VITUO VYA TAARIFA NA MAARIFA VYACHOCHEA VUGUVUGU LA MAENDELEO KWA WANANCHI

Deogratius Temba kutoka Mtandao wa Jinsia Tanzania akizungumza na baadhi ya wajumbe wa kituo cha taarifa na Maarifa cha Kijiji cha Miyuguyu kata ya Kiloleli.

Deogratius Temba kutoka Mtandao wa Jinsia Tanzania akizungumza na baadhi ya wajumbe wa kituo cha taarifa na Maarifa cha Kijiji cha Miyuguyu kata ya Kiloleli.

Wajumbe wa Kituo cha taarifa na maarifa cha kijiji cha Miyuguyu wakijadiliana namna ya kukabiliana na matukio ya ukatili wa kijinsia baada ya kujengewa uwezo na Mtandao wa jamii Tanzania (TGNP)

Wajumbe wa Kituo cha taarifa na maarifa cha kijiji cha Miyuguyu wakijadiliana namna ya kukabiliana na matukio ya ukatili wa kijinsia baada ya kujengewa uwezo na Mtandao wa jamii Tanzania (TGNP)

Nyumba iliyojengwa na wakazi wa kijiji cha Miyuguyu kwa ajili ya Mwalimu wa Shule ya Msingi ambaye awali alikuwa akiishi Shuleni.

Vyoo vilivyojengwa na wakazi wa kijiji cha Miyuguyu kwa ajili ya matumizi ya wanafunzi wa shule ya Msingi Miyuguyu.

***

Uwepo wa Vituo vya Taarifa na Maarifa mkoani Shinyanga vimetajwa kuwa kichocheo muhimu katika ujenzi wa Vuguvugu na mabadiliko kwenye jamii ambapo katika Kijiji cha Miyuguyu wilayani Kishapu wamefanikiwa kuhamasisha wananchi kujenga nyumba mpya ya Mwalimu na matundu 12 ya vyoo katika Shule ya Msingi Miyuguyu.

Hayo yamebainishwa katika Kikao cha Tathimini ya hali ya utendaji kazi wa kituo cha taarifa na Maarifa cha kijiji hicho, ambapo baadhi ya wajumbe wake akiwemo Agness Kwilasa katibu wa kituo hicho, amesema mafanikio hayo yamesababishwa na hamasa iliyotokana na Bunge la jamii.

Amesema kabla ya kuanzishwa kwa kituo hicho mwitikio wa jamii kushiriki shughuli za maendeleo ulikuwa mdogo lakini baada ya Mtandao wa jinsia Tanzania (TGNP) kuwajengea uwezo kupitia Midahalo na Bunge la jamii katika kukabiliana na mila na desturi hasi zilizopitwa na wakati.

“Tuliziibua changamoto mbalimbali zilizokuwa zinakikabili kijiji chetu ambapo wananchi waliazimia kujenga nyumba ya mwalimu ambaye alikuwa anaishi katika moja ya Ofisi katika Shule ya Msingi Miyuguyu kutokana na uhaba wa makazi ya walimu,”amesema Kwilasa.

Nae Hamis Mashauri Ofisa Mtendaji wa kijiji hicho amesema tatizo la uhaba wa nyumba za walimu katika shule ya Msingi Miyuguyu linasababisha walimu kushindwa kutekeleza majukumu yao ipasavyo ndio maana wanakijiji walihamasika na kuamua kujenga nyumba hiyo ili kuboresha mazingira bora ya kufanyia kazi.

“Shule hii ina wanafunzi 524,madarasa sita, walimu wapo sita na nyumba za walimu zipo tatu mbili zizojengwa na serikali na moja iliyojengwa na wananchi,mwalimu wa kike yupo mmoja tu na inauhaba wa walimu 11,”amesema Mashauri.

Kwa upande wake Getrude Missana Mwalimu wa shule ya Msingi Miyuguyu amesema awali kabla ya kujengewa nyumba hiyo alikuwa anaishi katika moja ya ofisi katika Shuleni hapo hali iliyokuwa inamuwia vigumu kutekeleza majukumu yake hadi alipohamia katika nyumba iliyojengwa na wakazi wa kijiji hicho.

“Tunaiomba serikali ituboreshe mazingira ya kazi ikiwemo ujenzi wa Makazi ya walimu katika vituo vya kazi ili kutimiza majukumu yetu ipasavyo,hapa mimi ni mwalimu wa kike peke yangu niliyesalia wengi wakipangiwa wanaomba uhamisho kutokana na changamoto hizi,”amesema Missana.

Edward Manyama ni diwani wa kata ya Kiloleli amesema serikali imeanza kutatua kero mbalimbali zinazowakabili wakazi wa kijiji cha Miyuguyu ikiwemo ya walimu ambapo kwa sasa shule hiyo inakabiliwa na uhaba wa walimu 11 na waliopo ni sita pekee.

“Ofisi ya Mkurugenzi wa Halmashauri ya Kishapu imeahidi kuleta walimu wapya katika Shule ya Msingi Miyuguyu,niwaombe wananchi waendelee kutoa ushirikiano kwao ili waweze kutimiza majumu ya kuwafundisha watoto wetu,”amesema Manyama.

Awali akizungumza wajumbe wa kituo cha taarifa na maarifa cha Kijiji cha Miyuguyu Deogratius Temba kutoka Mtandao wa Jinsia Tanzania (TGNP)amepongeza jitihada zizofanikisha kujengwa kwa nyumba ya mwalimu ambaye awali alikuwa akiishi shuleni.

“TGNP inawajengea uwezo wananchi kupitia vituo hivi ili waweze kuiziibua changamoto zinazowakabili na kuzipatia suluhisho,ujenzi wa nyumba hii na matundu ya vyoo 12 ni kielelezo kwamba Wakazi wa kijiji cha Miyuguyu wamebadilika na wameamua kushiriki katika shughuli za maendeleo kwa pamoja,”amesema Temba.

Read More →

MAMA MARIAM MWINYI AZINDUA MSIMU WA NNE WA CRDB BANK MARATHON, SHILINGI BILIONI 1 KUKUSANYWA KUSAIDIA AFYA YA MAMA NA MTOTO

Benki ya CRDB kupitia taasisi yake ya CRDB Bank Foundation, leo imezindua rasmi msimu wa nne wa mbio za CRDB Bank Marathon ikwa na lengo la kukusanya Shilingi Bilioni 1 kwa ajili ya kusaidia kuboresha afya ya mama na mtoto nchini. 

Uzinduzi huo umefanyika wakati wa mahojiano ya wanahabari na Mke wa Rais wa Zanzibar na Mwenyekiti wa Zanzibar Maisha Bora Foundation, Mheshimiwa Mariam Mwinyi, yaliyofanyika Ikulu Mjini Zanzibar.

Akizindua msimu wa nne wa CRDB Marathon 2023, Mama Mariam Mwinyi aliipongeza Benki ya CRDB kwa msaada wake usioyumba kwa afya ya mama na mtoto kupitia mbio hizo. Katika hotuba yake, alitoa wito kwa Watanzania kutoka nyanja mbalimbali, pamoja na wakimbiaji kutoka nje ya Tanzania, kujiandikisha kwa wingi katika mbio za CRDB Bank Marathon 2023.

Mama Mariam Mwinyi alisisitiza kuwa juhudi za pamoja za washirika na wakimbiaji ni muhimu katika kufikia lengo la kuchangisha fedha kusaidia kutatua changamoto zinazoikabili jamii ziilizoanishwa katika malengo ya mbio hizi ikiwamo afaya ya mama na mtoto. Aliongezea kuwa kumsaidia mama ni kusaidia jamii nzima na akawataka watu binafsi kuunga mkono jitihada hizo na kuchangia katika mbio hizo.

Katika mahojiano hayo Mama Mariam Mwinyi alizungumzia wito wake binafsi katika kusaidia jamii uliopelekea kuanzisha taasisi ya Zanzibar Maisha Bora Foundation yenye lengo la kuboresha maisha ya Wazanzibari kiuchumi na kijamii kwa kuzingatia zaidi afya ya mama na mtoto. Alitoa shukurani zake kwa benki hiyo kwa kuchagua kujikita katika sekta ya afya Zanzibar, eneo ambalo linamgusa sana na ambapo pia ni mdau mkubwa.

“Ustawi wa jamii yetu unahitaji kila mmoja wetu kuwa na wito wa kujitoa katika masuala mbalimbali ya kijamii,” alisema Mama Mariam Mwinyi. “Kupitia Taasisi ya Zanzibar Maisha Bora Foundation tunalenga kuinua maisha ya Wazanzibari kiuchumi na kijamii kwa kutilia mkazo zaidi afya ya mama na mtoto, naipongeza Benki ya CRDB na washirika wake kwa kuungana nasi katika kuleta mabadiliko katika sekta ya afya Zanzibar kupitia CRDB Bank Marathon."

Mheshimiwa alitumia fursa hiyo pia kutangaza kuwa Mheshimiwa Dk Hussein Mwinyi, Rais wa Serikali ya Mapinduzi ya Zanzibar, amekubali kuwa Mgeni Rasmi katika msimu wa nnne wa CRDB Marathon 2023. Mbio hizo zimepangwa kufanyika Agosti 13 katika viwanja vya The Green maarufu kama viwanja vya Farasi vilivyopo Oysterbay jijini Dar es Salaam.

Kwa upande wake, Tully Esther Mwambapa, Mkurugenzi Mtendaji wa taasisi ya CRDB Bank Foundation, alieleza kuwa wamejipanga vilivyo kuhakikisha msimu wa nne unakuwa wa kipekee na uzoefu uliobora zaidi kwa wakimbiaji na washiriki wote. Tully anibainisha kuwa mbio za mwaka huu wamejipanga kuhakikisha usalama zaidi kwa wakimbiaji, na kusema kuwa katika upande wa burudani pia wamejipanga vilivyo na kuhimiza washiriki kujisajili wao pamoja na familia zao kwani mbio hizo pia zimezingatia burudani kwa watoto.

Mwambapa alibainisha kuwa msimu wa nne wa CRDB Bank Marathon unalenga kufikia malengo matatu muhimu. Kwanza, ujenzi wa kituo cha afya cha mama na watoto katika visiwa vya Zanzibar ni kipaumbele kikubwa. Mpango huo unaoendana na malengo ya Zanzibar Maisha Bora Foundation, inayoongozwa na Mke wa Rais wa Zanzibar, Mama Mariam Mwinyi, unaimarisha zaidi dhamira ya Benki ya CRDB katika kusaidia afya ya mama na mtoto nchini.

Pili, kupitia mbio hizo Benki ya CRDB imejipanga kuendeleza jitihada za kusaidia matibabu ya akina mama walio na mimba hatarishi na kutatua changamoto ya fistula katika hospitali ya CCBRT. Mwambapa alisisitiza umuhimu wamsaada huo sio tu kutoa matibabu bali pia kuwawezesha akina mama hao kiuchumi ili kusaidia familia na jamii zao ipasavyo.

Aidha, CRDB Bank Marathon 2023 inalenga kuendeleza msaada wake kwa matibabu ya watoto wenye matatizo ya moyo katika Taasisi ya Moyo ya Jakaya Kikwete. Mwambapa amesema kuwa pamoja na mafanikio yaliyopatikana katika kipindi cha miaka mitatu iliyopita bado ipo ya haja ya kuendelea kushughulikia changamoto hiyo ya kiafya inayowaathiri watoto nchini.

Tullo Mafuru, Mkurugenzi wa Uwekezaji wa Sanlam ambao ni washirika wakubwa wa CRDB Bank Marathon amesema taasisi yao inajivunia kuwa sehemu ya mbio hizo kwa misimu minne mfululizo. Tullo alisema Sanlam ikiwa kampuni inayoongoza katika sekta ya bima nchini afya ya wateja imekuwa kipaumbele kikibwa kwao, sababu ambayo imepelekea kusaidia kufanikisha malengo ya mbio hizo husasani katika kusaidia afya ya mama na mtoto.

Usajili wa mbio za CRDB Bank Marathon 2023 umefunguliwa rasmi kupitia tovuti rasmi ya mbio hizo www.crdbbankmarathon.com. Watanzania na washiriki wa kimataifa wanakaribishwa kujisajili na kushiriki mbio hizi za kizalendo zenye nia ya kuboresha ustawi wa jamii nchini ikiwamo afya ya mama na mtoto nchini Tanzania. Kwa mujibu wa Mkurugenzi Mtendaji wa CRDB Bank Foundation, Tully Esther Mwambapa, mwaka huu malengo ni kupata washiriki 7,000.

Katika kipindi cha miaka mitatu iliyopita mbio za CRDB Bank Marathon zimekua kwa kiasi kikubwa kwa, shukrani kwa washirika na wakimbiaji kutoka Tanzania na kutoka duniani kote. Kwa muda wa miaka mitatu iliyopita, mbio hizo zimeweza kukusanya zaidi ya Shilingi bilioni 1.5 kusaidia changamoto mbalimbali zinazoikabili jamii.

“Mafanikio yaliyopatikana ni pamoja na kusaidia upasuaji wa watoto zaidi ya 300 wenye matatizo ya moyo katika Taasisi ya Moyo ya Jakaya Kikwete, kusaidia ujenzi wa Kituo cha kisasa cha Mawasiliano katika Taasisi ya Saratani ya Ocean Road, kusaidia matibabu ya akina mama walio katika mazingira hatarishi.

wajawazito katika Hospitali ya CCBRT,” alisema Mwambapa huku akiongeza kuwa fedha hizo pia zilisaidia uhifadhi wa mazingira kupitia kampeni ya Benki ya CRDB ya Pendezesha Tanzania, na Resi za Ngalawa wakati wa tamasha la Kizimkazi.

Mbio za CRDB Bank Marathon zimepata heshima kubwa kupelekea kupata usajili wa kimataifa kutoka kwa kutoka Chama cha Usajili na Upimaji wa Mbio za Kimataifa (AIMS) kwa kushirikiana na Shirikisho la Kimataifa la Mchezo wa Riadha (World Athletics).

Read More →

HAYA HAPA MAGAZETI YA LEO JUMATATU JUNI 5,2023

Read More →

TANESCO DODOMA YAHIMIZWA AFYA NA UTENDAJI KAZI

Naibu Mkurugezi Mtendaji wa Usambazaji kutoka Shirika la Umeme Tanzania Mhandisi Athanasius Nangali,akizungumza.

*****

MENEJA wa Shirika la Umeme Tanzania TANECO, Mkoa wa wa Dodoma Mhandisi Donasiano Shamba amewataka wafanyakazi wa Shirika hilo kuzingatia mazoezi ili kuimarisha afya zao ili kuongeza ufanisi katika utoaji huduma kwa wananchi.

Shamba ameyasema hayo jijini hapa wakati wa Bonanza la michezo lilohudhuriwa na wafanyakazi wa Shirika hilo ambapo pamoja na kushiriki michezo mbalimbali, wafanyakazi hao wamehimizwa kuongeza ufanisi katika utoaji huduma kwa wananchi.

"Kama Mkoa wa Dodoma tutaendelea kusimamia utendaji kuhakikisha huduma bora zaidi kwa Wateja wetu kwa kuhakikisha tunachochea na kusimamia vizuri afya za wafanyakazi haswa kupitia michezo ambayo ni kipaumbele katika kuhakikisha tunafanikiwa." Alisema Shamba.

Bonanza hilo limefanyika kwa kushirikiana na benki ya Biashara ya Akiba ambapo Mshindi wa Jumla ilikuwa ni timu ya mpira wa miguu ya Dodoma Mjini iliyowachapa timu ya Chamwino kwa magoli matatu kwa mawili na kuondoa na kombe la Bonanza.

Pia katika hafla fupi ya jioni iliyoambatana na Bonanza hilo, TANESCO kupitia Naibu Mkurugenzi wa Usambazaji Mhandisi, Athanasius Nangali ilitambua Wateja wake vinara Mkoa wa Dodoma ambao ni DUWASA na UDOM pamoja na CFM Radio kama mdau maalum kwa Shirika.

Read More →

WANANCHI PERAMIHO WAHIMIZWA KURASIMISHA SHUGHULI ZAO ZA KIUCHUMI BRELA

 

Waziri wa Nchi, Ofisi ya Waziri Mkuu (Sera, Bunge, Uratibu) Mhe. Jenista Mhagama (Mb) akiteta jambo na Msajili Msaidizi wa Wakala wa Usajili wa Biashara na Leseni (BRELA), Bi Fatma Jumanne mara baada ya kukabidhiwa shajala pamoja na vipeperushi mbalimbali vinavyoelezea hatua za uramishaji wa biashara, katika mafunzo ya siku moja kwa wananchi zaidi ya 600 yalifanyika Peramiho, Songea Juni 3, 2023.

Maafisa wa Wakala wa Usajili wa Biashara na Leseni (BRELA) wakitoa mafunzo kuhusu huduma zinazotolewa na BRELA kwa wananchi zaidi ya 600 wa Halmashauri ya Wilaya Songea waliyofanyika Juni 3, 2023 Peramiho, Songea. Katika mafunzo hayo Msajili Msaidizi Bi. Fatma Jumanne ameelezea mchakato mzima wa kusajili Majina na Biashara na Kampuni, ambapo Afisa Leseni Bw. Koyan Ndalway ametoa elimu kuhusu hatua zinazohitajika ili kupata Leseni za Biashara kundi "A" na umuhimu wa kupata Leseni za Viwanda pamoja na usajili wa Viwanda Vidogo, huku Afisa Sheria Bw. Andrew Malesi akiwaleza juu ya umuhimu wa kusajili Alama za Biashara na huduma ili bidhaa zao ziweze kujitofautisha sokoni.

Na Mwandishi wetu Peramiho,Ruvuma

Waziri wa Nchi, Ofisi ya Waziri Mkuu (Sera Bunge na Uratibu) na Mbunge wa Jimbo la Perahimo, Mhe. Jenista Mhagama, amewataka wananchi wa Jimbo hilo kurasimisha biashara zao ili kwenda na wakati na kujiletea maendeleo ya uhakika.

Waziri Mhagama ameyasema hayo wakati wa kuhitimisha mafunzo ya siku moja kwa wananchi wa Jimbo la Peramiho mkoani Ruvuma, yaliyotolewa na Wakala wa Usajili wa Biashara na Leseni (BRELA), June 3, 2023.

Mhe. Mhagama amesema kuwa wananchi wa Songea kwa ujumla wamekuwa wakijishughulisha na kilimo na shughuli nyingine za kiuchumi, hivyo kutokuramisha

biashara zao BRELA kunasababisha kukosa manufaa mengi zaidi.

Mhe. Mhagama ametumia fursa hiyo pia kuipongeza BRELA kwa kufanikisha mafunzo kuhusu huduma inazozitoa kwani wamekuwa lango la kufungua biashara nchini, hivyo wananchi wa Peramiho watanufaika na elimu hiyo.

" Niwapongeze BRELA mmefanya jambo zuri sana kufika katika eneo hili na kukutana na wananchi hawa na inaonesha wameelewa na watafanyia kazi, hivyo BRELA tutawahitaji wakati mwingine mje msajili hapa hapa watu wapate vyeti vyao, naomba salamu hizi mzifikishe kwa Afisa Mtendaji Mkuu na tunashukuru sana sisi wana Peramiho", ameongeza Waziri Mhagama.

Wakati huo huo Waziri Mhagama amewakumbusha wananchi kuchangamkia fursa ya mafunzo hayo kwa kuanza mchakato wa kujisajili BRELA ili kupata manufaa zaidi.

"Hili ni kwenu wananchi elimu hii ambayo ni muhimu muifanyie kazi na hakika mtaona manufaa yake kwani sisi ni wazalishaji wazuri wa mahindi na tunafanya biashara, hivyo tukisajili itakuwa rahisi hata kufanya biashara na mataifa mengine", ameongeza Waziri Mhagama. 

Mafunzo hayo ya siku moja yamewakutanisha wananchi zaidi ya 600 kutoka katika maeneo mbalimbali ya Halmashauri ya Wilaya ya Songea ambayo yameratibiwa na BRELA pamoja na Ofisi ya Mbunge wa Peramiho.

Read More →