WAZIRI MAVUNDE AIPONGEZA TANTRADE KURATIBU NA KUSIMAMIA KLINIKI YA BIASHARA GEITA

Waziri wa Madini Anthony Mavunde (Kushoto), akisikiliza maelezo kutoka kwa Afisa Biashara wa Mamlaka ya Maendeleo ya Biashara Tanzania (TANTRADE), na Msimamizi Mkuu wa Kliniki ya Biashara katika Maonesho ya sita ya Teknolojia ya Madini, Bi. Samirah Mohamed (kulia), kuhusu Kliniki ya Biashara inayoratibiwa na Taasisi hiyo, kwenye Maonesho ya sita ya Teknolojia ya Madini yanayofanyika kwenye viwanja vya EPZ Bombambili Mkoani Geita, leo Septemba 29,2023.

TANTRADE imeshiriki Maonesho hayo ikisimamia Kliniki ya Biashara yenye jukumu la kutoa huduma kwa pamoja kusikiliza na kutatua changamoto za wadau na wananchi mbalimbali wakiwemo wafanyabiashara.

(PICHA NA: HUGHES DUGILO)

Afisa Biashara wa Mamlaka ya Maendeleo ya Biashara Tanzania (TANTRADE), na Msimamizi Mkuu wa Kliniki ya Biashara katika Maonesho ya sita ya Teknolojia ya Madini, Bi. Samirah Mohamed (kulia), na Bi. Clara Mwamba (Kushoto), Afisa Biashara kutoka katika Taasisi hiyo, , wakiwa katika picha ya pamoja kwenye Banda lao inapofanyika Kliniki ya Biashara kwenye Maonesho ya sita ya Teknolojia ya Madini Mkoani Geita.

Afisa Biashara wa Mamlaka ya Maendeleo ya Biashara Tanzania (TANTRADE), na Msimamizi Mkuu wa Kliniki ya Biashara katika Maonesho ya sita ya Teknolojia Katika Dekta ya Madini Bi. Samirah Mohamed (wa kwanza kulia), akiwa katika picha ya pamoja na watumishi wa Taasisi wezeshi za Serikali zilizoshiriki kwenye Kliniki hiyo katika Maonesho hayo, Geita.

Muonekano wa Banda ya Kliniki ya Biashara katika Maonesho ya Madini Geita.

Read More →

HAYA HAPA MAGAZETI YA LEO JUMAMOSI SEPTEMBA 30,2023

Read More →

JKT TANZANIA , KAGERA SUGAR HAKUNA MBABE CCM KAMBARAGE

 

Na Mwandishi wetu _ Malunde 1 blog

Timu ya JKT Tanzania wametoka thuruhu ya goli 1 - 1 dhidi ya Kagera Sugar kwenye nmchezo wa ligi kuu NBC Tanzania Bara.

Mchezo huo uliochezwa leo Septemba 29, 2023 katika uwanjan wa CCM Kambarage Mjini Shinyanga uliomalizika kwa droo ya goli 1 - 1 huku magoli yote yakifungwa dakika za nyongeza  goli la JKT Tanzania likifungwa na Daniel Lyanga kwa mkwaju wa penati Dk 97 huki goli la Kagera Sugar likifungwa na Gasper Mwaipasi Dk 98.

Akizungumza mara baada ya kumalizika kwa mchezo huo kocha msaidizi wa timu ya JKT Tanzania George Mketo amesema makosa waliyofanya baada ya kupata goli ndio limewaadhibu na kupelekea wapinzani wao kupata goli na kufanikiwa kusawazisha.

Kwa upande wake kocha msaidizi wa timu ya Kagera Sugar Marwa Chambeli amewapongeza wachezaji wake kwa kupambana na kufanikiwa kusawazisha goli na kugawana pointi kwenye mchezo huo.

Read More →

WATAALAM UGANDA WATINGA MAONESHO YA MADINI GEITA, WAPEWA DARASA TEKNOLOJIA MPYA UCHIMBAJI MADINI

Mhandisi Uchimbaji Mwandamizi wa mipango kazi mirefu na wa chini ya ardhi kutoka GGML, Emanuel Njabugeni (kushoto) akiwaelezea wageni kutoka nchini Uganda namna GGML inavyotumia teknolojia mbalimbali katika uchimbaji wa wazi na wa chini kwa chini ya ardhi.

Na Mwandishi wetu - Geita

MAONESHO ya Teknolojia ya Madini yamezidi kuwa darasa kwa wadau mbalimbali baada ya wageni kutoka Wizara ya Madini ya Serikali ya Uganda kushiriki na kujifunza namna Kampuni ya GGML inavyotumia teknolojia za kisasa katika shughuli za uchimbaji wa chini kwa chini ya ardhi pamoja na wa wazi.

Wageni hao walioongozwa na Mkaguzi wa Migodi katika Kurugenzi ya Utafiti wa Jiolojia na Migodi anayesimamia shughuli za uchimbaji Mashariki mwa Uganda, Morris Muheirwe Tabaaro, walitembelea banda la GGML lililopo katika maonesho hayo ya sita yanayoendelea katika viwanja vya Bombambili-EPZ mjini Geita.

Akizungumzia dhumuni la kutembelea maonesho hayo, Tabaaro alisema mbali na kubadilishana uzoefu, pia wamekuja kujifunza namna kampuni hiyo inafanya utafiti wa madini, uchimbaji wa madini hiyo kwa njia za wazi na chini ya ardhi.

Aidha, akizungumzia darasa alililowapatia wageni hao kutoka Uganda, Mhandisi Uchimbaji Mwandamizi wa mipango kazi mirefu na wa chini ya ardhi kutoka GGML, Emanuel Njabugeni alisema hatua hiyo imedhihirisha kuwa Tanzania imezidi kuwa mfano wa kuigwa katika shughuli za uchimbaji kupitia miongozo mbalimbali iliyowekwa na hata kufikia dira ya Taifa.

Njabugeni mwenye uzoefu wa zaidi ya miaka 15 katika shughuli hizo za uchimbaji, alisema katika maonesho hayo, wameelekeza wageni, wachimbaji wadogo na washiriki kuhusu matumizi sahihi ya teknoliojia ambazo zinapunguza gharama za uchimbaji lakini pia kulinda mazingira.

“Tuna teknolojia ambazo zimepiga hatua ikiwamo software ya Studio UG for under ground Pamoja na teknolojia nyingine ambazo tumewaelekeza wenzetu wa Uganda namna zinavyoweza kuwapatia faida.

“Wenzetu wa Uganda wanayo haja kubwa kujifunza kutoka kwetu sisi watanzania hasa GGML ambayo ndio mgodi mkubwa Afrika Mashariki kwani unaongoza kiteknolojia na hata uhifadhi wa mazingira.

“Kwa hiyo nimewaelekeza ni kwa namna gani GGML inatumia teknolojia hizi katika kuchimba madini na kuhifadhi mazingira jambo ambalo limekuwa faida kwetu na hata jamii inayotuzunguka kwa ujumla,” alisema na kuongeza;

“Niliwaelezea kuwa kuna kampuni ambazo tunazitumia kwa ajili ya utafiti hapa Geita, mfano GGML tunatumia kampuni ya Capital Mining Services ambao wakishatupatia hizo data tunajua kwamba hapa tutachimbaji kwa faida au hasara. Kwa kuzingatia bei ya dhahabu, vifaa ambavyo tutavitumia na gharama za rasilimali watu na gharama mbalimbali kama kujaza mashimo na kuacha mwamba katika mazingira salama.”

Hatua hiyo inakuja wakati Serikali ikiendelea na jitihada za kutekeleza dira ya 2030 ambayo imeanzishwa na Waziri wa Madini, Athony Mavunde ambaye amelenga kuhakikisha madini yawe ni utajiri na maisha ya watanzania

Read More →

USAILI “INTERVIEW” SEKRETARIETI YA AJIRA DODOMA KIZUNGUMKUTI ‘JINSI MARIUM ABDUL” ALIVYONYIMWA HAKI YAKE YA MSINGI YA KUFANYA USAILI,BAADHI YA MAOFISA KUJIITA MIUNGU WATU MFANO:ALLY MTUMISHI SEKRETARIETI YA AJIRA

 

Na mwandishi Maswayetu blog;

Baada ya Serikali ya Jamhuri ya MUUNGANO kuhakikisha kwamba nafasi za kazi zote Tanzania zinatolewa kwa usawa na uwazi kwa vijana wote wanaopambana kutafuta kazi Serikalini,kumekuwa na changamoto nyingi katika usaili huo ambao wafanyakazi wake wamegeuka Miungu Mtu.

Hadithi ya Marium,inaanza Tangu alivyomaliza Chuo mwaka 2016,Chuo kikuu cha kilimo Sua shahada ya sayansi ya Kilimo. Alikuwa na mategemeo makubwa sana ya kuajiriwa kutokana na mifumo ya aliekuwa Rais wa awamu yan ne Dkt.Kikwete,lakini ndoto zake zilizimika ghafla baada ya mabadiliko ya uongozi yaliyotokana na Uchaguzi Mkuu wa mwaka 2015 ambao ulimpa Nafasi ya kuongoza nchi aliekuwa Rais wa Awamu ya 5 Dkt.Magufuli.

Ajira zilisimamishwa ghafla na kumfanya Marium ambae tangu anasoma wakati huo akili yake ilikuwa kuajiriwa serikalini kupoteza uelekeo wa Maisha.Alikaa mtaani kuanzia mwaka 2016 mpaka 2022 ambapo ajira zilianza kutangazwa upya tena kupitia sekretarieti ya ajira iliyopewa mamlaka hayo.

Marium aliomba kazi zilipotangazwa na alifanikiwa kuitwa kwenye usaili Mjini Dodoma ,ambapo katika nafasi 5 zilizotangazwa waliitwa vijana Zaidi ya 3879 kugombania nafasi hizo(hii ilitokana na wingi wa wahitimu waliokosa kuajiriwa kuanzia mwaka 2016 mpaka 2022).

Tangazo hilo la usaili lilimkuta Marium akiwa mjini Moshi,hivyo kumfanya ajikusanye nauli na kufunga safari kutoka Mosho hadi Dodoma kwa ajili ya kuhakikisha anapambana kuweza kuajiriwa. Alifika Dodoma akiwa kamili na vyeti vyake,siku ilipofika aliwasili mapema yalipo majengo ya chou kikuu cha Dodoma (udom) kwa ajili ya kufanya usaili huo.

Afisa wa Ajira aitwae Ally aliwasili akiwa yeye ndio incharge wa zoezi hilo siku hiyo,alitangaza waliofika kwa ajili ya usaili shahada ya kilimo waendeo chumba namba 3,alianza kukagua vyeti kama ni original, Marium alikuwa nav yeti origina vyote ilipofika katika zoezi la vitambulisho,kitambulisho cha Marium kilikuwa kwenye simu yake (soft copy) alikataliwa na kuwekwa pembeni.Marium alishtuka sana ,akauliza anaweza kwenda kufatilia barua kwa mtendaji? Akaambiwa subiri,kumbuka ilikuwa saa 1 asubuhi,lakini walikalikshwa mpaka saa 3 asubuhi,ndipo taarifa ilitoka kwamba wanatakiwa kurudi nyumbani kwani hawana sifa ya kufanya mtihani,huku wenzao wakianza mtihani wa dk 40 muda huo.

Marium alilia sana,kumbuka kapoteza mud ana pesa ,pia alichokifata kakikosa, Alimfata Ally na kumsihi amruhusu akafanye mtihani,lakini Ally alijinasibu kwamba ana “MIAKA 10 KAZINI YA UZOEFU” hivyo hizo janja janja anazijua, na KUSEMA KWAMBA “Yeye akitamka ndio mwanzo na mwisho” hivyo waondoke tu.

Marium alirudi nyumbani na kukosa haki yake ya msingi,Lakini Mungu si Amina wala Juma,zilizotoka nafasi nyingine Marium aliomba na kufanikiwa kufika Dodoma kwa ajili ya usaili,alifanya mtihani ,akafaulu kwenda oral akiwa na maksi za juu kabisa, na sasa ameajiriwa Baraza la mitihani kama Afisa wa baraza(NECTA).

 

Read More →

HAYA HAPA MAGAZETI YA LEO IJUMAA SEPTEMBA 29,2023

 

Read More →

WAVAMIZI HARAMU WAVAMIA MGODI WA NORTH MARA

NORTH MARA INTRUDER INCIDENTS

 

Dar es Salaam, Tanzania, September, 2023 – Barrick Gold Corporation (NYSE:GOLD) (TSX:ABX) – On 21 September an incident occurred where approximately 100 intruders unlawfully invaded the mine property during heavy rainfall.

Unarmed private security contractors responded in an attempt to repel the armed invaders but subsequently requested police intervention to remove the aggressive intruders from the mine site. Seven intruders were arrested and based on initial police findings, some had sustained injuries as a result of fighting amongst themselves. Another intruder, injured in the fighting amongst themselves, was found unconscious by the police but later succumbed to his injuries while being transported to the Tarime District Hospital.

On 22 September a second incident occurred where police once again engage with aggressive armed invaders in an attempt to prevent them from illegally entering the Gena Pit. During the incident, a policeman discharged his firearm and wounded an intruder. The intruder was transported to the Musoma hospital where he succumbed to his injuries on 27 September.

The police have launched investigations into both incidents.

 

 

 

Barrick Enquiries

Investor and media relations Kathy du Plessis +44 20 7557 7738 Email: barrick@dpapr.com

Corporate communications and
country liaison manager

Georgia Mutagahywa

+255 754 711 215
Email:georgia.mutagahywa@barrick.com
Website: www.barrick.com

 

Read More →

Video : MWANAKWELA - TUPINGE UKATILI WA KIJINSIA

Read More →

Video: KISIMA 'NYANDA MAJABALA' - UKIMWI

Ninayo hapa ngoma kali sana ya asili kutoka kwa msanii Kisima 'Nyanda Majabala' kutoka mkoani Simiyu inaitwa Ukimwi...Video imetengenezwa Makula Studio..itazame hapa kaimba kwa lugha mbili Kisukuma na Kiswahili..Hakika utaipenda

Bofya Play hapa chini

Read More →

TRA IMEFANYA MABORESHO MAKUBWA KATIKA MIFUMO YA TEHAMA KUONGEZA UFANISI UKUSANYAJI MAPATO YA SERIKALI

 Gavana wa Benki kuu ya Tanzania Bw. Emmanuel Tutuba (katikati) akiwa pamoja na Mkurugenzi wa huduma kwa mlipa kodi (TRA) Bw. Richard Kayombo (kulia) wakiangalia jinsi ya kuskani kinywaji kwa njia ya mfumo wa kielektroniki (ETS) unaotolewa na kampuni ya SICPA ili kuhakiki stempu na kuhakikisha kinywaji ni salama kwa matumizi ya binadamu katika kampeni iitwayo “Hakiki Stempu, Linda Afya yako”.

Maafisa kutoka Mamlaka ya mapato Tanzania (TRA) wakionesha jinsi mfumo wa kuhakiki stempu kielektoniki (ETS) unavyofanya kazi, ETS ni mfumo unaotolewa na kampuni ya SICPA ili kuhakiki vinywaji kwa watumiaji na pia wafanyabiashara..

-ETS NI MFUMO SAHIHI KATIKA UKUSANYAJI WA KODI – TRA.

Mamlaka ya Mapato Tanzania (TRA) imewekeza na kufanya maboresho makubwa katika mifumo ya TEHAMA yenye lengo la kuongeza ufanisi, uwajibikaji, uwazi na kurahisisha ukusanyaji wa mapato ya serikali. Eneo mojawapo ambalo maboresho hayo yamefanyika ni katika stempu za Kodi za kieletroniki (ETS).

Mfumo huu wa stempu za kielektroniki umeunganishwa na mifumo ya TRA ili kupata takwimu sahihi za uzalishaji/uagizwaji kwa maana ya idadi, ujazo pamoja na ubora na viwango vya bidhaa. TRA inapenda kuwahamasisha wananchi wanaotumia bidhaa hizo kushiriki kulinda afya zao kwa kutambua bidhaa halisi na halali kwa matumizi yao.

Vilevile kutokana na wakusanya kodi kukabiliwa na changamoto ya kujua viwango vya kweli vya kodi kwa uzalishaji uliopo, Mamlaka ya Mapato Tanzania (TRA) ilifikiria kutafuta njia nyingine ya kisasa na sahihi ili kukabiliana na changamoto hiyo. Ambapo kampuni ya SICPA ilipewa jukumu hilo na kuja na mfumo wa stempu wa kielektroniki (ETS).

Kufanikisha utendaji wakeTRA iliweka awamu kadhaa za utekelezaji wa mfumo, ambapo katika awamu ya kwanza ya mfumo, iliyozinduliwa Januari 15,2019 stempu za kielektroniki ziliwekwa kwa kampuni 19 zinazozalisha bidhaa za pombe, mvinyo na vinywaji vikali nchini.

Awamu ya pili ya stempu za kielektroniki iliyoanza Agosti 1,2019 ziliwekwa kwenye bidhaa kama vile maji yaliyotiwa ladha tofauti na kwenye vinywaji vingine visivyo vya kileo.

Katika mahojiano na Meneja Miradi wa TRA wa Mfumo wa ETS mapema mwaka jana, Innocent Minja alisema...Lengo kuu la kutafuta mfumo mpya wa ukusanyaji kodi na uzinduzi wa ETS miaka mitatu iliyopita ni kulinda mapato ya serikali na kusaidia watumiaji wa bidhaa za vimiminika kulinda afya zao.

"Tulikuwa na changamoto kubwa ya ukusanyaji wa kodi kutokana na watu kutokuwa wakweli na pia uwapo wa uzito katika ulipaji kodi kwa hiari.

“Awali tulilazimika kuweka maofisa wetu kuangalia uzalishaji na kuhakikisha watengenezaji wanatangaza viwango vya kweli vya uzalishaji. Hata hivyo, hali hiyo ilikuwa na changamoto nyingi na kuonekana kama vurugu tukahitaji suluhu mpya,” alisema Minja.

Minja alisema kutokana na baadhi ya wazalishaji kutokuwa wakweli kuhusu uzalishaji wao na hivyo kusababisha ushindani usio wa haki wa bidhaa zao sokoni na wale wanaosema kweli na kulipa kodi stahiki.

Pia Minja aliongeza kwamba mfumo wa ETS katika kipindi cha miaka mitatu iliyopita umeimarisha ulipaji wa kodi na hivyo kuimarisha ushindani wa haki sokoni.

"Hii imesababisha kila mtengenezaji wa bidhaa iliyomo kwenye mfumo kulipa kodi kwa haki," alisema Minja.

Ufungaji wa ETS umehakikisha kuwa TRA inapata data za uzalishaji kwa wakati (muda halisi) kutoka kwa watengenezaji.

"Hii ni kwa sababu ya kodi ya ushuru kwa bidhaa maalumu hutozwa kwa kiwango cha uzalishaji hivyo kujua takwimu za uzalishaji ni muhimu."

Kama ilivyotarajiwa, kuanza kwa mfumo wa ETS uliambatana na uwapo wa vifungo vya usalama kwenye teknolojia husika na kurahisisha usimamizi wa kodi nchini.

“Mfumo ulileta uwazi kwenye kodi hasa kwenye kodi ya ushuru, Kodi ya ongezeko la thamani (VAT) na kodi ya kampuni na hatimaye kupunguza manung’uniko ya walipa kodi,” alisema Minja.

Aliongeza kwa kusema ‘‘mchakato wa ufungaji ni endelevu haswa kutokana na viwanda kuendelea kuongeza viwango vya mitambo yao.’’

"Tayari tumeweka mfumo wa ETS kwa watengenezaji wote wanaostahiki wa bidhaa maalum. Takriban vifaa 135 vimefungwa kwenye viwanda vyenye mitambo inayojiendesha huku viwanda visivyojiendesha vikilazimika kuwasha mfumo huo kila wanapoanza uzalishaji,” alisema Minja.

Pamoja na kufanikisha uwekezaji wa mfumo mfumo wa ETS; mfumo huo umekuwa ni msaada mkubwa kwa wazalishaji na waingizaji wa bidhaa mbalimbali.

"Mfumo huu umeongeza uwazi, na kwa sasa, watengenezaji na waagizaji wa bidhaa zilizomo kwenye mfumo wanahakikishiwa usawa sokoni kwa kuwa kila mtu analipa ushuru wa kweli na sahihi wa bidhaa husika na kinyume na awali kabla ya mfumo."

Aliongeza kwamba ETS sio tu imerahisisha kadirio la makusanyo ya kodi, lakini pia mfumo umesaidia wazalishaji kutambua kiasi cha uzalishaji na muda ulitumika kuzalisha bidhaa husika. Pia imesaidia kujua changamoto zinazohusiana na mchakato wa uzalishaji na kutafuta suluhu za changamoto hizo. ETS ikitumika vizuri kwa usahihi malipo ya VAT pia yanakuwa sahihi na pia kurahisisha ukusanyaji na ulipaji wa kodi.

“Tunawaomba wazalishaji, waagizaji na wananchi kwa ujumla, kutumia kwa dhati mfumo huo na kuepuka matumizi ya stempu za kughushi,” anasema Minja na kuongeza kuwa TRA inafuatilia kwa makini ufanisi wa mfumo huo pote nchini.

Kuelekea Msimu wa Sikukuu TRA inatoa wito kwa watumiaji na wananchi kwa ujumla kupakua App ya Hakiki Stempu bure kwenye simu zao za kiganjani ambayo itawawezesha kutambua bidhaa inayofaa kwa matumizi ili kulinda afya zao pamoja na kuiwezesha serikali kukusanya kodi kwa manufaa ya wananchi wa Tanzania. Vile vile inatoa wito kwa wazalishaji na waingizaji wa bidhaa zinazotozwa ushuru wa bidhaa kutumia mfumo wa ETS kwa uaminifu ili kulinda bidhaa zao sokoni dhidi ya bidhaa bandia pamoja na kusaidia makadirio halali ya kodi.

Read More →