SHUWASA YASAINI MKATABA WA BILIONI 9 NA GOPA INFRA KUIJENGEA UWEZO KUBORESHA HUDUMA ZA MAJI SAFI NA USAFI WA MAZINGIRA

Mkurugenzi Mtendaji wa SHUWASA, Mhandisi Yusuph Katopola (kushoto) na Mkurugenzi Mkaazi wa Kampuni ya Gopa Infra, Stefan Doerner wakionesha Mkataba wa Kuijengea Uwezo SHUWASA  baada ya kutia saini.

Na Kadama Malunde- Malunde 1 blog

Mamlaka ya Majisafi na Usafi wa Mazingira Shinyanga (SHUWASA) imetia saini Mkataba wa Kuijengea Uwezo, baina yake na Mhandisi Mshauri Kampuni ya Gopa Infra ya nchini Ujerumani ikishirikiana na Kampuni ya Superlit Consulting Ltd ya nchini Tanzania.

Mkataba huu wenye thamani ya shilingi bilioni 9 utalenga kuijengea uwezo SHUWASA na wafanyakazi wake ili kuboresha huduma za maji safi na usafi wa mazingira.

Mkataba huo umesainiwa katika ukumbi wa SHUWASA leo, Jumatatu, Novemba 4, 2024 kati ya Mkurugenzi wa SHUWASA Mhandisi Yusuph Katopola na Mkurugenzi Mkaazi wa Kampuni ya Gopa Infra, Stefan Doerner.

Akizungumza mara baada ya kusaini Mkataba huo, Mkurugenzi Mtendaji wa SHUWASA, Mhandisi Yusuph Katopola, ameeleza kuwa mkataba huo ni wa miaka minne ikiwa ni sehemu mojawapo ya utelekezaji mradi mkubwa wa Majisafi na Usafi wa Mazingira Shinyanga unaofadhiliwa na Shirika la Maendeleo la Ufaransa (AFD) kwa ushirikiano na Serikali ya Jamhuri ya Muungano wa Tanzania wenye thamani ya Euro Milioni 76.

“Mhandisi Mshauri huyu atakwenda kutekeleza sehemu mojawapo ya mradi mkubwa wa AFD ambayo ni kuijengea uwezo taasisi, kwanza kufahamu ni maeneo gani yanayohitaji kujengewa uwezo kwa taasisi, watumishi na sehemu zingine katika uboreshaji wa utoaji wa huduma za majisafi na usafi wa mazingira,” amesema Mhandisi Katopola.

Mkurugenzi Mtendaji wa SHUWASA, Mhandisi Yusuph Katopola (kushoto) na Mkurugenzi Mkaazi wa Kampuni ya Gopa Infra, Stefan Doerner wakipongezana baada ya kusaini Mkataba wa Kuijengea Uwezo SHUWASA 

Mhandisi Katopola ameongeza kuwa Mhandisi Mshauri huyo pia ataisaidia SHUWASA katika kusimamia sehemu zingine za utekelezaji wa mradi wa AFD.

Amesisitiza umuhimu wa ushirikiano na kampuni ya GOPA Infra na Superlit Consulting Ltd katika kuhakikisha malengo ya serikali yanatimizwa hasa katika kufikia asilimia 95 ya upatikanaji wa huduma za maji katika maeneo ya mjini na asilimia 85 katika vijiji.

Kwa upande wake Mkurugenzi Mkaazi wa Kampuni ya Gopa Infra, Stefan Doerner, ameonesha kufurahishwa baada ya kupata fursa ya kufanya kazi nchini Tanzania na kuahidi kusaidia kuijengea uwezo SHUWASA katika kuhakikisha inatoa wa huduma bora za majisafi na usafi wa mazingira.

Mkurugenzi Mkaazi wa Kampuni ya Gopa Infra, Stefan Doerner 

“Mtaji wa watu wenye ujuzi na maarifa ni muhimu katika utekelezaji wa mradi huu. Ni muhimu kuwajengea uwezo wafanyakazi wa SHUWASA na Menejimenti kwa ujumla,” amesema Doerner.

Ameongeza kuwa kampuni yake ina uzoefu mkubwa katika kutekeleza miradi mbalimbali duniani.

Mkurugenzi wa Kampuni ya Superlit Consulting Ltd, Mhandisi Fortunatus Kasimbi, amethibitisha ushirikiano wao na GOPA Infra katika mkataba huo, ukilenga kuwajengea uwezo SHUWASA kwa ujumla.

Amesema watashirikiana kwa karibu kuhakikisha shughuli zinaenda vizuri, kwa ufasaha na ubora unaotakiwa.

“Tutaangalia mifumo iliyopo na kuimarisha ili SHUWASA iweze kujitegemea katika kutekeleza shughuli zake katika kiwango cha kimataifa,” ameongeza Mhandisi Kasimbi.

Mkurugenzi wa Kampuni ya Superlit Consulting Ltd, Mhandisi Fortunatus Kasimbi akizungumza wakati wa hafla ya kusaini Mkataba wa Kuijengea Uwezo SHUWASA

Itakumbukwa kuwa mnamo Juni 6 2022 Serikali ya Tanzania na Shirika la Maendeleo la Ufaransa (AFD), zilitia Saini Mkataba wa Ufadhili wa mkopo wa riba nafuu kwaajili ya mradi mkubwa wa Majisafi na Usafi wa Mazingira Shinyanga ambao unahusisha kuijengea uwezo taasisi, ujenzi wa mtandao wa majisafi kilomita 287 ukarabati wa mtandao chakavu wa majisafi kilomita 100 na ujenzi wa matangi mawili (Kolandoto-lita 1,500,000 na Didia- lita 250,000).

Aidha, mradi huo unahusisha pia ujenzi wa mitambo minne ya kuchakata tope kinyesi-miwili katika Manispaa ya Shinyanga (Mwagala na Ihapa) na miwili katika Halmashauri ya Wilaya ya Shinyanga (Kituli na Iselamagazi).

Pia unahusisha ukarabati mkubwa wa mtambo wa kutibu maji Ning’hwa na kufanya tathmini ya ufanisi wa Bwawa la Ning’hwa.

Mkurugenzi Mtendaji wa SHUWASA, Mhandisi Yusuph Katopola (kushoto) na Mkurugenzi Mkaazi wa Kampuni ya Gopa Infra, Stefan Doerner wakisaini Mkataba wa Kuijengea Uwezo SHUWASA leo Jumatatu Novemba 4,2024 - Picha na Kadama Malunde

Mkurugenzi Mtendaji wa SHUWASA, Mhandisi Yusuph Katopola (kushoto) na Mkurugenzi Mkaazi wa Kampuni ya Gopa Infra, Stefan Doerner wakipongezana baada ya kusaini Mkataba wa Kuijengea Uwezo SHUWASA 

Picha ya pamoja baada ya kusaini Mkataba wa Kuijengea Uwezo SHUWASA 

Mkurugenzi Mkaazi wa Kampuni ya Gopa Infra, Stefan Doerner akizungumza baada ya kusaini Mkataba wa Kuijengea Uwezo SHUWASA

Mkurugenzi Mtendaji wa SHUWASA, Mhandisi Yusuph Katopola akizungumza baada ya kusaini Mkataba wa Kuijengea Uwezo SHUWASA

Mkurugenzi Mtendaji wa SHUWASA, Mhandisi Yusuph Katopola akizungumza wakati wa kusaini Mkataba wa Kuijengea Uwezo SHUWASA

Mkurugenzi Mtendaji wa SHUWASA, Mhandisi Yusuph Katopola akizungumza wakati wa kusaini Mkataba wa Kuijengea Uwezo SHUWASA

Mkurugenzi Mkaazi wa Kampuni ya Gopa Infra, Stefan Doerner akizungumza wakati wa kusaini Mkataba wa Kuijengea Uwezo SHUWASA

Mshauri Mkuu wa Mshauri wa Kampuni ya GOPA Infra, Dirk Schiemenz akizungumza wakati wa hafla ya kusaini Mkataba wa Kuijengea Uwezo SHUWASA - Picha na Kadama Malunde - Malunde 1 blog

Read More →

TANZANIA YATAJWA KATI YA MATAIFA 10 BORA BARANI AFRIKA KWA MIUNDOMBINU YA BARABARA

Tanzania imetajwa kuwa kati ya mataifa 10 bora barani Afrika ambayo yana miundombinu bora zaidi ya barabara.

Taarifa hizi zinakuja ikiwa Serikali ya Awamu ya Sita chini ya Rais wa Jamhuri ya Muungano wa Tanzania, Dkt. Samia Suluhu Hassan imewekeza fedha nyingi katika ujenzi wa miundombinu ya barabara kuanzia mijini hadi vijijini.

Uwekezaji huo unalenga kuwarahisishia wananchi, kufanya shughuli zao za kiuchumi ikiwemo usafirishaji kwa urahisi ili kuharakisha maendeleo yao na Taifa kwa ujumla.

Kwa mujibu wa ripoti iliyotolewa na mtandao wa Statista huku ikichapishwa na businessinsider, Tanzania katika 10 bora hizo ipo nafasi ya tisa ikiwa na alama 4.41.

Read More →

URAIA PACHA NI HATARI KWA USALAMA WA TAIFA LETU

John Francis Haule

****

 Wengi tuliofika elimu ya sekondari tumejifunza  kwa kiasi maana ya uraia na dhana ya uraia pacha( dual citizenship)  na katika nchi yetu Tanzania    uraia wa Tanzania unasimamiwa na sheria  ya mwaka 1995 sura no 357 na imerekebishwa mwaka 2002 na  inaenda sambamba na kanuni  uraia ya mwaka 1997.

Sheria imeainisha wazi aina za uraia Tanzania ni tatu

 (A)Uraia wa kuzaliwa( citizenship by birth)                                                       (  B  ) Uraia kwa  kurithi ( citizenship by   registration)          

 (  C)Uraia  wa  tajinisi (citizenship by Naturalization)

Kwa mujibu wa haki za binadamu  kila mtu yuko huru  kufanya maamuzi hasa yanayohusu maisha yake hata  kujiamulia wapi pakuishi.  Wengi tuna  fahamu maana ya  liberty  as freedom  of an individual to live as you wish. Kwa tafsiri fupi  ni hali ya uhuru wa mtu kuishi kwa namna anavyoona inafaa .Hivyo mtu kuzaliwa katika taifa flani hakukulazimu kuendelea kuwa raia wa nchi asilia kwa maisha yako yote.

Kupitia dhana hii ya uhuru  ndio ina jenga msingi wa kuwa na hili suala la uraia pacha. ama hata kuamua kwa hiari kuwa urai wa nchi yeyote ambayo unaona inafaa kuishi na kujenga familia. Mfano  wengi raia wa mataifa hususani ya Afrika wana penda kwenda marekani ama  nchi za  ughaibuni  na hatimaye wengi wanachukua uraia wa nchi hiyo ya Amerika mfano mwana blogger  maarufu hapa Tanzania anayefahamika kwa jina la MANGE KIMAMBI ambaye  amechukua  uraia wa Amerika na sasa ni Mmarekani akifurahia haki za Kimarekani ila asili yake ni uchagani hapa Tanzania

 Pia ifahamike wazi kuwa mtu kuamua kuwa raia wa nchi nyingine na kukana uraia wako wa nchi  asili sio USALITI  bali ni haki ya kiutashi na  kutumia uhuru wake. 

Sote tunafahamu kuwa hii Dunia ni moja na hii  mipaka ya kiutawala imewekwa ili kurahisisha  shughuli za utawala na himaya . mfano bara la Afrika liligawanywa mnamo 1885 baada ya mkutano wa Berlin ili kukidhi matakwa ya  ma BEBERU  walio kuwa wakigombania  mali na kukuza himaya zao hapa Afrika (SCRAMBLE AND PARTITION) Hata  Geography inaeeleza kuwa  dunia yote ili kuwa pande moja la ardhi ila liligawanyika kutokana na nguvu (kani ya mvutano) ya asili na kuzalisha mabara 7 ambayo ukiyaweka pamoja yana kuwa sawa (Gig saw fit evidence)

Vitabu vitakatifu vinabainisha  kuwa  MUNGU alimuumba ADAM  na akaona si vema Adam awe peke yake akatoa ubavu na kumuumba EVA .(ADAM NA HAWA) sasa kama  sote ni matokeo ya uzao wa Adam na Eva  kwa nini tusiwe huru kuwa na uraia wa nchi zaidi  ya moja   na kuwa na haki zote zinazotolewa na nchi hizo. Hivyo uraia   pacha ni haki ya asili ya kila binadamu japo inapaswa kuwa na utaratibu mzuri wa kuiweka.

NINI MAANA YA URAI PACHA? Kwa ufupi ni  hali ya mtu kuwa raia au mwananchi anayetambulika kisheria na nchi zaidi ya mbili na kuwa na haki zote za kisheria. Tofauti kati ya uraia pacha na diaspora.

DIASPORA  ni raia wanao ishi nje ya taifa la asili ila hawajakana  utaifa wao ,wanaweza wakawa masomoni, Ama wana fanya shughuli flani  hivyo diapora ni wazalendo wa kweli wana manufaa kwa taifa letu ikiwemo  kukuza na kueeneza Kiswahili mfano huko nchini China kuna diaspora wengi wana fundisha Kiswahili. Wanaimarisha diplomasia ya kiuchumi (economic diplomacy) kwa kuhamasisha watalii na technolojia. Pia wana tuma fedha kwa ndugu jamaa na marafiki ambapo nchi inapata kodi hivyo wanaongeza pato la taifa na kuongeza makusanyo ya kodi  hivyo serikali imeweka mfumo mzuri wa kuwa saidia diaspora kwa kuwapa hadhi maalumu.

HADHI MAALUMU: Kwakuwa  suala la uraia pacha limekuwa kizumngumkuti na bado halina muafaka hivyo serikali kwa kutambua umuhimu na mchango wa raia wenye asili ya Tanzania iliamua  kwa hiari kuwa raia wa mataifa mengine imekuja na mbadala wa kuwa na hadhi malum  ambapo wata kuwa na  haki flani  ,ikiwemo  kuwa na vitamblisho maalum na kufanya uwekezaji hasa ule wa kimkakati mfano kuanzisha viwanda na taasisi zinazoweza kusaidia jamii na nchi kwa ujumla.

Hadhi malumu itasaidia  kuongeza pato la taifa  kupitia ushuru wa kurudi nyumbani pia itahuisha hali ya kuleta maarifa  nyumbani (technological transfer).

Kiukweli nyumbani ni nyumbani hata kama mtu akiukana uraia wa nchi asilia inakuwa tu ili  kukidhi vigezo vya kupata uraia wa taifa husika dhumuini ni kuhakikisha maslahi ya mhusika yanafikiwa kwa mujibu wa sheria za nchi husika lakini moyo na dhamira inabaki kuwa kwenye taifa  la asili,hivyo hadhi maalum kwa wale walio chukua uraia wa nchi nyingine ni kitu cha kupongezwa.  Ni sawa na mtu ambaye ameweka makazi yake mjini lakini kila siku anawasiliana na watu wa nyumbani  hiyo tunaita home umbirical ties. Hivyo hadhi maalumu ni  mkakati mzuri wa kuwatumia hawa walio na uraia wa nchi hizo kwa maslahi ya taifa letu.

KWANINI  URAIA PACHA NI HATARI KWA USALAMA WA TAIFA LETU

Kwa mujibu wa somo la uraia (civics) Taifa lina undwa na vitu vii nne(components of Nation)

Watu (population)

Eneo la kiutawala(territory)

Mamlaka kamili ya kujitawala(sovereignity)

Kutambuliwa kimataifa(international recognition)       

Hivyo watu ni kitu muhimu sana kwa taifa lolote na watu hawa lazma waweze kuwa watiifu kwa mamlaka  na  utawala wa Taifa husika yani  soverenity of the state sasa ni vigumu sana kwa mtu kujigawanya kuwa mtiifu kwa mamlaka mbili.

Sheria  ya  uraia  ya Tanzania  kifungu  namba  357   ya mwaka 1995 inasema “Wote waliokana uraia wa Tanzania  watapoteza haki ya kuendelea kuwa raia wa Tanzania”

 Kama mtu akiwa na akili timamu bila kushinikizwa na yeyote akaamua kuukana uraia wa Taifa lake ni mtu wa kumuangalia kwa jicho la pekee sana. na sheria imeweka wazi kabisa ukiukana uraia na kuwa  raia wa nchi nyingine utakuwa umepoteza haki zote za kuwa Tanzania.

Hii sheria iko sawa sana ikiwa na dhumuni la kulinda usalama wa nchi yetu na heshima ya  Taifa huru linalojitawala bila kuingiliwa na taifa jingine(as sovereign state)

Kwa mujibu wa Profesa KABUDI PALLAMAGAMBA   akiwa bungeni alisema kuwa utafiti alioufanya unaonyesha  51% ya nchi duniani hazijaruhusu uraia pacha.

HATARI ZA URAIA PACHA KWA TAIFA

Una punguza uzalendo kwa Taifa la asili. Uzalendo ni hari ama hurka ya mtu kulipenda taifa lake kujitolea kulilinda na kulitetea katika mazingira mazuri na magumu mfano wakati wa vita wazalendo hupigana ili kulinda Taifa kwa hapa Tanzania mwaka 1978 tukiwa vitani zidi ya Nduli Amini Dada. Wazalendo walijitoa kulinda na kulitetea Taifa sasa kukiwa na raia wana uraia wa nchi mbili au zaidi  kiuhalisia huwezi simama  na taifa  na kulilinda na kulitetea. Hata historia inaonyesha 1938 huko Ujerumani  wa jewish waliamriwa kuondoka na walipokwa haki zote ikiaminika kuwa ni wasaliti wa taifa la ugerumani wakati wa vita vya pili vya dunia.  Kwa msingi huo uraia pacha ni hatari sana kwa usalama wa nchi yetu. Watu tuwe wazalendo tulipende taifa letu tujitoe.

 2..Unaondoa dhana ya utiifu kwa mamlaka ya nchi (Obedience to states sovereignity au loyality)  ili mtu uwe mtiifu ni lazima uwe na mamlaka moja unayo itii  hata kwenye Biblia  imenenwa you  can’t save two masters at once yaani huwezi watumikia mabwana wawili kwa pamoja. Kwenye hili ni dhahiri shairi kwamba mtu mmoja hawezi tii mamlaka za mataifa mawili kwa pamoja. Mfano raia mmoja mchezaji au msakata kabumbu anatakiwa na team ya taifa lake kuchezea team ya taifa  kwa muda huo huo ana inaitajika na taifa jingine atajigawaje  ili kutimiza wajibu huo kwa mataifa mawili kwa pamoja at once? Jibu ni kizungumkuti sasa nadhani  uraia pacha unahatarisha  hata maslahi ya nchi hivyo sheria yetu iko vizuri na iendelee kusimamiwa kama ilivyotungwa.

3..Inaondoa hadhi ya utaifa ama utambulisho wa taifa  (  National hood or Natinal identity) ni muhimu kujivunia kuwa na hadhi  ya taifa moja   sasa mtuu akiwa na uraia wa zaidi ya mataifa mawili akiiitaji kuji tambulisha ataijitambulisha kama raia wa nchi gani? Hata historia ina onyesha miaka ya 1880 kipindi cha ukoloni Taifa la Ufaransa likiwa na sera yake ya Assimilation policy wote waliokidhi vigezo walipewa kuwa raia wa Ufaransa wakiacha kuwa raia wa mataifa yao. Hii ni kukuza utaifa.na hata utamaduni wa taifa la asili una  dhoofikaa kwa  mtu kuwa na uraia wa nchi Zaidi ya moja. Hivyo tuendelee kusimamia sheria yetu  inayolinda  utaifa wetu.

   4…Unahatarishaa siri za taifa na desturi ya taifa.     Katika kila taifa kuna mambo ya wazi  kwa maslai mapamna ya taifa  na kuna idara nyeti za nchi zinaitajika kuongozwa na wazalendo wa kweli. Sasa uraia pacha unaweza sukumwa nahii  dhana ya haki zabinadamu ikapelekea  watu wenye uraia wa nchi mbili kufanya kazi katika vitengo nyeti mfano IKULU. Sasa hiyo kiuhalisia lazima ina weza vujisha siri za taifa kwa mataifa mengine ambayo hayana nia njema na taifa letu. Kwa msingi huo nimuhimu kueendelea na  huu utaratibu wa kuto ruhusu urai pacha hapa Tanzania.Pia hata raia ambao hawana asili ya Tanzania nao we have to be kin  Kwa kuwa umbirical  ties bado inaweza toa msukumo kwa siri za Taifa.Kwa hili tutoe pongezi kwa Viongozi wetu wakati wa ujenzi wa IKULU CHAMWINO walitumia wazalendo pekee kujenga majengo hayo maalum ya Taifa. Hivyo tuendelee na huu msimamo na sheria hii ni nzuri na ni ya kizalendo.

5. Unaondoa umoja wa kitaifa (Natinal unity and solidarity) Taifa letu nitaifa la  kijamaa ambalo lili asisi hii falsafa 1967 katika azimio la Arusha ambalo linaamini kuwa bina damu wote nisawa na kila mmoja astahili  heshima na kuthaminiwa utu wake . Na hii itikadi inadumu kwakuwa rai wa Tanzania wote tuko katika huu mwamvuli wa umoja na mshikamano na hii ideilojia itadhoofika endapo tuta ruhusu watu kuwa na  uraia pacha ambao hawatakuwa na morali ya kuenzi tunu hii muhimu ya Taifa

6.. Inaondoa  utambulisho wa taifa ikiwemo lugha. Taifa letu lina utambulisho wa Kiswahili kuwa lugha ya taifa  na tuna jivunia na kuitambulisha dunia kuwa Tanzania ndio chimbuko la lugha hii adhimu ya  Kiswahili na ni tamaduni pia sasa tukiruhusu uraia wa        pacha hao kama wameweza kuukana  uraia je? Kuhusu lugha watajivunia kweli? Hapa ni kuzuia  huu uraia pacha kwa nguvu zote na jitihada zote

   7.Unakanganya  mfumo wa mashtaka kwa wale wenye         makosa ya jinai  (it compromises judicial extradition or persecution) ikitokea mtu mwenye uraia pacha akawa ametenda makosa ya kijinai na akakimbia taifa moja na kwenda taifa jingine atahukumiwaje? Ili kuepukana na hili ni muhimu kuendelea kuukataa uraia pacha.

HITIMISHO

Kwa kuhitimisha uraia pacha hauna maslahi na faida kwa nchi ya asili zaidi sana ni maslahi ya mhusika tu ili akidhi vigezo vya kufikia matamanio yake ama malengo yake na sio malengo ya Taifa.

Malengo ya nchi yetu ni kuona Taifa hili linaendelea kuwa moja na linadumisha  misingi na miiko ya kihistoria na kuenzi MUUNGANO WETU .

          MAKALA HII IMEANDIKWA NA

JOHN FRANCIS  HAULE

;MKUU WA SOKO KUU  LA ARUSHA. (MARKET MASTER)

0756717987 AU 0711993907

EMAIL.haulej4@yahoo.com or haulej46@gmail.com

Read More →

TPDC YACHANGIA MILIONI 50 KUSAIDIA WATOTO WENYE UHITAJI WA MATIBABU JKCI

Shirika la Maendeleo ya Petroli Tanzania (TPDC) limechangia kiasi cha shilingi milioni 50 kwa Taasisi ya moyo ya Jakaya Kikwete (JKCI) kwa lengo la kusaidia watoto wenye uhitaji wa Matibabu ya moyo.

TPDC imechangia fedha hizo kwenye hafla ya uchangishaji fedha kusaidia watoto 1500 wenye matatizo ya moyo.

Mgeni rasmi katika hafla hiyo ni Rais Mstaafu wa awamu ya nne Mhe. Dkt.Jakaya Mrisho Kikwete.

Tukio hilo limefanyika jana tarehe 02.11.2024 , Johari Rotana Jijini Dar es salaam.

Read More →

Ni Leo!! USIKU WA WADAU SHUPAVU NA TUZO ZA MDAU SHUPAVU KAHAMA MSIMU WA NNE

 

Habari Wadau Shupavu!

Mimi ni Sir Bweichum HolySmile, Mkurugenzi wa Taasisi ya HolySmile na Mwanzilishi wa Jukwaa la Mdau Shupavu. Nina furaha kubwa kuwaalika kwenye hafla yetu maalum ya USIKU WA WADAU SHUPAVU WILAYA YA KAHAMA, itakayofanyika tarehe 3 Novemba 2024 katika ukumbi wa kifahari, Zakaria (Miligo Hall).

Usiku huu ni wa kipekee, ukiwa na lengo la kutambua michango ya Wadau Shupavu kutoka Wilaya ya Kahama na Halmashauri zake ndani ya Mkoa wa Shinyanga. Tutasherehekea kwa pamoja na kuonesha heshima kwa wadau ambao wameleta mabadiliko makubwa kwa jamii yetu kwa kutoa tuzo, hati za pongezi, na heshima kwa wadau wote wa kipekee.

- ⏰ Muda: Kuanzia saa 12:00 jioni 

- 📍 Mahali: Zakaria (Miligo Hall)

➡️ KIINGILIO:

1. Mtu mmoja: 50,000 TZS 

2. VIP: 100,000 TZS

3. Meza ya watu 5 (VVIP): 500,000 TZS

4. Meza ya watu 12 (VVIP): 1,000,000 TZS

Malipo yanaweza kufanyika kupitia:

- NMB A/C No: 30610057561 - Jina: HOLYSMILE

- Lipa Namba (Voda): 57845152 - Jina: HOLYSMILE

Kushiriki kwenu kutakupa fursa ya kupata connection, branding, chakula cha jioni, burudani na viburudisho vya hali ya juu.

Tiketi ni chache sana! Tunakuhimiza kuweka nafasi yako sasa kwa kutuma malipo na kututumia ujumbe kwa maelezo zaidi au kuhakikisha nafasi yako kwa kutupigia simu kwa 0756254146. Karibuni tusherehekee na kuwatambua Wadau Shupavu wa kweli kwa pamoja!

Mgeni Rasmi wa hafla hii anatarajiwa kuwa Mheshimiwa Mkuu wa Mkoa wa Shinyanga, Mhe. Anamringi Macha.

Karibuni tusherehekee na kuwatambua Wadau Shupavu wa kweli kwa pamoja!

Tafadhali sambaza tangazo hili kwa Wadau Shupavu wote na uwe sehemu ya usiku huu wa heshima.

Read More →

HAYA HAPA MAGAZETI YA LEO JUMAPILI NOVEMBA 3,2024

 

   

Read More →

DC MKUDE AAGIZA ELIMU YA ULIMAJI WA PAMBA KWA WANACHAMA WA AMCOS KISHAPU

Mkuu wa Wilaya ya Kishapu, Mkoani Shinyanga, Mhe. Joseph Mkude

Na Sumai Salum - Kishapu

Mkuu wa Wilaya ya Kishapu, Mkoani Shinyanga, Mhe. Joseph Mkude, amevitaka Vyama vya Msingi vya Ushirika (AMCOS) wilaya ya Kishapu kutoa elimu kwa wanachama kuhusu ulimaji sahihi na kanuni bora za utunzaji wa pamba katika msimu wa kilimo wa 2024/2025.

Akizungumza katika kikao cha Vyama vya Msingi vya Ushirika (AMCOS) wilaya ya Kishapu kilichofanyika Novemba 1, 2024, katika ukumbi wa SHIRECU, Mkude amesema  pamba ni zao la kimkakati na matarajio ni kuongeza pato la wilaya, mkoa, na taifa kupitia zao hilo.

"Kishapu tunasifika kwa ulimaji wa pamba, lakini kuna baadhi ya wakulima wameonekana wakimwaga pamba chini. Hii inadhihirisha kuwa hawajui thamani ya zao hilo. Natoa maelekezo kwa Afisa Ushirika na viongozi wa vyama vyote kuhakikisha wanatoa elimu kwa wanachama kuanzia kwenye maandalizi ya mashamba hadi kuvuna," amesema Mkude.

Aidha, Mkude ameeleza kuwa ataunda tume ya uchunguzi kuhusu madai ya uwepo wa mchanga kwenye pamba zinazopelekwa viwandani, akimtaka Afisa Ushirika kuitisha kikao baada ya uchaguzi wa serikali za mitaa mwezi Novemba, ikijumuisha AMCOS, SHIRECU, kampuni zinazonunua pamba, na Wakala wa Vipimo.

Amesema pia ipo changamoto ya wakulima kupewa malipo pungufu, akitoa ushauri kwa wanachama kununua mashine za kisasa za kuhesabia fedha ili kuboresha usimamizi wa fedha zao.

"Ni muhimu kuwa na uwazi katika matumizi ya fedha," ameongeza Mkude.

Katika hatua nyingine, ameweka wazi kwamba serikali imeanzisha mipango ya kuwasaidia wakulima kwa kutoa pembejeo, viuatilifu, na matrekta 16, ambayo tayari yanatumika katika maeneo yasiyolimika wakati wa mvua. 

"Tunatoa wito kwa wakulima kuendelea kulima na kuandaa mashamba mapya," amesema.

"Tunaanza na maeneo chepechepe na sehemu zote zilizoomba kulimiwa zitafikiwa ikiwemo Bubiki na Bunambiyu kisha tutapeleka maeneo mengine, nitoe wito endeleeni kulimia ng'ombe kabla hatujafika huko na baadaye tutayagawa kwa mujibu wa sheria ili yawanufaishe na pia wawekezaji wasaidie kuinua zao la pamba kwa kutuletea zana za kilimo", ameongeza Mkude.

Kwa upande wake, Mwenyekiti wa Chama Cha Mapinduzi (CCM) wilaya ya Kishapu, Shija Ntelezu, amemtaka Afisa Ushirika Faraji Kimwaga kukusanya takwimu za wale walikatwa fedha kwa madai ya pamba kuwa na mchanga, na kwamba tume itakayoundwa itafuatilia madai hayo kwa vielelezo maalumu.

Meneja wa SHIRECU, Kanda-Mhunze Ramadhani Kato, amesisitiza umoja kati ya wanachama wa AMCOS ili kupunguza changamoto mbalimbali, huku akiiomba serikali kuleta wanunuzi wengi wa pamba ili kuwepo kwa ushindani mzuri.

Katika kikao hicho, wanachama walieleza wasiwasi wao kuhusu baadhi ya makampuni ya pamba kuwakata kilo kadhaa kwa madai ya mchanga, jambo linalopelekea hasara kwa vyama vya msingi.

Mkuu wa Wilaya ya Kishapu Mkoani Shinyanga Mhe. Joseph Mkude akizungumza kwenye kikao cha Vyama vya Msingi vya Ushirika (AMCOS) wilaya ya Kishapu Novemba 1,2024 katika ukumbi wa SHIRECU- Picha na Sumai Salum 

Meneja SHIRECU Kanda-Mhunze Ramadhani Kato akizungumza kwenye kikao cha Vyama vya Msingi vya Ushirika (AMCOS) wilaya ya Kishapu

Mwenyekiti wa Chama cha Msingi AMCOS Ishosha-Basami, Cosmos Marco akizungumza kwenye kikao cha Vyama vya Msingi vya Ushirika (AMCOS) wilaya ya Kishapu

Katibu AMCOS Mihama, Bi.Mary Ndaki akizungumza kwenye kikao cha Vyama vya Msingi vya Ushirika (AMCOS) wilaya ya Kishapu

Mwenyekiti wa Chama Cha Mapinduzi CCM Wilayani Kishapu Mkoani Shinyanga Shija Ntelezu akizungumza kwenye kikao chaVyama vya Msingi vya Ushirika (AMCOS) wilaya ya Kishapu

Mwenyekiti wa Kamati ya Ujenzi, Uchumi na Mazingira na Diwani wa kata ya Mwamashele Wilaya Kishapu Mkoani Shinyanga Mhe. Lucas Nkende akizungumza kwa niaba ya Mwenyekiti wa Halmashauri hiyo Willium Jijimya Novemba 1,2024 katika kikao cha Vyama vya Msingi vya Ushirika (AMCOS) wilaya ya Kishapu

Mzee Mathius Lembo mwenyekiti wa AMCOS Lwagalalo akizungumza kwenye kikao cha Vyama vya Msingi vya Ushirika (AMCOS) wilaya ya Kishapu

Katibu wa Siasa na Uenezi Chama Cha Mapinduzi CCM Wilayani Kishapu Mkoani Shinyanga Jiyenze Seleli akizungumza kwenye kikao cha Vyama vya Msingi vya Ushirika (AMCOS) wilaya ya Kishapu

Katibu AMCOS Gimaji, Raphael Sospeter akizungumza kwenye kikao cha uVyama vya Msingi vya Ushirika (AMCOS) wilaya ya Kishapu

Wenyeviti na makatibu wa Vyama vya Msingi vya Ushirika (AMCOS) wilaya ya Kishapu wilayani Kishapu Mkoani Shinyanga wakisiliza na kuchangia mada kwenye kikao

Katibu wa AMCOS Komagililo Wilayani Kishapu Mkoani Shinyanga ,Joseph Ally akizungumza kwenye kikao cha Vyama vya Msingi vya Ushirika (AMCOS) wilaya ya Kishapu

Afisa Ushirika Wilaya ya Kishapu Mkoani Shinyanga Faraji Kimwaga akizungumza kwenye kikao cha Vyama vya Msingi vya Ushirika (AMCOS) wilaya ya Kishapu

Read More →

SERIKALI YATOA SHILINGI BILIONI 2 KUENDELEZA MIRADI YA REA

Na mwandishi wetu, Njombe

Rais wa Jamhuri ya Muungano wa Tanzania, Mhe. Dkt. Samia Suluhu Hassan ameipa kipaumbele sekta binafsi kutekeleza miradi ya nishati ya umeme kwa kuwekeza katika sekta hiyo na kuwezesha fedha ili wananchi waendelee kupata umeme wa uhakika nchini.

Hayo yamebainishwa na Mkurugenzi wa Nishati Jadidifu na Teknolojia Mbadala, Mha. Advera Mwijage alipotembelea mradi wa umeme wa Ijangala (Ijangala Mini Hydropower Plant 360 kW) uliopo katika wilaya ya Makete mkoani Njombe.

Amesema kuwa Rais Samia amefanikisha upatikanaji wa umeme wa uhakika na muda wote katika maeneo yenye miradi hiyo.

"Tunatoa shukrani kwa Rais Samia kwa kutambua mchango wa sekta binafsi katika kushirikiana na Serikali kuendeleza vyanzo vya umeme na kuhakikisha wananchi wanapata huduma," amesema Mha. Mwijage.

Vile vile ameishukuru Wizara ya Nishati na Bodi ya Nishati Vijijini kwa miongozo na maelekezo mbalimbali ya kuhakikisha REA inatekeleza majukumu yake ipasavyo katika kuwahudumia wananchi.

Vile vile, amesema kuwa, utunzaji wa mazingira katika miradi hiyo umepewa kipaumbele kwa kuwa inazalisha umeme kwa kutumia nishati jadidifu.

"Tunapata fedha kupitia mifuko inayofadhili miradi ambayo haizalishi hewa ya ukaa hivyo, mradi huu ni mojawapo ya mradi ambao hauzalishi hewa ya ukaa, ni rafiki kwa mazingira, " ameongeza Mha. Mwijage.

Kwa upande wake Mratibu wa Mradi wa Umeme Ijangala, Daudi Sanga amesema kwa kiasi kikubwa mradi huo umefadhiliwa na REA na wadau wengine wa maendeleo. Mradi huo unazalisha kilowati 360.

Read More →

TANESCO YAACHANA NA MKATABA WA MIAKA 20 WA UNUNUZI WA UMEME NA SONGAS

TANESCO imeachana na Mkataba wa Miaka 20 wa Ununuzi wa Umeme na Songas: Hii ni hatua muhimu kuelekea kujitegemea kwa Nishati chini ya Uongozi wa Rais Dkt. Samia Suluhu Hassan.

Katika hatua muhimu, TANESCO imetangaza kumalizika kwa mkataba wa miaka 20 wa kununua umeme kutoka Songas, kampuni inayozalisha umeme kwa njia ya gesi asilia. Hii ni hatua ya kihistoria kwa Tanzania, kwani nchi yetu inachukua hatua zaidi za kuhakikisha kujitegemea katika nishati.

Kwa mafanikio ya maendeleo ya Mradi wa Bwawa la Umeme wa Julius Nyerere, ambao tayari unaongeza megawati 940 kwenye gridi ya taifa, Tanzania sasa iko katika nafasi nzuri zaidi ya kukidhi mahitaji yake ya nishati. Uamuzi huu unaakisi dhamira ya Rais Samia ya kuhakikisha upatikanaji wa umeme wa kuaminika, wa bei nafuu, na endelevu kwa Watanzania wote.

Chini ya uongozi wake, serikali imeweka kipaumbele kwenye miradi mikubwa ya nishati, ikiiwezesha TANESCO kuongoza katika kuhakikisha upatikanaji wa umeme imara kote nchini. Hatua hii ya kimkakati inalenga kulinda maslahi ya taifa, kuunda nafasi za ajira, na kukuza uchumi.

Kwa pamoja, tunasonga mbele kuelekea mustakabali mwangavu na kujitegemea

Read More →