Picha : KATAMBI ASHEREHEKEA SIKUKUU YA MWAKA MPYA 2021 NA WATOTO WENYE UALBINO BUHANGIJA...ATUMA SALAMU ZA JPM NA KUTOA ZAWADI

Katikati ni Naibu Waziri wa Nchi ofisi ya Waziri Mkuu, Kazi, Vijana na Ajira, Patrobas Katambi ambaye pia ni Mbunge wa Jimbo la Shinyanga Mjini (CCM) akikabidhi zawadi mbalimbali kwa watoto wanaolelewa katika kituo cha Buhangija kwa ajili ya kusherehekea Sikukuu ya Mwaka Mpya 2021. 

Na Kadama Malunde - Malunde 1 blog

Naibu Waziri wa Nchi ofisi ya Waziri Mkuu, Kazi, Vijana na Ajira, Patrobas Katambi ambaye pia ni Mbunge wa Jimbo la Shinyanga Mjini (CCM) amesherehekea Sikukuu ya Mwaka Mpya 2021 kwa kuwatembelea na kuwapatia zawadi watoto wenye ualbino wanaolelewa katika kituo cha Buhangija Mjini Shinyanga. 

Mhe. Katambi ametembelea watoto hao leo Ijumaa Januari 1, 2020 akiambatana na Katibu wa Naibu Waziri wa Nchi ofisi ya Waziri Mkuu, Kazi, Vijana na Ajira Mkama Nyamwesa, Mwenyekiti wa CCM wilaya ya Shinyanga Mjini, Abubakari Gulam na Katibu wa Umoja wa Vijana (UVCCM) wilaya ya Shinyanga Mjini, Raphael Nyandi. 

Miongoni mwa zawadi zilizotolewa na Mhe. Katambi kwa watoto ni pamoja na unga wa ngano, sukari, madaftari, kalamu,chumvi, sabuni na juisi huku akiwapa motisha walimu walezi wa watoto hao. 

Akizungumza, Katambi amesema lengo la ziara yake katika kituo cha kulelea watoto cha Buhangija ni kuwapa salamu za Mwaka Mpya 2021 kutoka kwa viongozi Wakuu wa nchi wakiongozwa na Mheshimiwa Rais Dkt. John Pombe Magufuli. 

“Lengo la mimi kufika hapa ni kuwapa watoto salamu za Mwaka mpya 2021 za Rais wetu Mpendwa Dkt. John Pombe Magufuli, Makamu wa Rais Mhe. Samia Suluhu na Waziri Mkuu, Mhe. Kassim Majaliwa”, amesema Katambi. 

Amesema lengo jingine ni kufuatilia maendeleo ya kituo cha kulelea watoto cha Buhangija, kutatua changamoto za kituo hicho na kuwapa watoto zawadi mbalimbali za Mwaka Mpya 2021 na kuwapa motisha walimu walezi wa wanafunzi hao. 

Mhe. Katambi amebainisha kuwa Serikali inatoa kipaumbele na kuyajali makundi maalumu ya watu (wenye uhitaji maalumu) katika jamii wakiwemo watoto wenye ulemavu, wanaoishi katika mazingira magumu na hatarishi. 

Katika hatua nyingine, Katambi ametoa wito kwa wadau na wananchi kwa ujumla wajitokeze kutoa misaada kwa watu wenye uhitaji kama vile mafuta maalumu kwa ajili ya watoto wenye ualbino, nguo na chakula akidai kuwa hiyo ndiyo Sadaka, Sala na Dua ya kweli kwa Mungu yenye majibu ya neema. 

Mmoja wa watoto hao kwa niaba ya wenzake, Kwandu Masunga amemshukuru Mhe. Katambi kwa kusherehekea nao Sikukuu ya Mwaka Mpya 2021 na kuwaomba wadau wengine kutembelea kituo hicho kwani wanafarijika na kufurahi wanapopata wageni. 

Kwa upande wake, Mkuu wa kituo cha Kulelea watoto cha Buhangija, Mwalimu Suleiman Kipanya amesema kituo hicho sasa kina jumla ya watoto 225 ambapo kati yao wenye ualbino ni 131, wasiosikia (viziwi) 74 na wasioona 20.

Naibu Waziri wa Nchi ofisi ya Waziri Mkuu, Kazi, Vijana na Ajira, Patrobas Katambi ambaye pia ni Mbunge wa Jimbo la Shinyanga Mjini (CCM) akizungumza katika kituo cha kulelea watoto wenye mahitaji maalumu cha Buhangija Mjini Shinyanga leo Ijumaa Januari Mosi ,2020 kwa ajili ya kuwapa zawadi ikiwa ni sehemu ya kusherehekea Sikukuu ya Mwaka Mpya 2021. Wa kwanza kushoto ni Mwenyekiti wa CCM wilaya ya Shinyanga Mjini, Abubakari Gulam, mtoto Kwandu Masunga na Katibu wa Naibu Waziri wa Nchi ofisi ya Waziri Mkuu, Kazi, Vijana na Ajira Mkama Nyamwesa. Wa kwanza kulia ni Mkuu wa kituo cha Buhangija, Selemani Kipanya. Picha zote na Kadama Malunde - Malunde 1 blog

Naibu Waziri wa Nchi ofisi ya Waziri Mkuu, Kazi, Vijana na Ajira, Patrobas Katambi ambaye pia ni Mbunge wa Jimbo la Shinyanga Mjini (CCM) akizungumza katika kituo cha kulelea watoto wenye mahitaji maalumu cha Buhangija Mjini Shinyanga leo Ijumaa Januari Mosi ,2020 kwa ajili ya kuwapa zawadi ikiwa ni sehemu ya kusherehekea Sikukuu ya Mwaka Mpya 2021. 

Mtoto Kwandu Masunga akimshukuru Naibu Waziri wa Nchi ofisi ya Waziri Mkuu, Kazi, Vijana na Ajira, Patrobas Katambi ambaye pia ni Mbunge wa Jimbo la Shinyanga Mjini (CCM) kwa kutembelea kituo cha kulelea watoto wenye mahitaji maalumu cha Buhangija Mjini Shinyanga leo Ijumaa Januari Mosi ,2020 na  kuwapa zawadi ikiwa ni sehemu ya kusherehekea Sikukuu ya Mwaka Mpya 2021. 

Muonekano wa sehemu ya zawadi za Mwaka Mpya 2021 zilizotolewa na Naibu Waziri wa Nchi ofisi ya Waziri Mkuu, Kazi, Vijana na Ajira, Patrobas Katambi ambaye pia ni Mbunge wa Jimbo la Shinyanga Mjini (CCM) leo Ijumaa Januari Mosi ,2020 kwa ajili ya watoto katika kituo cha Buhangija ili kusherehekea Sikukuu ya Mwaka Mpya 2021. 

Katikati ni Naibu Waziri wa Nchi ofisi ya Waziri Mkuu, Kazi, Vijana na Ajira, Patrobas Katambi ambaye pia ni Mbunge wa Jimbo la Shinyanga Mjini (CCM) akikabidhi zawadi mbalimbali kwa watoto wanaolelewa katika kituo cha Buhangija kwa ajili ya kusherehekea Sikukuu ya Mwaka Mpya 2021. Wa kwanza kulia ni Mkuu wa kituo cha Buhangija Selemani Kipanya. Wa kwanza kulia ni Katibu wa UVCCM wilaya ya Shinyanga Mjini, Raphael Nyandi akifuatiwa na Mwenyekiti wa CCM wilaya ya Shinyanga Mjini, Abubakari Mukadam.

Katikati ni Naibu Waziri wa Nchi ofisi ya Waziri Mkuu, Kazi, Vijana na Ajira, Patrobas Katambi ambaye pia ni Mbunge wa Jimbo la Shinyanga Mjini (CCM) akikabidhi zawadi mbalimbali kwa watoto wanaolelewa katika kituo cha Buhangija kwa ajili ya kusherehekea Sikukuu ya Mwaka Mpya 2021. Wa kwanza kulia ni Mkuu wa kituo cha Buhangija Selemani Kipanya. Wa kwanza kulia ni Katibu wa UVCCM wilaya ya Shinyanga Mjini, Raphael Nyandi akifuatiwa na Mwenyekiti wa CCM wilaya ya Shinyanga Mjini, Abubakari Mukadam.

Naibu Waziri wa Nchi ofisi ya Waziri Mkuu, Kazi, Vijana na Ajira, Patrobas Katambi ambaye pia ni Mbunge wa Jimbo la Shinyanga Mjini (CCM) na msafara wake akipiga picha ya kumbukumbu na watoto na walimu katika kituo cha Buhangija.

Naibu Waziri wa Nchi ofisi ya Waziri Mkuu, Kazi, Vijana na Ajira, Patrobas Katambi ambaye pia ni Mbunge wa Jimbo la Shinyanga Mjini (CCM) na msafara wake akipiga picha ya kumbukumbu na watoto na walimu katika kituo cha Buhangija.

Naibu Waziri wa Nchi ofisi ya Waziri Mkuu, Kazi, Vijana na Ajira, Patrobas Katambi ambaye pia ni Mbunge wa Jimbo la Shinyanga Mjini (CCM) akipiga stori na mmoja wa watoto katika kituo cha Buhangija huku amembeba wakati wa kusherehekea Sikukuu ya Mwaka Mpya 2021 leo Januari 1,2021.

Picha zote na Kadama Malunde - Malunde 1 blog

Read More →

Habari Zilizopo Katika Magazeti ya Leo Ijumaa January 1, 2020

Read More →

Results Based Mgmt Specialist at UNDP

Background The UN Resident Coordinator’s Office (RCO) in Tanzania supports the Resident Coordinator in promoting attainment of the Sustainable Development Goals and the Africa Agenda 2063. It provides strategic guidance and coordination assistance for the design and delivery of the UN’s Cooperation Framework, UN Development Assistance Plan 2015-2022 (UNDAP II). Under the direct guidance and […]

The post Results Based Mgmt Specialist at UNDP appeared first on Udahiliportal.com.

Read More →

Technical Lead, Family Planning at Americares

TITLE: Technical Lead- Family Planning (TL-FP), Community Partnerships for Respectful Care (CPRC) project DEPARTMENT:  International Partnerships & Programs REPORTS TO:  Tanzania Project Director, Community Partnerships for Respectful Care (CPRC) project ASSIGNMENT TYPE:  Full-time LOCATION:  Mwanza, Tanzania LENGTH:  24-months with possibility to extend based on performance and budget ABOUT AMERICARES:  Americares is a health-focused relief and development organization that saves […]

The post Technical Lead, Family Planning at Americares appeared first on Udahiliportal.com.

Read More →

Technical Lead, Maternal, Neonatal and Child Health at Americares

TITLE: Technical Lead- Reproductive Maternal Neonatal and Child Health (TL-MNH), Community Partnerships for Respectful Care (CPRC) Project DEPARTMENT:  International Partnerships & Programs REPORTS TO: Tanzania Project Director, Community Partnerships for Respectful Care (CPRC) project ASSIGNMENT TYPE: Full-time LOCATION:  Mwanza, Tanzania LENGTH: 24-months with possibility to extend based on performance and budget ABOUT AMERICARES:  Americares is a health-focused relief and […]

The post Technical Lead, Maternal, Neonatal and Child Health at Americares appeared first on Udahiliportal.com.

Read More →

Monitoring, Evaluation and Learning Specialist at Americares

TITLE: Monitoring, Evaluation, and Learning (MEL) Specialist, Community Partnerships for Respectful Care (CPRC) Project DEPARTMENT: International Partnerships & Programs REPORTS TO: Tanzania Project Director, Community Partnerships for Respectful Care (CPRC) Project ASSIGNMENT TYPE:  Full-time LOCATION:  Mwanza, Tanzania LENGTH: 24-months with the possibility to extend based on performance and budget ABOUT AMERICARES:  Americares is a health-focused relief and development organization that […]

The post Monitoring, Evaluation and Learning Specialist at Americares appeared first on Udahiliportal.com.

Read More →

Technical Lead-Community Engagement and Social Behavior Change (TL-CES) at Americares

TITLE: Technical Lead-Community Engagement and Social Behavior Change (TL-CES), Community Partnerships for Respectful Care (CPRC) Project DEPARTMENT: International Partnerships & Programs REPORTS TO: Tanzania Project Director, Community Partnerships for Respectful Care (CPRC) project ASSIGNMENT TYPE: Full-time LOCATION: Mwanza, Tanzania LENGTH:  24-months with possibility to extend based on performance and budget ABOUT AMERICARES:  Americares is a health-focused relief and development organization that […]

The post Technical Lead-Community Engagement and Social Behavior Change (TL-CES) at Americares appeared first on Udahiliportal.com.

Read More →

Finance Officer at BRAC

Overview BRAC is one of the world’s largest development organisation having extensive development programmes globally. BRAC’s vision is a world free from all forms of exploitation and discrimination where everyone has the opportunity to realise their potential. We use an integrated model to change systems of inequity through social development programmes, humanitarian response, social enterprises, […]

The post Finance Officer at BRAC appeared first on Udahiliportal.com.

Read More →

UONGOZI WA MALUNDE 1 BLOG UNAWATAKIA WASOMAJI & WADAU WAKE HERI YA MWAKA MPYA 2021

Tunawashukuru sana wasomaji na wadau wa Malunde.com kwa ushirikiano mkubwa mliotuonesha katika mwaka 2020 na kuifanya Malunde 1 blog kuwa Blog Bora yenye kuaminika kwa habari na matukio ikiwa na watembeleaji zaidi ya Milioni 49 na Laki 7 hadi kufikia Desemba 31,2020.

Tunawaomba  ushirikiano zaidi katika mwaka 2021 na tunaahidi kuboresha zaidi huduma zetu ili wasomaji na wadau wetu waendelee kufurahia ulimwengu wa Digitali kwa kupata habari na matukio kiganjani mwao kwa wakati muafaka kupitia https://ift.tt/2gKJ5nm na Aplikesheni ya Malunde 1 blog inayopatikana Google Play/ Play store. Pakua <Hapa> au mitandao yetu ya  Kijamii ikiwemo Twitter, Facebook na Instagram

Ili kuboresha zaidi huduma zetu tutumie ushauri,maoni kupitia Email : malundekadama@yahoo.com Phone/WhatsApp +255 757 478 553 ,+255 625 918 527.

Tunaomba Mtusamehe  kama tuliwakwaza kwa chochote mwaka 2020 na Tunawatakia kila lililo jema  na mkatimize mipango mliyopanga kuifanya mwaka 2021....Mungu awabariki sana.

Uongozi Malunde Media

Read More →

YANGA SC YANUSURIKA KUCHAPWA SUMBAWANGA...TANZANIA PRISONS WAILAZIMISHA SARE YA 1-1

VINARA, Yanga SC wameendeleza rekodi ya kupoteza mechi katika Ligi Kuu ya Tanzania Bara msimu huu baada ya leo kulazimisha sare ya 1-1 na wenyeji, Tanzania Prisons Uwanja wa Mandela, Sumbawanga mkoani Rukwa.

Kwa ushindi huo, Yanga SC inafikisha pointi 44 baada ya kucheza mechi 18 na kuendelea kuongoza Ligi Kuu kwa pointi tisa zaidi ya mabingwa watetezi, Simba SC ambao hata hivyo wana mechi tatu mkononi.

Baada ya dakika 45 ngumu za kipindi cha kwanza, Tanzania Prisons wakawashitua Yanga SC kwa bao la Jumanne Elfadhili dakika sita tu ndani ya kipindi cha pili akimalizia kazi nzuri ya Nurdin Chona.

Pilikapilika za Yanga zikafanikiwa kuzaa matunda dakika 12 kabla ya filimbi ya mwisho, mkombozi akiwa na mchezaji mpya kutoka Burundi, Said Ntibanzokiza.

Mechi nyingine za Ligi Kuu leo, Azam FC imeibuka na ushindi wa 1-0 dhidi ya wenyeji, Polisi Tanzania bao pekee la Ismail Aziz dakika ya 88 Uwanja wa Chuo cha Ushirika mjini Moshi mkoani Kilimanjaro.

Pamoja na ushindi huo, Azam FC inayofundishwa na kocha wa zamani wa Yanga SC,Mzambia George Lwandamina inabaki nafasi ya tatu na pointi zake 32 baada ya mechi 17.

Uwanja wa Mkwakwani Jijini, bao la dakika ya 76 la Rashid Chambo likawanusuru wenyeji, Coastal Union kulala mbele ya Namungo FC ya Ruangwa mkaoni Lindi iliyotangulia kwa bao la Iddi Kipagwile dakika ya 10 timu hizo zikitoa sare ya 1-1. 

Kikosi cha Tanzania Prisons kilikuwa; Jeremiah Kisubi, Michael Mpesa, Benjamin Asukile, Vedastus Mwaihambi, Nurdin Chona, Jumanne Elfadhil, Salum Kimenya/Ezekia Mwashilindi dk71, Lambert Sibiyanka, Mohammed Mkopi/ Kassim Mdoe dk80, Samson Mbangula na Jeremiah Juma/Marco Mhilu dk9-+4.

Yanga SC; Metacha Mnata, Kibwana Shomari, Yassin Mustapha, Lamine Moro, Bakari Mwamnyeto, Mukoko Tonombe, Tuisila Kisinda, Feisal Salum, Michael Sarpong, Said Ntibanzokiza/Waziri Junior dk86 na Farid Mussa/Deus Kaseke dk61.

 CHANZO - BINZUBEIRY BLOG

Read More →

Uchawi Mbeya : MWANAMKE MWENYE UJAUZITO WA MIEZI 9 AJIKUTA HANA MIMBA

Picha ya mwanamke mwenye mimba.

Taharuki imeibuka kwa wakazi wa kitongoji cha Iyula A katika kata Iyula, wilayani Mbozi, baada ya mwanamke mmoja Mariam Mligo (19) anayedaiwa kuwa mjamzito wa miezi tisa, ujauzito wake kupotea katika mazingira tata muda mfupi baada ya kushikwa na uchungu.

Tukio hilo lililozua taharuki kubwa katika Kata ya Iyula, ambapo mama huyo awali alipaswa kujifungua Desemba 25, 2020, na baadaye mama huyo kujikuta hana ujauzito.

Mwenyekiti wa kitongoji cha Iyula A, Mawazo Mwamlima, amesema kuwa tukio hilo limesababisha taharuki na sintofahamu kwa wakazi wa kitongoji hicho kwa kuwa si tukio la kawaida na kwamba hata mara baada ya kumpeleka hospitali hakuonesha dalili yoyote ya kwamba labda amejifungua.

Kwa upande wake Mganga Mkuu wa wilaya ya Mbozi, Dkt. Mponjoli Mwangosi, amethibitisha kumpokea mwanamke huyo katika kituo hicho cha Afya Iyula akiwa katika hali ya kuchanganyikiwa, ambapo uchunguzi wa awali ulionesha kuwa mama huyo hakuwa na ujauzito.

Aidha Dkt. Mponjoli ameongeza kuwa hali hiyo ipo kwenye mambo ya uzazi kwa akina mama na kuna kitu kinaitwa mimba isiyo halisia ‘Pseudocyesis Pregnance”, hali hiyo huwaingiza watu wengi kwenye migogoro ya ndoa na kuibua taharuki wakisema kuna mambo ya kishirikina, hali hii ambayo hutokana na magonjwa ya wanawake.

Chanzo- EATV

Read More →

VITA DHIDI YA UKEKETAJI YALETA MAFANIKIO SINGIDA

Baadhi ya vifaa vinavyotumika kwenye Ukeketaji vikisalimishwa na Ngariba aliyetangaza kuachana kazi hiyo

Mmoja wa Wadau wa kupinga vitendo vya  Ukeketaji, Patrick Kasango  akitoa elimu kwa wananchi

Na Abby Nkungu, Singida

VITA dhidi ya ukeketaji wanawake na watoto wa kike imeanza kuonesha mafanikio mkoani Singida baada ya wazazi na walezi wa kike waliokuwa wanatajwa kuwa kikwazo kikubwa katika suala hilo, kuanza kujitokeza hadharani kupinga mila hiyo potofu yenye madhara makubwa kiafya.

 

Awali, ilielezwa kuwa licha ya juhudi kubwa za Serikali na Mashirika mbalimbali kudumisha usalama na ulinzi wa mtoto kwa kuzuia mila hiyo potofu, wazazi na walezi wa kike waliendelea kuwa kikwazo kwa kubuni mbinu mpya ya ukeketaji watoto wachanga kwa siri ili kukwepa mkono wa sheria.

 

Ilielezwa kuwa baada ya Serikali kutunga Sheria inayotaja ukeketaji kuwa kosa la jinai, baadhi ya wazazi na walezi wa kike walikuja na mbinu mpya ya kufanya kitendo hicho kiovu na cha kikatili kwa siri usiku wa manane kwa kumsugua mtoto mchanga sehemu zake za siri kwa majivu au chumvi aina ya magadi hadi damu itoke au kukata kwa kucha sehemu hiyo ili kutekeleza mila hiyo potofu.

 

Hata hivyo, Mratibu wa Shirika la ESTL linalotekeleza Mradi wa kupinga ukatili wa kijinsia katika Wilaya ya Singida, Filbert Swai anasema baada ya elimu kutolewa kwa wingi, yapo mafanikio yaliyoanza kujitokeza kama vile baadhi ya  ngariba, wazazi na walezi wa kike kuanza kupinga mila hiyo hadharani.

 

“Ikiwa wazazi wa kike na baadhi ya ngariba ambao ndio walikuwa vinara wa kufanya jambo hilo kwa siri usiku wa manane, sasa wameanza kujitokeza mchana kweupe na  kutangaza  kupinga mila hiyo kwenye mikutano ya hadhara ni dhahiri kuwa vita hii tunaenda kushinda” alisema na kuongeza;

 

Pamoja na kudumisha mila,  wengi walishindwa kuacha vitendo hivyo kutokana na dhana potofu kuwa ukeketaji ni tiba ya ugonjwa unaojulikana kienyeji kama 'lawawala'. Baada ya kutumia waatalamu wa afya kutoa elimu kuwa 'lawalawa' inaweza kuzuiwa kwa kuimarisha usafi sehemu za siri za mtoto, baadhi yao wameacha".

 

Ngariba mstaafu, Halima Ntandu (76) Mkazi wa Ntuntu wilayani Ikungi alisema yeye ameacha kabisa kufanya ukeketaji baada ya kupata elimu kupitia vyombo vya  habari na mikutano ya hadhara juu ya madhara ya ukeketaji na hatua zinazoweza kuchukuliwa iwapo mtu atabainika kukeketa.

 

“Tulianza kufanya usiku wa manane lakini nikaja kuambiwa na wajukuu wangu kuwa bibi wameandika hadi kwenye magazeti kuwa mmebadili mbinu, nikasema yuuu nisije kikafungwa bure  na uzee huu, nikaacha kabisa!!” anasema bibi huyo na kutoa mwito kwa ngariba wenzake kustaafu kwa hiari. 

 

 

Daktari Bingwa Mshauri wa magonjwa ya Wanawake na Watoto katika Hospitali ya Rufaa ya mkoa wa Singida,  Dk Suleiman Muttani alipohojiwa alisema ingawa mila hiyo imeanza kupungua, bado ni kikwazo cha ulinzi na usalama wa mtoto mkoani Singida kutokana na athari za kiafya na kisaikosojia zinazomkuta mhusika ikiwa ni pamoja na athari za  muda mrefu na muda mfupi.

 

"Athari hizo ni kutokwa na damu nyingi sehemu za siri au wakati mwingine kusababisha kifo na maambukizi ya magonjwa ya Ukimwi na mengine. Magonjwa ya kuambukiza ya mara kwa mara yanayoweza kumfanya mtoto kuwa tasa anapofikia ukubwani, uharibifu wa mfumo wa njia ya uzazi, matatizo wakati wa kujifungua na kutofurahia tendo la ndoa wakati wa kujamiana kutokana na kovu linalobaki baada ya majeraha kupona" alifafanua Dk Muttani.

 

Kwa mujibu wa takwimu za utafiti wa Kidemografia na Afya (TDHS), kiwango cha ukeketaji wanawake wenye umri wa miaka 15 - 49 kimekupungua kutoka asilimia 18 mwaka 1996 hadi kufikia asilimia 10 mwaka 2016. 

Read More →

Makubwa Haya : JOGOO AGOMA KUUZWA SOKONI

Picha ya jogoo

Wananchi wa kijiji cha Luanda Kaunti ya Vihiga nchini Kenya wameachwa na mshangao mkubwa na kuchanganyikiwa baada ya jogoo anayedaiwa kuibwa katika Kaunti nyingine kukataa kuuzwa licha ya bei yake nafuu.

Mwizi aliyekuwa amemleta jogoo wa kuiba katika soko la Luanda alijikuta katika wakati mgumu baada ya kutaka kumuuza jogoo huyo.

Jogoo alikataa kuuzwa hata baada ya mnunuzi kupatikana wa bei nafuu ambapo hali hiyo iliwafanya watu kumhoji mwizi huyo alikomtoa kuku huyo.

Mdakuzi wetu aliyeshuhudia sinema hiyo anasema kuwa, yeye pia alichanganyikiwa kama walivyochanganyikiwa wengine, baada ya kugundua kuwa, Jogoo huyo kutoka Kaunti ya Siaya, alimkatalia mwizi (kwa jina William) kila mara alipotaka kumuuza. 

Tukio hilo lilitokea na kujirudia mara 4 hadi watu waliokuwa sokoni walipoanza kushuku na kuamua kumkabili mtu huyo.

Walimhoji kumhusu jogoo huyo ambaye bei yake ilikuwa KSh 800, bei ya kutupa.

Wafanyabiashara katika soko hilo, walimhoji William na kutaka kufahamu ni kwa nini jogoo huyo alikuwa akionyesha tabia isiyokuwa ya kawaida. 

Kwa kuwa soko hilo lipo mpakani, inadaiwa mwenye kuku huyo alikuwa amefika katika soko hilo na alikuwa akimsaka kuku huyo.

Baada ya muda wakimhoji, kumbe taarifa ilikuwa imemfikia mwenye jogoo ambaye alifika na hatimaye kumtambua kuku wake aliyekuwa ametoweka. 

Katika hali ya kushangaza sana, mtu huyo alisema amefanya urafiki mkubwa na mifugo wake, na kwamba ni vigumu mtu yeyote kumwibia. 

Aliondoka na kuku wake huku husika wa wizi akiponea kichapo kwa kupigwa kitutu na umma.

Hata hivyo, ilidaiwa mwenye jogoo huyo ni mganga ambaye nguvu zake na dawa zilichangia kuku huyo kukataa kununuliwa kwani sio hali ya kawaida.

Chanzo - Tuko News blog

Read More →

MUUAJI HATARI WA KUVIZIA MAKAHABA AFARIKI DUNIA

Samuel Little, mtu aliyetajwa na shirika la kijasusi la FBI kama muuaji mkubwa wa kuvizia katika historia ya Marekani amefariki dunia akiwa na umri wa miaka 80.

Little alifariki dunia katika hospitali ya mjini California siku ya Jumatano, idara ya magereza imesema. Alikuwa akihudumia kifungo cha mauaji ya wanawake watatu.

Lakini kabla ya kifo chake , alikuwa amekiri kuwaua wanawake 93 kati ya mwaka 1970 na 2005.

'Little aliwalenga watu waliokuwa hawawezi kujitetea, wengi wao wakiwa makahaba ama watumiaji wa mihadarati' , walisema maafisa.

Akiwa Bondia wa zamani , Little angewaangusha waathiriwa wake kwa kuwapiga ngumi kabla ya kuwanyonga - ikimaanisha kwamba hakukuwepo ishara zozote , kama vile kuwadunga kisu ama kuwapiga risasi na kwamba mtu huyo alikuwa ameuawa.

Badala yake vifo vyake vingi vilidaiwa kula dawa kupitia kiasi ama vya ajali na havikuchunguzwa.

Baadhi ya miili haijapatikana , kitengo hicho kilisema.

Mwaka uliopita FBI lilisema kwamba wachambuzi wake walisema kwamba madai yote aliokiri kutekeleza yalikuwa ya kweli.

Pia walitoa picha za waathiriwa aliowachora wakati akiwa jela katika jaribio la kuwatafuta aliowaua.

Shirika la FBI lilitoa michoro ya Samuel Little kwa matumaini kwamba waathiriwa watatambulika.

Little alikamatwa mwaka 2012 kwa mashtaka ya kutumia mihadarati mjini Kentucky na kusafirishwa hadi California, ambapo maafisa walitafuta vinasaba vyake .

Tayari alikuwa na rekodi mbaya ya uhalifu akiwa na mashtaka ya wizi wa mabavu hadi ubakaji katika maeneo mbalimbali Marekani.

Vinasaba vya DNA vilimuhusisha na mauaji ya watu watatu ambao hayajatatuliwa kutoka 1987 na 1989 katika kaunti ya mji wa Los Angels.

Alikataa kufanya makosa lakini hatimaye alipatikana na hatia na kuhukumiwa kifungo cha maisha , bila fursa ya kuachiliwa katika siku za usoni.

CHANZO - BBC SWAHILI

Read More →

WANAFUNZI 294 WAKATISHA MASOMO YAO DODOMA, SINGIDA

Mtafiti Jacob Kateri akichukua maoni kutoka kwa wadau mbalimbali wa elimu Chamwino, Dodoma.

Mtafiti, Jacob Kateri akifafanua jambo kwa wadau wa elimu katika Halmashauri ya Wilya ya Chamwino, Dodoma.

Na Abby Nkungu, Singida

Jumla ya wanafunzi 294 wamekatisha masomo yao katika shule 20 za msingi za halmashauri za wilaya ya Chamwino mkoani Dodoma na Singida mkoani Singida katika kipindi cha mwaka 2018 kutokana na sababu mbalimbali, ikiwemo mazingira ya shule yasiyokuwa rafiki.

Taarifa ya Utafiti ya Action Aid chini ya Mradi wa Kuvunja vikwazo, Haki kodi na Utoaji huduma kwa usawa wa kijinsia uliojikita katika halmashauri hizo, imebaini kuwa walioacha shule ni sawa na ongezeko la asilimia 2.4 ikilinganishwa na asilimia 1.7 mwaka 2017 ambapo wanafunzi 186 tu waliacha shule.

Akiwasilisha taarifa hiyo kwenye mikutano ya wadau wa elimu katika halmashauri hizo kwa nyakati tofauti, Mtafiti Jacob Kateri alisema kuwa katika utafiti huo uliofanyika Januari na Februari mwaka jana, kati ya wanafunzi 294, Wavulana walikuwa 165 na Wasichana 129.

"Hiki ni kiwango cha juu sana ikilinganishwa na Takwimu za Kitaifa za 'Basic Education Statistics in Tanzania' (BEST) ambapo katika kipindi hicho ni asilimia 0.7 tu ya wanafunzi wote ndio walioacha shule", alisema Kateri.

Alitaja baadhi ya sababu za kuacha shule kuwa ni kupata mimba, baadhi yao kupewa uhamisho, mazingira yasiyokuwa rafiki; hasa kwa wasichana balehe na walio na ulemavu pamoja na utoro ambao takwimu zake zinaonesha kuwa upo kwa zaidi ya asilimia 30.

Alibainisha shule zilizofanyiwa utafiti wilayani Chamwino kuwa ni shule za msingi Buigiri Misheni, Chamwino, Mahama, Makang'wa, Mapinduzi, Matembe, Msanga na Sekondari za Chamwino, Mlowa Barabarani na Msanga.

Shule zingine kutoka halmashauri ya wilaya ya Singida ni shule za msingi Endeshi, Ikumese, Ilongero, Kafanabo, Madamigha, Mghunga, Mtinko na Sekondari za Ilongero, Mtinko na Mwanamwema Shein.

Meneja wa Mradi huo, Karoli Kadege alisema kuwa kuna haja ya kila mdau kuwa na jicho la kijinsia katika kuangalia uandikishaji wa wanafunzi akisisitiza kuwa kila mtoto ana haki ya kupata elimu bila kujali kama ana ulemavu au la.

"Mtoto mwenye ulemavu akisoma anampunguzia mzazi wake majukumu ya kumlea", alisema Kadege huku akiomba wazazi na walezi kuangalia uwezekano wa kuwaendeleza kielimu wanafunzi wanaopata mimba wakiwa shuleni.

Wakichangia hoja hiyo, wadau walisema kuwa kuna haja kwa kila mzazi na mlezi kuhakikisha kuwa mtoto wake anasoma hadi kuhitimu badala ya kuacha jukumu hilo kwa walimu pekee.

Walishauri Wenyeviti wa mitaa na vitongoji kutunza orodha ya wanafunzi wote wanaosoma kwenye maeneo yao na kuwafuatilia kwa karibu ili kuwachukulia hatua wazazi na walezi wanaowaachisha shule kwa ajili ya kuchunga mifugo, kulima au wasichana kupewa mimba na wengine kuozwa.

Read More →

Rais Magufuli Arejesha Fomu zake za maadili katika ofisi ya makao makuu ya Sekratarieti ya Maadili ya viongozi

Rais wa Jamhuri ya Muungano wa Tanzania, Mhe. Dkt. John Pombe Magufuli leo tarehe 31 Desemba, 2020 amewasilisha fomu zake za maadili katika ofisi ya makao makuu ya Sekratarieti ya Maadili ya viongozi Jijini Dodoma.

Katibu wa Rais Bw. Ngusa Samike amekabidhi fomu hizo kwa Kamishna wa Maadili, Jaji wa Mahakama ya Rufani Mhe. Sivangilwa Sikalalilwa Mwangesi.

Leo ni siku ya mwisho ya kuwasilisha fomu za maadili kwa viongozi wote kwa mujibu wa Sheria namba 13 ya mwaka 1995 ya Maadili ya Viongozi wa Umma

Read More →

VETA, WADAU WAWEKA MIKAKATI UZALISHAJI WA WATAALAMU MAHIRI WA SEKTA ZA KILIMO, UKARIMU NA UTALII

Mkurugenzi Mkuu wa VETA Dkt. Pancras Bujulu akizungumza wakati wa ufunguzi wa warsha kati ya VETA na wadau wa sekta za Kilimo, Ukarimu na Utalii wanaotekeleza programu ya Uanagenzi Pacha (Dual Apprenticeship Training System) iliyofanyika mkoani Manyara tarehe 30 Desemba, 2020.

Balozi wa programu ya Uwanagenzi Pacha na Mkulima wa mjini Babati, Ndugu Jitu Son, akichangia mada wakati wa warsha hiyo. 

Washiriki wa warsha wakiwa katika picha ya pamoja na Mkurugenzi Mkuu wa VETA Dkt. Pancras Bujulu (katikati). Kulia kwake ni Mkurugenzi wa Elimu na Mafunzo ya Ufundi Stadi Bi. Stella Ndimubenya na Mkuu wa Chuo cha VETA Manyara Ndugu Felix Ole Ndukai. Kushoto kwake ni Mkurugenzi wa VETA Kanda ya Kati Ndugu John Mwanja na Balozi wa programu ya Uanagenzi Pacha na Mkulima wa mjini Babati Ndugu Jitu Son.

Mratibu wa Programu ya Uwanagenzi Pacha VETA, Ndugu Francis Komba, akisisitiza jambo kwa washiriki wakati akiwasilisha mada juu ya wajibu wa wadau hao katika kufanikisha utoaji mafunzo kwenye sekta hizo.

Mmoja wa washiriki akichangia mada wakati wa warsha hiyo.

Washiriki wa warsha hiyo walipotembelea moja ya karakana inayotumika kutoa mafunzo kupitia programu ya Uanagenzi Pacha (Dual Apprenticeship training) katika chuo cha VETA Manyara. 

Washiriki wa warsha hiyo wakijadili jambo juu ya utekelezaji wa programu ya Uanagenzi Pacha (Dual Apprenticeship training)

Mkurugenzi wa Elimu na Mafunzo ya Ufundi Stadi Bi. Stella Ndimubenya akichangia mada wakati wa warsha hiyo.

Baadhi ya washiriki wa warsha hiyo ambao ni wadau wa kilimo, ukarimu na utalii wakifuatilia mada wakati wa warsha hiyo. 

***************** 

Mamlaka ya Elimu na Mafunzo ya Ufundi Stadi (VETA) imeendesha warsha kati yake na wadau wa sekta za Kilimo na Ukarimu na Utalii na kuweka mikakati ya kuzalisha wataalam mahiri wa sekta hizo kupitia programu ya Uanagenzi Pacha (Dual Apprenticeship Training System, DATS). 

Akifungua warsha ya wadau hao katika chuo cha VETA Manyara Desemba 30, 2020, Mkurugenzi Mkuu wa VETA Dkt. Pancras Bujulu amesema kuwa mafunzo kupitia programu hiyo yanamwezesha kijana kupata ujuzi wa fani husika akiwa chuoni na sehemu ya kazi, hivyo kumwezesha kwa kiasi kikubwa kujifunza kwa vitendo na kuendana na mahitaji ya soko la ajira pamoja na kupata uzoefu na uelewa wa mazingira halisi ya kufanyia kazi. 

Amesema wadau hao wana mchango mkubwa sana katika kuhakikisha mafunzo ya ufundi stadi yanatolewa kwa ufanisi na kuzalisha nguvukazi mahiri itakayochangia kuongeza tija na uzalishaji kwenye sekta hizo. 

VETA inatambua umuhimu wa kushirikiana na waajiri kwenye sekta mbalimbali kutoa mafunzo kwa kuwa ushirikiano huo unawezesha kuandaa nguvu kazi mahiri zaidi inayoendana na mahitaji halisi ya viwanda hasa kwa kuzingatia kuwa sehemu kubwa ya mafunzo hayo yanafanyika sehemu za kazi,amesema. 

Kwa mujibu wa Dkt Bujulu,programu hiyo imeendelea kufanya vizuri tangu kuanzishwa kwake mwaka 2012 kwa ushirikiano na Hamburg Chamber of Craft (HWK) ya Ujerumani ambapo jumla ya wanagenzi 448 wamefuzu mafunzo hayo kwenye fani za Ukarimu na Utalii, Ufundi Umeme, Ufundi Magari, Ujenzi, na Ufundi wa zana za kilimo. 

Dkt. Bujulu amewataka wadau hao kushiriki kikamilifu katika utekelezaji wa programu hiyo ili kuweza kuandaa wafanyakazi wenye viwango wanaohitajika katika kuleta mapinduzi katika sekta hizo. 

Mkurugenzi wa Elimu na Mafunzo ya Ufundi Stadi Bi. Stella Ndimubenya amesema warsha hiyo imelenga kuwajengea uwezo wasimamizi wa mafunzo hayo viwandani, juu ya namna bora ya kutekeleza programu hiyo, kubadilishana uzoefu na kujadili changamoto zitokanazo na utekelezaji wake. 

Mratibu wa programu hiyo Ndugu. Francis Komba amesema kuwa VETA imeamua kutoa mafunzo ya Uanagenzi pacha katika sekta hizo baada ya tafiti za soko la ajira kufanyika katika mikoa mbalimbali na kubaini mahitaji makubwa ya wataalamu wa hoteli na utalii pamoja na ufundi wa zana za kilimo kwa ngazi ya ufundi stadi. 

Balozi wa programu ya Uanagenzi pacha na Mkulima wa mjini Babati Ndugu Jitu Son ameishauri VETA kupanua wigo wa utoaji mafunzo ya ufundi stadi kupitia programu hiyo na kuwezesha vyuo vingi zaidi kutumia programu hiyo yenye manufaa makubwa kwa wanagenzi na waajiri. 

Mmoja wa wasimamizi wa programu hiyo ya Uanagenzi Pacha kutoka Moivaro Lodges, Serengeti Ndugu Musa Elphas amesema kuwa mfumo huo wa mafunzo umesaidia wenye hoteli kupata wafanyakazi bora zaidi kwa kuwa wenye hoteli wanapata fursa ya kushiriki kuwandaa wakati wa mafunzo. 

Naye msimamizi wa wanagenzi pacha kutoka TPC Ndugu Boniface Mwambaya amesema kuwa kiwanda chake kimefaidika na mafunzo hayo kwa kuwapata wanagenzi wanaofanya kazi kwa weledi na umakini. 

Mmoja wa wanufaika wa programu hiyo katika fani ya Ukarimuna Utalii Ndugu Azizi Ally amesema programu hiyo imemsaidia kupata ujuzi kwenye eneo la hoteli na kufanikiwa kujiajiri ambapo kwa sasa anamiliki Mgahawa wake na amefanikiwa kuajiri vijana wenzake wanne na hata sasa ameamua kupeleka vijana wawili kujiunga na mafuzo hayo kama mchango wake kwa jamii na kuwataka waajiri wenzake kuona umuhimu wa kuendelea kushiriki kutoa mafunzo hayo ya uwanagenzi pacha. 

Mfumo wa utoaji mafunzo ya Uanagenzi pacha unahusisha kuhudhuria mafunzo ya vitendo kwenye karakana na darasani (VETA) na kufanya vitendo zaidi katika sehemu za kazi. Mafunzo hayo ni ya miaka mitatu ambapo kwa kila mwaka mwanagenzi anatumia wiki 20 VETA na wiki 32 kwa mafunzo ya viwandani. 

Mfumo wa mafunzo ya Uanagenzi Pacha ulianzishwa mwaka 2011/12 kwa ushirikiano kati ya VETA na Hamburg Chamber of Crafts (HWK) ya Ujerumani, ambapo kwa sasa unatekelezwa katika vyuo vinne vya VETA vya Moshi RVTSC (Ukarimu na Utalii), Dar es Salaam RVTSC (Ufundi Umeme na Ufundi Magari), Simanjiro DVTC (Uashi) na Manyara RVTSC (Ufundi wa Zana za Kilimo). Viwanda na kampuni zaidi ya 150 zimenufaika na mafunzo hayo.

Read More →