CHAMA CHA MAPINDUZI WAFURAHIA UWEKEZAJI MKUBWA UNAOFANYWA NA SERIKALI KATIKA SEKTA YA ELIMU NCHINI

 

Na Mwandishi Wetu,Michuzi TV

CHAMA Cha Mapinduzi (CCM) kimesema kinaridhishwa na uwekezaji mkubwa uliofanywa na Serikali ya Awamu ya Sita inayoongozwa na Rais Samia Suluhu Hassan katika sekta ya elimu nchini.

Kauli hiyo imetolewa leo Julai 21,2022 na Katibu wa Halmashauri Kuu ya Taifa (NEC) ya CCM, Itikadi na Uenezi, Shaka Hamdu Shaka alipotembelea Maonesho ya 17 ya Vyuo Vikuu yanayoendelea Viwanja vya Mnazi Mmoja mkoani Dar es Salaam.

Kabla ya kutoa kauli hiyo Shaka alipata nafasi ya kutembelea mabanda mbalimbali yaliyokuwepo kwenye Maonesho hayo na kisha akatoa maelezo kuhusu na jitihada zinazofanywa na Serikali katika kuboresha sekta ya elimu nchini ukiwemo Wizara ya elimu na Taasisi zake.

"Katika elimu kuna uwekezaji mkubwa uliofanywa na Rais Samia Suluhu Hassan ambao unaendelea kutoa matunda mazuri katika sekta hii na Chama chetu kinaridhishwa sana,"amesema Shaka na kuelezea hatua kwa hatua yanayoendelea kufanywa na Serikali ili kuendelea kuiboresha zaidi ya sekta ya elimu.

“Nimetembelea mabanda ya taasisi mbalimbali za elimu zinazoshiriki maonyesho haya, nimejionea na kusikia mambo makubwa ya maendeleo,” ameeema na kuongeza katika bajeti ya mwaka huu ongezeko la fedha kwa ajili ya mikopo ya wanafunzi wa elimu ya juu pamoja na wizara nzima ya elimu, ni hatua muhimu iliyotengeneza mazingira rafiki kwa sekta ya elimu,"amesema Shaka.

Akielezea zaidi Shaka amesema huko nyuma kulikuwa na malalamiko mengi aliyokuwa akiyapokea ofisini kwake kuhusu mikopo ya wanafunzi wa elimu ya juu, yaliyomlazimu kutembelea Bodi ya Mikopo ya Wanafunzi wa Elimu ya Juu (HESLB) na sasa hali imeimarika.

Amefafanua kwamba Rais Samia amefanya kazi kubwa katika sekta ya elimu katika kipindi cha mwaka mmoja na moja ya mambo ambayo hayazungumzwi sana ni namna alivyosamehe deni la karibia Sh. trilioni 1.1 ambalo lilikuwa halilipiki kwa bodi hii ya mikopo.

Aidha Shaka amesema Sh.bilioni 985 ambazo zimetengwa katika bajeti ya 2022/2023 kwa ajili ya kuboresha miundombinu ya vikuu, kuwapatia mafunzo ya taaluma wahadhiri na kununua vitendea kazi itazidi kutengeneza mazingira mazuri kufundisha na kujifunzia.

“Azma na utayari wa Rais Samia kuibeba sekta hii ya elimu sote tumekuwa mashuhuda, name nataka niwaambie kuwa ameanza vizuri, tunaamini uboreshaji huu utaendelea."

Kwa upande wake Katibu Mtendaji wa Tume ya Vyuo Vikuu (TCU), Profesa Charles Kihampa amesema wanaishukuru Serikali ya CCM kwa kuendelea kuitazama kwa karibu sekta ya elimu nchini na kwamba katika kipindi cha mwaka mmoja madarakani, uwekezaji mkubwa umefanywa a na Rais Samia katika elimu.

Amesema uwekezaji huo umechochea ongezeko la wanafunzi wanaodahiliwa kwa ajili ya elimu ya juu kutoka wanafunzi 8,7934 hadi 100,620.Aidha Profesa Kihampa amemueleza Shaka kuhusu juhudi zinazoendelea katika kuboresha elimu na taaluma inayotolewa na Vyuo Vikuu nchini.

Katibu wa Halmashauri Kuu ya Taifa (NEC) ya CCM, Itikadi na Uenezi, Shaka Hamdu Shaka akieleza jambo kwa  Viongozi waandamizi wa  Tume ya Vyuo Vikuu Tanzania  (TCU), Prof Charles Kihampa  pamoja na Mkurugenzi Udahili na Menejimenti ya Data Dkt.Kokuberwa Mollel mara baada ya kuwasili katika viwanja vya Mnazi Mmoja kwa ajili ya kutembelea Maonesho ya 17 ya Vyuo Vikuu yanayoendelea katika Viwanja vya Mnazi Mmoja mkoani Dar es Salaam.PICHA NA MICHUZI JR-MMG

.

Katibu wa Halmashauri Kuu ya Taifa (NEC) ya CCM, Itikadi na Uenezi, Shaka Hamdu Shaka akipokewa na Viongozi waandamizi wa  Tume ya Vyuo Vikuu Tanzania  (TCU), Prof Charles Kihampa  pamoja na Mkurugenzi Udahili na Menejimenti ya Data Dkt.Kokuberwa Mollel wakati akiwasili leo Julai 21,2022 katika viwanja vya Mnazi Mmoja kwa ajili ya kutembelea Maonesho ya 17 ya Vyuo Vikuu yanayoendelea katika Viwanja vya Mnazi Mmoja mkoani Dar es Salaam

Katibu wa Halmashauri Kuu ya Taifa (NEC) ya CCM, Itikadi na Uenezi, Shaka Hamdu Shaka akizungumza mbele ya waandishi wa vyombo vya habari mara baada ya kutembelea Maonesho ya 17 ya Vyuo Vikuu yanayoendelea katika Viwanja vya Mnazi Mmoja  leo Julai 21,2022mkoani Dar es Salaam.

Katibu wa Halmashauri Kuu ya Taifa (NEC) ya CCM, Itikadi na Uenezi, Shaka Hamdu Shaka akisaini kitau cha wageni katika moja ya banda la chuo kikuu cha Mzumbe,wakati akiendelea kutembelea Maonesho ya 17 ya Vyuo Vikuu yanayoendelea katika Viwanja vya Mnazi Mmoja  leo Julai 21,2022 mkoani Dar es Salaam.Pichani kati ni Katibu Mtendaji wa TCU Prof Charles Kihampa na kushoto ni Mkuu wa Kitengo Cha Mawasiliano na Masoko wa Chuo Kikuu Cha Mzumbe Bi. Rose Joseph

Katibu wa Halmashauri Kuu ya Taifa (NEC) ya CCM, Itikadi na Uenezi, Shaka Hamdu Shaka akimsikiliza Katibu Mtendaji wa Tume ya Vyuo Vikuu Tanzania  (TCU), Prof Charles Kihampa alipotembelea kwenye moja ya banda la Wakala wa Masuala ya elimu kutoka nchini India,wakati akitembelea Maonesho ya 17 ya Vyuo Vikuu yanayoendelea katika Viwanja vya Mnazi Mmoja leo Julai 21,2022 mkoani Dar es Salaam

Read More →

HAYA HAPA MAGAZETI YA LEO IJUMAA JULAI 22,2022

 

Magazetini leo Ijumaa July 22,2022

ACT Wazalendo yashauri mkataba TICTS usiongezwe...

Read More →

SAKHO AONDOKA NA TUZO YA GOLI BORA CAF

Mchezaji wa timu ya Simba Msenegal Pape Othman Sakho akiwa katika picha ya pamoja na mkongwe wa soka la Afrika J. J. Okocha huku akiwa ameshikilia kiatu chake Cha dhahabu baada ya kushinda tuzo ya goli mora la Afrika ambalo aliifungia timu yake kwenye uwanja wa Mkapa jijini Dar es salaam wakati Simba ilipokutana na timu ya Asec Mimosas ya Ivory Coast katika michuano ya kombe la Shirikisho barani Afrika inayoandaliwa na Shirikisho la Mpira wa Miguu Afrika CAF.

Akizungumza wakati akishukuru katika hafla hiyo mara baada ya kupokea tuzo yake Pape Othman Sakho amesema Kwa kimombo " "Thank you Tanzania people's , Thank you Simba fan's and all players" Amemaliza Sakho

Read More →

PADRI AUAWA KWA KUPIGWA RISASI

Padri aliyetekwa asadikika kuuawa

PADRI mmoja wa Kanisa la Katoliki anayefahamika kwa jina la John Mark Cheitnum ambaye alitekwa nyara akiwa na wenzake wawili, ameuawa kwa kupigwa risasi katika Jimbo la Kaduna nchini Nigeria.

Taarifa zinaeleza kuwa mauaji hayo yametekelezwa na watu wenye silaha waliovamia jimbo hilo na kwamba mwili wa padri huyo umegundulika jana Jumanne.

Padri mwengine aliyekuwa ni miongoni mwa waliotekwa nyara, Donatus Cleopas aliachiwa huru jana huku ikiwa bado haijafahamika chanzo cha mauaji ya Padri Cheitnum.

Taarifa zinaeleza kwamba mapadri hao walitekwa nyara kwa kutumia mtutu wa bunduki siku ya Ijumaa walipokuwa katika makazi yao kwenye kijiji cha Yadin Garu nchini Nigeria.

Mwenyekiti wa shirikisho la Wakristo wa Nigeria katika Jimbo la Kaduna, Joseph Hayab amesema kwamba watekaji nyara walipokea pesa kwa ajili ya kuwaachia hao mapadri.

Padri John Mark Cheitnum ameuawa katika Jimbo la Kaduna nchini Nigeria

Mwenyekiti Hayab ameeleza kuwa watekaji nyara waliowaongoza watu walioleta pesa za kuwakomboa mapadri hadi mahali ambapo ulikuwepo mwili wa padri aliyeuawa.

Ripoti inaleza kwamba tangu Mei, mwaka huu takriban makumi wa mapadri wa Kikristo, wengi wao wakiwa ni Wakatoliki wametekwa na watu wenye silaha Nigeria kote.

Serikali ya Nigeria inapitia wakati mgumu kutokana na kushindwa kukabiliana na ukosefu mkubwa wa usalama licha ya kusambaza maelfu ya wanajeshi katika nchi hiyo ili kukabiliana na watekaji nyara.

Read More →

HAYA HAPA MAGAZETI YA LEO ALHAMISI JULAI 21, 2022

Read More →

WAZIRI WA MAMBO YA RAIS WA SUDANI KUSINI AWASILI NCHINI

 

Waziri wa Elimu, Sayansi, na Teknolojia  Prof Adolf Mkenda (kulia) akizungumza na Waziri wa Mambo ya Rais wa Sudani Kusini Dkt Barnaba Marial Benjamin mara alipowasili katika uwanja wa ndege wa Kimataifa wa Kilimanjaro (KIA).

Waziri wa Mambo ya Rais wa Sudani Kusini Mhe Dkt Barnaba Marial Benjamin.

Na Mathias Canal, KILIMANJARO.

Waziri wa Elimu, Sayansi, na Teknolojia Prof Adolf Mkenda (Mb)leo tarehe 20 Julai 2022 amempokea Waziri wa Mambo ya Rais wa Sudani Kusini Dkt. Barnaba Marial Benjamin katika uwanja wa ndege wa Kimataifa wa Kilimanjaro (KIA).

Dkt Barnaba amewasili nchini kwa ajili ya kumuwakilisha Rais wa Sudani Kusini Mhe Salva Kiir kwenye Mkutano wa 22 wa Wakuu wa nchi na serikali wa jumuiya ya Afrika Mashariki.

Aidha Mkutano huo unatarajiwa kufanyika kuanzia tarehe 21-22 Julai 2022 katika ukumbi Ukumbi wa kimataifa wa mikutano-AICC Jijini Arusha.

Read More →