Taarifa kwa Umma: Kongamano la kilimo lasitishwa kuepuka maambukizi ya corona

Waziri wa Kilimo Mheshimiwa Japhet N. Hasunga (Mb) amesitisha kongamano la vijana katika kilimo lililokuwa limepangwa kufanyika Jumanne tarehe 17 Machi 2020 katika ukumbi wa Nkrumah uliopo Chuo Kikuu cha Dar es Salaam. 

Agizo hili ametolewa  kufuatia maelekezo yaliyotolewa na Serikali ya kuchukua tahadhari ya mikusanyiko ya watu wengi kuepusha hatari ya kusambaa kwa maambukizo ya virusi vya Corona nchini.

Wizara ya Kilimo inawataarifu wadau wote wa sekta ya kilimo na vijana waliopanga kushiriki kongamano la kujadili fursa za kilimo,mifugo na uvuvi kwa kanda ya Dar es Salaam iliyokuwa ikihusisha mikoa ya Dar es Salaam,Pwani,Morogoro,Lindi na Mtwara kusitisha kuhudhuria kongamano hilo hadi watakapotaarifiwa baadaye.

Rais Dkt.John Pombe Magufuli ametoa rai kwa Watanzania kuchukua tahadhali na vihatarishi vinavyoweza kusababisha maambukizi ya Corona kwa kuepuka mikusanyiko ya watu wengi isiyo ya lazima alisema Waziri Hasunga.

Mheshimiwa Waziri Hasunga amewataka wakulima na vijana wote nchini kuendelea kuchukua hatua za tahadhali kwa kuzingatia maelekezo ya Wizara ya Afya yaliyotolewa ili kuthibiti maambukizo ya virusi hivi hatari vya Corona hapa nchini.

Read More →

RC Tabora Awataka Wananchi Kuendelea Kuchukua Tahadhari Dhidi Ya Corona

SERIKALI ya Mkoa wa Tabora imewataka wananchi kutopuuza maagizo na maelekezo ya Rais Dokta John Pombe Magufuli kuhusu kuchukua tahadhari ya ugonjwa wa homa ya mafua makali unaosababishwa na kirusi kipya aina ya Corona.

Kauli hiyo imetolewa na na Mkuu wa mkoa wa Tabora Aggrey Mwanri kwenye mkutano maalumu wa aliouitisha kujadili mikakati ya kupambana na jinsi ya kujikinga na ugonjwa wa Corona.

Aliwataka wananchi wote mkoani humo kuungana pamoja katika utekelezaji wa mapambano hayo na kuchukua tahadhari ya juu dhidi ya ugonjwa huo.

Aidha Mkuu huyo wa Mkoa alivitaka vyombo vya habari kutotangaza habari ambazo hazijathibitishwa kwani kufanya hivyo kutawatia hofu wananchi.

Mwanri alisema kuwa kazi ya vyombo vya habari ni kuchukua taarifa ambazo zitasaidia kuelimisha umma juu  kuchukua tahadhari ili wasiweze kuambukizwa ama kuambukiza wenzao.

Awali Katibu Tawala wa Mkoa wa Tabora Msalika Makungu aliwaasa wananchi kutekeleza maelekezo ya yote wanayoambiwa na wataalamu wa afya kwani ndiyo moja ya kinga ya maambukizi ya magonjwa.

Alisema kuwa suala la kinga ni muhimu sana kwani hadi hivi sasa kirusi kinachoambukiza ugonjwa wa Korona hakijapata tiba.

Naye Mganga Mkuu wa Mkoa wa Tabora Honoratha Rutatinisibwa alisema kuwa wanachi wanapaswa kuzingatia kanuni za afya  na usafi kwa kuwa ndio hatua muhimu  ya kujikinga na corana.

Alitoa wito kwa wananchi na taasisi zote zinazotoa huduma za kijamii kuchukua tahadhari ya kulinda wateja wao ili wasipatwe na maambukizi ya Corona .

Kikao hicho maalumu kimehudhuriwa na Wakuu wa wilaya zote, wananchi, watendaji, wataalamu wa afya , viongozi mbali mbali wa taasisi za dini na mashirika.

Read More →

Mbowe Atangaza Mikutano ya Hadhara Nchi Nzima

Mwenyekiti wa Chama cha Demokrasia na Maendeleo (CHADEMA), Freeman Mbowe, amesema kuwa kuanzia Aprili 4, 2020, chama hicho kitaanza rasmi kufanya mikutano ya hadhara yenye malengo mawili kudai tume huru na maandalizi ya Uchaguzi Mkuu. 

Akizungumza na wana habari jana jijini Dar es Salaam, Mwenyekiti wa Chadema Taifa, Freeman Mbowe, alisema lengo pia ni kufanya maandalizi ya uchaguzi mkuu mwaka huu.

Aidha, aliwatangazia viongozi wote wa Chadema katika mikoa na wilaya kuanza kufanya mikutano hiyo licha ya kupigwa marufuku na serikali tangu mwaka 2016 na kwamba hawatahitaji kibali kufanya mikutano hio kwa kile alichodai ni haki yao ya kikatiba.

“Kuanzia Aprili 4, mwaka huu hatutasubiri kibali cha mtu yeyote tutaanza mikutano nchi nzima na kwa kauli hii na watangazia viongozi wote wa Chadema tuanze kufanya mikutano ya hadhara tukidai vitu viwili tume huru ya uchaguzi na maandalizi ya uchaguzi,” alisema Mbowe.

Alisema hatua yake ya kwenda Mwanza katika maadhimisho ya Uhuru wa Tanzania Bara, ambazo mgeni rasmi alikuwa Rais John Magufuli, lengo lake lilikuwa kufanyika kwa maridhiano ya kitaifa kati ya vyama na wadau wengine wa siasa, na ndio sababu ya kumwandikia barua ya kuomba kukutana nae, lakini ameshangazwa na kutokujibiwa kwa barua yao hadi sasa.

Kwa mujibu wa Mbowe, kuomba maridhiano kati ya wadau wa siasa na Serikali sio dalili ya uoga bali ni kutaka amani katika nchi.

Aidha, Mwenyekiti huyo alilaani kitendo cha kupigwa na askari Magereza kwa wabunge wanawake wa Chadema ambao ni Mbunge wa Kawe na Mwenyekiti wa Baraza la Wanawake wa Chadema (Bawacha), Halima Mdee na Mbunge wa Bunda, Ester Bulaya walipokwenda kumfuata magereza Ijumaa alipoachiwa, na kwamba kilichofanywa na askari Magereza ni kinyume cha sheria za nchi.

“Mimi nikiwa jela kule nikiwa shambani zimepigwa risasi zaidi ya 13 za moto wanapambana na Mdee, Bulaya na Jesca Kishoa hawa ni wanamama hata katika sheria za Magereza wanaoruhusiwa kushughulika na wanawake ni wanawake tu,” alisema Mbowe.

Read More →

kamati ya hesabu za serikali za mitaa yakoshwa na miradi ya maendeleo Makambako

Na Amiri kilagalila,Njombe 
Kamati ya kudumu ya bunge ya hesabu za serikali za mitaa LAAC imeridhishwa na hali ya utekelezaji wa miradi ya maendeleo ya halmashauri ya mji wa Makambako mkoani Njombe,na kuahidi kuongeza nguvu serikalini ili kusaidia ukamilishwaji wa ujenzi wa majengo ya makao makuu ya halmashauri hiyo.

Makamu mwenyekiti wa kamati ya LAAC Abdalah Chikota ambaye ni mbunge wa jimbo la Nanyamba amesema hali ya utekelezaji wa miradi katika halmashauri ya mji wa Makambako inaridhisha lakini mradi wa ujenzi wa makao makuu umechelewa kukamilika kutokana na changamoto ya upatikanaji wa fedha pamoja na kuto tekelezwa majukumu ya kimkataba na mkandarasi aliyeanza kushika mradi huo.

"Kamati imeridhishwa na hali ya utekelezaji wa miradi Makambako,lakini kuna mradi mmoja tumeona una changamoto ule wa ujenzi wa makao makuu,lakini changamoto hizi zimesababishwa kwanza na upatikanaji wa fedha ule wa mradi ni wa mda mrefu na haujakamilika na fedha zilikuwa zimetolewa kidogo ukilinganisha na ghalama za mradi,lakini changamoto nyingine ni ya mkandarasi hakutekeleza majukumu ya kimkataba hivyo halmashauri ikalazimika kuvunja mkataba na sahizi wameamua kujenga kwa force akaunti"alisema Abdalah Chikota

Vile vile Chikota amesema kamati imedhamilia kuishauri serikali kupeleka fedha za kutosha katika halmashauri ya mji wa Makambako ili mradi uweze kukamilika ma kuepusha matumizi ya ofisi hizo zilizoanza kutumika ilihali majengo hayajakamilika.

Awali baadhi ya wajumbe wa kamati ya LAAC akiwemo Zainab Bakari na Ezekiel Maige mbunge wa Msalala,kutokana na taarifa ya mkurugenzi wa halmashauri hiyo Paul Malala walihoji sababu za kuchelewa kwa mradi huo ambapo  mhandisi wa halmashauri ya mji wa Makambako Emilly Maganga akifafanua kuwa miongoni mwa sababu ni pamoja na ucheleweshwaji wa fedha ,kuezekwa kwa paa bila utaratibu pamoja na kufanyiwa usanifu upya wa mradi.

"Usimamizi wa mradi huu wakati tunaanza ulisimamiwa na mwandisi kutoka mkoa wa Njombe na kutoka halmashauri ya mji wa Makambako lakini wakati wa utekelezaji wa awamu ya pili tulimwajili mshauri wa mradi ambaye ni Biko na alipokuja akabaini kuna baadhi ya maeneo anatakiwa kuyaimarisha kwa hiyo alifanya usanifu upya na katika usanifu alioufanya mojawapo ikawa ni kuongeza nguzo katika baadhi ya maeneo"alisema Emilly Maganga

Hata hivyo mkurugenzi wa halmashauri ya mji wa Makambako Paulo Malala amesema licha ya kuwa jengo hilo limeanza kutumika ikiwa bado halijakamilika,fedha zinazohitajika kwa sasa ili kukamilisha ujenzi ni kiasi cha shilingi bilioni moja na milioni mia tatu.

Kamati ya kudumu ya bunge ya hesabu za serikali za mitaa LAAC imefanikiwa kupitia na kukagua jumla ya miradi mitano ya ujenzi wa ofisi za halmashauri ya mji wa Makambako,ujenzi wa hospitali ya  halmashauri unaoendelea katika kata ya Mlowa,Ujenzi wa kituo cha afya Lyamkena kinachoghalimu milioni 400,Majengo mawili ya madarasa ya shule ya sekondari Lyamkena pamoja choo yaliyojengwa na TASAF pamoja na mradi wa maji wa Kiumba na kuridhishwa na miradi hiyo.

Read More →

Wabunifu Watakiwa Kubuni Kazi Za Kuwaingizia Kipato ......Pia Jamii Yashauriwa Kutumia Mkaa Mbadala Ili Kutunza Mazira

Na.Faustine Gimu Galafoni,Dodoma.
Wabunifu wa kazi za Sanaa na ubunifu hapa nchini  wametakiwa kubuni kazi ambazo zitawaletea kipato na kuachana na bunifu za kujifurahisha ambazo haziwasaidii katika kupata kipato kwani bunifu ni muhimu kuelekea uchumi wa Viwanda.

Hayo yamebainishwa  Jijini Dodoma na Mkurugenzi wa idira ya sayansi, Teknolojia na Ubunifu kutoka Wizara ya Elimu Profesa Maulilio kipanyula, wakati wa ufunguzi wa semina ya washiriki katika wiki ya maonyesho ya bunifu zinazofanywa na watanzania, ambazo zitafanyika katika uwanja wa Jamhuri mkoani Dodoma.

Amesema ni muhimu wabunifu wote wakabuni vitu ambavyo vitawasaidia katika kupata kipato na sio kubuni bunifu za kujifurahisha ambazo haziwasaidii katika kupata kipato.

"Umefika wakati wabunifu wetu mbuni vitu ambavyo vitawasaidia kupata kipato msibuni vitu ambavyo haviwaletei maendeleo mjikite katika bunifu ambazo zitawasaidia kiuchumi" amesema Prof. Kipanyula.

Amesema lazima bunifu wanazobuni zinakuwa na mchango kwenye uchumi wa taifa hasa kipindi hiki tunaelekea katika uchumi wa Viwanda, kwa maendeleo ya nchi na mtu kipato Cha mtu mmoja mmoja.

Amebainisha kuwa ubunifu sio sayansi tu bali ni kila kitu ambacho unabuni ambacho kitasaidia katika kurahisisha vitu flani na upo kila mahala sio lazima uwe umesoma masomo ya sayansi.

"Ubunifu sio mpaka uwe umesoma Biology, sijui hisabati, Physics hapana ubunifu ni mahala popote ambapo unaweza kubuni kwa kujiongeza na kitu kikawa na msaada kwa kurahisisha kitu flani au mahitaji ya soko" amesema.

Amesema ni muhimu kutumia teknolojia za ndani kuliko kutegemea teknolojia za nje ambazo hazitatusaidia kama nchi, ni muhimu kukuza bunifu za ndani, na kuahidi kuziendeleza bunifu hizo na Wizara itahakikisha bunifu zote zinatambuliwa zinasimamiwa na zinasaidiwa ili ziwe na mchango katika Jamii.

Amesema makundi ya wabunifu yatakayoshiriki ni makundi Saba (7) ambayo ni shule za msingi, shule za Sekondari, vyuo vya ufundi, vyuo vya ufundi wa kati, vyuo vikuu, taasisi za utafiti na maendeleo na wabunifu kutoka sekta isiyo rasmi.

Kwa upande wake Mkurugenzi wa Taasisi ya Capital Space, ambayo huwalea wabunifu, bw. Abdallah Mbwana, amesema taasisi hiyo huwasaidia wabunifu na wajasiliamali katika kutengeneza mifumo ya bunifu zao kuwa biashara.

 Naye Mkurugenzi  wa kampuni ya Kuja na Kushoka  inayotengeneza mkaa  mbadala ,Leonard Kushoka  akizungumza na wanahabari katika maonesho hayo ya MAKISATU  ametoa wito kwa jamii kuacha  kuharibu Mazingira mazingira kwa kukata miti  ovyo badala yake watumie mkaa mbadala kwa kutumia takataka  na mabaki ya mimea  yanayozalishwa majumbani kila siku.

 Kushoka amebainisha  kuwa,kumekuwepo na uharibifu mkubwa wa mazingira kwa kukata miti hoyo  kwa mahitaji ya mkaa lakini kiwanda chake kimekuja kutatua tatizo la ukataji miti hovyo kwa kuwalete mashine ya mkaa mbadala na kwa bei nafuu.

Amesema kwa mkaa huo sio lazima utengenezwe kwa mashine , kuna uwezekano mkubwa kwa mtu kutengeneza mkaa huo hata akiwa nyumbani  kwani teknolojia hiyo ni raisi kutengenezeka .

“ Takwimu kutoka TFS zinaonyesha kuwa karibu hekta 4000 hualibika kila mwaka kutokana na ukataji wa miti kutokana na mahitaji ya mkaa katika jamii hivyo kutokana na changamoyo hiyo tukaona ni vyema tuje na huu mpango wa kutengeneza mashine ya mkaa mbadala, ”alisema Mkurugenzi huyo Kushoka.

Aidha amesema kuwa,Kampuni yao pia inatengeneza ajira kwa vijana kwani mpaka sasa wameshasambaza mashine 30 kwa vijana lengo ni kusambaza mashine hizo za kutengeneza mkaa mbadala kwa vijana 100 ambapo hapo tutakuwa tumetengeneza ajira kwa vijana 150.

Ameiomba serikali kuwekeza kwa nguvu kubwa kwenye teknolojia hiyo na ikiwezekana kila kwenye kata kuwepo na mashine moja ya kutengenezea mkaa kwani kwa kufanya hivyo kutasaidia kuondoa tatizo la kuzagaa kwa takataka katika miji ambazo zinatumia fedha nyingi katika kuziteketeza.

“ Kama jiji la Dar es sallam linauwezo wa kutumia mkaa wa bilioni 2 basi serikali ikiwekeza katika mashine hizi tutapunguza ukataji miti na uharibifu wamazingira  kwani kila  kilo moja ya mkaa mbadala inatengeneza kilonne ya mkaa wa miti,”alisema Kushoka.

Read More →

RC Rukwa azunguka vijijini kutoa elimu ya Ugonjwa wa Corona

Katika kuhakikisha wananchi wa Mkoa wa Rukwa wanafahamu juu ya namna ya kujikinga na Ugonjwa hatari wa Corona, Mkuu wa Mkoa huo Mh. Joachim Wangabo ameanza kuzunguka katika vijiji vya Bonde la ziwa Rukwa katika Wilaya ya Sumbawanga na kutoa elimu juu ya tahadhari ya ugonjwa huo kwa wananchi wanaoishi katika maeneo hayo ikiwa ni hatua ya kuwataka wananchi hao kuachana na tabia, mila na desturi zitakazochangia kuenea kwa ugonjwa huo endapo utaingia nchini.

Wakati akielezea miongoni mwa mila zinazotumika katika bonde hilo Mh. Wangabo alisema kuwa wakati wa maandalizi ya chakula huletwa maji ya kunawa kwenye bakuli na sufuria na kisha huanza kunawa baba na kufuata Watoto wakubwa hadi wadogo katika chombo hicho ambapo maji humwagwa pale tu yanapobadilika rangi kutokana na uchafu wa mikono hiyo hali ambayo endapo Corona itaingia itasambaa kwa urahisi.

“Lakini mnapoenda makanisani kule, maji ya baraka si yanakuwa pale mwanzoni pale mwa kanisani unapoingia kwenye mlango, unaweka mkono wako pale halafu msalaba(akionesha alama ya msalaba), na mwingine mkono, na mwingine mkono, na mwingine hivyo hivyo, Corona itatumaliza, tuone namna gani ya kufanya hata kwenye maji ya baraka, Wachingaji, Mapadre, mababa paroko wakae watafakari namna gani nzuri ya kutoa maji ya baraka vinginevyo ugonjwa ukiingia utatumaliza,” Alishauri

Na kuongeza kuwa kuna watu wanatabia ya kukohoa bila ya kuziba midomo yao na hivyo kuwaasa kuacha tabia hiyo na kueleza kuwa miongoni mwa dalili za ugonjwa huo ni kusikia homa kali sana, mafua makali na kichwa kuuma na hivyo kuwataka wananchi hao endapo watahisi dalili hizo ni vyema kuwahi kituo cha huduma za afya kuangalia afya yako na kuwaomba kuwaripoti wageni wote wanaoingia kutoka nje ya nchi katika maeneo hayo ya vijiji.

Aidha, amesisitiza wanarukwa kuanza tabia ya kutoshikana mikono jambo ambalo amelieleza kuwa ni gumu sana lakini wananchi hao hawana budi kuanza kujenga mazoea hayo na pia kuacha tabia ya kupokezana pombe katika vilabu vya kienyeji kwani kuna tabia ya wanywaji hao kabla ya kuinywa pombe hiyo huipuliza kwanza na kisha kunywa na kumpatia aliyekaribu yake na hatimae kuizungusha kwa wengine.

“Kwahiyo Desturi zetu ambazo tumezizoea basi tuzibadilishe kila mtu aweke tabia ya kunywa mwenyewe, sio ya kugawana gawana hivyo, mkigawana gawana hivyo mtagawana mengi, mtagawana mpaka na haya magonjwa,magonjwa sasa hivi ni mengi kuliko zamani, zamani magonjwa yalikuwa ni machache lakini sasa hivi ni mabadiliko ya tabia nchi yameleta magonjwa mengi, kwahiyo na sisi tubadilishe Maisha yet una namna ambavyo tumezoea kuishi ili tuweze kuwa salama,” Alisisitiza

Mh. Wangabo ameyasema hayo alipokuwa katika ziara yake ya kuzungukia vijiji sita katika kata mbili za bonde la ziwa Rukwa ambazo ziliathirika na mvua iliyoambata na upepo mkali kuangusha nyumba zaidi ya 135 na na kaya zaidi ya 72 kukosa mahala pa kuishi hali ilimpelekea kutoa msaada wa kilo 500 za unga wa sembe pamoja na kilo 200 za maharage kama mkono wa pole kwa familia hizo zilizokubwa na majanga hayo.

Read More →

Serikali Ya Awamu Ya Tano Ina Dhamira Ya Dhati Kuondoa Uzembe Na Ubadhilifu Miongoni Mwa Watumishi

Na Mathias Canal, Wizara ya Kilimo-Arusha
Serikali ya Awamu ya Tano inayoongozwa na Mhe Rais Dkt John Pombe Magufuli inayo dhamira ya dhati ya kuondoa uzembe na ubadhirifu miongoni mwa watumishi wa umma hivyo ni vyema watumishi wajiepushe na matumizi ya lugha zisizo na staha muda wote wanapotekeleza majukumu yao.

Aidha, serikali imewataka wafanyakazi wote wa Wizara kuendelea kujengewa misingi ya uwajibikaji hasa katika kutambua wajibu wao kwa Umma na kuacha uzembe katika utekelezaji wa majukumu yao huku wakisisitizwa kutumia muda mwingi katika kufanya shughuli ambazo hazina tija zinazoathiri utendaji kazi.

Waziri wa Kilimo Mhe Japhet Hasunga (Mb) ametoa rai hiyo wakati akifungua mkutano wa Baraza la Wafanyakazi wa Wizara ya Kilimo katika ukumbi wa TPRI Jijini Arusha leo tarehe 16 Machi 2020.

Katika mkutano huo ambao wajumbe watapata fursa ya kupokea taarifa ya utekelezaji wa bajeti ya mwaka 2019/2020 na kujadili na kupitisha makisio ya bajeti ya mwaka 2020/2021 wametakiwa kota Mawazo muhimu katika hatua za utekelezaji wa bajeti ya mwaka 2020/2021 na kujadili kwa kina na kutoa mapendekezo yatakayosaidia kuboresha bajeti ya Wizara kwa Mwaka ujayo wa fedha.

Amesema kuwa Wizara ya Kilimo inalo jukumu kubwa katika Maendeleo ya nchi hasa kwa kuzingatia kuwa zaidi ya Watanzania asilimia 65.5 wameajiriwa katika kilimo, asilimia 28.7 ya pato la taifa, zaidi ya asilimia 30 ya fedha za kigeni, asilimia 65 ya malighafi za viwanda, asilimia 100 ya chakula chote nchini. 

Pamoja na mambo mengine Waziri Hasunga amewataka wajumbe hao kukumbuka kuwa wizara inawajibika na masuala yote yanayohusu Uendelezaji wa Sekta ya Kilimo hususani; Kuongeza Tija na Uzalishaji wa Mazao ya Kilimo; Kuwezesha Upatikanaji wa Masoko ya Bidhaa za Kilimo; Kuwezesha Uongezaji wa Thamani ya Mazao ya Kilimo; Kuimarisha Mfumo wa Ukusanyaji na Uhifadhi; Uchambuzi na Usambazaji wa Takwimu; Kusimamia Sera, Sheria, Kanuni na Mikakati katika Sekta ya Kilimo; Kuboresha Uratibu katika Sekta ya Kilimo; Kuboresha Uwezo wa Wizara wa kutoa huduma, kuwezesha na kuimarisha Ushirika na Asasi za Wananchi katika Kilimo na Sekta nyingine na Kuzingatia Masuala Mtambuka katika Kilimo.

Mhe Hasunga amesema kuwa katika  kutambua uzito na umuhimu wa majukumu hayo kila mmoja  katika sehemu yake ya kazi anatakiwa kuwajibika na kufanya kazi kwa bidii na kwa  uadilifu ili kuiwezesha Serikali kufikia malengo yake ya kukuza uchumi na kuondoa umaskini kwa wananchi. 

"Aidha, nafahamu kuwa bado tunakabiliwa na changamoto mbalimbali katika utekelezaji wa majukumu yetu ya kutoa huduma kwa umma ikiwemo ukosefu wa rasilimali fedha na rasilimali watu wa kutosha, hali inayosababisha kutofikiwa kwa malengo Niwahakikishie kuwa, Serikali inaendelea kuchukua hatua mbalimbali za kutatua changamoto hizo" Alikaririwa Mhe Hasunga

Ameongeza kuwa, Serikali haitasita kuchukua hatua kwa Mtumishi yoyote atakaye jihusisha na vitendo vya rushwa pamoja na vitendo vinavyokiuka maadili ya Utumishi wa umma.

Kadhalika, Waziri Hasunga amewapongeza watumishi wote wa wizara ya kilimo kwa mafanikio yaliyopatikana kwa Mwaka wa fedha 2019/2020 hivyo amewasihi kujipanga na kuongeza kasi na weledi katika kutekeleza majukumu ya wizara ili Mwaka ujao wa fedha wizara iweze kufikia malengo iliyojiwekea kwa kiwango cha hali ya juu.

Katika mkutano huo Waziri Hasunga ametangaza kutengua uteuzi wa Kaimu Mkurugenzi wa Tume ya Taifa ya Umwagiliaji Ndg Marko Ndonde kutokana na kushindwa kutekeleza majukumu yake ipasavyo.

Awali akitoa maelezo kuhusu mkutano huo Katibu Mkuu wa Wizara ya Kilimo Ndg Gerald Kusaya amesema kuwa Mkutano wa baraza la wafanyakazi ni sehemu ya utekelezaji wa Sheria ya Ajira na Mahusiano kazini Na 6 ya mwaka 2004 na Sheria ya majadiliano ya pamoja katika Utumishi wa Umma Na 19 ya mwaka 2003 na Kanuni zake za mwaka 2005

Amesema kuwa Kwa mujibu wa sheria hizo Lengo la kuanzishwa Mabaraza ya wafanyakazi ni kuwa na chombo cha ushauri na majadiliano ya pamoja kati ya wafanyakazi na waajiri ili kuwa na ushirikishwaji mpana wa wafanyakazi mahala pa kazi.

Read More →

Kamati Ya Bunge Yavutiwa Utekelezaji Mradi Wa Viwanja Manispaa Ilemela

Na Munir Shemweta, WANMM MWANZA
Kamati ya Kudumu ya Bunge ya Ardhi, Maliasili na Utalii imevutiwa na utekelezaji mradi wa kupanga na kupima viwanja eneo la East Buswelu katika kata ya Buswelu na Nyamhongo halmashauri ya Manispaa ya Ilemela mkoa wa Mwanza.

Katika utekelezaji mradi huo, halmashauri ya Manispaa ya Ilemela ilipewa mkopo usio na riba wa shilingi Bilioni 1,550,000,000 na Wizara ya Ardhi Nyumba na Maendeleo ya Makazi kwa ajili ya kupanga na kupima viwanja 500 na kufanikiwa kuurejesha mkopo huo kwa wakati na  kupata faida ya milioni 195,374,000.

Karibu wajumbe wote wa Kamati hiyo waliochangia utekelezaji mradi wa viwanja katika halmashauri ya Manispaa ya Ilemela jana wakati wa kupokea taarifa ya mradi huo walionesha kuridhishwa na kazi nzuri iliyofanywa na watendaji wa halmashauri hiyo chini ya Mkurugenzi wake John Wanga kwa kuitumia vizuri fedha waliyokopeshwa na kuzalisha faida.

Hata hivyo, Mbunge wa Jimbo la Korogwe Timotheo Mzava alishauri faida inayopatikana kutokana na mkopo usio na riba kwa halmashauri nchini itumike katika kazi za ardhi hasa upangaji na upimaji badala ya kutumika katika shughuli nyingine na kutaka kuongezwa kipengele ndani ya mkataba wa mkopo kinachoelekeza suala hilo.

Mwenyekiti wa Kamati ya Kudumu ya Bunge ya Ardhi Maliasili na Utalii Kemilembe Lwota aliipongeza halmashauri ya Manispaa ya Ilemela pamoja na Mbunge wake ambaye ni Naibu Waziri wa Ardhi Nyumba na Maendeleo ya Mkazi Dkt Angeline Mabula kwa kazi nzuri ya kuhakikisha kiasi cha fedha ilichokopeshwa kinatumika vizuri na kuleta matokeo chanya katika halmashauri hiyo.

Kwa mujibu wa Kemilembe, kamati yake inaunga mkono jitihada zilizofanywa na wizara ya Ardhi Nyumba na Maendeleo ya Makazi kuzikopesha halmashauri ili kuongeza kasi ya upimaji ardhi na kubainisha kuwa asilimia kubwa ya ardhi nchini hajapimwa na hivyo kuchangia migogoro ya ardhi.

Kwa upande wake Waziri wa Ardhi Nyumba na Maendeleo ya Makazi William Lukuvi alisema utaratibu ulioanzishwa na wizara yake wa kuzikopesha halmashauri unalenga kuongeza kasi ya upimaji katika halmashauri mbalimbali na hivyo kuzalisha walipa kodi ya pango la ardhi.

Amezitaka halmashauri kutengeneza miradi ya kimkakati  na kuandika maandiko  yatakayosaidia kupata fedha za mkopo usio na riba na hivyo kuzisaidia katika shughuli zao upangaji, upimaji na umilikishaji ardhi  na kuzalisha walipa kodi .

Aidha, Lukuvi alibainisha kuwa, katika kuhakikisha sekta ya ardhi inafanya vizuri zaidi Wizara yake imeanza zoezi la kuwapanga upya wataalamu wa sekta ya hiyo nchi nzima kulingana na uhitaji sambamba na kuanzisha ofisi za mikoa ili kuondoa changomoto za upangaji, upimaji na umilikishaji ardhi nchini.

‘’Kuna baadhi ya halmashauri zina wataalamu wengi wa sekta ya ardhi huku nyingine zikiwa na wataalamu wachache hali hiyo inasababisha shughuli za ardhi katika halmashauri kutofanyika vizuri’’ alisema Lukuvi.

Mbunge wa Jimbo la Ilemela Dkt Angeline Mabula alisema halmashauri ya Manispaa ya Ilemela imekuwa ikifanya vizuri katika zoezi la upangaji, upimaji na umilikishaji ardhi na katika kipindi cha miaka miwili imefanikiwa kupunguza migogoro ya ardhi kwa kiasi kikubwa na kutoa  hati 22,185.

Kwa upande wake Katibu Mkuu Wizara ya Ardhi nyumba na maendeleo ya Makazi Mary Makondo alisema wizara yake imejipanga kuhakikisha inakabiliana na changamoto ya watumishi kwa kuwapanga katika mikoa yote ishirini na sita ya Tanzania Bara.

Kwa mujibu wa Mary, katika kipindi hiki ambacho idadi ya wataalamu wa sekta ya ardhi hawatoshelezi halmashauri zenye miradi zinaweza kutumia wataalamu kutoka halmashauri nyingine ili kuharakakisha kazi na hivyo kuongeza kasi ya upangaji na upimaji katika maeneo mbalimbali.

Read More →

Habari Zilizopo Katika Magazeti ya Leo Jumanne March 17

Read More →

Rais Magufuli awasimamisha kazi wahandisi wote 12 wa Wakala wa barabara nchini Tanroads mkoa wa Morogoro na kumpa onyo kali la mwisho Waziri wa Ujenzi

Read More →

Hoteli Aliyopatikana Mgonjwa Wa Corona Jijini Arusha Yafungiwa....., Waliopo Hotelini Wote Hakuna Kutoka Wala Kuingia

Mkuu wa Mkoa wa Arusha Mrisho Gambo amesema kwamba ndani ya Mkoa huo amebainika kuwepo kwa mgonjwa mmoja wa Corona na kwamba hoteli ambayo amekutwa mgonjwa huyo imefungwa na hivyo hakuna anayeingia wala anayetoka.

Akizungumza  Machi 16 mwaka 2020 , Mkuu wa Mkoa wa Arusha Gambo amesema kama ambavyo ameeleza Waziri wa Afya ,Maendeleo  ya Jamii,Jinsia, Wazee na Watoto Ummy Mwalimu ni kweli wamepata mgonjwa mmoja wa Corona na kwa mujibu wa taarifa huyo mgonjwa alishuka jana  katika Uwanja wa Ndege wa Kimataifa wa Kilimanjaro kwa kutumia ndege ya Rwanda Air.

Amesema kuwa mgonjwa huyo alifikia kwenye hoteli inayofahamika kwa jina la Temi Valle Hoteli ya jijini Arusha na kwamba baadae alienda hospitali Mount Meru  kwa ajili ya kuchukuliwa sampuli na kisha kupelekwa Dar es Salaam ambako kuna maabadara ya kupima sampuli za Corona na kubainika ni kweli  ana Corona.

"Na tulichokifanya sisi kama Serikali za ngazi ya Mkoa kwanza ile hoteli ambayo mgonjwa alifikia tumeifungia na hakuna mtu kuingia wala kutoka kati ya wafanyakazi na wahusika wote waliokuwa wanakaa kwenye hoteli hiyo,  ,hatua ambayo tumechukua ni kuchukua sampuli kwa ajili ya watu wote katika hoteli hiyo  kubaini kama kuna wengine walioambukizwa.

" Lakini hatua ya tatu ambayo tumechukua kama Mkoa ni kutenga eneo maalum iwapo atapatikana mgonjwa yoyote ambaye atapelekwa kwenye  eneo hilo kwa ajili ya hatua nyingine za matibabu.Pia tunamfuatilia dereva taksi ambaye alimpakia mgonjwa Corona pamoja na familia yake ili naye achunguzwe kama hajapata maambukizi, "amesema   Gambo.

Amewatoa hofu wananchi wa Mkoa wa Arusha waendelee kuwa watulivu kwani Serikali imechukua hatua stahiki katika kukabiliana na ugonjwa huo huku akieleza namna ambavyo wamefuatilia mtandao wote wa watu ambao kwa namna moja au nyingine walimpokea mgonjwa huyo wanapatikana na kisha kupimwa, lengo ni kuhakikisha Mkoa huo maambukizi hayasambai.

Read More →

Wizara Yamaji Yafuta Shughuli Ya Wiki Ya Maji 2020 Kuweka Tahadhari Ya Corona.

Na.Faustine Gimu Galafoni,Dodoma.
Ikiwa Ulimwengu Mzima ukikumbwa na Taharuki ya ugonjwa unaosababishwa na Virusi vya Corona ,Wizara ya Maji imefuta shughuli  zote kuchukua tahadhari ya maambukizi ya virusi hivyo.

Katika taarifa iliyotolewa  leo Machi 16,2020  na kitengo cha Mawasiliano Wizara ya Maji ,kwa Umma  imefafanua kuwa shughuli zote zilizokuwa zifanyike kuelekea siku ya maji duniani .

Hivyo,Taarifa hiyo imefafanua kuwa hafla za uzinduzi wa miradi ya maji na mikutano yote ambayo ilikuwa ifanyike  katika wiki hii imefutwa  huku wizara ikiomba radhi kwa usumbufu utakaojitokeza kwa wadau wote .

Ikumbukwe kuwa Mataifa mbalimbali yamejawa na hofu ya kuenea kwa ugonjwa wa virusi vya Corona ambapo hapa Tanzania kwa mujibu wa Taarifa iliyotolewa na Waziri wa Afya,Maendeleo ya Jamii,Jinsia,Wazee na Watoto Ummy Mwalimu amethibitisha kuwepo kwa kisa cha mtu mmoja Mtanzania mwanamke  [46]ambaye aliwasili na ndege ya Rwandair  akitokea nchini Ubelgiji  na kushukia katika uwanja wa ndege wa KIA na alifikia katika hotel ya  Mt.Meru jijini Arusha.

Read More →

Serikali itaendelea kusimamia miradi ya kimakatakati ili kuwahudumia Watanzania

Na Eleuteri Mangi, WHUSM-Dodoma
Serikali itaendelea kutekeleza majukumu yake ya kusimamia miradi mikubwa ya kitaifa ya kimkakati ili taifa liendelee kusonga mbele katika sekta za Habari, Utamaduni, Sanaa na Michezo.  

Hayo yamesemwa na Naibu Waziri wa Habari, Utamaduni, Sanaa na Michezo Juliana Shonza wakati wa ufunguzi wa kikao cha Baraza la Wafanyakazi wa wizara hiyo lililofanyika leo jijini Dodoma. 

Miradi ambayo wizara itaendelea kuisimamia ni pamoja na kuendeleza na kutekeleza shughuli za kukuza utamaduni nchini, kuendelea na utaratibu wa kufufua Mfuko wa Sanaa utakaojumuisha Utamaduni, kufuatilia namna ya kuondokana na utata wa mapato yanayopatikana katika viwanja vya au kuboresha mapato hasa kwa kuboresha zaidi mifumo kwenye Uwanja Mkuu wa Taifa, Dar es Salaam. 

“Niwahimize wajumbe wa Baraza  na Wafanyakazi  kutoa ushirikiano wa kutosha  kwa viongozi Wakuu wa Wizara ili Wizara iendelee kuwezesha  kukidhi matarajio ya Serikali katika kuwahudumia Wananchi” alisema Naibu Waziri Shonza.    

Aidha, Naibu Waziri Shonza amehimiza Wizara kuendelea kuliimarisha Baraza la Kiswahili la Taifa (BAKITA) ili liweze kutekeleza kazi ya kukitangaza Kiswahili duniani kote na kuimarisha huduma za ukalimani wa lugha pamoja na kuendelea kuratibu Mradi wa Ukombozi wa Bara la Afrika. 

Katika kutekeleza wajibu wake wa kuwapa wananchi haki yao ya kupata habari, Naibu Waziri amesema Serikali inaendelea kutangaza mafanikio yanayopatikana kupitia miradi mbalimbali ya kimkakati ikizingatiwa mwaka huu pia kuna kipindi muhimu cha Uchaguzi Mkuu wa Rais, Wabunge na Madiwani.   

Naye Katibu Mkuu wa Wizara hiyo Dkt. Hassan Abbas amewataka watumishi wa Wizara ya Habari, Utamaduni, Sanaa na Michezo kupitia wajumbe wa Baraza hilo kuhakikisha wanatekeleza wajibu wao kwa kufanya kazi kwa bidii na kuwa wabunifu katika kuhakikisha wanatekeleza majukumu yao kwa haraka na wakati kwa kuzingatia Sheria, Kanuni, na miongozo ya utumishi wa umma ili kuwa na tija katika utoaji wa huduma kwa wananchi. 

Kwa upande wake Kaimu Mkurugenzi Idara ya Sera na Mipango Bernard Lubogo pamoja na Happiness Kalokola kutoka Kitengo cha Ukaguzi wa Ndani wamesema kuwa watafanyakazi kwa kuzingatia vipaumbele vya Serikali ili kukidhi matarajio ya Watanzania pamoja na wananchi kwa ujumla kupitia Idara za kisekta za Habari, Maendeleo Utamaduni, Maendeleo ya Sanaa na Maendeleo ya Michezo.

Read More →

Logistic Supervisor at FSG Tanzania

About FSG Tanzania:  FSG is a leading provider of intergrated logistics,security,insurance and infrastructure services for clients operating in frontier markets. Our teams are multinational,multilingual and highly experienced,which allows us to provide world class service no matter the environment. Job Title: Logistic Supervisor Location: Dar es Salaam Job Purpose: Business planning framework responsible for making sure cargo reach their destinations… Read More »

The post Logistic Supervisor at FSG Tanzania appeared first on Udahiliportal.com.

Read More →

Documentation Declaration Officer at FSG Tanzania

About FSG Tanzania:  FSG is a leading provider of intergrated logistics,security,insurance and infrastructure services for clients operating in frontier markets. Our teams are multinational,multilingual and highly experienced,which allows us to provide world class service no matter the environment. Job Position: Documentation Declaration Officer Location: Dar Es Salaam, Tanzania Job Purpose: To accurately assist preparing and processing customs entries and to… Read More »

The post Documentation Declaration Officer at FSG Tanzania appeared first on Udahiliportal.com.

Read More →

KAMATI YA BUNGE YATAKA BAJETI MAENDELEO YA JAMII TENGERU

Na Mwandishi Wetu Arusha

Kamati ya Kudumu ya Bunge ya Huduma na Maendeleo ya Jamii imeitaka Serikali kuongeza na kutoa fedha za miradi ya maendeleo ya jamii katika Taasisi ya Maendeleo ya Jamii Tengeru na Vyuo vya Maendeleo ya Jamii nchini.

Akitoa maelekezo kwa Wizara ya Afya, Maendeleo ya Jamii, Jinsia, Wazee na Watoto inayosimamia Taasisi ya Maendeleo ya Jamii leo tarehe 16/03/2020 mkoani Arusha Mwenyekiti wa Kamati ya Kudumu ya Bunge ya Huduma na Maendeleo ya Jamii Mhe. Peter Serukamba ametaka kupelekwa kwa bajeti ya maendeleo katika katika Taasisi ya Maendeleo ya Jamii Tengeru na vyuo vya Maendeleo ya Jamii ili kuweza kutekelza miradi ya maendeleo.

Ameongeza kuwa kada ya Maendeleo ya Jamii ni muhimu kwa maendeleo ya jamii yetu hivyo nguvu kubwa inahitajika katika kuwekeza katika Taasisi na Vyuo vya Maendeleo ya Jamii ili kuweza kupata wataalam wa Maendeleo ya Jamii watakaoleta mabadiliko katika taifa.

" Hili sio suala la kawaida Taasisi na Vyuo vya Maendeleo ya Jamii kujitoa na kufanya kazi huku wakiwa hawana bajeti ya maendeleo, wapeni Bajeti wafanye makubwa" alisema

Amesisitiza uongozi wa Wizara Idara Kuu ya Maendeleo ya Jamii kusimamia Taasisi na Vyuo vya Maendeleo ya Jamii chini ya Wizara ili viweze kuwa na tija kwa maendeleo ya taifa kwa kuzalisha wataalam watakaosidia kuleta mabadiliko katika jamii.

Akitoa taarifa kwa Kamati ya Kudumu ya Bunge ya Huduma na Maendeleo ya Jamii Katibu Mkuu Maendeleo ya Jamii Dkt. John Jingu amesema Taasisi ya Maendeleo ya Jamii Tengeru imeweza kufanya ukatabati na ujenzi wa majengo mbalimbali ikiwemo Maktaba ya kisasa yenye uwezo wa kuchukua wanafunzi...

Ameongeza kuwa Taasisi imejipanga katika kutatua changamoto zilizopo ikiwemo kutenga fedha za ndani zitakazosaidia kuondokanan changamoto za kimiundo mbinu na utawala.

"Tumekuwa na changamoto nyingi za kimiundo mbinu katika Taasisi yetu na tumejipanga kwa kutenga fedha za ndani ili kusaidia kuondokana na changamoto zinazotukabili" alisema

Amesema kuwa Taasisi imeanzisha vituo muhimu katika maendeleo ya nchi ikiwemo Kituo cha kidijitali chenye lengo la kuandaa mawazo na kuzalisha miradi mbalimbali kwa wanafunzi na wananchi ili kuwawezesha kiuchumi na kituo cha machapisho ya wanawake kinacholenga kutoa fursa mbalimbali za kiuchumi hasa kwa wanawake.

Mmoja wa mnufaika wa Kituo cha kidijitali cha Taasisi ya Maendeleo ya Jamii Tengeru kutoka Kitomary HotCulture Project Bw. Joshua Kitomari amesema kituo hicho kimemsaidia kuanziasha biashara kulima maharage mabichi na ameweza kuajiri wafanyakazi wa kudumu kumi na wafanyakazi wa muda100.

"Kituo cha Kidijitali kimeniwezesha nilijidunduliza katika mkopo nilopata wa masomo na kuwekeza katika kilimo na niliwekeza shillingi Millioni moja na inanipafaidabya shillingi Millioni mbili" alisema

Akichangia Mjumbe wa Kamati hiyo na Mbunge wa Jimbo Hawa Ghasia ameishauri Taasisi kuzidi kuwekeza zaidi katika Taasisi iliyopo Tengeru kuliko kuwaza kuanzisha matawi ya Taasisi hiyo katika mikoa mingine.

"Niwapongeza kwa kuzingatia masuala ya kijinsia katika utendaji kazi wa Taasisi ambapo wanawake wamepewa nafasi sawa na wanaume katika utekelwzaji wa majukumu ya Taasisi" alisema

Kamati ya Kudumu ya Bunge ya Huduma na Maendeleo ya Jamii imetembelea na kukagua miradi ya maendeleo katika Taasisi ya Maendeleo ya Jamii Tengeru iliyopo chini ya Wizara Afya, Maendeleo ya Jamii, Jinsia, Wazee na Watoto Idara Kuu ya Maendeleo ya Jamii.

Read More →

50 Job Opportunities at Sanlam Insurance – Sales Executives

Life insurance is vital to give you peace of mind that your loved ones’ financial needs will be taken care of after you’re gone. Similarly, general insurance provides the protection you need against the sudden loss of or damage to your car and other household possessions, which could place a significant financial burden on you and your family.… Read More »

The post 50 Job Opportunities at Sanlam Insurance – Sales Executives appeared first on Udahiliportal.com.

Read More →