INNOCENT-THE BLOGGER-BOY
Thursday, 3 March 2016
RATIBA YA USAILI WA MITIHANI YA MCHUJO WA KADA ZA MJNUAT UTAKAOFANYIKA CHUO KISHIRIKISHI CHA ELIMU DAR ES SALAAM (DUCE) TAREHE 05/03/2016
INNOCENT-THE BLOGGER-BOY
 AWAMU YA KWANZA: SAA MOJA KAMILI ASUBUHI
AWAMU YA PILI: SAA TATU NA NUSU ASUBUHI
| |||||||||||||||||
Wednesday, 2 March 2016
CHADEMA Kususia ziara na Vikao vya Maendeleo Dar es Salaam
INNOCENT-THE BLOGGER-BOY
Chama
cha Demokrasia na Maendeleo (CHADEMA) kimesusia ziara ya ukaguzi wa
miradi mbalimbali ya maendeleo katika manispaa za Temeke, Kinondoni na
Ilala na kuthibitisha kutoshiriki katika kikao cha bodi ya barabara
kinachotarajiwa kufanyika leo kwa kile wanachodai kushinikiza kuachiwa
kwa madiwani na mbunge ambao wanaeshikiliwa na jeshi la polisi.
Akielezsea
hatua hiyo jana, Meya wa Manispaa ya Kinondoni Boniface Jacob alisema
kuwa hawaoni sababu ya kuendelea na vikao mbalimbali vya jiji wakati
hawajui hatma ya wenzao ambao mpaka sasa wanashikiliwa na polisi na
wengine wanaitwa kufika kituoni hapo kwa kile kinachodaiwa kuwa ni
kusababisha fujo katika zoezi la uchaguzi wa meya wa Jiji la Dar es
Salaam.
Kikao
kikubwa cha kujadili mipango ya maendeleo ya jiji la Dar es Salaam
kinatarajiwa kufanyika leo ambapo mada kuu itakuwa ni ujenzi wa
barabara katika maeneo mbalimbali ya Jiji la Dar es Salaam.
Polisi Wafanya Upekuzi Nyumbani Kwa Halima Mdee
INNOCENT-THE BLOGGER-BOY
Jeshi
la Polisi jijini Dar es Salaam jana lilifanya upekuzi mkubwa katika
nyumba ya Mbunge wa Kawe, Halima Mdee (Chadema) baada ya kumtilia shaka
kuwa na nyaraka muhimu za vikao vya uchaguzi wa Meya wa Jiji hilo.
Kikosi
cha jeshi hilo kilifika katika nyumba ya mbunge huyo majira ya saa tisa
alasiri na kufanya mazungumzo na Mwanasheria wake, John Mallya ambapo
baada ya kukamilisha taratibu za kisheria walianza zoezi la upekuzi
uliochukua zaidi ya saa moja.
Kiongozi
wa kikosi hicho cha Polisi, aliwaambia waandishi wa habari kuwa
walilazimika kufanya upekuzi katika nyumba hiyo baada ya kusadikika kuwa
wakati wa vurugu zilizotokea katika ukumbi wa Karimjee jijini humo
wikendi iliyopita kufuatia kuahirishwa kwa uchaguzi wa Meya wa Jiji,
Mdee aliondoka na faili muhimu lenye madokezo yanayohusu uchaguzi huo.
Hata
hivyo, baada ya kukamilisha upekuzi huo, Polisi walijiridhisha kuwa
hakukuwa na nyaraka hizo ndani ya nyumba hiyo wala kitu chochote ambacho
wangekitilia shaka licha ya kukuta nyaraka nyingi za mbunge huyo.
Hivyo, walitoa cheti maalum cha kuthibitisha kuwa hakuwa na nyaraka
zozote kinyume cha sheria.
“Wamekagua
nyaraka zote. Madai yao ni kuwa Halima alimpora au alichukua nyaraka za
kiongozi wa Jiji, lakini wamekuta hakuna jambo lolote ambalo linatiliwa
shaka. Na wametoa Certificate inayoonesha kwamba hakuna chochote
ambacho kimechukuliwa,” alisema Mwanasheria wa Mbunge huyo, John Mallya.
Mdee
alishikiliwa na Polisi na kulala rumande juzi kutokana na tuhuma za
kushiriki katika vurugu zilizotokea katika ukumbi wa Karimjee jijini Dar
es Salaam, Jumamosi, Februari 27.
Wengine wanaoshikiliwa na Jeshi la Polisi ni Mbunge wa Ubungo, Saed Kubenea na Mbunge wa Ukonga, Mwita Waitara.
Seleiman Jafo Amemvua Madaraka Meneja wa Mamlaka ya Maji Mji Mdogo wa Kisarawe
INNOCENT-THE BLOGGER-BOY
Naibu Waziri wa Nchi, Ofisi ya Rais (Tamisemi), Seleiman Jafo amemvua
madaraka Meneja wa Mamlaka ya Maji Mji Mdogo wa Kisarawe mkoani Pwani,
Listen Materu kwa kile alichodai ameshindwa kusimamia majukumu yake
kikamilifu.
Pia, Jafo ameuagiza uongozi wa halmashauri hiyo kuondoa kero zinazolalamikiwa na wananchi hasa idara za ardhi, afya na elimu.
Akisikiliza
kero za wapigakura wake juzi, Jafo alisema uchunguzi alioufanya
ameubaini kwa miaka mitano iliyopita kuwa baadhi ya watendaji wa vitengo
na idara wa halmashauri hiyo walikuwa hawawajibiki kwa makusudi, lengo
lao lilikiwa ni kujenga chuki baina ya mbunge na wananchi jambo ambalo
limefikia kikomo.
“Kuna watu waligeuza wilaya hii kama shamba la
bibi, walikuwa wanatumia mali za umma kwa kufanya ubadhirifu sasa
wasiseme kuwa wamesalimika, kama wamehama au wamehamishwa tutawafuata
kokote walipo na watawajibishwa kwa mujibu wa sheria,” alisema.
Naibu
waziri huyo alisema, kuwavua madaraka na kuwawajibisha watendaji wabovu
hakutaishia kwa watumishi waliopo wilayani hapa, bali hata waliofanya
ubadhirifu na kuhama au kuhamishiwa maeneo mengine.
Katika
kuboresha wilaya hiyo na kuharakisha maendeleo, Jafo alisema ni wajibu
wa halmashauri kuhakikisha inatenga maeneo ya ujenzi wa stendi,
machinjio na utekelezaji wake ufanyike haraka na kuwataka iwapo
watakabiliwa na changamoto za kukwamishwa mpango huo wasisite
kuwasiliana naye.
Wauguzi sita Temeke wasimamishwa Kazi kwa kuuza gloves
INNOCENT-THE BLOGGER-BOY
Naibu
Waziri wa Afya, Dk Hamis Kigwangalla amewasimamishwa kazi wauguzi sita
katika hospitali ya Temeke kwa kosa la kuomba rushwa.
Wauguzi
waliosimamishwa ni Hadija Salum, Beatrice Temba, Agnes Mwampashe,
Elizabeth Mwilawa, Mariam Mohamed na Marion Said, ambao walikuwa zamu
katika wodi ya wajawazito wakati wa tukio hilo.
“Nimewasimamisha
kazi wauguzi wote waliokuwa zamu jana (juzi) asubuhi, nakuagiza Msajili
wa Baraza la Wauguzi uwasimamishe hadi utakapowasafisha kupitia kamati
ya msajili,” alisema Dk Kigwangalla.
Mmoja wa wajawazito, Loshan
Seif alisema alipowasili juzi asubuhi kwa ajili ya kujifungua, muuguzi
mmoja wa zamu alimtaka kulipia Sh5,000 za gloves.
“Siku zote
huwa natumia bima lakini jana (juzi) wakaniambia hawatumii, nitoe
Sh5,000 za gloves, baadaye niliambiwa natakiwa kuwa na uzi wa mshono,
sindano na vingine hivyo kama sina nitoe fedha,” Seif.
Dk Kigwangalla alifanya ziara ya ghafla hospitalini hapo jana saa 9.00 alasiri.
Akizungumza
jana alasiri baada ya kufanya ziara ya ghafla Hospitalini hapo na
kupata malalamiko hayo kutoka kwa wanawake waliojifungua.
“Mama
anaambiwa atoe fedha ya gloves Sh5,000 wakati dukani zinauzwa Sh1,000,
nataka liwe fundisho kwa wote wanaotuongezea vifo vya wajawazito kwa
tamaa ndogondogo,” alisema Kigwangalla.
Katika ziara hiyo, Dk
Kigwangalla alishuhudia ubovu wa vyumba viwili vya upasuaji na kutoa
maelekezo kwamba, virekebishwe ndani ya miezi sita.
“Hali ni
mbaya ndani ya hizi ‘theater’ zote mbili zifanyiwe ukarabati iwapo
itashindikana nitazifunga, lazima ziwe na hadhi yake na nitakuja
kukagua,” alisema.
Tuesday, 1 March 2016
HII NDIO BEI MPYA YA PETROLI,DISELI NA MAFUTA YA TAA
INNOCENT-THE BLOGGER-BOY
‘kwa
kiasi kikubwa, kupungua huku kwa bei za mafuta kwenye soko la ndani
kumetokana na kuendelea kushuka kwa bei za mafuta katika soko la dunia
Mkurugenzi
wa Mamlaka ya Huduma za Nishati na Maji (EWURA), Felix Ngamlagosi
amesema ‘kuanzia tarehe 2 Machi bei za mafuta zimebadilika
ikilinganishwa na toleo lililopita la Februari 2016.
Kwa
Machi 2016 bei ya rejareja za petroli imepungua Tsh 31 kwa lita sawa na
1.70%, Diesel imepungua Tsh 114 kwa lita sawa na 7.10% na mafuta ya taa
yamepungua kwa Tsh 234 kwa lita sawa na 13.75%’
MPYA:TAARIFA KWA WANAFUNZI WALIOHAMISHWA TOKA ST.JOSEPH ARUSHA TO MWENGE UNIVERSITY(MWECAU) 2016
INNOCENT-THE BLOGGER-BOY
You are informed to report to the University on Monday 7th March 2016 at 9:00 am for registrations and orientations. Remember to come with all credentials as directed by TCU.
Those from distant regions and who can not go home from Arusha and back to MWECAU on 7th March may report direct to MWECAU from thursady 3rd March 2016 . That will give them time to settle for accommodation as shown in the timetable below.
NB:
Announcement to all Transfer Students from St. Joseph - Arusha Campus to MWECAU
Those from distant regions and who can not go home from Arusha and back to MWECAU on 7th March may report direct to MWECAU from thursady 3rd March 2016 . That will give them time to settle for accommodation as shown in the timetable below.
NB:
- There are no directives for any payments yet.
- Do not make any payment trough M-pesa, Tigo Pesa or Artel Money to the University
Athanas Sing’ambi,
Public Relations Officer
Orientation Timetable
| Date | Time | Event | Participant | Venue |
| Thu 3 – Sun 6/03/2016 | 09:00am – 16:00pm | Arrival and accommodation setting | PRO & Admission Officer | At the gate |
| Mon 7/3/2016 | 09:00am -12:00pm | Campus Tour | PRO & Admission Officer | New Hall |
| 14:00pm -16:30Pm | General Meeting and Introduction Remarks | VC, DVCAA, DVCAF, Deans & Directors and All staff Present | New Hall | |
| Tue 8/3/2016 | 08:00am- 16:30pm | Issuing registration numbers, Temporary IDs and Agreement form to the Students | Admission officer, PRO, Dean of Students, Bursar | ICT |
| Wed 9/3/2016 | 08:30am- 12:00pm | Introduction to UMS course Registration procedures | ICT team | ICT |
| 12:00pm- 16:30pm | Online updating Details, Courses Registration and printing document to be submitted to Dean faculty of Science | Students | ||
| Thu 10/3/2016 | 08:00am- 09:30am | Orientation- Dean of Students | Fr. Deo, Ms Nacy | New Hall |
| 09:30am- 10:30am | Orientation- Counseling Unit | Chaplain & Counselor | New Hall | |
| 11:00am-13:00pm | Orientation- University Laws & Regulations | Corporate Counsel | New hall | |
| 14:00pm-16:00pm | University examinations | Examinations officer | New Hall | |
| Fri 11/3/2016 | 08:30am- 09:30am | Orientation- Financial Matters | DVCAF & Bursar | New Hall |
| 10:00am- 12:30am | Orientation- Academic Matters; Special Arrangement for the group | DVCAA, Dean Faculty of Science, HODS & Academic Staff Science Departments | New Hall | |
| 14:00pm- 16:30pm | Loan Issues | Loans Officer | New Hall | |
| 14/3/2016 | 08:00am- | Classes begin without exception | Timetable | Lecturer room |
Applications for Postgraduate 2016-17-UDOM
INNOCENT-THE BLOGGER-BOY
Applications for Postgraduate 2016-17
USAJILI WA WATAHINIWA WA KUJITEGEMEA WA CSEE NA QT 2016 UNAENDELEA KWA ADA YA KAWAIDA HADI TAREHE 31 MACHI 2016.
INNOCENT-THE BLOGGER-BOY
USAJILI WA WATAHINIWA WA KUJITEGEMEA WA CSEE NA QT 2016 UNAENDELEA KWA ADA YA KAWAIDA HADI TAREHE 31 MACHI 2016.
Dk. Kigwangalla aagiza kufungwa chumba cha upasuaji cha Hospitali ya Sanitas ya Mikocheni
INNOCENT-THE BLOGGER-BOY
![[IMG]](http://dewjiblog.com/wp-content/uploads/2016/02/dk-hk-34.jpg)
Naibu wa Waziri wa Afya, Maendeleo ya Jamii, Jinsia, Wazee na Watoto,
Dkt. Hamisi Kigwangalla ameagiza kufungwa mara moja Chumba cha upasuaji
cha hospitali ya Sanitas ya Mikocheni Jijini Dar es Salaam baada ya
kubaini kuwa na kasoro mbalimbali ikiwemo mfumo na ramani yake
kimefungwa kwa kutokidhi vigezo vya kimataifa vya namna chumba hicho
kinavyotakiwa kuwa.
Dk. Kigwangalla ametoa agizo hilo mapema jana Februari 29.2016, alipofanya ziara ya kushtukiza kwenye hospitali hiyo majira ya saa nane na nusu mchana ambapo baada ya kutembelea hospitali nzima na kushuhudia namna ya utolewaji wa huduma, hakuridhishwa na hali aliyokutana nayo kwenye chumba hicho na kutoa maagizo kwa Msajili wa Hospitali Binafsi, Dkt. Pamela Sawa kufunga chumba hicho mpaka uongozi wa hospitali hiyo utakapofanya marekebisho ya mapungufu yaliyopo.
“Chumba cha upasuaji hakiko sawa, siwezi kuvumilia kuacha chumba hiki kiko chini ya kiwango cha kimataifa. Rekebisheni chumba hiki kwa kutumia mfumo wa ramani wa wizara,” alieleza Dkt. Kigwangalla wakati wa kutoa maagizo kwa mmoja wa Ofisa wa Hospitali hiyo.
Aidha uongozi wa hospitali hiyo umepewa siku saba wawe wamewasilisha maelezo ya kutowalipa mishahara kwa kipindi cha miezi minne watumishi wake pamoja na jinsi wanavyoteketeza taka hatarishi za hospitali hiyo.
Katika ziara hiyo Naibu Waziri huyo alipata malalamiko kutoka kwa watumishi hao ambao wamelalamikia kukatwa kwa makato ya mafao pasipo kupelekwa mahali husika kwa zaidi ya miaka mitatu na nusu.
Dkt. Kigwangalla alivitaja viwango vya chumba cha upasuaji kuwa kinatakiwa chumba cha kubadilishia mavazi,kunawa mikono,sehemu ya alama maalum zenye rangi nyekundu, meza ya upasuaji, ukanda wa usafi, chumba cha mapunziko baada ya kutoka kwenye upasuaji na chumba cha kusafishia vifaa vya upasuaji na kuna mashine maalum kwa kuwa kila upasuaji una idadi ya vifaa vinavyotumika.
Aliongeza kuwa viwango hivi vinawekwa ili kuepuka maambukizi.
Kwa upande wake Meneja Uendeshaji wa hospitali hiyo, Bi. Gean Cabral alisema watarekebisha mapungufu yaliyobainika pamoja na kufanya yale yote waliyoagiziwa baada ya tukio hilo.
Dk. Kigwangalla ametoa agizo hilo mapema jana Februari 29.2016, alipofanya ziara ya kushtukiza kwenye hospitali hiyo majira ya saa nane na nusu mchana ambapo baada ya kutembelea hospitali nzima na kushuhudia namna ya utolewaji wa huduma, hakuridhishwa na hali aliyokutana nayo kwenye chumba hicho na kutoa maagizo kwa Msajili wa Hospitali Binafsi, Dkt. Pamela Sawa kufunga chumba hicho mpaka uongozi wa hospitali hiyo utakapofanya marekebisho ya mapungufu yaliyopo.
“Chumba cha upasuaji hakiko sawa, siwezi kuvumilia kuacha chumba hiki kiko chini ya kiwango cha kimataifa. Rekebisheni chumba hiki kwa kutumia mfumo wa ramani wa wizara,” alieleza Dkt. Kigwangalla wakati wa kutoa maagizo kwa mmoja wa Ofisa wa Hospitali hiyo.
Aidha uongozi wa hospitali hiyo umepewa siku saba wawe wamewasilisha maelezo ya kutowalipa mishahara kwa kipindi cha miezi minne watumishi wake pamoja na jinsi wanavyoteketeza taka hatarishi za hospitali hiyo.
Katika ziara hiyo Naibu Waziri huyo alipata malalamiko kutoka kwa watumishi hao ambao wamelalamikia kukatwa kwa makato ya mafao pasipo kupelekwa mahali husika kwa zaidi ya miaka mitatu na nusu.
Dkt. Kigwangalla alivitaja viwango vya chumba cha upasuaji kuwa kinatakiwa chumba cha kubadilishia mavazi,kunawa mikono,sehemu ya alama maalum zenye rangi nyekundu, meza ya upasuaji, ukanda wa usafi, chumba cha mapunziko baada ya kutoka kwenye upasuaji na chumba cha kusafishia vifaa vya upasuaji na kuna mashine maalum kwa kuwa kila upasuaji una idadi ya vifaa vinavyotumika.
Aliongeza kuwa viwango hivi vinawekwa ili kuepuka maambukizi.
Kwa upande wake Meneja Uendeshaji wa hospitali hiyo, Bi. Gean Cabral alisema watarekebisha mapungufu yaliyobainika pamoja na kufanya yale yote waliyoagiziwa baada ya tukio hilo.
Halima Mdee Atupwa Rumande,Mahakama yakana kuzuia uchaguzi wa Meya Dar
INNOCENT-THE BLOGGER-BOY
Wakati mbunge wa Kawe (Chadema), Halima Mdee akilala rumande akihusishwa
na vurugu zilizotokea Jumapili wakati uchaguzi wa meya wa Jiji la Dar
es Salaam ulipokwama, Mahakama ya Kisutu imelikana zuio lililotumika
kuzuia shughuli hizo.
Uchaguzi huo ulipangwa kufanyika Januari 23, mwaka
huu, lakini uliahirishwa ili kuandaa mfumo bora wa upatikanaji wajumbe
kutokana na CCM kutaka kuingiza wapigakura nje ya waliotakiwa.
Ulikwama
tena Februari 8, baada ya Halmashauri ya Jiji la Dar kubaini kasoro ya
nyongeza ya majina 14 ya wajumbe kutoka manispaa za Ilala na Kinondoni.
Jumapili
iliyopita ilikuwa ni mara ya tatu, kukwama tena kutokana na zuio
lililosababishwa na kesi iliyofungiliwa na Saad Kimji na Suzan Masawe.
Hata
hivyo, zuio hilo la muda la Mahakama ya Hakimu Mkazi Kisutu
lililotumika kuahirisha uchaguzi wa meya na naibu meya wa Jiji,
uliopaswa kufanyika Februari 27, 2016 limebainika kuwa ni batili.
Jana,
Hakimu Mkazi Mkuu wa Mahakama ya Kisutu, Waliarwande Lema alisema Saad
Kimji na Suzan Massawe walifungua kesi Februari 5, 2016 wakizuia
uchaguzi wa meya na naibu wake ambao ulipaswa kufanyika Februari 8,2016.
Hakimu Lema alibainisha baada ya kufungua shauri hilo, Mahakama
ya Kisutu iliweka zuio la muda ili kesi hiyo ianze kusikilizwa Februari
15, 2016 lakini walalamikaji hawakutokea mahakamani hivyo mahakama
ikapanga kusikiliza kesi hiyo Februari 23, lakini hawakutokea pia.
Alisema
kutokana na hali hiyo, aliliondoa shauri hilo mahakamani hapo na hivyo
zuio hilo likawa limekufa.
Aliongeza kuwa aliyesema Mahakama ya Kisutu
imetoa zuio ni muongo na kwamba zuio halali ni lazima liwe na jina la
Hakimu pamoja na sahihi.
Kukamatwa kwa Mdee
Katika sakata la
jana, Mdee na madiwani wengine watatu walilazwa rumande kutokana na
kutuhumiwa kumshambulia Katibu Tawala wa Mkoa wa Dar es Salaam, Theresia
Mmbando
Wanatuhumiwa kufanya kosa hilo baada ya vuta nikuvute kutokea
Jumapili iliyopita wakati shughuli ya kuwasaka viongozi hao wa jiji
zilipokwaa kisiki kwa mara ya tatu, na CCM kuamua kukimbilia mahakamani.
Hali hiyo, ilizua tafrani kati ya madiwani na wananchama wa
vyama vinavyounda Umoja wa Katiba ya Wananchi (Ukawa) baada ya uchaguzi
huo kuahirishwa kwa zuio la muda la Mahakama ya Hakimu Mkazi Kisutu.
Tafrani hiyo ndiyo iliyosababisha vurugu ambazo inadaiwa kuwa katika
purukushani hizo Mdee alimshambulia Mmbando mara baada ya kutangaza
kuahirisha uchaguzi huo.
Polisi waliokuwa wanalinda usalama kwenye ukumbi wa Karimjee ambako uchaguzi huo ulitakiwa kufanyika, walimtoa nje Mmbando.
Akitoa
maelezo mafupi kwa waandishi wa habari jana baada ya Mdee kuhojiwa kwa
takriban saa sita, wakili wake , Profesa Abdalah Safari alisema mbunge
huyo anashikiliwa kwa kosa hilo na atalala rumande.
“Kimsingi
nilikuja kumsikiliza akitoa maelezo yake, ameshatoa lakini hakuna
ushahidi wowote wa kosa analodaiwa kufanya la kushambulia Theresia,”
alisema.
Hata hiyo, Profesa Safari alisema kutokana na kosa hilo Mdee
alikuwa na haki ya kuwekewa dhamana lakini polisi wamekataa.
“Mdee
angeweza kujidhamini hata mwenyewe lakini wamekataa na kutokana na kosa
hili anatakiwa kulala rumande kwa saa 48, zikizidi ina maana atapelekwa
mahakamani,” alisema.
Profesa Safari, ambaye pia ni makamu
mwenyekiti wa Chadema Bara, alisema mbali na Mdee pia madiwani watatu
wanashikiliwa na polisi kwa kosa hilo.
Madiwani hao ni Humphrey Sambo wa kata ya Mbezi, Ephraim Kinyafu (Saranga), wakati hakumtaja jina diwani wa tatu.
Awali
wakati mahojiano hayo yalipoanza saa 7:00 mchana, taarifa kutoka kwa
mmoja wa makada wa chama hicho zilieleza kuwa Mbunge wa Ukonga
(Chadema), Mwita Waitara pia alitakiwa kufika kituoni hapo kutoa maelezo
na anatarajiwa kuwasili leo.
Wakati wa polisi wakimhoji Mdee,
wanachama wa Chadema walifika kituoni hapo, akiwapo Ester Bulaya, ambaye
ni mbunge wa Bunda Mjini, Esther Matiko (Bunga Vijijini) na Henry
Kilewo ambaye ni kanda wa Chadema.
Mapema jana mchana kabla ya
Mdee kufikishwa kituoni hapo, ilielezwa kuwa polisi walizingira nyumba
yake na kumtaka aende kituoni.
Hata hivyo, mbunge huyo hakutoka hadi
alipowasiliana na wakili wake ambaye alienda naye kituoni kwa ajili ya
mahojiano.
