MASWAYETU BLOG

Picha : TAMASHA LA SITA LA JINSIA NGAZI YA WILAYA LAZINDULIWA MBEYA...DC NTINIKA ASISITIZA BAJETI YA MRENGO WA KIJINSIA

Unknown 22:55:00 NEWS No comments

Mkuu wa Wilaya ya Mbeya Mkoa wa Mbeya Mhe. William Paul Ntinika.

Na Kadama Malunde - Malunde 1 blog

Mkuu wa Wilaya ya Mbeya Mkoa wa Mbeya Mhe. William Paul Ntinika amefungua Tamasha la sita la Jinsia Ngazi ya Wilaya lililoandaliwa na Mtandao wa Jinsia Tanzania (TGNP) likiongozwa na Kauli Mbiu “Miaka 25 ya Beijing : Tusherehekee, Tutafakari, Tujipange, Tusonge Mbele, Twende pamoja”.

Tamasha hilo litakalodumu kwa muda wa siku tatu linalofanyika katika uwanja wa Kijiji cha Hatwelo kata ya Ijombe Halmashauri ya wilaya ya Mbeya limekutanisha wadau wa haki za wanawake na watoto zaidi ya 300 kutoka mikoa 9 nchini ambayo ni Shinyanga, Mara, Tanga, Dar es salaam, Mbeya,Kilimanjaro,Dodoma, Mtwara na Kigoma.

Akifungua Tamasha hilo lililohudhuriwa pia na Chifu wa Kabila la Wasafwa, Roketi Mwanshinga leo Jumatano Novemba 18,2020, Kwa niaba ya Mkuu wa mkoa wa Mbeya, Mkuu wa wilaya ya Mbeya, Mhe. William Paul Ntinika ameushukuru na kuupongeza Mtandao wa Jinsia Tanzania (TGNP) kwa kuandaa tamasha hilo.

Ntinika alisema serikali inaendelea kuchukua hatua mbalimbali kwa watu wanaojihusisha na matukio ya ukatili wa kijinsia yakiwemo ya ubakaji na kuwapa ujauzito watoto.

"Matukio ya ukatili wa kijinsia hayana nafasi Mbeya. Tumejipanga kikamilifu ili kuhakikisha wahusika wa matukio ya ukatili wanachukuliwa hatua. Tunashukuru pia madawati ya jinsia na watoto yanafanya kazi nzuri. Mbeya ipo salama",alisema.

Aidha aliipongeza halmashauri ya wilaya ya Mbeya kwa kuandaa bajeti kwa mrengo wa kijinsia huku akizitaka halmashauri zingine za wilaya kutenga bajeti kwa kuzingatia makundi mbalimbali katika jamii wakiwemo wanawake, vijana na watu wenye ulemavu.

“Halmashauri za wilaya zitenge bajeti kwa mrengo wa kijinsia ili kubeba sauti za watu wote katika jamii ili kujenga jamii yenye usawa”,alisema Ntinika.

Kwa upande wake Mkurugenzi Mtendaji wa TGNP Mtandao, Lilian Liundi alisema tamasha hilo la Jinsia ngazi ya wilaya ni jukwaa la wazi kwa vikundi vya kijamii, vituo vya taarifa na maarifa, asasi za kiraia,taasisi za kiimani, watu binafsi na mashirika ngazi ya wilaya na mkoa kukaa pamoja na kushirikishana uzoefu,maarifa, kusherehekea mafanikio na kutafakari changamoto zilizoibuliwa katika mchakato wa mzunguko wa ujenzi wa vuguvugu la ukombozi wa wanawake kuleta usawa wa kijinsia.

“Kauli mbiu ya Tamasha hili ni Miaka 25 ya Beijing : Tusherehekee, Tutafakari, Tujipange, Tusonge Mbele, Twende pamoja. Kupitia kauli mbiu hii washiriki watatafakari kwa kina miaka 25 ya Beijing,tulikotoka,tulipo sasa na kuweka mikakati ya kushirikisha rika zote namna ya kutathmini utekelezaji wa maazimio ya mkutano wa Beijing katika kuhakikisha rasilimali zinatengwa ili kutekeleza mpango kazi wa Beijing katika ngazi zote. Tunataka Beijing iwe Kinyumbani zaidi”,alifafanua Liundi.

Alisema ili kupata maendeleo ya haraka zaidi ni vyema wanaume na wanawake wakashirikiana kugawana fursa kwa usawa kulingana na mahitaji ya kila kundi huku akisisitia umuhimu wa kushirikisha wanawake katika ngazi za maamuzi ili changamoto za makundi mbalimbali ziingizwe katika michakato ya maendeleo.

“TGNP imeamua kuungana na wadau wengine kuanzisha harakati za usawa wa kijinsia na haki za wanawake na jamii pamoja na kudai mgawanyo ulio sawa na wa haki wa rasilimali za taifa letu ili kutetea bajeti kwa mrengo wa kijinsia”,alisema Liundi.

Alisema kupitia tamasha hilo la siku tatu washiriki watajadili masuala mbalimbali ikiwemo Uandaaji wa bajeti yenye mrengo wa kijinsia kwa ujenzi wa TAPO, Wanawake na Uongozi,Ukatili wa kijinsia,Haki ya mazingira na mabadiliko ya tabianchi na mtoto wa kike, teknolojia na ubunifu.

Naye Mjumbe Bodi wa TGNP, Jovita Mlay Tamasha la ngazi ya wilaya linafanyika kila baada ya mwaka mmoja ambapo TGNP kwa kushirikiana na vituo vya taarifa na maarifa wameshaandaa matamasha matano la kwanza lilikuwa wilayani Kisarawe mwaka 2010 likafuata la Wilayani Morogoro mwaka 2012, mwaka 2014 likafanyikia wilayani Tarime mkoani Mara na mwaka 2016 likafanyikatena wilayani Morogoro la tano lilifanyika Kishapu Shinyanga.

Alisema kama sehemu ya Tamasha, TGNP pia imeandaa maonesho yenye lengo la kubadilisha maisha ya wanawake na vijana na mikakati ya vituo vya taarifa na maarifa katika kuimarisha vuguvugu la ukombozi wa wanawake. Kauli mbiu ya maonesho hayo ni “Maonesho ya Ujenzi wa Nguvu za pamoja na Miaka 25 ya Harakati”.

“Kwa maana hiyo washiriki wa tamasha hili wataweza kujifunza na kwa umoja wao wa kirudi katika maeneo yao wataweza kuboresha kilimo chao kwa kuanzisha mashine /viwanda vidogo vidogo au kutumia vifaa vitakavyo rahisisha maisha yao na kuwainua kiuchumi na kwa upande wa vituo vya taarifa na maarifa, kujifunza kutoka kwa wenzao mbinu zinazofanya vizuri katika kuimarisha vuguvugu katika maeneo yao”,aliongeza.

ANGALIA PICHA HAPA CHINI

Kushoto ni Mkuu wa Wilaya ya Mbeya Mkoa wa Mbeya Mhe. William Paul Ntinika akisalimiana na Mkurugenzi wa Mtandao Jinsia Tanzania (TGNP), Lilian Liundi baada ya kuwasili katika uwanja wa kijiji cha Hatwelo kata ya Ijombe Halmashauri ya wilaya ya Mbeya kwa ajili ya kufungua Tamasha la sita la Jinsia Ngazi ya Wilaya lililoandaliwa na Mtandao wa Jinsia Tanzania (TGNP) leo Jumatano Novemba 18,2020. Picha zote na Kadama Malunde - Malunde 1 blog

Mkuu wa Wilaya ya Mbeya Mkoa wa Mbeya Mhe. William Paul Ntinika akisalimiana na Chifu wa Kabila la Wasafwa Roketi Masoko Mwanshinga baada ya kuwasili katika uwanja wa kijiji cha Hatwelo kata ya Ijombe Halmashauri ya wilaya ya Mbeya kwa ajili ya kufungua Tamasha la sita la Jinsia Ngazi ya Wilaya lililoandaliwa na Mtandao wa Jinsia Tanzania (TGNP).

Mkuu wa Wilaya ya Mbeya Mkoa wa Mbeya Mhe. William Paul Ntinika akifungua Tamasha la sita la Jinsia Ngazi ya Wilaya ya Mbeya lililoandaliwa na Mtandao wa Jinsia Tanzania (TGNP). Kulia ni Mkurugenzi wa TGNP, Lilian Liundi. Kushoto ni Mwenyekiti wa Umoja wa Wanawake mkoa wa Mbeya, Oliver Oliver Kibona

Mkuu wa Wilaya ya Mbeya Mkoa wa Mbeya Mhe. William Paul Ntinika akifungua Tamasha la sita la Jinsia Ngazi ya Wilaya ya Mbeya lililoandaliwa na Mtandao wa Jinsia Tanzania (TGNP). Kulia ni Mjumbe wa Bodi ya TGNP, Jovita Mlay akifuatiwa na Mkurugenzi wa TGNP, Lilian Liundi. Kushoto ni Mwenyekiti wa Umoja wa Wanawake mkoa wa Mbeya, Oliver Oliver Kibona akifuatiwa na Chifu wa Kabila la Wasafwa Roketi Masoko Mwanshinga.

Meza kuu wakiwa kwenye Tamasha la 6 la Jinsia wilaya ya Mbeya 2020.

Mkurugenzi wa TGNP, Lilian Liundi akizungumza kwenye Tamasha la 6 la Jinsia ngazi ya wilaya lililofanyika katika uwanja wa kijiji cha Hatwelo kata ya Ijombe Halmashauri ya wilaya ya Mbeya.

Chifu wa Kabila la Wasafwa mkoa wa Mbeya Roketi Masoko Mwanshinga akizungumza kwenye Tamasha la 6 la Jinsia ngazi ya wilaya lililofanyika katika uwanja wa kijiji cha Hatwelo kata ya Ijombe Halmashauri ya wilaya ya Mbeya.

Mjumbe wa Bodi TGNP, Jovita Mlay akizungumza kwenye Tamasha la 6 la Jinsia ngazi ya wilaya lililofanyika katika uwanja wa kijiji cha Hatwelo kata ya Ijombe Halmashauri ya wilaya ya Mbeya.

Mwakilishi wa jamii, Bi. Talaka Nyanja akizungumza kwenye Tamasha la 6 la Jinsia ngazi ya wilaya lililofanyika katika uwanja wa kijiji cha Hatwelo kata ya Ijombe Halmashauri ya wilaya ya Mbeya.

Mratibu wa Mradi wa Sauti ya Wanawake na Uongozi Tanzania,Shakila Mayumana akizungumza kwenye Tamasha la 6 la Jinsia ngazi ya wilaya lililofanyika katika uwanja wa kijiji cha Hatwelo kata ya Ijombe Halmashauri ya wilaya ya Mbeya.

Afisa Programu Mwandamizi TGNP Mtandao Deogratius Temba akizungumza kwenye tamasha la sita la jinsia wilaya ya Mbeya 2020

Chifu wa Kabila la Wasafwa mkoa wa Mbeya Roketi Masoko Mwanshinga akiteta jambo na Mkurugenzi Mtendaji wa TGNP, Lilian Liundi (kulia).

Msanii wa nyimbo za Asili Awilo (kushoto) akitoa burudani katika tamasha la sita la jinsia wilayani Mbeya

Msanii Awilo akiendelea kutoa burudani

Mkuu wa Wilaya ya Mbeya Mkoa wa Mbeya Mhe. William Paul Ntinika akicheza wimbo wa asili wa Msanii wa nyimbo za asili Awilo baada ya kufungua Tamasha la sita la Jinsia Ngazi ya Wilaya ya Mbeya lililoandaliwa na Mtandao wa Jinsia Tanzania (TGNP).

Mkuu wa Wilaya ya Mbeya Mkoa wa Mbeya Mhe. William Paul Ntinika , meza kuu wakipiga picha ya pamoja baada ya kufungua tamasha la 6 la jinsia ngazi ya wilaya ya Mbeya.

Mkuu wa Wilaya ya Mbeya Mkoa wa Mbeya Mhe. William Paul Ntinika , meza kuu wakipiga picha ya pamoja madiwani wateule na waliokuwa madiwani wilayani Mbeya waliohudhuria tamasha la 6 la jinsia ngazi ya wilaya ya Mbeya.

Mkuu wa Wilaya ya Mbeya Mkoa wa Mbeya Mhe. William Paul Ntinika , meza kuu wakipiga picha ya pamoja na maafisa maendeleo ya jamii kutoka halmashauri za wilaya waliohudhuria tamasha la 6 la jinsia ngazi ya wilaya ya Mbeya.

Mkuu wa Wilaya ya Mbeya Mkoa wa Mbeya Mhe. William Paul Ntinika , meza kuu wakipiga picha ya pamoja viongozi mbalimbali wa kata ya Ijombe waliohudhuria tamasha la 6 la jinsia ngazi ya wilaya ya Mbeya.

Mkuu wa Wilaya ya Mbeya Mkoa wa Mbeya Mhe. William Paul Ntinika akiwa katika banda la TGNP kwenye maonesho yenye lengo la kubadilisha maisha ya wanawake na vijana na mikakati ya vituo vya taarifa na maarifa katika kuimarisha vuguvugu la ukombozi wa wanawake. Kauli mbiu ya maonesho hayo ni “Maonesho ya Ujenzi wa Nguvu za pamoja na Miaka 25 ya Harakati”.

Mkuu wa Wilaya ya Mbeya Mkoa wa Mbeya Mhe. William Paul Ntinika akiendelea kutembelea mabanda kwenye maonesho yenye lengo la kubadilisha maisha ya wanawake na vijana na mikakati ya vituo vya taarifa na maarifa katika kuimarisha vuguvugu la ukombozi wa wanawake. Kauli mbiu ya maonesho hayo ni “Maonesho ya Ujenzi wa Nguvu za pamoja na Miaka 25 ya Harakati”.

Mkuu wa Wilaya ya Mbeya Mkoa wa Mbeya Mhe. William Paul Ntinika akiwa katika banda la Kituo cha Taarifa na maarifa Kipunguni kwenye maonesho yenye lengo la kubadilisha maisha ya wanawake na vijana na mikakati ya vituo vya taarifa na maarifa katika kuimarisha vuguvugu la ukombozi wa wanawake.

Machifu na wadau wakipiga picha ya kumbukumbu.

Awali Maafisa Maendeleo ya Jamii halmashauri mbalimbali wakijitambulisha.

Awali Wanavituo vya taarifa na maarifa wakijitambulisha

Awali Washiriki wa jukwaa la vijana wanawake vijana wakijitambulisha

Awali wawakilishi wa asasi zinazotetea haki za wanawake na watoto wakitambulisha.

Mwanachama wa TGNP Subira Kidiga akiimba shairi.

Wadau wa haki za wanawake na watoto wakiwa kwenye tamasha

Maafisa maendeleo ya jamii kutoka halmashauri mbalimbali za wilaya. Kushoto ni Joseph Swalala kutoka Kishapu mkoani Shinyanga.

Picha zote na Kadama Malunde - Malunde 1 blog

Waziri Mkuu Azindua Uchepushaji Maji Mto Rufiji.....Misri yaahidi kufundisha Watanzania 25 kwa miaka mitatu mfululizo

Unknown 16:55:00 NEWS No comments

WAZIRI MKUU Kassim Majaliwa amezindua kazi ya uchepushaji maji ya mto Rufiji kwenda kwenye handaki ili kupisha ujenzi wa tuta kuu la bwawa la kufua umeme na kusema mradi huo utawezesha nchi kuwa na umeme mwingi na wa kutosha lakini pia utawezesha kufanya biashara ya umeme na nchi za jirani.

Ametoa kauli hiyo leo mchana (Jumatano, Novemba 18, 2020) wakati akizungumza na wananchi na wadau mbalimbali waliohudhuria uzinduzi huo kwenye eneo la mradi, mkoani Pwani wakati akikagua maendeleo ya utekelezaji wa mradi wa uzalishaji umeme kwa kutumia maporomoko ya mto Rufiji.

“Upatikanaji wa umeme wa bei nafuu na uhakika nchini kwetu utachochea ukuaji na mapinduzi katika sekta ya viwanda nchini kwa kushusha gharama za uendeshaji viwandani, kukabiliana na mfumuko wa bei, kuwezesha ushindani wa bidhaa za Tanzania katika masoko ya Afrika Mashariki, Afrika na duniani,” amesema.

Amesema hatua hiyo itaenda sambamba na kuvutia uwekezaji mkubwa, wa kati na mdogo katika sekta mbalimbali nchini kutokana kupungua kwa gharama za umeme katika uzalishaji ikiwa ni pamoja na kuwawezesha Watanzania wote kumudu gharama za umeme mijini hadi vijijini.

Waziri Mkuu amesema mradi huo ambao unafadhiliwa na Serikali kwa asilimia 100 kwa gharama ya sh. trilioni 6.557, unasimamiwa na Mhandisi Mshauri wa Kitanzania kwa asilimia 100. “Serikali imeendelea kuwaamini na kuwatumia wataalamu wa Kitanzania katika kusimamia miradi mikubwa, na kwa kutambua hilo mradi huu unasimamiwa na Mhandisi Mshauri wa Kitanzania kwa asilimia 100,” amesema.

Amesema mradi huo wa kufua umeme kwa kutumia maji wa Julius Nyerere ni mkubwa, wa kimkakati na wa aina yake katika ukanda wa Afrika, ukiwa ni wa kwanza kwa ukubwa kwa Afrika Mashariki na wa nne barani Afrika na akasisitiza kuwe na usimamizi makini na wa viwango ili kuhakikisha unakamilika katika muda uliopangwa.

“Nimeambiwa kwamba, mradi huu unaenda sambamba na ujenzi wa njia ya kusafirisha umeme ya msongo wa kilovoti 400 kutoka eneo la mradi hadi Chalinze, yote hii ni kuhakikisha umeme unaotoka hapa unaingizwa kwenye gridi ya Taifa.”

Mapema, akimkaribisha Waziri Mkuu kuzungumza na washiriki wa hafla hiyo, Katibu Mkuu wa Wizara ya Nishati, Mhandisi Zena Said alisema hadi kufikia Oktoba 31, mwaka huu, mradi huo ulikuwa umeshatoa ajira za moja kwa moja 6,364 ambapo kati ya hizo, ajira 5,728 zikiwa ni za Watanzania.

Akielezea hatua iliyofikiwa kwenye usambazaji wa umeme nchini, Katibu Mkuu huyo alisema kwamba hadi sasa vijiji 9,884 kati ya 12,264 viliyopo nchini vimekwishapatiwa umeme. “Tuna mpango wa kukamilisha vijiji vyote vilivyobakia ndani ya miaka miwili ijayo,” alisema.

Wakati huohuo, Waziri wa Nyumba na Huduma za Mijini wa Misri, Dkt. Assem el Gazzar amesema Rais wa nchi hiyo, Abdel Fattah al-Sisi anafuatilia kwa karibu utekelezaji wa mradi huo ambao unajengwa kwa ubia na kampuni za Arab Contractors and El Sewedy Electric kutoka Misri.

“Rais wetu anafuatilia kwa karibu maendeleo ya mradi huu na tunatarajia utaisha ndani ya muda uliopangwa. Kukamilika kwa mardi huu kutahakikisha nishati ya umeme inakuwa ya uhakika katika kuleta maendeleo,” alisema.

Katika hatua nyingine, Waziri wa Umeme na Nishati Jadidifu wa Misri, Dkt. Mohamed Shaker El-Markabi alisema Serikali ya nchi hiyo iko tayari kubadilishana uzoefu na wizara ya nishati ya Tanzania na kwamba itatoa mafunzo kwa Watanzania 25 kwa miaka mitatu ijayo.

“Tunawapongeza Watanzania kwa hatua hii ya kihistoria. Wizara yetu iko tayari kubadilishana uzoefu na kujengeana uwezo na Wizara ya Nishati ya Tanzania, na katika kipindi cha miaka mitatu ijayo, tutatoa mafunzo (full training) kwa Watanzania 25,” alisema.

Alisema upatikanaji wa umeme wa uhakika ni suala la muhimu kwa wananchi kama ilivyo kwa maji na huduma nyingine muhimu. “Uzalishaji wa megawati 2,115 utaiwezesha Tanzania kuwa na umeme wa uhakika, itaongeza kiwango cha upatikanaji wa umeme na kutengeneza fursa za ajira na za kibiashara.”

“Ndani ya miaka mitatu ijayo, Tanzania itakuwa kinara wa uzalishaji nishati katika ukanda wa Afrika Mashariki na Kati. Mradi wa umeme wa Julius Nyerere (JNHPP) utakapokamilika, unatarajiwa uweze kutoa ziada ya kuuza kwenye nchi za jirani,” alisema.

Naye Mkurugenzi Mkuu wa TANESCO, Dkt. Tito Mwinuka alisema ujenzi wa mradi huo umefikia asilimia 75.76 na kwamba uchepushaji wa maji ya mto uliofanyika sasa ni wa muda tu ili kupisha ujenzi wa tuta kuu. “Tumekwepesha umbali wa mita 700 tu, na tukimaliza ujenzi wa tuta, tutarudisha maji ya mto kwenye njia yake ya awali,” alisema.

Wahamiaji Haramu 36 Wakamatwa Dar, RC Kunenge Atoa Onyo

Unknown 15:55:00 NEWS No comments

Vyombo vya ulinzi na usalama mkoa wa Dar es salaam, vimefanikiwa kuwatia mbaroni wahamiaji haramu 36 raia wa Ethiopia na Somalia walioingia nchini kinyume na taratibu, ambapo mkuu wa mkoa huo Aboubakar Kunenge ametoa onyo kali kwa raia wa Tanzania, wanaoshiriki kuwafadhili na kuwasafirisha ili wapate fedha.

Kunenge amesema Wahamiaji hao walikamatwa usiku wa kuamkia November 15, 2020 kwenye fukwe za Mbweni ambapo kati yao, 30 wanatoka nchini Ethiopia na Sita wanatokea nchini Somalia.

Aidha Kunenge amesema hata utaratibu unaotumika kusafirisha watu hao unakiuka sheria, haki na utu wa binadamu sababu wengi wao wanafungiwa kwenye kontena zisizokuwa na hewa na pindi wanapobainika kufariki Dunia maiti zao hutupwa kwenye vichaka.

Pamoja na hayo RC Kunenge amevipongeza vyombo vya ulinzi na usalama kwa kazi kubwa na nzuri wanayoifanya.

Kwa upande wake Afisa uhamiaji mkoa wa Dar Es Salaam, Kamishna Msaidizi Edmund Mrosso amesema kinachofuata baada ya wahamiaji hao kukamatwa watafikishwa mahakamani kwa kosa la Kuingia nchini kinyume na taratibu.

Aidha Kamishna Mroso amesema kwa wale wanaowasafirisha au kuwahifadhi wahamihaji hao, adhabu inaelekeza kifungo cha miaka 20, faini ya shilingi milioni 20 au vyote kwa pamoja ikiwa ni pamoja na kutaifisha mali zilizotumika.

V30 Cubex Driller at AUMS

Unknown 14:54:00 NEWS No comments

This position is responsible in carrying out Underground V 30 Cubex service & slot holes as well as some production drilling of various sized holes, and other tasks directed by the Shift Supervisor. African Underground Mining Services (AUMS) is an international leader in mechanized hard rock underground mining. AUMS is part of Perenti (Formerly the Ausdrill […]

The post V30 Cubex Driller at AUMS appeared first on Udahiliportal.com.

Yanga SC yamsimamisha kazi Katibu Mkuu

Unknown 13:55:00 NEWS No comments

KAMATI ya Utendaji ya klabu ya Yanga imemsimamisha kazi Kaimu Katibu Kkuu wa klabu hiyo, Wakili Simon Patrick ambaye pia alikuwa mkurugenzi wa sheria na wanachama ili kupisha uchunguzi wa tuhuma zinazomkabili ambazo hazikuwekwa wazi.

Maamuzi hayo yamekuja mara baada ya kamati hiyo kufanya kikao cha dharura kilichofanyika tarehe 17 novemba 2020, kwa ajili ya kujadili swala hilo.

Katika taarifa yao ambayo imesainia na Mwenyekiti wake, Dk. Mshindo Msolla imeleza kuwa uongozi wa klabu hiyo, ili kuhakikisha haki inatendeka kamati ya utendaji itateuwa kamati huru kuchunguza jambo hili na kutoa maamuzi yenye tija kwa pande zote.

Wakili Simon amekaimu nafasi hiyo ya katibu mkuu mara baada kuondolewa kwa aliyekuwa katibu mkuu wa klabu hiyo Dk. David Luhago tarehe 16 Juni, 2020.

Security Assistant Grade II at Kariakoo Markets Corporation

Unknown 13:54:00 NEWS No comments

Kariakoo Markets Corporation is an autonomous Government Institution established under the Kariakoo Market Corporation Act no 36 of 1974 (Revised by the Act No 16 of 1985, to manage and control the Kariakoo Market, establish and manage other markets within Dar es salaam Region. Administratively the Kariakoo Markets Corporation reports to the President’s Office – […]

The post Security Assistant Grade II at Kariakoo Markets Corporation appeared first on Udahiliportal.com.

Office Attendant Grade II at Kariakoo Markets Corporation

Unknown 13:54:00 NEWS No comments

The post Office Attendant Grade II at Kariakoo Markets Corporation appeared first on Udahiliportal.com.

Assistant Trade Officer Grade II – 3 posts at Kariakoo Markets Corporation

Unknown 12:54:00 NEWS No comments

The post Assistant Trade Officer Grade II – 3 posts at Kariakoo Markets Corporation appeared first on Udahiliportal.com.

Clerk of Works at African Wildlife Foundation

Unknown 12:54:00 NEWS No comments

Classroom Africa (CA) is AWF’s Education Program that seeks to improve educational outcomes for children in schools based in communities within or adjacent to critical wildlife habitats; by improving access to quality education that promotes greater participation in, and support for, AWF’s conservation efforts. Since its inception in 2013 Classroom Africa focused on building world […]

The post Clerk of Works at African Wildlife Foundation appeared first on Udahiliportal.com.

Serikali yafunga kamera 306 ukuta wa madini Mirerani

Unknown 11:55:00 NEWS No comments

Asteria Muhozya na Issa Mtuwa, Mirerani
Kwa mara nyingine tena Ukuta unaozunguka Migodi ya Tanzanite Mirerani wenye urefu wa kilomita 24.5 umeingia kwenye historia nyingine baada ya kufungwa jumla ya Kamera 306 za Usalama zenye uwezo wa kufanya kazi katika mazingira yoyote ikiwemo kumbaini mhalifu.
Kamera hizo zimewekwa kufuatia kuwepo umuhimu wa eneo husika kufungwa mfumo wa CCTV kwa lengo la kugundua vitu na watu wanaoingia eneo la Ukuta, kuhifadhi taarifa za Kudumu, kuzuia wanaokusudia kufanya uhalifu na kufuatilia matukio yanayofanyika eneo la ukuta huo.

Hayo yalibainishwa Novemba 17, 2020 na Katibu Mkuu wa Wizara ya Madini Prof. Simon Msanjila wakati wa Hafla fupi ya kukabidhi mfumo huo kwa Wizara ya Ulinzi na Jeshi la Kujenga Taifa.

“Kamera hizi zina uwezo wa kurekodi matukio wakati wa usiku, mchana, wakati wa jua, Kwenye vumbi, wakati wa mvua na zina uwezo wa kumtambua mhalifu aliyekwishafanya uhalifu kwenye Ukuta,’’ alisema Prof. Msanjila.

Kufuatia kufungwa kwa mfumo huo, Prof. Msanjila aliwaasa Wafanyakazi wa Wizara ya Madini na Taasisi zilizo chini yake kuendelea kufanya kazi kwa bidii huku wakisisitiwa kuzingatia Kanuni na Maadili ya Utumishi wa Umma.

Aidha, alitumia fursa hiyo kutoa rai kwa wadau wote katika eneo tengefu la Mirerani kujiepusha na vitendo vya rushwa, utoroshaji wa Madini ama kukiuka Sheria, Kanuni, Taratibu na miongozo mbalimbali inayosimamia Sekta ya Madini na kuiwezesha Serikali kufikia malengo yake na kuwapo kwa tija katika Uwekezaji mkubwa wa miundombinu uliofanyika hapa Mirerani.

Pia, kufuatia matokeo chanya ambayo yanaonekana katika sekta ya madini,Prof. Msanjila alimwakikishia Rais John Magufuli na watanzania kuwa wizara yake kwa kushirikiana na wadau mbalimbali ndani na nje itahakikisha kuwa sekta hiyo inadhihirisha kuwa muhimu katika kujenga wa nchi.

Akizungumzia mipango mingine iliyobaki kukamilishwa katika eneo hilo, alisema kwamba ujenzi wa Scanner katika geti kuu la kuingia uko mbioni kujengwa.

Akizungumzia mchakato wa zabuni, alisema kabla ya kutangazwa kwa kandarasi hiyo, zipo kampuni zilizojitokeza huku zikianisha gharama kubwa Na kueleza Kampuni ya StarFix iliyoshinda zabuni hiyo ilitumia shilingi bilioni 1.2 kukamilisha kazi husika.

‘’Kampuni ya kwanza iliandika andiko la shilingi bilioni 83, la bilioni 76, la tatu bilioni 33, la Nne bilioni 27 lakini huyu mzalendo Kampuni ya Starfix Enterprise ametumia gharama ya Shilingi Bilioni 1.2. Uwekezaji huu wa Serikali kwa pamoja umegharimu takriban kiasi cha shilingi bilioni 4.284,923,915.98,’’ alisema Prof. Msanjila.

Akielezea kazi nyingine zilizofanyika katika eneo hilo, Prof. Msanjila alisema Wizara imekamilisha ujenzi wa jengo la Kituo cha Pamoja ndani ya Ukuta, uwekaji miundombinu ya umeme na taa kuzungukia Ukuta umekamilika.

Kwa upande wake, Mwenyekiti wa Timu ya Wataalam waliosimamamia kufungwa kwa mradi huo akieleza namna kamera hizo zinavyofanya kazi alisema kuwa, zina uwezo wa kuhakikisha maeneo yote ya ukuta pamoja na maeneo mengine ikiwemo Geti Kuu la kuingilia, chumba cha kuthaminisha madini na vyumba vingine vinaonekana muda wote. Kituo Maalum (CCTV Control Room) cha uangalizi wa mienendo mbalimbali inayooneshwa na kamera zilizofungwa kimekamilika na kuanza kufanya kazi.

‘‘Mfumo uliyofungwa una uwezo wa kuonesha maoneo yote vilevile uwezo wa kufanya kazi Kwenye mazingira yote wakati wa mvua, jua Kali, vumbi, hivyo kutoruhusu Tukio lolote kupiga bila kurekodiwa, unauwezo kwa kutoa taaifa mubashara kwa wanaousimamia pindi kuna mtu anaporuka ukuta au matukio yaliyoanishwa kwenye mfumo kama hatarishi,’’ alisisitiza Moshiro.

Pia, alieleza kuwa, mfumo huo unao wezo wa kuwabaini wale wote waliokwishafanya matukio ya uhalifu pindi wanapotaka kuingia kwenye lango kuu au wanapotaka kutoka nje ya eneo.

Naye, Katibu Mkuu wa Wizara ya Ulinzi na Jeshi la Kuejnga Taifa Dkt. Faraji Mnyepe akipokea Mfumo huo alisema kuwa,yapo manufaa yanayotokana na kufungwa kwa kamera hizo ikiwemo kukuza Pato la Taifa kutokana na udhibiti uliokuwa unafanywa wasio waaminifu.

Alissitiza kuwa, wizara hiyo itaimarisha usalama kuzunguka Migodi yote, na kueleza kuwa jukumu la kulinda Usalama usalama ni la wizara hiyo na hivyo kuwahakikishia wachimbaji wote wadogo na Wakubwa usalama.

‘’Shahidi wa hili ni bilionea Saniniu Lazier. Tulimlinda tangu kuzalisha hadi anauza madini yake. Tunawaomba Wananchi na watanzania wote kulinda Madini Yetu, rasilimali ni jukumu letu wote. Ni malengo yangu wananchi wa Mirerani mtatusaidia kulinda Rasilimali hii,’’ alisema Dkt. Mnyepe.

Kwa upande wake, Mkuu wa Wilaya ya Simanjiro Mhandisi Zephania Chaula alichukua fursa hiyo kuwaalika wawekezaji katika Wilaya hiyo na kuelezea kuwa, mbali tanzanite wizara hiyo imebarikiwa kuwa na madini mengine ikiwemo Green garnet.

Mbali na kukabidhiwa kwa mfumo huo, Afisa Mahusiano na Mawasiliano wa Kampuni ya StarFix Jason Kyando iliyofunga kamera hizo, alisema kuwa,

baada ya zoezi la kufunga mfumo kukamilika tulitoa mafunzo kwa wasimamizi wa mfumo huo ambao wote ni vijana wa Kitanzania walipatiwa mafunzo ya namna ya kusimamia mfumo huo na katika hafla ya jana Watapatiwa vyeti vya kuhitimu mafunzo hayo.

Geological Technician at Bulyanhulu Gold Mine

Unknown 11:54:00 NEWS No comments

POSITION DESCRIPTION: Bulyanhulu Gold Mine is seeking to recruit Geological Technicians to join our team. The successful candidate for this position is expected to align to the Barrick DNA and drive a change within his team and the business and on a practical note will ensure activities in the geology department are effectively planned and […]

The post Geological Technician at Bulyanhulu Gold Mine appeared first on Udahiliportal.com.

Rigger at Bulyanhulu Gold Mine

Unknown 11:54:00 NEWS No comments

POSITION DESCRIPTION: Bulyanhulu Gold Mine is seeking to recruit Rigger to join our team. The successful candidate for this position is expected to align to the Barrick DNA and drive a change within his team and the business and on a practical note will ensure activities in the Engineering Section are effectively planned and undertaken in […]

The post Rigger at Bulyanhulu Gold Mine appeared first on Udahiliportal.com.

Trump amfuta kazi afisa wa uchaguzi aliyepinga madai yake

Unknown 10:55:00 NEWS No comments

Rais Donald Trump wa Marekani amesema amemfuta kazi Mkuu wa Usalama wa Mtandao na Shirika la Usalama wa Miundombinu ya Uchaguzi (Cisa), Chris Krebs kwa taarifa zake “zisizo sahihi kwa kiwango cha juu kuhusu maadili ya kura”.

Trump amekataa kukubali kushindwa katika uchaguzi wa Marekani, akitoa madai yasiyo na ushahidi ya wizi mkubwa wa kura.

Hata hivyo, Maafisa wa Uchaguzi wanasema kura ya mwaka huu ilikuwa moja ya kura salama zaidi katika historia ya Marekani.

Wiki iliyopita Rais Trump alimfuta kazi Waziri wa Ulinzi, Mark Esper, huku kukiwa na ripoti kwamba alikuwa na wasiwasi juu ya utiifu wa mkuu huyo wa Pentagon.

Kumekuwa na tetesi mjini Washington DC kwamba kabla ya Trump kuondoka madarakani mwezi Januari, Mkuu wa CIA, Gina Haspel na mkurugeni wa FBI Christopher Wray huenda wakawa miongoni mwa wale watakaofutwa kazi na Trump.

Boilermaker at Bulyanhulu Gold Mine

Unknown 10:54:00 NEWS No comments

POSITION DESCRIPTION: Bulyanhulu Gold Mine is seeking to recruit Boilermakersto join our team. The successful candidate for this position is expected to align to the Barrick DNA and drive a change within his team and the business and on a practical note will ensure activities in the Engineering Section are effectively planned and undertaken in a […]

The post Boilermaker at Bulyanhulu Gold Mine appeared first on Udahiliportal.com.

Fitter at Bulyanhulu Gold Mine