WANAOHUJUMU MIUNDOMBINU WASAKWA, DC ATAKA RIPOTI NOVEMBA5

Na Hamida Kamchalla,  TANGA. 

VIONGOZI wote wa kata, mitaa na vijiji wametakiwa kulinda miundombinu ya aina zote iliyowekwa na serikali kwa matumizi ya wananchi iliyowekwa barabarani na kuufichua mtandao wa wizi ambao inahujumu miundombinu hiyo na kuiuza kwenye vyuma chakavu.

Wito huo umetolewa na Meya wa jiji la Tanga, Abdulrahman Shiloow katika kikao cha baraza la madiwani ambapo alisema sambamba na hilo pia wanapaswa kulinda na kutunza mazingira ya barabara na mifereji.

'Wakati wa zoezi la sensa,, halmashauri hiyo ilitenga kiasi cha shilingi millioni 402 kutoka fedha za mapato ya ndani kuweka vibao vya post code, lakini wametokea watu wasiokuwa wazalendo, wanaondosha nguzo na vile vibao vya alama za mitaa,

"Lakini pia kumekuwa na uharibifu wa barabara za Kitaifa,  pembezoni kuna zile kingo ambazo zina vyuma ndani, watu wanavunja na kwenda kuuza kwenye vyuma chakavu, kwahiyo mkuu wa Wilaya kwa nafasi yako tunaomba vyombo vyako vya ulinzi vitusaidie" amesisitiza.

Hata hivyo amewaomba wananchi kutunza mazingira kwa kulipendezesha jiji kwa kusimamia usafi wa nyumba kwa nyumba, mtaa kwa mtaa na kata zao kwa ujumla lakini pia kwa kila mwenye nyumba afunge taa nje ya nyumba yake kwa ajili ya usalama 

Kufuatia hali hiyo, mkuu wa Wilaya ya Tanga Jafari Kubecha ameiagiza kamati ya ulinzi na usalama kufuatilia maeneo ambayo vyuma chakavu vinauzwa na kufanya upekuzi wa miundombinu ya barabara iliyoharibiwa na kuibiwa ili kukomesha mtandao wa wizi wilayani humo. 

"Kupitia kikao hiki nimuagize rasmi mkuu wa Polisi Wilaya, kupita na kupekua maeneo yote ambayo vibao miundombinu ya barabarani imeuzwa kwenye vyuma chakavu, na nipate taarifa hiyo ifikapo Novemba 5 ya maeneo yote ambayo taa za barabarani zimeondolea, tunataka kuuondoa huo mtandao,aamini nitapata taarifa nzuri, wezi wapo na wanafahamika, hivyo ni lazima wadhibitiwe ili kulinda miundombinu yetu" amesema.

Pia amevitaka vyama vya siasa kutumia demokrasia bila kupotosha maana yake na kufanya kampeni za kistaarabu kwa kutunza amani na utulivu lakini pia kulindiana heshima baina ya vyama pamoja na wagombea wenyewe.

"Isije ikawa tumefungua uchaguzi iwe ndio chanzo cha kuvuruga amani na utulivu tulionao na kuvuruga maendeleo ambayo tumeyapata, kama serikali tunawaomba sana wanasiasa kutusaidia katika hili, kufanya kampeni safi na siyo za kuvunjiana utu na heshima" amesisitiza.

Hata hivyo Kubecha amewataka madiwani hao kutoa ushirikiano katika zoezi la uhamasishaji wananchi kujitokeza kupiga kura ifikapo siku ya uchaguzi wa serikali za mitaa, kwani ndiyo msingi wa maendeleo. 

"Tusipokuwa na wenyeviti wazuri shida kubwa mnaoipata ni ninyi madiwani katika ufanisi kwakuwa wale ndiyo kiini na kiunganishi baina yenu na wananchi, kwahiyo niombe mshirikiane kwa pamoja katika kuwahamasisha wananchi wachague viongozi bora" amesema.

Kubecha pia amesisitiza kuhusu miradi ya maendeleo viporo ambayo haijakamilika kwa wakati na kuleta kero kwa wananchi hivyo halmashauri inatakiwa kuweka nguvu kuhakikisha miradi hiyo inakamilika japo kwa hatua ili kuwaondolea wananchi kero wanazopata.

"Tunakwenda kwenye uchaguzi, kuna miradi singing bado ni kero kwa wananchi, kwahiyo niombe baraza hili tujipande kuweka kuweka nguvu ya kuhakikisha kwamba tunakwenda kuikamilisha ili tuweze kuwaondolea wananchi kero zilizopo mbele yao"  ameongeza.

Sambamba na hayo, halmashauri hiyo imewakabidhi kompyuta mpakato 27 Maofisa Ustawi wa Jamii kila kata kwa lengo la kuboresha huduma na kufanya kazi zao kielektroniki.

Read More →

TBS YATOA ELIMU YA UDHIBITI UBORA KATIKA MAONESHO YA WIKI YA MWANAKATAVI MPANDA

Afisa udhibiti ubora Kanda ya Magharibi (TBS) Bw. Hassan Hassan, akitoa elimu ya masuala ya udhibiti ubora kwa wananchi na wajasiriamali waliotembelea banda la TBS kwenye Maonesho ya tatu ya Wiki ya Mwanakatavi yanayoendelea katika viwanja vya Azimio Mpanda, Mkoani Katavi.

***************

SHIRIKA la Viwango Tanzania (TBS) limeendelea kutoa elimu ya masuala ya udhibiti ubora kwa wananchi na wajasiriamali katika Maonesho ya tatu ya Wiki ya Mwanakatavi yanayoendelea katika viwanja vya Azimio Mpanda Mkoani Katavi.

Read More →

Wimbo Mpya : JUMA MARCO - MASAMVA

 

Read More →

Ngoma Mpya : NELEMI MBASANDO - LEO LEO

 

Read More →

RAS KATAVI AIPA HEKO TANROADS KWA MAFUNZO YA WATUMISHI WA MIZANI

Na Mwandishi Wetu,Katavi

Katibu Tawala wa Mkoa wa Katavi, Bw. Albert Msovela amewapongeza Wakala ya Barabara Tanzania (TANROADS) kwa kuendesha mafunzo ya sheria ya uzito wa magari ya Afrika Mashariki ya mwaka 2016 na kanuni zake za mwaka 2018 kwa watumishi wake wa Kanda ya Magharibi yenye mikoa ya Tabora, Rukwa, Kigoma na wenyeji Katavi.

Msovela amesema kuwa mafunzo haya ambayo pia yatawezweshwa na wakufunzi kutoka Wizara ya Ujenzi, yatawajengea uwezo watumishi hawa na kuwa makini katika utendaji wao wa kazi kutokana na kuwahudumia wasafirishaji wa ndani na nje ya nchi, ambao baadhi yao wanazifahamu vema sheria za uzito wa magari.

“Ninaimani baada ya mafunzo haya watumishi hawa watatoka wanaijua vyema hii sheria, na watatenda sawasawa na sheria hii bila kuipindisha wakijua wazi wanazilinda barabara zetu na uharibifu wa magari yenye kujaza mizigo aidha kwa makusudi au kutokujua,” amesema Msovela.

Hatahivyo, amewataka watumishi hao kuwa wazalendo, waandilifu na waaminifu siku zote wanavyofanya kazi kwenye mizani, itasaidia kupunguza uharibifu wa barabara na matengenezo ya mara kwa mara.

Ameishukuru serikali ya awamu ya sita ya Rais Samia Suluhu Hassan kwa kutumia fedha nyingi kwa ajili ya ujenzi wa miundombinui ya barabara kwa kiwango cha lami, ambapo ssa kila kona ya nchi inafikika vizuri na kwa muda mfupi, tofauti na miaka ya nyuma barabara nyingi ikiwemo ya Katavi ilikuwa mbovu na yenye mashimo mengi, na kusababisha usafiri na usafirishaji kuwa mgumu pia.

Halikalidhalika, amewataka baadhi ya wasafirishaji ambao sio waaminifu kuacha tabia za kuzidisha uzito kwenye magari yao kwa makusudi, bila kujali miundombinu inayojengwa kwa gharama kubwa, kwani ni kosa la kisheria na wataadhibiwa kwa kulipishwa faini, au kifungo au vyote kwa pamoja.

“Sio neno zuri kulitumia wasafirishaji wanatapisha wakishajaza wanajaza aidha mizigo au abiria na wakifika karibu na mizani wanatumia magari madogo na kupunguza mizigo na abiria na baada ya kuoita kwenye mizani wanarudisha kwenye magari na kuendelea.

Kwa upande wake Lawrence Boaz, Afisa Mizani kutoka Kigoma amesema watapata manufaa makubwa kwa kupata mafunzo haya na atakwenda kuwaelimisha wenzake ili waweze kwenda na sheria hii.

Naye Martha Soka, msimamizi wa mizani kituo kwa Kamsisi mkoa wa Katavi, amesema mafunzo haya yamemjengea uwezo kwa kwenda kuelimisha wasafirishaji wanaozidisha mizigo.

Read More →

RAIS SAMIA AMLILIA MUSUGURI

 

Mkuu wa Majeshi wa zamani Tanzania, Jenerali David Musuguri amefariki Dunia

Mkuu wa Majeshi wa zamani Jenerali David Musuguri, amefariki Dunia, Oktoba 29, 2024, jijini Mwanza alipokuwa akipatiwa matibabu.

Jenerali Musuguri, aliyezaliwa Januari 4, 1920 aliitumikia nchi katika Jeshi kuanzia Mwaka 1942 hadi 1988.

Jenerali Musuguri aliongoza majeshi ya Tanzania katika vita dhidi ya Idi Amin Dada wa Uganda Mwaka 1978, baada ya uvamizi wa eneo la Kyaka, Mkoani Kagera.

Jenerali Musuguri, pia alishiriki katika Vita Kuu ya Pili ya Dunia, Battle of Madagascar, Vita vya Kagera, na Battle of Simba Hills

"Kwaheri, Jenerali.

Ninatoa salamu za pole kwa Mkuu wa Majeshi ya Ulinzi Jenerali Jacob John Mkunda, Makamanda, wapiganaji wastaafu, wapiganaji walio katika utumishi, ndugu, jamaa, marafiki na Watanzania wote kwa kuondokewa na shujaa wetu, mpendwa wetu, mwalimu, mshauri na kiongozi wetu, Mkuu wa Majeshi ya Ulinzi Mstaafu, Jenerali (Mstaafu) David Bugozi Musuguri. 

Tunamshukuru Mwenyezi Mungu kwa zawadi ya maisha yake ya miaka 104, ambapo miaka 46 kati ya hiyo ameitumikia nchi yetu kwa weledi, umahiri, kujituma, ushujaa, nidhamu na kwa mafanikio ya hali ya juu, akiishi kiapo chake cha kuwa tayari kuutoa uhai wake ajili ya ulinzi wa Taifa letu. Ametuachia mfano bora wa utumishi wa umma utakaoendelea kuwa mwanga ndani na nje ya Majeshi yetu. 

Mwenyezi Mungu ailaze roho yake mahali pema peponi. 

Amina" _ RAIS SAMIA

Read More →

TBS YAWAHIMIZA WAZALISHAJI WA BIDHAA NCHINI KUTHIBITISHA BIDHAA ZAO

Na Mwandishi Wetu, Manyara

WAZALISHAJI wahimizwa kuthibitisha ubora wa bidhaa wanazozalisha ili waweze kuuza bidhaa zao nje ya soko la Afrika Mashariki na pia kunufaika na sera ya Local Content.

Rai hiyo imetolewa Meneja wa TBS Kanda ya Kaskazini, Mhadisi Joseph Ismail, kwenye maonesho yaliyoandaliwa na Chemba ya Wafanyabiashara, wenye Viwanda na Kilimo (TCCIA) yanayofanyika mkoani Manyara kuanzia tarehe 20 hadi 30 Oktoba 2024.

Akizungumza na waandishi wa habari jana kwenye Maonesho hayo yenye kauli mbiu isemayo; "Manyara kwa Ustawi wa Biashara na Uwekezaji," Mhandisi Ismail alisema TBS wanaingiaji kwenye uwekezaji kwa sababu wanawezesha uzalishaji wa bidhaa mbalimbali.

Aliwataka wazalisha kurasimisha biashara zao, kwani baada ya kupata nembo ya ubora wataweza kuuza bidhaa zao nje ya Afrika Mashariki .

Alitoa mfano akisema Manyara ni mkoa wa kimkakati una hoteli nyingi, lakini haziwezi kununua bidhaa zisizokuwa na nembo ya TBS.

"Kwa hiyo ili uweze kuuza kwenye hoteli hizo ni lazima uthibitishe ubora wa bidhaa zako. Wenye mahoteli kupitia Sera ya Local Content badala ya kwenda kununua bidhaa Arusha watanunua Manyara , lakini hawawezi kununua bidhaa Manyara ambazo hazijathibitishwa ubora wake na TBS," alisema Mhandisi Ismail.

Alisema TBS ni taasisi rafiki ambayo ipo karibu sana na wajasiriamali, ambapo Serikali inatenga fedha kwa ajili ya kuhudumia wajasiriamali.

"Kwa hiyo Serikali kupitia TBS inatoa huduma hiyo ya kuthibitisha ubora wa bidhaa za wajasiriamali pasipo kulipia gharama zozote," alisema na kuongeza;

"Kuthibitisha kuna gharama , lakini Serikali inayoongozwa na Rais Samia Suluhu Hassan kupitia TBS inatoa huduma hizo bure, kwa hiyo natoa hamasa kwa wajasiriamali waje TBS waweze kuthibitisha bidhaa zao."

Alisema wakishapata nembo ya ubora itawasaidia kuuza bidhaa zao katika masoko mbalimbali ndani na nje ya nchi . Aidha, aliwataka wajasiriamali kurasimisha biashara zao ziweze kuwasaidia kupata mikopo kwenye mabenki.

Read More →

RAIS SAMIA NI CHAGUO LA MUNGU - ASKOFU SHOO

Askofu Fredrick Shoo wa Dayosisi ya Kaskazini ya Kanisa la Kiinjili la Kilutheri Tanzania (KKKT) ambaye pia ni mkuu Mstaafu wa KKKT amesema uongozi wa Rais wa Jamhuri ya Muungano wa Tanzania, Dk. Samia Suluhu Hassan, ni mpango wa Mungu kuithibitishia Dunia kwamba wanawake wanao uwezo wa kuongoza nchi, kuliko hata wanaume.

Dk. Shoo ameyasema hayo Jumapili Oktoba 27, 2024, wakati wa ibada maalumu ya kuaga watumishi mbalimbali wastaafu, wakiwemo maaskofu, makatibu wakuu, watunza fedha na wasaidizi wao, waliowahi kulitumikia Kanisa la Kiinjili la Kilutheri Tanzania, tangu wakati wa Sinodi, mwanzoni mwa miaka ya 1960, hadi wakati huu wa KKKT, Dayosisi ya Kati.

"Ndugu zangu ni dhambi kubwa, kudharau mchango wa wanawake katika maendeleo ya jamii, kwa maendeleo ya Kanisa, hivi sasa kuna mfumo dume ambao umejengwa kwamba wanawake hawawezi, na mfumo huu haupo tu kwa jamii na kwenye siasa, bali upo hata kanisani kuwa wanawake hawawezi, leo nasimama hapa kuzungumza kwa niaba ya wanawake hawa, tuuone mchango wao, na tuwe wa wazo kwamba wanawake wanaweza," amesisitiza Dk. Shoo.

Hivyo, kutokana na hali hiyo, mtaalamu huyo wa masuala ya imani, hasa dini ya Kikristo, ameitaka jamii na Kanisa kwa ujumla, kuzidi kuwaunga mkono wanawake kwenye uongozi, Ili waweze kusimamia maendeleo yanayokusudiwa na jamii husika, pamoja na Serikali yao.

Watanzania wanapaswa kutafakari maneno ya Warumi 13:1: "Kila mtu na atiye mamlaka iliyo kuu; kwa maana hakuna mamlaka isiyotoka kwa Mungu; na ile iliyopo imewekwa na Mungu." Kwa mafanikio ya uongozi wake ndani ya muda mfupi, ni dhahiri kuwa Mungu yuko pamoja naye na anamtumia kwa ajili ya maendeleo ya Watanzania.

Aidha juu ya uchaguzi ujao wa Serikali za mitaa na ule mkuu wa mwakani (2025) Dk. Shoo amewataka Watanzania kijitokeza kushiriki zoezi hilo, na kuwachagua wanawake, pia na wanaume lakini wanyenyekevu, ambao jamii inawaona wana hofu ya Mungu, katika utumishi wao wa kuwaletea maendeleo.

 

Read More →

SMAUJATA TANGA YAWATAKA VIJANA KUCHAGUA VIONGOZI WATAKAOKUWA SAUTI YA WANANACHI

Na Oscar Assenga, TANGA

VIJANA Mkoani Tanga wametakiwa kuhakikisha wanawachagua viongozi ambao watakuwa sauti ya wananchi kwenye maeneo yao na sio wachuma tumbo wakati wa uchaguzi wa Serikali za Mitaa utakaofanyika Novemba 27 mwaka huu .

Wito huo ulitolewa leo na Mkuu wa Idara ya Vijana Hamasa Smaujata Mkoa wa Tanga Athumani Sheria wakati akizungumza na mtandao huu ambapo alisema vijana ni muhimu kuhakikisha wanashiriki kwenye uchaguzi huo kwa wingi ili waweze kuwachagua viongozi ambao watawapa maendeleo.

Alisema kwa sababu lazima viongozi wanaowachagua wawe ambao wanajitokeza na kuwa mstari wa mbele katika kusimamia maendeleo katika maeneo yao kwa kushirikiana na wananchi.

“Ndugu zangu vijana katika uchaguzi wa Serikali za Mitaa tuhakikishe tunatumia haki yetu ya msingi kuwachagua viongozi ambao watakuwa sauti ya wananchi kwa kuchochea maendeleo na sio wachuma tumbo”Alisema Sheria

Hata hivyo aliwataka vijana kuhakikisha wanajitokeza kuwania nafasi mbalimbali za uongozi kwenye uchaguzi huo kutokana na kwamba mchango wao kwenye maeneo yao unaweza kuwa na tija kubwa katika kusukuma gurudumu la maendeleo

Aidha pia alisema kwamba wanamshukuru Rais Dkt Samia Suluhu kwa uwekezaji wa Bilioni 429.1 katika Bandari ya Tanga ambayo yamewezesha maboresho makubwa na hivyo kuufungua kiuchumi mkoa huo.

Alisema maboresho hayo yamewasaidia kupata ajira lakini Serikali kuongeza pato pamoja na kuwainua kiuchumi vijana wa bodaboda na mama lishe ikiwemo wafanyabiashara mbalimbali mkoani humo.

Read More →

HOFU YATANDA MATUMIZI YA KEMIKALI YA ZEBAKI KWA WACHIMBAJI WADOGO WA DHAHABU, WACHENJUAJI NA WAMILIKI WA LESENI NZEGA

WACHIMBAJI Wadogo wa madini ya dhahabu, wachenjuaji na wamiliki wa leseni wilayani Nzega mkoani Tabora wameeleza hofu yao juu ya matumizi ya kemikali ya zebaki (Mercury)  kwenye shughuli zao na kuishauri Serikali kuzuia matumizi yake baada ya kubaini athari zake kiafya na kimazingira.

Baadhi ya wachimbaji, wachenjuaji na wamiliki wa leseni walisema hayo baada ya kufuatwa kwenye mgodi namba tano wa Lusu uliopo kitongoji cha Mkwajuni, Kata ya Lusu wilayani Nzega mkoani Tabora na wataalam kutoka Maabara ya mkemia mkuu wa Serikali, kanda ya kati.

Wadau hao walikuwa wakipewa elimu juu ya matumizi na utunzaji salama wa kemikali ya zebaki inayotajwa na shirika la afya duniani kuwa miongoni mwa vyanzo 10 hatarishi kwa afya za binadamu na mazingira.

Mmoja wa wachimbaji Aboubakar Nuru alisema baada ya kugundua madhara hayo makubwa ya Zebaki hawaoni haja matumizi yake kuendelea hata kama kuna tahadhari badala yake anashauri ni vyema ikapatikana na kuhamasishwa kemikali nyingi Mbadala ili kuwanusu wachimbaji na watu wanaowazunguka.

Aidha Salum Ngozani akasema bado ni ngumu kuiondoa haraka kemikali hiyo kabla ya kuweka namna bora ya kulinda kemikali nyingine mbadala aina ya Sodium cyanide ambayo ufungashaji wake huwa ni kwa kipimo kikubwa na kuwa rahisi kuwatamanisha wezi tofauti na ZEBAKI ambayo ni rahisi kufichika ambapo kiwango kidogo huweza kufanya kazi kubwa 

“Lakini kuna wanyonge hawawezi kumudu hii kemikali Mbadala, hawawezi kununua Wala kuilinda wakiwa migodini, Hawa watasaidiwaje?kuna watu wanaitwa manyani huku, wanaingia maduarani wakati wowote na hawawezi kuiacha, wataiba tu na ni miongoni mwa sisi, tutawezaje kuulinda?”Alisema Ngozani.

Aidha Mwenyekiti wa wachimbaji wadogo TABOREMA, wilayani Nzega na mjumbe wa mkutano mkuu wa FEMATA taifa, Joseph Mabondo, akaishukuru maabara ya mkemia mkuu wa Serikali kutoa elimu hiyo na kuwasihi kuendelea kuelimisha na wachimbaji  wa maeneo mengine ya wilaya hiyo juu ya matumizi mazuri na salama ya zebaki, namna ya kuiingiza katika maeneo yao, namna ya kuitumia, kujisajili kuuza kemikali na mambo mengine muhimu.

 

Mwenyekiti huyo akasema hata wao wameendelea kuelimisha wachimbaji wadogo juu ya madhara ya zebaki na wengine wamekubali kuachana nayo na kutumia kemikali Mbadala huku ambao bado wanatumia zebaki akitaka waendelee kuelimishwa.

 "Tumekuwa pia tukiwahimiza kujenga makaro ili kuzuia utiririshaji ovyo wa maji wanayotumia kuchenjua madini Ili wasisababishe athari kiafya na kimazingira" Alisema Mabondo.

Kwa upande wake Meneja wa mamlaka ya maabara ya mkemia mkuu wa Serikali kanda ya kati, inayohusisha mikoa ya Dodoma, Iringa, Singida, Tabora na Morogoro Bw Gerald Meliyo alisema kemikali ya zebaki sio salama kiafya na kimazingira ndio maana wanaendelea kutoa elimu ya kujikinga na athari zake wakati wa kuitumia.

Meliyo akasema kimataifa kemikali hiyo iko mbioni kuondolewa na baadhi ya maeneo ikiwemo hospitali na viwandani tayari wamesitisha matumizi yake huku mkakati wa Serikali ikiwa ni kuiondoa kabisa kemikali hiyo sokoni katika matumizi yake ndani ya miaka michache ijayo.

Akasema hawawezi kuzizuia kwa mara moja na ndio maana wanaendelea kutoa mafunzo ili wachimbaji watumie ila kwa tahadhari, "Ndio maana tunawahimiza kutumia vifaa kinga ili kujilinda na madhara yanayoweza kuwapata hata kama hayaonekani sasa, hata baadaye, huwa inaharibu mapafu, inakwenda kwenye ubongo, inafanya watu kutetemeka na hivyo kushindwa kufanya majukumu yao, lakini miaka michache ijayo huenda upatikanaji wake ukawa mgumu”Alisema Molel.

Akawahimiza wachimbaji hao kujiunga vikundi ili kutumia kemikali mbadala ya zebaki aina ya Sodium cyanide ambayo haina madhara makubwa tofauti na zebaki madhara yake ni makubwa kiafya na kimazingira.

Afisa Madini Mkazi Mkoa wa Tabora Bi Fatuma Kyando akasema kama Serikali ama wasimamizi wa wachimbaji wadogo huwa wanaangalia zaidi afya ya watu wao kwa kutamani wachimbe kutafuta fedha huku wakiwa salama kiafya ili waweze kutumia fedha zao wanazotafuta hata baada ya kazi.

 

Akasema elimu hiyo kwa wachimbaji ni muhimu na itasaidia kwani inawagusa wahusika wenyewe moja kwa moja kwa kujua madhara na namna ya kuyaepuka wao na jamii inayowazunguka.

 

Katika hatua nyingine Baadhi ya wananchi wa kitongoji cha Mkwajuni kata ya Lusu yalipo machimbo hayo akiwemo Bi Dotto Ramadhani na Charles Patrick wameomba kuondolewa kwa migodi jirani na makazi na kudhibitiwa usafirishaji holela wa udongo utokanao na madini ili kunusuru afya za wakazi kwani wasafirishaji wamekuwa wakipeperusha ovyo mchanga bila kujali na kutengeneza njia katikati ya makazi na viwanja vya watu.

 "Mara vumbi, mara makemiko haya, Hawa wenye mialo (mashimo ya madini) inabidi wasogezwe waende mbali kabisa, kwanza hayo makrasha yenyewe ni kelele tupu, tunaomba Serikali itusaidie",alisema Charles Patrick.

Afisa madini mkazi mkoa wa Tabora Fatuma Kyando

Gerald Meliyo, meneja wa Maabara ya mkemia mkuu wa Serikali, Kanda ya kati

Read More →

MRADI WA BAHARI MAISHA KUONGEZA USHINDANI KATIKA SOKO LA MAZAO BAHARI KIMATAIFA

Na Mwandishi Wetu.

Mradi wa Bahari Maisha unaotekelezwa na Chuo cha Mipango ya Maendeleo Vijijini kwa ufadhili wa Shirika la Maendeleo la Umoja wa Mataifa (UNDP) unatarajiwa kuongeza ushindani katika soko la mazao bahari kimataifa. 

Hayo yamebainishwa na Mwakilishi Mkazi wa Shirika la Maendeleo la Umoja wa Mataifa Tanzania (UNDP), Shigeki Komatsubara katika hafla ya kukabidhi makaushio na mashine za kusaga zao la mwani, pamoja na vifaa vya kuwawezesha wakulima wa mwani, na wafugaji wa jongoo bahari na kaa iliyofanyika juzi, jijini Dar es salam.

 

Komatsubara amesema kupitia Mradi wa Bahari Maisha changamoto nyingi zilizokuwa zikiwakabili wakulima wa mazao bahari kupitia mradi huo, (UNDP) limechukua hatua kwa kufadhili mafunzo ya uendeshaji wa kilimo, usimamizi wa vikundi, usimamizi wa fedha, kuongeza thamani ya mazao pamoja na masoko kwa vikundi vya wanawake na vijana.

“Leo tunatoa mashine nne zenye uwezo wa kusaga zao la mwani tani moja kwa saa na makaushio manne yenye uwezo wa kukausha mwani tani moja kwa mara moja pamoja na bando elfu mbili za kamba na bando elfu tatu za taitai,

"Hii ni katija kuwawezesha wakulima wa mwani na wafugaji wa kaa na jongoo bahari katika maeneo ya Tanga, Bagamoyo, Unguja na Pemba kuongeza mnyororo wa thamani wa mazao haya Kimataifa" sema Komatsubara.

Aidha amebainisha kuwa Shirika linaendelea kushirikiana na serikali kupitia Wizara ya Mifugo na Uvuvi na wadau mbali mbali wa maendeleo kuinua Uchumi wa Bluu hususani kwa makundi ya wanawake na vijana.

Kwa upande wake Mkuu wa Mkoa wa Tanga Balozi Dkt. Batilda Burian ameishukuru Serikali ya Jamhuri ya Muungano wa Tanzania pamoja na Serikali ya Mapinduzi ya Zanzibar kwa kuweka mkazo wa Uchumi wa Bluu, ambapo amebainisha kuwa Mkoa wa Tanga unaendelea kuimarisha uvuvu salama.

'Sambamba na hilo, pia kuhamasisha kilimo cha mwani pamoja na ufugaji wa jongoo bahari na unenepeshaji wa kaa, lakini pia tujiweka zaidi kwenye matumizi ya teknolojia ya kisasa katika zao la mwani ili kupata bidhaa mbali mbali zenye ubora" amesema.

Nae Katibu Mkuu wa Wizara ya Uchumi wa Bluu na Uvuvi wa Serikali ya Mapinduzi ya Zanzibar Kepteni Hamad Hamad amelishukuru (UNDP) pamoja na Chuo cha Mipango kwa mradi huo kwani unawagusa moja kwa moja kiuchumi wananchi wa Zanzibari.

Kwa upande wa Naibu Katibu Mkuu wa Wizara ya Mifugo na Uvuvi wa Serikali ya Jamhuri ya Muungano wa Tanzania Dkt. Edwin Mhende amebainisha kuwa uzalishaji wa zao la mwani unaendele kukua kutoka tani elfu tatu mwaka 2021 hadi kufikia tani elfu tisa kwa mwaka huu 2024 ikiwa ni ongeezeko la asilimia 166.67, hivyo kwa niaba ya serikali ameahidi ushirikiano madhubuti kwa wadau wa maendeleo.

Awali akitoa taarifa ya utakelezaji wa Mradi huo wa Bahari Maisha Mkurugenzi wa Kituo cha Mafunzo cha Kanda ya Ziwa – Mwanza, Chuo cha Mipango ya Maendeleo Vijijini Profesa Juvenal Nkonoki amesema mradi huo unaotekelezwa na Chuo ni matokeo ya tafiti iliyofanywa kwa wakulima wa mazao bahari na kubaini changamoto kadhaa zinazowakabili wakulima hao. 

Amezitaja changamoto hizo kuwa ni pamoja na mbinu duni na ukosefu wa vifaa vya kisasa, hivyo chuo kwa kushirikiana na UNDP waliandaa programu maalumu ya mafunzo elekezi ya uendeshaji wa kilimo cha kisasa, usimamizi wa vikundi.

"Lakini pia programu hiyo iliandaa usimamizi wa fedha, kuongeza thamani ya mazao pamoja na masoko ambapo zaidi ya wakulima na wafugaji 350 wa mazao bahari katika maeneo ya Unguja, Pemba, Tanga, na Bagamoyo wamenufaika na mafunzo hayo" amesema.

Read More →

OUT YATOA MAFUNZO KUIMARISHA UFUATILIAJI NA USIMAMIZI WA MIRADI SERIKALINI

Mafunzo ya ufuatiliaji na tathmini yanayoendeshwa na Chuo Kikuu Huria cha Tanzania kwa watumishi wa mamlaka za serikali za mitaa pamoja tawala za mikoa yanatarajiwa kuimarisha usimamizi pamoja na ufuatiliaji wa maendeleo ya miradi inayowekezwa na serikali katika kupeleka shughuli za maendeleo kwa wananchi kwa kuwa watumishi katika idara hizo watakuwa wameimarika vyema.

Rai hiyo imetolewa na Kaimu Mkurugenzi kitengo cha Ufuatiliaji na Tathimini, Ofisi ya Rais TAMISEMI, Ndg. Mussa Otieno, wakati akifungua mafunzo ya awamu ya pili ya Ufuatiliaji na Tathmini akimuwakilisha Katibu Mkuu OR-TAMISEMI Mh. Adolf Ndunguru, jijini Dodoma.

“Serikali inatumia bajeti kubwa katika mamlaka za serikali za mitaa, baada ya mafunzo haya tunaamini kila mmoja atakuwa ameimarika na atakuwa na uwezo wa kutimiza malengo yanayotakiwa katika maswala ya ufuatiliaji na tathmini ili miradi ya serikali iendane na malengo yaliyopangwa. Tukatumie vyema utaalam tutaopata hapa na tukawashirikishe na wenzetu tunaofanya nao kazi pamoja ili kuwa na timu nzuri kwa ajili ya kuimarisha ufuatiliaji na tathmini katika halmashauri tunazotoka,” amesema Ndg. Otieno.

Aidha, Mkurugenzi wa Idara ya Ufuatiliaji na Tathmini wa Utendaji wa serikali, ofisi ya Waziri Mkuu, Bi. Sakina Mwinyimkuu, amesema serikali za mitaa ndiyo mtekelezaji mkubwa wa shughuli za serikali, karibu 70% ya shughuli zote za serikali zinatekelezwa na mamlaka ya serikali za mitaa hivyo washiriki wa mafunzo haya ya ufuatiliaji na tathmini wanatarajiwa kuiongezea uwezo serikali kufikia malengo yake ya kitaifa ikiwemo dira ya maendeleo.

“Chuo Kikuu Huria cha Tanzania ni mdau anayetusaidia kujengea uwezo taasisi za umma katika ufuatiliaji na tathmini, serikali za mitaa ndiyo watekelezaji wa shughuli za serikali na ndiyo wanaotoa picha ya utendaji wa serikali kwa jamii. Hili ni eneo linaloweza kuwabadilisha mitizamo ya wananchi na kuwajengea imani kwa serikali yao kwa kuona inasimamia vyema utekelezaji wa sera, miradi na mipango. Hivyo mafunzo haya yatawasidia simamia vyema utekelezaji wa miradi mbalimbali inayoibuliwa na halmashauri na mingine ya kitaifa inayotekelezwa katika halmashauri,” amesema Bi. Mwinyimkuu.

Mratibu wa Mafunzo na Mhadhiri Mwandamizi kutoka Chuo Kikuu Huria cha Tanzania, Dkt. Emmanuel Mallya amesema chuo hiki kwa kushirikiana na ofisi ya Waziri mkuu kuimarisha mifumo ya ufuatiliaji na tathmni nchini hivyo kinaendesha mafunzo haya ili warudipo basi serikali ishuhudie mabadiliko makubwa ambayo yanalenga kuimarisha utendajikazi hasa katika upande wa ufuatiliaji na tathmini.

Mwenyekiti wa washiriki wa mafunzo hayo na Katibu Tawala msaidizi sehemu ya Usimamizi, Ufutiliaji na Ukaguzi kutoka ofisi ya mkuu wa mkoa wa Simiyu, Ndg. Pius Ngaiza, amekipongeza Chuo Kikuu Huria cha Tanzania kwa kuitendea haki nafasi waliyopewa ya kutoa mafunzo haya kwani wengi walikuwa wanafanya tathmini na ufuatiliaji katika namna ambayo ilileta shida hasa katika ukaguzi, mafunzo haya yamewaimarisha na wanaamini kazi sasa itafanyika kwa kufuata mfumo unaotakiwa kiofisi na hata kitaifa.

Mafunzo haya ni mwendelezo wa mafunzo ya awali yaliyoendeshwa katika jiji la Arusha kanzia Oktoba 7, 2024 hadi Oktoba 11, 2024, ambapo baada ya mafunzo haya yaliyohudhuriwa washiriki 90 kutoka mikoa takriban 13 ambayo kiujumla inakuwa 70% ya halmashauri, manispaa na majiji yote nchini kupata mafunzo haya ya ufuatiliaji na tathmini.

Read More →