INNOCENT-THE BLOGGER-BOY
Friday, 6 May 2016
Thursday, 5 May 2016
ASHA ROSE MIGIRO ATEULIWA KUWA BALOZI WA TANZANIA NCHINI UINGEREZA
INNOCENT-THE BLOGGER-BOY
Rais
wa Jamhuri ya Muungano wa Tanzania Dkt. John Pombe Magufuli amemteua
Dkt. Asha-Rose Migiro kuwa Balozi wa Tanzania nchini Uingereza.
Dkt. Asha-Rose Migiro anakwenda kuchukua nafasi iliyoachwa wazi na Balozi Peter Kalaghe ambaye amerudishwa nyumbani.
Dkt. Asha-Rose Migiro ataapishwa kesho Alhamisi tarehe 05 Mei, 2016 katika Ikulu ndogo ya Chamwino Mkoani Dodoma.
Gerson Msigwa
Kaimu Mkurugenzi wa Mawasiliano, IKULU
Dodoma
04 Mei, 2016
-------------------------------
Mapito ya Dk. Migiro
Dk.
Migiro alizaliwa tarehe 9 Julai 1956 katika Wilaya ya Songea, Ruvuma.
Alisoma Shule ya Msingi Mnazi Mmoja, Dar es Salaam mwaka 1963 hadi mwaka
1966.
Dk. Migiro alihamia Shule ya Msingi Korogwe, Tanga ambapo aliendela na elimu ya msingi mwaka 1967–1969.
Baadaye
akajiunga kidato cha kwanza mpaka cha nne katika Shule ya Sekondari
Weruweru, Kilimanjaro mwaka 1970 hadi 1973 na Kidato cha Tano na Sita
katika Shule ya Sekondari Korogwe mwaka 1974 -1975.
Dk.
Migiro alikuwa mmoja wa wasichana waliofaulu vizuri Korogwe Sekondari
na alipojiunga Chuo Kikuu cha Dar es Salaam (UDSM) mwaka 1977, alichukua
masomo ya sheria na kuhitimu Shahada yake (LLB) mwaka 1980.
Baadaye
aliajiriwa UDSM kufundisha masomo ya sheria kama Mhadhiri Msaidizi.
Alifanya kazi hiyo kwa miaka miwili kabla ya kuendelea tena na masomo ya
juu ya sheria mwaka 1982–1984 hapohapo UDSM na kutunukiwa shahada ya
uzamili (LLM).
Kati
ya mwaka 1985–1988, alifundisha UDSM. Mwaka 1988 alikwenda Chuo Kikuu
cha Konstanz, Ujerumani ambako alisoma na kutunukiwa Shahada ya Uzamivu
(PhD) katika masuala ya Sheria mwaka 1992.
Dk.
Migiro alirejea Tanzania akiwa Mhadhiri Mwandamizi na aliendelea
kufundisha katika Kitivo cha Sheria cha Chuo Kikuu cha Dar es Salaam
hadi mwaka 2000 alipoingia kwenye siasa.
Akiwa UDSM kati ya mwaka 1992 – 1994 Dk. Migiro alikuwa Mkuu wa Idara ya Sheria za Katiba na Utawala.
Kati ya mwaka 1994 – 1997 aliongoza Idara ya Sheria za Makosa ya Jinai (Idara zote zipo katika Kitivo cha Sheria UDSM).
Dk
Migiro ni mzungumzaji mzuri katika lugha ya Kiingereza, Kifaransa na
Kijerumani. Ni mke wa Profesa Cleophas Migiro na wana watoto wawili wa
kike.
Dk
Migiro alianza na siasa za kujijenga akitokea katika taaluma. Mwaka
2000, Rais Mstaafu, Benjamin Mkapa alimteua kuwa waziri kwenye Wizara ya
Maendeleo ya Jamii, Wanawake na Watoto.
Alitumikia
wadhifa huo hadi mwaka 2005 bila kubadilishwa akisimamia mambo mengi ya
kisera na kimiundombinu, bila kusahau utekelezaji na upiganiaji wa haki
za wanawake na watoto.
Rais
Jakaya Kikwete alipoingia madarakani mwaka 2005, alimteua kuwa Mbunge
na Waziri wa Mambo ya Nje, Januari 2006 na kuwa mwanamke wa kwanza
kuwahi kushikilia wadhifa huo. Katika kipindi cha mwaka mmoja tu,
alifanya kazi nyingi za kimataifa zilizomweka katika anga nyingine
kisiasa.
Januari
5, 2007, aliteuliwa kuwa Naibu Katibu Mkuu (UN) mpaka 2012 alipomaliza
muda wake. Januari mwaka 2013, Dk Migiro aliteuliwa kuwa Mkuu wa Chuo
Kikuu Huria cha Tanzania (OUT) na Desemba 2013 aliteuliwa kuwa mbunge
katika Bunge la Tanzania.
Januari
2014 aliteuliwa kuwa Waziri wa Sheria na Katiba, nafasi ambayo alidumu
nayo mpaka Rais Kikwete alipomaliza muda wake mwaka jana.
Wednesday, 4 May 2016
Mpya: Serikali Kutoa Ajira 71,456
INNOCENT-THE BLOGGER-BOY
Serikali inakusudia Kuajili wafanyakazi wapya 71,456,
katika mwaka mpya wa fedha 2016/2017 kwa la kujaza nafasi zilizo wazi, huku
wilaya ya mbulu ikitengewa nafasi 466.
Waziri wa Nchi Ofisi ya Rais (Utumishi na utawala bora,
Angela Kairuki, aliliambia bunge jana kuwa, maombi ya nafasi za ajira kwa
kawaida hufanyika kwa uwazi kupitia bajeti ya seriksli, ambayo huidhinishwa na
bunge.
Angela alikuwa akijibu swali la Zacharia Isaya (Mbulu-CCM),
Aliyetaka kujua ni lini serikali itajaza nafasi za ajira zilizo wazi katika
maeneo mbalimbali nchini kwa ngazi za wizara, mikoa, wilaya na vijiji.
Alisema ajira hizo hufanywa na baada ya waajiri kuwasilisha
maombi yao serikalini na kidhinishwa kwa kuzingatia ukomo wa bajeti ya
mishahara serikalini.
Waziri alisema kwa halmashauri ya mbulu, katika mwaka wa
fedha unaomalizika, ilitengewa kuajiri watendaji wa vijiji (VEO) Kumi na
watendaji wa kata (WEO) sita.
Hata hivyo, Waziri alisisitiza kwamba pamoja na nafasi
hizo, serikali itajaza nafasi zilizo wazi kila mwaka, kutokana na bajeti
itakavyoruhusu na kuzingatia vipaumbele.
Aidha katika kuzingatia kupanda kwa gharama za maisha,
Waziri alisema serikali imekuwa ikipandisha kima cha chini cha mshahara kulingana
na uwezo wa bajeti, hususani mapato ya ndani.
Kutokana na hatua hiyo, Angela alisema Tanzania ni moja ya
nchi za afrika, ambazo kwa sasa hulipa kima cha chini cha mshahara sawa na
asilimia 80 ya kiwango cha gharama za maisha (Minimum Living Wage).
Waziri huyo alisema, serikali itaendelea kuboresha mishahara ya
watumishi wake wa umma kulingana na uwezo wa Kiuchumi.
Chanzo: Gazeti la Uhuru
Wanafunzi 1,500 Vyuo Vikuu Wanolewa
INNOCENT-THE BLOGGER-BOY
KAMPUNI ya simu za mkononi ya Airtel, imedhamini kongamano la ajira kwa vijana wa chuo kikuu, lenye lengo la kuwaweka pamoja waajiri na waajiriwa watarajiwa, kuwapatia fursa zitakazowasaidia katika kuendesha shughuli za kiuchumi.
KAMPUNI ya simu za mkononi ya Airtel, imedhamini kongamano la ajira kwa vijana wa chuo kikuu, lenye lengo la kuwaweka pamoja waajiri na waajiriwa watarajiwa, kuwapatia fursa zitakazowasaidia katika kuendesha shughuli za kiuchumi.
