VIJANA WAFUNGA MWAKA KWA KUFANYA USAFI NA KUPANDA MIKOKO ENEO LA SALENDAR BRIDGE

Na Mwandishi wetu ETE

Taasisi isiyo ya Kiserikali ya Ecoblue Conservancy kwa kushirikiana na ETE, HUDEFO, Mazingira Plus, TCCI , MBRC the Ocean, Chuo cha NIT, wanafunzi wengine wa vyuo mbalimbali pamoja na wananchi mbalimbali wamefanya usafi katika eneo la Mikoko Salendar bridge pamoja na shughuli nyingine ikiwa ni pamoja na upandaji wa mikoko katika eneo hilo.

Akizungumza kwa niaba ya Kamishna Uhifadhi wa TFS Prof. Dossantos Silayo wakati wa zoezi hilo linaendelea Afisa Mhifadhi Mkuu kutoka Wakala wa Huduma za Misitu Tanzania(TFS), Frank Sima amesema zoezi hilo ni utekelezaji wa harakati za wadau wa uhifadhi wa mazingira Tanzania kupitia Taasisi na Asasi zisizo za kiserikali ambao wanaruhusiwa na sera ya misitu ya mwaka 1998 na mkakati wake wa mwaka 2021 -2031 ibara ya nne (4) ambao unaelekeza ushirikishwaji wa wadau katika uhifadhi wa misitu ya aina mbalimbali ikiwemo hifadhi za misitu ya mikoko.

"Moja kati ya kazi za hifadhi za misitu ya mikoko Tanzania kwa ujumla wake na kwengineko kokote ulimwenguni ni kuchuja takataka za aina mbalimbali, takataka ngumu pamoja na takataka kemikali ili zisiingie katika mfumo ikolojia wa matumbawe na mfumo wa bahari wa kina kirefu ambayo ndiyo sehemu ya upatikanaji wa samaki wa aina mbalimbali" alisema Sima

Aliongeza kuwa inapotekea takataka zinakuwa nyingi kutokana na kushindwa kudhibiti taka za majumbani na maeneo ambayo mito inaanzia katika vilele vya milima na katika miji mbalimbali ambapo mito inapita zinasababisha taka nyingi na kupelekea mikoko kuelemewa kutokana na uwepo wa taka hizo ngumu

Sima alitoa rai kwa jamii kuwa ili mazingira ya mikoko yaendelee kuwa salama wanajamii mbalimbali kupitia asasi mbalimbali za kiraia wana wajibu wa kuhamasisha umma kushiriki katika kusafisha mazingira ya ardhi ya mikoko ambayo imeelemewa na Taka ngumu kwa kuendelea kuzitoa ili zisiendelee kuathiri bahari.

Wakati huo huo ETE walishiriki katika kufanya usafi eneo hilo kwa lengo la kuweka mazingira safi lakini pia kutumia Dijitali kuyasemea mazingira ambayo hayawezi kujisemea yenyewe, kupitia mitandao ya kijamii na majukwaa mbalimbali ya mtandaoni kwa lengo la kufikisha ujumbe wa kukumbusha jamii kuendelea kutunza mazingira na kuyapenda ili yaendelee kuwa faida ya kizazi cha sasa na vizazi vijavyo

PICHA ZOTE NA ETE (instagram @official.ete)

Read More →

KIWANDA CHA SUKARI MKULAZI KUANZA UZALISHAJI HIVI KARIBUNI

 

 

*Mwenyekiti wa Bodi ya NSSF amesema kitapunguza nakisi ya Sukari nchini

Na Mwandishi Wetu, Morogoro

Bodi ya Wadhamini ya Mfuko wa Taifa wa Hifadhi ya Jamii (NSSF) chini ya Mwenyekiti wake, Bi. Mwamini Malemi imetembelea mradi wa kiwanda cha sukari Mkulazi kilichopo mkoani Morogoro, ambapo ameahidi kusimamia vizuri mradi huo ili uweze kuleta tija na kurudisha fedha za wanachama.

Aidha, amewahakikishia watanzania kuwa, muda si mrefu kiwanda hicho kitaanza uzalishaji wa sukari ambayo itasaidia kupunguza nakisi ya sukari nchini.

Bi. Mwamini amesema hayo wakati Bodi ya Wadhamini ya NSSF ilipofanya ziara ya kikazi katika kiwanda hicho kinachomilikiwa kwa ubia baina ya NSSF na Jeshi la Magereza.

“Mradi huu ulianzishwa na Serikali kwa lengo la kupunguza nakisi ya sukari nchini, hivyo sisi kama Bodi ya Wadhamini ya NSSF tutahakikisha mradi huu unaleta tija iliyokusudiwa pamoja na kurudisha fedha za wanachama na kupata faida kupitia uwekezaji huu,” amesema Bi. Mwamini.

Amesema mradi wa kiwanda hicho umechangia kuongeza ajira kwa watanzania, kukuza uchumi kwani hayo ndio matarajio ya Serikali ya awamu ya sita chini ya Rais Dkt. Samia Suluhu Hassan.

Naye, Mwenyekiti wa Bodi ya Wakurugenzi ya Kampuni Hodhi ya Mkulazi, Dkt. Hildelitha Msita, amewahakikishia wanahisa wa kampuni hiyo kuwa, kazi waliyopewa wanaendelea kuifanya na wanakaribia kuimaliza na tayari wameshafanya majaribio ya mitambo yote, na kuwa wako katika hatua za mwisho za majaribio hivyo muda wowote sukari itaanza kuingia sokoni.

Kwa upande wake, Mtendaji Mkuu wa Mkulazi, Selestine Some, amesema kiwanda hicho kitakuwa na uwezo wa kuzalisha sukari tani 50,000 kwa mwaka na kitatoa ajira kwa watanzania ambapo mpaka sasa kimeshatoa ajira zaidi 5,000.

Read More →

HAYA HAPA MAGAZETI YA LEO JUMAMOSI DESEMBA 23,2023

Magazeti ya leo Jumamosi

 

Read More →

WARSHA YA ASASI ZA KIRAIA YAJA NA MATUMAINI KWA JAMII ILIYOSAHAULIKA

NA EMMANUEL MBATILO, DAR ES SALAAM

Katika kilele cha Warsha ya Asasi za kiraia,iliyokuwa ikiendeshwa na Mtandao wa Jinsia Tanzania (TGNP)Wametoa mapendekezo yao katika dira ya Taifa ya 2050 kutokana na changamoto walizo zibaini katika dira ya Taifa ya 2025 katika Mambo yenye mlengo wa kijinsia.

Hayo yamesemwa leo Desemba 22,2023 Jijini Dar es Salaam na Afisa Programu na Sera kutoka Idara ya Ujenzi wa harakati nguvu za pamoja (TGNP) Bi.Logathe Loakaki alipokuwa akizungumza katika kilele cha warsha ya Asasi za kiraia ambayo imehusisha washiriki kutoka Kanda mbalimbali nchini.

Amesema kuwa wameangazia mambo mbalimbali katika dira ya Taifa 2025,katika nyanja tano ambazo ni Utamaduni,Siasa, uchumi,Jamii kwa lengo la kutambua dira imefanikiwa kiasi gani na changamoto zilizopo katika mlengo wa kijinsia.

"Kwahiyo tumeangazia dira katika hayo maeneo,kwa kiasi gani dira imeweza kujibu masuala au mahitaji yale makundi ya pembezoni na kutokana na mambo yaliyo ibuliwa wali weza kutengeneza mapendekezo tunapo elekea dira ya 2050 dira iweje, mambo gani yazingatiwe ili kuhakikisha usawa na maendeleo endelevu ya nchi kwa ujumla"Bi.Logathe Amesema.

Aidha Bi.Logathe amesema kuwa wadau kutoka Asasi za kiraia wameridhia na kuahidi kuhusu mapendekezo waliyo toa na mambo waliyo ibua kutoka katika dira hiyo yatakua chachu ya kuielimisha Jamii ili waweze kujihusisha katika Mchakato wa dira Taifa ijayo.

"Walipofika jana kwenye Warsha tulipo anza kujadiri mambo ya dira ya Taifa wengi walionesha kwamba hawakuwa wameifahamu vya kutosha na wengine hawakuwahi kuifahamu kwahiyo imekuwa fursa ya kujua dira hii kwa kutambua ombwe hilo basi katika Jamii pia hawaifahamu dira hiyo"Amesema

Pamoja na hayo ametoa wito kwa Jamii ya watanzania waishio ndani ya nchi na nje ya nchi kushiriki katika kutoa mapendekezo yao katika dira mpya ya 2050 ili kujihusisha na Mchakato huo wa dira ya Taifa kwa kutoa maoni yao kwa kubonyeza namba *152*00#kisha namba 8 Elimu,alafu kubofya 4 dira.

Kwa upande wake Mkurugenzi mtendaji wa Taasisi ya Vijana ya Right for Success,Bi.Zena Mulokozi Amesema kuwa katika Mambo ya usawa wa kijinsia Kuna mambo yako sawa na mengine hayako sawa ambapo katika dira mpya ijayo inatakiwa kuzingatiwa ili kumpa ahueni mwanamke.

"Ukija mfano sahivi kwenye kuna suala la changamoto ya nauli zimependa anaye hangaika sana ni mwanamke mwenye hali ya chini kwasababu anafanya biashara yake kwa kutumia usafiri wa umma Sasa gharama ikipanda mia moja kwake no maumivu makubwa sana ikipanda mia mbili kwake ni maumivu makubwa sana, ukiangalia hakuna mwanaume anabeba beseni kwenda kuuza mboga,serikali katika dira mpya iangalie hata kwenye suala la nauli ikiwezekana zitofautiane Kati ya mwanaume na mwanamke"Bi Zena Ameeleza.

Naye Meneja wa Programu kutoka Shirika la Builders of Future Africa,Bw.Frank Sakalani ameeleza kuwa Asasi za kiraia wamejadiri mambo ambayo haya kuwepo katika mpango wa maendeleo endelevu wa dira ya Taifa 2025 na kuyatambua ili kuyaweka katika dira mpya ya 2050 ili ioneshe wazi katika mambo ya masuala ya kijinsia.

TGNP imepanga kuichambua dira na kuweka mapendekezo yake pamoja na kuambatanisha mapendekezo ya Asasi za kiraia na kuwasilisha kwa serikali ambapo wanatarajia kuanzisha kampeni kwa kutumia vyombo vya habari kuhamasisha umma kuhusu dira hiyo.

Read More →