZAMA PICHA HAPA CHINI👇👇
Askofu wa Jimbo ukanda wa dhahabu (NGBF) Kanisa la Waadventista Wasabato Enock Sando akizungumza wakati wa kuhitimisha Semina hiyo.
Askofu wa Jimbo ukanda wa dhahabu (NGBF) Kanisa la Waadventista Wasabato Enock Sando akizungumza wakati wa kuhitimisha Semina hiyo.
Mchungaji Mstaafu Wilbert Nfumbusa akitoa Somo la Kaya na Familia kwenye uhitimishaji wa Semina hiyo.
Kamati ya Maandalizi ya Semina hiyo ikimuagua Mchungaji Mstaafu Wilbert Nfumbusa na kumpatia zawadi ya pesa.
Mganga Mfawidhi wa Hospitali ya Rufaa Mkoa wa Shinyanga Dk. John Luzila akiwa kwenye Semina hiyo.
Washiriki wakiwa kwenye Semina kabla ya kuhitimishwa.
Kamati ya Maandalizi ya Semina hiyo.
Semina ikiendelea kabla ya kuhitimishwa.
Washiriki wakiendelea na Semina.
Washiriki wakiendelea na Semina.
Washiriki wakiendelea na Semina.
Washiriki wakiendelea na Semina.
Washiriki wakiendelea na Semina.
Washiriki wakiendelea na Semina.
Washiriki wakiendelea na Semina.
Washiriki wakiendelea na Semina.
Washiriki wakiendelea na Semina.
Kwaya ya Maranatha kutoka Kanisa la Wasabato Lubaga ikiimba kwenye Semina hiyo.
Kwaya ya Maranatha kutoka Kanisa la Wasabato Lubaga ikiimba kwenye Semina hiyo.
Saturday, 27 April 2024
