Waziri Lukuvi Awataka Wamiliki Wa Ardhi Kujenga Kwa Kufuata Sheria

Waziri wa Ardhi Nyumba na Maendeleo ya Makazi William Lukuvi amewataka wamiliki wa ardhi wanaotaka kujenga kuhakikisha wanafuata sheria na  taratibu zote wakati wa kufanya ujenzi.

Waziri Lukuvi alisema hayo mwishoni mwa wiki hii katika ofisi yake ya ardhi ya mkoani Dar es salaam na Pwani. Alisema sheria inamtaka mmiliki wa ardhi anayetaka kufanya ujenzi kupata kibali kutoka  halmashauri za miji, manispaa na majiji na kuongeza kuwa sheria hiyo inakataza kufanya ujenzi bila kibali kutoka mamlaka husika.

”Naelekeza watendaji wote wawe wa ardhi au mipango miji kuhakikisha sheria zinafuatwa kwa kudhibiti ujenzi holela na sheria inakataza kabisa kujenga bila kupata kibali kutoka katika mamlaka husika” alisema Lukuvi.

Kwa mujibu wa Lukuvi, zoezi la urasimishaji linaloendelea sasa maeneo mbalimbali ni kwa majengo yaliyojengwa tu na kusisitiza kuwa zoezi la urasimishaji isiwe sehemu endelevu ya kuvunja sheria na kubainisha kuwa angetaka kuona maeneo yote ya miji hasa Dodoma yanajengwa kwa kupatiwa kibali.

Aliwataka wataalamu wote hasa waliopo halmashauri  katika yale  maeneo yaliyotangazwa kimji kwa mujibu wa sheria wananchi wake waelimishwe  kujenga katika viwanja vilivyopangwa na kupimwa na wawe wamepatiwa vibali na mamlaka za halmashauri husika.

” Hatua zichukuliwe kuzuia jambo hili tunataka miji endelevu ambayo wananchi wanaishi na kujenga kwa mujibu wa sheria” alisema Lukuvi.

Read More →

Waziri wa Ujenzi Aiagiza Tanroads Kupunguza Gharama Za Mradi

 Waziri wa Ujenzi na Uchukuzi, Mhandisi Leonard Chamuriho, ameiagiza Wakala wa Barabara Tanzania (TANROADS), Mkoa wa Mara , kuhakikisha wanapunguza  gharama za miradi, hususani wanapofanya upembuzi yakinifu.

Alitoa agizo hilo akiwa katika ziara wilayani Bunda, akikagua ujenzi wa barabara ya Nyamuswa-Bunda-Kisorya yenye urefu wa kilometa 121.9, pamoja na kipande cha barabara ya lami kutoka Bulamba-Kisorya (kilometa 51).

Akiwa katika ukaguzi huo, Waziri Chamuriho alisema barabara ya Nansio, ambayo inaanzia Nyamuswa-Bunda hadi Kisorya ni muhimu kwa  wananchi wa Wilaya ya bunda, kwamba itafungua fursa nyingi ikiwamo usafirishaji wa mazao.

Naye Mkuu wa Wilaya ya Bunda, Lydia Bupilipili alimpongeza  mkandarasi  anayesimamia ujenzi wa barabara hiyo na TANROADS kwa kazi nzuri walioifanya katika ujenzi wa barabara hiyo.

Bupilipili alisema: “Kasi ya ujenzi ilikuwa kubwa katika ujenzi wa barabara hii na imetoa  ajira kwa vijana wazawa wa  Wilaya ya Bunda na Mkoa wa Mara. Niwapongeze na niwapongeze TANROADS kwa kazi nzuri wanayoifanya katika Wilaya hii ya Bunda mjini”.

Kwa upende wake Meneja wa TANROADS, Mkoa wa Mara, Mhandisi Mlima Ngaile, akitoa taarifa ya utekelezaji wa mradi huo alisema mkataba ulisainiwa na makubaliano yalikuwa ya miaka miwili, ila kutokana na kasi ya mkandarasi aliahidi kumaliza kazi hiyo kabla ya muda uliopangwa.

“Thamani ya mkataba Sh.bilioni 46.5 na unasimamiwa na  kampuni ya wahandisi ya ushauri kutokea TANROADS na hadi kufikia sasa mkandarasi ameshaanza kazi mbalimbali ikiwamo kujenga nyumba ya msimamizi ambayo imefikia  asilimia 50 na amesafisha barabara kutoka Bunda kwenda Bulamba," alisema mhandisi Ngaile.

Read More →

Naibu Waziri Mabula Aelezea Namna Bilioni 2.175 Za Urasimishaji Zilivyoliwa

Naibu Waziri wa Ardhi Nyumba na Maendeleo ya Makazi Dkt Angeline Mabula amebaini ubadhilifu wa zaidi ya Bilioni 2 uliofanywa na Wakufunzi wa Chuo Cha Ardhi Morogoro (ARIMO) na kumuelekeza Mkuu wa Chuo Huruma Lugala kumsimamisha  kazi mara moja Mkuu wa Utawala wa Chuo Michael Lori kwa  tuhuma ya kushirikiana na wakufunzi wawili wa chuo hicho waliofanya ubadhilifu katika zoezi la urasimishaji.

Dkt Mabula alitoa maelekezo hayo mwishoni mwa wiki mkoani Morogoro wakati akizungumza na watendaji wa sekta ya ardhi pamoja na uongozi wa mkoa wa Morogoro akiwa katika ziara yake ya siku moja kukagua utendaji kazi wa sekta ya ardhi pamoja na miradi inayotekelezwa na Shirika la Nyumba la Taifa (NHC).

Alisema, Wizara yake ilifikiri kushirikisha makampuni binafsi katika zoezi la urasimishaji ingerahisisha kazi ya kupima na kumilikisha wananchi maeneo yao lakini matokeo yake baadhi ya makampuni na watu wachache wametumia nafasi hiyo kufanya ulaghai wa kuchukua fedha za wananchi bila kukamilisha kazi ya urasimishaji.

Kwa mujibu wa Naibu Waziri wa Ardhi Nyumba na Maendeleo ya Makazi, Mkuu wa Utawala katika Chuo cha Ardhi Morogoro ameonekana kushirikiana na watuhumiwa kwa namna moja ama nyingine na uamuzi wa kumsimamisha ni kupisha uchunguzi wa tuhuma zinazomkabili.

Naye, Katibu Tawala Mkoa wa Morogoro Mhandisi Emanuel Kalobelo ameeleza namna anavyosikitishwa na baadhi ya watumishi wa sekta ya ardhi mkoani hapo wanavyofanya Kazi na kumtia aibu katakana na utendaji wao mbovu, na ameahidi kuwasimamia kikamilifu ili muleta ufanisi.

Awali Dkt Mabula alielezwa na Mkuu wa Chuo cha Ardhi Morogoro Huruma Lugala kuwa wakati uongozi wa chuo hicho ukifanya jitihada za kukiboresha chuo ikiwemo kudhibiti hujuma mbalimbali ilibainia baadhi ya Wakufunzi wake kujihusisha na kazi ya urasimishaji katika maeneo mbalimbali kwa kutumia jina la chuo kujipatia fedha.

Alisema, chuo chake baada ya kupokea malalamiko kutoka kwa wananchi na kubainia udanganyifu kwa baadhi ya watumishi wake kiliamua kuwasimamisha Wakufunzi wawili kupisha uchunguzi na kuwataja watumishi hao kuwa ni Adolf Milungala anayetuhumiwa kujipatia shilingi Bilioni 1.9 na Hamis Abdalah Kindemile milioni 275 fedha zilizokuwa malipo ya urasimishaji katika mitaa 43 Morogoro.

Read More →

Tozo Za Masoko Ya Samaki Ya Kimataifa Kuwasilishwa Wizarani

 Na. Edward Kondela
Waziri wa Mifugo na Uvuvi Mhe. Mashimba Ndaki amewataka wakurugenzi wa halmashauri zenye masoko ya samaki ya kimataifa kuacha kupanga tozo za mazao ya uvuvi bila kuwasiliana na wizara hiyo ili kuondoa kero za tozo zinazowakumba wananchi wanaofanya biashara katika maeneo hayo.

Akizungumza jana (03.01.2021) mara baada ya kutembelea mnada wa mifugo uliyopo Kijiji cha Buzirayombo Kata ya Bukome na soko la samaki la kimataifa lililopo Kijiji cha Kasenda Kata ya Muganza, Wilaya ya Chato Mkoani Geita, Waziri Ndaki amesema wizara haitaki kusikia kero za wafanyabiashara kuhusu tozo zisizo rafiki katika masoko hayo likiwemo soko la samaki la kimataifa la Kata ya Kirumba lililopo Wilaya ya Ilemela jijini Mwanza.

“Kuhusiana na tozo niseme tu kwa wakurugenzi walio na masoko haya ya kimataifa kwa maana ya soko la Kirumba na Kasenda, sisi wizara hatutaki kusikia kelele katika haya masoko mnapopanga tozo zenu hakikisheni kwa masoko haya mawili tuwasiliane ili tupange tozo za kwenu na kwetu ambazo zitakuwa rafiki.” Amesema Mhe. Ndaki

Kwa upande wake Mbunge wa Jimbo la Chato Dkt. Medard Kalemani amemuomba Waziri Ndaki kupitia vikundi vya wavuvi vilivyosajiliwa, wizara ione namna ya kuwasaidia wavuvi mikopo yenye riba nafuu pamoja na kuwanunulia nyavu ili kuacha kujihusha na uvuvi usiofuata utaratibu.

Nao baadhi ya wavuvi na wananchi wanaofanya shughuli za kibiashara katika soko la samaki la kimataifa lililopo Kijiji cha Kasenda wamesema wanashirikiana na serikali kuhakikisha wanadhibiti uvuvi haramu.

Aidha, wameipongeza Wizara ya Mifugo na Uvuvi namna inavyofanya jitihada za kuhakikisha inaboresha mazingira ya wavuvi ili sekta ya uvuvi iweze kuwa na tija kwa wadau wa sekta hiyo na hatimaye waweze kunufaika kiuchumi.

Waziri wa Mifugo na Uvuvi Mhe. Mashimba Ndaki amekagua pia ujenzi wa machinjio ya kisasa yanayojengwa katika eneo la mnada wa mifugo Kijiji cha Buzirayombo Kata ya Bukome, Wilaya ya Chato Mkoani Geita.

Read More →

Video Mpya 2021 : GUDE GUDE - MIKOSI

Msanii maarufu wa Nyimbo za asili Gude Gude 'Tajiri wa Maluho', ameachia video mpya mwaka 2021 inaitwa Mikosi. Tazama video hii hapa chini

Read More →

Wimbo Mpya 2021 : NG'WANA ISHUDU - MANYANYASO WANAWAKE

Msanii wa Nyimbo za asili Ng'wana Ishudu kutoka Ihalo Luhumbo Shinyanga Vijijini amefungua mwaka 2021 kwa kuachia wimbo uitwao Manyanyaso kwa wanawake akitetea haki za wanawake katika jamii.

Sikiliza wimbo huu hapa chini

Read More →

MAZUNGUMZO YA TRUMP YA SIRI GEORGIA, KUJARIBU KUBADILISHA MATOKEO YA UCHAGUZI YANASWA

Kanda ya sauti imepatikana ambamo Rais Donald Trump wa Marekani anasikika akimshinikiza kamishna wa uchaguzi katika jimbo la Georgia kutafuta kura za kumsaidia Trump kushinda jimbo hilo katika uchaguzi wa rais wa Novemba iliyopita.

 Katika kanda hiyo Trump anasikika katika mazungumzo ya simu na kamishna huyo, Brad Raffensperger akimtaka waziwazi kutafuta kura karibu 12,000 na kurudia mahesabu ya kura ili Trump atangazwe mshindi. 

Kanda hiyo imewekwa hadharani na gazeti la Washington Post kuthibitisha hatua hiyo ya Rais Donald Trump, ambaye amepoteza kwa kura chache jimbo hilo la kusini mashariki mwa Marekani ambalo miaka ya nyuma lilikuwa ngome ya kutegemewa ya chama cha Republican chake rais Trump. 

Makamu wa rais mteule, Kamala Harris amesema kitendo hicho cha Rais Trump ni matumizi mabaya ya madaraka.

Read More →

Ngoma Mpya 2021 : FUNGA MEZA Ft WAKOKAYA - NASEKWE

Ninayo hapa video mpya kabisa ya msanii wa nyimbo za asili Funga Meza amemshirikisha Wakokaya wimbo unaitwa Nasekwe.

Tazama Video hapa chini

Read More →

ASKARI POLISI AWANUNULIA CHAKULA WATUHUMIWA WA WIZI BADALA YA KUWAKAMATA

Afisa mmoja wa polisi ambaye alikuwa ameitwa kuikamata familia moja inayoshukiwa kuiba katika duka moja badala yake aliwanunulia chakula ili waweze kusherehekea chakula cha jioni cha Krismasi.

Matt Lima aliitwa katika duka moja la chakula katika eneo la Somerset , Massachussetts , mwezi uliopita , taarifa ya polisi ilisema.

Wanawake wawili walidaiwa kutoweka katika mashine ya skani vitu vyote walivyonunua katika duka hilo.

Walipoulizwa, familia hiyo ilisema kwamba haikuweza kulipia kila kitu walichokuwa wakihitaji kutokana na hali mbaya ya kiuchumi.

Hata hivyo walisema kwamba walikuwa wanafanya hivyo ili kuwatengenezea chakula kizuri cha krismasi watoto wao.

Bwana Lima aliwakamata lakini hakuwafungulia mashtaka kwa kuwa kila walichokuwa wamenunua kilikuwa chakula , polisi walisema.

Baadaye aliwanunulia kadi za zawadi zenye thamani ya $250 na fedha zake binafsi ili wanawake hao na watoto wao wawili kuweza kununua chakula cha krisimasi katika duka jingine la kampuni kama hiyo.

''Watoto hao wawili na wanawake hao walinikumbusha watoto wangu , hivyo basi nililazimika kuwasaidia'' , alisema afisa Lima.

''Ukweli ni kwamba familia hii ilikuwa inahitaji chakula hivyo basi siwezi kufikiria kufanya uamuzi kwenda katika duka la Stop and Shop na kununua kile ninachoweza kununua pekee - ama niende na kujaribu kununua chakula cha krismasi cha watoto hao''? aliambia runinga ya eneo hilo.

''Walinishukuru sana , mwanzo walikuwa wameshangaa. Nina hakika watu wengi walio katika hali hiyo wangefikiria kwamba kungekuwa na tukio tofauti na pengine wangekamatwa na kupelekwa mahakamani''.

''Nilinunua kadi ya thamani ya kile ambacho kingechukuliwa'', aliongezea.

''Nilifanya kile nilichoona ni sawa. Sio jambo la kunihusu nilijiweka katika viatu vya familia na kuonyesha huruma kidogo''.

CHANZO - BBC SWAHILI

Read More →

NANCY PELOSI ACHAGULIWA TENA KUWA SPIKA WA BARAZA LA WAWAKILISHI MAREKANI

Bunge la Marekani limewachagua viongozi wake wapya, wiki mbili na nusu tu kabla ya rais mteule Joe Biden kuchukua madaraka rasmi.

 

Kwa mara nyingine Baraza la Wawakilishi limemchagua Nancy Pelosi kuwa Spika wake, japo kwa kura chache ikilinganishwa na muhula uliopita. 

Kwa uchaguzi huo Bi Pelosi mwenye umri wa miaka 80 anaendelea kushikilia mojawapo ya ofisi zenye mamlaka makubwa kabisa nchini Marekani.

 Hata wajumbe wa Baraza la Seneti walikula kiapo, lakini uongozi wa baraza hilo utajulikana bayana baada ya uchaguzi wa marudio wa majimbo mawili ya ubunge katika jimbo la Georgia ambao unafanyika kesho Jumanne. 

Matokeo ya uchaguzi huo ndio yataamua uwezo atakaokuwa nao rais mpya katika kupitisha sera zake.

Read More →

Habari Zilizopo Katika Magazeti ya Leo Jumatatu January 4

Read More →

Tutorial Assistant (Wildlife Science) at UDSM

This this content has been copied from udahiliportal.com , please kindly visit udahiliportal.com to access full content

The University of Dar es Salaam invites applications from suitably qualified Tanzanians to be considered for immediate employment to fill the following vacant posts: ACADEMIC POSITIONS COLLEGE OF NATURAL AND APPLIED SCIENCES (CoNAS) Department of Zoology and Wildlife Conservation Field: Wildlife Science 1 Position – Tutorial Assistant   Applicants for: Lecturer must possess PhD plus a minimum […]

This this content has been copied from udahiliportal.com , please kindly visit udahiliportal.com to access full original content content or click here for more details

 

 

Read More →

ALIYEOMBA MTOTO KANISA LA UFUNUO AJIFUNGULIA KANISANI

Mkazi wa mtaa wa Kilimahewa kata ya Bulangwa wilaya ya Bukombe mkoa wa Geita, Justina Lukilisha amejifungua mtoto nje ya kanisa la Ufunuo mjini Ushirombo baada ya kuumwa uchungu ghafla.

Lukilisha amejifungua mtoto wa kike leo Jumapili Januari 3, 2021 akiwa kwenye ibada akidai kuwa hakutegemea uchungu ungemshika kwenye ibada.

Lukilisha amesema anamshukuru Mungu kwa kuwa alifika kwenye ibada kwa ajili ya kumuomba Mungu ili apate mtoto wa kike.

Askofu wa Kanisa la Ufunuo jimbo la Geita, Heryyabwana Majebele amesema mama huyo alikuja na hitaji kubeba mimba tena akiitaji mtoto wa kike na leo kabla ya kuingia kanisani alisema tu anajisikia uchovu lakini ghafla aliumwa uchungu.

Askofu Majebele amesema kwa sasa mama huyo ameenda hospitali ya wilaya ya Bukombe kwa ajili huduma zingine na anaendelea vizuri.

Mkunga kutoka kijiji cha Nyag'holongo wilaya ya Mbogwe, Letisia Komka ambae pia ni muumini wa kanisa hilo amesema mama huyo amejifungua salama.

Soma zaidi <<Hapa>>

CHANZO - MWANANCHI

Read More →

WAZEE WASTAAFU WATEMBELEA MRADI WA UMEME WA JULIUS NYERERE...WATOA NENO KWA VIJANA

Mlezi wa SAWATA, Brigedia Jenerali Mstaafu Francis Xavery Mbena na wazee wenzake wakiangalia maajabu.

Na mwandishi wetu, JNHPP 

WAZEE ni hazina ya Taifa na kuna msemo wa Kiswahili usemao “Uzee ni Dawa”, Januari 2, 2021 Wazee Wastaafu kutoka Chama cha Saidia Wazee Tanzania (SAWATA) walipata fursa ya kutembelea mradi mkubwa wa kimkakati wa Umeme wa Maji wa Julius Nyerere (JNHPP 2115) unaotekelezwa kwenye bonde la mto Rufiji na kutoa neno “Vijana mlioko hapa muwe waadilifu”. 

Kilichopelekea kutolewa kwa neno hilo ni jinsi wazee hao walivyostaajabishwa na jinsi ujenzi wa bwawa hilo unavyotekelezwa kisasa tena asilimia zaidi ya 90 ni vijana wa Kitanzania ndiyo wametawala eneo hilo la kazi. 

“Tumefurahi kuwa sehemu ya mradi huu, kwa sababu hiki ni chanzo kikubwa cha kuelimisha watoto wetu, tumeona local content, watanzania wanaoshiriki katika ujenzi wa mradi huu ni wengi kwa hiyo capacity building inafanyika ipasavyo naomba tuendelee mujenga uchumi wetu na tuendelee kuijenga nchi yetu.” Alisema Balozi mstaafu Nyasugara Kadege ambaye alikuwa ni miongoni mwa wazee hao waliotembelea eneo hilo la Mradi. 

Alisema, wameelezwa faida nyingi zitokanazo na mradi huu ukiacha uzalishaji wa umeme lakini pia Mradi utadhibiti mafuriko ya mara kwa mara katika maeneo yanayozunguka mto Rufiji na pia utakuza kilimo na uvuvi. 

“Nadhani mradi huu utabadilisha maisha ya Watanzania, kwakweli tunajivunia mradi huu na tunaisifu Serikali na Tanesco kwa kusimamia mradi huu.” Alisisitiza Balozi Kadege. 

Naye mlezi wa SAWATA, Brigedia Jenerali Mstaafu Francis Xavery Mbena ameipongeza serikali ya awamu ya Tano chini ya uongozi wake Rais Dkt. John Pombe Masgufuli kwa kutekeleza mradi mkubwa kama huu ambao utaleta maendeleo makubwa katika taifa letu. 

“Tuliomba Serikalini tuje kutembelea bwaha hili la Mwalimu Nyerere ili tujifunze na kuona utaalamu wa kisasa, kitu cha kushangaza kazi hii yote nzuri imechangiwa kwa kiasi kikubwa na vijana wetu wa Kitanzania, ninachosema ni kwamba ingawa wazo la Mradi huu Mwalimu Nyerere alikuwa nalo toka zamani lakini ninaipongeza Serikali ya Awamu ya Tano kwa kuutekeleza mradi.” Alisema Jenerali (Mstaafu) Mbena. 

Brigedia Jenerali (Mstaafu) Mbena aliwabeza watu wanaokejeli mradi huo na kuwaita kuwa wana mawazo ya kikoloni. “Mawazo ya Kikoloni yalikuwa kwamba Waafrika hawawezi kufanya hili au lile lakini ukweli unabaki palepale kuwa kazi hii kwa sehemu kubwa inafanywa na watu weusi w”enyewe wana uwezo wa kufanya kazi hii na tuna uwezo wa kupiga hatua katika maendeleo kama ilivyo nchi nyingine.” Alisema. 

Mzee mwingine mstaafu ni Cypriana William ambaye yeye alisema…“Tulikuwa na hamu ya kuona mradi huu, tulikuwa tunaona picha tu, lakini baada ya kufika hapa kwakweli nimeona maajabu, ninampongeza sana Rais wetu kwa kazi hii nzuri na nchi yeyu inastahili sifa, tumejifunza mengi na tunamuombea Rais baraka tele kwa Mwenyezimungu.” Alisema mzee huyo mstaafu. 

Kwa upande wake Msimamizi wa Ujenzi wa JNHPP, Mhandisi Said Kimbanga alisema Tanesco ikishirikiana na Mhandisi kutoka Tanroad watahakikisha mradi unakamilika kama ulivyopangwa. 

“Tumefikia kwenye hatua nzuri ya kuleta matumaini na wazee leo wameshuhudia kwamba kodi yao inatumika kutekeleza mradi huu na siyo pesa ya nje, na hadi sasa mradi kwa ujumla wake umefikia asilimia 40, na ni matumaini yetu ifikapo Juni 22, 2022 mradi unakamilika.” Alisema Mhandisi Kimbanga.

Msimamizi wa Ujenzi wa JNHPP, Mhandisi Said Kimbanga (kulia), akiwaonyesha kitu baadhi ya wazee hao kwenye eneo la Mradi.

Baada ya maji kuchepushwa kwenye handaki la kuchepusha maji sasa kazi inaendelea hivi.

Picha ya pamoja ya wazee wastaafu kutoka Chama Cha Saidia Wazee Tanzania (SAWATA) katika eneo la Mradi wa Umeme wa Maji wa Julius Nyerere Januari 2, 2021.

Read More →

KANISA LA MORAVIAN USHARIKA WA KIJICHI LAFANYA BONANZA KUSHEREHEKEA CHRISMASI NA MWAKA MPYA

 

Baadhi ya vijana walioshiriki bonanza hilo lililoandaliwa na Kanisa la Moravian Usharika wa Kijichi jijini Dar es Salaam  kwa ajili ya kusherehekea Sikukuu za mwishoni mwa mwaka 2020. Kulia ni Mchungaji wa kanisa hilo Raphael Mwampagatwa.

Timu hii ya vijana walioshiriki bonanza hilo lililoandaliwa na Kanisa la Moravian Usharika wa Kijichi jijini Dar es Salaam  kwa ajili ya kusherehekea Sikukuu za mwishoni mwa mwaka ndio iliibuka kidedea katika bonanza hilo.

 

Na Dotto Mwaibale - Dar es salaam

KANISA la Moravian Usharika wa Kijichi jijini Dar es Salaam limefanya bonanza la  mpira wa miguu kwa ajili ya kusherehekea sikukuu za mwishoni mwa mwaka 2020.

Akizungumza na waandishi wa habari juzi Mchungaji wa kanisa hilo Raphael Mwampagatwa alisema walifanya hivyo ili kuhubiri neno la Mungu kupitia michezo.

"Michezo mara zote ukusanya watu hivyo tuliona tufanye kitu kama bonanza ili tukikutana na watu mbalimbali tukumbushane neno la Mungu hasa katika sikukuu hizi na mwishoni mwa mwaka yaani chrismasi na mwaka mpya." alisema Mwampagatwa.

Mwampagatwa alisema mbali ya kuhubiri kupitia michezo pia uwajenga kiakili na kiafya na kufahamiana na watu wengine ambao wanaishi jirani na kanisa hilo.

Alisema muitikio wa watu kushiriki mchezo huo ulikuwa mkubwa  hivyo mwaka huu Mungu akiwajaalia wataongeza michezo mingine mingi kama Netball, kukimbiza kuku, riadha, kukimbia huku ukiwa umevaa gunia miguuni, kuvuta kamba na uimbaji.

Read More →

WANANCHI WA MBOPO WAMUOMBA RAIS MAGUFULI KUINGILIA MGOGORO WA ARDHI

 

Baadhi ya Wananchi wakimsilikiliza Mwenyekiti wa Serikali ya mtaa Mbopo jijini Dar es salaam alipokuwa akizungumza nao kwenye kikao chake alichokiitisha kwa wakazi wa maeneo hayo mwishoni mwa wiki.

Mwenyekiti wa Serikali za Mtaa Mbopo,Mohamed Bushir azingumza na Wananchi katika mkutano wa uliofanyika mwishoni mwa wiki katika viwanja vya ofisi ya Serikali ya mtaa Mbopo.Kinondoni jijini Dar es salaam.

Baadhi ya Wananchi wakiwa na Mabango baada ya kudaiwa kupotezewa muda na mtu aliyedaiwa kuitwa kwa jina la Mgala,kwa kukosa kufika kwenye mkutano huo ambao yeye ulikuwa ukimuhusu pia.

****

Na Mwandishi Wetu, Dar es salaam

 WAKAZI wa Wilaya ya Kinondoni, Mtaa wa Mbopo jijini Dar es Salaam wameiomba Serikali ya Awamu ya Tano chini ya Rais Dk. John Magufuli kuwasaidia kutafutia ufumbuzi wa mgogoro wa ardhi uliopo kwenye eneo lao.

 Hii inatokana na kuwepo mtu anayetambuliwa kwa jina la Emmanuel Mgala amekuwa akidai eneo hilo ni la kwake huku akijua si kweli.

 Wakizungumza na mwandishi wetu, wakazi hao walisema wanaamini mgogoro huo utakoma iwapo Rais Magufuli ataingilia kati kwani kwa namna inavyoonekana mtu huyo hana woga na mara kadhaa amekuwa akikaidi wito wa viongozi wa Serikali ya Mtaa wa Mbopo, Mkoa wa Kinondoni.

 "Tunamuomba Rais Magufuli atusaidie, tunapata shida wakazi wa eneo hili, tunaomba utusaidie  hatuna makazi kwani haya makazi ambayo tunaishi sasa ni kama vile tumenyang'anywa na wenye fedha," alisema mkazi wa eneo hilo Fatuma Heri.

 Kwa upande wake Charles Kapuya amesema inasikitisha kuona ofisi ya Serikali ya Mtaa kila siku inamuita mtu mmoja lakini hataki kufika: "Serikali ya Mtaa inasema inamtambua mkazi huyo (Mgala) wakati mkazi mwenyewe hataki kuisikiliza Ofisi ya Serikali ya Mtaa ambayo ndio inamlinda. 

"Kwanza mimi nasikitika, niulize kitu kimoja kwa Serikali ya Mtaa, huyo Mgala ambaye anajiita ana mashamba, Mwenyekiti wa Serikali ya Mtaa alikuja kwako kujitambulisha ana mashamba mangapi hapa Mbopo? Kama ana mashamba, je hayo mashamba analima nini? Je wananchi wako wananufaika nini na hayo mashamba au serikali inanufaika na kitu gani,” alihoji Kapuya na kuongeza:

 "Ni nani yeye aliyekuwa juu ya sheria kiasi cha kushindwa kuitii Ofisi ya Serikali ya Mtaa ambayo ndio yenye mamlaka, tuna mashaka na ofisi yako mwenyekiti wetu, unasema upo na wananchi leo hii mbele ya wananchi unawadanganya. Umetuambia hapa ulimuita Mgala mkazungumza naye, hatuhitaji mlizungumze nini na katika kikao hiki umempigia simu anasema hawezi kuja."

 Wakati huo huo, mkazi wa eneo hilo Tina Mfanga alisema kwa nyakati tofauti Mwenyekiti wa Serikali ya Mtaa wa Mbopo amekuwa akiwaita wananchi na kuwaambia wakutane na Mgala lakini amekuwa akikataa kufika.

 "Tupo hapa kwenye kikao anapigiwa simu hadharani anasema hawezi kuja ila atazungumza na Mwenyekiti," alisema Mfanga na kuongeza:

 "Vikitishwa vikao hatokei, kazi yake kupiga simu au atawasubirisha. Tunaomba tupewe majibu huyu ni mwananchi kama wananchi wengine au yeye ni tofauti na sisi, ndiyo maana wakati mwingine ofisi inamsikiliza sana yeye."

 Kwa upande wake Mselemu Athuman ambaye naye ni mkazi wa Mbopo alisema, Serikali iliamua kuja kuhakiki eneo hilo kwa lengo la kujiridhisha wapi ni makazi ya watu na wapi ni mashamba.

 "Kazi kubwa ni nyinyi viongozi wa Serikali za Mitaa kutambua hapa kuna mashamba au kuna makazi ya watu, hao wakazi mnaowakubali wanakaa wapi na hayo mashamba yako wapi," alisema Athumani.

 Akizungumza mbele ya wakazi hao, Mwenyekiti wa Mtaa wa Mbopo  Mohamed Bushir amewaambia aliamua kumuita Mgala ili kuzungumza na wananchi lakini amekataa.

 "Niliamua kumuita kwa kuamini hii ndio njia sahihi ya kupata ufumbuzi, lakini wananchi mmeona amekataa," alisema Bushir na kuongeza:

 "Nataka kuhakikishia tu si hapa Mbopo tu bali Mkoa wote wa Dar es Salaam kwa sasa mashamba hakuna.”.

Read More →

FULL POWER, ZATI 50 NI KIBOKO YA TATIZO LA UPUNGUFU WA NGUVU ZA KIUME NA UUME MDOGO

Sababu za upungufu wa nguvu za kiume na maumbile madogo ya uume:

⇒Ngiri,

⇒Henia

⇒Kisukari

⇒Tumbo kujaa gesi

⇒Kutopata choo vizuri

⇒Utumiaji madawa kwa muda mrefu

⇒Unywaji wa pombe kupita kiasi

⇒Msongo wa mawazo 

⇮⇒Haya yote hupelekea mwili kutokuzalisha homoni ya gesrtogine au kuwa chache na kushindwa kupata mzunguko mzuri wa damu na vichocheo vingine kama madini ya zinki ambayo hukufanya kuwa na msisimko  na kufanya kuwa na muda  mrefu na nguvu za kutosha.

FULL POWER

⇨Ni dawa ya vidonge ya miti shamba inaongeza nguvu za kiume na kutibu kabisa tatizo hilo.

⇨Inaongeza hamu ya tendo la ndoa

⇨Inakufanya uchelewe kufika kileleni zaidi ya Dakika 30 na kurudia tendo zaidi ya mara nne na zaidi.

Zati 50

⇨ Inarutubisha maumbile ya uume  na kunenepesha urefu nchi 6,unene sentimita 4

⇨Dawa hii ni ya kutibu kabisa tatizo hilo.

Pia tunatibu Magonjwa mengine Kama

Matatizo ya pumu,Bawasiri, vidonga vya tumbo,Kisukari,Magonjwa sugu ya zinaa,Kaswende,U.T.I , kiuno,miguu kuwaka moto, Fangasi sehemu za Siri, kupunguza unene wa mwili,tumbo kuunguruma,kujaa gesi, matatizo ya uzazi kwa wanawake, kurutubisha mbegu za uzazi kwa akina baba, matatizo ya meno tunatibu bila kungoa

Kliniki yetu inapatikana Zanzibar, Dar es salaam na Shinyanga.

Wasiliana nasi kwa simu namba 071770 22 27

Read More →