RC KINDAMBA AWATAKA WANANCHI KUACHA TABIA YA KUWANYANYAPA NA KUWABAGUA WANAOISHI NA VVU

Na Oscar Assenga, TANGA

MKUU wa Mkoa wa Tanga Waziri Kindamba amewaasa wananchi wa mkoa huo kucha tabia ya kuwanyanyapaa na kuwabagua watu wanaoishi na Ugonjwa wa Ukimwi kwenye ngazi ya familia na jamii kwa ujumla.

Wito huo uliotolewa katika Hotuba yake iliyosoma kwa niaba yake Mkuu wa wilaya ya Mkinga Kanali Maulid Surumbu wakati wa maadhimisho ya siku ya Ukimwi Duniani ambapo kimkoa ilifanyika kwenye viwanja vya Tangamano.

Alisema kwamba jamii inapaaswa kuacha kufanya vitendo vya ukatili wa kijinsia ambavyo vinachangia maambukizi mapya ya VVU.

Mkuu huyo wa Mkoa alisema kwamba lazima Watumishi Idara ya Afya waendelea kuwaelimisha wananchi kuhusu umuhimu wa afuasi mzuri wa dawa na kufuatilia kiwango cha VVU kwa wanaopokea huduma wanaowahudumia.

Aidha pia Mkuu huyo wa Mkoa aliitaka Idara ya Afya na Maendeleo ya Jamii kuendelea kuwashauri wananchi ambao hawajui afya zao umuhimu wa kupima afya .

“Lakini pia shirikianeni na wadau waliopo mkoani kufanya kampeni maalumu kwenye maeneo yenye viashiria vya uhatarishi wa maambukzi ya VVU sambamba na kuimarisha utendaji wa kamati shirikishi za Ukimwi katika ngazi za vijii,mitaa,kata na wilaya ili ziweze kuratibu vyema huduma za ukimwi kwenye maeneo yetu”Alisema

Mkuu huyo wa Mkoa alimshukuru Rais Dkt Samia Suluhu kwa kuendelea kujali makundi yote yenye uhitaji maalumu nchini ikiwemo wale walioathirika na ugonjwa wa ukimwi.

“Tumeona kwenye mabanda tuliotembelea jinsi walivyosaidiwa na kuweza kujikita kwenye shughuli mbalimbali za kiuchumi ili waweze kujikimu mahitaji yao ya kila siku na jinsi huduma zinavyotolewa za kuondoa unyanyapaa katika Jamii”Alisema

Kauli mbiu ya maadhimisho hayo ya Ukimwi Kitaifa yamefanyika Mkoani Morogoro yaliobeba kauli Mbiu ya mwaka huu Jamii iongoze kutokomeza Ukimwi na hiyo inahimiza umuhimu wa kutoa nafasi kwa jamii kushika hatamu katika jitihada za kutokomeza ukimwi.

Hivyo ni Rai yangu kwa Asasi za Kiraia ambazo zinashirikisha makundi mbalimbali ya kijamii hasa zenye hatari ya kupata maambukizi ya VVU kuwa mstari wa mbele kwenye kupambana na kutekeleza afua mbalimbali za ukimwi kwenye mkoa huo.

Mratibu wa Ukimwi Mkoa wa Tanga Dkt Suleiman Msangi alisema kwamba maambukizi ya Ukimwi bado ni makubwa katika mkoa huo hivyo wanahitaji wadau wote waongeze mikakati ya kukabiliana na hali hiyo ikiwemo utoaji wa elimu kwenye majukwaa mbalimbali, muhadhara, kiasiasa na dini.

Alisema mkoa wa Tanga wanaendelea na mapambano mbalimbali ya kuhakikisha wanatokomeza maambukizi ya VVU ikiwemo upimaji wa VVU ambao unaendelea kwa wananchi kwenye vituo vya Serikali na Binafsi.

Dkt Msangi alisema kwamba mkoa huo umepata mdau anayefuatilia ndugu mwenye kifua kikuu anayegundulika na ukimwi na dawa za kupunguza makali ya VVU na Ukimwi zinaendelea kutolewa bila malipo kwa mtu yeyote anayegundulika na kuishi navyo.

Read More →

MWENYEKITI WA BODI YA NSSF AFANYA ZIARA YA KIKAZI MAKAO MAKUU YA NSSF

*Aahidi ushirikiano wa kutosha kufanikisha utendaji wa Mfuko

*Mkurugenzi Mkuu aweka wazi mafanikio na mikakati ya uboreshaji huduma

Na MWANDISHI WETU

Mwenyekiti wa Bodi ya Wadhamini ya Mfuko wa Taifa wa Hifadhi ya Jamii (NSSF), Bi. Mwamini Malemi, amefanya ziara ya kikazi Makao Makuu ya Mfuko wa Taifa wa Hifadhi ya Jamii (NSSF) jijini Dar es Salaam, na kuahidi kufanya kazi kwa ushirikiano na Menejimenti pamoja na wafanyakazi wa Mfuko.

Katika ziara hiyo ya kikazi iliyofanyika  tarehe 5 Desemba 2023, Bi. Malemi alikutana na kuzungumza na wajumbe wa Menejimenti ya NSSF, ambapo pamoja na mambo mengine alipokea taarifa ya utendaji kazi kutoka kwa Mkurugenzi wa Mkuu, Bw. Masha Mshomba.

Taarifa ya NSSF iliyowasilishwa na Bw. Mshomba ilionesha utendaji mzima wa Mfuko, ikigusia uandikishaji wanachama, uchangiaji, uwekezaji pamoja na ulipaji mafao. Aidha Bw. Mshomba alizungumzia kuhusu uboreshaji huduma kwa wanachama, uboreshaji mifumo na namna wafanyakazi wanavyoshirikiana katika kuhakikisha majukumu ya Mfuko yanakamilika.

Akizungumza na waandishi wa habari mara baada ya kuzungumza na Menejimenti ya NSSF, Bi. Mwamini alimshukuru Mhe. Rais Dkt. Samia Suluhu Hassan kwa kumuamini na kumteua kushika nafasi hiyo, ambapo aliahidi kufanya kazi kwa ushirikiano ili kuweza kufikia malengo na matarajio ya Mfuko.

Awali, Bw. Mshomba alimueleza Mwenyekiti huyo matarajio ya Mfuko ikiwemo kuendelea kuboresha huduma kwa wanachama kupitia njia mbalimbali ikiwemo ya matumizi ya TEHAMA kwani hicho ndio kipaumbele muhimu cha NSSF.

Bw. Mshomba alisema matarajio ya Mfuko ni kuona mwanachama baada ya kustaafu na kuwasilisha taarifa zake zote zinazotakiwa kwa mujibu wa Sheria analipwa stahiki zake ndani ya muda mfupi.

Read More →

HAYA HAPA MAGAZETI YA LEO JUMATANO DESEMBA 6,2023

  






- Advertisement -

Read More →

ZIMBABWE YAPONGEZA MIFUMO YA UTUNZAJI TAARIFA ZA MADINI TANZANIA

Na. Wizara ya Madini , Dodoma.

Ujumbe wa Wataalam kutoka Wizara ya Madini na Maendeleo ya Migodi nchini Zimbabwe umeipongeza Wizara ya Madini kuwa na mfumo mzuri wa Usimamizi wa Leseni za Madini ujulikanao _Mining Cadastre Information Management System_ (MCIMS) unaotumia Teknolojia shirikishi katika utunzaji wa taarifa za madini.

Hayo yamebainishwa leo Desemba 5 , 2023 jijini Dodoma na Mkurugenzi Mkuu wa Huduma za Uendeshaji Migodi Wizara ya Madini nchini Zimbabwe Charles Simbalache wakati mafunzo kuhusu mfumo wa MCIMS unaotumika Tanzania.

Ikiwa siku ya kwanza ya mafunzo maalum kwa ujumbe huo, Wataalam wa Wizara ya Madini Tanzania wakiongozwa na Kamishna Msaidizi Francis Mihayo wameeleza juu ya mfumo mzima wa MCIMS unavyofanyakazi kuanzia hatua ya awali za kujisajili huku akieleza faida zinazopatikana ndani ya mfumo huo.

Sambamba na hapo, ujumbe huo umejifunza kuhusu Sheria za Madini na Kanuni zake, Muongozo wa Sera ya Madini, mifumo ya utoaji leseni pamoja na aina zake .

Pia, ujumbe huo umeelezwa jinsi Wizara ya Madini inavyosimamia maendeleo ya migodi nchini na namna ya kujikinga na majanga katika migodi na jinsi inavyosimamia utunzaji wa mazingira maeneo yenye migodi.

Kwa upande wake, Naibu Mkurugenzi wa Maendeleo ya Teknolojia ya Mawasiliano Wizara ya Madini Zimbabwe, Bi. Susane Kachote, amesema kuwa lengo la ziara hii ni kupata mafunzo kuhusu namna bora kuimarisha na kuweka teknolojia ya kuweza kusimamia mnyororo mzima wa sekta.

"Pamoja na usimamizi pia tukiwa na mifumo mizuri itasaidia kuzuia mianya ya utoroshaji madini nchini Zimbabwe" Kachote amesema

Awali, akifungua mafunzo hayo Kamishna Msaidizi kutoka Wizara ya Madini Francis Mihayo amesema kuwa Tanzania inatajwa kufanya vizuri katika sekta ya madini kutokana na kuwepo kwa mifumo mizuri ya usimamizi kuanzia ngazi ya uchimbaji mdogo mpaka mkubwa, jambo linalopelekea mataifa mengine kuja Tanzania kujifunza namna ya usimamizi wa mifumo hiyo.

Kutokana na kufanana kwa jiolojia nchi ya Tanzania na Zimbabwe zimekuwa zikishirikiana katika kubadilishana uzoefu katika sekta ya madini.

Read More →

TRA DODOMA YARUDISHA SHUKURANI KWA WENYE UHITAJI

Na Dotto Kwilasa,Dodoma

Ikiwa ni Siku ya kilele cha Wiki ya mlipa Kodi,Mamlaka ya Mapato Tanzania (TRA)Mkoa wa Dodoma imeadhimisha siku hiyo kwa kurudisha shukrani kwa jamii ambapo imetembelea vituo vya watoto yatima na makazi ya wenye mahitaji maalumu ili kuwafariji. 

Aidha TRA imetembelea Hospitali ya Taifa ya afya ya akili Jijini hapa (MIREMBE) pamoja kituo cha watoto yatima cha Nyumba ya Matumaini kilichopo Miyuji Dodoma na kujitolea zawadi mbalimbali zikiweno Nguo, Sabuni, juisi,Viatu, Sukari, Unga na matunda kama shukurani kwa walipa kodi.

Akizungumza kwenye kilele hicho leo Desember 5,2023 jijini hapa, Meneja wa TRA Mkoa wa Dodoma,Castro John amesema  wamefikia uamuzi huo ili kurudisha shukrani kwa jamii kutokana na umuhimu wa jamii kwenye maendeleo ya taifa.

Amesema,"Tunaunga mkono juhudi za kuwajenga wenye Uhitaji,tumekuja hapa kuwapa moyo ili wapone warudi kwenye uzalishaji na Sisi tupate Kodi,nawashukuru wateja wetu kwa kuendelea kutoa ushirikiano mzuri kwetu,tunatambua mchango ambao wameutoa kwa serikali na maendeleo ya mkoa huu kwa mwaka wa fedha 2022/23 ,"amesema na Ku ongeza;

"Tumetoa msaada huu kwa Wagonjwa wa afya ya akili kwa kuwa tunatambua wao ni sehemu ya Jamii kwa kuwa wagonjwa hao ni jamii ambayo inategemewa kiuchumi, " amesema.

Amesema TRA inajivunia kuwahudumia walipa kodi na wafanyabiashara kwani ndiyo wanaochochea maendeleo na kuwaomba walipa kodi wote kutumia machine ya EFDs  kuweka kumbukumbu na kupata makadirio ya kodi sahihi. 

"EFDs inasaidia kulipa kodi inayostahili kwani wengine wanakuwa wanasema kodi ni kubwa na wakati hawana kumbukumbu hivyo nawasihi walipa kodi kuhakikisha wanatumia mashine hiyo" amesisitiza 

Kwa upande wake Kaimu Mkurugenzi Mkuu wa Hospital ya MIREMBE Dr Innocent Mombeki amesema Masauala ya afya ya akili hapo nyuma hayakupewa kipaumbele lakini sasa kila mtu anaelewa umuhimu wa afya ya akili hivyo ni muhimu jamii kuendelea kutilia mkazo suala LA afya ya akili. 

"Hakuna afya bila afya ya akili, akili yako ndo inakufanya uonekane binadamu, mtu akiwa na afya njema ndiye anakuwa mlipa Kodi mzuri

Naye Afisa ustawi wa Jamii wa Hosptali hiyo Faraja Mazengo ametumia nafasi hiyo kuiomba jamii na Wadau mbalimbali  kusaidia huduma za afya katika hospitali hiyo kutokana na kuwepo kwa idadi kubwa ya Wagonjwa wa afya ya akili ambao wamekuwa wakitelekezwa. 

Amesema Hospitali hiyo ambayo kwa mwezi inapokea wagonjwa 700 hadi 800 imekuwa ikiwahudumia wagonjwa hao huku kukiwa hakuna msaada unaokidhi mahitaji hivyo kwa kujitoa zaidi kutasaidia kuwapa unafuu. 

"Tumefarijika kuona TRA inatukumbuka,jamii inapaswa kuelewa kuwa huduma za Kodi zinategemea afya ya akili tunategemea kulipa kodi ikiwa tuko sawa kiakili hivyo ni muhimu kuwahudumia wenye uhitaji, " amesema

Read More →