MASWAYETU BLOG

RC MJEMA AZINDUA VITABU VYA KUBORESHA USIMAMIZI WA ELIMU...AONYA MATUMIZI YA MITANDAO YA KIJAMII , WALIMU KUJIHESHIMU

Unknown 17:51:00 NEWS No comments

Mkuu wa Mkoa wa Shinyanga Dkt. Sophia Mjema akionesha Vitabu vya Kuboresha Usimamizi wa Elimu

Mkuu wa Mkoa wa Shinyanga Dkt. Sophia Mjema akionesha Vitabu vya Kuboresha Usimamizi wa Elimu.

Na Kadama Malunde - Malunde 1 blog

Mkuu wa Mkoa wa Shinyanga Dkt. Sophia Mjema amezindua Vitabu vya Kuboresha Usimamizi wa Elimu kwa mkoa wa Shinyanga ambavyo ni pamoja na kitabu cha Mkakati wa Kuimarishaji Ufundishaji na Ujifunzaji Ngazi ya Elimu Msingi, Kitabu cha Changamoto katika Uboreshaji wa Elimu Msingi na Sekondari. Nini Kifanyike? pamoja na Kitabu cha Mwongozo wa Uteuzi wa Viongozi wa Elimu katika Mamlaka za Serikali za Mitaa na Mikoa.

Uzinduzi wa Vitabu vya Kuboresha Usimamizi wa Elimu kwa mkoa wa Shinyanga umefanyika leo Jumanne Septemba 6,2022 katika Ukumbi wa Chuo Cha Ualimu Shinyanga (SHY COM) Mjini Shinyanga baada ya Waziri Mkuu wa Jamhuri ya Muungano wa Tanzania Mhe. Kassim Majaliwa kufanya Uzinduzi wa Vitabu hivyo kitaifa Agosti 4,2022 mkoani Tabora.

Akizungumza wakati wa uzinduzi huo leo, Mkuu wa Mkoa wa Shinyanga Dkt. Sophia Mjema amesema vitabu hivyo vitasaidia kuboresha usimamizi wa elimu mkoani Shinyanga huku akisisitiza kuwa anataka kuona mabadiliko mkoani Shinyanga na kuhakikisha walimu na wanafunzi wanalindwa na watoto wanasoma na kufaulu na walimu wanakuwa na nidhamu.

“Ili kuboresha elimu tuna wajibu kufanya kazi kwa kujituma na kushirikiana. Tuhakikishe tunadhibiti utoro, tuhakikishe kuwa watoto hawaolewi wangali wadogo,kusiwe na mimba za utotoni, watoto wafuatiliwe waende shule na Watoto wadogo chini ya miaka 18 wasiwe wafanyakazi wa ndani bali wapelekwe shule na wazazi tuhakikishe tunalinda watoto huku tushirikiana na walimu. Pia kuwe na mikakati ya kuwashirikisha wazazi kushiriki maendeleo ya shule”,amesema Mjema.

Mkuu huyo wa mkoa huo ametumia fursa hiyo kuwakumbusha na kuwatadharisha wazazi na walezi kuhusu matumizi ya mitandao ya kijamii kwa watoto kwani kuna mambo mabaya mtandaoni ambayo hayapaswi kuonwa na watoto.

“Tuwafundishe watoto kuhusu TEHAMA lakini tuzuie watoto kuingia kwenye mitandao isiyofaa. Kwenye mitandao ya kujamii kuna mambo ya ajabu sana, Hakikisheni mnalinda watoto dhidi ya mitandao ya kijamii kwani mtoto anaweza kujifunza mambo mabaya ana akayafanya kwa vitendo”,amesema Mjema.

Aidha amesema Serikali itaendelea kuweka mazingira mazuri kwa walimu na kuondoa mazingira ya udhalilishaji kwa walimu huku akiwataka walimu kujiheshimu na kulinda heshima ya ualimu.

“Tutaendelea kuboresha miundombinu ya shule pamoja na kuondoa mazingira ya udhalilishaji kwa walimu. Lakini na nyinyi walimu jiheshimuni, mkijiheshimu jamii itawaheshimisha, msivae mavae ya ajabu ajabu na mjitahidi kuwa na lugha nzuri. Jiwekeni kwenye hali ambayo mtaweza kujiheshimu”,amesema Mjema.

Mkuu wa Mkoa wa Shinyanga Dkt. Sophia Mjema akizindua Vitabu vya Kuboresha Usimamizi wa Elimu kwa mkoa wa Shinyanga leo Jumanne Septemba 6,2022 katika ukumbi wa Chuo cha SHYCOM Mjini Shinyanga. Kulia ni Katibu Tawala Mkoa wa Shinyanga Prof. Siza Tumbo, kushoto ni Mstahiki Meya wa Manispaa ya Shinyanga Mhe. Elias Ramadhan Masumbuko. Picha na Kadama Malunde - Malunde 1 blog

Mkuu wa Mkoa wa Shinyanga Dkt. Sophia Mjema akionesha Vitabu vya Kuboresha Usimamizi wa Elimu ambavyo ni pamoja na kitabu cha Mkakati wa Kuimarishaji Ufundishaji na Ujifunzaji Ngazi ya Elimu Msingi, Kitabu cha Changamoto katika Uboreshaji wa Elimu Msingi na Sekondari. Nini Kifanyike? pamoja na Kitabu cha Mwongozo wa Uteuzi wa Viongozi wa Elimu katika Mamlaka za Serikali za Mitaa na Mikoa. Kulia ni Katibu Tawala Mkoa wa Shinyanga Prof. Siza Tumbo, kushoto ni Mstahiki Meya wa Manispaa ya Shinyanga Mhe. Elias Ramadhan Masumbuko.

Mkuu wa Mkoa wa Shinyanga Dkt. Sophia Mjema akionesha Vitabu vya Kuboresha Usimamizi wa Elimu

Mkuu wa Mkoa wa Shinyanga Dkt. Sophia Mjema akikabidhi Vitabu vya Kuboresha Usimamizi wa Elimu kwa Katibu Tawala Mkoa wa Shinyanga Prof. Siza Tumbo kwa ajili ya kuvikabidhi kwa viongozi wa ngazi ya wilaya.

Mkuu wa Mkoa wa Shinyanga Dkt. Sophia Mjema akizungumza wakati akizindua Vitabu vya Kuboresha Usimamizi wa Elimu kwa mkoa wa Shinyanga leo Jumanne Septemba 6,2022.

Katibu Tawala Mkoa wa Shinyanga Prof, Siza Tumbo na Afisa Elimu Mkoa wa Shinyanga Dafroza Ndalichako (kulia) wakisikiliza hotuba ya Mkuu wa Mkoa wa Shinyanga Dkt. Sophia Mjema akizindua Vitabu vya Kuboresha Usimamizi wa Elimu kwa mkoa wa Shinyanga leo Jumanne Septemba 6,2022.

Afisa Elimu Mkoa wa Shinyanga Dafroza Ndalichako akizungumza wakati Mkuu wa Mkoa wa Shinyanga Dkt. Sophia Mjema akizindua Vitabu vya Kuboresha Usimamizi wa Elimu kwa mkoa wa Shinyanga leo Jumanne Septemba 6,2022.

Katibu Tawala Mkoa wa Shinyanga Prof, Siza Tumbo akizungumza wakati Mkuu wa Mkoa wa Shinyanga Dkt. Sophia Mjema akizindua Vitabu vya Kuboresha Usimamizi wa Elimu kwa mkoa wa Shinyanga leo Jumanne Septemba 6,2022.

Mstahiki Meya Manispaa ya Shinyanga Mhe. Elias Ramadhan Masumbuko akizungumza wakati Mkuu wa Mkoa wa Shinyanga Dkt. Sophia Mjema akizindua Vitabu vya Kuboresha Usimamizi wa Elimu kwa mkoa wa Shinyanga leo Jumanne Septemba 6,2022.

Mkuu wa Mkoa wa Shinyanga Dkt. Sophia Mjema (kushoto) akiteta jambo na Katibu Tawala Mkoa wa Shinyanga Prof, Siza Tumbo wakati wa uzinduzi wa Vitabu vya Kuboresha Usimamizi wa Elimu kwa mkoa wa Shinyanga

Wadau wa elimu wakiwa ukumbini wakati wa uzinduzi wa Vitabu vya Kuboresha Usimamizi wa Elimu

Wadau wa elimu wakiwa ukumbini wakati wa uzinduzi wa Vitabu vya Kuboresha Usimamizi wa Elimu.

Picha na Kadama Malunde - Malunde 1 blog

BENKI YA CRDB YAZINDUA ATM YA KUWEKA PESA HADI MILIONI 100

Unknown 15:51:00 NEWS No comments

Afisa Mkuu wa Uwendeshaji wa Benki ya CRDB, Bruce Mwile (wapili kulia) akikata utepe kuashiria uzinduzi wa mashine mpya na ya kisasa ya kuweka pesa ( Deposit ATM) katika hafla fupi iliyofanyika kwenye tawi ya Benki ya CRDB, Mlimani city jijini Dar es salaam. Wengine pichani ni Mkuu wa Kitengo cha Uwakala wa Kibenki wa Benki ya CRDB, Erick Willy (wapili kushoto), Kaimu Meneja wa Benki ya CRDB Kanda ya Mashariki, George Yateta (kulia) pamoja na Meneja wa Benki ya CRDB tawi la Mlimani City, Zaituni Manoro.

---

Wateja wa Benki ya CRDB sasa kupata huduma ya kuweka fedha masaa 24 kupitia ATM za kisasa za kuweka pesa. Hayo yameelezwa leo na Afisa Mkuu Uendeshaji wa Benki hiyo, Bruce Mwile wakati akizindua huduma hiyo katika tawi la Benki ya CRDB Mlimani City.

Akizungumza na Waandishi wa Habari, Mwile alisema mashine hiyo inatumia teknolojia ya kisasa ambayo inawawezesha wateja kuweka pesa wenyewe bila usaidizi kwa urahisi, usalama, na unafuu. Mwile alisema mashine hizo zinauwezo wa kupokea hadi shilingi milioni 100 kwa mara moja.

“Tunatambua zipo biashara ambazo zinaendeshwa nje ya muda wa kazi wa kawaida ambapo matawi ya Benki na hata CRDB Wakala wanakuwa wamefunga, mashine hii inakwenda kutatua changamoto hii kwani huduma ya kuweka pesa sasa itapatikana masaa 24 kwa urahisi na usalama zaidi,” alisisitiza.

Pamoja na msisitizo wa mifumo ya kidijitali, ukweli ni kuwa matumizi ya fedha taslimu ‘noti na sarafu’ bado ni makubwa. Hii inaifanya huduma ya kuweka pesa “deposit” kuwa moja ya huduma muhimu za kibenki. Mashine hii ya kisasa ya kuweka pesa iliyozinduliwa na Benki ya CRDB inatarajiwa kuleta mapinduzi makubwa ya kihuduma.

Akieleza namna ya kutumia mashine hiyo Mwile alisema: “Mteja atatakiwa kuchagua lugha anayopenda kati ya kiswahili na kingereza, kisha ataweka TemboCard yake na kuingiza namba ya siri. Mteja ataweka pesa hadi noti 200 na kisha kubonyeza kitufe cha ‘Weka Pesa’, kisha utapokea taarifa kupitia ujumbe mfupi.”

Mwile aliongezea kuwa pamoja na kuzindua mashine hiyo katika tawi la Mlimani City, Benki ya CRDB pia inatarajia hadi ifikapo mwishoni mwa mwezi Oktoba itazindua mashine nyengine za kisasa zaidi katika miji na sehemu zote zenye biashara kubwa kote nchini ikiwemo Mwanza, Arusha, Dodoma.

Benki ya CRDB inatajwa kuwa Benki kiongozi nchini ikiongoza katika ubunifu wa huduma na bidhaa zinazokidhi mahitaji halisi ya wateja. Benki ya CRDB inaongoza kwa kuwa na mtandao mpana zaidi wa utoaji huduma kupitia matawi zaidi ya 260, CRDB Wakala zaidi ya 22,000, ATMs zaidi ya 550, na vifaa vya manunuzi (PoS) zaidi ya 2,500.

Benki ya CRDB pia inaongoza kwa ubunifu wa mifumo ya kidijitali ya utoaji huduma ikiwamo SimBanking, SimAccount, Internet Banking, na TemboCard. Mtandao wa Benki hiyo umevuka mipaka hadi Burundi ambapo ina kampuni tanzu, na hivi karibuni inatarajia kuingia katika nchi ya Jamhuru ya Kidemokrasia ya Congo.

Mkuu wa Kitengo cha Uwakala wa Kibenki wa Benki ya CRDB, Erick Willy (wapili kulia) akiweka taarifa zake katika mashine ya kuweka pesa ( Deposit ATM) wakati wa hafla ya uzinduzi wake uliofanyika kwenye tawi ya Benki ya CRDB, Mlimani city jijini Dar es salaam.

Meneja wa Benki ya CRDB tawi la Mlimani City, Zaituni Manoro akizungumza katika hafla fupi ya uzinduzi wa mashine mpya na ya kisasa ya kuweka pesa ( Deposit ATM) iliyofanyika kwenye tawi ya Benki ya CRDB, Mlimani city jijini Dar es salaam.

TARURA YAONDOA KERO YA WANANCHI SAME KWA KUFUNGUA BARABARA MPYA

Unknown 14:51:00 NEWS No comments

Ujenzi wa barabara mpya ya Mpirani Dispensari – Dindimo Primary School (4.30 KM) inayojengwa kwa kiwango cha changarawe katika kata ya Bombo Wilaya ya Same utawapunguzia wananchi kero ya kutembea kwa takribani kilomita 18 wakitumia barabara ya mzunguko ya Maore – Vuje – Bombo.

Akizungumza mbele ya bodi ya ushauri ya TARURA iliyofanya ziara ya ukaguzi, kaimu meneja wa TARURA Wilaya ya Same mhandisi James Nyamega alisema barabara hiyo itakuwa ni ukombozi mkubwa kwa wananchi wa kata ya Bombo na Maore kwasababu ni fupi.

“Barabara hii mpya itarahisisha wananchi kwenda kupata mahitaji maeneo mbalimbali, sambamba na usafirishaji wa mazao hasa Tangawizi ambayo inalimwa kwa wingi maeneo ya milimani,” alisema James.

Diwani wa kata ya Maore Mhe. Rashid Juma alisema kuwa wameipokea barabara hiyo kwa furaha sana kwani imeongeza mahusiano ya ujirani mwema kati ya bombo na maore kwani mwanzo walikuwa wakitumia nauli ya shilingi 14,000 lakini sasa kwa barabara mpya nauli itakuwa 7,000 hivyo kurahisisha usafiri na usafirishaji.

“Sisi wana Maore tunasema kwamba tunashukuru sana TARURA na Serikali kwa ujumla kwani imetusaidia sana sasa itakuwa rahisi kutoa mazao kutoka milimani kwenda masokoni,” alisema Juma.

Aidha Mhe. James aliomba ufafanuzi kwa viongozi wa TARURA kuhusu mtu mmoja aliyedai kuwa yeye ndiye aliwatafuta wafadhili kwa ajili ya kutengeneza barabara hiyo ili wananchi wawe na ufahamu.

Akijibu hoja hiyo mtendaji mkuu wa TARURA mhandisi Victor Seff alisema anashangaa hoja hiyo imetoka wapi na yeye kama mtendaji mkuu alitegemea aambiwe kama kuna changamoto yoyote katika ujenzi ili itatuliwe.

“Kama mmesikiliza taarifa ya meneja hapa, hizi pesa ni za Serikali na zimetolewa na Mheshimwa Samia Suluhu Hassan, Rais wa Jamuhuri ya Muungano wa Tanzania, kwa hiyo hao labda ni watu wanapiga porojo tu. Hii pesa inatoka Serikalini na ndiyo maana tumekuja kukagua kama pesa imetumika ipasavyo au labda kama barabara imejengwa chiuni ya kiwango ili tuchukue hatua hapahapa lakini naona hilo halipo,” alisema Seff.

Angela Mgonja mkazi mkazi wa Kijiji cha Mpirani, alisema kuwa wanamshukuru sana Mungu kwa barabara hiyo kwani walikuwa wakiamka saa nane za usiku kuanza safari ya kwenda Maore sokoni wakiwa na vitochi tu.

“Lakini kwa sasa hivi tunamshukuru Mungu sana kwa ajili ya maendeleo yetu na kwa ajili ya Rais wetu Samia Suluhu Hassan, Mungu ambariki,” alisema Angela.