HAYA HAPA MAGAZETI YA LEO IJUMAA FEBRUARI 18, 2022

Magazetini leo Ijumaa February 18,2022

Read More →

HAYA HAPA MAGAZETI YA LEO ALHAMISI FEBRUARI 17,2022

Magazetini leo Alhamisi February 17,2022

Read More →

KIWANDA CHA MARMO CHA MKOANI MBEYA CHATOA WITO KWA TAASISI ZA UJENZI KUNUNUA BIDHAA ZAKE

Meneja Utawala wa Kiwanda cha Marmo E. Granito Mines (T) Ltd Bw. Binthony Kulliga akitoa taarifa ya kiwanda hicho kilichopo Iyunga Mbeya kwa Kaimu Meneja wa Uhusiano na Itifaki BoT Bi. Vick Msina na waandishi wa habari pamoja na maofisa wa Benki hiyo waliotembelea kiwandani hapo kwa ziara ya kimafunzo kulia ni Salim Jessa Mkurugenzi wa kiwanda hicho.

Mkurugenzi wa Kiwanda cha Marmo E. Granito Mines (T) Ltd akitoa maelezo kwa Kaimu Meneja wa Uhusiano na Itifaki BoT Bi. Vick Msina na waandishi wa habari pamoja na maofisa wa Benki hiyo waliotembelea kiwandani hapo kwa zaiara ya kimafunzo.

Mkurugenzi wa Kiwanda cha Marmo E. Granito Mines (T) Ltd akionesha moja ya meza zilizotengenezwa kwa mawe ya asili kwa Kaimu Meneja wa Uhusiano na Itifaki BoT Bi. Vick Msina na waandishi wa habari pamoja na maofisa wa Benki hiyo waliotembelea kiwandani hapo kwa zaiara ya kimafunzo.

Mkurugenzi wa Kiwanda cha Marmo E. Granito Mines (T) Ltd akionesha moja ya bidhaa zilizotengenezwa kwa mawe ya asili kwa ajili ya mapambo ya makaburi kwa waandishi wa habari pamoja na maofisa wa Benki hiyo waliotembelea kiwandani hapo kwa zaiara ya kimafunzo.

Baadhi ya waandishi wa kitembelea kiwanda hicho

Baadhi ya mawe ya asili yanayotengeneza bidhaa mbalimbali kiwandano hapo.

Baadhi ya mashine zinazotumika kutaka mawe kwa ajili ya kutngeneza bidhaa hizo.

..............................

UONGOZI wa Kiwanda cha Marmo E. Granito Mines (T) Ltd kilichopo jijini Mbeya umetoa wito kwa taasisi mbalimbali za Serikali, binafsi na wadau mbalimbali zinazojihusisha na ujenzi wa majengo kuunga mkono kwa kununua bidhaa bora za ujenzi zinazozalishwa kiwandani hapo ili kujenga uchumi ulio imara kwa viwanda vya ndani na kuleta tija katika kukuza uchumi wa taifa.

Kauli hiyo imetolewa na Meneja Utawala wa Kiwanda hicho Bw. Binthony Kulliga wakati akizungumza na waandishi wa habari walioongozana na maofisa wa Benki Kuu ya Tanzania (BoT) na kutembelea kiwanda hicho ikiwa ni ziara ya mafunzo kufuatia semina ya siku 5 iliyoandaliwa na kuratibiwa na BoT mkoani Mbeya.

Amesema mradi huu siyo tu unautangaza mkoa wa Mbeya katika ramani ya Dunia bali pia Taifa kwa kuzingatia kuwa bidhaa hii ni bora na inaendelea kuenea katika soko la ndani na la Kimataifa hivyo kutoa fursa ya kuongeza uzalishaji ili kukidhi soko la ndani ya nje ya nchi.

Kulliga ametoa mfano kwa taasisi kama TBA, NHC, NSSF na nyingine ambazo zinashiriki katika ujenzi wa majengo kuwa ziaweza kuunga mkono juhudi za kiwanda hicho kwa kununua bidhaa zinazozalishwa kiwandani hapo hasa kipindi hiki ambacho Serikali imehamia mkoani Dodoma na inaendelea na ujenzi wa majengo mbalimbali.

"Mradi huo ni wa kipekee nchini Tanzania kutokana na teknolojia yake ambapo vyuo vya hapa nchini havina mitaala katika silabi zao juu ya uzalishaji wake," Amesema Bw Kulliga.

Aidha Bw. Binthony Kulliga ameipongeza Serikali ya Awamu ya Sita chini ya Rais wa Jamhuri ya Muungano wa Tanzania, Mheshimiwa Samia Suluhu Hassan kwa uongozi wake thabiti kwa kuwa umewezesha kiwanda hicho cha kukata, kung'arisha na kuuza bidhaa zinazotokana na mawe ya asili aina ya Marbe na Granite yanayopatikana hapa nchini kupiga hatua kubwa.

Amefafanua kuwa mradi huu ni wa kizalendo kwa maana ya Watanzania, hivyo mipango, mikakati na jitihada za kizalendo za kuinua uchumi zinazotokana na uongozi thabiti wa Rais Samia ambao umetuwezesha kupiga hatua.

"Mradi huu ulipokuwa ukianza ulikuwa na wafanyakazu wazalendo wapatao 35, baada ya ujenzi wa kiwanda tayari mradi umekuwa na wafanyakazi wazalendo wasiopungua 100 kwa sehemu ya kiwanda na migodini," Amesema Kulliga.

Amesema, kwa ujumla asilimia 80 ya walioajiriwa ni wazalendo na wanatarajia kadri uzalishaji utakavyoongezeka machimboni na viwandani kampuni itaongeza ajira zaidi.

Kulliga pia ameipongeza Benki Kuu ya Tanzania kwa mikakati yake ya kutoa mafunzo kwa waandishi wa habari za biashara, uchumi na fedha kwani hatua hiyo itajenga waandishi wa habari kuwa wabobezi wa habari za uchumi na biashara na fedha.

Mafunzo hayo ya siku tano ambayo yalianza Februari 14,2022 na yanatarajiwa kufungwa Februari 18,2022 yanawajumuisha waandishi wa habari kutoka vyombo mbalimbali vya habari nchini yakiratibiwa na kuendeshwa na BoT.

Read More →

GWAJIMA AZITAKA KAMATI ZA ULINZI WA WANAWAKE NA WATOTO NGAZI YA MKOA KUANDAA MIKAKATI MADHUBUTI KUTOKOMEZA UKATILI NCHINI

WAZIRI wa Maendeleo ya Jamii, Jinsia, Wanawake na Makundi Maalum Dkt.Dorothy Gwajima,akizungumza katika kikao cha kamati ya Mpango kazi wa taifa wa kutokomeza ukatili dhidi ya wanawake na watoto (MTAKUWWA) ya Mkoa wa Dodoma Kilichofanyika leo Februari 15,2022 jijini Dodoma.

WAZIRI wa Maendeleo ya Jamii, Jinsia, Wanawake na Makundi Maalum Dkt.Dorothy Gwajima,akielezea jambo kwa washiriki wa kikao cha kamati ya Mpango kazi wa taifa wa kutokomeza ukatili dhidi ya wanawake na watoto (MTAKUWWA) ya Mkoa wa Dodoma Kilichofanyika leo Februari 15,2022 jijini Dodoma.

WAZIRI wa Maendeleo ya Jamii, Jinsia, Wanawake na Makundi Maalum Dkt.Dorothy Gwajima,akionyesha Mpango kazi wa taifa wa kutokomeza ukatili dhidi ya wanawake na watoto (MTAKUWWA) ya Mkoa wa Dodoma Kilichofanyika leo Februari 15,2022 jijini Dodoma.

Katibu Mkuu Wizara ya Maendeleo ya Jamii Jinsia, Wanawake na Makundi Maalum Dkt. Zainab Chaula,akielezea mikakati ya wizara hiyo katika kikao cha kamati ya Mpango kazi wa taifa wa kutokomeza ukatili dhidi ya wanawake na watoto (MTAKUWWA) ya Mkoa wa Dodoma Kilichofanyika leo Februari 15,2022 jijini Dodoma.

WAZIRI wa Maendeleo ya Jamii, Jinsia, Wanawake na Makundi Maalum Dkt.Dorothy Gwajima,akimsikiliza Mwakilishi wa Mkuu wa Mkoa wa Dodoma Bw.Benard Abraham,akizungumzia mkakati wa Mkoa katika kutekeleza Mpango kazi wa taifa wa kutokomeza ukatili dhidi ya wanawake na watoto (MTAKUWWA) Mkoa wa Dodoma wakati wa kikao hicho Kilichofanyika leo Februari 15,2022 jijini Dodoma..

Mratibu wa MTAKUWWA ngazi ya Taifa kutoka Ofisi ya Waziri Mkuu Bi.Happiness Mugyabuso,akitoa salam za ofisi hiyo wakati wa kikao cha kamati ya Mpango kazi wa taifa wa kutokomeza ukatili dhidi ya wanawake na watoto (MTAKUWWA) Mkoa wa Dodoma Kilichofanyika leo Februari 15,2022 jijini Dodoma.

Baadhi wa Watendaji wa Wizara hiyo wakifatilia hotuba ya Waziri wa Maendeleo ya Jamii, Jinsia, Wanawake na Makundi Maalum Dkt.Dorothy Gwajima (hayupo pichani) katika kikao cha kamati ya Mpango kazi wa taifa wa kutokomeza ukatili dhidi ya wanawake na watoto (MTAKUWWA) Mkoa wa Dodoma Kilichofanyika leo Februari 15,2022 jijini Dodoma.

Baadhi ya washiriki wakifatilia hotuba ya Waziri wa Maendeleo ya Jamii, Jinsia, Wanawake na Makundi Maalum Dkt.Dorothy Gwajima (hayupo pichani) katika kikao cha kamati ya Mpango kazi wa taifa wa kutokomeza ukatili dhidi ya wanawake na watoto (MTAKUWWA) Mkoa wa Dodoma Kilichofanyika leo Februari 15,2022 jijini Dodoma.

....................................................

Na.Alex Sonna,DODOMA

WAZIRI wa Maendeleo ya Jamii,Jinsia,Wanawake na Makundi Maalum,Dk.Doroth Gwajima amezielekeza kamati za ulinzi wa wanawake na watoto ngazi ya Mkoa kuandaa mikakati madhubuti iliyoboreshwa itakayosaidia kuimarisha utendaji kazi kwa lengo la kutokomeza vitendo vya ukatili nchini.

Dk.Gwajima ametoa maagizo hayo wakati wa kikao kazi na viongozi wa Mpango wa Kitaifa wa kutokomeza ukatili dhidi ya wanawake na Watoto (MTAKUWWA) Mkoa wa Dodoma kilichofanyika leo Februari 15,2022 jijini Dodoma

Waziri Gwajima amesema kamati za ulinzi wa wanawake na watoto ngazi ya Mkoa zinatakiwa kuandaa mikakati madhubuti iliyoboreshwa na itakayosaidia kuimarisha utendaji kazi ikiwemo kukamilisha uundwaji wa Kamati hizo na kuzijengea uwezo ili zitekeleze majukumu yao ipasavyo kwa lengo la kutokomeza vitendo vya ukatili.

Pia,amezielekeza kuhakikisha rasilimali fedha zinatengwa na kutolewa kwa ajili ya utekelezaji wa afua za MTAKUWWA kama inavyoelekezwa katika Mwongozo wa Maandalizi ya Mpango na Bajeti ya Serikali unaotolewa kila mwaka na Wizara ya Fedha na Mipango.

“Kubainisha wadau wanaotekeleza afua mbalimbali katika Mkoa zinazolenga kupambana na vitendo vya ukatili na uimarishaji wa uchumi wa kaya ili kushirikiana nao katika jitihada za kutokomeza vitendo vya ukatili kwenye jamii ikiwemo kudhibiti wimbi la watoto wanaoishi na kufanya kazi mitaani,”amesema.

Katika hatua nyingine,Waziri Gwajima amezitaja changamoto zinazoathiri jitihada za utekelezaji wa mpango huo kuwa ni pamoja na utendaji usioridhisha wa kamati za ulinzi wa Wanawake na Watoto hususan kwenye ngazi za Mamlaka za Serikali za Mitaa/vijiji.

“Utengaji na utolewaji duni wa fedha za utekelezaji wa afua za MTAKUWWA katika ngazi zote,ushirikiano mdogo wa kiushahidi kutoka kwa waathirika wa vitendo vya ukatili dhidi ya watuhumiwa hususan watu au ndugu wa karibu na hivyo kusababisha kesi nyingi kushindwa kutolewa maamuzi na watuhumiwa kuachiwa huru,”amesema

Ameitaja changamoto nyingine ni upungufu wa watendaji wa kada mbalimbali zinazohusika moja kwa moja katika kushughulikia masuala ya ukatili nchini kama vile Maafisa Ustawi wa Jamii, Maafisa Maendeleo ya Jamii, Polisi na Wanasheria hususan katika ngazi za kata na vijiji au mitaa.

“Uwepo wa mila na desturi zenye madhara ndani ya jamii zetu zikiwemo za ukeketaji na ndoa za utotoni ambazo zimeendelea kumkosesha haki za mtoto wa kike na kuathiri maendeleo na ustawi wake,”amesema.

Amesema mpango huo una lengo la kupunguza ukatili dhidi ya wanawake na watoto kwa asilimia 50 ifikapo mwaka 2021-22 ambapo, ili kufikia lengo hilo, Serikali kwa kushirikiana na wadau wa Maendeleo imekuwa ikitekeleza afua mbalimbali zinazolenga kutokomeza ukatili dhidi ya wanawake na watoto kupitia maeneo nane.

Waziri Gwajima amesema kamati za Ulinzi wa Wanawake na Watoto 18,186 zimeanzishwa ngazi ya Taifa, Mkoa, Halmashauri,ambapo kata na Kijiji/Mtaa mwaka 2020/21 ikilinganishwa na 16,343 mwaka 2019/20, sawa na ongezeko la Kamati 1,843.

Amesema madawati ya jinsia na watoto yameanzishwa katika Vituo vya Polisi ambapo hadi Desemba 2021 yalikuwa 423 na Madawati Matano (5) ya Jinsia (5) katika Taasisi za Elimu ya Juu na Kati.

Amesema huduma za msingi na hifadhi ya dharura kwa waathirika wa ukatili zimeendelea kutolewa katika nyumba salama 9 katika mikoa ya Arusha (2), Iringa (1), Kigoma (1), Mara (2), Manyara (1), Morogoro (1) na Mwanza (1).

Amesema jumla ya watoto 167 (wavulana 111 na wasichana 56) na wanawake 269 walipata huduma.

“Serikali imeendelea kuwawezesha kiuchumi wanawake, vijana pamoja na watu wenye ulemavu kupitia asilimia 10 ya mapato ya ndani ya Halmashauri,”amesema

Amesema katika kipindi cha Julai 2020 hadi Aprili 2021, jumla ya mikopo (isiyo na riba) ya Tsh bilioni 27.07 ilitolewa kwa wanawake ikilinganishwa na Tsh bilioni 23.86 zilizotolewa mwaka 2019/20.

Kwa upande wake,Katibu Mkuu wa Wizara ya Maendeleo ya Jamii,Jinsia,Wanawake na Makundi Maalum,Dk. Zainabu Chaula,amewahimiza watendaji wa Mpango huo kuhakikisha wanatimiza wajibu wao na kuondoa vitendo vya ukatili kwenye maeneo yao.

Mratibu wa MTAKUWWA ngazi ya Taifa kutoka Ofisi ya Waziri Mkuu Bi.Happiness Mugyabuso,amesema kuwa watashirikiana na wadau mbalimbali katika mapambano ya ukatili na kuendelea kuimarisha mifumo ya serikali.

Naye,Mwakilishi wa Mkuu wa Mkoa wa Dodoma ambaye ni Afisa Kilimo Mkoa wa huoa,Benard Abraham amesema suala la ukatili dhidi ya watoto na wanawake ni suala mtambuka ambapo sababu kubwa inayosababisha ni kiwango cha uchumi kuanzia ngazi ya kaya.

Read More →

WATATU WAKAMATWA WAKIUZA PEMBEJEO ZA SERIKALI

Viuatilifu vya zao la pamba 

Na COSTANTINE MATHIAS, Maswa.

WAFANYABIASHARA watatu wilayani Maswa mkoani Simiyu wamekamatwa kwa kosa la kujihusisha na uuzaji wa viuatilifu vya zao la pamba vilivyotolewa na serikali kwa ajili ya wakulima wa pamba.

Akizungumza jana na waandishi wa Habari, Afisa Kilimo, Umwagiliaji na Ushirika wa halmashauri ya wilayani humo, Robert Urasa alisema kukamatwa kwa wafanyabiashara hao kunatokana na msako kwa wanaouza pembejeo kwenye maeneo mbalimbali ikiwemo mnadani.

Aliwataja wafanyabiashara hao kuwa ni Samson Sikambundwa, Paschal Siwingwa na Mashaka Daudi wakazi wa Maswa na wamekamatwa na Maafisa wa kilimo wakiuza dawa za kuulia wadudu kwenye zao la pamba zilizotolewa na serikali kupitia bodi ya pamba nchini kinyume cha sheria na taratibu.

Alisema wamekuwa wakipokea malalamiko mengi ya kuwepo kwa viuawadudu vilivyotolewa na serikali ikiwa ni mkopo kwa wakulima wa pamba, lakini vimekuwa vikiuzwa kwenye maeneo ya minada kutoka kwa wakulima na viongozi wasio waaminifu.

‘’Tumeamua kufanya msako kwa watu wote kwenye maduka yanayouza pembejeo pamoja na minadani…kuna baadhi ya watu wasiokuwa waaminifu walipatiwa viuadudu ili vitumike kunyunyuzia mashamba katika musimu wa kilimo 2021/22, lakini wanaviuza tutawakamata wote’’, alionya Urasa.

Alisema kuwa kitendo kilichofanywa na wafanyabiashara hao ni Uhujumu Uchumi na watahakikisha mtandao mzima walioshirikiana kuhujumu viuadudu hivyo wanakatwa na kufikishwa mahakamani kujibu tuhuma zinazowakabili.

Urasa alisema baada ya kupata taarifa kuwepo kwa viuadudu hivyo katika mnada wa Maswa Mjini walifanya upekuzi kwenye maeneo ya wafanyabiashara hao na kukamata Hekapaki 230 zenye thamani ya shilingi 917,800/= zilizokuwa na nembo ya Bodi ya Pamba Tanzania(TCB) zikiuzwa kinyume na utaratibu.

Alitaja thamani ya viuadudu vilivyokamatwa kwa kila mfanyabiashara kwenye mabano, Samson Sikambundwa (Sh 132,000), Paschal Siwingwa (Sh 49,000) na Mashaka Daud (Sh 736,800).

Alisema wafanyabiashara hao wamefikishwa kituo cha Polisi wilaya ya Maswa na wanatarajiwa kufikishwa Mahakamani kujibu tuhuma zinazowakabili mara baada taratibu za jeshi la polisi kukamilika.

Aliongeza kuwa zoezi hilo ni endelevu na hawatovumilia kuona upotevu wa fedha za serikali pia waliwataka wafanyabiashara wote kuacha tabia hiyo vinginevyo hatua kali zitachukuliwa kwa yeyote atakayebainika kuhusika na biashara hiyo Haramu.

Naye Mkaguzi wa Bodi ya Pamba, Ally Mabrouck alisema amesikitishwa na kitendo cha baadhi ya wakulima waliopewa viuadudu hivyo na viongozi waliopewa jukumu la kugawa viuadudu kuviuza kwa wafanyabiashara wakati vimetolewa na serikali kwa ajili ya kuongeza uzalishaji wa zao hilo.

Alisema kwa kiasi hicho cha viuadudu kilichokamatwa  kitasababisha hekta 230 za zao la pamba kutonyunyiziwa dawa na hivyo kusababisha wilaya hiyo kutofikia malengo yake ya kuzalisha pamba tani 130,000 kama ilivyotarajia.

Kwa upande wake Mkuu wa wilaya ya Maswa, Aswege Kaminyoge baada ya kupokea taarifa hiyo alisema ameona pembejeo zilizokamatwa ambazo ni ruzuku ya serikali zinazotakiwa kwenda kwa wakulima moja kwa moja.

"Kuna kodi ya wananchi ilipelekwa wilayani humo ili kuinua sekta ya kilimo ya zao la pamba, lakini baadhi ya watu wasio na uzalendo wameamua kuzifanyia biashara pembejeo hizo hivyo ni lazima hatua kali za kisheria zichukuliwe kwa watu wote watakaobainika kuhujumu viuadudu hivyo’’ ,alisema Kaminyoge.

Read More →

BoT YAELEZEA BAADHI YA MAJUKUMU YA KURUGENZI YA MASOKO YA FEDHA

 

Fidelis Mkatte Mchambuzi wa Masuala ya Fedha Katika Benki Kuu ya Tanzania BoT wakati akitoa mada kwa waandishi waandamizi na wahariri wa vyombo mbalimbali nchini katika semina inayofanyika kwa siku 5 kwenye Tawi la benki hiyo jijini Mbeya.

Bi. Vick Msina Kaimu Meneja wa Uhusiano na Itifaki Benki Kuu ya Tanzania (BoT) akifafanua jambo kabla ya kuanza majadiliano mara baada ya wasilisho la  mada kwa waandishi waandamizi na wahariri wa vyombo mbalimbali nchini katika semina inayofanyika kwa siku 5 kwenye Tawi la benki hiyo jijini Mbeya.

.......................................

Majukumu ya Kurugenzi ya Masoko ya Fedha katika Benki Kuu ya Tanzania BoT ni Kusimamia na kuendesha soko la dhamana za serikali ambapo  Kurugenzi huendesha minada ya Dhamana za Serikali ili Kudhibiti ujazi wa fedha unaosababisha mfumuko wa bei na kuainisha mwelekeo wa riba katika soko la fedha.

Hayo yameelezwa leo na Fidelis Mkatte Mchambuzi wa Masuala ya Fedha  Benki Kuu ya Tanzania (BoT) wakati akitoa mada kwa waandishi waandamizi na wahariri wa vyombo mbalimbali nchini katika semina inayofanyika kwa siku 5 kwenye Tawi la benki hiyo jijini Mbeya.

 Amesema majukumu mengine ya kurugenzi hiyo  ni kuiwezesha serikali kukopa kwa ajili ya shughuli mbali mbali za maendeleo ili kuziba nakisi ya bajeti ya matumizi ya kawaida ya serikali katika utendaji wa majukumu yake ya utekelezaji wa maendeleo na shughuli za kawaida za serikali.

Sambamba na hilo, Kurugenzi hiyo ni msimamizi wa Soko la Ndani la Fedha - Inter-bank Cash Market (IBCM). Pamoja na usimamizi wa minada, Kurugenzi husimamia pia soko la jumla la fedha za kigeni (Interbank Foreign Exchange Market (IFEM).. 

"Jambo lingine kubwa ni kutekeleza sera ya uangalizi wa thamani ya shilingi na Kuleta utulivu katika soko (Orderly Market) ambapo pia Benki Kuu hushiriki katika soko hilo sambamba na benki za biashara ili kuimarisha na kuilinda thamani ya shilingi yetu  na Usimamizi wa Akiba ya Fedha za Kigeni," Amesema Fidelis Mkatte.

Aidha amebainisha kuwa Kurugenzi pia  inawajibika kusimamia akiba ya fedha za kigeni kwa mujibu wa sera ya fedha za kigeni na sheria ya Benki Kuu ya mwaka 2006 na Kuhakikisha kuwa kuna kiasi cha kutosha ikiwa ni pamoja na kuiwezesha serikali kulipia kwa wakati mahitaji mbali mbali kama vile Deni la taifa

Ameongeza kuwa kazi nyingine ya Kurugenzi hiyoni kuwekeza katika taasisi salama na kwenye amana zilizo salama ili kulinda thamani na usalama wa akiba yenyewe (“Capital preservation”), Usimamizi wa Akiba ya Fedha za Kigeni na utunzaji na Uwekezaji wa Fedha za Kigeni Nchi za Nje

Ameongeza kuwa Benki Kuu ndiyo yenye dhamana ya kutunza hazina ya fedha za kigeni za nchi kwa niaba ya Serikali kwa kuziwekeza katika mabenki na taasisi mbalimbali za fedha nje kwa faida. ambapo Benki Kuu ina Sera na Mwongozo (“Reserve Management Policy and Guidelines”) zinatoa mwongozo wa utunzaji wa fedha za kigeni ikiwa ni pamoja na Usimamizi wa Akiba ya Fedha za Kigeni, Utunzaji na Uwekezaji wa Fedha za Kigeni Nchi za Nje.

Amefafanua kuwa jukumu lingine ni  uamuzi wa wapi pa kuwekeza au taasisi gani ya kuwekeza ambapo Benki Kuu huzingatia zaidi usalama wa fedha hizo za kigeni sambamba na jukumu hilo, Benki Kuu hutumia hazina hiyo ya fedha  kufanya malipo mbalimbali ya nje kutokana na majukumu mbalimbali yanayoikabili Serikali.

Bi. Vick Msina Kaimu Meneja wa Uhusiano na Itifaki Benki Kuu ya Tanzania BoT akifafanua jambo kabla ya kuanza majadiliano mara baada ya wasilisho la  mada kwa waandishi waandamizi na wahariri wa vyombo mbalimbali nchini katika semina inayofanyika kwa siku 5 kwenye Tawi la benki hiyo jijini Mbeya.

Baadhi ya waandishi wa habari wakifuatilia mada kuhusu Majukumu ya Kurugenzi ya Masoko ya Fedha  katika semina ya waandishi wa habari inayofanyika katika tawi la (BoT) jijini Mbeya.

Read More →