MASWAYETU BLOG

TCRA YAPATA DAWA YA MALALAMIKO YA VIFURUSHI 'BANDO'...MATAPELI MTANDAONI NAO KUNYOOSHWA

Unknown 17:55:00 NEWS No comments

Mkurugenzi Mkuu wa Mamlaka ya Mawasiliano Tanzania (TCRA,) Mhandisi. James Kilaba

***

*Kanuni zaruhusu watumiaji kuhamishiana 'uniti' za vifurushi

Na Leandra Gabriel, Michuzi TV

MAMLAKA ya Mawasiliano Tanzania (TCRA,) imeandaa kanuni ndogo ambazo zitawezesha kutatua kero za watumiaji wa huduma na kuongeza ustawi wa sekta ya mawasiliano ikiwemo ya mtoa huduma kuweka utaratibu au mfumo wa kumwezesha mtumiaji wa huduma kuhamisha uniti za kifurushi kwenda kwa mtumiaji mwingine ndani ya mtandao wake kwa masharti mawili.

Akizungumza na waandishi wa habari leo mkoani Dar es Salaam Mkurugenzi Mkuu wa Mamlaka ya Mawasiliano Tanzania (TCRA,) Mhandisi. James Kilaba amesema TCRA imekuwa ikichukua hatua mbalimbali ikihusisha watoa huduma ili kushusha bei ya simu za kawaida ambazo ni bei ya nje ya vifurushi, na kanuni hizo zitaanza kutumia Aprili 2, mwaka huu.

Mhandisi Kilaba amesema, Februari 5 mwaka huu TCRA ilitoa matangazo ya kukaribisha maoni ya wadau wote wakiwemo watoa huduma, watumiaji na Serikali kuhusu huduma za vifurushi vinavyouzwa na watoa huduma kwa wateja ili kuhakikisha ufanisi na kuwezesha upatikanaji wa huduma bora kulingana na thamani ya fedha ya malipo yaliyofanywa na wanaojiunga na vifurushi husika na jumla ya maoni 3,278 yalikusanywa.

"Moja ya kanuni ya ni mtoa huduma kuweka utaratibu au mfumo wa kumwezesha mtumiaji wa huduma kuhamisha uniti za kifurushi kwenda wa mtumiaji mwingine ndani ya mtandao wake kwa masharti kwamba.....kiasi cha chini cha kuhamisha kitakua 250 Mb na mtumiaji anaweza kuwahamishia watumiaji wasiozidi wawili na mtumiaji aliyehamishiwa kifurushi hataruhusiwa kumhamishia mtumiaji mwingine uniti hizo au sehemu ya uniti alizohamishiwa." Ameeleza Mhandisi Kilaba.

Akieleza kanuni nyingine ambazo watoa huduma watatakiwa kuzifuata Kilaba amesema mtoa huduma hatatoa huduma bila kibali maalumu cha Mamlaka hiyo.

Aidha mtoa huduma atahakikisha kwamba bei za vifurushi zinazingatia bei husika ya chini na juu zilizowekwa na Mamlaka hiyo pamoja na mtoa huduma kutumia lugha rahisi na vigezo na masharti yaliyo wazi kuhusu vifurushi vinavyotolewa.

Aidha amesema, mtoa huduma anatakiwa kutoa fursa kwa mtumiaji wa huduma za mawasiliano kuchagua na kujiunga na vifurushi visivyokuwa na ukomo wa muda wa matumizi vitakavyopatikana kwenye Menu kuu, na watoa huduma wote watatumia jina linaalofanana kwa vifurushi hivyo ili vitambulike kwa wepesi na hiyo ni pamoja na kutoondolewa, kurekebishwa au kubadilishwa kwa vifurushi ndani ya siku 90 tangu kuidhinishwa kwake.

Vilevile kanuni hizo zinawataka watoa huduma kutoa taarifa pindi matumizi ya kifurushi yatakapofikia asilimia 75 na 100 kwa vifurushi vya muda wa maongezi, data na ujumbe mfupi (Sms) Pamoja na kutopunguza kasi ya mtandao katika kifurushi na hilo ni sambamba na watoa huduma kuweka programu Rununu ili kuwawezesha watumia huduma wenye simu janja kufuatilia matumizi yao ya data kwa kupakua Programu Rununu hiyo kutoka kwa mtoa huduma.

Kanuni nyingine iliyoandaliwa na Mamlaka hiyo ni kwa watoa huduma kuweka utaratibu unaowawezesha watumiaji wanaojiunga na huduma za vifurushi kuchagua na kukubali kutozwa gharama zisizokuwa kwenye vifurushi mara muda wa vifurushi wanavyojiunga au uniti za kifurushi husika kumalizika.

"Utaratibu huu wa kuchagua na kukubali utakuwa chaguo msingi mpaka pale anayejiunga achague na kukubali kutumia gharama nje ya kifurushi pindi kifurushi husika kinachoisha muda wa matumizi" Amesisitiza Kilaba.

Pia Kilaba amesema, watoa huduma waweka utaratibu wa kumwezesha aliyejiunga na kifurushi chochote kuendelea kutumia muda au uniti za kifurushi ambazo zitakuwa zimesalia ndani ya muda wa matumizi uliowekwa kwa kununua tena kifurushi hicho hicho kabla ya kumalizika muda wake.

Kilaba ametumia wasaa huo kuwakumbusha watanzania juu ya mapambano ya utapeli mtandao kwa kutokubali kutapeliwa kwa kutekeleza maelekezo yanayohusu miamala yoyote ya kifedha katika simu zao kwa kupigiwa simu kwa wanaojifanya ni wafanyakaziwa Kampuni yoyote ya simu na kuwataka kutuma namba za wanaopiga kwenda namba 15040 bure, na kwa wanaotumiwa jumbe fupi za utapeli wasitekeleze bali watume (Forward) jumbe hizo na namba za waliowatumia kwenda namba 15040.

Pia amewahimiza Watanzania kuhakiki namba zao walizosajili kwa kitambulisho cha Taifa kwa kubonyeza *106# kisha kuchagua namba 2 na kuangalia namba zilizosajiliwa kwa vitambulisho vyao na kuchukua hatua za kuzifuta kwa alama ya vidole kwa watoa huduma endapo watakuta namba ngeni zilizosajiliwa kwa vitambulisho vyao.

CHANZO - MICHUZI BLOG

WAZIRI AWESO : MSIFANYE KAZI KWA MAZOEA, BADILIKENI KIFIKRA

Unknown 17:55:00 NEWS No comments

Waziri wa Maji Jumaa Aweso akizungumza na wafanyakazi walio chini ya Wizara hiyo kwenye Ukumbi wa Mikutano wa Bonde la Kati mjini Singida

Wafanyakazi wa Bonde la Kati, Mamlaka ya Maji Safi na Usafi wa Mazingira Singida Mjini (SUWASA) na Wakala wa Usambazaji maji na Usafi wa Mazingira Vijijini (RUWASA) wakiwa kwenye mazunguzo na Waziri wa Maji, Jumaa Aweso

Mkurugenzi Mtendaji wa Mamlaka ya Maji Safi na Usafi wa Mazingira Singida Mjini (SUWASA), Patrick Nzamba akimkaribisha Waziri wa Maji, Jumaa Aweso aweze kuzungumza na Wafanyakazi

****

Na Abby Nkungu, Singida

WAZIRI wa Maji, Jumaa Aweso amewataka wafanyakazi wa Wizara hiyo kubadilika kifikra kwa kuanza kuchapa kazi kwa nguvu zaidi badala ya kuendelea kufanya kazi kwa mazoea.

Alitoa rai hiyo mjini Singida wakati akiongea na wafanyakazi wa Bonde la Kati, Mamlaka ya maji safi na Usafi wa mazingira Singida mjini (SUWASA) pamoja na Wakala wa usambazaji maji na Usafi wa mazingira vijijini (RUWASA) akiwa katika ziara ya kikazi ya siku moja mkoani Singida.

Waziri Aweso alisema kuwa kwa kipindi kirefu sasa, Wizara hiyo imekuwa ikinyooshewa vidole kutokana na baadhi ya watumishi wake kukosa uaminifu na uadilifu; hivyo kushindwa kutimiza majukumu yao ipasavyo.

"Yaliyopita si ndwele, tugange yaliyopo na yajayo. Ili kutimiza azma ya kumtua mama ndoo kichwani, lazima kila mfanyakazi aondokane na uvivu, afanye kazi kwa kutumia taaluma yake na kwa kuiheshimu taaluma hiyo naamini fedha nyingi zitolewazo na Serikali zitatumika vizuri kwa manufaa ya wananchi" alisema na kuongeza;

Hii itarejesha heshima ya Wizara yetu.....Nataka zikitajwa Wizara tatu zinazofanya kazi vizuri, sisi Wizara ya Maji tuwemo".

Alisema kuwa kutokana na ukweli kwamba maji hayahitaji porojo, ngojangoja wala hakuna mbadala wake, wafanyakazi wote wa Wizara hiyo hawana budi kushikamana na kufanya kazi kwa pamoja kwa kuwa wote ni familia moja.

"Ili tuijenge Wizara yetu tushikamane, tujiepushe na majungu na fitina lakini pia pale mnapofanya kazi nzuri ionesheni na kuitangaza kwa umma ili mtambulike".

Adha, alitoa mwito kwa Menejimenti zote kuhakiksha zinajali maslahi ya wafanyakazi wake kwa kuwa maslahi duni humnyong'onyesha mtumishi lakini maslahi bora humtia nguvu na kumjaza ari ya kufanya kazi zaidi.

Picha : DC MBONEKO ATEMBELEA KIWANDA CHA CHAKI 'SHINYANGA STANDARD CHALK' ...AAGIZA KILA SHULE IZINUNUE

Unknown 15:55:00 NEWS No comments

Mkuu wa wilaya ya Shinyanga Mhe. Jasinta Mboneko akiwa amebeba maboksi ya chaki za Kiwanda cha Shinyanga Standard Chalk kilichopo katika mtaa wa Miti Mirefu Mjini Shinyanga. Picha na Kadama Malunde - Malunde 1 blog

Mkuu wa wilaya ya Shinyanga Mhe. Jasinta Mboneko ametembelea Kiwanda cha Kutengeneza Chaki cha ‘Shinyanga Standard Chalk’kilichopo Mjini Shinyanga na kujionea jinsi uzalishaji wa chaki unavyofanyika na kutoa agizo kwa Wakuu wa Shule katika wilaya hiyo kununua chaki hizo.

Mboneko amefanya ziara katika kiwanda cha Shinyanga Standard Chalk kilichopo katika mtaa wa Miti Mirefu Mjini Shinyanga leo Jumatatu Machi 2,2021.

Akizungumza kiwandani hapo, Mboneko amewapongeza vijana walioanzisha kiwanda hicho kwa kutengeneza chaki mzuri na bora na kutoa agizo kwa Wakuu wa shule zilizopo katika wilaya ya Shinyanga na kuahidi kutafuta masoko zaidi kwenye wilaya zingine.

“Natoa agizo kwa wakuu wa shule zote watumie chaki zinazozalishwa katika kiwanda chetu cha Shinyanga, kuna chaki za kutosha nataka chaki hizi zinunuliwe. Hatuwezi kununua chaki nje ya Shinyanga wakati tunazo hapa kwetu kwenye kiwanda chetu,tena ni chaki nzuri sana na wazalishaji wanafuata taratibu zote za uzalishaji”,amesema Mboneko.

“Nataka kila shule inunue Boksi moja hadi mawili. Mzigo upo wa kutosha na vijana hawa wapo tayari kuwasambazia chaki hadi kwenye shule zenu”,ameongeza Mboneko.

Kwa upande wake, Mwenyekiti wa Kikundi cha Vijana walioanzisha Kiwanda cha Shinyanga Standard Chalk, Hashim Issa Hashim amesema walianza uzalishaji wa chaki mwezi Aprili 2020 na sasa wana uwezo wa kuzalisha katoni 102 kwa siku.

Amesema licha ya uzalishaji mkubwa wanaofanya bado changamoto kubwa ni ukosefu wa masoko kutokana na soko la ndani kusuasua akibainisha kuwa endapo soko la ndani likiwa zuri basi wataweza kuuza chaki hizo nje ya wilaya ya Shinyanga ambapo amemshukuru Mkuu wa wilaya hiyo, Jasinta Mboneko kuwaunga mkono kwa kuhamasisha wakuu wa shule kununua chaki katika kiwanda hicho.

Hashim amewaomba wenye uhitaji wa Chaki nzuri zenye ubora wa hali ya juu za Kiwanda cha Shinyanga Standard Chalk wafike katika kiwanda hicho kilichopo mtaa wa Miti Mrefu karibu na Ofisi za Ally's Bus Mjini Shinyanga au wapige simu namba 0713 332 609 au 0747 844 341 au Email shystandard1@gmail.com

Mkuu wa wilaya ya Shinyanga Mhe. Jasinta Mboneko (kushoto) akiangalia chaki muda mfupi baada ya chaki hizo kutolewa katika mitambo ya uzalishaji katika Kiwanda cha Shinyanga Standard Chalk kilichopo katika mtaa wa Miti Mirefu Mjini Shinyanga leo Jumanne Machi 2,2021. Katikati ni Mwenyekiti wa Kiwanda cha Shinyanga Standard Chalk, Hashim Issa, kulia ni Mhandisi mkuu wa kiwanda hicho Amani Daniel. Picha na Kadama Malunde - Malunde 1 blog

Mkuu wa wilaya ya Shinyanga Mhe. Jasinta Mboneko (kushoto) akiangalia namna uzalishaji wa chaki unavyofanyika katika Kiwanda cha Shinyanga Standard Chalk kilichopo katika mtaa wa Miti Mirefu Mjini Shinyanga

Mkuu wa wilaya ya Shinyanga Mhe. Jasinta Mboneko (kushoto) akiangalia namna uzalishaji unavyofanyika katika Kiwanda cha Shinyanga Standard Chalk kilichopo katika mtaa wa Miti Mirefu Mjini Shinyanga

Wa pili kushoto ni Mwenyekiti wa Kiwanda cha Shinyanga Standard Chalk Hassim Issa akimwelezea Mkuu wa wilaya ya Shinyanga Mhe. Jasinta Mboneko (kushoto) kuhusu uzalishaji wa chaki kwenye Kiwanda cha Shinyanga Standard Chalk kilichopo katika mtaa wa Miti Mirefu Mjini Shinyanga

Muonekano wa sehemu ya mitambo katika Kiwanda cha Shinyanga Standard Chalk kilichopo katika mtaa wa Miti Mirefu Mjini Shinyanga

Mkuu wa wilaya ya Shinyanga Mhe. Jasinta Mboneko (kushoto) akiangalia namna uzalishaji wa chaki unavyofanayia kwenye Kiwanda cha Shinyanga Standard Chalk kilichopo katika mtaa wa Miti Mirefu Mjini Shinyanga

Mkuu wa wilaya ya Shinyanga Mhe. Jasinta Mboneko (kushoto) akiangalia chaki zilizoanikwa juani muda mfupi baada ya chaki hizo kutolewa katika mitambo ya uzalishaji katika Kiwanda cha Shinyanga Standard Chalk kilichopo katika mtaa wa Miti Mirefu Mjini Shinyanga

Muonekano wa chaki zikiwa zimeanikwa juani

Mkuu wa wilaya ya Shinyanga Mhe. Jasinta Mboneko (kulia) akiangalia Boksi la kuhifadhia chaki katika Kiwanda cha Shinyanga Standard Chalk kilichopo katika mtaa wa Miti Mirefu Mjini Shinyanga

Mkuu wa wilaya ya Shinyanga Mhe. Jasinta Mboneko (kushoto) akizungumza katika Kiwanda cha Shinyanga Standard Chalk kilichopo katika mtaa wa Miti Mirefu Mjini Shinyanga

Mwenyekiti wa Kiwanda cha Shinyanga Standard Chalk, Hashim Issa akimwelezea Mkuu wa wilaya ya Shinyanga Mhe. Jasinta Mboneko (kushoto) changamoto wanazokutana nazo wakati wa uzalishaji wa chaki ikiwa ni pamoja na kukosa masoko

Mkuu wa wilaya ya Shinyanga Mhe. Jasinta Mboneko (wa pilikushoto) akizungumza katika Stoo ya kuhifadhia chaki kwenye Kiwanda cha Shinyanga Standard Chalk kilichopo katika mtaa wa Miti Mirefu Mjini Shinyanga

Mkuu wa wilaya ya Shinyanga Mhe. Jasinta Mboneko (kushoto) akizungumza katika Kiwanda cha Shinyanga Standard Chalk kilichopo katika mtaa wa Miti Mirefu Mjini Shinyanga

Mkuu wa wilaya ya Shinyanga Mhe. Jasinta Mboneko akizungumza katika Kiwanda cha Shinyanga Standard Chalk kilichopo katika mtaa wa Miti Mirefu Mjini Shinyanga

Mkuu wa wilaya ya Shinyanga Mhe. Jasinta Mboneko akiangalia maboksi ya ndani ya chumba cha kuhifadhia chaki katika Kiwanda cha Shinyanga Standard Chalk kilichopo katika mtaa wa Miti Mirefu Mjini Shinyanga

Mkuu wa wilaya ya Shinyanga Mhe. Jasinta Mboneko (katikati) kulia ni Mwenyekiti wa Kiwanda cha Shinyanga Standard Chalk, Hashim Issa, kushoto ni Mhandisi mkuu wa kiwanda hicho Amani Daniel wakiwa wameshikilia maboksi ya chaki za Kiwanda cha Shinyanga Standard Chalk

Mkuu wa wilaya ya Shinyanga Mhe. Jasinta Mboneko (katikati) na viongozi mbalimbali wakiwa wameshikilia maboksi ya chaki

Muonekano wa chaki za Kiwanda cha Shinyanga Standard Chalk

Muonekano wa maboksi ya chaki za Kiwanda cha Shinyanga Standard Chalk

Picha na Kadama Malunde - Malunde 1 blog

BABU WA MIAKA 77 AFARIKI DUNIA KWA KUTUMBUKIA KISIMANI

Unknown 14:55:00 NEWS No comments

Mzee mmoja aliyefahamika kwa majina ya Joseph Rutabana mwenye umri wa miaka 77 mkazi wa kijiji cha Butairuka amepoteza maisha, baada ya kutumbukia katika kisima cha maji, kilichochimbwa katika eneo la Kanisa Katoliki Parokia ya Maruku, katika halmashauri ya wilaya ya Bukoba, mkoani Kagera.

Kaimu Mkuu wa jeshi la Zimamoto na Uokoaji katika wilaya ya Bukoba, Mkaguzi Msaidizi Abrahman Ngaugia, amesema kuwa walipata taarifa za kwenda kufanya Uokozi saa kumi mchana, na kwamba walipofika eneo la tukio askari wa jeshi hilo Sajenti Karata Ramadhan ndiye aliyeingia katika shimo hilo na kufanikiwa kuutoa mwili wa mzee huyo kwa kushirikiana na askari wenzake.

Kwa upande wao baadhi ya ndugu, majirani na viongozi wa eneo hilo wamesema kuwa siku tatu kabla ya tukio, mzee huyo alionekana kama amechanganyikiwa na kuwa wakati akiondoka nyumbani aliaga kwamba anakwenda kuoga.

Finance Assistant – East Africa Youth Inclusion at Heifer International

Unknown 13:54:00 NEWS No comments

This this content has been copied from Udahiliportal , please kindly visit udahiliportal.com to access full content

Description Heifer International is an equal opportunity employer. All qualified applicants will receive consideration for employment without regard to race, religion, color, national origin, gender, gender identify, sexual orientation, age, status as a protected veteran, among other things, or status as a qualified individual with disability. FUNCTION Under the guidance and leadership of EAYIP Accountant […]