TCDC YAWAKARIBISHA WADAU SEKTA YA USHIRIKA KUJADILI NA KUWEKA MKAKATI WA KUIMARISHA SEKTA YA USHIRIKA NCHINI

 

Tume ya Maendeleo ya Ushirika (TCDC) kwa kushirikiana na Shirikisho la Vyama vya Ushirika Tanzania (TFC) wameandaa mkutano maalum wa wadau wa sekta ya ushirika unaotarajiwa kufanyika Februari 27, 2023, katika ukumbi wa mikutano wa Makao Makuu ya Benki ya CRDB.

Taarifa hiyo imetolewa na Mwenyekiti wa Tume ya Maendeleo ya Ushirika (TCDC), Abdumajid Nsekela katika mkutano na waandishi wahabari uliofanyika Makao Makuu ya Benki ya CRDB, na kuhudhuriwa na viongozi mbalimbali wa TCDC, TFC, pamoja na wadau wengine wa sekta ya ushirika.

Nsekela amesema mkutano huo unalenga kuwaleta pamoja wadau wa sekta ya ushirika ili kujadili maendeleo ya ushirika na kuweka mkakati wa kuimarisha sekta ya ushirika nchini. Nsekela alitoa rai kwa wadau wote wa sekta ya ushirika kuitikia wito wa kushiriki mkutano huo kwani mawazo yao ni muhimu katika kuboresha mfumo wa ushirika.

“TCDC imedhamiria kuuboresha mfumo wa ushirika kuwa wa kibiashara na wa kisasa zaidi ili kuongeza ushiriki wa wananchi katika sekta mbalimbali, na kuongeza mchango wa sekta hii katika kupambana na umasikini, pamoja na kukuza uchumi wa nchi,” alibainisha Nsekela.

Aliongezea kuwa Kamisheni inaweka nguvu katika uanzishwaji wa mfumo wa kidijitali kuongeza ufanisi kwa Vyama vya Ushirika, kuimarisha Taasisi zinazohusika na usimamizi, kutoa elimu juu ya dhana ya ushirika ili kuongeza ushiriki wa sekta mbalimbali zaidi ya kilimo, na kuharakisha mchakato wa uanzishwaji wa Benki ya Taifa ya Ushirika.

“…pamoja na hayo katika mkutano huu tutakwenda pia kujadili Mifumo ya Masoko; usimamizi na matumizi ya mali za vyama, vyama kujiendesha kibiashara, mitaji kwenye vyama vya ushirika; Taswira ya Ushirika kwenye jamii. Maazimio yatakayofikiwa kupitia Mkutano huo yatapaswa kutekelezwa ipasavyo na kila mdau,” alisisitiza.

Nsekela ambaye amechaguliwa kuwa Mwenyekiti wa TCDC miezi michache iliyopita ameishukuru Serikali ya Awamu ya Sita chini Mhe. Rais Dkt. Samia Saluhu Hassan kwa miongozo na jitihada kubwa zinazofanyikwa kuimarisha ushirika, na kuahidi kushirikiana kwa karibu na Wizara ya Kilimo katika kufanikisha malengo waliyojiwekea.

Kwa upande wake Mrajis wa Vyama vya Ushirika na Mkurugenzi Mtendaji wa TCDC, Dkt. Benson Ndiege alisema katika miaka ya hivi karibuni kumekuwa na uboreshaji mkubwa wa sekta ya ushirika ambapo kumepelekea kuongezeka kwa wigo wa ushirika kwenye sekta mbalimbali, kuongezeka kwa mitaji katika vyama, na kuimarika kwa ukusanyaji wa mapato ya Serikali hususan kwatika sekta ya kilimo ambapo tozo za mazao 12 zinakusanywa kupitia ushirika.

Kwa mwaka 2021/2022 Serikali ilipokea jumla ya Shilingi 15,144,077,319.16 zikiwa ni fedha za ushuru unaotokana na zao la korosho uliolipwa na vyama vya TANECU, MAMCU, RUNALI, LINDI MWAMBAO, TAMCU na CORECU. Vilevile, jumla ya Shilingi 1,041,957,051.00 zimepokelewa na Mamlaka za Serikali za Mitaa kama ushuru kutoka katika Vyama vya Ushirika vya KDCU na KCU kupitia zao la kahawa.

“Katika kipindi cha mwaka 2015 hadi 2022 tumeshuhudia wananchama wa ushirika wakiongezeka kutoka milioni 2.4 hadi milioni 7, lakini pia kumekuwa na uwezeshaji mkubwa wa masoko kupitia mfumo wa ushirika, bila kusahau ongezeko la viwanda vya ushirika ambavyo vimekuwa vikisaidia kuongeza thamani kwa upande wa mazao,” aliongezea.

Dkt. Ndiege alisema pamoja na mafanikio hayo bado kazi kubwa inahitajika kufanyika ili kuufanya ushirika kuwa na tija zaidi katika maendeleo ya wananchi mmoja mmoja na Taifa kwa ujumla. Hivyo basi, aliwataka wadau wote wanaohusika na sekta ya ushrika kuhudhuria mkutano huo utakaofanyika Februari 27, 2023.

Baadhi ya wadau wanaotarajiwa kushiriki mkutano huo ni pamoja na Vyama Vikuu vya Ushirika, Shirika la Ukaguzi na Usimamizi wa Vyama vya Ushirika (COASCO), na Chuo Kikuu cha Ushirika Moshi (MoCU).

Read More →

RAIS SAMIA AFANYA UTEUZI MUDA HUU

Read More →

RC NAWANDA AONGOZA KIKAO CHA RCC, AKASILISHWA WANAFUNZI 2344 WA KIDATO CHA KWANZA AMBAO BADO HAWAJARIPOTI SHULE

Kaimu Mkuu wa Mkoa wa Shinyanga Dk. Yahaya Nawanda akiongoza kikao cha RCC.

Na Marco Maduhu, SHINYANGA

KAIMU Mkuu wa Mkoa wa Shinyanga Dk. Yahaya Nawanda, ameongoza kikao cha kamati ya ushauri ya mkoa (RCC) na kueleza kutoridhishwa na hatua ambayo inaendelea ya kuripoti shule kwa wanafunzi ambao wamechaguliwa kujiunga na kidato cha kwanza.

Kikao hicho kimefanyika leo Februari 14, 2023 katika ukumbi wa mikutano wa Ofisi ya Mkuu wa Mkoa wa Shinyanga na kuhudhuliwa na viongozi mbalimbali wa Serikali, Chama na Wabunge.

Nawanda ambaye ni Mkuu wa Mkoa wa Simiyu, amesema bado hajaridhishwa na kasi ya wanafunzi kuripoti shule ambao wamechaguliwa kujiunga na kidato cha kwanza mwaka huu, na kuwaagiza Wakuu wa wilaya, Wakurugenzi, Maofisa elimu na watendaji wote wa Serikali hadi kufikia Jumatano ijayo wanafunzi 2344 ambao hado wajaripoti shule, wote wawe shuleni.

“Kikao kilichopita nilikuta asilimia 60 tu ya wanafunzi ambao wameripoti shule kuanza kidato cha kwanza ni katoa maagizo sasa imefikia asilimia 93 bado asilimia 7 hivyo hadi kufikia wiki ijayo nataka nipate taarifa hakuna mwanafunzi ambaye hajaripoti shule awe na sare asiwe na sare wote wawe shuleni,”amesema Dk. Nawanda.

“Kama zoezi hili limewashinda Wakuu wangu wa wilaya niambieni niingie mwenyewe mitaani kusaka watoto wote ambao bado hawajaripoti shule, lakini najua hili haliwezi kuwashinda na imani hadi kufikia wiki ijayo nitapewa taarifa wanafunzi wote 2344 ambao walisalia kuripoti shule watakuwa shuleni,”ameongeza.

Akizungumzia suala la kilimo amewataka viongozi kuhimiza wananchi kuhifadhi chakula ambacho watafanikiwa kuvuna, pamoja na Maofisa Ugani kutoa elimu kwa wakulima kuzitumia mvua chache ambazo bado zipo kwa kulima mazao yanayostahimili ukame.

Amegusia pia suala la kampeni ya upandaji miti na kutoa wito kwa wananchi waendelee kupanda miti kwa wingi ili kuifanya Shinyanga iwe ya kijani pamoja na kukabiliana na mabadiliko ya tabia nchi.

Aidha, Nawanda katika kikao hicho amewataka pia viongozi wa we wabunifu katika utendaji wao kazi, pamoja na kuwa na utamaduni wa kusikiliza na kutatua kero mbalimbali za wananchi ikiwamo na Migogoro ya Ardhi.

Pia amemuahidi Rais Samia pamoja na Mwenyekiti wa Chama Cha Mapinduzi (CCM) Mkoa wa Shinyanga Mabala Mlolwa, kuwa ataendelea kuzisimamia vizuri fedha za miradi za maendeleo ambao zimekuwa zikitolewa na Rais na kutekeleza madhumuni yaliyokusudiwa na kujengwa kwa kiwango kikubwa.

Naye Mwenyekiti wa CCM Mkoa wa Shinyanga Mabala Mlolwa, Awali akizungumza kwenye kikao hicho, amempongeza Rais Samia kwa kutoa fedha nyingi mkoani humo na kutekelezwa miradi mbalimbali ya maendeleo, huku akiwataka viongozi kuwa fedha ambazo zinaendelea kuletwa wazisimamie vizuri na siyo kuzichezea.

Kwa upande wake Mbunge wa Jimbo la Shinyanga Mjini Patrobas Katambi ambaye pia ni Naibu Waziri Ofisi ya Waziri Mkuu Kazi, Vijana, Ajira na watu wenye ulemavu akizungumza kwenye kikao hicho amepongeza mapinduzi makubwa ya maendeleo ambayo yamefanywa na Rais Samia katika Mkoa wa Shinyanga.

Katika kikao hicho zimewasilishwa taarifa mbalimbali pamoja na kujadiliwa zikiwamo Sekta ya Elimu, Afya, Maji, Kilimo, Umeme , Madini na Taarifa ya Benki kuu na Sensa.

Kaimu Mkuu wa Mkoa wa Shinyanga Dk. Yahaya Nawanda akizungumza kwenye kikao cha RCC.

Mwenyekiti wa CCM Mkoa wa Shinyanga Mabala Mlolwa akizungumza kwenye kikao cha RCC.

Mbunge wa Jimbo la Shinyanga Mjini Patrobas Katambi ambaye pia ni Naibu Waziri Ofisi ya Waziri Mkuu Kazi, Vijana, Ajira na watu wenye ulemavu, akizungumza kwenye kikao cha RCC.

Mkuu wa wilaya ya Shinyanga Johari Samizi akizungumza kwenye kikao cha RCC.

Katibu Tawala wa Mkoa wa Shinyanga Prof Siza Tumbo akizungumza kwenye kikao cha RCC.

Wabunge wa Shinyanga wakiwa kwenye kikao cha RCC.

Mbunge wa Jimbo la Shinyanga Mjini Patrobas Katambi ambaye pia ni Naibu Waziri Ofisi ya Waziri Mkuu Kazi, Vijana, Ajira na watu wenye ulemavu akiwa kwenye kikao cha RCC.

Wajumbe wakiwa kwenye kikao cha RCC Mkoa wa Shinyanga.

Wajumbe wakiwa kwenye kikao cha RCC Mkoa wa Shinyanga.

Wajumbe wakiwa kwenye kikao cha RCC Mkoa wa Shinyanga.

Wajumbe wakiwa kwenye kikao cha RCC Mkoa wa Shinyanga.

Wajumbe wakiwa kwenye kikao cha RCC Mkoa wa Shinyanga.

Wajumbe wakiwa kwenye kikao cha RCC Mkoa wa Shinyanga.

Kikao cha RCC kikiendelea.

Wajumbe wakiwa kwenye kikao cha RCC Mkoa wa Shinyanga.

Wajumbe wakiwa kwenye kikao cha RCC Mkoa wa Shinyanga.

Kikao cha RRC kikiendelea.

Mbunge wa Vitimaalum Christina Mzava akiwa kwenye kikao cha RCC.

Wajumbe wakiwa kwenye kikao cha RCC Mkoa wa Shinyanga.

Wajumbe wakiwa kwenye kikao cha RCC Mkoa wa Shinyanga.

Wajumbe wakiwa kwenye kikao cha RCC Mkoa wa Shinyanga.

Wajumbe wakiwa kwenye kikao cha RCC Mkoa wa Shinyanga.
Wajumbe wakiwa kwenye kikao cha RCC Mkoa wa Shinyanga.

Kikao cha RCC kikiendelea.

Wajumbe wakiwa kwenye kikao cha RCC Mkoa wa Shinyanga.

Kikao cha RCC kikiendelea.

Wajumbe wakiwa kwenye kikao cha RCC Mkoa wa Shinyanga.

Wajumbe wakiwa kwenye kikao cha RCC Mkoa wa Shinyanga.

Read More →

HIVI NDIYO VITABU 16 VILIVYOFUTWA VISITUMIKE SHULENI

SERIKALI imepiga marufuku vitabu 16 kutumika mashuleni kutokana na vitabu hivyo kukinzana na mila, desturi na tamaduni za kitanzania .

Aidha imesema, kwa shule ambayo itabainika kuendelea kutumia vitabu hivyo mara baada ya katazo la Serikali itachukuliwa hatua mbalimbali za kinidhamu na kisheria ikiwemo kufutiwa usajili wake.

Akizungumza na waandishi wa habari kuhusu kufutwa kwa vitabu hivyo, Waziri wa Elimu, Sayansi na Teknolojia, Prof. Adolf Mkenda amesema uwepo wa vitabu hivyo pia unahatarisha malezi bora ya watoto.

Waziri wa Elimu, Sayansi na Teknolojia, Prof. Adolf Mkenda.

Amevitaja vitabu vilivyopigwa marufuku kutumika mashuleni kuwa ni pamoja na Diary of Wimpy Kid, Dairy of Wimpy Kid-Rodrick Rules, Diary of Wimpy Kid- The last Straw, Diary ofi Wimpy Kid –The Ugly Truth na Diary of Wimpy Kid-Cabn Fever.

Vitabu vingine ni Diary of Wimpy Kid –The Third Wheel, Diary of Wimpy Kid –Hard Luck, Diary of Wimpy Kid-The long Haul, Diary of Wimpy Kid –Old School, Diary of Wimpy Kid-Double Down na Diary of Wimpy Kid-The Gateway.

Kwa mujibu wa Profesa Mkenda, pia vitabu vya Diary of Wimpy Kid-Diper Overlode Is for TANSGENDER (you know best who you are), Is for LGBTQIA (find the word that make you na Sex Education a guid to life, vyote havifai na vimepigwa marufuku.

“Hii ni orodha ya kwanza ,baada ya ukaguzi na kuhakikiwa kwamba vitabu hivi vinakiuka maudhui ya malezi mema ya mtanzania,ukaguzi unaendelea ,tunahimiza wazazi ,walimu ,wanafunzi na jamii kwa ujumla kwa ambaye atagundua kitabu kingine chochote kinachokiuka maudhui apige simu kwenye namba 0262160270 au 0737962965, ”amesema Profesa Mkenda.

Waziri huyo, pia ametumia nafsi hiyo kuwahimiza wazazi kukagua mabegi ya watoto mara kwa mara, ili kuhakikisha hawatumii vitabu hivyo.

Read More →

RAIS SAMIA ATANGAZA KUNUNUA KILA BAO LA SIMBA, YANGA

Na Mwandishi Wetu, Michuzi TV

Rais wa Jamhuri ya Muungano wa Tanzania, Dkt. Samia Suluhu Hassan ametoa ahadi ya kununua kila goli kwa Tsh. Milioni 5/- wakati timu za Simba na Yanga zikicheza michezo yao Kimataifa dhidi ya timu kutoka nje ya nchi, wikiendi hii.

Akizungumza na Wahariri wa Vyombo vya Habari jijini Dar es Salaam, Msemaji Mkuu wa Serikali, Gerson Msigwa amesema kuwa, Dkt. Samia anatambua umuhimu wa michezo nchini, hivyo ametoa ahadi hiyo kuzipa hamasa timu hizo mbili za Simba SC ambao wanashiriki Michuano ya Ligi ya Mabingwa Afrika na Yanga SC ambao wanacheza Kombe la Shirikisho barani Afrika.

“Rais wetu anatambua umuhimu wa michezo nchini, hivyo ametoa hamasa hiyo wakati timu zetu zikicheza Michuano hiyo ya Kimataifa wikiendi hii (Jumamosi na Jumapili), sasa ni kazi kwa Wachezaji wa Simba na Yanga kufunga mabao ya mengi ili kuweiweka Tanzania katika nafasi nzuri katika mashindano hayo”, amesema Msigwa.

“Wachezaji wa Yanga na Simba sitaki kutaja majina hapa kazi kwenu, ukifunga mabao 10 una Milioni 50, ukifunga mabao 20 una Milioni 100, ukifinga mabao mawili una Milioni 10, lakini lengo la Mhe. Rais ni kuhakikisha timu zetu zinashinda kwenye mashindano hayo yanayowakilishwa na timu za mataifa mbalimbali barani Afrika”, ameeleza Msigwa.

Aidha, Msigwa amesema, Dkt. Samia anatambua umuhimu wa michezo nchini Tanzania katika kuitangaza nchi sanjari na kuimairisha tasnia ya burudani kwa kutoa mikopo kwa Wasanii mbalimbali ili kuwapa nafasi Wasanii hao kuendelea kazi zao za sanaa kwa maendeleo ya taifa.

Simba na Yanga zitakuwa kibaruani wikiendi hii kupeperusha bendera ya taifa la Tanzania katika mashindano ya Kimataifa, Simba SC watacheza na Raja AC, Februari 18, 2023 wakati Yanga SC wakicheza Kombe la Shirikisho dhidi ya TP Mazembe, Februari 19, 2023.

Chanzo - Michuzi Blog

Read More →

HAYA HAPA MAGAZETI YA LEO JUMANNE FEBRUARI 14,22023

 

Read More →

ASKOFU MABUSHI AONYA UCHUMBA KWA WANAFUNZI

Askofu wa Makanisa ya IEAGT Tanzania David Mabushi

Na Estomine Henry - Shinyanga

Askofu wa Makanisa ya IEAGT Tanzania David Mabushi ameonya wanafunzi kuwa na tabia ya mahusiano ya uchumba wakiwa bado wanasoma.

Akizungumza katika Ibada ya Jumapili Februari, 12 2023  Askofu aliwataka wazazi na walezi kuwakanya watoto kuhusu hali ya mahusiano ya uchumba wakiwa katika masomo.

Mabushi amesema,wanafunzi wengi wanashindwa kutimiza ndoto zao kwa kuanza mahusiano ya uchumba wakiwa kidato cha kwanza hadi cha tano huko shuleni kwa kudanganyana na kujikuta wanapata madhara kutoka kwa wenzao na watu nje ya shule.

Pia Mabushi alisema ,wanafunzi wengi wamebakwa,mimba za utotoni na kupata maradhi mbalimbali yaliyokwamisha kuendelea na masomo kutokana na mahusiano ya uchumba huko shuleni.

" Ndoto zenu hazitatimia nyie wanafunzi kwa tabia ya kuwa na mahusiano ya uchumba kabla ya umri sahihi, huu ni uongo wa shetani kuwadanganya ili kuharibu ndoto zenu",alisema Mabushi.

Aidha Mabushi, alikazia wazazi na walezi kuwa makini na tamthilia mbalimbali kwa kuwa ni mbegu ya kupanda fikra za mahusiano kwa watoto kabla ya umri wao.

"Najua hata wazazi na walezi ,mnapenda hizi tamthilia ila zina mtego mkubwa kwa watoto wenu,Ni vema kuchuja na kuweka msingi kipindi cha wao kutazama ,la sivyo tutaendelea kupata mabaya kwa hawa watoto maana si wote wana uwezo wa kupambanua uhalisia wa maisha ya kweli kwao", alisema Mabushi.

Kwa upande wazazi,Joshu Loibulu alisema, "Tunahitaji umakini kwa watoto na mengi machafu wanajufunza wao kwa wao ,sisi kama wazazi ni kuwa nao karibu kuwapa maadili mema."

Naye,Grace Kali alisema,Nyumba za ibada ni jukwaa jema kwa kutunza watoto kwa dunia ya sasa ili wawe na maadili mema na kuwa na hofu ya Mungu.

Read More →

JINSI UNAVYOWEZA KUTAJIRIKA KUPITIA MICHEZO YA BAHATI NASIBU

Watu wengi duniani kote wamekuwa wakicheza michezo ya Bahati Nasibu lakini ukweli ni kwamba ni idadi ndogo sana ya watu ambao huibuka na ushindi wa mamilioni ya fedha. 

Wengi hujikuta wakiondoka mikono mitupu tu licha ya kutia juhudi na kuwa na matumaini makubwa kuwa wataibuka washindi na kushiriki mara nyingi kama ambavyo wangepewa maelekezo.

Mimi pia nilikuwa nikishiriki mchezo mmoja maarufu wa Bahati Nasibu katika Radio kwa miaka mingi bila ushindi, ilikuwa ni utaratibu wa kutuma kiasi kidogo cha fedha ili kujitengenezea uwezekano wa kuja kushinda fedha nyingi siku mbeleni.

Wenye mchezo huo walikuwa wakisisitiza kuwa yule ambaye anacheza mara nyingi ndiye anaibuka mshindi wa mamilioni ya fedha na zawadi nyingine kama gari, nyumba na viwanja. 

Hata hivyo, licha ya kujaribu mara nyingi, kila mara mshindi angetangazwa mwingine tofauti na mimi hadi nikawa najisikia vibaya, nilikuwa natamani sana na mimi siku moja nishinde fedha, nyumba au gari. 

Siku moja nilipata habari mahali kuwa Dr. Kiwanga amekuwa akiwasaidia watu kushinda michezo ya Bahati Nasibu maishani mwao, wengi wametajirika mara ya kupata huduma kutoka kwake.

Nilichukua hatua ya kufanya mawasiliano naye mara moja niweze kujaribu bahati maishani mwangu,  niliongea naye kwa kina na kumueleza shida yangu na mara moja aliweza kunifanyia dawa. 

Basi niliendelea kushiriki kucheza michezo ya Bahati Nasibu mara nyingi zaidi nikiwa na matumaini ya ushindi, nashukuru haikupita hata wiki mbili, nilipigiwa simu kuwa nimeshinda nyumba na fedha.

Tangu wakati huo ukawa ndio mwanzo wa mimi kuagana na umasikini, kwa sasa naishi katika nyumba yangu na familia yangu tena furaha ajabu sana. Kiukweli namshukuru sana Dr. Kiwanga kwa tiba yake ya uhakika kabisa.

Kumbuka Dr. Kiwanga ana uwezo wa kuwezesha kuwa mtu wa bahati maishani, ana uwezo wa kukukinga kutokana na adui zako wanaokutakia mabaya kwa wakati wowote ule kwa muda wa siku tatu utaona matokeo yake. 

Kwa mengi zaidi wasiliana naye kupitia barua pepe kiwangadoctors@gmail.com ama kwenye wavuti www.kiwangadoctors.com au waweza kuwasiliana naye kupitia nambari ya simu +254 769404965.

Read More →

GGML, GEITA WAJIVUNIA NYANKUMBU SEKONDARI KUNG'ARA MATOKEO KIDATO CHA NNE

Baadhi ya wanafunzi wa shule ya sekondari ya Nyankumbu wakijisomea maktaba (library). Shule hii ya wasichana ni ya mfumo wa sayansi na inawanafunzi zaidi ya 1050, imesheheni vifaa vya maabara, nyumba za kisasa 36 kwa ajili ya walimu, madarasa 21 na viwanja mbalimbali vya michezo. Pamoja na miradi mingine ya maendeleo ya kiuchumi na kijamii, GGM imewekeza Sh bilioni 10 katika ujenzi wa shule hii kubwa na ya kisasa.

Na Mwandishi wetu - Geita

WAKATI wakuu wa mikoa na wilaya wakihaha kuhamasisha wazazi wawapeleke watoto wao shule kujiunga na kidato cha kwanza, kwa upande wa Shule ya sekondari ya Wasichana Nyankumbu imezidiwa kwa wingi wa maombi ya wazazi kuwapeleka watoto wao katika shule hiyo kutokana na ufaulu mzuri na mazingira mazuri ya kujifunzia.

Shule hiyo ya Serikali, ilijengwa na kuzinduliwa mwaka 2014 na Kampuni ya Geita Gold Miningi (GGLM) kwa kushirikiana na Halmashauri ya Mji wa Geita kwa kupitia fedha za mfuko wa uwajibika wa kampuni kwa jamii, imetajwa kuwa mkombozi kwa wanafunzi wa kike katika mkoa huo.

GGML ilitumia jumla ya Sh bilioni 15 katika ujenzi wa shule hiyo ya bweni pamoja na kuboresha miundombinu ya shule nyingine za mkoa huo ikiwamo kwa lengo la kuunga mkono juhudi za Serikali katika kuborsha sekta ya elimu nchini.

Akizungumza na mwandishi wetu jana, Mwalimu Mkuu wa Shule hiyo, Georgia Mugashe alisema katika mwaka huu wa masomo imesajili wanafunzi wapya wa kidato cha kwanza 240 huku ikishindwa kuchukua wengine kutokana na wingi wa maombi.

Alisema shule hiyo yenye wanafunzi zaidi ya 1,050 imekuwa mkombozi kwa jamii ya wanaGeita kutokana na mwenendo mzuri wa matokeo ya shule katika mitihani ya kidato cha nne sambamba na mazingira mazuri ya kusomea ikiwamo miundombinu bora iliyojengwa na GGML.

Alibainisha kuwa kwa mujibu wa matokeo ya kidato cha nne ya mwaka 2022, wanafunzi wote wamefaulu na hakuna haliyepata daraja sifuri.

“Jumla ya wanafunzi 38 walipata daraja la kwanza, 86, daraja la pili, 36 daraja la tatu na sita daraja la nne. Kwa hiyo unaona namna tunavyopambana kuhakikisha wote wanapata daraja la kwanza kwa sababu hata katika matokeo yam waka juzi yaani 2021, waliopata daraja la kwanza walikuwa 50.

“Tunawashukuru sana GGML kwa sababu huwezi kuamini hii ni shule ya serikali kutokana na huu mwamko wa wazazi kuleta watoto wao hapa. Na hakuna kingine zaidi kinachowavutia, ni ufaulu mzuri na mazingira mazuri ya kusoma, kwani wazazi hupenda watoto wakae bweni,” alisema.

Aidha, alisema kutokana na mwamko huo, idadi ya wanafunzi imeongezeka hadi shule kuzidiwa kwani mabweni yaliyopo sasa hayatoshi.

Amewaomba wadau pamoja na watu wengine kujitokeza kuendelea kuunga mkono Serikali na GGML katika kuboresha mazingira ya shule hiyo.

Akizungumzia matokeo hayo, Makamu Rais wa AngloGold Ashanti anayesimamia miradi endelevu kwa upande wa Ghana na Tanzania, Simon Shayo alisema inafurahisha na kutia moyo kuona shule ambayo GGML imeianzisha kwa lengo la kuboresha elimu mkoani Geita ikifanya vizuri na kuwa kivutio kwa wazazi.

Alisema GGML imekuwa mstari wa mbele kuunga mkono juhudi za Serikali kwani pia imejenga miundombinu katika shule za Bugando na Kamena ambazo zimeanza kupokea wanafunzi wa kidato cha tano na sita kuanzia mwaka 2021/2022.

“Jumla kwenye shule hizi mbili tulitumia Sh milioni 287.5 na kwa kushirikiana na Halmashauri ya Mji wa Geita, fedha hizi zilitolewa kupitia mfuko huo wa wajibu wa kampuni kwa jamii (CSR),” alisema.

Naye Mwenyekiti wa bodi ya shule kwa upande wa wazazi, Eliangikaya Mshana pia aliishukuru GGML kwa kuendelea kuungana na wazazi pamoja na jamii ya Geita kuboresha mazingira ya elimu mkoani humo hadi kuwezesha shule hiyo kuwa moja ya shule ya mfano katika mkoa wa Geita.

Read More →