WANANCHI ZAIDI YA 2,300 WAMPONGEZA RAIS SAMIA KUWAJENGEA SHULE MPYA YA NYAMAGOMA - NGARA

Elimu ni ufunguo wa maisha, Wakati kwako wewe linaweza kuwa jambo la kawaida kuona shule zikiwa karibu yako, kwa wakazi wa Ngara Kata ya Nyamagoma wanafunzi walilazimika kutembea umbali mrefu wa zaidi ya KM 40 kila siku kufata elimu ya Sekondari ili waweze kutimiza ndoto zao za maisha ya baadae.

Jitihada mbalimbali zimekuwa zikichukuliwa na viongozi na Mnamo mwaka 2020, Mhe. Ndaisaba Ruhoro ambaye ni mbunge wa Jimbo la Ngara na Diwani wa Kata hiyo Mh Laurent Msongalele walitoa ahadi ya kuwajengea shule ya sekondari iwapo wangechaguliwa kuongoza katika nafasi walizo ziomba na hatimae wakaibuka kidedea ndipo Mbio zikaanza za kutekeleza ahadi zao kupitia ilani ya Chama Cha Mapinduzi (CCM).

Pamoja na mambo mengine ya kimaendeleo ambayo yamefanyika Mbunge huyo kijana ameendelea kuwa na kiu ya kuwaletea wanangara maendeleo kupitia Maswali na Michango yake bungeni pamoja na Mbio za Kumkimbilia Mama wa Taifa na Rais wa Jamuhuri ya Muungano wa Tanzania Dkt. Samia Suluhu Hassan ambae alikubali na kutoa TZS 584,000,000M kufanikisha ujenzi wa shule hiyo.

Ujenzi ulipo kamilika, wananchi walimuomba Mbunge wao kuwasaidia kufanya Sherehe ya Kuwapongeza viongozi wao akiwemo Rais Samia ambae ametoa fedha za kufanikisha ujenzi wa shule hiyo. Mbunge aliridhia ombi hilo na kutoa TZS 5,600,000.00 cash na Mchele kilo 100. Wananchi wamechangia kilo za mchele 650kg, Ng’ombe 4 ambapo wananchi zaidi ya 2,300 walihudhuria na kupata chakula cha kutosha kwa vifijo na nderemo huku wakimwaga pongezi nyingi kwa Rais, Mbunge na Diwani kwa kuwafanyia kazi Nzuri sana.

Ikumbukwe kuwa wanafunzi walilazimika kupita katika eneo lenye milima, Mabonde na ukosefu wa Usafiri, elimu ya Sekondari ilikuwa ni Mateso makubwa kwao na wengi hawakuweza kuhitimu kidato cha nne hivyo kwa furaha hiyo Wananchi hao wameadhimia kuhakikisha wanawachagua viongozi wao hao hao ambao wameweza kutatua kero zao.

Read More →

TAWA YAANZA UTEKELEZAJI WA MAAGIZO YA SERIKALI MAADHIMISHO YA MIAKA 63 YA UHURU

Na.Joyce Ndunguru, Morogoro

Kuelekea maadhimisho ya miaka 63 ya Uhuru wa Tanganyika, leo Desemba 7, 2024 Mamlaka ya Usimamizi wa Wanyamapori Tanzania (TAWA) imefanya usafi wa mazingira katika kituo cha Afya Kingolwira kilichopo Mkoani Morogoro.

Akizungumza baada ya kumalizika kwa usafi wa kituo hicho cha afya, Afisa Mhifadhi Mkuu ambaye pia ni Kaimu Mkuu wa Kitengo cha Uhifadhi, Utafiti na Ujirani Mwema, Omary Msangi amesema kuwa TAWA imetekeleza maelekezo yaliyotolewa na Rais wa Jamhuri ya Muungano wa Tanzania Mhe.Dkt.Samia Suluhu Hassan kupitia Waziri Mkuu, Mhe. Kasim Majaliwa alipozitaka Taasisi zote za Serikali kushehereka maadhimisho ya miaka 63 ya Uhuru kwa kufanya shughuli za kijamii.

"Sisi kama TAWA katika kuunga mkono maelekezo ya Serikali tumechagua kuja katika kituo cha Afya Kingolwira kwa lengo la kufanya usafi wa mazingira yanayoizunguka kituo hiki"Wananchi Mhifadhi Msangi.

Aidha, Msangi ametoa rai kwa wananchi kuendelea kuunga mkono jitihada za Serikali katika kuhifadhi rasilimali za wanyamapori, misitu na mazingira kwa ujumla.

Naye, Mwakilishi wa Mganga Mfawidhi wa Kituo cha Afya Kingolwira, Dkt. Leonard Wambura ameishukuru TAWA kwa kununua vifaa vya usafi sambamba na kufanya usafi wa mazingira katika kituo chao.

" Ninawashukuru sana TAWA kwa nia yao nzuri ya kuja kuadhimisha miaka 63 ya Uhuru wa Tanganyika katika kituo chetu na tunawakaribisha tena wakati mwingine"

Aidha, Dkt. alishukuru Serikali kwa kuendelea kuboresha vituo vya afya, vilevile alitoa rai kwa wananchi wa Morogoro kuja kuendelea kuchangia damu kwa ajili ya kuendelea kuokoa Maisha ya mama na mtoto.

Ikumbukwe hivi karibuni pamoja na maelekezo mengine Waziri Mkuu wa Tanzania Mhe. Kassim Majaliwa (Mb) alielekeza maadhimisho ya miaka 63 ya Uhuru wa Tanzania yafanyike Kwa ngazi ya Mikoa na Wilaya zote nchini Kwa kufanya shughuli za kijamii zikiwemo upandaji miti, usafi wa mazingira katika maeneo ya kijamii kama vile hospitali, masoko, kambi za wazee na wenye uhitaji maalumu.

Read More →

MHANDISI JAMES JUMBE AANDIKA HISTORIA: AHITIMU SHAHADA YA UZAMILI KATIKA USIMAMIZI NA UONGOZI NA KUPATA MAFANIKIO MAKUBWA

**Mhandisi James Jumbe Ahitimu Shahada ya Uzamili kwa Mafanikio Makubwa**

Mhandisi James Jumbe ameandika historia kwa kuhitimu Shahada ya Uzamili (Masters) ya Usimamizi na Uongozi wa Miradi kutoka Chuo cha Tanzania Institute of Project Management  akiwa na mafanikio ya kipekee. 

Akifurahia matokeo yake, Mhandisi Jumbe ameibuka miongoni mwa wahitimu bora zaidi wa mwaka 2023/24, akipata daraja la kwanza kwa GPA ya 4.6, ambayo ni miongoni mwa matokeo bora kabisa katika historia ya chuo hicho.

Mhandisi Jumbe, ambaye ameonyesha juhudi na ubora katika masomo yake, anasema kuwa mafanikio haya ni matokeo ya kazi ngumu, ushirikiano na walimu, pamoja na juhudi za ziada katika kushiriki katika miradi mbalimbali ya masomo.

 "Nimejivunia kufika hapa, lakini ni hatua moja tu katika safari yangu ya kujifunza na kuchangia maendeleo ya miradi katika sekta mbalimbali," amesema Mhandisi Jumbe.

Kwa mafanikio haya, Mhandisi Jumbe anajiweka katika nafasi nzuri ya kuongoza na kusimamia miradi mikubwa, huku akionyesha uongozi bora na ufanisi katika mazingira ya kisasa ya usimamizi wa miradi. 

Wengi wanatarajia kuona mchango wake mkubwa katika sekta ya miradi na maendeleo, huku akivutia wengi kama mfano wa kujituma na uvumilivu.

Read More →

HAYA HAPA MAGAZETI YA LEO JUMAPILI DESEMBA 8,2024

 

Magazeti

 

   

Read More →