Sunday, 9 October 2022
Saturday, 8 October 2022
BENKI YA DUNIA YAKOSHWA NA MIRADI YA MAJI INAYOTEKELEZWA NA RUWASA
Ukaguzi wa mradi wa maji katika kijiji cha Ibubu halmashauri ya wilaya ya Shinyanga ukiendelea ambao umefadhiliwa na benki ya dunia.
Na Marco Maduhu, SHINYANGA
BENKI ya Dunia imetembelea na kuona utekelezaji wa miradi mbalimbali ya maendeleo, ambayo imetoa fedha kwa ajili ya kutoa huduma kwa wananchi.
Ziara ya kutembelea miradi hiyo imefanyika leo Oktoba 8, 2022 kwa kukagua miradi ya maji katika kijiji cha Ibubu wilayani Shinyanga, na kijiji cha Banhi Halmashauri ya Msalala wilayani Kahama, ambayo inatekelezwa na Wakala wa Maji na Usafi wa Mazingira Vijijini RUWASA.
Mwakilishi wa Benki ya Dunia nchini Tanzania Rwegoshora Makaka, akizungumza kwenye ziara hiyo amepongeza miradi ya maji ambayo imetekelezwa na RUWASA, na kutoa wito kwa wananchi waitunze miundombinu ya miradi hiyo ya maji.
"Nawapongeza RUWASA kwa utekelezaji wa miradi hii ya maji, nawaomba tu wananchi muitunze miundombinu," amesema Makaka.
Aidha, ametoa ushauri kwa jumuiya za watumiaji maji, kukaa na kujadili kuona namna ya kuwasaidia wazee ambao hawajiwezi na hawana uwezo wa kununua maji,ili wawapatie huduma ya maji bure.
Nao baadhi ya wananchi wa vijiji hivyo kwa nyakati tofauti, wameishukuru Benki ya Dunia, Pamoja na RUWASA, kwa kuwatekelezea miradi hiyo ya majisafi na salama kutoka Ziwa Victoria, ambayo imewaondolea adha ya kutumia maji machafu pamoja na kupoteza muda wa shughuli za kiuchumi kwa kufuata maji umbali mrefu zaidi ya Kilomita 8.
Kwa upande wake Kaimu Meneja Wakala wa Maji na Usafi wa Mazingira Vijijini (RUWASA) wilayani Shinyanga Mhandisi Andrew Mogella, akisoma taarifa ya utekelezaji wa mradi wa maji katika kijiji cha Ibubu, amesema utahudumia wananchi 2,554 na umegharimu Sh.milioni 454.3.
Meneja wa RUWASA wilayani Kahama Magili Maduhu, akisoma taarifa ya utekelezaji wa mradi wa maji katika kijiji cha Banhi Halmashauri ya Msalala wilayani Kahama, amesema unahudumia wananchi 2,950 na umegharimu Sh.milioni 233.4.
Pia miradi mingine ambayo imekaguliwa ni ujenzi wa matundu ya choo 31 katika Shule ya Msingi Mahembe Kata ya Mwakitolyo wilayani Shinyanga, ambayo yamegharimu Sh.milioni 39.1.
Mradi Mwingine ni ujenzi wa matundu ya choo Nane katika Zahanati ya Mwakata Halmashauri ya Msalala wilayani Kahama yenye Thamani ya Sh.milioni 38.2 ambapo katika mradi huo ulionekana kuwa na dosari na kuagizwa ufanyiwe marekebisho.
Katika ziara pia ilikuwa na wataalum na wasimamizi wa miradi kutoka RUWASA Makao Makuu, Wizara ya Maji, Afya na Mazigira.
Na Marco Maduhu, SHINYANGA
BENKI ya Dunia imetembelea na kuona utekelezaji wa miradi mbalimbali ya maendeleo, ambayo imetoa fedha kwa ajili ya kutoa huduma kwa wananchi.
Ziara ya kutembelea miradi hiyo imefanyika leo Oktoba 8, 2022 kwa kukagua miradi ya maji katika kijiji cha Ibubu wilayani Shinyanga, na kijiji cha Banhi Halmashauri ya Msalala wilayani Kahama, ambayo inatekelezwa na Wakala wa Maji na Usafi wa Mazingira Vijijini RUWASA.
Mwakilishi wa Benki ya Dunia nchini Tanzania Rwegoshora Makaka, akizungumza kwenye ziara hiyo amepongeza miradi ya maji ambayo imetekelezwa na RUWASA, na kutoa wito kwa wananchi waitunze miundombinu ya miradi hiyo ya maji.
"Nawapongeza RUWASA kwa utekelezaji wa miradi hii ya maji, nawaomba tu wananchi muitunze miundombinu," amesema Makaka.
Aidha, ametoa ushauri kwa jumuiya za watumiaji maji, kukaa na kujadili kuona namna ya kuwasaidia wazee ambao hawajiwezi na hawana uwezo wa kununua maji,ili wawapatie huduma ya maji bure.
Nao baadhi ya wananchi wa vijiji hivyo kwa nyakati tofauti, wameishukuru Benki ya Dunia, Pamoja na RUWASA, kwa kuwatekelezea miradi hiyo ya majisafi na salama kutoka Ziwa Victoria, ambayo imewaondolea adha ya kutumia maji machafu pamoja na kupoteza muda wa shughuli za kiuchumi kwa kufuata maji umbali mrefu zaidi ya Kilomita 8.
Kwa upande wake Kaimu Meneja Wakala wa Maji na Usafi wa Mazingira Vijijini (RUWASA) wilayani Shinyanga Mhandisi Andrew Mogella, akisoma taarifa ya utekelezaji wa mradi wa maji katika kijiji cha Ibubu, amesema utahudumia wananchi 2,554 na umegharimu Sh.milioni 454.3.
Meneja wa RUWASA wilayani Kahama Magili Maduhu, akisoma taarifa ya utekelezaji wa mradi wa maji katika kijiji cha Banhi Halmashauri ya Msalala wilayani Kahama, amesema unahudumia wananchi 2,950 na umegharimu Sh.milioni 233.4.
Pia miradi mingine ambayo imekaguliwa ni ujenzi wa matundu ya choo 31 katika Shule ya Msingi Mahembe Kata ya Mwakitolyo wilayani Shinyanga, ambayo yamegharimu Sh.milioni 39.1.
Mradi Mwingine ni ujenzi wa matundu ya choo Nane katika Zahanati ya Mwakata Halmashauri ya Msalala wilayani Kahama yenye Thamani ya Sh.milioni 38.2 ambapo katika mradi huo ulionekana kuwa na dosari na kuagizwa ufanyiwe marekebisho.
Katika ziara pia ilikuwa na wataalum na wasimamizi wa miradi kutoka RUWASA Makao Makuu, Wizara ya Maji, Afya na Mazigira.
Mwakilishi kutoka Benki ya Dunia nchini Tanzania Rwegoshora Makaka akizungumza kwenye ukaguzi wa miradi hiyo ambayo imefadhiliwa na benki ya dunia.
Meneja wa RUWASA Mkoa wa Shinyanga Mhandisi Julieth Payovela akizungumza kwenye ziara hiyo ya ukaguzi wa miradi ya maji ambayo imetokana na fedha za benki ya dunia.
Kaimu Meneja wa RUWASA wilaya ya Shinyanga Mhandisi Andrew Mogella akiwasilisha taarifa ya utekelezaji wa mradi wa maji katika kijiji cha Ibubu wilayani Shinyanga.
Meneja wa RUWASA wilayani KAHAMA Mhandisi Maduhu Magili akiwasilisha taarifa ya utekelezaji wa mradi wa maji katika kijiji cha Banhi halmashauri ya Msalala.
Mzee Jigwese Njige mkazi wa kijiji cha Ibubu akitoa shukrani kwa kutekelezewa mradi wa maji safi na salama katika kijiji hicho.
Ukaguzi wa mradi wa maji katika kijiji cha Ibubu halmashauri ya wilaya ya Shinyanga ukiendelea ambao umefadhiliwa na benki ya dunia.
Ukaguzi kituo cha kuchotea maji katika kijiji cha Ibubu ukiendelea.
Ukaguzi kituo cha kuchotea maji katika kijiji cha Ibubu ukiendelea.
Ukaguzi wa mradi wa maji katika kijiji cha Banhi halmashauri Msalala ukiendelea ambao umefadhiliwa na benki ya dunia.
Usikilizaji wa taarifa ya mradi wa maji katika kijiji cha Banhi ukiendelea ambao umefadhiliwa na Benki ya dunia.
Awali ukaguzi wa matundu ya choo katika shule ya Msingi Mahembe Kata ya Mwakitolyo ukiendelea.
Ukaguzi wa matundu ya choo katika Zahanati ya Mwakata ukiendelea.
Ukaguzi ujenzi wa matundu ya choo katika Zahanati ya Mwakata ukiendelea.
Ziara ya ukaguzi wa miradi ya maendeleo itokanayo na fedha za benki ya dunia ikiendelea.
Ziara ya ukaguzi wa miradi ya maendeleo itokanayo na fedha za benki ya dunia ikiendelea.
Ziara ya ukaguzi wa miradi ya maendeleo itokanayo na fedha za benki ya dunia ikiendelea.
WADAU MBALIMBALI WASHIRIKI KONGAMANO LA BIASHARA MTANDAO NA ANUANI ZA MAKAZI
Posta masta Mkuu wa Shirika la Posta Tanzania akifungua Kongamano la Biashara mtandao na Anuani za Makazi lilioandaliwa na Shirika hilo na kufanyika Leo Jumamosi oktoba 08 , 2022 katika ukumbi wa Mikutano wa Mwalimu Nyerere Jijini Dar es Salaam.
Mkurugenzi wa Rasilimali Watu na Utawala wa Wizara ya Habari, Mawasiliano na Teknolojia ya Habari, Bi. Teddy Njau akisalimiana na Postamasta Mkuu wa Shirika la Posta Tanzania, Bw. Macrice Mbodo wakati wa Kongamano la Biashara Mtandao na Anwani za Makazi kuelekea Siku ya Posta Duniani ambapo kilele chake ni tarehe 9 Oktoba 2022 katika ukumbi wa Mikutano wa Kimataifa wa Julius Nyerere jijini Dar es Salaam, tarehe 08 Oktoba, 2022.
wizarahmth Mkurugenzi Msaidizi wa Usalama Mtandao wa Wizara ya Habari, Mawasiliano na Teknolojia ya Habari, Mhandisi Steven Wangwe akimkabidhi t-shirt Postamasta Mkuu wa Shirika la Posta Tanzania (TPC) Macrise Mbodo yenye ujumbe wa mwezi wa elimu ya usalama mtandao alipotembelea banda la maonesho la Wizara hiyo wakati wa kongamano la Biashara Mtandao na Anwani za Makazi lililofanyika leo Oktoba 8, 2022 jijini Dar es Salaam.
******************************
Kuelekea kilele cha maadhimisho ya siku ya Posta duniani kesho tarehe 09/10/2022 Shirika la Posta nchini Tanzania limefanya Kongamano la biashara mtandao na Anuani za Mkazi lililofanyika leo Jumamosi oktoba 8 katika ukumbi wa mikutano wa mwalimu Nyerere Jijini Dar es salaam kwa lengo la kuhamasisha wananchi kufanya biashara mtandao ili kuendana na kasi ya mabadiliko ya Sayansi na Teknoloji.
Akizungumza wakati wa ufunguzi wa kongamano hilo Posta masta Mkuu wa Shirika la Posta Macrice Mbodo amesema kuwa Kongamano la biashara mtandao na anuani za makazi lina umuhimu mkubwa sana katika maendeleo ya Taifa.
"Hauwezi kutaja maendeleo yoyote ya taifa hili bila kujua mahali ambapo wananchi wako wapo na wanakua wapi na shughuli zao zinafanyikia wapi kiusalama, na kwa urahisi wa kuwapa huduma zao" amesema Mbodo
Aidha Mbodo ameeleza kuwa lengo lingine la kongamano hilo ni kueleza Mchango wa Shirika la Posta kwenye kuwaonesha Wananchi biashara ya mtandao ipoje
Kuhusu usalama wa duka la Posta mtandao amesema mfumo huo umetengenezwa kwa kushirikiana na umoja wa Posta duniani ambao ni Wakala wa umoja wa mataifa hivyo amewahakikishia watanzia usalama upo na wasiwe na wasiwasi.
Kwa upande wake Mkurugenzi msaidizi wa usalama mtandao kutoka Wizara ya habari mawasiliano na teknolojia ya habari Mhandisi Steven Wangwe amesema kuwa Serikali imeendelea kuweka mazingira salama ya kufanya biashara mtandaoni kwa kutengeneza sera zinazomhakikishia mtumiaji usalama wa kufanya manunuzi katika mtandao.
Friday, 7 October 2022
WANANCHI UKENYENGE WAISHUKURU BENKI YA DUNIA KWA KUSHIRIKIANA NA RUWASA KUWAPELEKEA MAJI YA ZIWA VICTORIA
Mtaalamu wa maji kutoka Benki ya Dunia Rwegoshora Makaka akizungumza
Na Suzy Luhende, Shinyanga
Wananchi wa kata ya Ukenyenge wilayani Kishapu wameishukuru Benki ya Dunia kwa kushirikiana na Wakala wa Maji Safi na Mazingira Vijijini (Ruwasa) kwa kuwapelekea mradi wa maji ya Ziwa Victoria, ambapo imesaidia kunusuru ndoa na kupunguza mimba za utotoni kutokana na kufuata maji umbali wa kilomita nne.
Hayo wameyasema leo wananchi baada ya kutembelewa na wafadhili kutoka Benki ya Dunia, ambapo wamesema kabla ya kupata mradi wa maji wanawake walikuwa wakifuata maji umbali wa kilomita nne, hali ambayo ilikuwa ikisababisha ndoa nyingi kuvunjika na kuweza kushamiri kwa mimba za utotoni.
Monika Ngasa mkazi wa kijiji na kata ya Ukenyenge amesema wanaishukuru sana Benki ya Dunia kwa kushirikiana na wakala wa maji safi na mazingira Ruwasa, kwani walikuwa na changamoto kubwa, wanawake na watoto wakike walikuwa wakiamka usiku saa 10 hadi saa 11 ya usiku kufuata maji wakati mwingine watoto wa kike kubakwa na kusababisha mimba za utotoni.
"Lakini kwa sasa mradi huu wa maji ya Ziwa Victoria toka uanze katika kata yetu mimba za utotoni zimepungua,na ndoa zetu kwa sasa zimedumisha upendo, kwa sababu tulikuwa tukifuata maji tunapokawia tunapigwa na wakati mwingine tunapigana wanawake kwa wanawake huko mtoni kutokana na maji kutoka kidogo kidogo kwani kila mmoja alikuwa akitaka achote ili arudi nyumbani asipigwe na mme wake"amesema Monika ngasa.
Mwenyekiti wa bodi ya mradi huo kutoka kata ya Ukenyenge Kasimu Kishiwa amesema kabla ya kupata maji hayo hali ilikuwa ni mbaya watu walikuwa wanamaliza siku tatu bila kuoga lakini sasa hivi kila mtu anamelemeta kwa sababu maji yapo karibu ni kutoa Sh 50 tu kwa ndoo moja, na awali watu wengi walikuwa wakiugua tumbo, lakini sasa magojnwa ya tumbo yamepungua kutokana na kunywa maji safi na salama.
"Kuna changamoto ya baadhi ya maeneo wanaharibu miundo mbinu ya maji kwa kulima, kama kitongoji cha Mayanji waliharibu bomba lililopita kwenye shamba la miwa baada ya kufuatilia waligundua kuwa lilipasuka kwa bahati mbaya si makusudi, lakini wananchi wakiona uharibifu huo wanafidishia gharama ya maji yaliyomwagika hawakatai "amesema Kishiwa.
Kwa upande wake diwani wa kata hiyo Underson Mandia amesema anaishukiru sana Benki ya Dunia kwa kushirikiana na Ruwasa kwa asilimia kubwa, kwani watu walikuwa wanatumia maji ya mchangani yasiyo salama, sasa wamepata maji ila kuna vitongoji vitatu havijafikiwa na maji lakini utaratibu wa kupeleka huko unaendelea ili kuhakikidha kata nzima inakuwa na maji ya kutosha.
Mandia amesema vijiji vinne vya kata ya Ukenyenge vimenufaika na maji ya Ziwa Victoria na kaya 156 wamefungiwa maji, lakini kuna vitongoji vinne havijafikiwa na maji, aidha kaya zilizovutiwa maji zinauziwa kwa unit moja Sh 1750, lakini wakati wanaanza walikuwa wakiuza unit moja sh 2500 baada ya kuona kipato ni kikubwa walipunguza ikawa sh 2000 baada ya kukaa tena wakashusha ikawa sh 1750 na wakikaa tena wanaweza wakashusha hadi 1500.
"Kwa kweli mmetusaidia sana, tunaomba muendelee kutushika mkono ili vitongoji vingine vifikiwe na maji ya ziwa victoria, mradi huu tunausimamia wenyewe, hivyo hatutaki kuumizana sisi kwa sisi ndio maana kila tunapokaa na kuona kipato tunaenda tunapunguza bei siku kwa siku ili kuhakikisha mwananchi haumii,mimi kama kiongozi wa wananchi nipo bega kwa bega na wananchi wangu ila naomba muwe mnawasomea wananchi taarifa ya mapato na matumizi",amesema Mandia.
Mhandisi wa maji Ruwasa wilaya ya Kishapu John Lugembe akisoma taarifa ya ujenzi wa mradi wa maji Ukenyenge amesema utekelezaji wa mradi huo ulianza rasmi tarehe 15 Machi 2020 na ulikamilika na kuanza huduma kwa wananchi tarehe 25 Februari 2021 na chanzo cha maji hayo ni Ziwa Victoria kutoka bomba kuu KASHWASA.
Lugembe amesema ujenzi wa mradi huo umegharimu kiasi cha Sh 1. 1 Bilioni, kutoka programu ya malipo kwa matokeo, lengo la mradi huo ni kupunguza magonjwa ya milipuko kama vile kipindu pindu na homa ya matumbo inayosababishwa na kunywa maji yasiyo safi na salama na kuongeza upatikanaji wa maji ndani ya mita 400 kama ilivyo katika sera ya maji ya Taifa ya mwaka 2002.
"Tumetekeleza ujenzi wa matanki mawili ya kuhifadhi maji yenye ujazo wa lita 100, 000 na lita 50,000 katika minara ya mita 12 kwenye vijiji vya Negezi na Mayanji, vijiji vilivyofaidika ni Bulimba,Mayanji, Ukenyenge na Negezi ambao idadi yao ni wakazi 10,303 kati ya 11,074 ya wakazi wote sawa na asilimia 93 ambao wanapata huduma ya maji safi na salama", amesema Lugembe.
Kwa upande wake mtaalamu kutoka benki ya dunia Rwegoshora Makaka ameshauri kuwa katika mradi huo watambuliwe watu ambao hawajiwezi kabisa, hawana uwezo hawawezi kuzalisha na wa kulipia ndoo ya maji kama vile wazee wasaidiwe kuchota bure maji kwenye vituo vya maji ambavyo vipo karibu nao.
Naye Mshauri wa programu ya maji na usafi wa mazingira endelevu vijijini kutoka wizara ya Maji Kazimoto Edward amesema wanapokuwa na malalamiko waandike na kupeleka kujadiliwa na bodi, na bodi ikishajadili inaweza kupunguza bei ya maji ama kuongeza ili mradi maelewano yana kuwepo, pia inatakiwa kuendelea kuhamasisha ili kila mtu awe na maji nyumbani kwake idadi ya watu 156 bado ni ndogo sana.
Aidha mhandisi Mashaka Sitta ambaye ni mratibu kutoka wizara idara ya maji amewashauri watunze miundombinu ya maji ili iweze kudumu kwa muda mrefu na changamoto zinapotokea ziweze kutatuliwa kwa wakati.
Meneja wa Ruwasa wilaya ya Kishapu mkoani Shinyanga
Dickson Kamazima akizungumza
Julieth Payovela Meneja Ruwasa mkoa wa Shinyanga akizungumza
Mtaalamu wa maji kutoka Benki ya Dunia Rwegoshora Makaka akizungumza
Wananchi wa kata ya Ukenyenge wilayani Kishapu wakimsikiliza mtaalamu kutoka Benki ya Dunia Rwegoshora Makaka akisisitiza jambo
Mtaalamu wa maji kutoka Benki ya Dunia Rwegoshora Makaka akizungumza na wananchi wa kata
Wadau wakiwa katika kata ya Ukenyenge wilaya ya Kishapu
Mshauri wa programu ya maji na usafi wa mazingira endelevu vijijini kutoka wizara ya Maji Kazimoto Edward akifuatilia taarifa ya mradi wa maji ya Ziwa Victoria
Diwani wa kata ya Ukenyenge Underson Mandia akizungumza baada ya kutembelewa na wataalamu kutoka Benki ya Dunia
Mhandisi wa maji Mashaka Sitta ambaye ni mratibu kutoka wizara ya maji akizungumza na wananchi wa kata ya Ukenyenge
Tenki la maji ya Ziwa Victoria
Neema Mwaifuge Afisa maendeleo ya jamii Ruwasa akizungumza baada ya kutembelewa na wataalamu wa Benki ya Dunia
Mtaalamu wa maji kutoka Benki ya Dunia Rwegoshora Makaka akizungumza
Wacheza ngoma wakiendelea kutoa burudani
Meneja wa Ruwasa wilaya ya Kishapu mkoani Shinyanga Dickson Kamazima akizungumza
Ferister Kashinje mkazi wa kata ya Ukenyenge akishukuru kupatiwa maji safi na salama
Mwenyekiti wa bodi ya mradi wa maji ya Ziwa Victoria kutoka kata ya Ukenyenge Kasimu Kishiwa akishukuru kwa kupatiwa maji ya Ziwa Victoria
Viongozi mbalimbali wa mkoa wa Shinyanga, wizara ya Maji na Benki ya Dunia wakiwa katika kata ya Ukenyenge
